23239	MAT 2:1	आल्‍ल य़ेसुःन् यहुदिया थुम्‍मोबा ब़ेथलेह़ेम पाङ्‌जुम्‍मो सावाःन्‍छिङ्‌बा य़ेम्‍मो ह़ेरोद हाङ्‌ङिल्‍ल़े ख़ेप्‍मो हाङ् चोगुर वय़ेरो॥ य़ेसुःन् सावाःन्‍छिङ्‌ङाङ् नाम्‍ग़ेन् पिसाङ्‌बा लाजेॽलाम् सिक्‍कुम्‍निबा खाग़ेइक्‍पाहाॽ यरुसल़ेम्‍मो म़ेद्‌य़े, ह़ेक्‍क्‍याङ्
23246	MAT 2:8	ह़ेक्‍क्‍याङ् ख़ेङ्‌हाॽ अक्‍खे म़ेत्तुसिर ब़ेथलेह़ेम्‍मो पाङ्‌घुदेःसुसि, “पेग़ेम्‍म़ेॽआङ् अङ़ेःक्‌वाःन् कोःत्त़ेम्‍म़ेॽ॥ ख़ेन् अङ़ेःक्‌वाःन् क़ेघोःसुम्‍ऩे फाॽग्र फ़ेऱेम्‍म़ेॽआङ् इङ्‌गाॽ आम़ेत्त़ेम्‍म़ेॽओ॥ इङ्‌गाॽआङ् खुऩेॽ सेवा म़ेत्तुङ्‌लो॥”
23272	MAT 3:11	लायोलाम् क़ेहिन्‍दिआङ् इङ्‌गाॽग च्‍वाःत्तिल्‍ल़े बप्‍तिस्‍मा पिनिङ्‌लो, कर आएगाङ् क़ेदाःब़ेङ्‌ग इङ्‌गाॽनुःल्‍ल़ेआङ् मुक्‍साम्‍साबा चोःक्‍लो॥ खुऩेॽ कुलाङ्‌सुःप्‍हाॽ इङ्‌गाॽ योःक् कुइसिःक् पङ्‌माआङ् म़ेलाॽआन्‍लो॥ खुऩेॽ सेसेमाङ् नु मिःल्‍ल़े बप्‍तिस्‍मा क़ेबिरिॽरो॥
23275	MAT 3:14	कर युहुन्‍नाऱे अत्तुर खुऩेॽ अक्‍खे म़ेत्तु, “इङ्‌गाॽऩे ख़ेऩेॽनु बप्‍तिस्‍मा पोःङ्‌मा क़ेबोःङ्‌बा, आक्‍खेलॽरिक् ख़ेऩेॽ इङ्‌गाॽओ क़ेद्‌य़ेबाबे?”
23276	MAT 3:15	य़ेसुऱे नोगप् पिरु, “आल्‍लोऱे लागि अक्‍खेए पोःङ्‌लरो, अक्‍खेलॽरिक् निङ्‌वाॽफुमाङ्‌ङिल्‍ल़े क़ेऱेक् निङ्‌वाॽ चोगुबा पाःन्‍निन् क़ेत्‍लरो॥” ह़ेक्‍क्‍याङ् युहुन्‍नाःन् त़ेन्‍द़ेआङ् खुऩेॽ बप्‍तिस्‍मा पिरुरो॥
23302	MAT 4:24	य़ेसुऱे कुयाःम्‍बेओ इङ्‌घङ्‌ङिन् सिरिया लाजेॽ खाराक् स़ेःऱे, ह़ेक्‍क्‍याङ् यरिक् परिक्‍ल़ेन् तुक्‍माल्‍ल़े तरुसिबा मनाहाॽ, क़ेदुक्‍पाहाॽ, फ़ेन्‍साम्‍मिल्‍ल़े याङ्‌घुसिबाहाॽ, ह़ेक्‍क्‍याङ् थप्‍मा क़ेमःबाहाॽ नु क़ेदुक्‍पा क़ेयॽबाहाॽ खुऩेॽओ म़ेदारुसिआङ् ख़ेङ्‌हाॽ क़ेऱेक् नुसुसिरो॥
23304	MAT 5:1	आल्‍ल य़ेसुऱे यरिक् मनाहाॽ निःसुसिआङ् कोःक्‍माओ थाःङ् पेआङ् युङ्‌सिङ्, ह़ेक्‍क्‍याङ् कुहुॽसाम्‍बाहाॽआङ् ख़ेत्‍थो म़ेबेआङ् कुघिरि म़ेयुङ्‌सिङ्॥
23322	MAT 5:19	हाःत्‍ल़े कन् इङ्‌जाःङ्‌हाॽओबा चुक्‍सा पाःन्‍धिक् फेःन्‍दुआङ् वेहाॽ बा ह़ेक्‍के चोःक्‍मा हुॽरुसिॽ साङ्‌ग्राम्‍पेदाङ्‌बा हाङ्‌जुम्‍मो ख़ेन् चुक्‍सा पोःङ्‌लो, कर हाःत्‍ल़े कन् इङ्‌जाःङ्‌हाॽ इःत्तु-नाःत्तुआङ् वेॽहाॽ ह़ेक्‍के चोःक्‍मा हुॽरुसिॽ साङ्‌ग्राम्‍पेदाङ्‌बा हाङ्‌जुम्‍मो ख़ेन् पयम् यम्‍बा पोःङ्‌लो॥
23364	MAT 6:13	हङ्‌साॽमो आन्‍धाःस़ेन्‍ऩेॽओ, कर माफ़ेन्‍साम्‍लाम् आस़ेःप्‍त़ेॽओ॥ ((थेआङ्‌भ़ेल्‍ल़े हाङ्‌जुम्, मुक्‍साम् नु मिमिदिङ्‌ङिन् सदादिङ् ख़ेऩेॽइन्‍नेरो॥))’
23407	MAT 7:22	खास़ेन् य़ेन्‍नो यरिक् मनाहाॽ म़ेदाआङ् अक्‍खे म़ेम़ेत्तारो, ‘आदाङ्‌बे, आदाङ्‌बे, ख़ेऩेॽ क़ेमिङ्‌ङो माङ्‌निङ्‌वाॽपाःन् पारिग़ेरो, ह़ेक्‍क्‍याङ् ख़ेऩेॽ क़ेमिङ्‌ङो फ़ेन्‍साम्‍हाॽ नाःत्तुम् लःत्तुम्‍सिम्‍ब़ेआङ् निङ्‌वाॽ क़ेमाबा याःम्‍बक्‍हाॽ चोगुम्‍ब़ेरो॥’
23408	MAT 7:23	कर ख़ेन् य़ेम्‍मो ख़ेङ्‌हाॽ इङ्‌गाॽ अक्‍खे म़ेत्तुङ्‌सिङ्, ‘खिनिॽग आप्‍फाल्‍ल़ेआङ् कुसिङ् निःत्‍निङ्‌बा होःप्‍लो॥ खिनिॽ पानुदिङ् आम्‍बाऱे कुनिङ्‌वाॽ ह़ेक्‍के म़ेन्‍जोःक्‍के फ़ेन् याःम्‍बक् क़ेजोःक्‍पासे, कप्‍मोलाम् पेग़ेम्‍म़ेॽ!’”
23448	MAT 8:34	ह़ेक्‍क्‍याङ् पाङ्‌जुम्‍मोबा यरिक् मनाहाॽ य़ेसुरो म़ेद्‌य़े, ह़ेक्‍क्‍याङ् ख़ेङ्‌हाॽऱे य़ेसुःन् आनिग़े थुम्‍मोलाम् लःन्‍द़े पेग़ेॽ फाॽआङ् पेलि म़ेभाक्‍तुरो॥
23461	MAT 9:13	साम्‌योसाप्‍लाओ यहवे दाङ्‌बाल्‍ल़े इङ्‌गाॽग सिदुङ्‌जभा चाहाबा म़ेजोःक्‍कान्, कर वेॽहाॽ लुङ्‌माॽ तुक्‍त़ेम्‍सिम्‍म़ेॽ क़ेलॽबा निङ्‌वाॽ कत्तुङ्‌लो, लॽरिक् पाःत्तुबा कन् पाःन्‍निल्‍ल़े कुबेःन् हुॽआसिम्‍म़ेॽओ॥ इङ्‌गाॽग साम्‌योनिबाहाॽऱे लागि म़ेःन्, कर लायोबाहाॽ लायोलाम् म़ेनुःङ्‌ङाङ्‌ताङ्‌म़ेस़ेःप्‍ल फाॽआङ् त्‍याङ्‌बारो॥”
23496	MAT 10:10	ह़ेक्‍क्‍याङ् सुःक्‌वा, ल़ेक्‍सिङ्‌मा चाङ् नु लाङ्‌सुःप्, ह़ेक्‍क्‍याङ् तक्‍काःत् थेआङ् म़ेयाङ्‌ङासिम्‍म़ेन्‍ऩेॽओ॥ थेआङ्‌भ़ेल्‍ल़े याःम्‍बक् क़ेजोःक्‍पाल्‍ल़े खुऩेॽ चाहाबा क़ेजोःक्‍पा पाःन्‍हाॽ खोःमाए पोःङ्‌लो॥
23533	MAT 11:5	मिक्‍फःम्‍बाहाॽऱे निःमा म़ेसुक्‍तुॽ, लाङ्‌सक्‍पाहाॽ लाङ्‌म़ेघेःक्, लोगेॽ तुक्‍माल्‍ल़े तरुसिबाहाॽ म़ेनुॽ, नाधाक्‍पाहाॽऱे ख़ेम्‍मा म़ेसुक्‍तुॽ, क़ेसिःबाहाॽ कुहिङ्‌व़ेत् म़ेबोःङ्, ह़ेक्‍क्‍याङ् याङ्‌ग़ेसाॽबाहाॽऱे सुनाइङ् म़ेघ़ेप्‍सुॽरो॥
23547	MAT 11:19	इङ्‌गाॽ म़ेन्‍छाम्‍साःङ्‌ग चाङ्‌ल थुङुङ्‌ल त्‍याङ्, ह़ेक्‍क्‍याङ् ख़ेङ्‌हाॽऱे अक्‍खे म़ेबाःत्तु, ‘ख़ेङ्‌ग तःक् थ़ेःक्‍के नु थिःमसाङ्‌लो, एःङ्‌याङ् क़ेभोःङ्‌बाहाॽ नु लायोबाहाॽऱे खुनिॽ चुम्‍लो॥’ कर निङ्‌वाॽफु सिक्‍कुम्‍दिङ् निङ्‌वाॽइङ्‌ग कुयाःम्‍बक्‍कोलाम् ख़ेन् निस्‍से चोःक् फाॽआङ् निःद़ेत्‍लो॥”
23553	MAT 11:25	ख़ेन् य़ेम्‍मो य़ेसुऱे तुवा चोगु, “आम्‍बे, साङ्‌ग्राम्‍पेदाङ् नु इक्‍सादिङ् खाम्‍बेःक्‍माल्‍ल़े दाङ्‌बाए, इङ्‌गाॽ नोग़ेन् पिऩे, थेआङ्‌भ़ेल्‍ल़े ख़ेऩेॽग सिक्‍कुम्‍साबाहाॽ ह़ेक्‍क्‍याङ् चाःप्‍पाहाॽनु क़ेमाॽरुबा पाःन्‍निन् हिन्‍जाॽ ह़ेक्‍तङ्‌बाहाॽ ओसेःन्‍ग़ेधाक्‍तुसिरो॥
23624	MAT 13:16	कर खिनिॽग मुॽइसाबानिङ्‌लो, थेआङ्‌भ़ेल्‍ल़े खिनिॽ मिक्‍किल्‍ल़े निःसुॽ, ह़ेक्‍क्‍याङ् ऩेक्‍खोॽबाल्‍ल़े ख़ेप्‍सुॽरो॥
23627	MAT 13:19	आत्तिल्‍ल़े निङ्‌वाॽफुहाङ्‌जुम्‍बा पाःन्‍निन् ख़ेप्‍सुआङ् कुसिङ्‌म़ेनिःत्तुन्, ख़ेन् मनाःङ्‌ग लाम्‍मो क़ेजुक्‍पा याॽरिःम्‍बा कुइसिःक् चोःक्॥ माफ़ेन्‍साम्‍मिन् ताआङ् ख़ेल्‍ल़े कुनिङ्‌वाॽओ क़ेयाक्‍पा पाःन्‍जाक्‍किन् लःत्तु तेॽरुरो॥
23681	MAT 14:15	ह़ेक्‍क्‍याङ् युःन्‍छिक् पोःक्‍ख़ेर पत्‍छ़ेल्‍ल़े कुहुॽसाम्‍बाहाॽ खुऩेॽओ म़ेद्‌य़ेआङ् म़ेम़ेत्तु, “आदाङ्‌बे, कङ्‌हाॽ पाङ्‌घ़ेदेःस़ेस़ेॽओ, थेआङ्‌भ़ेल्‍ल़े कन् एःक्‍साद़ेन्‍नो थेआङ् इङ्‌मा चामा खोम़ेद़ेत्‍ऩेन्‍लो, याम्‍मो नाम्‍ध्‍य़ेबेरो॥ हाराॽ खिरिबा पाङ्‌भेॽहाॽओ म़ेबेःक्‍काङ् चामा थुङ्‌मा म़ेइङु म़ेजररो॥”
23724	MAT 15:22	ख़ेप्‍मोबा कनानि सुवाङ्‌स्‍मा म़ेन्‍छुमाॽधिक् खुऩेॽओ त्‍य़ेआङ् अक्‍खे म़ेत्तुर पेलि फाक्‍तु, “दाउदऱे कुस्‍साः आदाङ्‌बे, लुङ्‌माॽ तुक्‍ताङ्‌ङ़ेॽओ! आस्‍साः चुक्‍म़ेन् फ़ेन्‍साम्‍मिल्‍ल़े याङ्‌घुआङ् साॽरिक् तुक्‍खे चाःत्तुॽरो॥”
23725	MAT 15:23	कर य़ेसुऱे ख़ेन् थेआङ् नोगप् म़ेबिरुन्॥ ह़ेक्‍क्‍याङ् कुहुॽसाम्‍बाहाॽऱे अक्‍खे म़ेम़ेत्तुर खुऩेॽनु पेलि म़ेभाक्‍तु, “आदाङ्‌बे, ख़ेन् पाङ्‌घ़ेदेःस़ेॽओ, थेआङ्‌भ़ेल्‍ल़े ख़ेल्‍ल़े ए़त्‍ल़ेङ् पेलि फाक्‍तुआङ्‌आनिग़े निङ्‌ध़ेन्‍दुरो॥”
23729	MAT 15:27	ख़ेल्‍ल़े म़ेत्तु, “स़ेक्‍खाएरो आदाङ्‌बे, कर कोःत्‍चोहाॽऱेआङ् खुनिॽ दाङ्‌बाल्‍ल़े चामाद़ेन्‍नोलाम् मक्‍क़ेधाःबा कुजिहाॽ म़ेजरो॥”
23741	MAT 15:39	य़ेसुऱे ख़ेन् मनाहाॽ पाङ्‌घुदेःसुसि, ह़ेक्‍क्‍याङ् खःङ्‌बेओ लाःस़ेआङ् मगादान् पाङ्‌जुम् खिरिबा त़ेन्‍नो पेरो॥
23793	MAT 17:24	याङ्‌सि य़ेसुःन् नु कुहुॽसाम्‍बाहाॽ कपर्नहुम्‍मो म़ेद्‌य़े, ह़ेक्‍क्‍याङ्‌माङ्‌हिम् एःङ्‌याङ् क़ेभोःङ्‌बाहाॽआङ्‌पत्रुसरो म़ेद्‌य़ेआङ् सेःन्‍म़ेदोसु, “क़ेसिक्‍साम्‍बाल्‍ल़े माङ्‌हिम् एःङ्‌याङ् म़ेहुङुन्‍बि?”
23802	MAT 18:6	कर आत्तिल्‍ल़े इङ्‌गाॽ याप्‍मि नसाःन् क़ेजोःक्‍पा चुक्‍सा हिन्‍जाॽथिक् लायो चोःक्‍मा पाङ्‌घुॽ, ख़ेल्‍ल़े कुनिःङ्‌मो लुम्‍सुम्‍मिन् इघेःङ्‌माआङ् वरक्‍को लाप्‍फुमाल्‍ल़ेए नुःबा पोःङ्‌लो॥
23836	MAT 19:5	ह़ेक्‍क्‍याङ् ‘ख़ेल्‍ल़े चोगुल्‍ल़े य़ेम्‍बित्‍छाॽइल्‍ल़े कुम्‍बा नु कुम्‍मासि ल़ेरुसिआङ् कुमेःत्तिन्‍नु तङ्‌लो, ह़ेक्‍क्‍याङ् ख़ेङ्‌हाॽ लत्‍छा थक् पोःङ्‌सिरो॥’
23861	MAT 19:30	कर आल्‍लो तगि क़ेवाॽबा यरिक् मनाहाॽ एगाङ् म़ेबोःङ्‌लो, ह़ेक्‍क्‍याङ् आल्‍लो एगाङ् क़ेवाॽबा यरिक् मनाहाॽ तगाङ् म़ेबोःङ्‌लो॥”
23877	MAT 20:16	अक्‍खेलॽरिक् आल्‍लो तगि क़ेवाॽबाहाॽ एगाङ् म़ेबोःङ्‌लो, ह़ेक्‍क्‍याङ् आल्‍लो एगाङ् क़ेवाॽबाहाॽ तगाङ् म़ेबोःङ्‌लो॥”
23884	MAT 20:23	य़ेसुऱे ख़ेङ्‌हाॽ म़ेत्तुसि, “खिन्‍छिॽ स़ेक्‍खाए इङ्‌गाॽ थुङुङ्‌बा खोर्याओ क़ेधुङ्‌सुॽ, करसाङ् आभ़ेन्‍छाङ् नु आजुप्‍साङ् ल़ेप्‍माङ् युङ्‌मा क़ेसुक्‍सिॽ पाःप्‍मा युक् म़ेगत्तान्‍लो॥ ख़ेन् त़ेन्‍हाॽग पानुदिङ् आम्‍बाऱे आत्तिन्‍हाॽ पिमासि फाॽआङ् यारिप् चोगुआङ् वाॽ, बा ख़ेङ्‌हाॽरक् युङ्‌मा म़ेघोःरो॥”
23892	MAT 20:31	ख़ेन् मनाहाॽऱे ख़ेङ्‌हाॽ म़ेभ़ेःक्‍तुसिर स्‍वाःत् युङ्‌मा म़ेबाङ्‌घुसि, कर ख़ेङ्‌हाॽ आल्‍लसाङ् साॽरिक् अःक्‍त़ेत्‍छिरो, “दाङ्‌बे, दाउदऱे कुस्‍साःए, आन्‍छिग़े लुङ्‌माॽ आदुक्‍त़ेॽओ!”
23896	MAT 21:1	य़ेसुःन् नु कुहुॽसाम्‍बाहाॽ यरुसल़ेम म़ेबेर म़ेबत्‍छ़ेल्‍ल़े यरुसल़ेम निःत्ताङ्‌बा जैतुन कोःक्‍माल्‍ल़े कुबेसाङ्‌बा ब़ेथफागे पाङ्‌भेॽ निःत्ताङ् म़ेग़ेऱे, ह़ेक्‍क्‍याङ् य़ेसुऱे ऩेप्‍फु कुहुॽसाम्‍बाहाॽ अक्‍खे म़ेत्तुसिर पाङ्‌घुसि,
23925	MAT 21:30	ह़ेक्‍क्‍याङ् कुम्‍बाःन् कुस्‍साः फोॽबाल्‍लो पेआङ् बा ह़ेक्‍केए म़ेत्तु॥ ख़ेन् कुस्‍साः फोॽबाल्‍ल़ेआङ्, ‘पोःङ् आदाङ्‌बे, पेःक्‍कारो’ म़ेत्तु, कर ख़ेन् याःम्‍बक्‍को म़ेबेऩेन्‍लो॥
23931	MAT 21:36	ह़ेक्‍क्‍याङ् ख़ेल्‍ल़े तगिनुःल्‍ल़ेआङ् यरिक् कुसेवारोबाहाॽ पाङ्‌घुसि, कर ख़ेन् इक्‍मःबाहाॽऱे ख़ेङ्‌हाॽआङ् बा ह़ेक्‍केए म़ेम़ेत्तुसि॥
23944	MAT 22:3	मेःक्‍खिम् साभाङ्‌जाऱेन् चामुक् थिमुक्‍किन् यारिप् पोःक्‍ख़ेआङ् ख़ेन् हाङ्‌ङिल्‍ल़े उःत्‍छिङ् क़ेघोःबाहाॽ साभाङ्‌जाओ ताःप्‍मासि कुसेवारोबाहाॽ पाङ्‌घुसि, कर ख़ेङ्‌हाॽ ताःमा म़ेन्‍द़ेन्‍द़ेन्‍लो॥
23945	MAT 22:4	ह़ेक्‍केःल्‍ल़े ख़ेन् हाङ्‌ङिल्‍ल़े कुभा कुसेवारोबाहाॽ अक्‍खे म़ेत्तुसिर पाङ्‌घुसि, ‘ख़ेन् उःत्‍छिङ् क़ेघोःबाहाॽ अक्‍खे म़ेत्त़ेम्‍सिम्‍म़ेॽ, इङ्‌गाॽ मेःक्‍खिम् साभाङ्‌जाःन्‌यारिप् चोगुङ्‌ङाङ् वाॽआ॥ लुप्‍मनाबा थक्‍साहाॽ स़ेरुङ्‌सिङ्‌ङाङ् क़ेऱेक् चामा थुङ्‌मान् यारिप् पोःक्‍ख़ेआङ् वाॽ, मेःक्‍खिम् साभाङ्‌जाओ त्‍य़ेम्‍म़ेॽओ॥’
23948	MAT 22:7	ख़ेन् हाङ्‌ङिल्‍ल़े साॽरिक् कुसिक् पोग़े॥ खुऩेॽ थक्‍सुबाहाॽ पाङ्‌घुसिआङ् ख़ेन् मना क़ेस़ेप्‍पाहाॽ क़ेऱेक् स़ेप्‍मा पाङ्‌घुसि, ह़ेक्‍क्‍याङ् खुनिॽ य़ेक्‌यक्‍किन् फुत्‍लुम् हाःन्‍दुदेःसु पिरुसिरो॥
23953	MAT 22:12	सेःन्‍दोसु, ‘चुम्‍मे, ख़ेऩेॽ आक्‍खेलॽरिक् मेःक्‍खिम् साभाङ्‌जाओ, मेःक्‍खिम्‍मो चाङ्‌मनाबा नुःबा तेःत् म़ेःन्‍ने क़ेलाःस़ेबे?’ ख़ेन् मनाःल्‍ल़े थेआङ् पाःप्‍मा म़ेसुक्‍तुन्‍लो॥
23999	MAT 23:12	आत्तिल्‍ल़े यम्‍बा ल़ेङ्‌सिङ्‌मा कोःत्तुॽ, ख़ेङ्‌ग चुक्‍सा पोःङ्‌लो, ह़ेक्‍क्‍याङ् आत्तिन् चुक्‍सा ल़ेङ्‌सिङ् ख़ेङ्‌ग यम्‍बा पोःङ्‌लो॥
24040	MAT 24:14	ह़ेक्‍क्‍याङ् म़ेन्‍छाम् सुवाङ्‌हाॽऱे म़ेघ़ेप्‍सुर फाॽआङ् निङ्‌वाॽफुहाङ्‌जुम्‍ल़ेन् सुनाइङ्‌ङिन् इक्‍सादिङ् खाम्‍बेःक्‍को खाराक् इङ्‌भोःॽ, ह़ेक्‍क्‍याङ् कुनुप्‍मान् ताःरो॥
24088	MAT 25:11	याङ्‌सि ख़ेन् कुनिसिःक् क़ेहोःप्‍मा सिसाग़ेन् म़ेन्‍छियाॽहाॽ म़ेग़ेऱे म़ेद्‌य़ेआङ् अक्‍खेलॽरिक् म़ेअःक्‍त़े, ‘दाङ्‌बे, दाङ्‌बे, आनिग़े लागिआङ् लाम्‍धेःप्‍प़ेन्‌हन्‍द़े आबिऱेॽना!’
24204	MAT 27:6	तुम्निङ्‌वाॽफुसाम्‍बाहाॽऱे ख़ेन् युप्‍पायाङ्‌ङिन् म़ेघप्‍सुआङ् म़ेबाःत्तु, “कङ्‌ग मना स़ेत्‍छ़े पिमनाबा याङ्‌लो, ह़ेक्‍केःल्‍ल़े माङ्‌हिम् याङ्‌भुङ्‌माओ केःप्‍मा साम्‌योथिम्‍मिल्‍ल़े आम्‍बिऩेन्‍लो॥”
24227	MAT 27:29	ह़ेक्‍क्‍याङ् तिङ्‌ग्रेःक्‍किल्‍ल़ेन् तिचः म़ेभयुआङ् कुध़ेगेःक्‍पो म़ेघुःक्‍तु॥ ह़ेक्‍क्‍याङ् ख़ेङ्‌हाॽऱे तक्‍काःत्तिन् कुजुप्‍साङ् हुक्‍को म़ेभत्‍छुआङ् कुदगि थुङ्‌बोहजॽ म़ेयुङ्‌सिङ्‌ल अक्‍खेलॽरिक् किनाःन्‍दि म़ेबिरु, “यहुदि हाङ्‌ङे, तियाहा!”
24232	MAT 27:34	ख़ेप्‍मो ख़ेङ्‌हाॽऱे य़ेसुःन् क़ेघिःक्‍पा सिदाॽ फुप्‍मनाबा च़ेल्‍ल़ेक्‍सेॽ थिःन् म़ेधुङ्‌घु, कर य़ेसुऱे ख़ेन् साॽरुआङ् थुङ्‌मा म़ेद़ेन्‍द़ेन्‌॥
24291	MRK 1:7	युहुन्‍नाःल्‍ल़े अक्‍खे पाःत्तुर इङ्‌भोःसु, “इङ्‌गाॽ आएगाङ् इङ्‌गाॽनुःल्‍ल़ेआङ् मुक्‍साम्‍साबान्‌ताःरो॥ इङ्‌गाॽग योःक् कुइसिःक् कुलाङ्‌सुःप्‌नाम्‍हाॽ फाःङ्‌माआङ् म़ेलाॽआन्‍लो॥
24411	MRK 4:19	ख़ेङ्‌हाॽऱे पाःन्‍जाक् ख़ेम्‍माग म़ेघ़ेप्‍सुॽ, कर कन्‌हिङ्‌मन्‍नो थेःन् चामा थुङ्‌मा, याङ्‌साकुन्‍धेसाबा आक्‍खेआङ् पोःङ्‌मा ह़ेक्‍तङ्‌बा वेॽ फ़ेन् निङ्‌वाॽइल्‍ल़े पाःन्‍जाक्‍किन् सुःप्‍तुदेःसुॽरो॥ ह़ेक्‍क्‍याङ् ख़ेङ्‌हाॽऱे याम्‍मो कुजाॽ म़ेम्‍भत्‍छुन्‍लो॥
24451	MRK 5:18	य़ेसुःन् खःङ्‌बेओ लाःस़ेर पत्‍छ़ेल्‍ल़े तगि फ़ेन्‍साम्‍मिल्‍ल़े याङ्‌घुबा मनाःन् य़ेसुऱे कुबेसाङ् त्‍य़ेआङ्, आदाङ्‌बे, इङ्‌गाॽआङ् ख़ेऩेॽनुए तेॽराङ्‌ङ़ेॽओ फाॽआङ् पेलि फाक्‍तु॥
24480	MRK 6:4	य़ेसुऱे ख़ेङ्‌हाॽ म़ेत्तुसि, “माङ्‌निङ्‌वाॽपाःन् क़ेबाःप्‍प़ेङ्‌ग कुबाङ्‌भेॽसाबाहाॽ, कुगाॽइसोधोःक्‍हाॽ नु कुहिम्‍सयङ्‌हाॽऱे इङ्‌धाःङ् म़ेम्‍बिरुन्‍लो॥ कर वेॽ त़ेन्‍नोरक् खुऩेॽ कुबाःन्‍निन् म़ेघ़ेप्‍सुॽरो॥”
24505	MRK 6:29	युहुन्‍नाःल्‍ल़े कुहुॽसाम्‍बाहाॽऱे कन् म़ेघ़ेप्‍सुआङ् म़ेद्‌य़े, ह़ेक्‍क्‍याङ् कुधक्‍किन् म़ेदेॽरुआङ् इप्‍पुङ्‌ङो म़ेलुप्‍तु॥
24511	MRK 6:35	नाम्‍ध्‍य़ेर पत्‍छ़ेल्‍ल़े कुहुॽसाम्‍बाहाॽ ख़ेप्‍मो म़ेद्‌य़ेआङ् य़ेसुःन् म़ेम़ेत्तु, “आदाङ्‌बे, कङ्‌हाॽ पाङ्‌घ़ेदेःस़ेस़ेॽओ, थेआङ्‌भ़ेल्‍ल़े कन् एःक्‍साद़ेन्‍नो थेआङ् इङ्‌मा चामा खोःम़ेद़ेत्‍ऩेन्‍लो, याम्‍मो नाम्‍माङ् थ्‍य़ेबेरो॥ हाराॽ खिरिबा हिम्‍हाॽ नु पाङ्‌भेॽहाॽओ म़ेबेःक्‍काङ् चामा थुङ्‌मा म़ेइङु म़ेजररो॥”
24536	MRK 7:4	ख़ेङ्‌हाॽऱे पाङ्‌जुम्‍लाम् हिम्‍मो म़ेदाःल्‍ल़े वाहप्‍सिङ्‌मा नु सेसेसाङ्‌साङ् चोःक्‍मा थिम् म़ेन्‍जोःक्‍के म़ेन्‍जऩेन्॥ ख़ेङ्‌हाॽऱे फङ्‌नाहाॽ, च़ेत्‍थ्‍याहाॽ, खप्‍प्‍याहाॽ वाहप्‍मा सुत्‍थो चोःक्‍मा वेॽ थिम्‍हाॽआङ् म़ेगत्तुरो॥)
24553	MRK 7:21	थेआङ्‌भ़ेल्‍ल़े म़ेन्‍छाम्‍ग़ेन् याप्‍मि निङ्‌वाॽ सिगाङ्‌लाम् फ़ेन् निङ्‌वाॽ, याम्‍बोःप्‍मा, खुःम्‍मा, मना स़ेप्‍मा, चाराम्‍मा याःम्‍बक्, खिःम्‍मा, ताप्‍फ़ेःम्‍बा निङ्‌वाॽ चोःक्‍मा, इङ्‌ल़ेक् चोःक्‍मा, च़ेल्‍ल़ेक्‍ल़ेक्‌लॽमा, नाह़ेम्‍मा, च़ेॽया इङ्‌दो पाःप्‍मा, आङ्‌दिङ् लॽमा, अदङ् पाःन् चोःक्‍मा, ह़ेक्‍तङ्‌बा फ़ेन् पाःन्‍हाॽ लःन्‍लो॥
24560	MRK 7:28	ह़ेक्‍केःल्‍ल़े ख़ेन् म़ेन्‍छुमाॽइल्‍ल़े नोगप् पिरु, “स़ेक्‍खाएरो आदाङ्‌बे, कर कोःत्‍चोहाॽऱेआङ् हिन्‍जाॽबित्‍छाहाॽऱे खुनिॽ चामाद़ेन्‍नोलाम् मक्‍क़ेधाःबा कुजिहाॽ म़ेजरो॥”
24595	MRK 8:26	य़ेसुऱे ख़ेन् मनाःन् अक्‍खे म़ेत्तुर कुहिम्‍सयङ्‌ङो पाङ्‌घुदेःसु, “ख़ेऩेॽ पाङ्‌भेॽओ म़ेन्‍लाःत्ते क़ेहिम्‍मो नुःक्‍ख़े पेग़ेॽओ॥”
24625	MRK 9:18	फ़ेन्‍साम्‍मिल्‍ल़े फत्तुल्‍ल़े ख़ेन् खाम्‍मो थाम्‍सिङ्‌ङाङ् कुध्‍याःत्तिन् फुजुःक्-फुजुःक् लःन्‍नाङ् कुहाबोॽबान् इसिक्‍खुॽ, ह़ेक्‍क्‍याङ् खाक्‍तुॽरो॥ क़ेहुॽसाम्‍बाहाॽ ‘ख़ेन् फ़ेन्‍साम्‍मिन् आस्‍साःल्‍लोलाम् नाःत्त़ेम् आबिऱेम्‍म़ेॽ’ म़ेत्तुङ्‌सिङ्, कर म़ेन्‍छुक्‍तुन्‍लो॥”
24629	MRK 9:22	कन् फ़ेन्‍साम्‍मिल्‍ल़े यरिक् ल़ेङ् स़ेप्‍मा कोःत्तुल्‍ल़े चुक्‍प़ेन् मिओ नु च्‍वाःत्तो स़ेप्‍मा फाॽआङ् लाप्‍फुसु याक्‍तुरो॥ आदाङ्‌बे, लुङ्‌माॽ आदुक्‍त़ेॽओ, क़ेसुक्‍तुऩे फाॽग्र आभाॽऱेॽओ॥”
24649	MRK 9:42	“ह़ेक्‍क्‍याङ् आत्तिल्‍ल़े इङ्‌गाॽ याप्‍मि नसाःन् क़ेजोःक्‍पा चुक्‍सा हिन्‍जाॽधिक् लायो चोःक्‍मा पाङ्‌घुॽ, ख़ेल्‍ल़े कुनिःङ्‌मो लुम्‍सुम्‍मिन् फोःम्‍माआङ् वरक्‍को लाप्‍फुमाल्‍ल़ेए नुःबा पोःङ्‌लो॥
24664	MRK 10:7	‘ख़ेल्‍ल़े चोगुल्‍ल़े य़ेम्‍बित्‍छाॽइल्‍ल़े कुम्‍बा नु कुम्‍मासि ल़ेरुसिआङ् कुमेःत्तिन्‍नु तङ्‌लो, ह़ेक्‍क्‍याङ् ख़ेङ्‌हाॽ लत्‍छा थक् पोःङ्‌सिरो॥ आल्‍ल ख़ेङ्‌हाॽग ऩेप्‍फुसि म़ेःन्, कर लत्‍छा थक्‍सिरो॥’
24688	MRK 10:31	कर आल्‍लो तगि क़ेवाॽबा यरिक् मनाहाॽ एगाङ् म़ेबोःङ्‌लो, ह़ेक्‍क्‍याङ् आल्‍लो एगाङ् क़ेवाॽबा यरिक् मनाहाॽ तगाङ् म़ेबोःङ्‌लो॥”
24696	MRK 10:39	ख़ेङ्‌हाॽऱे नोगप् पिऱेत्‍छु, “सुक्‍सुग़ेॽ॥” य़ेसुऱे ख़ेङ्‌हाॽ म़ेत्तुसि, “खिन्‍छिॽ स़ेक्‍खाए इङ्‌गाॽ थुङुङ्‌बा खोर्याओ क़ेधुङ्‌सुॽआङ् इङ्‌गाॽ पोःङ्‌ङाबा बप्‍तिस्‍मान्‍नाङ् खिन्‍छिॽ क़ेबोःङ्‌सिॽ,
24710	MRK 11:1	य़ेसुःन् नु कुहुॽसाम्‍बाहाॽ यरुसल़ेम म़ेबेर म़ेबत्‍छ़ेल्‍ल़े यरुसल़ेम निःत्ताङ्‌बा जैतुन कोःक्‍माल्‍ल़े कुबेसाङ्‌बा ब़ेथफागे नु ब़ेथानि म़ेप्‍मनाबा पाङ्‌जुम् निःत्ताङ् म़ेग़ेऱे, ह़ेक्‍क्‍याङ् य़ेसुऱे ऩेप्‍फु कुहुॽसाम्‍बाहाॽ अक्‍खे म़ेत्तुसिर पाङ्‌घुसि,
24747	MRK 12:5	याम्‍मो वेॽस्‍मा सेवारोबान् पाङ्‌घु, ह़ेक्‍क्‍याङ् ख़ेङ्‌ग म़ेहिप्‍तुआङ् म़ेस़ेरुरो॥ ह़ेक्‍केलॽरिक् खुऩेॽ वेॽ वेॽ यरिक् सेवारोबाहाॽ पाङ्‌घुसिल्‍ल़े कुभा म़ेहिप्‍तुसि, कुभा म़ेस़ेरुसिरो॥
24836	MRK 14:13	ह़ेक्‍केःल्‍ल़े य़ेसुऱे ऩेप्‍फु कुहुॽसाम्‍बाहाॽ अक्‍खे म़ेत्तुसिर यरुसल़ेम्‍मो पाङ्‌घुसि, “खिन्‍छिॽ य़ेक्‌यक्‍को क़ेलाःत्‍छिर क़ेबत्‍छिल्‍ल़े च्‍वाःत् कुःन्‍दा क़ेबङ्‌बा मनाधिक्‍ल़े क़ेदुम्‍सिॽ॥ ख़ेन् लाःप्‍पा हिम्‍मो थारिक् तिम्‍द़ेत्‍छ़ेॽ॥ ह़ेक्‍क्‍याङ् हिम्‍दाङ्‌बान् म़ेत्त़ेत्‍छ़ेॽ, ‘आनिग़े सिक्‍साम्‍बाल्‍ल़े ख़ेऩेॽ अक्‍खे क़ेम़ेत्त़ेआङ् क़ेवाॽरो, तरे युङ्‌मा याक्‍फाङ्‌ङिन् आत्तो ऩेबे? ख़ेप्‍मो इङ्‌गाॽ आहुॽसाम्‍बाहाॽनु यहुदि चोःक्‌युम्‍भो तङ्‌नाम्‍मिल्‍ल़ेन्‌साभाङ्‌जाःन्‌चाङ्‌लो॥’
24913	MRK 15:18	ह़ेक्‍क्‍याङ् खुऩेॽ “यहुदि हाङ्‌ङे, तियाहा!” म़ेम़ेत्तुर सेवा म़ेम़ेत्तु॥
24918	MRK 15:23	ह़ेक्‍क्‍याङ् मुर्र म़ेप्‍मनाबा सिदाॽ फुप्‍मनाबा च़ेक्‍ल़ेक्‍सेॽ थिःन् म़ेधुङ्‌घु, कर य़ेसुऱे म़ेधुङुन्‌॥
24965	LUK 1:3	ह़ेक्‍केःल्‍ल़े आनिग़े लुम्‍मो पोःक्‍ख़ेबा क़ेऱेक् पाःन्‍हाॽ कोःम्‍भो चोगुङ्‌ङाङ् वाॽआ ह़ेक्‍क्‍याङ् ख़ेऩेॽ क़ेलागि साप्‍मा नुःबा पोःङ् क़ेलॽबान् इङ्‌गाॽआङ् इःत्तुङ्‌लो, ह़ेक्‍केःल्‍ल़े ख़ेऩेॽ क़ेहुॽसिङ्‌बा काक् पाःन्‍हाॽ स़ेक्‍खाए लॽरिक् कुसिङ् क़ेनिःत्तुर फाॽआङ् थ़ेप्‍प़ेत् साप्‍तुङ् पिऩेआङ् वाॽआरो॥
25008	LUK 1:46	ह़ेक्‍क्‍याङ् मरियमऱे पाःत्तु, “इङ्‌गाॽ आसिक्‍लुङ्‌मोलाम्‍मे दाङ्‌बाल्‍ल़े कुनारा फोःसुङ्‌लो,
25056	LUK 2:14	“साङ्‌ग्राम्‍पेदाङ्‌ङोबा निङ्‌वाॽफुमाङ्‌ङिल्‍ल़े कुमिमिदिङ् पोःङ्‌ल, ह़ेक्‍क्‍याङ् इक्‍सादिङ् खाम्‍बेःक्‍मो लुङ्‌माॽ तुक्‍तुसिबा मनाहाॽऱे सनारुङ् म़ेघोःसुररो॥”
25071	LUK 2:29	“मुक्‍साम्‍दाङ्‌बा आदाङ्‌बाए, आल्‍ल ख़ेऩेॽ क़ेम़ेत्ताङ्‌बा कुइसिःक् इङ्‌गाॽ क़ेसेवारोबान् सनारुङ्‌ङो सिःआनिरो,
25179	LUK 5:3	य़ेसुःन् सिमोनऱे कुघःङ्‌बेओ लाःस़ेआङ् मिसाक् कुदिःम्‍बे केःम्‍बाओ तेॽबाङ्‌घु, ह़ेक्‍क्‍याङ् ख़ेप्‍मो युङ्‌सिङ्‌ङाङ् मनाहाॽ हुॽरुसि॥
25235	LUK 6:20	य़ेसुऱे कुहुॽसाम्‍बाहाॽ ओम़ेत्तुसिर म़ेत्तुसि, “याङ्‌क़ेसाॽबासे, खिनिॽ मुॽइसाबानिङ्‌लो, थेआङ्‌भ़ेल्‍ल़े निङ्‌वाॽफुहाङ्‌जुम्‍मिन् खिनिॽइन्‍ऩेरो॥
25236	LUK 6:21	आल्‍ल साक्‍किल्‍ल़े तरुसिबासे, खिनिॽ मुॽइसाबानिङ्‌लो, थेआङ्‌भ़ेल्‍ल़े ताःन्‍दि खिनिॽ क़ेघासिआङ् खिनिॽ निङ्‌सम्‍लो॥ आल्‍लो मेरिङ् थक्‍नु क़ेहाःप्‍पासे, खिनिॽ मुॽइसाबानिङ्‌लो, थेआङ्‌भ़ेल्‍ल़े खिनिॽ क़ेएरिॽरो॥
25270	LUK 7:6	ह़ेक्‍क्‍याङ् य़ेसुःन् ख़ेङ्‌हाॽनु थासिङ्॥ ख़ेङ्‌हाॽ ख़ेन् थक्‍तुम्‍बाल्‍ल़े कुहिम्‍मो क़ेप्‍मानुःल्‍ल़े तगि ख़ेन् थक्‍तुम्‍बाल्‍ल़े अक्‍खे पाःत्तुआङ् कुन्‍जुम्‍हाॽ पाङ्‌घुसि, “आदाङ्‌बे, तुक्‍खे म़ेज़ेन्‍ऩेॽओ, थेआङ्‌भ़ेल्‍ल़े इङ्‌गाॽ ख़ेऩेॽ आहिम्‍मो लाङ्‌दाःक्‍मा म़ेलाॽआन्‍लो॥
25286	LUK 7:22	ह़ेक्‍क्‍याङ् य़ेसुऱे युहुन्‍नालाम् क़ेदाःबाहाॽ म़ेत्तुसि, “पेस़ेत्‍छ़ेॽआङ् कन् क़ेनिःस़ेत्‍छु, क़ेघ़ेप्‍स़ेत्‍छुबा पाःन्‍निन् युहुन्‍नाःन् म़ेत्त़ेछ़ेॽ–अक्‍खेलॽरिक् मिक्‍फःम्‍बाहाॽऱे निःमा म़ेसुक्‍तुॽ, ह़ेक्‍क्‍याङ् लाङ्‌सक्‍पाहाॽ लाङ्‌म़ेघेःक्, लोगेॽऱे तरुसिबाहाॽ म़ेवेःत्‌, ह़ेक्‍क्‍याङ् नाध़ेक्‍क्ऱेङ्‌हाॽऱे म़ेघ़ेप्‍सु, क़ेसिःबाहाॽ याम्‍मो म़ेहिङ्, ह़ेक्‍क्‍याङ् याङ्‌ग़ेसाॽबाहाॽऱे सुनाइङ्‌ङिन् म़ेघ़ेप्‍सुॽरो॥
25298	LUK 7:34	म़ेन्‍छाम्‍साःन् चर थुङुर त्‍य़े, ह़ेक्‍क्‍याङ् ‘ख़ेन् तःक्‍थ़ेःक्‍क़ेहाॽ, थिःमसाङ्‌हाॽ, एःङ्‌याङ् क़ेभोःङ्‌बाहाॽ नु लायोबाहाॽऱे खुनिॽ तेःङ्‌बारो’ क़ेम़ेत्तुम्‍लो॥
25328	LUK 8:14	ह़ेक्‍क्‍याङ् तिङ्‌ग्रेःक् क़ेलिङ्‌बा खाम्‍मो क़ेजुक्‍पा याॽरिःम्‍बाहाॽग पाःन्‍जाक् क़ेघ़ेम्‍बा मनाहाॽ कुइसिःक् म़ेजोःक्, कर निङ्‌साम्, याङ्‌साकुन्‍धे नु कन् हिङ्‌मन्‍बा याम्‍दादाबा पाःन्‍निल्‍ल़े ख़ेङ्‌हाॽ सुःप्‍तुसिआङ् ख़ेङ्‌हाॽऱे कुजाॽ फम्‍मा म़ेन्‍छुक्‍तुन्‍लो॥
25338	LUK 8:24	कुहुॽसाम्‍बाहाॽ म़ेबेआङ् य़ेसुःन् म़ेभोःक्‍खुर अक्‍खे म़ेम़ेत्तु, “आदाङ्‌बे, आदाङ्‌बे, आनिग़ेग हुम्‍मा सिःमा इःत्तिग़ेरो॥” ह़ेक्‍क्‍याङ् य़ेसुःन् पोग़ेआङ् ख़ेन् सुरित्‌केजङ्‌ङिन् नु वाभ़ेल्‍ल़ेङ्‌ङिन्‌फ़ेःक्‍तु॥ ह़ेक्‍क्‍याङ् सुरित्‌केजङ्‌ङिन् हुःमा चक्‍थासु ह़ेक्‍क्‍याङ् वाभ़ेल्‍ल़ेङ्‌ङिन्‍नाङ् चिजि य़ेम्‌य़ेम् लॽऱेरो॥
25352	LUK 8:38	फ़ेन्‍साम्‍हाॽऱे म़ेल़ेरुबा ख़ेन् मनाःन् ख़ेॽयो त्‍य़ेआङ् य़ेसुःन् आदाङ्‌बे, इङ्‌गाॽआङ् ख़ेऩेॽनुए तेॽराङ्‌ङ़ेॽओ फाॽआङ् पेलि फाक्‍तु, कर य़ेसुऱे अक्‍खे म़ेत्तुर नुःक्‍तुदेःसु,
25373	LUK 9:3	ह़ेक्‍क्‍याङ् ख़ेङ्‌हाॽ अक्‍खे म़ेत्तुसि, “खिनिॽ लाम्‍दिःक्‍को क़ेबेगिल्‍ल़े तक्‍काःत्, सुःक्‌वा, चामा चा, याङ्, ह़ेक्‍क्‍याङ् वेॽ ल़ेक्‍सिङ्‌मा चाङ् थेआङ् म़ेयाङ्‌ङासिम्‍म़ेन्‍ऩेॽओ॥
25396	LUK 9:26	आत्तिन् मनाःन् इङ्‌गाॽनु ह़ेक्‍क्‍याङ् आबाःन्‍जाक्‍किन्‍नु सिरिङ् मःॽ, इङ्‌गाॽ म़ेन्‍छाम्‍साःन्‍नाङ् आमिमिदिङ्‌नु, आम्‍बाऱे कुमिमिदिङ्‌नु ह़ेक्‍क्‍याङ् सेसे माङ्‌लाइङ्‌बाहाॽऱे खुनिॽ मिमिदिङ्‌नु युःआल्‍ल़े ख़ेन्‍निन् आमना पाःप्‍मा सिरिङ् मःआरो॥
25451	LUK 10:19	निङ्‌मिःल्‍ल़े कुमुक्‍साम् सम्‍दाङ् इङ्‌गाॽ युक् पिनिङ्‌ङाङ् वाॽ, ह़ेक्‍क्‍याङ् असेःक्‍पाहाॽ सम्‍दाङ् खिनिॽ लाङ्‌क़ेघेगिॽ, ताङ्‌साङ्‌ख़ेबक्‍हाॽ क़ेदोॽरुम्‍सिम्, कर थेआङ् क़ेम़ेम्‍म़ेत्तिन्‍लो॥
25455	LUK 10:23	ह़ेक्‍क्‍याङ् खुऩेॽ कुहुॽसाम्‍बाहाॽ ल़ेप्‍माङ् हिसिङ्‌ङाङ् स्‍वाःत्ताङ् म़ेत्तुसि, “खिनिॽग मुॽइसाबानिङ्‌लो, थेआङ्‌भ़ेल्‍ल़े खिनिॽ मिक्‍किल्‍ल़े कन्‌पाःन्‍हाॽ निःसुॽरो॥
25484	LUK 11:10	थेआङ्‌भ़ेल्‍ल़े हाःत्‍ल़े नाःक्‍तुॽ, ख़ेल्‍ल़े खोःसुॽ, ह़ेक्‍क्‍याङ् हाःत्‍ल़े कोःत्तुॽ, ख़ेल्‍ल़े याङ्‌घुॽ, ह़ेक्‍क्‍याङ् हाःत्‍ल़े लाम्‍धेःप्‍प़ेन्‌खक्‌खक्‌म़ेत्तुॽ, ख़ेल्‍ल़े कुलागि लाम्‍धेःप्‍प़ेन्‌हन्‍लो॥
25514	LUK 11:40	अदङ्‌से, लाःक्‍कात् क़ेजोःक्‍पाल्‍ल़े सिगाङ्‌बान्‍नाङ्‌चोगुबा म़ेःम्‍बि?
25517	LUK 11:43	फरिसिसे, क़ेजिःत्ति क़ेस्‍य़ेॽइरो! खिनिॽग यहुदि चुम्‍लुङ्‌हिम्‍मो तुम्‍म्‍याङ्‌हाङ् युक्‍नाहाॽओ युङ्‌मा खिनिॽ सिराॽ थाङ्‌लो, ह़ेक्‍क्‍याङ् पाङ्‌जुम्‍हाःत्ति मनाहाॽऱे सेवा म़ेम़ेत्तिग़ेर क़ेलॽरिॽरो॥
25547	LUK 12:19	ह़ेक्‍क्‍याङ् इङ्‌गाॽ आबाङे अक्‍खे म़ेत्‍छिङ्‌ङा, तेःङ्‌बे, यरिक् तङ्‌बे थारिक् क़ेयोबा चा नु चिगःक्‌वाहाॽ सुप्‍सुङ्‌सिङ्‌ङाङ् वाॽआरो॥ आल्‍ल कुसानुःरिक् युङ़ेॽ, च़ेॽ, थुङ़ेॽआङ् सःत्त़ेॽओ!’
25613	LUK 13:26	ह़ेक्‍केःल्‍ल़े खिनिॽ याम्‍मो क़ेबाःत्तुम्, “आनिग़ेग ख़ेऩेॽनुए सोरिक् युङ्‌मनाआङ् चाःमना थुङ्‌मनारो, ख़ेऩेॽग आनिग़े लाम्‍मो निसाम् क़ेहुॽरुसिरो॥
25632	LUK 14:10	ख़ेल्‍ल़े कुल़ेक्‌वा तरे क़ेम्‍उःत्‍ऩे फाॽग्र ख़ेऩेॽ यो खाम्‍लोओ युङ्‌सिङ्‌ङ़ेॽओ॥ ह़ेक्‍केलॽरिक् हिम्‍दाङ्‌ब़ेन् ताआङ् ‘म़ेःन् आदाङ्‌बे, ख़ेऩेॽ थो तुम्‍म्‍याङ्‌हाङ् युक्‍नाओ युङ़ेॽओ’ क़ेम़ेत्‍ऩे फाॽग्र ख़ेॽयो खिरि क़ेवाॽबा तरेबाहाॽऱे खुनिॽ तगि ख़ेऩेॽ क़ेमिङ्‌सो पोःरो॥
25633	LUK 14:11	थेआङ्‌भ़ेल्‍ल़े हाःत् यम्‍बा ल़ेङ्‌सिङ् ख़ेन् चुङ्‌जिग़ेन्‍साः पोःङ्‌लो, ह़ेक्‍क्‍याङ् हाःत् चुङ्‌जिग़ेन्‍साः ल़ेङ्‌सिङ् ख़ेन् यम्‍लाबा पोःङ्‌लो॥”
25635	LUK 14:13	कर ख़ेऩेॽ चामुक् थिमुक् क़ेस़ेःसुल्‍ल़े याङ्‌ग़ेसाॽबाहाॽ, क़ेदुक्‍पाहाॽ, लाङ्‌सक्‍पाहाॽ नु मिक्‍फःम्‍बाहाॽ उःत्त़ेस़ेॽओ॥
25643	LUK 14:21	ह़ेक्‍क्‍याङ् सेवारोबाल्‍ल़े पेआङ् कुन्‍दाङ्‌बान् बा ह़ेक्‍के ख़ेन् पाःन्‍निन् म़ेत्तु॥ ह़ेक्‍केःल्‍ल़े ख़ेन् मनाःल्‍ल़े साॽरिक् कुसिक् पोग़ेआङ् ख़ेन् कुसेवारोबान् म़ेत्तु, ‘हारा पेग़ेॽआङ् पाङ्‌जुम्‍मोबा लाम् लाम् क़ेवाॽबा याङ्‌ग़ेसाॽबाहाॽ, क़ेदुक्‍पाहाॽ, लाङ्‌सक्‍पाहाॽ नु मिक्‍फःम्‍बाहाॽ उःत्त़े ताऱेस़ेॽ॥’
25700	LUK 16:11	आत्तिन् मनाःन् इक्‍सादिङ् खाम्‍बेःक्‍मोबा याङ्‌साकुन्‍धेओए नसाःन्‍साबा म़ेबोःङ्‌ऩेन्, ख़ेन् हाःत्‍ल़े स़ेक्‍खास्‍मा याङ्‌साकुन्‍धेओ लक्‍प़ेन्‌पिरुबे?
25759	LUK 18:2	“थिक् य़ेक्‌यक्‍को लत्‍थिक् निङ्‌वाॽफुमाङ्‌नु म़ेङ्‌गिःमनाबा, आत्तिन् मनाःन्‍नाङ् इङ्‌धाःङ् म़ेम्‍बिमनाबा खास़ेन्‍लोःम्‍बाधिक् वय़ेरो॥
25768	LUK 18:11	ख़ेन् फरिसिःन् एःक् य़ेम्‍सिङ्‌ङाङ् तुवा चोगु, ‘निङ्‌वाॽफुमाङ्‌ङे, इङ्‌गाॽ नोग़ेन् पिऩेरो, थेआङ्‌भ़ेल्‍ल़े इङ्‌गाॽ वेॽस्‍मा मनाहाॽ ह़ेक्‍के, साक्‍क़ेल्‍ल़ेक्‍काङ् याङ् क़ेभोःङ्‌बा, मना ताप्‍फ़ेःल्‍लिक् क़ेम़ेप्‍पा, चाराम्‍मा याःम्‍बक् क़ेजोःक्‍पा, ह़ेक्‍क्‍याङ् कन् एःङ्‌याङ् क़ेभोःङ्‌बा ह़ेक्‍के इङ्‌गाॽ म़ेजोःक्‍कान्‍लो॥
25769	LUK 18:12	इङ्‌गाॽ य़ेत्‍नाम्‍ल़े निल़ेङ् चाःऩेत्तो युङ्‌ङाॽ, ह़ेक्‍क्‍याङ् इङ्‌गाॽ खोःसुङ्‌बा थगुङ्‌बा क़ेऱेक्‍ल़ेन् थिबोःङ्‌लक् पिऩेरो॥’
25771	LUK 18:14	ओम़ेत्त़ेम्‍म़ेॽओ, कन् एःङ्‌याङ् क़ेभोःङ्‌ब़ेङ्‌ग फरिसिःन्‍नुःल्‍ल़े साम्‌योनिबा पोःक्‍ख़ेआङ् कुहिम्‍मो पेरो॥ थेआङ्‌भ़ेल्‍ल़े आत्तिन् मनाःन् थाःङ्‌धाःङ् यम्‍बा ल़ेङ्‌सिङ्, ख़ेन् चुङ्‌जिग़ेन् पोःङ्‌लो॥ आत्तिन् चुङ्‌जिग़ेन् ल़ेङ्‌सिङ् ख़ेन्‍निन् यम्‍बलाबा पोःङ्‌लो॥”
25817	LUK 19:17	ह़ेक्‍क्‍याङ् ख़ेल्‍ल़े म़ेत्तु, “नुःऱेरो आसेवारोबे, साॽरिक् नुःबा क़ेजोगुरो! ख़ेऩेॽ थिबोःङ् य़ेक्‌यक् सम्‍दाङ् सुहाङ्‌ग़ेम्‍बा क़ेबोःङ्‌लो, थेआङ्‌भ़ेल्‍ल़े चुक्‍सा पाःन्‍नो नसाःन्‍साबा क़ेबोःक्‍ख़ेरो॥”
25821	LUK 19:21	ख़ेऩेॽनु इङ्‌गाॽ किसाङ्‌लो, थेआङ्‌भ़ेल्‍ल़े ख़ेऩेॽ क़ेजिःप्‍पा क़ेजोःक्॥ ख़ेऩेॽ क़ेम्‍बिरुन्‍सिन्‍बान् क़ेनाःक्‍तुसिॽ, क़ेन्‍देःसुम्‍बान् क़ेसुप्‍सुॽरो॥”
25829	LUK 19:29	ह़ेक्‍क्‍याङ् खुऩेॽ ब़ेथफागे नु ब़ेथानि पाङ्‌जुम्‍हाॽऱे निःत्ताङ् क़ेऱेल्‍ल़े जैतुन कोःक्‍माओ ऩेप्‍फु कुहुॽसाम्‍बाहाॽ उःत्तुसिआङ् अक्‍खे म़ेत्तुसिर पाङ्‌घुसि,
25838	LUK 19:38	“यहवे दाङ्‌बाल्‍ल़े कुमिङ्‌ङो क़ेदाःबा हाङ्‌ङिन् मुॽइसाबा पोःङ्‌लरो॥ साङ्‌ग्राम्‍पेदाङ्‌ङो सनारुङ् पोःङ्‌लरो, निङ्‌वाॽफुमाङ्‌ङिल्‍ल़े कुमिमिदिङ् पोःङ्‌लरो॥”