| 23240 | MAT 2:2 | अक्खेलॽरिक् पाःन् सेःन्म़ेदोसु, “यहुदिहाॽऱे खुनिॽ हाङ् क़ेबोःङ्बाआङ् साग़ेवाःन्छिङ्बान् आत्तो वाॽबे? आनिग़े नाम्ग़ेन् पिसाङ् कुसावाःन्छिङ्माल्ल़ेन् मिक्सेःन् क़ेबिबा खेःम्सिक्किन् निःसुम्ब़ेआङ् खुऩेॽ कुसेवा चोःक्स़े त्य़ेॽइग़ेबारो॥” |
| 23258 | MAT 2:20 | म़ेत्तु, “पोग़ेॽआङ् अङ़ेःक्वाःन् नु कुम्माःन् इस्राइल लाजेॽओ तेॽऱेस़ेॽओ, थेआङ्भ़ेल्ल़े अङ़ेःक्वाःन् स़ेप्मा क़ेगोःप्प़ेन्स्य़ेआङ् होःप्लो॥” |
| 23268 | MAT 3:7 | कर यरिक् फरिसिहाॽ नु सदुकिहाॽ बप्तिस्मा पोःङ्स़े खुऩेॽओ म़ेद्य़ेर म़ेबत्छ़ेबा निःसुसिआङ् अक्खे म़ेत्तुसिर फ़ेःक्तुसि, “असेःक्सासे, खिनिॽ कन् क़ेदाःबार क़ेबप्पा निङ्वाॽफुमाङ्ङिल्ल़े कुघुम्दिङ्लाम् ख़ेत्छिङ्ङ़ेम्म़ेॽ फाॽआङ् हाःत्ल़े क़ेम़ेत्तिबे? |
| 23301 | MAT 4:23 | य़ेसुऱे यहुदि चुम्लुङ्हिम्हाॽओ निसाम् हुॽरुसिर निङ्वाॽफुहाङ्जुम्मिल्ल़े कुयाःम्बेओ सुनाइङ् स़ेःसु, ह़ेक्क्याङ् क़ेऱेक् परिक्ल़ेन् तुक्मा यॽमालाम् क़ेदुक्पाहाॽ वेःन्दुसिर गालिल थुम्मो खाराक् ताक्कन्द़ेरो॥ |
| 23309 | MAT 5:6 | ह़ेक्क्याङ् साम्योनिबा याःम्बक् चोःक्माओ स्याङ्म़ेन्दाङ् क़ेबप्पाहाॽ मुॽइसाबासिरो, थेआङ्भ़ेल्ल़े निङ्वाॽफुमाङ्ङिल्ल़े कुनिङ्वाॽ ह़ेक्के चोःक्मा ख़ेङ्हाॽ फाॽरुसिॽरो॥ |
| 23326 | MAT 5:23 | ह़ेक्केःल्ल़े ख़ेऩेॽ माङ्हिम्मोबा ल़ेत्तिङ्तोःम्माद़ेन्नो ल़ेत्तिङ्ङिन् तोःम्मानुःल्ल़े तगि ख़ेऩेॽनु क़ेन्देःङ्बाल्ल़े कुनिङ्वाॽ तुग़ेआङ् वाॽबा क़ेनिङ्वाॽ सुम्मो ताऩे फाॽग्र |
| 23327 | MAT 5:24 | क़ेल़ेत्तिङ्ङिन् ल़ेत्तिङ्तोःम्माद़ेन्निल्ल़े कुबेसाङ् ऩेस्स़े थ्य़ेॽआङ् क़ेऱेक्नुःल्ल़े तगि क़ेन्देःङ्बाल्लो पेग़ेॽआङ् नादङ् चोग़ेत्छ़ेॽओ॥ ह़ेक्क्याङ्लक् त्य़ेॽआङ् क़ेल़ेत्तिङ्ङिन् तोःन्द़ेॽओ॥ |
| 23353 | MAT 6:2 | ह़ेक्केलॽरिक् म़ेङ्गप्मनाबाहाॽ कुजा क़ेबिरुसिल्ल़े वेॽहाॽऱे म़ेघ़ेप्सुर म़ेनिःसुर फाॽआङ् मुक्ला म़ेमुक्ख़ेन्ऩेॽओ॥ कुनिङ्वाॽ क़ेजिःप्पाहाॽऱे यहुदि चुम्लुङ्हिम्मो नु लाम्लाम्मो मनाहाॽऱे म़ेनिःसुआङ् खुनिॽ नारा म़ेभोःसुर फाॽआङ् ह़ेक्के म़ेजोगुॽ॥ इङ्गाॽ स़ेक्खाए म़ेत्ऩेॽ, ख़ेङ्हाॽऱे खुनिॽ हाङ्स़ेम्मिङ्ग तगिसा म़ेघोःसु म़ेसुरुआङ् म़ेवाॽ॥ |
| 23356 | MAT 6:5 | “ह़ेक्क्याङ् खिनिॽ तुवा क़ेजोगुम्मिल्ल़े कुनिङ्वाॽ क़ेजिःप्पाहाॽ कुइसिःक् म़ेजोग़ेम्मिन्ऩेॽओ॥ ख़ेङ्हाॽऱेग मनाहाॽऱे म़ेनिःसुर फाॽआङ् यहुदि चुम्लुङ्हिम्मो नु लाम्लाम्मो य़ेप्माआङ् तुवा चोःक्मा खुनिॽ सिराॽ थाङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱे खुनिॽ याःम्बक्किल्ल़ेन् हाङ्स़ेम्मिन् तगिए म़ेघोःसु म़ेसुरुआङ् म़ेवाॽरो॥ |
| 23438 | MAT 8:24 | हक्चघत् वरक्को किप्मा क़ेघुःबा सुरित्क़ेजजङ्ङिन् हुःमा हेःक्त़ेआङ् वाभ़ेल्ल़ेङ्ङिल्ल़े खःङ्बेन् व़ेत्ल़ेक्तिम्स़ेरो॥ कर य़ेसुःङ्ग इप्स़ेआङ् ऩेस्स़ेरो॥ |
| 23442 | MAT 8:28 | ह़ेक्क्याङ् खुऩेॽ वरक्किल्ल़े नाहाङ्दाङ् गदरिनि लाजेॽओ क़ेऱे, ह़ेक्केःल्ल़े ख़ेप्मो इप्पुङ्द़ेन्लाम् फ़ेन्साम्मिल्ल़े याङ्घुसिबा ऩेप्फु मनाहाॽ कुदुम्स़े फ़ेऱेत्छि॥ ख़ेङ्हाॽ कम्म्याक् साॽरिक् किप्मा क़ेघुःबा चोग़ेत्छि आत्तिन्नाङ् ख़ेन् त़ेन्नो पोःङ्मार लाङ्घेःक्मा म़ेन्छुक्त़ेन्लो॥ |
| 23483 | MAT 9:35 | य़ेसुःन् यहुदि चुम्लुङ्हिम्हाॽओ हुॽरुसिर निङ्वाॽफुहाङ्जुम्मिल्ल़े कुयाःम्बेओ सुनाइङ् स़ेःसुर क़ेऱेक् परिक्ल़ेन् क़ेदुक्पा क़ेयॽबाहाॽ वेःन्दुसिर य़ेक्यक् नु पाङ्भेॽहाॽओ लाम्दिःक् चोग़ेरो॥ |
| 23503 | MAT 10:17 | मनाहाॽनु सिङ्सिङ् य़ेक्य़ेक् लॽऱेम्म़ेॽओ, थेआङ्भ़ेल्ल़े ख़ेङ्हाॽऱे खास़ेन् लोःम्मा हिम्मो खिनिॽ क़ेम्देॽरिॽ, यहुदि चुम्लुङ्हिम्मो त़ेःम्भुक् क़ेम्बिरिॽरो॥ |
| 23511 | MAT 10:25 | हुॽसाम्ब़ेन् कुसिक्साम्ब़ेन्कुइसिःक् ह़ेक्क्याङ् सेवारोब़ेन् कुन्दाङ्ब़ेन्कुइसिःक् पोःङ्माए पोःङ्लो॥ ह़ेक्केलॽरिक् इङ्गाॽ हिम्दाङ्बान्ने ख़ेङ्हाॽऱे फ़ेन्साम्हाॽऱे खुनिॽ हाङ् बालजिबुल म़ेम़ेत्ताङ्ङिल्ल़े आहिम्सयङ्बाहाॽग ख़ेन्नुःल्ल़ेआङ् साॽरिक् फ़ेन् मिङ्हाॽ म़ेवाःत्तुसिॽरो॥ |
| 23523 | MAT 10:37 | कुम्बा कुम्मासि इङ्गाॽनुःल्ल़ेआङ् यरिक् लुङ्माॽ क़ेदुक्प़ेन्आहुॽसाम्बा पोःङ्मा म़ेलाॽरुन्लो॥ ह़ेक्केलॽरिक्के कुस्साः कुएहाॽ इङ्गाॽनुःल्ल़ेआङ् यरिक् लुङ्माॽ क़ेदुक्प़ेन्आहुॽसाम्बा पोःङ्मा म़ेलाॽरुन्लो॥ |
| 23559 | MAT 12:1 | थिक्ल़ेङ् य़ेसुःन् नु कुहुॽसाम्बाहाॽ नाःम्सिङ्य़ेन्नो प्याङ्सिग़ेन् इक्ताप्लुम्मोनु म़ेबेर म़ेबत्छ़ेल्ल़े कुहुॽसाम्बाहाॽऱे खुनिॽ स़ेत्लाःक्त़ेआङ् सिःदाप्माहाॽ म़ेदुबुआङ् म़ेनुगुर चामा म़ेहेःक्तुरो॥ |
| 23560 | MAT 12:2 | कुभा फरिसिहाॽऱे ख़ेन् म़ेनिःसुआङ् य़ेसुःन् म़ेम़ेत्तु, “ओम़ेत्त़ेॽ, नाःम्सिङ्य़ेन्नो याःम्बक् चोःक्मा म़ेनुॽऩेन्, कर क़ेहुॽसाम्बाहाॽऱेग म़ेजोगुङ्ग!” |
| 23563 | MAT 12:5 | याम्मो मोसाऱे साप्तुबा साम्योथिम्मिन् म़ेन्निःत्ते क़ेवयिॽबि? साम्योथिम्मिल्ल़े याःम्बक् चोःक्मा म़ेनुॽऩेन् पाःत्तुसाङ् निङ्वाॽफुसाम्बाहाॽऱेआङ् नाःम्सिङ्य़ेन्नो माङ्हिम्मो याःम्बक् म़ेजोगु, करसाङ् आप्तिक् म़ेःन्नेबा म़ेबोःक्ख़ेरो॥ |
| 23567 | MAT 12:9 | य़ेसुःन् ख़ेप्मोलाम् पेआङ् यहुदि चुम्लुङ्हिम्मो लाःस़े॥ |
| 23568 | MAT 12:10 | ख़ेप्मो कुहुक् क़ेसम्बा मनाधिक् वय़े॥ ह़ेक्क्याङ् ख़ेप्मो कुभा यहुदिहाॽऱे य़ेसुःन् आप्तिक्कुःप्मा फाॽआङ् म़ेसुगुर म़ेवय़ेआङ् सेःन्म़ेदोसु, “नाःम्सिङ्य़ेन्नो मनाहाॽ वेःम्मासि साम्योथिम्मिल्ल़े आबिॽबि म़ेःम्बि?” |
| 23569 | MAT 12:11 | य़ेसुऱे ख़ेङ्हाॽ नोगप् पिरुसि, “खिनिॽ म़ेल्लुक्किन् नाःम्सिङ्य़ेन्नो केःम्बा लुम्बाःत्तो मक्थाःल्ल़े क़ेन्उःक्खुम् क़ेन्लःत्तुम्मिन्बि? |
| 23570 | MAT 12:12 | म़ेन्छाम् याप्मिःङ्ग म़ेल्लुक्किन्नुःल्ल़े इम़ेल्लुङ्बा म़ेजोःक्ऩेन्बि? नाःम्सिङ्य़ेन्नो नुःबा याःम्बक् चोःक्मा साम्योथिम्मिल्ल़े आबिॽरो॥” |
| 23572 | MAT 12:14 | कर फरिसिहाॽ यहुदि चुम्लुङ्हिम्मोलाम् म़ेलःन्द़े म़ेबेआङ् य़ेसुःन् आक्खेआङ् स़ेप्माबे फाॽआङ् पाःन् म़ेदङ्घुरो॥ |
| 23629 | MAT 13:21 | कर ताङ्बा कुस्साःप्क़ेबप्पा कुबुङ्मान् ह़ेक्के ख़ेल्ल़े सप्फारक् थरुरो॥ ह़ेक्क्याङ् पाःन्जाक्किन् नसाःन् चोगुबाल्ल़े क़ेसाक्पा पाःन् नु तुक्खेःन् तानुम़ेःन्ने हाराए नसाःन्निन् ल़ेरुदेःसुॽरो॥ |
| 23662 | MAT 13:54 | आबाङे कुबाङ्भेॽओ त्य़ेरो॥ ख़ेप्मोबा यहुदि चुम्लुङ्हिम्मो मनाहाॽ हुॽमा हेःक्तुसिल्ल़े मनाहाॽऱे कुनिसाम्मिन् म़ेघ़ेप्सुआङ् खुनिॽ निङ्वाॽ मय़ेर अक्खे म़ेबाःत्तु, “कन् मनाःल्ल़े अक्तङ्बा सिक्कुम् निङ्वाॽ नु निङ्वाॽ क़ेमाबा याःम्बक् चोःक्मा मुक्साम् आत्तोलाम् खोःसुबे? |
| 23690 | MAT 14:24 | ख़ेन् य़ेम्मो कुहुॽसाम्बाहाॽ खःङ्बेलाम् वरक्किल्ल़े कुयाओनु माःङ्घा म़ेग़ेऱेआङ् म़ेवय़ेल्ल़े खुनिॽ तक्ल़ेप्माङ्नु सुरित् केजङ्ङिन् हुःऱेआङ् वाभ़ेल्ल़ेङ्ङिल्ल़े खःङ्बेन् साॽरिक् वाःन्दुरो॥ |
| 23708 | MAT 15:6 | ख़ेल्ल़े आबाङे कुम्बा कुम्मासि कुभाॽ पिमासिआङ्मिङ्सो इङ्धाःङ् पिमासि म़ेबोःङ्ऩेन्लॽरिक् खिनिॽ क़ेबाःत्तुम्माङ्आप्फेःक् खिनिॽ चोःक्थिम्मिल्ल़े निङ्वाॽफु पाःन्जाक्किन् थेना-धेबा क़ेजोगुम्माङ् क़ेवयिॽरो॥ |
| 23728 | MAT 15:26 | य़ेसुऱे म़ेत्तु, “हिन्जाॽबित्छाहाॽऱे खुनिॽ खऱेःङ्ङिन् नाप्मासिआङ्कोःत्चोहाॽ पिमासि नुःबा म़ेःन्लो॥” |
| 23779 | MAT 17:10 | ख़ेङ्हाॽऱे य़ेसुःन् सेःन्म़ेदोसु, “थेआङ् साम्योथिम्साम्बाहाॽऱे निङ्वाॽफुमाङ्ङिल्ल़े सेःन्दुबा ख्रिस्त़ेन्ताःमानुःल्ल़े तगि एलियाःङ्ग युःमाए पोःङ् फाॽआङ् म़ेबाःत्तुबाबे?” |
| 23828 | MAT 18:32 | हाङ्ङिल्ल़ेआङ् ख़ेन् तगिस्मा सेवारोबान् उःत्तुआङ् म़ेत्तु, ‘ख़ेऩेॽग ताक्क़ेभ़ेॽबा सेवारोबाऩेरो! ख़ेऩेॽ पेलि क़ेभाक्ताङ्बाल्ल़े क़ेऱेक् क़ेसिङ्नाःत्तिन् ल़ेप्मि पिऩेआङ् वयाङ्लो॥ |
| 23835 | MAT 19:4 | य़ेसुऱे म़ेत्तुसि, “म़ेःम्ब़े! साम्योसाप्लाओ क़ेबप्पा पाःन्निन् खिनिॽ म़ेन्निःत्ते क़ेवयिॽबि? चइःत्दाङ्बाल्ल़े कुहेःक्सिङ्मोए ‘ख़ेङ्हाॽ य़ेम्बित्छाॽ नु म़ेन्छुमाॽ चोगुसिरो॥’ |
| 23869 | MAT 20:8 | ह़ेक्क्याङ् युःन्छिक् पोःक्ख़ेल्ल़े ख़ेन् च़ेल्ल़ेक्सेॽ इक्दाङ्बाल्ल़े ख़ेन् याःलिक् क़ेभम्बान् उःत्तुआङ् म़ेत्तु, ‘क़ेऱेक्याःलिक्हाॽ उःत्त़ेस़ेॽआङ् क़ेऱेक्नुःल्ल़े एगाङ् याःम्बक्को क़ेभन्छिङ्बाहाॽओलाम् क़ेऱेक्नुःल्ल़े तगि याःम्बक्को क़ेभन्छिङ्बाहाॽऱे खुनिॽ नाम्याक्किन् हाःत्त़ेस़ेॽओ॥’ |
| 23874 | MAT 20:13 | कर ख़ेन् मनाःल्ल़े ख़ेङ्हाॽओ थिक्किन् नोगप् पिरु, ‘लाजे, इङ्गाॽ ख़ेऩेॽ निङ्घुम् म़ेम्म़ेत्ते वाॽआरो॥ ख़ेऩेॽ युप्पायाङ्धिक्को याःम्बक् चोःक्मा क़ेद़ेन्द़ेबाबि म़ेःम्बि? |
| 23932 | MAT 21:37 | ह़ेक्क्याङ् कुनुप्मो ख़ेन् इक्क़ेल्ल़े कुन्दाङ्बाल्ल़े आल्ल कन् लुङ्माॽ तुक्तुङ्बा आस्साःन् पाङ्घुङ्ङिल्ल़ेग स़ेक्खासाङ् कुना म़ेसाॽरुबिला फाॽआङ् इःत्तुआङ् कुस्साःन् पाङ्घु॥ |
| 23987 | MAT 22:46 | आत्तिन्हाॽऱेआङ्पाःन्सुत्लाधिक् नोगप् पिमा म़ेन्छुक्तुन्, ह़ेक्क्याङ् ख़ेन् य़ेन्नाङ्धो आत्तिन्हाॽऱेआङ्खुऩेॽ पाःन् सेःन्दोःमा आःन्छिङ्माआङ्म़ेन्छुक्तुन्लो॥ |
| 23992 | MAT 23:5 | ख़ेङ्हाॽऱेग नुःबा पाःन्हाॽ मनाहाॽ ओसेःन्धाक्मासि फाॽआङ्लक् म़ेजोगुरो–ख़ेङ्हाॽऱे साम्योथिम् इङ्जाःङ् साप्मा याक्मनाबा माक्प़ेन्छाप्हाॽ यम्ब्यम्बा म़ेजोगुआङ् हुक्को नु तोवाबो म़ेभत्छुॽ, ह़ेक्क्याङ् चाङ् तेःत्तो केःम्ब्केःम्बा पोरोःक्वाहाॽ म़ेभत्छुॽ॥ |
| 23993 | MAT 23:6 | ख़ेङ्हाॽ साभाङ्जा नु यहुदि चुम्लुङ्हिम्मोबा तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥ |
| 24001 | MAT 23:14 | ((खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! खिनिॽग मेमेदुमाहाॽ इङ्ग़ेल़ेक्तुम्सिम्माङ्खुनिॽ हिम्धाःङ्हाॽ क़ेनाप्तुम्सिम्, कर नुःबा ओसेःन्धाक्सिङ्माऱे लागि केःम्ब्केःम्बा तुवा क़ेजोगुम्॥ ख़ेल्ल़े चोगुल्ल़े खिनिॽ खुम्दिङ्ङिङ्ग स़ेक्खासाङ् साॽरिक् किप्मा क़ेघुःबा पोःङ्लो॥)) |
| 24021 | MAT 23:34 | ह़ेक्केःल्ल़े नुःरिक्काङ् ख़ेप्स़ेम्म़ेॽओ, ताःन्दि खिनिॽओ इङ्गाॽ माङ्निङ्वाॽपाःन् क़ेबाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ ख़ेङ्हाॽओ कुभा खिनिॽ क़ेस़ेरुम्सिम्, कुभा सिलाम्साक्मा सिङ्सम्दाङ् क़ेभोःन्दुम्सिम्, ह़ेक्क्याङ् कुभाग यहुदि चुम्लुङ्हिम्मो त़ेःम्भुक् क़ेयाक्तुम्सिम्माङ् य़ेक्यक् थप्मा निङ्घुम् क़ेम़ेत्तुम्सिम्लो॥ |
| 24046 | MAT 24:20 | चुङ्वाःम्मा य़ेम्मो नु नाःम्सिङ्य़ेन्नो खिनिॽ ख़ेत्छिङ्मा म़ेबोःङ्ऩेन्ल फाॽआङ् तुवा चोग़ेम्म़ेॽओ॥ |
| 24049 | MAT 24:23 | ह़ेक्क्याङ् ख़ेन् य़ेम्मो मनाहाॽऱे ‘ओम़ेत्त़ेम्म़ेॽ, निङ्वाॽफुमाङ्ङिल्ल़े सेःन्दुबा ख्रिस्त़ेन्कप्मो वाॽ’ इग्र ‘खुऩेॽ ख़ेप्मो वाॽ’ लॽरिक् म़ेबाःत्तुर म़ेदाःल्ल़े नसाःन् म़ेजोग़ेम्सिम्मिन्ऩेॽओ॥ |
| 24069 | MAT 24:43 | हिम्दाङ्बाल्ल़े खुःन्द्रिक्प़ेन् आत्तिन् य़ेम्मो ताः क़ेलॽबान् निङ्वाॽ खोःसुऩे फाॽग्र ख़ेल्ल़े म़ेन्इम्मे हिम्मिन् कोसुआङ् ख़ेन् खुःन्द्रिक्प़ेन् खुःप्मा म़ेबाङ्घुन् क़ेलॽबा पाःन्निन् कुसिङ् निःत्त़ेम्म़ेॽओ॥ |
| 24071 | MAT 24:45 | “आत्तिन् सेवारोबान् नसाःन्साबा नु सिक्कुम्साबा चोःक्, ख़ेन्निन् हिम्दाङ्बाल्ल़े कुहिम्धाःङ्हाॽ ओम़ेप्मा युक् पिरुआङ् ख़ेल्ल़े वेॽ सेवारोबाहाॽ य़ेम्य़ेम्मो चामा-थुङ्मा पिरुसिॽरो॥ |
| 24073 | MAT 24:47 | इङ्गाॽ स़ेक्खाए म़ेत्निङ्, ख़ेन् हिम्दाङ्बाल्ल़े ख़ेन् सेवारोबान् क़ेऱेक् कुयाङ्साकुन्धे सम्दाङ् युक् पिरुॽरो॥ |
| 24077 | MAT 24:51 | ह़ेक्क्याङ् कुन्दाङ्बाल्ल़े ख़ेन् साॽरिक् त़ेःम्भुक् याक्तुआङ् कुनिङ्वाॽ क़ेजिःप्पाहाॽनु सोरिक् खुम्दिङ् पिरुॽरो॥ ख़ेप्मोग हाःप्मान् नु साॽरिक् तुक्खेःल्ल़े हाबोॽ य़ेःङ्मान् पोःङ्लो॥” |
| 24098 | MAT 25:21 | कुन्दाङ्बाल्ल़े ख़ेन् म़ेत्तु, ‘नुःबा नु निङ्वाॽइऱे खोःप्तुबा सेवारोबाए, नुःबा क़ेजोगुरो! ख़ेऩेॽग मिसाक् याङ्ङो नसाःन्साबा क़ेबोःक्ख़े, आल्ल यरिक् पाःन्नो युक् पिऩेरो॥ आल्ल आनिॽ सोरिक् सःत्तिरो!’ |
| 24100 | MAT 25:23 | कुन्दाङ्बाल्ल़े ख़ेन् म़ेत्तु, ‘नुःबा नु निङ्वाॽइऱे खोःप्तुबा सेवारोबाए, नुःबा क़ेजोगुरो! ख़ेऩेॽग मिसाक् याङ्ङो नसाःन्साबा क़ेबोःक्ख़े, आल्ल यरिक् पाःन्नो युक् पिऩेरो॥ आल्ल आनिॽ सोरिक् सःत्तिरो!’ |
| 24103 | MAT 25:26 | ख़ेल्ल़े कुन्दाङ्बाल्ल़े ख़ेन् नोगप् पिरु, ‘ख़ेऩेॽ ताक्क़ेभ़ेॽबा नु कुल़ेम्ग़ेयुबा सेवारोबाए! ख़ेऩेॽग इङ्गाॽ आत्तो चा म़ेदेःआन् ख़ेप्मो चा सुप्सुङ्, आत्तो चा म़ेस़ेःसुङ्ङिन् ख़ेप्मो चा फुक्खुङ् फाॽआङ् क़ेनिःसुआङ्ङे क़ेवय़ेरो॥ |
| 24104 | MAT 25:27 | ह़ेक्केःल्ल़े आयाङ्ङिन् क़ेदेॽरुआङ् सिङ्नाःत् क़ेग़ेबाहाॽरो क़ेयुक्खुल्ल़े पोःक्ख़ेबारो॥ ह़ेक्के क़ेजोगुल्ल़े इङ्गाॽ नुःक्खाङ् त्याङ्ङिल्ल़े आयाङ्ङिल्ल़े कुस्साःग खोःसुङ्बा वय़ेरो॥ |
| 24120 | MAT 25:43 | इङ्गाॽ वाॽमा त़ेन् म़ेःन्ने लाम्दिःक्पा पोःक्खाङ्ङाङ् वयाङ्ङिल्ल़े खिनिॽ हिम्मो याप्मि आग़ेन्देॽरिन्, इङ्गाॽ तेःप्फुङ्म़ेःन्ने वयाङ्ङिल्ल़े तेःत् याप्मि आग़ेम्बिरिन्, ह़ेक्क्याङ् इङ्गाॽ तुगाङ् ह़ेक्क्याङ् पुङ्लाहिम्मो साक्ताङ्ङाङ् यागाङ्ङिल्ल़े याप्मि आग़ेन्छाॽरिन्लो॥’ |
| 24145 | MAT 26:22 | ह़ेक्केःल्ल़े ख़ेङ्हाॽ साॽरिक् निङ्साम्मो म़ेध्य़ेआङ्क़ेऱेक्ल़े खुऩेॽ सेःन्दोःमा म़ेहेःक्तु, “दाङ्बे, क़ेबाःत्तुबा मनाःन् इङ्गाॽबि?” |
| 24176 | MAT 26:53 | इङ्गाॽ पानुदिङ् आम्बाःन् नाःक्तुङ्ङिल्ल़े माङ्लाइङ्बाहाॽऱेन् थिक्-ऩेत् तुरानुःल्ल़े यरिक् इङ्गाॽ याप्मि ताङ्स़ेःप्स़े खिमो म़ेबाङ्घुन्सिन्बि? |
| 24177 | MAT 26:54 | कर ह़ेक्केलॽरिक् नाःक्तुङ्ङिल्ल़े साम्योसाप्लाओ अक्खेलॽरिक् पोःङ्माए पोःङ् लॽरिक् साप्त़ेबान् आक्खेआङ् क़ेप्पाबे?” |
| 24188 | MAT 26:65 | ह़ेक्क्याङ् मानिङ्वाॽफुसाम्बाल्ल़े कुसाक्क़ेन् ओसेःन्धाक्तुसिर आबाङे कुदेःत्तिन् थ़ेःक्खुआङ्अक्खे पाःत्तु, “कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोग़ेबे? कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुबान् खिनिॽ क़ेघ़ेप्सुम्लो॥ |
| 24237 | MAT 27:39 | ख़ेप्मोलाम् लाङ्ग़ेघेःक्पा मनाहाॽऱेआङ् खुनिॽ थ़ेगेःक्प़ेन्म़ेहिक्खुर अक्खेलॽरिक् खुऩेॽ किनाःन्दि म़ेबिरु, |
| 24258 | MAT 27:60 | ह़ेक्क्याङ् आबाङे कुलागि लुङ्ङो खोःम्मनाबा कुसङ् इप्पुङ्ङो ऩेस्सुरो॥ ह़ेक्क्याङ् इप्पुङ्ङिल्ल़े कुमुराओ लाःक्कात्लाम् यम्बा लुङ्ङिल्ल़े थेःक्तुधःआङ् नुःक्ख़े पेरो॥ |
| 24264 | MAT 27:66 | ह़ेक्केःल्ल़े ख़ेङ्हाॽ म़ेबेआङ् इप्पुङ्ङिल्ल़े कुमुराओबा लुङ्ङो एःप्साप् म़ेयुक्तुआङ् मनाहाॽऱे म़ेन्हन्दुन्ल फाॽआङ् थक्सुबाहाॽ ख़ेप्मो कोमा म़ेबाङ्घुसिरो॥ |
| 24266 | MAT 28:2 | हक्चघत् साॽरिक् किप्मा क़ेघुःबा लुप्लि थाङ़े, थेआङ्भ़ेल्ल़े यहवे दाङ्बाल्ल़े कुमाङ्लाइङ्बाधिक् साङ्ग्राम्पेदाङ्लाम् यो थ्य़ेआङ् इप्पुङ्ङिल्ल़े कुमुराओ क़ेय़ेप्पा ख़ेन् यम्बा लुङ्ङिन् थिक् ल़ेप्माङ् इसुआङ् ख़ेन् सम्दाङ् युङ्सिङ्लो॥ |
| 24297 | MRK 1:13 | खुऩेॽ ख़ेप्मो लिबोःङ्(४०) य़ेन् थारिक् वय़ेल्ल़े माफ़ेन्साम् सैतानिल्ल़े खुऩेॽ फ़ेन् याःम्बक् चोःक्पाङ्मा फाॽआङ् कुनिङ्वाॽ साॽरु॥ ख़ेप्मो खुऩेॽ ताम्भुङ्थक्साहाॽनु वय़े, ह़ेक्क्याङ् माङ्लाइङ्बाहाॽऱे खुऩेॽ कम्ब्राङ् म़ेम़ेत्तुरो॥ |
| 24305 | MRK 1:21 | य़ेसुःन् नु ख़ेङ्हाॽ कपर्नहुम पाङ्जुम्मो म़ेबे॥ नाःम्सिङ्य़ेन्नो य़ेसुःन् यहुदि चुम्लुङ्हिम्मो पेआङ् हुॽमा हेःक्तुसिरो॥ |
| 24307 | MRK 1:23 | य़ेसुऱे ख़ेन् यहुदि चुम्लुङ्हिम्मो हुॽमा हेःक्तुसिल्ल़े फ़ेन्साम्मिल्ल़े याङ्घुबा मनाधिक् अःक्त़ेर पाऱे, |
| 24313 | MRK 1:29 | ह़ेक्क्याङ् य़ेसुःन् नु खुऩेॽ क़ेनाःप्पाहाॽ यहुदि चुम्लुङ्हिम्लाम् म़ेलःन्द़ेआङ् सिमोन नु आन्द्रियासऱे खुन्छिॽ हिम्मो म़ेबेरो॥ युहुन्नाःन् नु याकुब़ेन्नाङ् ख़ेङ्हाॽनुए पेसिरो॥ |
| 24323 | MRK 1:39 | ह़ेक्क्याङ् य़ेसुऱे गालिल थुम्मो खाराक् लाङ्घेग़ेर ख़ेङ्घाःत्तिबा यहुदि चुम्लुङ्हिम्मो सुनाइङ् स़ेःसुआङ् फ़ेन्साम्हाॽ नाःत्तु लःत्तुसिरो॥ |
| 24334 | MRK 2:5 | ख़ेङ्हाॽऱे ख़ेन् क़ेदुक्प़ेन्वेःप्मा सुक् क़ेलॽबा नसाःन् म़ेगत्तुबा य़ेसुऱे निःसुआङ् लङ्ल़ेःङ्वाःन् म़ेत्तु, “आस्साःए, ख़ेऩेॽ क़ेलायोहाॽ ल़ेप्मि पोःक्ख़ेरो॥” |
| 24353 | MRK 2:24 | ह़ेक्केःल्ल़े फरिसिहाॽऱे खुऩेॽ म़ेम़ेत्तु, “ओम़ेत्त़ेॽ, थेआङ् नाःम्सिङ्य़ेन्नो चोःक्मा म़ेन्नुॽमनाबा याःम्बक्किन् म़ेजोगुबाबे?” |
| 24358 | MRK 3:1 | य़ेसुःन् याम्मो यहुदि चुम्लुङ्हिम्मो पे॥ ख़ेप्मो लत्छा कुहुक् क़ेहेबा मनाधिक् वय़े॥ |
| 24359 | MRK 3:2 | नाःम्सिङ्य़ेन्नो ख़ेन् मनाःन् य़ेसुऱे वेःन्दुॽऩे फाॽग्र खुऩेॽ फोत्या कुःप्मा फाॽआङ् मनाहाॽऱे य़ेसुःन् म़ेसुगुर म़ेवय़े॥ |
| 24363 | MRK 3:6 | ह़ेक्क्याङ् फरिसिहाॽ यहुदि चुम्लुङ्हिम्मोलाम् म़ेलःन्द़े म़ेबेआङ् ह़ेरोद हाङ्ङिल्ल़े कुमनाहाॽनु य़ेसुःन् आक्खेआङ् स़ेप्माबे फाॽआङ् पाःन् म़ेदङ्घुरो॥ |
| 24382 | MRK 3:25 | ह़ेक्क्याङ् आप्फेःक् लुम्मो क़ेघेबा क़ेधक्पाआङ् क़ेस़ेम्बा हिम्सयङ्ङिल्ल़े म़ेधरुन्लो॥ |
| 24402 | MRK 4:10 | ह़ेक्क्याङ् य़ेसुःन् एःक्लेःक्वय़ेल्ल़े थिक्-ऩेत् (१२) हुॽसाम्बाहाॽ नु वेॽ हुॽसाम्बाहाॽऱे “कन् ख़ेदाॽइल्ल़े कुबेःन् थ़ेमाबे?” फाॽआङ् सेःन्म़ेदोसु॥ |
| 24431 | MRK 4:39 | य़ेसुःन् पोग़ेआङ् सुरित्केजङ्ङिन् “म़ेन्हुःए़ॽ” म़ेत्तुआङ् फ़ेःक्तु, ह़ेक्क्याङ् वाभ़ेल्ल़ेङ्ङिन् “चिजि य़ेम्य़ेम् लॽऱेॽ” म़ेत्तु, सुरित्केजङ्ङिन् चिजि य़ेम्य़ेम् लॽऱेआङ्, वाभ़ेल्ल़ेङ्ङिन्नाङ् चिजि य़ेम्य़ेम् पोःक्ख़ेरो॥ |
| 24433 | MRK 4:41 | कर ख़ेङ्हाॽ साॽरिक् म़ेगिस़ेआङ् अक्खे म़ेम़ेत्छिङ्, “आक्खेलॽरिक् खुऩेॽ पाःत्तुबा पाःन्निन् सुरित्केजङ्ङिन्नु वाभ़ेल्ल़ेङ्ङिल्ल़ेआङ् ख़ेप्सुबाबे? कन् मनाःङ्ग हाःप्पे?” |
| 24435 | MRK 5:2 | य़ेसुःन् खःङ्बेओनु लाःक्कात् लःन्द़ेनुम़ेःन्ने फ़ेन्साम्मिल्ल़े याङ्घुबा मनाधिक् इप्पुङ्द़ेन्नोलाम् खुऩेॽ कुदुम्स़े त्य़े॥ |
| 24436 | MRK 5:3 | ख़ेन् मनाःन् इप्पुङ्द़ेन्हाॽओ वय़ेगत्त़े॥ हाःत्ल़ेआङ् ख़ेन् फ़ेन्थक्क्रङ्ङिल्ल़ेआङ् इघेःङ्मा म़ेसुक्तुन्, |
| 24438 | MRK 5:5 | ख़ेन् इप्पुङ्द़ेन्नो नु कोःक्मा फाङ्जङ्घाःत्तिरक् स़ेन्दिक् ल़ेन्दिक् अःक्त़ेर फिःक्त़ेर लुङ्ङिल्ल़े ख़ेःन्छिङ्ल वय़ेगत्त़ेरो॥ |
| 24455 | MRK 5:22 | पाङ्तिबा यहुदि चुम्लुङ्हिम्मोबा लाम्लोःबा याइरस म़ेप्मनाबा मनाःन् त्य़े ह़ेक्क्याङ् य़ेसुऱे कुलाङ्जक्को हबत्फन्छिङ्ल |
| 24478 | MRK 6:2 | ह़ेक्क्याङ् नाःम्सिङ्य़ेन्नो य़ेसुःन् यहुदि चुम्लुङ्हिम्मो पेआङ् हुॽमा हेःक्तुसि॥ ख़ेप्मो यरिक् मनाहाॽऱे खुऩेॽ कुनिसाम्मिन् म़ेघ़ेप्सुआङ् खुनिॽ निङ्वाॽ मय़ेआङ् अक्खे म़ेबाःत्तु, “कन् मनाःल्ल़े अक्तङ्बा पाःन्निन् आत्तो खोःसुबे? आक्खेलॽरिक् सिक्कुम् निङ्वाॽ नु निङ्वाॽ क़ेमाबा याःम्बक्हाॽ चोगुबे! |
| 24501 | MRK 6:25 | खिमो ख़ेन् चुक्म़ेन्नाङ् पेआङ् म़ेत्तु, “बप्तिस्मा क़ेबिबा युहुन्नाःल्ल़े कुध़ेगेःक्किन्आल्लोसा च़ेत्थ्याओ पिराङ्ङ़ेॽओ॥” |
| 24559 | MRK 7:27 | य़ेसुऱे ख़ेन् म़ेन्छुमाॽइन् म़ेत्तु, “हिन्जाॽबित्छाहाॽऱे खऱेःङ्ङिन् खाघा म़ेजर पोःङ्॥ हिन्जाॽबित्छाहाॽऱे खुनिॽ खऱेःङ्ङिन् नाप्मासिआङ्कोःत्चोहाॽ पिमासि नुःबा म़ेःन्लो॥” |
| 24618 | MRK 9:11 | ह़ेक्क्याङ् ख़ेङ्हाॽऱे खुऩेॽ सेःन्म़ेदोसु, “थेआङ् साम्योथिम्साम्बाहाॽऱे निङ्वाॽफुमाङ्ङिल्ल़े सेःन्दुबा ख्रिस्त़ेन्ताःमानुःल्ल़े तगि एलियाःङ्ग युःमाए पोःङ् फाॽआङ् म़ेबाःत्तुबाबे?” |
| 24641 | MRK 9:34 | कर ख़ेङ्हाॽ म़ेम्बाऱेन्, थेआङ्भ़ेल्ल़े ख़ेङ्हाॽ आनिॽओ क़ेऱेक्नुःल्ल़े यम्बान्हाःप्पे फाॽआङ् पाःन्म़ेधक्त़ेआङ् म़ेवय़ेरो॥ |
| 24681 | MRK 10:24 | कुबाःन्निन्म़ेघ़ेप्सुआङ् कुहुॽसाम्बाहाॽऱे साॽरिक् खुनिॽ निङ्वाॽ मय़े, कर य़ेसुऱे याम्मो ख़ेङ्हाॽ म़ेत्तुसि, “चुक्पासे, निङ्वाॽफुहाङ्जुम्मो लाःप्मा स़ेक्खाए साक्लो॥ |
| 24746 | MRK 12:4 | याम्मो ख़ेन् इक्क़ेल्ल़े कुन्दाङ्बाल्ल़े वेॽस्मा सेवारोबान् पाङ्घु॥ ख़ेन्नाङ् कुध़ेगेःक्पो म़ेघाक्खुर कुजाःत्थि म़ेदेःसु॥ |
| 24748 | MRK 12:6 | ख़ेन् इक्क़ेल्ल़े कुन्दाङ्बाल्ल़े लुङ्माॽ तुक्तुबा लत्थिक्लक् कुस्साः वय़े॥ आल्ल कन् आस्साःन् पाङ्घुङ्ङिल्ल़ेग स़ेक्खासाङ् कुना म़ेसाॽरुबिला फाॽआङ् इःत्तुआङ् क़ेऱेक्नुःल्ल़े एगाङ् पाङ्घुरो॥ |
| 24772 | MRK 12:30 | क़ेन्दाङ्बा निङ्वाॽफुमाङ्ङिन् ख़ेऩेॽ क़ेऱेक् क़ेसिक्लुङ्माल्ल़े क़ेऱेक् क़ेसक्मासाम्मिल्ल़े, क़ेऱेक् क़ेनिङ्वाॽइल्ल़े, क़ेऱेक् क़ेधुम्मिल्ल़े मिःम्जि म़ेत्त़ेॽओ॥’ |
| 24781 | MRK 12:39 | यहुदि चुम्लुङ्हिम्मो नु साभाङ्जाओ तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥ |
| 24795 | MRK 13:9 | खिनिॽग सिङ्सिङ् लॽऱेम्म़ेॽओ॥ खिनिॽ याप्मि नसाःन् क़ेजोगिबाल्ल़े चोगुल्ल़े ख़ेङ्हाॽऱे क़ेम्द़ेम्सिॽआङ् य़ेजुम्भोहाॽओ क़ेम्देॽरिॽ, ह़ेक्क्याङ् यहुदि चुम्लुङ्हिम्मो त़ेःम्भुक् क़ेम्बिरिॽरो॥ कङ्ग सुहाङ्ग़ेम्बाहाॽ नु हाङ्हाॽऱे खुनिॽ तगि आयाःम्बेओ पाःप्मा खिनिॽ क़ेघोःसुम्बा सुय़ेम्लो॥ |
| 24807 | MRK 13:21 | ह़ेक्क्याङ् ख़ेन् य़ेम्मो मनाहाॽऱे, ओम़ेत्त़ेम्म़ेॽ, निङ्वाॽफुमाङ्ङिल्ल़े सेःन्दुबा ख्रिस्त़ेन्कप्मो वाॽ इग्र खुऩेॽ ख़ेप्मो वाॽरो लॽरिक् म़ेबाःत्तुर म़ेदाःल्ल़े नसाःन् म़ेजोग़ेम्सिम्मिन्ऩेॽओ॥ |
| 24842 | MRK 14:19 | ह़ेक्केःल्ल़े ख़ेङ्हाॽ साॽरिक् निङ्साम्मो म़ेध्य़ेआङ्क़ेऱेक्ल़े खुऩेॽ सेःन्दोःमा म़ेहेःक्तु, “दाङ्बे, क़ेबाःत्तुबा मनाःन् इङ्गाॽआबि?” |
| 24851 | MRK 14:28 | कर इङ्गाॽ सिःम़ेन्लाम्याम्मो हिङ्ङाआङ् खिनिॽनुःल्ल़े तगि गालिल थुम्मो पेःक्कारो॥” |
| 24872 | MRK 14:49 | इङ्गाॽग थिक्याःन्धक्सा माङ्हिम् लक्खुम्मो निसाम् हुॽइस़े वयाङ्बा ह़ेक्केसाङ् याप्मि क़ेन्द़ेम्सिन्, कर साम्योसाप्लाओ क़ेबप्प़ेन्क़ेत्ल फाॽआङ् अक्खे पोःक्ख़ेबारो॥” |
| 24886 | MRK 14:63 | ह़ेक्क्याङ् मानिङ्वाॽफुसाम्बाल्ल़े कुसाक्क़ेन् ओसेःन्धाक्तुसिर आबाङे कुदेःत्तिन् थ़ेःक्खुआङ्अक्खे पाःत्तु, “आल्ल आनिॽ वेॽ तोःन्दिहाॽ थेआङ् चाहाबा आजोग़ेबे? |
| 24924 | MRK 15:29 | ख़ेप्मोलाम् लाङ्ग़ेघेःक्पा मनाहाॽऱेआङ् खुनिॽ थ़ेगेःक्प़ेन्म़ेहिक्खुर अक्खेलॽरिक् खुऩेॽ किनाःन्दि म़ेबिरु, “ख़ेऩेॽग माङ्हिम्मिन् क़ेयःबाआङ् सुम्य़ेन्नो क़ेजोःक्पे, |
| 24932 | MRK 15:37 | ह़ेक्क्याङ् य़ेसुःन् याम्मो यम्बा इक्लाओ अःक्त़ेआङ्कुसक्मा पेरो॥ |
| 24941 | MRK 15:46 | ह़ेक्केःल्ल़े युसुफऱे नुःबा चे तेःत्तिन् इङु, ह़ेक्क्याङ् य़ेसुऱे कुधक्किन् सिलाम्साक्मा सिङ्ङोनु थाःसुआङ् ख़ेन् तेःत्तिल्ल़े कित्तुआङ् लुङ्ङो खोःम्मनाबा इप्पुङ्ङो ऩेस्सुरो॥ ह़ेक्क्याङ् इप्पुङ्ङिल्ल़े कुमुराओ लाःक्कात्लाम् यम्बा लुङ्ङिन् इसुधःरो॥ |
| 24945 | MRK 16:3 | ह़ेक्क्याङ् लाम्मो म़ेबेर म़ेबत्छ़ेल्ल़े ख़ेङ्हाॽ अक्खे म़ेम़ेत्छिङ्, “आनिॽ लागि ख़ेन् इप्पुङ्ङिल्ल़े कुमुराओ म़ेय़ेप्सुबा यम्बा लुङ्ङिन् हाःत्ल़े आइन्आबिबाबे?” |
| 24946 | MRK 16:4 | ह़ेक्क्याङ् ख़ेङ्हाॽ ख़ेप्मो म़ेग़ेऱेआङ् ओम़ेम़ेत्तुल्ल़े इप्पुङ्ङिल्ल़े कुमुराओ क़ेय़ेप्पा लुङ्ङिन् थिक्ल़ेप्माङ् म़ेइसुआङ् ऩेस्स़ेबा म़ेनिःसु॥ ख़ेन् लुङ्ङिन् साॽरिक् यम्बा चोग़े॥ |
| 24971 | LUK 1:9 | निङ्वाॽफुसाम्बा थिम् कुइसिःक् यहवे दाङ्बाल्ल़े कुमाङ्हिम्मो पेःक्माआङ् साङ्सिङ् हाःम्मा लक्ऱे लागि निङ्वाॽफुसाम्बाहाॽऱे तॽयाःन्सोःन्म़ेग़ेःसुल्ल़े खुऩेॽ खोःसुआङ् वय़ेरो॥ |
| 25006 | LUK 1:44 | ख़ेऩेॽ सेवा क़ेम़ेत्ताङ्बा पाःन्निन् ख़ेप्सुङ्नुम़ेःन्ने इङ्गाॽ आसाप्पोःक्पो क़ेयाक्पा अङ़ेःक्वाःन् सःत्त़ेर मुन्जिङ् लॽऱेरो॥ |
| 25008 | LUK 1:46 | ह़ेक्क्याङ् मरियमऱे पाःत्तु, “इङ्गाॽ आसिक्लुङ्मोलाम्मे दाङ्बाल्ल़े कुनारा फोःसुङ्लो, |