| 23233 | MAT 1:20 | कर ह़ेक्के इःत्तुर वय़ेल्ल़े स़ेप्माङ्मो यहवे दाङ्बाल्ल़े कुमाङ्लाइङ्बान् ओसेःन्धाक्सिङ्ङाङ्अक्खे म़ेत्तुरो, “दाउदऱे कुमुॽइदाङ्सा युसुप्फे, ख़ेऩेॽ मरियम्मिन् मेःक्खिम् चोःक्माआङ् हिम्मो ताःप्मा म़ेगिस़ेन्ऩेॽओ, थेआङ्भ़ेल्ल़े खुऩेॽओबा अङ़ेःक्वाःन् सेसेमाङ्ङिल्ल़े कुमुक्साम्लाम्बा हाङ्सिङ्बारो॥ |
| 23244 | MAT 2:6 | ‘यहुदिया थुम्मोबा ब़ेथलेह़ेम्मे, ख़ेऩेॽग यहुदियाबा पाङ्जुम्हाॽओ साॽरिक् क़ेय़ेक्पा क़ेजोःक्लो, थेआङ्भ़ेल्ल़े ख़ेऩेॽ क़ेबाङ्जुम्लाम् हाङ्युक्पाधिक् ताःरो, खुऩेॽग म़ेल्लुक्कम्बा कुइसिःक् पोःङ्ङाङ् आमना इस्राइलिहाॽ कम्ब्राङ् क़ेम़ेप्पा पोःङ्लो॥’” |
| 23283 | MAT 4:5 | ह़ेक्क्याङ् माफ़ेन्साम्मिल्ल़े खुऩेॽ यरुसल़ेम्मो तेॽरुआङ् माङ्हिम्मोबा क़ेऱेक्नुःल्ल़े केःम्बा चम्जम्बा त़ेन्नो य़ेप्सुआङ् म़ेत्तु |
| 23286 | MAT 4:8 | ह़ेक्क्याङ् माफ़ेन्साम्मिल्ल़े खुऩेॽ साॽरिक् चम्जम्बा कोःक्माओ तेॽरुआङ् इक्सादिङ् खाम्बेःक्मोबा क़ेऱेक् हाङ्जुम्हाॽ ह़ेक्क्याङ् ख़ेप्मोबा पयम्यम्बा नु नुःब्नुःबा पाःन्हाॽ ओसेःन्धाक्तुआङ् |
| 23289 | MAT 4:11 | ह़ेक्क्याङ् माफ़ेन्साम्मिल्ल़े य़ेसुःन् ल़ेरुधआङ्माङ्लाइङ्बाहाॽ म़ेद्य़े ह़ेक्क्याङ् खुऩेॽ कम्ब्राङ् म़ेम़ेत्तु॥ |
| 23302 | MAT 4:24 | य़ेसुऱे कुयाःम्बेओ इङ्घङ्ङिन् सिरिया लाजेॽ खाराक् स़ेःऱे, ह़ेक्क्याङ् यरिक् परिक्ल़ेन् तुक्माल्ल़े तरुसिबा मनाहाॽ, क़ेदुक्पाहाॽ, फ़ेन्साम्मिल्ल़े याङ्घुसिबाहाॽ, ह़ेक्क्याङ् थप्मा क़ेमःबाहाॽ नु क़ेदुक्पा क़ेयॽबाहाॽ खुऩेॽओ म़ेदारुसिआङ् ख़ेङ्हाॽ क़ेऱेक् नुसुसिरो॥ |
| 23315 | MAT 5:12 | ख़ेन् य़ेम्मो पसःत् सःत्त़ेम्म़ेॽओ, थेआङ्भ़ेल्ल़े साङ्ग्राम्पेदाङ्ङो खिनिॽ थुम्घोःन् यम्बा चोःक्लो॥ उन्छेःन्स्मा माङ्निङ्वाॽपाःन् क़ेबाःप्पाहाॽआङ् मनाहाॽऱे बा ह़ेक्केए म़ेम़ेत्तुसिरो॥ |
| 23323 | MAT 5:20 | कर ख़ेप्स़ेम्म़ेॽओ, फरिसिहाॽ ह़ेक्क्याङ्साम्योथिम्साम्बाहाॽनुःल्ल़ेआङ् निङ्वाॽफुमाङ्ङिल्ल़े कुइङ्जाःङ्हाॽ खिनिॽ नुःरिक्काङ् क़ेन्इःत्तुम्मिन् क़ेन्नाःत्तुम्मिन्ऩे फाॽग्र स़ेक्खासाङ् खिनिॽ साङ्ग्राम्पेदाङ्बा हाङ्जुम्मो क़ेन्लासिन्लो॥” |
| 23328 | MAT 5:25 | आप्तिक् क़ेगुःप्पाल्ल़े ख़ेऩेॽ खास़ेन्द़ेन्नो तेॽमानुःल्ल़े तगि खुऩेॽनु नादङ् चोग़ेॽओ, म़ेःन्ऩे फाॽग्र ख़ेऩेॽ खास़ेन्लोःम्बाल्लो क़ेदेॽआङ् खास़ेन्लोःम्बाल्ल़े तिलिङ्गाहाॽरो हुक्क़ेसुप्, ह़ेक्क्याङ् ख़ेङ्हाॽऱे पुङ्लाहिम्मो क़ेम्साक्लो॥ |
| 23338 | MAT 5:35 | ह़ेक्क्याङ् इक्सादिङ् खाम्बेःक्माल्ल़े कुमिङ्ङोआङ् माङ्म़ेह़ेक्कासिम्म़ेन्ऩेॽओ, थेआङ्भ़ेल्ल़े ख़ेङ्ग खुऩेॽ कुलाङ् तोॽभेःत्लो॥ ह़ेक्केलॽरिक्के यरुसल़ेम्मिल्ल़े कुमिङ्ङोआङ् माङ्म़ेह़ेक्कासिम्म़ेन्ऩेॽ, थेआङ्भ़ेल्ल़े ख़ेङ्ग पयम् यम्बा हाङ्ङिल्ल़े कुय़ेक्यक्लो॥ |
| 23344 | MAT 5:41 | थक्सुबाल्ल़े ख़ेऩेॽ क़ेन्द़ेन्ऩेन्छाङ् किलोमितर थिक् थारिक् कुगक्किन् कुःप्मा तेॽमा क़ेगोःत्ऩे फाॽग्र ख़ेन्नु किलोमितर ऩेत्छि थारिक् पेग़ेॽओ॥ |
| 23347 | MAT 5:44 | कर इङ्गाॽ खिनिॽ म़ेत्निङ्, निङ्मिहाॽ लुङ्माॽ तुक्त़ेम्सिम्म़ेॽआङ् खिनिॽ ताप्फ़ेःल्लिक्क़ेम़ेप्पाहाॽ तुवा चोग़ेम् पिऱेम्सिम्म़ेॽओ॥ |
| 23349 | MAT 5:46 | खिनिॽ लुङ्माॽ क़ेदुक्पाहाॽरक् लुङ्माॽ क़ेदुक्तुम्सिम्ऩे फाॽग्र खिनिॽ थे हाङ्स़ेम्मिन् क़ेघोःसुम्माङ्बे? ह़ेक्तङ्बा याःम्बक्किङ्ग एःङ्याङ् क़ेभोःङ्बाहाॽऱेआङ् म़ेजोगुरो॥ |
| 23356 | MAT 6:5 | “ह़ेक्क्याङ् खिनिॽ तुवा क़ेजोगुम्मिल्ल़े कुनिङ्वाॽ क़ेजिःप्पाहाॽ कुइसिःक् म़ेजोग़ेम्मिन्ऩेॽओ॥ ख़ेङ्हाॽऱेग मनाहाॽऱे म़ेनिःसुर फाॽआङ् यहुदि चुम्लुङ्हिम्मो नु लाम्लाम्मो य़ेप्माआङ् तुवा चोःक्मा खुनिॽ सिराॽ थाङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱे खुनिॽ याःम्बक्किल्ल़ेन् हाङ्स़ेम्मिन् तगिए म़ेघोःसु म़ेसुरुआङ् म़ेवाॽरो॥ |
| 23387 | MAT 7:2 | वेॽहाॽ पाःन् क़ेधिक्तुम्सिम्बा ह़ेक्केए निङ्वाॽफुमाङ्ङिल्ल़े खिनिॽआङ् पाःन् क़ेधिक्तिॽरो॥ आक्खेलॽरिक् वेॽहाॽ क़ेम़ेत्तुम्सिम्, बा ह़ेक्केलॽरिक्के निङ्वाॽफुमाङ्ङिल्ल़े खिनिॽआङ् क़ेम़ेत्तिॽरो॥ |
| 23422 | MAT 8:8 | कर थक्तुम्बाल्ल़े नोगप् पिरु “दाङ्बे, ख़ेऩेॽ आहिम्मो लाङ्दाःक्मा इङ्गाॽ म़ेलाॽआन्लो॥ ख़ेऩेॽ नुॽर फाॽआङ् क़ेबाःत्तुसाङ् आसेवारोबान् नुॽरो॥ |
| 23430 | MAT 8:16 | ह़ेक्क्याङ् युःन्छिक् पोःक्ख़ेआङ् यरिक् फ़ेन्साम्मिल्ल़े याङ्घुसिबा मनाहाॽ खुऩेॽओ म़ेदारुसि, ह़ेक्क्याङ् खुऩेॽ पाःन्जाक्किल्ल़े ख़ेन् फ़ेन्साम्हाॽ क़ेऱेक् नाःत्तु लःत्तुसिआङ् क़ेऱेक् क़ेदुक्पाहाॽ नुसुसिरो॥ |
| 23434 | MAT 8:20 | य़ेसुऱे नोगप् पिरु, “किधिबाहाॽऱे लुङ्घुरि म़ेगत्तुॽ, पुसाहाॽऱे हाप् म़ेगत्तुॽ, कर इङ्गाॽ म़ेन्छाम्साःल्ल़ेग थ़ेगेःक् नाःम्मा त़ेन्नाङ् म़ेगत्तान्लो॥” |
| 23442 | MAT 8:28 | ह़ेक्क्याङ् खुऩेॽ वरक्किल्ल़े नाहाङ्दाङ् गदरिनि लाजेॽओ क़ेऱे, ह़ेक्केःल्ल़े ख़ेप्मो इप्पुङ्द़ेन्लाम् फ़ेन्साम्मिल्ल़े याङ्घुसिबा ऩेप्फु मनाहाॽ कुदुम्स़े फ़ेऱेत्छि॥ ख़ेङ्हाॽ कम्म्याक् साॽरिक् किप्मा क़ेघुःबा चोग़ेत्छि आत्तिन्नाङ् ख़ेन् त़ेन्नो पोःङ्मार लाङ्घेःक्मा म़ेन्छुक्त़ेन्लो॥ |
| 23447 | MAT 8:33 | ख़ेन् फाक् क़ेगम्बाहाॽ निःत्ताङ्बा पाङ्जुम्मो म़ेबेआङ् फ़ेन्साम्मिल्ल़े याङ्घुसिबा ऩेप्फु मनाहाॽरो पोःक्ख़ेबा क़ेऱेक् पाःन्हाॽ म़ेज़ेक्तुसिरो॥ |
| 23454 | MAT 9:6 | इङ्गाॽ म़ेन्छाम्साःल्ल़े इक्सादिङ् खाम्बेःक्मो लायोहाॽ ल़ेप्मि पिमा युक् कत्तुङ् लॽरिक् ओसेःन्धाक्निङ्लो॥” ह़ेक्केःल्ल़े य़ेसुऱे ख़ेन् लङ्ल़ेःङ्वाःन् म़ेत्तु, “पोग़ेॽ, क़ेऩेत्नाःन् याङ्सिङ्ङ़ेॽआङ् क़ेहिम्मो थासिङ्ङ़ेॽ॥” |
| 23461 | MAT 9:13 | साम्योसाप्लाओ यहवे दाङ्बाल्ल़े इङ्गाॽग सिदुङ्जभा चाहाबा म़ेजोःक्कान्, कर वेॽहाॽ लुङ्माॽ तुक्त़ेम्सिम्म़ेॽ क़ेलॽबा निङ्वाॽ कत्तुङ्लो, लॽरिक् पाःत्तुबा कन् पाःन्निल्ल़े कुबेःन् हुॽआसिम्म़ेॽओ॥ इङ्गाॽग साम्योनिबाहाॽऱे लागि म़ेःन्, कर लायोबाहाॽ लायोलाम् म़ेनुःङ्ङाङ्ताङ्म़ेस़ेःप्ल फाॽआङ् त्याङ्बारो॥” |
| 23480 | MAT 9:32 | ह़ेक्क्याङ् ख़ेङ्हाॽ लःन्द़ेत्छिर पत्छ़ेत्छिल्ल़े कुभा मनाहाॽऱे फ़ेन्साम्मिल्ल़े याङ्घुबाल्ल़े चोगुल्ल़े पाःप्मा म़ेन्छुक्मनाबा मनाधिक् य़ेसुरो म़ेदारु॥ |
| 23484 | MAT 9:36 | य़ेसुऱे यरिक् मनाहाॽ निःसुसिल्ल़े कुलुङ्माॽ स्याःत् लॽऱे, थेआङ्भ़ेल्ल़े ख़ेङ्हाॽग म़ेल्लुक्कम्बा म़ेःन्नेबा म़ेल्लुक् ह़ेक्के लाम् क़ेबोःप्पाआङ् तुक्खे क़ेजाबा कुइसिःक् म़ेजोग़ेरो॥ |
| 23501 | MAT 10:15 | इङ्गाॽ स़ेक्खाए म़ेत्निङ्लो, ताःन्दि खास़ेन् य़ेन्नोग ख़ेन् पाङ्जुम्मिल्ल़े कुदुक्खेःन्नुःल्ल़े सदोम नु गमोराबा पाङ्जुम्हाॽओ क़ेदाःबा तुक्खेःन् थम्मा सुक्क़ेद़ेप्पा पोःङ्लो॥” |
| 23505 | MAT 10:19 | कर खिनिॽ क़ेम्द़ेम्सिल्ल़े स़ेःप्सिङ्माऱे लागि आल्ल थ़ेमा पाःप्मा, आक्खेलॽरिक् पाःप्माबे फाॽआङ् निङ्साम्मो म़ेध्य़ेम्मिन्ऩेॽओ॥ ख़ेन् य़ेम्मोग खिनिॽ पाःप्मा क़ेबोःङ्बा पाःन्निन् बा ख़ेन् य़ेम्मोए क़ेघोःसुम्लो॥ |
| 23512 | MAT 10:26 | ह़ेक्केःल्ल़े ख़ेङ्हाॽनु म़ेगिस़ेम्मिन्ऩेॽओ, थेआङ्भ़ेल्ल़े म़ेधाःप्ऩेन्ल फाॽआङ् त़ेप्त़ेआङ्क़ेवाॽबा पाःन् इग्र कुसिङ् निःत्म़ेद़ेत्ऩेन्ल फाॽआङ् माॽऱेआङ् क़ेवाॽबा पाःन् थेआङ् होःप्लो॥ |
| 23539 | MAT 11:11 | इङ्गाॽ स़ेक्खाए म़ेत्निङ्, बप्तिस्मा क़ेबिबा युहुन्नाःन्नुःल्ल़े वेॽ यम्बा हाःत्ताङ् साम़ेन्वाःन्छिङ्ङे वाॽरो॥ ह़ेक्केसाङ् साङ्ग्राम्पेदाङ्बा हाङ्जुम्मो चुब़ेत्छिक्लक् क़ेय़ेक्पा मनाःन् खुऩेॽनुःल्ल़े यम्बारो॥ |
| 23546 | MAT 11:18 | ह़ेक्केलॽरिक् बप्तिस्मा क़ेबिबा युहुन्नाःङ्ग म़ेन्जा म़ेन्धुङ्ङे त्य़ेसाङ् खिनिॽ ख़ेङ्ग फ़ेन्साम्मिल्ल़े युक्तुआङ् वाॽ लॽरिक् क़ेम़ेत्तुम्॥ |
| 23550 | MAT 11:22 | कर इङ्गाॽ स़ेक्खाए म़ेत्निङ्, खास़ेन् य़ेन्नोग खिनिॽ तुक्खेन्नुःल्ल़े तायर नु सिदोनबा मनाहाॽऱे खुनिॽ तुक्खेःन् थम्मा सुक्क़ेद़ेप्पा पोःङ्लो॥ |
| 23553 | MAT 11:25 | ख़ेन् य़ेम्मो य़ेसुऱे तुवा चोगु, “आम्बे, साङ्ग्राम्पेदाङ् नु इक्सादिङ् खाम्बेःक्माल्ल़े दाङ्बाए, इङ्गाॽ नोग़ेन् पिऩे, थेआङ्भ़ेल्ल़े ख़ेऩेॽग सिक्कुम्साबाहाॽ ह़ेक्क्याङ् चाःप्पाहाॽनु क़ेमाॽरुबा पाःन्निन् हिन्जाॽ ह़ेक्तङ्बाहाॽ ओसेःन्ग़ेधाक्तुसिरो॥ |
| 23557 | MAT 11:29 | इङ्गाॽ आजिघ़ेःप्पिन् कुय़ेम्म़ेॽआङ् इङ्गाॽनु हुॽआसिम्म़ेॽओ॥ थेआङ्भ़ेल्ल़े इङ्गाॽग लुम्लुम्बा नु चुङ्जिग़ेम्बा चोःक्कारो, ह़ेक्क्याङ् खिनिॽ याम्साम्मिल्ल़े नाःम्सिङ्मा खोःसुॽरो॥ |
| 23559 | MAT 12:1 | थिक्ल़ेङ् य़ेसुःन् नु कुहुॽसाम्बाहाॽ नाःम्सिङ्य़ेन्नो प्याङ्सिग़ेन् इक्ताप्लुम्मोनु म़ेबेर म़ेबत्छ़ेल्ल़े कुहुॽसाम्बाहाॽऱे खुनिॽ स़ेत्लाःक्त़ेआङ् सिःदाप्माहाॽ म़ेदुबुआङ् म़ेनुगुर चामा म़ेहेःक्तुरो॥ |
| 23561 | MAT 12:3 | य़ेसुऱे ख़ेङ्हाॽ नोगप् पिरुसि, “म़ेःम्ब़े! दाउद हाङ्ङिन् नु कुमनाहाॽऱे खुनिॽ स़ेत्लाःक्त़ेल्ल़े म़ेजोगुबा पाःन्निन् साम्योसाप्लाओ म़ेन्निःत्ते क़ेवयिॽबि? |
| 23565 | MAT 12:7 | निङ्वाॽफुमाङ्ङिल्ल़े इङ्गाॽ सिदुङ्जभाःन् चाहाबा म़ेजोःक्कान् कर मनाहाॽ लुङ्माॽ तुक्त़ेम्सिम्म़ेॽ फाॽआङ् निङ्वाॽ चोगुङ् लॽरिक् साम्योसाप्लाओ पाःत्तुबा पाःन्निन् क़ेनिःसुम्माङ् क़ेवयिल्ल़ेग फोत्या म़ेःन्नेबा मनाहाॽ आप्तिक् क़ेन्गुःत्तुम्सिम्म़ेन्बा वय़े म़ेन्॥ |
| 23580 | MAT 12:22 | ख़ेङ्हाॽऱे फ़ेन्साम्मिल्ल़े याङ्घुबाल्ल़े चोगुल्ल़े मिक्फःम्बा नु पाःप्मा म़ेन्छुक्मनाबा मनाधिक् य़ेसुरो म़ेदारु, ह़ेक्क्याङ् खुऩेॽ वेःन्दुआङ् ख़ेन् पाःप्मा नु खानिःमा क़ेसुक्पा पोःक्ख़ेरो॥ |
| 23584 | MAT 12:26 | माफ़ेन्साम्मिल्ल़े आप्फेःक् फ़ेन्साम्हाॽ नाःत्तुसिआङ् आबाङे कुहाङ्जुम्मिल्ल़े कुदक्ल़ेङ्वाओ पोःक्ऩे फाॽग्र आक्खेआङ् कुहाङ्जुम्मिल्ल़े थरुबे? |
| 23585 | MAT 12:27 | ह़ेक्क्याङ् बालजिबुल माफ़ेन्साम्मिल्ल़े कुमुक्साम्लाम् इङ्गाॽ फ़ेन्साम्हाॽ नाःत्तुङ् लःत्तुङ्सिङ्ऩे फाॽग्र खिनिॽ मनाहाॽऱे आत्तिन् मुक्साम्लाम् फ़ेन्साम्हाॽ म़ेनाःत्तु म़ेलःत्तुसिबे? ख़ेङ्हाॽऱे म़ेजोगुबा याःम्बक्किल्ल़ेए खिनिॽ पिर्बेःम्बो क़ेध्य़ेॽइआङ् क़ेवयिॽ फाॽआङ् ओसेःन्आम्धाक्लो॥ |
| 23590 | MAT 12:32 | आत्तिन् मनाःल्ल़े म़ेन्छाम्साःल्ल़े कुदक्ल़ेङ्वाओ पाःत्तुॽ, ख़ेल्ल़े ल़ेप्मि खोःसुॽ, कर सेसेमाङ्ङिल्ल़े कुदक्ल़ेङ्वाओ क़ेबाःप्पाल्ल़े कन् य़ेम्मो ह़ेक्क्याङ् क़ेदाःबा य़ेम्मोआङ् ल़ेप्मि म़ेघोःसुन्लो॥” |
| 23598 | MAT 12:40 | थेआङ्भ़ेल्ल़े योनाःङ्ग यम्बा ङाःल्ल़े लरुआङ् कुसाप्पोःक्पो स़ेन्दिक् ल़ेन्दिक् सुम्य़ेन् थारिक् याग़े॥ ह़ेक्केलॽरिक्के इङ्गाॽ म़ेन्छाम्साःन्नाङ् इक्सादिङ् खाम्बेःक्मा सिगाङ् सुम्स़ेन् नु सुम्य़ेन् थारिक् याःक्कारो॥ |
| 23603 | MAT 12:45 | ह़ेक्क्याङ् ख़ेन् पेःक्काङ् आप्फेःक्नुःल्ल़ेआङ् साॽरिक् कुॽइ क़ेभ़ेॽबा वेॽ नुसि फ़ेन्साम्हाॽ तारुसिआङ् ख़ेङ्हाॽ सिगाङ् म़ेलाःत्ताङ् म़ेयुङ्सिङ्लो॥ ख़ेन् मनाःल्ल़े कुयाक्नाम्मिन् तगिबानुःल्ल़ेआङ्ताप्फ़ेःम्बा पोःङ्लो॥ कन् य़ेम्मोबा कुॽइ क़ेभ़ेॽबा मनाहाॽऱे खुनिॽ याक्नाम्मिन्नाङ् बा ह़ेक्तङ्बाए पोःङ्लो॥” |
| 23636 | MAT 13:28 | खुऩेॽ नोगप् पिरुसि, ‘ख़ेङ्ग निङ्मिःल्ल़े ह़ेक्के चोगुबारो॥’ सेवारोबाहाॽऱे खुऩेॽ याम्मो सेःन्म़ेदोसु, ‘ख़ेन् माल़ेःन्दोहाॽ आःक्खुम्देःसुम्ब़े लॽरिक् निङ्वाॽ क़ेइःत्तुबि?’ |
| 23637 | MAT 13:29 | लाजेॽ दाङ्बाल्ल़े म़ेत्तुसि, ‘ह़ेक्के म़ेजोग़ेम्मिन्ऩेॽओ, माल़ेःन्दोःन् क़ेआःक्खुम्मिल्ल़े मासिःन्नाङ् क़ेआःक्खुम् क़ेस़ेरुम्लो॥ |
| 23643 | MAT 13:35 | ह़ेक्केःल्ल़े निङ्वाॽफुमाङ्ङिल्ल़े कुबाःन्निन् माङ्निङ्वाॽपाःन् क़ेबाःप्पाल्ल़े अक्खेलॽरिक् पाःत्तुबान् क़ेऱेबारो– “इङ्गाॽ ख़ेदाॽओरक् पाःत्तारो, ह़ेक्क्याङ् इक्सादिङ् खाम्बेःक्माल्ल़ेन् नावाग़ेन् चइःत् ऩेस्स़ेआङ्धोबा सिबिॽ पाःन्हाॽ पाःत्तुङ्लो॥” |
| 23646 | MAT 13:38 | प्याङ्सिग़ेन् इःक्ताप्पिङ्ग इक्सादिङ् खाम्बेःक्मान्लो, ह़ेक्क्याङ् ख़ेन् नुःबा याॽरिःम्बाहाॽग निङ्वाॽफु हाङ्जुम्बा मनासिरो॥ माल़ेःन्दोहाॽग माफ़ेन्साम्मिल्ल़े कुमनासिरो, |
| 23647 | MAT 13:39 | ह़ेक्क्याङ् माल़ेःन्दो याॽरिःम्बा क़ेल़ेप्पा निङ्मिःङ्ग माफ़ेन्साम्मिन्लो॥ चासुम्मा य़ेम्मिङ्ग कन् इक्सादिङ् खाम्बेःक्माल्ल़े कुनुप्मान्लो, ह़ेक्क्याङ् चाग़ेसुम्बाहाॽग माङ्लाइङ्बासिरो॥” |
| 23648 | MAT 13:40 | “ह़ेक्क्याङ् ख़ेन् माल़ेःन्दोहाॽ म़ेसुप्सुआङ् मिओ लाप्म़ेभुसुबा कुइसिःक्के इक्सादिङ् खाम्बेःक्माल्ल़े कुनुप्मान् पोःङ्लो॥ |
| 23649 | MAT 13:41 | इङ्गाॽ म़ेन्छाम्साःल्ल़े आमाङ्लाइङ्बाहाॽ पाङ्घुङ्सिङ् ह़ेक्क्याङ् क़ेऱेक् लायो चोःक्मा क़ेबाङ्बाहाॽ नु फ़ेन् याःम्बक् क़ेजोःक्पाहाॽ आहाङ्जुम्मोलाम् म़ेसुप्सुसिॽआङ् |
| 23657 | MAT 13:49 | इक्सादिङ् खाम्बेःक्माल्ल़े कुनुप्मोआङ् बा ह़ेक्केए पोःङ्लो॥ माङ्लाइङ्बाहाॽ म़ेदाआङ् साम्योनिबाहाॽओलाम् फोत्याबा मनाहाॽ वेॽ म़ेस़ेन्दुसिॽआङ् |
| 23667 | MAT 14:1 | ख़ेन् य़ेम्मो गालिल थुम्मोबा सुहाङ्ग़ेम्बा ह़ेरोद एन्तिपासऱे य़ेसुऱे चोगुबा याःम्बक्किल्ल़े कुयाःम्बेओ ख़ेप्सु, |
| 23668 | MAT 14:2 | ह़ेक्क्याङ् कुसेवारोबाहाॽ अक्खे म़ेत्तुसि, “कङ्ग स़ेक्खासाङ् स़ेप्पाङ्घुङ्सिङ्बा बप्तिस्मा क़ेबिबा युहुन्नाःन्नेरो, खुऩेॽ याम्मो हिङ़ेबाल्ल़े चोगुल्ल़े मुक्साम्लाम्बा निङ्वाॽ क़ेमाबा याःम्बक् चोगुर वाॽरो॥” |
| 23708 | MAT 15:6 | ख़ेल्ल़े आबाङे कुम्बा कुम्मासि कुभाॽ पिमासिआङ्मिङ्सो इङ्धाःङ् पिमासि म़ेबोःङ्ऩेन्लॽरिक् खिनिॽ क़ेबाःत्तुम्माङ्आप्फेःक् खिनिॽ चोःक्थिम्मिल्ल़े निङ्वाॽफु पाःन्जाक्किन् थेना-धेबा क़ेजोगुम्माङ् क़ेवयिॽरो॥ |
| 23716 | MAT 15:14 | ह़ेक्केःल्ल़े ख़ेङ्हाॽऱे खुनिॽ पाःन्निन् म़ेघ़ेप्स़ेम्मिन्ऩेॽओ॥ ख़ेङ्हाॽग मिक्फःम्बा लाम्लोःबासिरो॥ मिक्फःम्बाल्ल़े मिक्फःम्ब़ेन् लाम्लोसुऩे फाॽग्र ऩेप्माङ् लुम्बाःत्तो क़ेङ्सि लाःत्छिॽरो॥” |
| 23724 | MAT 15:22 | ख़ेप्मोबा कनानि सुवाङ्स्मा म़ेन्छुमाॽधिक् खुऩेॽओ त्य़ेआङ् अक्खे म़ेत्तुर पेलि फाक्तु, “दाउदऱे कुस्साः आदाङ्बे, लुङ्माॽ तुक्ताङ्ङ़ेॽओ! आस्साः चुक्म़ेन् फ़ेन्साम्मिल्ल़े याङ्घुआङ् साॽरिक् तुक्खे चाःत्तुॽरो॥” |
| 23744 | MAT 16:3 | ह़ेक्क्याङ् तानाम् ताङ्साक्प़ेन्मुदःप्पिल्ल़े आइन् वाहित् थाःसुॽ, सुरित् केजङ्ङिन् हुःॽ लॽरिक् क़ेबाःत्तुम्॥ अक्खेलॽरिक् ताङ्साक्प़ेन्ओग़ेम़ेत्तुम्माङ् वाय़ेम्मिन् नुःबा नु ताप्फ़ेःम्बा चोःक् फाॽआङ् क़ेस़ेन्दुम्मिल्ल़े आक्खेलॽरिक् कन् य़ेम्मो क़ेदाःबा मिक्सेःन्हाॽ कुसिङ् क़ेन्निःत्तुम्मिन्बाबे? |
| 23748 | MAT 16:7 | ख़ेङ्हाॽऱे खऱेःङ्ङिन् आम्भ़ेत्तुम्मिन्नाङ् आनिॽ अक्खे आम़ेत्त़ेबारो फाॽआङ् खुनिॽ लुम्मो पाःन् म़ेधक्त़ेरो॥ |
| 23751 | MAT 16:10 | याम्मो ह़ेन्छिङ् लिसि (४०००) मनाहाॽऱे नुसि खऱेःङ् म़ेज ह़ेक्क्याङ् आक्ख़ेम्म्याक् कुजि क़ेनम्बाहाॽ खिनिॽ क़ेसुप्सुम्, ख़ेन्नाङ् खिनिॽ निङ्वाॽ क़ेभेःत्छुम्बि? |
| 23759 | MAT 16:18 | स़ेक्खा पाःन् ख़ेऩेॽ म़ेत्ऩेॽ, ख़ेऩेॽ पत्रुसऩेरो (पत्रुस फाॽइन् लुङ्लो), ह़ेक्क्याङ् कन् पयम् यम्बा लुङ्सम्दाङ् इङ्गाॽ आसेसेहुप्लक्किन् चोगुङ्लो॥ ह़ेक्क्याङ् कन् आसेसेहुप्लक्किन् सिःम़ेल्ल़ेन् मुक्साम्मिल्ल़े नाःम्मा म़ेसुक्तुन्लो॥ |
| 23768 | MAT 16:27 | थेआङ्भ़ेल्ल़े इङ्गाॽ म़ेन्छाम्साःन् पानुदिङ् आम्बाऱे कुमिमिदिङ्ङो कुमाङ्लाइङ्बाहाॽनु युःआल्ल़े क़ेऱेक् म़ेन्छाम् याप्मिहाॽऱे म़ेजोगुबा याःम्बक्किल्ल़ेन् लाॽरुबा थुम्घोःन् पिरुङ्सिङ्लो॥ |
| 23781 | MAT 17:12 | कर इङ्गाॽ स़ेक्खाए म़ेत्निङ्, एलियाःन् त्य़े चुऱेआङ् वाॽ, कर मनाहाॽऱे कुसिङ् म़ेन्निःत्तुन्नाङ् ख़ेङ्हाॽऱे खुऩेॽ निङ्वाॽ थाप्थाप् म़ेम़ेत्तुआङ् म़ेवाॽरो॥ ह़ेक्केलॽरिक् म़ेन्छाम्साःन्नाङ् खुनिॽ हुक्को थाआङ् तुक्खे चारो॥” |
| 23799 | MAT 18:3 | म़ेत्तुसि, “इङ्गाॽ स़ेक्खाए म़ेत्निङ्, खिनिॽ निङ्वाॽइन्क़ेल़ेक्खुम्माङ् कन् हिन्जाॽइन् कुइसिःक् खिनिॽ क़ेम्बोःक्खिन्ऩे फाॽग्र आप्फाल्ल़ेआङ् साङ्ग्राम्पेदाङ्बा हाङ्जुम्मो लाःप्मा क़ेन्छुक्तिन्लो, |
| 23808 | MAT 18:12 | “आल्ल, किप्थिक् (१००) म़ेल्लुक् क़ेगप्पाल्ल़े कुम़ेल्लुक्थिक् माःल्ल़े थे चोगुॽ? ख़ेल्ल़े ख़ेन् फाङ्-फाङ् (९९) म़ेल्लुक्हाॽ चाराम्माद़ेन्नो ल़ेरुधसिआङ् ख़ेन् क़ेमाबा म़ेल्लुक्किल्ल़े कुगोःत्छ़े म़ेबेःक्किन्बि? |
| 23813 | MAT 18:17 | ख़ेल्ल़े आल्लसाङ् ख़ेङ्हाॽ ख़ेम्मा नाॽरुसिऩे फाॽग्र सेसेहुप्लक्को कन् पाःन्निन् ताऱेम्म़ेॽओ॥ ह़ेक्क्याङ् सेसेहुप्लक्किल्ल़े पाःत्तुबा पाःन्निन्नाङ् नाॽरुऩे फाॽग्र ख़ेङ्ग थिम्म़ेन्दङ् सुवाङ् नु एःङ्याङ् क़ेभोःङ्बा ताप्फ़ेःम्बा मना कुइसिःक् इःत्त़ेम्म़ेॽओ॥ |
| 23821 | MAT 18:25 | ख़ेल्ल़े ख़ेन् साम्म्याङ् याङ्इत्छिःन्हुङ्मा म़ेसुक्तुम्बाल्ल़े चोगुल्ल़े मेलिङ्ग़ेन् कुमेःत्, कुस्साःहाॽ ह़ेक्क्याङ् ख़ेल्ल़े कत्तुबा क़ेऱेक् चिगःक्वाहाॽ सङ्घ़ेम्म़ेॽआङ् फोःङ्मा क़ेबोःङ्बा याङ्ङिन् फोःक्ख़ेम्म़ेॽ लॽरिक् हाङ्ङिल्ल़े इङ्जाःङ् पिरुसिरो॥ |
| 23836 | MAT 19:5 | ह़ेक्क्याङ् ‘ख़ेल्ल़े चोगुल्ल़े य़ेम्बित्छाॽइल्ल़े कुम्बा नु कुम्मासि ल़ेरुसिआङ् कुमेःत्तिन्नु तङ्लो, ह़ेक्क्याङ् ख़ेङ्हाॽ लत्छा थक् पोःङ्सिरो॥’ |
| 23840 | MAT 19:9 | इङ्गाॽ म़ेत्निङ्, आत्तिन् य़ेम्बित्छाॽइल्ल़े कुमेःत्तिन् वेॽहाॽनु म़ेन्लाम्मे नाॽरुआङ् वेॽ म़ेन्छुमाॽइन्नु मेःक्खिम् चोगु, ख़ेल्ल़ेआङ् चाराम्मा याःम्बक्के चोगुॽरो॥” ((ह़ेक्क्याङ् आत्तिल्ल़े ख़ेन् नाॽरुमा म़ेन्छुमाॽइन्नु मेःक्खिम् चोगुॽ ख़ेल्ल़ेआङ् याम्बोःप्मा याःम्बक्के चोगुॽरो॥)) |
| 23848 | MAT 19:17 | य़ेसुऱे नोगप् पिरु, “नुःबा याःम्बक्किल्ल़े कुयाःम्बेओ थेआङ् सेःन्ग़ेदोआबाबे? क़ेनुॽबाग निङ्वाॽफुमाङ्ङिन्लक् वाॽरो॥ कर ख़ेऩेॽ म़ेन्नुप्मनाबा हिङ्मन् खोःमा निङ्वाॽ क़ेजोगुऩे फाॽग्र साम्योथिम् इङ्जाःङ्हाॽ इःत्त़े नाःत्त़ेॽओ॥” |
| 23898 | MAT 21:3 | मनाहाॽऱे थेआङ् कन् अदङ्साःन् क़ेल़ेत्छुबाबे फाॽआङ् सेःन्ग़ेम्लाप्सिऩे फाॽग्र कङ्हाॽ आनिग़े दाङ्ब़ेन् चाहाबा चोग़ेआङ् वाॽ, हाराए खुऩेॽ याङ्ना नुःक्तुसिॽ फाॽआङ् म़ेत्त़ेछ़ेॽओ॥” |
| 23916 | MAT 21:21 | य़ेसुऱे ख़ेङ्हाॽ म़ेत्तुसि, “खिनिॽ इङ्गाॽ स़ेक्खाए म़ेत्निङ्, खिनिॽ चप्चि म़ेन्जोःक्के नसाःन् क़ेजोगुम्ऩे फाॽग्र कन् पःत्छेॽबुङ्मान् इङ्गाॽ चोगुङ्बा कुइसिःक् खिनिॽआङ् चोःक्मा क़ेसुक्तुम्, ह़ेक्क्याङ् ख़ेम्म्याक्लक् म़ेःन्, कर ‘कन् कोःक्मान् हाॽयाक्आग़ेॽआङ् वाहङ्ङो लाप्फुसिङ्ङ़ेॽ’ क़ेम़ेत्तुम्मिल्ल़े ख़ेन् क़ेत्लो॥ |
| 23927 | MAT 21:32 | थेआङ्भ़ेल्ल़े बप्तिस्मा क़ेबिबा युहुन्नाःन् खिनिॽ साम्योनिबा लाम् ओसेःन्धाक्स़े त्य़ेबारो, ह़ेक्केसाङ् खुऩेॽ सम्दाङ् खिनिॽ नसाःन् क़ेन्जोगुम्मिन्लो॥ कर एःङ्याङ् क़ेभोःङ्बाहाॽ नु क़ेत्निमाहाॽऱे खुऩेॽ नसाःन् म़ेजोगुआङ् म़ेवाॽरो॥ ख़ेन् क़ेनिःसुम्साङ् खिनिॽ लायोलाम् क़ेन्हिन्दिन्नाङ् खुऩेॽ नसाःन्नाङ्क़ेन्जोगुम्मिन्लो॥” |
| 23946 | MAT 22:5 | कर ख़ेङ्हाॽऱे ख़ेम्घ़ेम् म़ेन्लाप्तुन्नाङ् कुभाग प्याङ्सिग़ेन् इक्ताप्पो याःम्बक् चोःक्स़े म़ेबे, कुभा ल़ेङ्हङ् चोःक्स़े म़ेबे, |
| 23970 | MAT 22:29 | य़ेसुऱे नोगप् पिरुसि, “खिनिॽग पिर्बेःम्बो क़ेध्य़ेॽइआङ् क़ेवयिॽरो, थेआङ्भ़ेल्ल़े साम्योसाप्लाःन् कुसिङ् म़ेन्निःत्ते क़ेवयि, ह़ेक्क्याङ् निङ्वाॽफुमाङ्ङिल्ल़े कुमुक्साम्मिन्नाङ् कुसिङ् म़ेन्निःत्ते क़ेवयिॽरो॥ |
| 23991 | MAT 23:4 | ख़ेङ्हाॽऱेग क़ेलिःप्पा कक्ह़ेक्तङ्बा क़ेसाक्पा थिम्हाॽ म़ेजोगुआङ् मनाहाॽ म़ेगुःत्तुसिॽ, कर कक् याङ्याङ् लॽर फाॽआङ् आबाङे हुक्चोधिक्किल्ल़ेआङ् म़ेन्छुस्सुन्लो॥ |
| 23992 | MAT 23:5 | ख़ेङ्हाॽऱेग नुःबा पाःन्हाॽ मनाहाॽ ओसेःन्धाक्मासि फाॽआङ्लक् म़ेजोगुरो–ख़ेङ्हाॽऱे साम्योथिम् इङ्जाःङ् साप्मा याक्मनाबा माक्प़ेन्छाप्हाॽ यम्ब्यम्बा म़ेजोगुआङ् हुक्को नु तोवाबो म़ेभत्छुॽ, ह़ेक्क्याङ् चाङ् तेःत्तो केःम्ब्केःम्बा पोरोःक्वाहाॽ म़ेभत्छुॽ॥ |
| 24017 | MAT 23:30 | ह़ेक्क्याङ् क़ेबाःत्तुम्, ‘आनिग़े सुध़ेबा ताक्थ़ेबाहाॽऱे खुनिॽ य़ेम्मो आनिग़े वयिग़ेल्ल़ेग माङ्निङ्वाॽपाःन् क़ेबाःप्पाहाॽ स़ेप्मासि चुम् म़ेम़ेत्तुम्सिम्ब़ेम्बा वय़ेरो॥’ |
| 24021 | MAT 23:34 | ह़ेक्केःल्ल़े नुःरिक्काङ् ख़ेप्स़ेम्म़ेॽओ, ताःन्दि खिनिॽओ इङ्गाॽ माङ्निङ्वाॽपाःन् क़ेबाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ ख़ेङ्हाॽओ कुभा खिनिॽ क़ेस़ेरुम्सिम्, कुभा सिलाम्साक्मा सिङ्सम्दाङ् क़ेभोःन्दुम्सिम्, ह़ेक्क्याङ् कुभाग यहुदि चुम्लुङ्हिम्मो त़ेःम्भुक् क़ेयाक्तुम्सिम्माङ् य़ेक्यक् थप्मा निङ्घुम् क़ेम़ेत्तुम्सिम्लो॥ |
| 24026 | MAT 23:39 | थेआङ्भ़ेल्ल़े खिनिॽ स़ेक्खाए म़ेत्निङ्, ‘दाङ्बाल्ल़े कुमिङ्ङो क़ेदाःबान् मुॽइसाबारो’ लॽरिक् क़ेम्बाःत्तुम्मिन्ल थारिक् याम्मो याप्मि क़ेन्निःसिन्लो॥” |
| 24032 | MAT 24:6 | खिनिॽग थङ् नु थङ्हाॽऱेन् हयङ्किल्लिङ्हाॽ क़ेघ़ेप्सुम्, कर खिनिॽ निङ्वाॽ म़ेमय़ेम्मिन्ऩेॽओ॥ कङ्हाॽग पोःङ्माए पोःङ्, कर बा ख़ेन् य़ेम्मोएग इक्सादिङ् खाम्बेःक्माल्ल़े कुनुप्मान् म़ेदाऩेन्लो॥ |
| 24053 | MAT 24:27 | थेआङ्भ़ेल्ल़े म़ेन्छाम्साःल्ल़े कुयुःमाङ्ग साःम्भे ल़ेक्किल्ल़े क़ेऱेक् ताङ्साक्प़ेन्थोॽरुबा कुइसिःक्के पोःङ्लो॥ |
| 24056 | MAT 24:30 | ह़ेक्क्याङ् ख़ेन् य़ेम्मो ताङ्साक्पो म़ेन्छाम्साःल्ल़े कुयुःमाल्ल़ेन् मिक्सेःन्निन् थाःप्पाङ् इक्सादिङ् खाम्बेःक्मोबा क़ेऱेक् म़ेन्छाम् सुवाङ्हाॽ मेरिङ् म़ेधक्लो॥ ख़ेङ्हाॽऱे म़ेन्छाम्साःन् ताङ्साक्पो मुक्साम् ह़ेक्क्याङ् पयम् मिमिदिङ्ङिन्नु खाप्मिःत्तो युःर पप्पा म़ेनिःसुॽरो॥ |
| 24057 | MAT 24:31 | ह़ेक्क्याङ् खुऩेॽ सेगुसिबा मनाहाॽ सुम्स़े क़ेऱेक् पिसाङ्लाम् ताङ्साक्पाल्ल़े खोःप्तुबा नु इक्सादिङ् खाम्बेःक्माल्ल़े ताःक्तुबाओ थुत्तुरिःप्पाल्ल़ेन् पयम् इक्लानु कुमाङ्लाइङ्बाहाॽ इक्सादिङ् खाम्बेःक्मो पाङ्घु युःसुसिॽरो॥” |
| 24059 | MAT 24:33 | ह़ेक्केलॽरिक्के इङ्गाॽ पाःत्तुङ्बा कन् क़ेऱेक् पाःन्हाॽ क़ेत्ल पेःक्पा क़ेनिःसुम्मिल्ल़े म़ेन्छाम्साःल्ल़े कुयुःमान् निःत्ताङ्ङे वाॽ फाॽआङ् कुसिङ्क़ेनिःत्तुम्लो॥ |
| 24065 | MAT 24:39 | ह़ेक्क्याङ् वादोःक्मा थाङ़ेआङ् निःम्मा सिःमानुःल्ल़े तगि थे पोःङ् क़ेलॽबान् ख़ेङ्हाॽऱे थेआङ् निङ्वाॽ म़ेङ्गत्तुन्लो॥ बा ह़ेक्केलॽरिक्के म़ेन्छाम्साःल्ल़े कुयुःमान्नाङ् पोःङ्लो॥ |
| 24154 | MAT 26:31 | ख़ेप्मो य़ेसुऱे ख़ेङ्हाॽ म़ेत्तुसि, “आइन् स़ेन्दिक्सा खिनिॽ क़ेऱेक्ल़े इङ्गाॽ याप्मि क़ेल़ेरिॽआङ् क़ेबिगिॽरो॥ थेआङ्भ़ेल्ल़े निङ्वाॽफुमाङ्ङिल्ल़े साम्योसाप्लाओ अक्खे पाःत्तुआङ् पत्, ‘इङ्गाॽ म़ेल्लुक्कम्बान् हिप्तुङ्, ह़ेक्क्याङ् क़ेऱेक् म़ेल्लुक्हाॽ क़ेऱेक् पिसाङ् म़ेस़ेरो॥’ |
| 24164 | MAT 26:41 | हङ्साॽमाओ म़ेध्य़ेॽइग़ेन्ल फाॽआङ् निङ्वाॽ चाङ्जाङ्ङाङ् तुवा चोग़ेम्म़ेॽओ॥ खिनिॽ निङ्वाॽइल्ल़े नुःरिक्काङ् चोःक्मा क़ेगोःत्तुम्, कर खिनिॽ नासिङ्ग़ेन् थक्किङ्ग म़ेधुम्मिन्बाल्ल़े चोगुल्ल़े क़ेन्छुक्तुम्मिल्लो॥” |
| 24222 | MAT 27:24 | आल्ल पिलातसऱे थेआङ् चोःक्मा सुक्म़ेन्द़ेप्मनाबा नु याम्मो हयङ्किल्लिङ् क़ेबोःङ्बा निःसुआङ् कन् पाःन्नो खुऩेॽ कुहुक् होःप्लॽरिक् ओसेःन्धाक्स़े कुहुक्हाॽ वाहप्तुर ख़ेङ्हाॽ म़ेत्तुसि, “कन् याःम्बक् म़ेन्भेःन्ने क़ेवाॽबा मनाःल्ल़े कुसिःम़ेन्नो इङ्गाॽ आलक् होःप्लो॥ अक्खे क़ेजोःक्पाहाॽग बा खिनिॽनिङ्लो!” |
| 24264 | MAT 27:66 | ह़ेक्केःल्ल़े ख़ेङ्हाॽ म़ेबेआङ् इप्पुङ्ङिल्ल़े कुमुराओबा लुङ्ङो एःप्साप् म़ेयुक्तुआङ् मनाहाॽऱे म़ेन्हन्दुन्ल फाॽआङ् थक्सुबाहाॽ ख़ेप्मो कोमा म़ेबाङ्घुसिरो॥ |
| 24284 | MAT 28:20 | इङ्गाॽ इङ्जाःङ् पिनिङ्बा क़ेऱेक् पाःन्हाॽ इःप्मा नाःप्मा हुॽऱेम्सिम्म़ेॽओ॥ ओम़ेत्त़ेम्म़ेॽओ, इङ्गाॽग इक्सादिङ् खाम्बेःक्माल्ल़े कुनुप्मो थारिक्के खिनिॽनु सदादिङ् वाॽआरो॥” |
| 24307 | MRK 1:23 | य़ेसुऱे ख़ेन् यहुदि चुम्लुङ्हिम्मो हुॽमा हेःक्तुसिल्ल़े फ़ेन्साम्मिल्ल़े याङ्घुबा मनाधिक् अःक्त़ेर पाऱे, |
| 24310 | MRK 1:26 | ह़ेक्क्याङ् ख़ेन् फ़ेन्साम्मिल्ल़े ख़ेन् मनाःन् पिर्धाप् थाप्सुधआङ् यम्बा इक्लाओ फिःक्त़ेर ल़ेरुधःरो॥ |
| 24316 | MRK 1:32 | नाम्ध़ेआङ् ख़ेन् युःन्छिक् यरिक् क़ेदुक्पाहाॽ नु फ़ेन्साम्मिल्ल़े याङ्घुसिबा मनाहाॽ य़ेसुरो म़ेदारुसि॥ |
| 24339 | MRK 2:10 | कर इङ्गाॽ म़ेन्छाम्साःल्ल़े इक्सादिङ् खाम्बेःक्मो लायोहाॽ ल़ेप्मि पिमा युक् कत्तुङ् फाॽआङ् ओसेःन्धाक्निङ्लो॥” ह़ेक्केःल्ल़े य़ेसुऱे ख़ेन् लङ्ल़ेःङ्वाःन् म़ेत्तु, |
| 24352 | MRK 2:23 | थिक्ल़ेङ् नाःम्सिङ्मा य़ेन्नो य़ेसुःन् नु कुहुॽसाम्बाहाॽ प्याङ्सिग़ेन् इक्ताप्लुम्मोनु म़ेबेर म़ेबत्छ़ेल्ल़े कुहुॽसाम्बाहाॽऱे नुक्मा चामा फाॽआङ् सिःदाप्माहाॽ तुप्मा म़ेहेःक्तु॥ |
| 24354 | MRK 2:25 | य़ेसुऱे ख़ेङ्हाॽ नोगप् पिरुसि, “साम्योसाप्लाःन् खिनिॽ म़ेन्निःत्ते क़ेवयिॽबि? दाउद हाङ्ङिन् नु कुमनाहाॽऱे खुनिॽ स़ेत्लाःक्त़ेल्ल़े |
| 24366 | MRK 3:9 | ह़ेक्क्याङ् खुऩेॽ यरिक् मनाहाॽऱे म़ेन्लाःक्तुन्ल म़ेन्दोॽरुन्ल फाॽआङ् कुहुॽसाम्बाहाॽ खःङ्बेधिक् कुलागि यारिप् चोःक्मा पाङ्घुसि॥ |
| 24379 | MRK 3:22 | यरुसल़ेमलाम् क़ेदाःबा साम्योथिम्साम्बाहाॽऱे अक्खे म़ेबाःत्तु, “खुऩेॽग बालजिबुल माफ़ेन्साम्मिल्ल़े याङ्घुआङ् वाॽ॥ खुऩेॽ फ़ेन्साम्हाॽऱे खुनिॽ हाङ्ङिल्ल़े कुमुक्साम्लाम् फ़ेन्साम्हाॽ नाःत्तुॽ लःत्तुसिॽरो॥” |
| 24383 | MRK 3:26 | माफ़ेन्साम्मिन्नाङ् आबाङे तक्ल़ेङ्वाओ पोःक्ऩे फाॽग्र ख़ेल्ल़ेआङ् म़ेधरुन्नाङ् नुप्लो॥ |
| 24405 | MRK 4:13 | य़ेसुऱे ख़ेङ्हाॽ सेःन्दोसुसि, “कन् ख़ेदाॽइन्ने कुसिङ् क़ेन्निःत्तुम्मिन्ऩे फाॽग्र, वेॽ ख़ेदाॽहाॽ आक्खेलॽरिक् कुसिङ् क़ेनिःत्तुम्बाबे? |
| 24420 | MRK 4:28 | आबाङे खाम्बेःक्मो पोगुग़ेन् कुजाःन् लिङ्, खाम्बेःक्माल्ल़ेए कुजाॽ थोःक्ल याःन्दुॽ, तगि कुनःक्थाङ्ह़ेक्क्याङ् पोआङ्कुजाॽ थोःक्॥ |
| 24435 | MRK 5:2 | य़ेसुःन् खःङ्बेओनु लाःक्कात् लःन्द़ेनुम़ेःन्ने फ़ेन्साम्मिल्ल़े याङ्घुबा मनाधिक् इप्पुङ्द़ेन्नोलाम् खुऩेॽ कुदुम्स़े त्य़े॥ |