| 23380 | MAT 6:29 | कर इङ्गाॽ म़ेत्निङ्, सोलोमन हाङ्ङिन् मिङ्सोधाःङ्सोओ मुक्त़ेआङ् वय़ेसाङ् ख़ेन् यारिक्काङ् नुःबा तेःत् म़ेजाक्सिङ्ङिन्लो॥ |
| 23438 | MAT 8:24 | हक्चघत् वरक्को किप्मा क़ेघुःबा सुरित्क़ेजजङ्ङिन् हुःमा हेःक्त़ेआङ् वाभ़ेल्ल़ेङ्ङिल्ल़े खःङ्बेन् व़ेत्ल़ेक्तिम्स़ेरो॥ कर य़ेसुःङ्ग इप्स़ेआङ् ऩेस्स़ेरो॥ |
| 23509 | MAT 10:23 | खिनिॽ थिक्त़ेन्नो तुक्खे क़ेम्जाःत्तिल्ल़े वेॽस्मा त़ेन्नो ख़ेत्छिङ्ङ़ेम्म़ेॽओ॥ इङ्गाॽ स़ेक्खाए म़ेत्निङ्, इङ्गाॽ म़ेन्छाम्साःन् नुःङ्ङा युःआल्ल़े खिनिॽ कन् इस्राइलस्मा क़ेऱेक् य़ेक्यक्हाॽओ सुनाइङ् स़ेःमा याःम्बक् म़ेन्छुःत्ते क़ेवयिॽरो॥ |
| 24034 | MAT 24:8 | कङ्ग क़ेदाःबार क़ेबप्पा किप्मा क़ेघुःबा तुक्खेहाॽऱे कुहेःक्सिङ्मारक्लो॥ |
| 24105 | MAT 25:28 | कन् सेवारोबाल्ल़े कत्तुबा याङ्ङिन् नाप्त़ेम्म़ेॽआङ् थिबोःङ् ह़ेन्छिङ् साम्म्याङ् याङ्इत्छि क़ेगप्प़ेन्पिऱेम्म़ेॽओ॥ |
| 24173 | MAT 26:50 | ह़ेक्केःल्ल़े य़ेसुऱे ख़ेन् म़ेत्तु, “चुम्मे, ख़ेऩेॽ थे चोःक्स़े क़ेद्य़ेबा ख़ेन् हारा चोग़ेॽओ॥” ह़ेक्क्याङ् वेॽ मनाहाॽऱे य़ेसुःन् हुक् म़ेयाक्तुआङ्म़ेद़ेम्सुरो॥ |
| 24671 | MRK 10:14 | ह़ेक्क्याङ् य़ेसुऱे ख़ेन् निःसुआङ् कुयाःक् ल़ेॽऱेर ख़ेङ्हाॽ म़ेत्तुसि, “हाराॽ हिन्जाॽबित्छाहाॽ इङ्गाॽओ ताःमा फाःक्त़ेम्सिम्म़ेॽओ, ख़ेङ्हाॽ म़ेसाक्त़ेम्सिम्मिन्ऩेॽ, थेआङ्भ़ेल्ल़े निङ्वाॽफुहाङ्जुम्मिङ्ग कन् हिन्जाॽबित्छा ह़ेक्तङ्बाहाॽऱेन्नेरो॥ |
| 24794 | MRK 13:8 | म़ेन्छाम् सुवाङ्हाॽ नु लाजेॽहाॽ लुम्मो थङ् पोःक्, यरिक् लाजेॽओ लुप्लि थाङ्, ह़ेक्क्याङ् साक् पोःक्लो॥ कङ्ग क़ेदाःबार क़ेबप्पा किप्मा क़ेघुःबा तुक्खेहाॽऱेन् कुहेःक्सिङ्मारक्लो॥ |
| 24869 | MRK 14:46 | ह़ेक्क्याङ् वेॽ मनाहाॽऱे य़ेसुःन् हुक् म़ेयाक्तुआङ्म़ेद़ेम्सुरो॥ |
| 24926 | MRK 15:31 | ह़ेक्केलॽरिक्के तुम्निङ्वाॽफुसाम्बाहाॽ नु साम्योथिम्साम्बाहाॽऱेआङ् खुऩेॽ किनाःन्दि म़ेबिरुर अक्खे म़ेबाःत्तु, “ख़ेल्ल़े वेॽ मनाहाॽग ताङ्स़ेःप्तुसि, कर खुऩेॽ आबाङेग स़ेःप्सिङ्मा म़ेसुक्सिङ्ङिन्लो॥ |
| 24960 | MRK 16:18 | ह़ेक्क्याङ् ख़ेङ्हाॽऱे असेःक्पाहाॽ म़ेद़ेम्सुसिॽ, निङ् क़ेयाक्पा च्या म़ेधुङुसाङ् थेआङ् हम् म़ेम्बोःङ्ङिन्लो॥ ह़ेक्क्याङ् क़ेदुक्पा क़ेयॽबाहाॽ सम्दाङ् हुक् म़ेऩेस्सु म़ेबिरुसिल्ल़े ख़ेङ्हाॽ म़ेवेःत्लो॥” |
| 25686 | LUK 15:29 | ह़ेक्केःल्ल़े ख़ेन् कुस्साः तुम्बाल्ल़े कुम्बा अक्खे म़ेत्तु, ‘ओम़ेत्त़ेॽ, इङ्गाॽ कम्भ़ेरिक् तङ्बे थारिक् ख़ेऩेॽ क़ेसेवा चोगुङ्, क़ेबाःत्तुबा पाःन् आप्फाल्ल़ेआङ् इङ्गाॽ म़ेन्अप्प़ेन्, ह़ेक्केसाङ् ख़ेऩेॽ आन्देःङ् आन्जुम्हाॽनु चामुक् थिमुक् चोगुङ्नि फाॽआङ् म़ेन्दाक्साधिक्काङ् क़ेम्बिराङ्ङिन्लो॥ |
| 25773 | LUK 18:16 | कर य़ेसुऱे ख़ेङ्हाॽ उःत्तुसिआङ् म़ेत्तुसि, “कन् हिन्जाॽबित्छाहाॽ इङ्गाॽओ ताःमा फाःक्त़ेम्सिम्म़ेॽओ, ख़ेङ्हाॽ म़ेसाक्त़ेम्सिम्मिन्ऩेॽओ, थेआङ्भ़ेल्ल़े निङ्वाॽफुहाङ्जुम्मिङ्ग कन् हिन्जाॽबित्छा ह़ेक्तङ्बाहाॽऱेन्नेरो॥ |
| 26116 | JHN 1:3 | खुऩेॽलाम्मे नावाग़ेन् चइःत्तोबा काक् पाःन्हाॽ पोःक्ख़ेबारो॥ ह़ेक्क्याङ् कन् क़ेबोःङ्बाहाॽओ खुऩेॽ म़ेःन्ने थेधिक्काङ्म़ेबोःक्ख़ेन्॥ |
| 26438 | JHN 7:41 | वेॽहाॽऱे म़ेबाःत्तु “खुऩेॽग निङ्वाॽफुमाङ्ङिल्ल़े सेःन्दुबा ख्रिस्तरो॥” कर आल्लसाङ् वेॽहाॽऱे अक्खेलॽरिक् म़ेबाःत्तु, “कङ्ग पोःङ्माए म़ेसुक्ऩेन्लो, थेआङ्भ़ेल्ल़े ख्रिस्त़ेङ्ग गालिल थुम्मोलाम्म़ेदाऩेन्लो॥ |
| 26755 | JHN 14:18 | इङ्गाॽग खिनिॽ य़ेत्छाबा कुइसिःक् पक्म़ेधानिङ्ङिन्लो॥ इङ्गाॽ खिनिॽओ युःआरो॥ |
| 26906 | JHN 19:12 | ह़ेक्केःल्ल़ेग पिलातसऱे य़ेसुःन् ल़ेप्मादेःमा निङ्वाॽ चोगु, कर यहुदिहाॽऱे चक्म़ेल्लॽए अक्खे म़ेबाःत्तुर म़ेअःक्त़ेरो, “कन् मनाःन् क़ेल़ेरु क़ेदेःसुऩे फाॽग्र ख़ेऩेॽग सिजरल़े कुन्देःङ्बा क़ेम्बोःङ्ऩेन्लो॥ आत्तिल्ल़े आबाङे हाङ् पोःङ्मा निङ्वाॽ चोगुॽ ख़ेन् सिजरल़े कुदक्ल़ेङ्वाओ पोःक्लो॥” |
| 26918 | JHN 19:24 | ख़ेल्ल़े चोगुल्ल़े ख़ेङ्हाॽ अक्खे म़ेम़ेत्छिङ्, “कङ्ग आनिॽ थ़ेःक्खुम् म़ेःन्लो, कर तॽयाःन्सोःन्क़ेःसुम्लो॥ आत्तिल्ल़े कुलक्को थाः, हाराॽ ख़ेल्ल़ेए ख़ेन् तेॽरुनिरो॥” कन् पाःन्निङ्ग साम्योसाप्लाओ अक्खेलॽरिक् ख़ेङ्हाॽऱे इङ्गाॽ आजाङ्हाॽ म़ेहाःत्छिङ्लो, ह़ेक्क्याङ् आदेःत्तिन् तॽयानःन्सोःन् म़ेग़ेसुॽरो लॽरिक् साप्त़ेआङ् क़ेबप्प़ेन्क़ेऱेबारो॥ ह़ेक्केलॽरिक् थक्सुबाहाॽऱेआङ् बा ह़ेक्केए म़ेजोगुरो॥ |
| 27045 | ACT 2:27 | थेआङ्भ़ेल्ल़े निङ्वाॽफुमाङ्ङे, इङ्गाॽ आयाम्साम्मिन् ख़ेमायङ्सङ्ङो पक्क़ेन्धऩेन्लो॥ ह़ेक्क्याङ् सेसे क़ेसेवारोबाल्ल़े कुधक्किन् इप्पुङ्ङो किःमा यःप्मा क़ेम्बाङ्घुन्लो॥ |
| 27537 | ACT 15:26 | ख़ेङ्हाॽऱेग आनिॽ दाङ्बा य़ेसु ख्रिस्तऱे कुसेवा चोःक्मो खुनिॽ हिङ्मन्निन् म़ेन्दाङ्घुन्लो॥ |
| 27684 | ACT 19:30 | पावलऱेआङ् ख़ेप्मो पेःक्माआङ् पाःप्मा निङ्वाॽ चोगु, कर नसानिबाहाॽऱे खुऩेॽ ख़ेप्मो पेःक्मा म़ेम्बाङ्घुन्लो॥ |
| 27727 | ACT 20:33 | इङ्गाॽग आत्तिन्हाॽऱेन्नाङ् खुनिॽ साम्म्याङ् युप्पा नु नुःबा त़ेःत्फुङ्हाॽओ मिक्म़ेङ्गेःपान्लो॥ |
| 27742 | ACT 21:10 | आल्ल ख़ेप्मो वयिग़ेबा कुभा य़ेन् एगाङ् यहुदियालाम् अगाबस म़ेप्मनाबा माङ्निङ्वाॽपाःन् क़ेबाःप्पाधिक्त्य़े॥ |
| 28079 | ROM 3:20 | ख़ेल्ल़े चोगुल्ल़े साम्योथिम्मो क़ेबप्पा पाःन्हाॽ इःप्मा नाःप्माल्ल़े निङ्वाॽफुमाङ्ङिल्ल़े कुनिःमाओ आत्तिन्नाङ् आप्तिक् म़ेःन्नेबा आम्बोःङ्ऩेन्लो॥ साम्योथिम्मिल्ल़ेग आनिॽ लायो आजोगुम्माङ् आवाॽ क़ेलॽबान् ओसेःन् आधाक्लो॥ |
| 28121 | ROM 5:6 | आनिॽ लायोलाम् आबाङे ताङ्स़ेःप्सिङ्मा म़ेन्छुक्मनाबा आबोःक्ख़ेआङ् आवय़ेल्ल़े सुय़ेम्मो लायोबाहाॽऱे लागि ख्रिस्त़ेन्स्य़ेरो॥ |
| 28230 | ROM 9:7 | अब्राहामऱे कुमुॽइदाङ्सा म़ेबोःङ्ङिल्ल़ेसा क़ेऱेक् स़ेक्खाबा कुस्साः म़ेम्बोःङ्ऩेन्लो॥ कर साम्योसाप्लाओ अक्खेलॽरिक् साप्त़ेआङ् पत्, “माङ्ह़ेक्चोगुङ्बा क़ेस्साः इसहाकलाम्मे क़ेमुॽइदाङ्साहाॽ म़ेबोःङ्लो॥” |
| 28298 | ROM 11:21 | थेआङ्भ़ेल्ल़े निङ्वाॽफुमाङ्ङिल्ल़े स़ेक्खाबा पोराःक्हाॽए म़ेदाङ्घुन्छिन्निल्ल़े खिनिॽआङ् क़ेन्दाङ्घिन्लो॥ |
| 28355 | ROM 14:7 | थेआङ्भ़ेल्ल़े आनिॽ आहिङ्साङ् आस्सिसाङ् आनिॽ आबाङे लागि आन्हिङ्ऩेन्लो॥ |
| 28504 | 1CO 4:3 | खिनिॽ इग्र वेॽऱे खास़ेन् म़ेलोःन्नाऩे फाॽग्र इङ्गाॽ आलागिग ख़ेन् यम्बा पाःन् म़ेःन्लो॥ स़ेक्खाःल्ल़े इङ्गाॽ आबाङेआङ् खास़ेन् म़ेलोःन्छिङ्ङान्लो॥ |
| 28648 | 1CO 10:13 | खिनिॽ हिङ्मन्नो क़ेदाःबा काक् हङ्साॽमाहाॽ म़ेन्छाम् याप्मि लुम्मो क़ेदाःबा कुइसिःक् चोःक्लो॥ निङ्वाॽफुमाङ्ङिङ्ग नसाःन्साबा चोःक्लो॥ खुऩेॽग खिनिॽ थम्मा क़ेन्छुक्तुम्मिम्बा हङ्साॽमाओ थाःमा क़ेम्बाङ्घिन्लो॥ कर थम्मा क़ेसुक्तुम्ल फाॽआङ् खिनिॽ हङ्साॽमाओ क़ेध्य़ेॽइल्ल़े खुऩेॽए ख़ेप्मोलाम् ताङ्स़ेःप्सिङ्मा लाम्माङ् क़ेबिरिॽरो॥ |
| 28674 | 1CO 11:6 | कुध़ेगेःक् म़ेन्द़ेप्मनामा म़ेन्छुमाॽइल्ल़े कुध़ेगेःक्प़ेन्नःक्खुररो॥ ह़ेक्क्याङ् थ़ेगेःक्इःन् खक्मा इग्र नःङ्माङ्ग म़ेन्छुमाॽइल्ल़े कुलागि कुजाःत्थि क़ेबेःक्पा पाःन्लो॥ ख़ेल्ल़े चोगुल्ल़े खुऩेॽ कुध़ेगेःक्प़ेन्त़ेप्मा पोःङ्लो॥ |
| 28948 | 2CO 5:3 | थेआङ्भ़ेल्ल़े चाङ्ङिल्ल़े थक्किन् त़ेप्तुबा ह़ेक्के ख़ेन् हिम्मिल्ल़े आद़ेप्पाङ् आनिॽ ल़ेक्चाब़ेधिःक् आम्बोःङ्ऩेन्लो॥ |
| 29066 | 2CO 11:9 | ह़ेक्क्याङ् खिनिॽनु वयाङ्ङिल्ल़े इङ्गाॽ याप्मि चाहाबा क़ेजोःक्पा पाःन्हाॽऱेलागि खिनिॽ आत्तिन्नाङ् तुक्खे म़ेजाःत्निङ्ङिन्लो॥ थेआङ्भ़ेल्ल़े म़ेसेदोनियालाम् क़ेदाःबा फुॽनुसाॽहाॽऱे इङ्गाॽ याप्मि चाहाबा क़ेजोःक्पा पाःन्हाॽऱेन् तङ्गाम् म़ेजोगाङ् म़ेबिराङ्लो॥ ह़ेक्केलॽरिक् खिनिॽ आत्तिन्नाङ् आत्तिन्परिक्ल़ेआङ् तुक्खे म़ेन्जाःत्निङ्ङिल्लो॥ ह़ेक्क्याङ् ताःन्दिआङ् ह़ेक्केए चोगुङ्लो॥ |
| 29084 | 2CO 11:27 | इङ्गाॽग याम्बुधिक्काङ् याःम्बक्चोगाङ्ह़ेक्क्याङ् यरिक्ल़ेङ् स़ेन्दिक् म़ेइप्साङ्ङिन्लो॥ स़ेत्लाःक्मा नु वामिःमाल्ल़े तराङ् ह़ेक्क्याङ् यरिक्ल़ेङ् थेआङ् चामा थुङ्मा म़ेङ्घोःबान्लो॥ चुङ्ङिल्ल़े थत्ताङ् थेआङ्भ़ेल्ल़े क़ेगोःबा चाङ्देःत् म़ेङ्गप्प़ेन्लो॥ |
| 29095 | 2CO 12:5 | इङ्गाॽग अक्तङ्बा मनाःल्ल़े कुयाःम्बेओऩे चम्सिङ्ङारो, कर इङ्गाॽ क़ेधुम्बा म़ेजोःक्कान् लॽरिक् ओसेःन्दाङ् क़ेजोःक्पा पाःन्नुःल्ल़े वेॽ आबाङे आयाःम्बेओ म़ेजम्सिङ्ङान्लो॥ |
| 29417 | EPH 6:13 | ख़ेल्ल़े चोगुल्ल़े फ़ेन् य़ेम्हाॽ ताःल्ल़े स़ेःप्सिङ्मा क़ेसुक्कासिर फाॽआङ् थक्सुबा चाङ्ङिल्ल़े थक्सुबान् काप्तुबा ह़ेक्के निङ्वाॽफुमाङ्ङिल्ल़े आबिबा काक् पाःन्निल्ल़े काप्सिङ्ङ़ेम्म़ेॽओ॥ ह़ेक्क्याङ् ख़ेन् थङ् एगाङ् खिनिॽ थधप् म़ेल्लॽए य़ेप्मा क़ेसुक्तिॽरो॥ |
| 30295 | HEB 12:16 | ह़ेक्क्याङ् आत्तिन्नाङ् चाग़ेलाम्बा इग्र ए़साउ ह़ेक्तङ्बा निङ्वाॽफुमाङ्ङिन्म़ेङ्गोःप्मना म़ेम्बोःङ्ऩेन्लरो॥ ख़ेल्ल़ेग चामा थुङ्माऱेलागि तुम्बा कुयुक्किन् ल़ेक्तुरो॥ |
| 30304 | HEB 12:25 | खिनिॽनु क़ेबाःप्पा निङ्वाॽफुमाङ्ङिन् म़ेन्नाॽमा फाॽआङ् सिङ्सिङ् लॽऱेम्म़ेॽओ॥ थेआङ्भ़ेल्ल़े इक्साबा इङ्ग़ेसाबा मोसाःल्ल़े कुसाम्दिङ्ङिन् ख़ेम्मा म़ेन्द़ेम्मनाबा इस्राइलिहाॽ ताङ्म़ेन्छ़ेःप्त़ेन्निल्ल़े साङ्ग्राम्पेदाङ्लाम्बा निङ्वाॽफुमाङ्ङिल्ल़े साम्दिङ् आबिःल्ल़े आनिॽ आनाॽरुम्ऩे फाॽग्र आनिॽआङ् आन्दाङ्ऩेन्लो॥ |
| 30396 | JAS 3:10 | ह़ेक्केलॽरिक् लत्छा मुराओलाम् मुॽइसाम् नु साक्मुराःन्लःन्लो॥ आमिःम् फुॽनुसाॽ नु ऩेॽनुसाॽसे, अक्खे पोःङ्माग म़ेनुॽऩेन्लो॥ |
| 30436 | JAS 5:15 | ह़ेक्क्याङ् नसाःन्लाम्बा चोःक्मनाबा तुवाःल्ल़े ख़ेन् क़ेदुक्प़ेन्वेःत्लो॥ दाङ्बाल्ल़े ख़ेन् वेःन्दुॽरो॥ ख़ेल्ल़े लायो चोगुआङ् वय़ेसाङ्, दाङ्बाल्ल़े ख़ेन् ल़ेप्मि पिरुॽरो॥ |
| 30576 | 2PE 2:9 | ह़ेक्केलॽरिक् दाङ्बाल्ल़े साम्योनिबा मनाहाॽ इनोग़ेन् तुक्खेहाॽलाम् स़ेःप्मासिआङ्ल़ेस्सुॽरो॥ ह़ेक्क्याङ् लायोबा मनाहाॽ खुम्दिङ् पिरुसिर खास़ेन् य़ेन्नो थारिक् कप्मासिआङ्ल़ेस्सुरो॥ |
| 30707 | 1JN 5:16 | हाःत्ल़े नसानिबा फुॽनुसाॽ नु ऩेॽनुसाॽथिक्ल़े सिःम़ेन् थारिक् म़ेन्देॽमना लायो चोगुबा निःसुॽ, ख़ेन् लायोलाम् नुःङ्नि फाॽआङ् पेलिग़ेन् तुवा चोगु पिरुररो॥ ह़ेक्क्याङ् निङ्वाॽफुमाङ्ङिल्ल़े ख़ेन् म़ेन्नुप्मनाबा हिङ्मन् पिरुॽरो॥ कङ्ग सिःम़ेन् थारिक् म़ेन्देॽमना लायो क़ेजोःक्पाल्ल़े कुयाःम्बेओरक् पाःत्तुङ्बारो॥ कर सिःम़ेन् थारिक् क़ेदेॽबा लायोआङ् वाॽरो॥ ह़ेक्क्याङ् ख़ेल्ल़े कुयाःम्बेओ निङ्वाॽफुमाङ्ङिन्पेलिग़ेन् तुवा चोग़ेम्म़ेॽ फाॽआङ् म़ेम़ेत्निङ्ङिन्लो॥ |
| 30826 | REV 3:12 | क़ेनाःम्बाङ्ग आनिङ्वाॽफुमाङ्ङिल्ल़े कुहिम्मो इङ्गाॽ सित्लाङ् चोगुङ्लो॥ खुऩेॽ ख़ेप्मोलाम् आप्फाल्ल़ेआङ् म़ेजत्छिङ्ङिन्लो॥ आनिङ्वाॽफुमाङ्ङिल्ल़े कुमिङ्ङिन् ख़ेल्लो इङ्गाॽ साप्तुङ्, ह़ेक्क्याङ् ख़ेल्लो इङ्गाॽ कुसङ् आमिङ्ङिन्नाङ् साप्तुङ्लो॥ ह़ेक्क्याङ् आनिङ्वाॽफुमाङ्ङिल्ल़े कुसेसे य़ेक्यक् कुसङ् यरुसल़ेमिल्ल़े कुमिङ्ङिन्नाङ् ख़ेल्लो साप्तुङ्लो॥ ख़ेङ्ग आनिङ्वाॽफुमाङ्ङिल्ल़े साङ्ग्राम्पेदाङ्लाम् पाङ्घु युःसुॽ॥ |
| 31106 | REV 19:20 | ह़ेक्क्याङ् ख़ेन् किप्मा क़ेघुःबा थक्साःन् नु खुऩेॽ कुदगि निङ्वाॽ क़ेमाबा याःम्बक् क़ेजोःक्पा ख़ेन् इङ्ल़ेक्पा माङ्निङ्वाॽपाःन् क़ेबाःप्प़ेन्म़ेद़ेम्सुसिरो॥ ख़ेल्ल़े मुक्साम्ऱे कुधिम्बा निङ्वाॽ क़ेमाबा याःम्बक्हाॽऱे ख़ेन् किप्मा क़ेघुःबा थक्साःल्ल़े इबुग़ेन् कुमिक्सेःन् क़ेलक्पा नु कुनावाइत्लाःन् सेवा क़ेजोःक्पाहाॽ इङ्ल़ेक्तुसिआङ् वय़ेरो॥ ख़ेङ्हाॽ ऩेप्माङ् कुहिङ्व़ेत्ते कान्धाक् क़ेदिःप्पा मिराःक्लुम्बाःत्तो लाप्म़ेभुसुसिरो॥ |