| 23230 | MAT 1:17 | अक्खेलॽरिक् अब्राहामलाम् दाउद हाङ् थारिक् थिक्-लि (१४) थाःक् म़ेवय़े, ह़ेक्क्याङ् दाउद हाङ्लाम् ब़ेबिलोन लाजेॽओ म़ेद़ेम्सु म़ेदेॽरुसिआङ् म़ेगत्तुसिबा य़ेम् थारिक् थिक्-लि (१४) थाःक् म़ेवय़े, ह़ेक्क्याङ् ब़ेबिलोःन्नो पुङ्लाधाबा म़ेजोगुसिआङ् म़ेदेॽरुसिबा य़ेम्माङ्धो निङ्वाॽफुमाङ्ङिल्ल़े सेःन्दुबा ख्रिस्त़ेन्सावाःन्छिङ्बा य़ेम् थारिक् थिक्-लि (१४) थाःक् म़ेवय़ेरो॥ |
| 23231 | MAT 1:18 | आल्ल य़ेसु ख्रिस्तऱे कुसावाःन्छिङ्मान् अक्खेलॽरिक् पोःक्ख़ेरो–कुम्मा मरियमऱे कुमेःक्खिम् पोःङ्मा पाःन्निन् युसुफ़ेन्नु पुॽऱेआङ् वय़े, कर खुन्छिॽ मेःक्खिम् पोःङ्मानुःल्ल़े तगिए खुऩेॽ सेसेमाङ्ङिल्ल़े कुमुक्साम्लाम् म़ेन्छुक्मा पोःक्ख़ेरो॥ |
| 23233 | MAT 1:20 | कर ह़ेक्के इःत्तुर वय़ेल्ल़े स़ेप्माङ्मो यहवे दाङ्बाल्ल़े कुमाङ्लाइङ्बान् ओसेःन्धाक्सिङ्ङाङ्अक्खे म़ेत्तुरो, “दाउदऱे कुमुॽइदाङ्सा युसुप्फे, ख़ेऩेॽ मरियम्मिन् मेःक्खिम् चोःक्माआङ् हिम्मो ताःप्मा म़ेगिस़ेन्ऩेॽओ, थेआङ्भ़ेल्ल़े खुऩेॽओबा अङ़ेःक्वाःन् सेसेमाङ्ङिल्ल़े कुमुक्साम्लाम्बा हाङ्सिङ्बारो॥ |
| 23237 | MAT 1:24 | आल्ल युसुफ़ेन् स़ेप्माङ्मोलाम् सोऱेआङ् यहवे दाङ्बाल्ल़े कुमाङ्लाइङ्बाल्ल़े म़ेत्तुबा कुइसिःक्के मरियम्मिन् मेःक्खिम् म़ेत्तु, ह़ेक्क्याङ् कुहिम्मो तारुरो॥ |
| 23239 | MAT 2:1 | आल्ल य़ेसुःन् यहुदिया थुम्मोबा ब़ेथलेह़ेम पाङ्जुम्मो सावाःन्छिङ्बा य़ेम्मो ह़ेरोद हाङ्ङिल्ल़े ख़ेप्मो हाङ् चोगुर वय़ेरो॥ य़ेसुःन् सावाःन्छिङ्ङाङ् नाम्ग़ेन् पिसाङ्बा लाजेॽलाम् सिक्कुम्निबा खाग़ेइक्पाहाॽ यरुसल़ेम्मो म़ेद्य़े, ह़ेक्क्याङ् |
| 23240 | MAT 2:2 | अक्खेलॽरिक् पाःन् सेःन्म़ेदोसु, “यहुदिहाॽऱे खुनिॽ हाङ् क़ेबोःङ्बाआङ् साग़ेवाःन्छिङ्बान् आत्तो वाॽबे? आनिग़े नाम्ग़ेन् पिसाङ् कुसावाःन्छिङ्माल्ल़ेन् मिक्सेःन् क़ेबिबा खेःम्सिक्किन् निःसुम्ब़ेआङ् खुऩेॽ कुसेवा चोःक्स़े त्य़ेॽइग़ेबारो॥” |
| 23242 | MAT 2:4 | ह़ेरोद हाङ्ङिल्ल़े क़ेऱेक् तुम्निङ्वाॽफुसाम्बाहाॽ नु साम्योथिम्साम्बाहाॽ उःत्तुसिआङ् कन् निङ्वाॽफुमाङ्ङिल्ल़े सेःन्दुबा ख्रिस्त म़ेप्मनाबान् आत्तो सावाःन्छिङ्मा क़ेबोःङ्बा वाॽबे लॽरिक् सेःन्दोसुसि॥ |
| 23243 | MAT 2:5 | ख़ेङ्हाॽऱे नोगप् म़ेबिरु, “यहुदिया थुम्मोबा ब़ेथलेह़ेम्मो खुऩेॽ सावाःन्छिङ्मा क़ेबोःङ्बा वाॽरो॥ थेआङ्भ़ेल्ल़े माङ्निङ्वाॽपाःन् क़ेबाःप्पाल्ल़े अक्खेलॽरिक् साप्तुआङ् पत्– |
| 23245 | MAT 2:7 | ह़ेरोद हाङ्ङिल्ल़े ख़ेन् सिक्कुम्निबा खाग़ेइक्पाहाॽ स्वाःत्ताङ् उःत्तुसि ह़ेक्क्याङ् ख़ेङ्हाॽलाम् खेःम्सिक्पान् थाःम्सिङ्बा कुज़ेक् य़ेम्मिन् निङ्वाॽ खोःसु॥ |
| 23249 | MAT 2:11 | हिम् सिगाङ् म़ेलाःस्स़ेल्ल़े अङ़ेःक्वाःन् नु कुम्मा मरियम्मिन् म़ेनिःसुसिरो॥ ख़ेङ्हाॽऱे साम्बोःन्नाङ् अङ़ेःक्वाःन् सेवा म़ेम़ेत्तु, ह़ेक्क्याङ् सुःक्वाःन्म़ेभाःक्खुआङ् साम्म्याङ्, थिक् परिक्पा इम़ेल्लुङ्बा साङ्सिङ् नु कुनाम् क़ेनुॽबा मुर्रहाॽ म़ेदोःन्दु म़ेबिरुरो॥ |
| 23250 | MAT 2:12 | ह़ेक्क्याङ् स़ेप्माङ्मो माङ्लाइङ्बाल्ल़े ख़ेङ्हाॽ ह़ेरोद हाङ्ङिल्लो म़ेनुःक्ख़ेम् म़ेबेग़ेम्मिन्ऩेॽओ लॽरिक् साम्दिङ् पिरुसिबाल्ल़े ख़ेङ्हाॽ वेॽलाम् आबाङे लाजेॽओ म़ेनुःक्ख़े म़ेबेरो॥ |
| 23251 | MAT 2:13 | ख़ेन् सिक्कुम्निबा खाग़ेइक्पाहाॽ म़ेबे ह़ेक्क्याङ् यहवे दाङ्बाल्ल़े कुमाङ्लाइङ्बाधिक् युसुफऱे कुस़ेप्माङ्मो थाःन्छिङ्ङाङ् अक्खे म़ेत्तु, “पोग़ेॽआङ् अङ़ेःक्वाःन् नु कुम्माःन् तेॽऱेस़ेॽआङ् मिस्र लाजेॽओ ख़ेत्छिङ् पेग़ेॽ, ह़ेक्क्याङ् इङ्गाॽ म़ेम्म़ेत्ते थारिक् ख़ेऩेॽ ख़ेप्मोए वय़ेॽओ, थेआङ्भ़ेल्ल़े ह़ेरोद हाङ्ङिल्ल़े अङ़ेःक्वाःन् स़ेप्मा फाॽआङ् कोःत्तुर वाॽरो॥” |
| 23254 | MAT 2:16 | आल्ल ह़ेरोद हाङ्ङिल्ल़े सिक्कुम्निबा खाग़ेइक्पाहाॽऱे ह़ेक्केलॽरिक् खुऩेॽ इङ्म़ेल़ेक्तुआङ् वेॽ लाम् म़ेबेबा निङ्वाॽ खोःसुआङ् साॽरिक् कुसिक् पोग़ेरो॥ ख़ेल्ल़े चोगुल्ल़े थक्सुबाहाॽ पाङ्घुसिआङ् ब़ेथलेह़ेम नु ख़ेन् खिरिबा तङ्बे ऩेत्छिआङ् योबा य़ेम्बित्छाॽ अङ़ेःक्वा साःहाॽ क़ेऱेक् स़ेप्पाङ्घुसिरो॥ थेआङ्भ़ेल्ल़े ख़ेन् सिक्कुम्निबा खाग़ेइक्पाहाॽलाम् खेःम्सिक्पान् तङ्बे ऩेत्छिआङ्धो तगि थाःम्सिङ्बा निङ्वाॽ खोःसुआङ् वय़ेरो॥ |
| 23256 | MAT 2:18 | “क़ेहाःप्मा क़ेभिःक्मा नु मेरिङ् क़ेधक्मा यम्बा इक्लाःन् रामा पाङ्जुम्मो ख़ेम्द़ेत्लो, राह़ेलऱे कुस्साःहाॽ हाःप्तुसिॽरो॥ ख़ेङ्ग हाङ्हाङ् म़ेत्छिङ्मा म़ेद़ेन्ऩेन्लो, थेआङ्भ़ेल्ल़े कुस्साःहाॽ क़ेऱेक् म़ेस्य़ेरो॥” |
| 23257 | MAT 2:19 | आल्ल ह़ेरोद हाङ्ङिन् स्य़ेआङ् मिस्र लाजेॽओ युसुफ़ेन्नु यहवे दाङ्बाल्ल़े कुमाङ्लाइङ्बान् कुस़ेप्माङ्मो थाःन्छिङ्ङाङ् |
| 23260 | MAT 2:22 | कर ह़ेरोद हाङ्ङिन् स्य़ेआङ् खुऩेॽ कुल़ेक्वा कुस्साः अर्खिलाउसऱे यहुदिया थुम्मो हाङ् चोगुर वाॽ क़ेलॽबान् युसुफऱे निङ्वाॽ खोःसुआङ् खुऩेॽ ख़ेप्मो पेःक्मा किःस़े॥ ह़ेक्क्याङ् माङ्लाइङ्बाल्ल़े याम्मो स़ेप्माङ्मो साम्दिङ् पिरुबाल्ल़े चोगुल्ल़े खुऩेॽ गालिल थुम्मो पेआङ् |
| 23261 | MAT 2:23 | नासरत पाङ्जुम्मो वाॽमा हेःक्त़ेरो॥ कङ्ग माङ्निङ्वाॽपाःन् क़ेबाःप्पाहाॽऱे “निङ्वाॽफुमाङ्ङिल्ल़े थुक्तुबाङ्ग नासरि म़ेम़ेत्तु” लॽरिक् म़ेबाःत्तुबा पाःन्निन् क़ेऱेबारो॥ |
| 23268 | MAT 3:7 | कर यरिक् फरिसिहाॽ नु सदुकिहाॽ बप्तिस्मा पोःङ्स़े खुऩेॽओ म़ेद्य़ेर म़ेबत्छ़ेबा निःसुसिआङ् अक्खे म़ेत्तुसिर फ़ेःक्तुसि, “असेःक्सासे, खिनिॽ कन् क़ेदाःबार क़ेबप्पा निङ्वाॽफुमाङ्ङिल्ल़े कुघुम्दिङ्लाम् ख़ेत्छिङ्ङ़ेम्म़ेॽ फाॽआङ् हाःत्ल़े क़ेम़ेत्तिबे? |
| 23270 | MAT 3:9 | आनिग़ेग अब्राहामऱे कुस्साःसिग़े, ख़ेल्ल़े चोगुल्ल़े खुम्दिङ्लाम् ख़ेत्छिङ्मा सुक्तिग़ेॽ फाॽआङ् निङ्वाॽ म़ेइःत्त़ेम्मिन्ऩेॽओ, थेआङ्भ़ेल्ल़े निङ्वाॽफुमाङ्ङिल्ल़ेग कन् लुङ्हाॽआङ् अब्राहामऱे कुस्साः चोःक्मा सुक्तुसिॽरो॥ |
| 23271 | MAT 3:10 | आल्लोसा निङ्वाॽफुमाङ्ङिल्ल़े कुघास़ेन्निल्ल़े तःन्दिङ्ग सिङ्बुङ्मो खा चुक्मा इःत्त़ेआङ् वाॽ॥ नुःबा सिङ्सेॽ म़ेन्धोःक्मनाबा सिङ्बुङ्हाॽ क़ेऱेक् ताङ्माआङ् मिओ लाप्फुमा पोःङ्लो॥ |
| 23273 | MAT 3:12 | कुभॽएःत्तिल्ल़े सिःन् आःम्मा फाॽआङ् खुऩेॽ यारिप् वाॽ, ह़ेक्क्याङ् खुऩेॽ तुगुर सुप्सुआङ्सिःन् चाधोःक्लाओ चिक्खुॽ ह़ेक्क्याङ् कुहक्हाॽ आप्फाल्ल़ेआङ् म़ेन्छिःमनाबा मिओ हाःन्दुदेःसुॽरो॥” |
| 23282 | MAT 4:4 | कर य़ेसुऱे नोगप् पिरु, “ह़ेक्के म़ेजोःक्कान्, थेआङ्भ़ेल्ल़े साम्योसाप्लाओ मोसाऱे अक्खेलॽरिक् साप्तुआङ् पत्, ‘म़ेन्छाम् याप्मिःङ्ग कुजाःल्ल़ेरक् म़ेहिङ्ऩेन्, कर निङ्वाॽफुमाङ्ङिल्ल़े पाःत्तुबा क़ेऱेक् पाःन्निल्ल़े हिङ्॥’” |
| 23287 | MAT 4:9 | म़ेत्तु, “ख़ेऩेॽ साम्बोःन् क़ेभन्छिङ्ङाङ् इङ्गाॽ सेवा क़ेम़ेत्ताऩे फाॽग्र कङ्हाॽ क़ेऱेक् पिऩेॽ॥” |
| 23307 | MAT 5:4 | मेरिङ् क़ेधक्पाहाॽ मुॽइसाबासिरो, थेआङ्भ़ेल्ल़े ख़ेङ्हाॽऱे हाङ्हाङ् म़ेत्छिङ्मान् म़ेघोःसुॽरो॥ |
| 23311 | MAT 5:8 | सिक्लुङ्मो सेसे क़ेवाॽबाहाॽ मुॽइसाबासिरो, थेआङ्भ़ेल्ल़े ख़ेङ्हाॽऱे निङ्वाॽफुमाङ्ङिन् म़ेनिःसुॽरो॥ |
| 23314 | MAT 5:11 | इङ्गाॽ चोगुङ्ङिल्ल़े मनाहाॽऱे खिनिॽ किनाःन्दि क़ेम्बिरिॽ, तुक्खे क़ेम्जाःत्तिआङ् खिनिॽ तक्ल़ेङ्वाओ फोत्याबा फ़ेन् पाःन्हाॽ म़ेबाःत्तुल्ल़े मुॽइसाबा क़ेबोःक्खिरो॥ |
| 23320 | MAT 5:17 | इङ्गाॽ निङ्वाॽफुमाङ्ङिल्ल़े मोसाःन् पिरुबा साम्योथिम्मिन् नु माङ्निङ्वाॽपाःन् क़ेबाःप्पाहाॽऱे म़ेबाःत्तुबा पाःन्निन् कुसुम् म़ेन्दम्नाबा चोःक्स़े त्याङ्बा फाॽआङ् म़ेइःत्त़ेम्मिन्ऩेॽओ॥ इङ्गाॽग कुसुम्म़ेन्दम्नाबा चोःक्स़े म़ेःन्, कर ख़ेङ्हाॽ कुलिङ्धो क़ेत्छ़ेऩे त्याङ्बारो॥ |
| 23329 | MAT 5:26 | इङ्गाॽ स़ेक्खाए म़ेत्ऩेॽ, ख़ेप्मो साम्बाःन्याङ् क़ेऱेक् म़ेन्हुङ्ङे थारिक् ख़ेप्मोए क़ेयाक्लो॥” |
| 23340 | MAT 5:37 | खिनिॽ पाःन्निङ्ग ‘ओ’ ऩे फाॽग्र ‘ओ’ पाःत्त़ेम्म़ेॽ, ‘म़ेःन्’ ऩे फाॽग्र ‘म़ेःन्’ पाःत्त़ेम्म़ेॽ॥ ख़ेन्नाङ्धोबाङ्ग माफ़ेन्साम्लाम् क़ेदाःबारो॥” |
| 23342 | MAT 5:39 | कर इङ्गाॽ खिनिॽ म़ेत्निङ्, मनाहाॽऱे ताप्फ़ेःल्लिक् क़ेम्म़ेत्तिल्ल़े ख़ेङ्हाॽ ताप्फ़ेःल्लिक् म़ेम़ेत्त़ेम्सिम्म़ेन्ऩेॽ॥ आत्तिल्ल़े चुप्साङ् ल़ेप्माङ्बा क़ेऩेद़ेङ्बान् क़ेल़ेङ् क़ेबिॽ, ख़ेन् वेॽस्मान्नाङ् तोःन्द़े पिऱेॽ॥ |
| 23349 | MAT 5:46 | खिनिॽ लुङ्माॽ क़ेदुक्पाहाॽरक् लुङ्माॽ क़ेदुक्तुम्सिम्ऩे फाॽग्र खिनिॽ थे हाङ्स़ेम्मिन् क़ेघोःसुम्माङ्बे? ह़ेक्तङ्बा याःम्बक्किङ्ग एःङ्याङ् क़ेभोःङ्बाहाॽऱेआङ् म़ेजोगुरो॥ |
| 23351 | MAT 5:48 | ख़ेल्ल़े चोगुल्ल़े खिनिॽ साङ्ग्राम्पेदाङ्ङोबा पानुदिङ् पाः निङ्वाॽफुमाङ्ङिन् क़ेऱेक् पाःन्नो कुलिङ्धो क़ेग़ेप्पा चोःक्पा कुइसिःक् खिनिॽआङ् ह़ेक्तङ्बा पोःङ्माए पोःङ्लो॥” |
| 23363 | MAT 6:12 | आनिग़े तक्ल़ेङ्वाओ लायो क़ेजोःक्पाहाॽ ल़ेप्मि पिरुम्सिम्ब़ेबा ह़ेक्केए आनिग़े चोगुम्ब़ेबा लायोःन् ल़ेप्मि आबिऱेॽओ॥ |
| 23365 | MAT 6:14 | थेआङ्भ़ेल्ल़े खिनिॽ तक्ल़ेङ्वाओ लायो क़ेजोःक्पाहाॽ ल़ेप्मि क़ेबिरुम्सिम्ऩे फाॽग्र साङ्ग्राम्पेदाङ्ङो क़ेवाॽबा खिनिॽ पानुदिङ् पाः निङ्वाॽफुमाङ्ङिल्ल़ेआङ् ल़ेप्मि क़ेबिरिॽरो॥ |
| 23366 | MAT 6:15 | कर खिनिॽ तक्ल़ेङ्वाओ लायो क़ेजोःक्पाहाॽ ल़ेप्मि क़ेम्बिरुम्सिम्मिन्ऩे फाॽग्र खिनिॽ पानुदिङ् पाः निङ्वाॽफुमाङ्ङिल्ल़ेआङ् खिनिॽ लायोःन् ल़ेप्मि क़ेम्बिरिन्लो॥” |
| 23373 | MAT 6:22 | मिक्किङ्ग नासिङ्ग़ेन् थक्कोबा सेमिरो, ख़ेल्ल़े चोगुल्ल़े क़ेमिक्किन् नुॽऩे फाॽग्र, क़ेऱेक् नासिङ्ग़ेन् क़ेधक्किन् ओःत्लो॥ |
| 23374 | MAT 6:23 | कर ख़ेऩेॽ क़ेमिक्किन् फ़ेन्ऩे फाॽग्र क़ेऱेक् नासिङ्ग़ेन् क़ेधक्किन् खादाम्मो वाॽरो॥ ख़ेल्ल़े चोगुल्ल़े ख़ेऩेॽओबा स़ेन्दाङ्ग़ेन् ओःत्तिःन्ने खादाम्ऩे फाॽग्र ख़ेन् खादाम्मान् आक्ख़ेन् साॽरिक् पोःङ्बिला॥ |
| 23376 | MAT 6:25 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, कन् ऩेत्तिग़ेन् हिङ्मन्नो थेःन् चामा थुङ्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ, ह़ेक्केलॽरिक्के कन् नासिङ्ग़ेन् थक्कोआङ् थेःन् चाङ्मा वाःप्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ॥ ऩेत्तिग़ेन् हिङ्मन्निन् चामा थुङ्मानुःल्ल़े ह़ेक्क्याङ् नासिङ्ग़ेन् थक्किन् चाङ्मा वाःप्मानुःल्ल़े नुःबा म़ेजोःक्ऩेन्बि? |
| 23377 | MAT 6:26 | पुसाहाॽ ओम़ेत्त़ेम्सिम्म़ेॽ, ख़ेङ्हाॽऱे चा म़ेन्देःसुन् म़ेन्छुप्सुन् ह़ेक्क्याङ् याङ्म़ेङ्घोःत्तुन्छाङ्साङ्ग्राम्पेदाङ्बा खिनिॽ पाःल्ल़े ख़ेङ्हाॽ चामा पिरुसिरो॥ ह़ेक्केःल्ल़े खिनिॽ ख़ेङ्हाॽनुःल्ल़ेआङ् इम़ेल्लुङ्बा क़ेन्जोगिम्बि? |
| 23378 | MAT 6:27 | निङ्साम्मो क़ेध्य़ेॽइआङ्खिनिॽ हिङ्मन्नो कुमुक्थिक् फोःमा क़ेन्छुक्तुम्मिन्॥ |
| 23379 | MAT 6:28 | ह़ेक्केःल्ल़े थ़ेमाःन्चाङ्मा वाःप्माबे फाॽआङ् थेआङ् निङ्साम्मो क़ेध्य़ेॽइबाबे? ताम्भुङ्मो क़ेलिङ्बा फुङ्ङिन् ओम़ेत्त़ेम्म़ेॽ, ख़ेङ्हाॽ याःम्बक् म़ेन्जोःक्ऩेन्खिःआङ् म़ेन्लःन्ऩेन्॥ |
| 23382 | MAT 6:31 | ख़ेल्ल़े चोगुल्ल़े थेःन् चामा थुङ्मा बे, थेःन् चाङ्मा वाःप्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ॥ |
| 23385 | MAT 6:34 | ख़ेल्ल़े चोगुल्ल़े ताःन्दिक् थे पोःङ् फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ, थेआङ्भ़ेल्ल़े ताःन्दिक्पा तुक्खेःन् ताःन्दिक्के पोःङ्, ह़ेक्क्याङ् आइन्बा तुक्खेःन् आइन्छा यरिक् पोःक्ख़ेआङ् वाॽरो॥” |
| 23391 | MAT 7:6 | सेसे चिगःक्वाःन् ख्याबाहाॽ म़ेबिऱेम्सिम्मिन्ऩेॽ, म़ेःन्ऩे फाॽग्र ख़ेङ्हाॽ हिल्लिक्म़ेहिसिङ् ह़ेक्क्याङ् क़ेम्भत्तिॽआङ् क़ेम्हाॽरिरो॥ ह़ेक्क्याङ् फाक्हाॽऱे खुनिॽ तगि त़ेक्सेःक्किन् म़ेस़ेस़ेम्मिन्ऩेॽओ, ख़ेङ्हाॽऱे म़ेदोॽरु म़ेलाःक्तुॽरो॥” |
| 23408 | MAT 7:23 | कर ख़ेन् य़ेम्मो ख़ेङ्हाॽ इङ्गाॽ अक्खे म़ेत्तुङ्सिङ्, ‘खिनिॽग आप्फाल्ल़ेआङ् कुसिङ् निःत्निङ्बा होःप्लो॥ खिनिॽ पानुदिङ् आम्बाऱे कुनिङ्वाॽ ह़ेक्के म़ेन्जोःक्के फ़ेन् याःम्बक् क़ेजोःक्पासे, कप्मोलाम् पेग़ेम्म़ेॽ!’” |
| 23409 | MAT 7:24 | आल्ल “ख़ेल्ल़े चोगुल्ल़े पेलिग़ेन् आबाःन्जाक् क़ेघ़ेम्बाआङ् ह़ेक्के क़ेजोःक्प़ेङ्ग पयम् यम्बा लुङ्सम्दाङ् हिम्पाङ्यक् क़ेऩेबाआङ् हिम् क़ेजोःक्पा सिक्कुम्बा मना कुइसिःक् चोःक्लो॥ |
| 23411 | MAT 7:26 | कर पेलिग़ेन् आबाःन्जाक्किन् क़ेघ़ेम्बाआङ् ह़ेक्के म़ेन्जोःक्मनाबाङ्ग य़ेःङ्घाओ हिम्पाङ्यक् क़ेऩेबाआङ् हिम् क़ेजोःक्पा अदङ् मना कुइसिःक् चोःक्लो॥ |
| 23424 | MAT 8:10 | य़ेसुऱे कन् ख़ेप्सुल्ल़े कुनिङ्वाॽ मय़ेर खुऩेॽ कुएगाङ् कुएगाङ् क़ेदिम्बाहाॽ अक्खे म़ेत्तुसि, “इङ्गाॽ स़ेक्खाए म़ेत्निङ्, अक्तङ्बा यम्बा नसाःन् क़ेगप्पा मनाःङ्ग इस्राइलोआङ् इङ्गाॽ म़ेङ्घोए वाॽआरो! |
| 23435 | MAT 8:21 | वेॽस्मा हुॽसाम्बाधिक्ल़े खुऩेॽ म़ेत्तु, “आदाङ्बे, तगि इङ्गाॽ क़ेसिःबा आम्बाःन् इप्पुङ्ङो चिङ्स़े पेःक्मा पाङ्घाङ्ङ़ेॽओ॥” |
| 23436 | MAT 8:22 | कर य़ेसुऱे ख़ेन् म़ेत्तु, “इङ्गाॽ तिम्दाङ्ङ़ेॽओ, ह़ेक्क्याङ् हाराॽ याम्साम्मो क़ेसिःबा मनाहाॽऱे खुनिॽ आबाङे चेहाॽ इप्पुङ्ङो म़ेजिक्खुसिररो॥” |
| 23440 | MAT 8:26 | य़ेसुऱे ख़ेङ्हाॽ म़ेत्तुसि, “नसाःन् क़ेसुःम्बासे, थेआङ् अक्खेलॽरिक् क़ेगिःसिबाबे?” ह़ेक्क्याङ् खुऩेॽ पोग़ेआङ् सुरित्केजङ्ङिन् नु वाभ़ेल्ल़ेङ्ङिन् फ़ेःक्तु, ह़ेक्क्याङ् क़ेऱेक् चिजि य़ेम्य़ेम् पोःक्ख़ेरो॥ |
| 23441 | MAT 8:27 | ह़ेक्क्याङ् ख़ेङ्हाॽऱे खुनिॽ निङ्वाॽ मय़ेर सेःन्म़ेदोःसिङ् “खुऩेॽग आक्तङ्बा मनाःन्बे? खुऩेॽ कुइङ्जाःङ्ङिन् वाभेल्ल़ेङ्नु सुरित्केजङ्ङिल्ल़ेआङ् ख़ेप्सुङ्ग!” |
| 23456 | MAT 9:8 | मनाहाॽऱे कन् म़ेनिःसुआङ् साॽरिक् खुनिॽ निङ्वाॽ मय़ेरो॥ ह़ेक्क्याङ् म़ेन्छाम् याप्मिःन् अक्तङ्बा मुक्साम् क़ेबिबा निङ्वाॽफुमाङ्ङिल्ल़े कुनारा म़ेभोःसुरो॥ |
| 23472 | MAT 9:24 | य़ेसुऱे ख़ेङ्हाॽ म़ेत्तुसि, “पेग़ेम्म़ेॽओ, कन् चुक्म़ेङ्ग म़ेन्छिःए वाॽ इप्स़ेआङ्लक् ऩेरो”, कर ख़ेङ्हाॽऱे खुऩेॽ म़ेएःत्तुरो॥ |
| 23481 | MAT 9:33 | ह़ेक्क्याङ् ख़ेन् फ़ेन्साम्मिन् य़ेसुऱे नाःत्तु लःत्तु ह़ेक्क्याङ् ख़ेन् मनाःन् पाःप्मा हेःक्त़ेरो॥ ख़ेन् म़ेनिःसुआङ् ख़ेन् मनाहाॽऱे साॽरिक् खुनिॽ निङ्वाॽ मय़ेर अक्खे म़ेबाःत्तु, “इस्राइल लाजेॽ खाराक् अक्तङ्बा निङ्वाॽ क़ेमाबा पाःङ्ग आप्फाल्ल़ेआङ् म़ेन्निए वयिग़ेरो॥” |
| 23486 | MAT 9:38 | ह़ेक्केःल्ल़े सुम्मा क़ेबोःङ्बा चाःल्ल़े कुन्दाङ्बान् यरिक् याःलिक्हाॽ चा सुम्स़े पाङ्घुसिर फाॽआङ् खिनिॽ तुवा चोग़ेम्म़ेॽओ॥” |
| 23488 | MAT 10:2 | ख़ेन् थिक्-ऩेत् सेःक्युक्मिबाहाॽऱे खुनिॽ मिङ्ग अक्तङ्बा चोःक्– सिमोन (खुऩेॽ पत्रुसआङ् म़ेम़ेत्तु), आन्द्रियास (पत्रुसऱे कुन्साॽ), याकुब (जब्दियाऱे कुस्साः), युहुन्ना (याकुबऱे कुन्साॽ), |
| 23492 | MAT 10:6 | कर लाम् क़ेबोःप्पा म़ेल्लुक् ह़ेक्तङ्बा इस्राइलबा मनाहाॽरो पेग़ेम्म़ेॽओ॥ |
| 23496 | MAT 10:10 | ह़ेक्क्याङ् सुःक्वा, ल़ेक्सिङ्मा चाङ् नु लाङ्सुःप्, ह़ेक्क्याङ् तक्काःत् थेआङ् म़ेयाङ्ङासिम्म़ेन्ऩेॽओ॥ थेआङ्भ़ेल्ल़े याःम्बक् क़ेजोःक्पाल्ल़े खुऩेॽ चाहाबा क़ेजोःक्पा पाःन्हाॽ खोःमाए पोःङ्लो॥ |
| 23499 | MAT 10:13 | ख़ेन् हिम्सयङ्ङिन् खिनिॽ सनारुङ् खोःमा क़ेलाॽबा चोःक्ऩे फाॽग्र खिनिॽ सनारुङ्ङिन् ख़ेप्मो याःक्लाःत्लरो॥ कर क़ेलाॽबा म़ेजोःक्ऩेन्ऩे फाॽग्र खिनिॽ सनारुङ्ङिन् खिनिॽओए नुःङ्लरो॥ |
| 23505 | MAT 10:19 | कर खिनिॽ क़ेम्द़ेम्सिल्ल़े स़ेःप्सिङ्माऱे लागि आल्ल थ़ेमा पाःप्मा, आक्खेलॽरिक् पाःप्माबे फाॽआङ् निङ्साम्मो म़ेध्य़ेम्मिन्ऩेॽओ॥ ख़ेन् य़ेम्मोग खिनिॽ पाःप्मा क़ेबोःङ्बा पाःन्निन् बा ख़ेन् य़ेम्मोए क़ेघोःसुम्लो॥ |
| 23507 | MAT 10:21 | फुॽनुसाॽहाॽ आबाङे फुॽनुसाॽहाॽऱे खुनिॽ तक्ल़ेङ्वाओ म़ेबोःक्काङ् इङ्म़ेल़ेक्तुसि ह़ेक्क्याङ् स़ेप्मा म़ेबाङ्घुसिरो॥ ह़ेक्केलॽरिक् पा-माहाॽ साःहाॽऱे, ह़ेक्क्याङ् साःहाॽ पा-माहाॽऱे खुनिॽ तक्ल़ेङ्वाओ म़ेबोःक्काङ् स़ेप्मा म़ेबाङ्घुसिरो॥ |
| 23511 | MAT 10:25 | हुॽसाम्ब़ेन् कुसिक्साम्ब़ेन्कुइसिःक् ह़ेक्क्याङ् सेवारोब़ेन् कुन्दाङ्ब़ेन्कुइसिःक् पोःङ्माए पोःङ्लो॥ ह़ेक्केलॽरिक् इङ्गाॽ हिम्दाङ्बान्ने ख़ेङ्हाॽऱे फ़ेन्साम्हाॽऱे खुनिॽ हाङ् बालजिबुल म़ेम़ेत्ताङ्ङिल्ल़े आहिम्सयङ्बाहाॽग ख़ेन्नुःल्ल़ेआङ् साॽरिक् फ़ेन् मिङ्हाॽ म़ेवाःत्तुसिॽरो॥ |
| 23512 | MAT 10:26 | ह़ेक्केःल्ल़े ख़ेङ्हाॽनु म़ेगिस़ेम्मिन्ऩेॽओ, थेआङ्भ़ेल्ल़े म़ेधाःप्ऩेन्ल फाॽआङ् त़ेप्त़ेआङ्क़ेवाॽबा पाःन् इग्र कुसिङ् निःत्म़ेद़ेत्ऩेन्ल फाॽआङ् माॽऱेआङ् क़ेवाॽबा पाःन् थेआङ् होःप्लो॥ |
| 23513 | MAT 10:27 | इङ्गाॽ आल्लो खाग़ेमाक्पाओ म़ेत्निङ्बा पाःन्निन् खाग़ेओःप्पाओ म़ेत्त़ेम्सिम्म़ेॽ, खिनिॽ स्वाःत्ताङ् म़ेत्निङ्बा पाःन्निन् क़ेऱेक् मनाहाॽऱे म़ेघ़ेप्सुर फाॽआङ् हिम् सम्दाङ्लाम् यम्बा इक्लाओ इङ्भन् चोग़ेम्म़ेॽओ॥ |
| 23517 | MAT 10:31 | ख़ेल्ल़े चोगुल्ल़े म़ेगिस़ेम्मिन्ऩेॽ॥ खिनिॽग यरिक् चुजुक्सा पुहाॽनुःल्ल़ेआङ् इम़ेल्लुङ्बा क़ेजोगिरो॥ |
| 23520 | MAT 10:34 | “इङ्गाॽ इक्सादिङ् खाम्बेःक्मो सनारुङ् ताःत्छ़े त्याङ्बा फाॽआङ् म़ेइःत्त़ेम्मिन्ऩेॽ॥ इङ्गाॽ सनारुङ् ताःत्छ़ेग म़ेःन्, कर तुक्खे ताःत्छ़े त्याङ्बारो॥ |
| 23521 | MAT 10:35 | थेआङ्भ़ेल्ल़े पाःल्ल़े कुदक्ल़ेङ्वाओ य़ेम्बित्छाॽसाःन्, माःल्ल़े कुदक्ल़ेङ्वाओ म़ेन्छुमाॽसाःन्, ह़ेक्क्याङ् नोःप्माल्ल़े कुदक्ल़ेङ्वाओ पाङ्लिमान् फोःङ्स़े त्याङ्बारो॥ |
| 23522 | MAT 10:36 | मनाःल्ल़े कुनिङ्मिहाॽग आबाङे कुहिम्सयङ्हाॽए म़ेबोःङ्लो॥ |
| 23531 | MAT 11:3 | ख़ेङ्हाॽ म़ेबेआङ् य़ेसुःन् सेःन्म़ेदोसु, “क़ेदाःबार क़ेबप्पा ख्रिस्त़ेन्बा ख़ेऩेॽएऩेबि, इ वेॽस्मान् हाङ्घुम्ब़ेबाबि?” |
| 23535 | MAT 11:7 | बप्तिस्मा क़ेबिबा युहुन्नाःल्ल़े कुहुॽसाम्बाहाॽ म़ेबेर म़ेबत्छ़ेल्ल़े य़ेसुऱे ख़ेप्मो क़ेवाॽबा मनाहाॽ युहुन्नाऱे कुयाःम्बेओ अक्खे म़ेत्तुसि, “य़ेःङ्घाद़ेन्नो थेःन् ओमत्छ़े क़ेबेगिबाबे? सुरित् केजङ्ङिल्ल़े वाःन्जो-वाःन्जो लॽरिक् वाःन्दुबा थिङ्ऩेत् ह़ेक्तङ्बा मनाःन्बि? |
| 23536 | MAT 11:8 | म़ेःन्ऩे फाॽग्र थेःन् ओमत्छ़े क़ेबेगिबाबे? नुःब्नुःबा चाङ्देःत् क़ेजाङ्बा मनाःन्बि? म़ेःन्, ह़ेक्तङ्बा मनाःङ्ग हाङ्हिम्मोरक् वाॽरो॥ |
| 23540 | MAT 11:12 | युहुन्नाऱे इङ्भन् चोःक्मा हेःक्तुआङ्धो आइन् थारिक् साङ्ग्राम्पेदाङ्बा हाङ्जुम्मिन् लुबुबुना तगि पोःर पत्, ह़ेक्क्याङ् कुदक्ल़ेङ्वाओ क़ेबोःक्पाहाॽऱे साक़ेल्ल़ेक्काङ् अप्मा तम्सिन् म़ेजोगुर म़ेबत्॥ |
| 23546 | MAT 11:18 | ह़ेक्केलॽरिक् बप्तिस्मा क़ेबिबा युहुन्नाःङ्ग म़ेन्जा म़ेन्धुङ्ङे त्य़ेसाङ् खिनिॽ ख़ेङ्ग फ़ेन्साम्मिल्ल़े युक्तुआङ् वाॽ लॽरिक् क़ेम़ेत्तुम्॥ |
| 23548 | MAT 11:20 | ह़ेक्क्याङ् य़ेसुऱे तगि यरिक्तङ्बा निङ्वाॽ क़ेमाबा याःम्बक्हाॽ चोगुबा य़ेक्यक्हाॽ फ़ेःक्मा हेःक्तुसि, थेआङ्भ़ेल्ल़े ख़ेप्मोबा मनाहाॽ खुनिॽ लायोलाम् म़ेन्हिन्द़ेन्लो॥ |
| 23549 | MAT 11:21 | “खोराजिन नु ब़ेथसेदा पाङ्जुम्मोबा मनासे, चिःत्त़ेआङ्लक् स्य़ेरो! खिनिॽ पाङ्जुम्मो पोःक्ख़ेबा निङ्वाॽ क़ेमाबा याःम्बक्हाॽ थिम्म़ेन्दङ् सुवाङ्हाॽऱे खुनिॽ य़ेक्यक् तायर नु सिदोन्नो पोःक्ख़ेआङ् वय़ेल्ल़ेग उन्छोःन्छा ख़ेप्मोबा मनाहाॽ लायोलाम् म़ेहिन्द़ेबारो फाॽआङ् सगितेःत् म़ेजाक्सिङ्ङाङ् खाप्पु म़ेजुःत्छिङ्बाम़ेन्॥ |
| 23551 | MAT 11:23 | ह़ेक्क्याङ् खिनिॽ कपर्नहुम पाङ्जुम्मोबा मनासे, साङ्ग्राम्पेदाङ् थारिक् पेगिग़ेॽ क़ेलॽरिबि? म़ेःन्लो! खिनिॽग ख़ेमायङ्सङ्थारिक् क़ेध्य़ेॽइरो॥ थेआङ्भ़ेल्ल़े खिनिॽ पाङ्जुम्मो चोग़ेबा ह़ेक्तङ्बा निङ्वाॽ क़ेमाबा याःम्बक्हाॽ सदोम य़ेक्यक्को चोग़ेआङ् वय़ेल्ल़ेग ख़ेन् य़ेक्यक्किङ्ग आइन् थारिक् ऩेस्स़ेबाम़ेन्! |
| 23553 | MAT 11:25 | ख़ेन् य़ेम्मो य़ेसुऱे तुवा चोगु, “आम्बे, साङ्ग्राम्पेदाङ् नु इक्सादिङ् खाम्बेःक्माल्ल़े दाङ्बाए, इङ्गाॽ नोग़ेन् पिऩे, थेआङ्भ़ेल्ल़े ख़ेऩेॽग सिक्कुम्साबाहाॽ ह़ेक्क्याङ् चाःप्पाहाॽनु क़ेमाॽरुबा पाःन्निन् हिन्जाॽ ह़ेक्तङ्बाहाॽ ओसेःन्ग़ेधाक्तुसिरो॥ |
| 23556 | MAT 11:28 | क़ेऱेक् क़ेलिःप्पा कक्किल्ल़े क़ेग़ेःप्तिबा नु क़ेनाःबासे, इङ्गाॽओ त्य़ेम्म़ेॽओ, इङ्गाॽ नाःम्सिङ्मा पिनिङ्लो॥ |
| 23557 | MAT 11:29 | इङ्गाॽ आजिघ़ेःप्पिन् कुय़ेम्म़ेॽआङ् इङ्गाॽनु हुॽआसिम्म़ेॽओ॥ थेआङ्भ़ेल्ल़े इङ्गाॽग लुम्लुम्बा नु चुङ्जिग़ेम्बा चोःक्कारो, ह़ेक्क्याङ् खिनिॽ याम्साम्मिल्ल़े नाःम्सिङ्मा खोःसुॽरो॥ |
| 23559 | MAT 12:1 | थिक्ल़ेङ् य़ेसुःन् नु कुहुॽसाम्बाहाॽ नाःम्सिङ्य़ेन्नो प्याङ्सिग़ेन् इक्ताप्लुम्मोनु म़ेबेर म़ेबत्छ़ेल्ल़े कुहुॽसाम्बाहाॽऱे खुनिॽ स़ेत्लाःक्त़ेआङ् सिःदाप्माहाॽ म़ेदुबुआङ् म़ेनुगुर चामा म़ेहेःक्तुरो॥ |
| 23570 | MAT 12:12 | म़ेन्छाम् याप्मिःङ्ग म़ेल्लुक्किन्नुःल्ल़े इम़ेल्लुङ्बा म़ेजोःक्ऩेन्बि? नाःम्सिङ्य़ेन्नो नुःबा याःम्बक् चोःक्मा साम्योथिम्मिल्ल़े आबिॽरो॥” |
| 23576 | MAT 12:18 | “इङ्गाॽ सेगुङ्बा नु लुङ्माॽ तुक्तुङ्बा आसेवारोबान् कप्मो वाॽरो॥ खुऩेॽनु इङ्गाॽ सःत्ताङ्ङाङ् वाॽआरो॥ कुसम्दाङ् आसेसेमाङ्ङिन् ऩेस्सुङ्पिरुङ् ह़ेक्क्याङ् थिम्म़ेन्दङ्सुवाङ्हाॽ खास़ेन्ऱेन्इङ्भन् चोगुसिॽरो॥ |
| 23583 | MAT 12:25 | य़ेसुऱे ख़ेङ्हाॽऱे खुनिॽ निङ्वाॽइन्निःसुआङ् अक्खे म़ेत्तुसि, “आप्फेःक् लुम्मो क़ेघेबा क़ेधक्पाआङ् क़ेस़ेम्बा क़ेऱेक् हाङ्जुम्हाॽ म़ेम़ेक्लो॥ ह़ेक्क्याङ् आप्फेःक् लुम्मो क़ेघेबा क़ेधक्पाआङ् क़ेस़ेम्बा य़ेक्यक् नु हिम्सयङ्हाॽऱे म़ेन्धःत्तुन्लो॥ |
| 23584 | MAT 12:26 | माफ़ेन्साम्मिल्ल़े आप्फेःक् फ़ेन्साम्हाॽ नाःत्तुसिआङ् आबाङे कुहाङ्जुम्मिल्ल़े कुदक्ल़ेङ्वाओ पोःक्ऩे फाॽग्र आक्खेआङ् कुहाङ्जुम्मिल्ल़े थरुबे? |
| 23588 | MAT 12:30 | “आत्तिन् इङ्गाॽनु थिक्हुप्पो होःप्ख़ेन् आदक्ल़ेङ्वाओ वाॽ, हाःत्ल़े इङ्गाॽनु म़ेसुप्सुन् ख़ेल्ल़े स़ेःसुरो॥” |
| 23589 | MAT 12:31 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, म़ेन्छाम् याप्मिऱे चोःक्मनाबा क़ेऱेक् लायो नु निङ्वाॽफुमाङ्ङिल्ल़े कुदक्ल़ेङ्वाओ पाःप्मनाबा माङ्च़ेॽया पाःन्निल्ल़ेन् ल़ेप्मि खोःमा सुक्त़ेत्, कर सेसेमाङ्ङिल्ल़े कुदक्ल़ेङ्वाओ पाःप्मनाबा माङ्च़ेॽया पाःन्निल्ल़ेन् ल़ेप्मि आप्फाल्ल़ेआङ् खोम़ेद़ेत्ऩेन्लो॥ |
| 23590 | MAT 12:32 | आत्तिन् मनाःल्ल़े म़ेन्छाम्साःल्ल़े कुदक्ल़ेङ्वाओ पाःत्तुॽ, ख़ेल्ल़े ल़ेप्मि खोःसुॽ, कर सेसेमाङ्ङिल्ल़े कुदक्ल़ेङ्वाओ क़ेबाःप्पाल्ल़े कन् य़ेम्मो ह़ेक्क्याङ् क़ेदाःबा य़ेम्मोआङ् ल़ेप्मि म़ेघोःसुन्लो॥” |
| 23600 | MAT 12:42 | लाङ्ग़ेत् पिसाङ्बा सिवा लाजेॽस्मा हाङ्मान् खास़ेन् य़ेन्नो य़ेम्सिङ्ङाङ् कन् य़ेम्बा मनाहाॽऱे खुनिॽ तक्ल़ेङ्वाओ पोःक्काङ् पाःन्धिक्तुसिॽरो॥ थेआङ्भ़ेल्ल़े खुऩेॽ सोलोमन हाङ्ङिल्ल़ेन् सिक्कुम्दिङ् खाहुन् ख़ेम्स़े साॽरिक् माःङ्घाबा लाजेॽलाम् त्य़ेआङ् वय़ेरो॥ कप्मो सोलोमन हाङ्ङिन्नुःल्ल़े यम्बान्वाॽसाङ् क़ेन्घ़ेप्सुम्मिन्लो॥” |
| 23601 | MAT 12:43 | “फ़ेन्साम्मिन् मनाओलाम् लःन् पेःक्किल्ल़े नाःम्सिङ्त़ेन् कोःत्छ़े स़ेङ्स़ेङ्बा त़ेन् ह़ेङ्घाःत्ति पेःक्लो, कर ख़ेल्ल़े आत्तान्नाङ् म़ेघोःसुन्नाङ् |
| 23603 | MAT 12:45 | ह़ेक्क्याङ् ख़ेन् पेःक्काङ् आप्फेःक्नुःल्ल़ेआङ् साॽरिक् कुॽइ क़ेभ़ेॽबा वेॽ नुसि फ़ेन्साम्हाॽ तारुसिआङ् ख़ेङ्हाॽ सिगाङ् म़ेलाःत्ताङ् म़ेयुङ्सिङ्लो॥ ख़ेन् मनाःल्ल़े कुयाक्नाम्मिन् तगिबानुःल्ल़ेआङ्ताप्फ़ेःम्बा पोःङ्लो॥ कन् य़ेम्मोबा कुॽइ क़ेभ़ेॽबा मनाहाॽऱे खुनिॽ याक्नाम्मिन्नाङ् बा ह़ेक्तङ्बाए पोःङ्लो॥” |
| 23605 | MAT 12:47 | मनाधिक् पेआङ् खुऩेॽ म़ेत्तु, “आदाङ्बे, क़ेम्मा नु क़ेन्साॽसि ख़ेऩेॽनु ताॽज़ेङ्मा फाॽआङ् लाःक्कात् क़ेम्हाङ्ल म़ेय़ेप्लो॥” |
| 23615 | MAT 13:7 | कुभा याॽरिःम्बाङ्ग तिङ्ग्रेःक्पाल्ल़े कुसेॽ क़ेऩेबा त़ेन्नो चुक्त़ेआङ् सोसोरिक् लिङ़ेल्ल़े तिङ्ग्रेःक्पाल्ल़े ख़ेन् सुःप्तु स़ेरुरो॥ |
| 23616 | MAT 13:8 | कुभा याॽरिःम्ब़ेङ्ग नुःबा खाम्मो चुक्त़ेरो॥ ख़ेङ्हाॽओ किप्थिक् ल़ेङ् (१००), तुक्पोःङ्ल़ेङ् (६०) नु सुम्बोःङ् ल़ेङ् (३०) थारिक् कुजाॽ पत्छ़ेरो॥ |
| 23623 | MAT 13:15 | थेआङ्भ़ेल्ल़े कन् मनाहाॽऱे खुनिॽ खासिङ्ङिन्क़ेधुङ्बा पोःक्ख़ेआङ् वाॽ॥ ख़ेङ्हाॽऱे खुनिॽ ऩेक्खोॽबान् थाक्त़ेआङ् वाॽ, ह़ेक्क्याङ् खुनिॽ मिक्किन् इम्म़ेम़ेत्तुआङ् वाॽ॥ म़ेःन्ऩे फाॽग्र ख़ेङ्हाॽऱे खुनिॽ ऩेक्खोॽबाल्ल़े म़ेघ़ेप्सुबा नु मिक्किल्ल़े म़ेनिःसुबाम़ेन्, ह़ेक्क्याङ् खुनिॽ सिक्लुङ्माओ कुसिङ् म़ेनिःत्तुआङ् इङ्गाॽ ल़ेप्माङ् म़ेनुःक्ख़ेबाम़ेन्, ह़ेक्क्याङ् इङ्गाॽ ख़ेङ्हाॽ वेःन्दुङ्सिङ्म़ेन्फाॽआङ् निङ्वाॽफुमाङ्ङिल्ल़े पाःत्तुरो॥’ |
| 23628 | MAT 13:20 | लुङ्घ़ेऱेक्को क़ेजुक्पा याॽरिःम्ब़ेङ्ग पाःन्जाक्किन् क़ेसःप्पार क़ेदाःक्पा मना कुइसिःक् चोःक्, |
| 23630 | MAT 13:22 | तिङ्ग्रेःक्पाल्ल़े कुसेॽ क़ेऩेबाद़ेन्नो क़ेजुक्पा याॽरिःम्ब़ेङ्ग पाःन्जाक् क़ेघ़ेम्बा मना कुइसिःक् चोःक्, कर ख़ेल्ल़े कन्हिङ्मन्नोबा थेःन् चामा थुङ्मा नु याङ्साकुन्धेसाबा आक्खेआङ् पोःङ्मा क़ेलॽबा निङ्वाॽइल्ल़े पाःन्जाक्किन् सुःप्तुदेःसुॽ, ह़ेक्क्याङ् ख़ेल्ल़े कुजाॽ म़ेभत्छुन्लो॥ |
| 23631 | MAT 13:23 | ह़ेक्क्याङ् नुःबा खाम्मो क़ेजुक्पा याॽरिःम्ब़ेङ्ग पाःन्जाक्किन् क़ेघ़ेम्बाआङ् कुसिङ्क़ेनिःप्पा मना कुइसिःक् चोःक्लो, ह़ेक्क्याङ् ख़ेल्ल़े किप्थिक्, तुक्पोःङ्नु सुम्बोःङ् ल़ेङ् थारिक् कुजाॽ फत्छुरो॥” |
| 23632 | MAT 13:24 | य़ेसुऱे वेॽस्मा ख़ेदाॽइन् ख़ेङ्हाॽ म़ेत्तुसि, “साङ्ग्राम्पेदाङ्बा हाङ्जुम्मिङ्ग अक्तङ्बा चोःक्लो–लत्छा मनाधिक्ल़े प्याङ्सिग़ेन् इक्ताप्पो नुःबा याॽरिःम्बान् ल़ेप्तु, |
| 23635 | MAT 13:27 | ह़ेक्क्याङ् सेवारोबाहाॽ लाजेॽ दाङ्बाल्लो म़ेद्य़ेआङ् सेःन्म़ेदोसु, ‘आदाङ्बे, ख़ेऩेॽग प्याङ्सिग़ेन् इक्ताप्पो मासि याॽरिःम्बारक् क़ेल़ेप्तुआङ् ऩेस्स़े म़ेःम्बि, कर आक्खेआङ् माल़ेःन्दोःन्नाङ् लिङ़ेबे?’ |