| 23280 | MAT 4:2 | ख़ेप्मो खुऩेॽ लिबोःङ्(४०) स़ेन्दिक् नु ल़ेन्दिक् थारिक् थेआङ् म़ेजऩेन्नाङ् साॽरिक् कुस़ेत्लाःक्त़ेरो॥ |
| 23301 | MAT 4:23 | य़ेसुऱे यहुदि चुम्लुङ्हिम्हाॽओ निसाम् हुॽरुसिर निङ्वाॽफुहाङ्जुम्मिल्ल़े कुयाःम्बेओ सुनाइङ् स़ेःसु, ह़ेक्क्याङ् क़ेऱेक् परिक्ल़ेन् तुक्मा यॽमालाम् क़ेदुक्पाहाॽ वेःन्दुसिर गालिल थुम्मो खाराक् ताक्कन्द़ेरो॥ |
| 23320 | MAT 5:17 | इङ्गाॽ निङ्वाॽफुमाङ्ङिल्ल़े मोसाःन् पिरुबा साम्योथिम्मिन् नु माङ्निङ्वाॽपाःन् क़ेबाःप्पाहाॽऱे म़ेबाःत्तुबा पाःन्निन् कुसुम् म़ेन्दम्नाबा चोःक्स़े त्याङ्बा फाॽआङ् म़ेइःत्त़ेम्मिन्ऩेॽओ॥ इङ्गाॽग कुसुम्म़ेन्दम्नाबा चोःक्स़े म़ेःन्, कर ख़ेङ्हाॽ कुलिङ्धो क़ेत्छ़ेऩे त्याङ्बारो॥ |
| 23328 | MAT 5:25 | आप्तिक् क़ेगुःप्पाल्ल़े ख़ेऩेॽ खास़ेन्द़ेन्नो तेॽमानुःल्ल़े तगि खुऩेॽनु नादङ् चोग़ेॽओ, म़ेःन्ऩे फाॽग्र ख़ेऩेॽ खास़ेन्लोःम्बाल्लो क़ेदेॽआङ् खास़ेन्लोःम्बाल्ल़े तिलिङ्गाहाॽरो हुक्क़ेसुप्, ह़ेक्क्याङ् ख़ेङ्हाॽऱे पुङ्लाहिम्मो क़ेम्साक्लो॥ |
| 23347 | MAT 5:44 | कर इङ्गाॽ खिनिॽ म़ेत्निङ्, निङ्मिहाॽ लुङ्माॽ तुक्त़ेम्सिम्म़ेॽआङ् खिनिॽ ताप्फ़ेःल्लिक्क़ेम़ेप्पाहाॽ तुवा चोग़ेम् पिऱेम्सिम्म़ेॽओ॥ |
| 23352 | MAT 6:1 | य़ेसुऱे याम्मो म़ेत्तुसि, “सिङ्सिङ् य़ेक्य़ेक् लॽऱेम्म़ेॽओ, खिनिॽ क़ेजोगुम्बा साम्योनिबा याःम्बक्हाॽ मनाहाॽऱे म़ेनिःसुआङ् खिनिॽ नारा म़ेभोःसुर फाॽआङ् मना तगि म़ेजोग़ेम्मिन्ऩेॽओ॥ ह़ेक्के क़ेजोगुम्ऩे फाॽग्र साङ्ग्राम्पेदाङ्ङोबा पानुदिङ् पाः निङ्वाॽफुमाङ्लाम् थेआङ् क़ेङ्घोःसुम्मिन्लो॥ |
| 23353 | MAT 6:2 | ह़ेक्केलॽरिक् म़ेङ्गप्मनाबाहाॽ कुजा क़ेबिरुसिल्ल़े वेॽहाॽऱे म़ेघ़ेप्सुर म़ेनिःसुर फाॽआङ् मुक्ला म़ेमुक्ख़ेन्ऩेॽओ॥ कुनिङ्वाॽ क़ेजिःप्पाहाॽऱे यहुदि चुम्लुङ्हिम्मो नु लाम्लाम्मो मनाहाॽऱे म़ेनिःसुआङ् खुनिॽ नारा म़ेभोःसुर फाॽआङ् ह़ेक्के म़ेजोगुॽ॥ इङ्गाॽ स़ेक्खाए म़ेत्ऩेॽ, ख़ेङ्हाॽऱे खुनिॽ हाङ्स़ेम्मिङ्ग तगिसा म़ेघोःसु म़ेसुरुआङ् म़ेवाॽ॥ |
| 23356 | MAT 6:5 | “ह़ेक्क्याङ् खिनिॽ तुवा क़ेजोगुम्मिल्ल़े कुनिङ्वाॽ क़ेजिःप्पाहाॽ कुइसिःक् म़ेजोग़ेम्मिन्ऩेॽओ॥ ख़ेङ्हाॽऱेग मनाहाॽऱे म़ेनिःसुर फाॽआङ् यहुदि चुम्लुङ्हिम्मो नु लाम्लाम्मो य़ेप्माआङ् तुवा चोःक्मा खुनिॽ सिराॽ थाङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱे खुनिॽ याःम्बक्किल्ल़ेन् हाङ्स़ेम्मिन् तगिए म़ेघोःसु म़ेसुरुआङ् म़ेवाॽरो॥ |
| 23370 | MAT 6:19 | “इक्सादिङ् खाम्बेःक्मो याङ्साकुन्धे म़ेलुप्स़ेन्ऩेॽओ॥ ख़ेप्मोग थक्पाहाॽऱे म़ेजःॽ, हिङ्धोःक्किल्ल़े यःन्दुॽ, ह़ेक्क्याङ् खुःन्द्रिक्पाहाॽऱे म़ेघुःत्तुॽरो॥ |
| 23371 | MAT 6:20 | कर साङ्ग्राम्पेदाङ्ङो याङ्साकुन्धे लुप्स़ेम्म़ेॽओ॥ ख़ेप्मोग थक्पाहाॽऱे म़ेन्जऩेन्, हिङ्धोःक्किल्ल़ेआङ् म़ेयःत्छुन्, ह़ेक्क्याङ् खुःन्द्रिक्पाहाॽऱेआङ् म़ेन्घुःत्तुन्लो॥ |
| 23379 | MAT 6:28 | ह़ेक्केःल्ल़े थ़ेमाःन्चाङ्मा वाःप्माबे फाॽआङ् थेआङ् निङ्साम्मो क़ेध्य़ेॽइबाबे? ताम्भुङ्मो क़ेलिङ्बा फुङ्ङिन् ओम़ेत्त़ेम्म़ेॽ, ख़ेङ्हाॽ याःम्बक् म़ेन्जोःक्ऩेन्खिःआङ् म़ेन्लःन्ऩेन्॥ |
| 23401 | MAT 7:16 | ख़ेङ्हाॽऱे म़ेजोगुबा खुनिॽ याःम्बक्कोलाम् ख़ेङ्हाॽ कुसिङ् क़ेनिःत्तुम्सिम्लो॥ थेआङ्भ़ेल्ल़े मनाहाॽऱे तिङ्ग्रेःक् पोःक्लाओलाम् च़ेल्ल़ेक्सेॽ नु सिध्राःक्पोलाम् पःत्छेॽइन् म़ेन्दुबुन्लो॥ |
| 23403 | MAT 7:18 | ह़ेक्क्याङ् नुःबा सिङ्बुङ्ङो ताप्फ़ेःम्बा सिङ्सेॽइन् म़ेधोःक्ऩेन्लो, ह़ेक्क्याङ् ताप्फ़ेःम्बा सिङ्बुङ्ङो नुःबा सिङ्सेॽइन् म़ेधोःक्ऩेन्लो॥ |
| 23478 | MAT 9:30 | ख़ेङ्हाॽ मिक् निःमा क़ेसुक्पा पोःक्ख़ेत्छि॥ य़ेसुऱे ख़ेङ्हाॽ “कन् पाःन्निल्ल़े कुयाःम्बेओ आत्तिल्ल़ेआङ् निङ्वाॽ म़ेघोःसुन्लरो” म़ेत्तुसि॥ |
| 23494 | MAT 10:8 | क़ेदुक्पाहाॽ नुस़ेम्सिम्म़ेॽ, क़ेसिःबाहाॽ कुहिङ्व़ेत् चोग़ेम्सिम्म़ेॽ, लोगेॽ तुक्माल्ल़े याङ्घुसिबाहाॽ नुस़ेम्सिम्म़ेॽ, फ़ेन्साम्हाॽ नाःत्त़ेम्लःत्त़ेम्सिम्म़ेॽ॥ आम्भा क़ेघोःसुम्, आम्भाए पिऱेम्सिम्म़ेॽओ॥ |
| 23497 | MAT 10:11 | खिनिॽ क़ेबेगिबा पाङ्जुम् पाङ्भेॽहाॽओ सुम्बोधाबा मनाःन् कोःत्त़ेम्म़ेॽआङ् ख़ेप्मोलाम् क़ेन्लःन्दिन्क़ेम्बेगिन्ल थारिक् कुहिम्मोए याःक्त़ेम्म़ेॽओ॥ |
| 23499 | MAT 10:13 | ख़ेन् हिम्सयङ्ङिन् खिनिॽ सनारुङ् खोःमा क़ेलाॽबा चोःक्ऩे फाॽग्र खिनिॽ सनारुङ्ङिन् ख़ेप्मो याःक्लाःत्लरो॥ कर क़ेलाॽबा म़ेजोःक्ऩेन्ऩे फाॽग्र खिनिॽ सनारुङ्ङिन् खिनिॽओए नुःङ्लरो॥ |
| 23502 | MAT 10:16 | “ख़ेप्स़ेम्म़ेॽओ! म़ेल्लुक्हाॽ पराबाहाॽऱे खुनिॽ लुम्मो पाङ्मनाबा कुइसिःक् पाङ्निङ्लो॥ ह़ेक्केःल्ल़े खिनिॽ असेःक्पा ह़ेक्के चाचाःप्पा नु पुत्तुःक्के ह़ेक्के कुदोःप्मा पोःक्ख़ेम्म़ेॽओ॥ |
| 23517 | MAT 10:31 | ख़ेल्ल़े चोगुल्ल़े म़ेगिस़ेम्मिन्ऩेॽ॥ खिनिॽग यरिक् चुजुक्सा पुहाॽनुःल्ल़ेआङ् इम़ेल्लुङ्बा क़ेजोगिरो॥ |
| 23520 | MAT 10:34 | “इङ्गाॽ इक्सादिङ् खाम्बेःक्मो सनारुङ् ताःत्छ़े त्याङ्बा फाॽआङ् म़ेइःत्त़ेम्मिन्ऩेॽ॥ इङ्गाॽ सनारुङ् ताःत्छ़ेग म़ेःन्, कर तुक्खे ताःत्छ़े त्याङ्बारो॥ |
| 23542 | MAT 11:14 | ह़ेक्क्याङ् खिनिॽ नसाःन् चोःक्मा क़ेद़ेन्दिॽऩे फाॽग्र ख़ेङ्हाॽऱे ताः लॽरिक् म़ेबाःत्तुबा एलियाःङ्ग युहुन्नाःन्नेरो॥ |
| 23553 | MAT 11:25 | ख़ेन् य़ेम्मो य़ेसुऱे तुवा चोगु, “आम्बे, साङ्ग्राम्पेदाङ् नु इक्सादिङ् खाम्बेःक्माल्ल़े दाङ्बाए, इङ्गाॽ नोग़ेन् पिऩे, थेआङ्भ़ेल्ल़े ख़ेऩेॽग सिक्कुम्साबाहाॽ ह़ेक्क्याङ् चाःप्पाहाॽनु क़ेमाॽरुबा पाःन्निन् हिन्जाॽ ह़ेक्तङ्बाहाॽ ओसेःन्ग़ेधाक्तुसिरो॥ |
| 23555 | MAT 11:27 | ह़ेक्क्याङ् य़ेसुऱे मनाहाॽ म़ेत्तुसि, “आम्बाऱे क़ेऱेक् पाःन्हाॽ पिराङ्ङाङ् वाॽरो॥ कुस्साःन् कुम्बाऱेरक् कुसिङ् निःत्तुॽ, वेॽहाॽऱे कुसिङ् म़ेन्निःत्तुन्लो॥ ह़ेक्क्याङ् पानुदिङ् पाःन् कुसिङ् म़ेनिःत्तुर फाॽआङ् कुस्साःल्ल़े ओसेःन्धाक्तुसिबा मनाहाॽऱेरक् कुसिङ् म़ेनिःत्तुॽरो॥ |
| 23583 | MAT 12:25 | य़ेसुऱे ख़ेङ्हाॽऱे खुनिॽ निङ्वाॽइन्निःसुआङ् अक्खे म़ेत्तुसि, “आप्फेःक् लुम्मो क़ेघेबा क़ेधक्पाआङ् क़ेस़ेम्बा क़ेऱेक् हाङ्जुम्हाॽ म़ेम़ेक्लो॥ ह़ेक्क्याङ् आप्फेःक् लुम्मो क़ेघेबा क़ेधक्पाआङ् क़ेस़ेम्बा य़ेक्यक् नु हिम्सयङ्हाॽऱे म़ेन्धःत्तुन्लो॥ |
| 23589 | MAT 12:31 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, म़ेन्छाम् याप्मिऱे चोःक्मनाबा क़ेऱेक् लायो नु निङ्वाॽफुमाङ्ङिल्ल़े कुदक्ल़ेङ्वाओ पाःप्मनाबा माङ्च़ेॽया पाःन्निल्ल़ेन् ल़ेप्मि खोःमा सुक्त़ेत्, कर सेसेमाङ्ङिल्ल़े कुदक्ल़ेङ्वाओ पाःप्मनाबा माङ्च़ेॽया पाःन्निल्ल़ेन् ल़ेप्मि आप्फाल्ल़ेआङ् खोम़ेद़ेत्ऩेन्लो॥ |
| 23600 | MAT 12:42 | लाङ्ग़ेत् पिसाङ्बा सिवा लाजेॽस्मा हाङ्मान् खास़ेन् य़ेन्नो य़ेम्सिङ्ङाङ् कन् य़ेम्बा मनाहाॽऱे खुनिॽ तक्ल़ेङ्वाओ पोःक्काङ् पाःन्धिक्तुसिॽरो॥ थेआङ्भ़ेल्ल़े खुऩेॽ सोलोमन हाङ्ङिल्ल़ेन् सिक्कुम्दिङ् खाहुन् ख़ेम्स़े साॽरिक् माःङ्घाबा लाजेॽलाम् त्य़ेआङ् वय़ेरो॥ कप्मो सोलोमन हाङ्ङिन्नुःल्ल़े यम्बान्वाॽसाङ् क़ेन्घ़ेप्सुम्मिन्लो॥” |
| 23621 | MAT 13:13 | ख़ेल्ल़े चोगुल्ल़े इङ्गाॽ ख़ेङ्हाॽनु ख़ेदाॽओ पाःत्तारो, थेआङ्भ़ेल्ल़े ख़ेङ्हाॽऱे ओम़ेम़ेत्तुसाङ् म़ेन्निःसुन्लो, म़ेघ़ेप्सुसाङ् कुसिङ् म़ेन्निःत्तुन्लो॥ |
| 23630 | MAT 13:22 | तिङ्ग्रेःक्पाल्ल़े कुसेॽ क़ेऩेबाद़ेन्नो क़ेजुक्पा याॽरिःम्ब़ेङ्ग पाःन्जाक् क़ेघ़ेम्बा मना कुइसिःक् चोःक्, कर ख़ेल्ल़े कन्हिङ्मन्नोबा थेःन् चामा थुङ्मा नु याङ्साकुन्धेसाबा आक्खेआङ् पोःङ्मा क़ेलॽबा निङ्वाॽइल्ल़े पाःन्जाक्किन् सुःप्तुदेःसुॽ, ह़ेक्क्याङ् ख़ेल्ल़े कुजाॽ म़ेभत्छुन्लो॥ |
| 23645 | MAT 13:37 | य़ेसुऱे नोगप् पिरुसि, “प्याङ्सिग़ेन् इक्ताप्पो नुःबा याॽरिःम्बा क़ेल़ेप्पाङ्ग इङ्गाॽ म़ेन्छाम्साःआरो॥ |
| 23665 | MAT 13:57 | ह़ेक्के म़ेबाःत्तुर ख़ेङ्हाॽऱे खुऩेॽ नाम़ेन्छाॽरुन्लो॥ कर य़ेसुऱे ख़ेङ्हाॽ म़ेत्तुसि, “माङ्निङ्वाॽपाःन् क़ेबाःप्प़ेङ्ग क़ेऱेक् त़ेन्नो मिङ्सो इङ्धाःङ् म़ेबिरु, कर आप्फेःक् कुहिम्मो नु कुबाङ्भेॽओरक् इङ्धाःङ् म़ेम्बिरुन्लो॥” |
| 23681 | MAT 14:15 | ह़ेक्क्याङ् युःन्छिक् पोःक्ख़ेर पत्छ़ेल्ल़े कुहुॽसाम्बाहाॽ खुऩेॽओ म़ेद्य़ेआङ् म़ेम़ेत्तु, “आदाङ्बे, कङ्हाॽ पाङ्घ़ेदेःस़ेस़ेॽओ, थेआङ्भ़ेल्ल़े कन् एःक्साद़ेन्नो थेआङ् इङ्मा चामा खोम़ेद़ेत्ऩेन्लो, याम्मो नाम्ध्य़ेबेरो॥ हाराॽ खिरिबा पाङ्भेॽहाॽओ म़ेबेःक्काङ् चामा थुङ्मा म़ेइङु म़ेजररो॥” |
| 23759 | MAT 16:18 | स़ेक्खा पाःन् ख़ेऩेॽ म़ेत्ऩेॽ, ख़ेऩेॽ पत्रुसऩेरो (पत्रुस फाॽइन् लुङ्लो), ह़ेक्क्याङ् कन् पयम् यम्बा लुङ्सम्दाङ् इङ्गाॽ आसेसेहुप्लक्किन् चोगुङ्लो॥ ह़ेक्क्याङ् कन् आसेसेहुप्लक्किन् सिःम़ेल्ल़ेन् मुक्साम्मिल्ल़े नाःम्मा म़ेसुक्तुन्लो॥ |
| 23767 | MAT 16:26 | म़ेन्छाम् याप्मिःल्ल़े क़ेऱेक् इक्सादिङ् खाम्बेःक्मान् खुऩेॽइन् चोगुआङ् म़ेन्नुप्मनाबा कुहिङ्मन्निन् मासुल्ल़े नुःबा पोःङ्बि? थेआङ्भ़ेल्ल़े म़ेन्छाम् याप्मिःल्ल़े म़ेन्नुप्मनाबा कुहिङ्मन्निन् याङ्ना खोःमाऱे लागि थेःल्ल़ेआङ् ल़ेक्मा म़ेसुक्तुन्लो॥ |
| 23772 | MAT 17:3 | हक्चघत् ख़ेप्मो माङ्निङ्वाॽपाःन् क़ेबाःप्पा मोसाःन् नु एलियाःन्नाङ् थाःम्ऩेत्छिआङ् य़ेसुःन्नु ताॽज़ेक्ख़ेत्छि॥ |
| 23811 | MAT 18:15 | नसानिबाधिक्ल़े ख़ेऩेॽ क़ेदक्ल़ेङ्वाओ लायो चोगुॽऩे फाॽग्र ख़ेऩेॽरक् ख़ेल्लो पेग़ेॽआङ् कुलायोःन् ओसेःन्धाक्त़ेॽओ॥ ख़ेल्ल़े क़ेबाःन्निन् ख़ेप्सुऩे फाॽग्र ख़ेन् नसानिबाल्ल़े कुनिङ्वाॽ क़ेदोःन्दुरो॥ |
| 23819 | MAT 18:23 | थेआङ्भ़ेल्ल़े साङ्ग्राम्पेदाङ्बा हाङ्जुम्मिङ्ग लत्छा हाङ्धिक्ल़े कुसेवारोबाहाॽऱे म़ेदेॽरुबा साम्म्याङ्-याङ्इत्छिःन्फोःङ्मा याःम्बक् चोगुबान्नु तङ्मा सुक्त़ेत्लो॥ |
| 23879 | MAT 20:18 | “ओम़ेत्त़ेम्म़ेॽ, आनिॽ यरुसल़ेम थो आबेःक्ल आबत्लो॥ ख़ेप्मो तुम्निङ्वाॽफुसाम्बाहाॽ नु साम्योथिम्साम्बाहाॽऱे खुनिॽ हुक्को म़ेन्छाम्साःन् इङ्म़ेल़ेक्तुआङ् हुक्म़ेसुप्तुॽरो॥ ख़ेङ्हाॽऱे खुऩेॽ सिःम़ेल्ल़ेन् खुम्दिङ् म़ेबिरुआङ् |
| 23880 | MAT 20:19 | थिम्म़ेन्दङ् सुवाङ्हाॽऱे किनाःन्दि म़ेबिरुर, त़ेःम्भुक् म़ेयाक्तुर, सिलाम्साक्मा सिङ्सम्दाङ् म़ेभोःन्दु म़ेस़ेरुर फाॽआङ् हुक्म़ेसुप्तुॽरो॥ ह़ेक्क्याङ् सुम् य़ेन् एगाङ् सिःम़ेन्लाम् याम्मो हिङ्लो॥” |
| 23883 | MAT 20:22 | य़ेसुऱे ख़ेङ्हाॽ म़ेत्तुसि, “खिन्छिॽ थेःन् क़ेनाःक्सुर क़ेबत्छिॽ ख़ेन् कुसिङ् क़ेन्निःत्छुन्॥ इङ्गाॽ थुङुङ्बा तुक्खेवा खोर्याओ थुङ्मा क़ेसुक्सुबि?” ख़ेङ्हाॽऱे नोगप् पिऱेत्छु, “सुक्सुग़ेॽ॥” |
| 23913 | MAT 21:18 | कुदाःन्दिक् तानाम्सा य़ेसुःन् कुहुॽसाम्बाहाॽनु य़ेक्यक्को नुःक्ख़ेआङ् पेर पत्छ़ेल्ल़े कुस़ेत्लाःक्त़े॥ |
| 23914 | MAT 21:19 | लाम्मिल्ल़े कुबेसाङ् पःत्छेॽबुङ्मान् निःसुआङ् कुबेसाङ् पे, ह़ेक्क्याङ् ओम़ेत्तुल्ल़े कुभ़ेक्वारक् पत्छ़े कर कुजाॽ म़ेबत्छ़ेन्लो॥ ह़ेक्केःल्ल़े य़ेसुऱे ख़ेन् पःत्छेॽबुङ्मान् म़ेत्तु, “आल्लआङ्धो आप्फाल्ल़ेआङ् क़ेजाॽ म़ेधोःक्ऩेन्लरो॥” ह़ेक्क्याङ् ख़ेन् पःत्छेॽबुङ्मान् खिमो इल़ेम़े स्य़ेरो॥ |
| 23928 | MAT 21:33 | य़ेसुऱे याम्मो ख़ेङ्हाॽ म़ेत्तुसि, “वेॽस्मा ख़ेदाॽधिक् ख़ेप्स़ेम्म़ेॽओ॥ थिक्ल़ेङ् यम्बा लाजेॽदाङ्बाधिक् वय़े, ख़ेल्ल़े लत्छा इक्को च़ेल्ल़ेक्सेॽ लेःत्तुआङ् कुघिरि लुङ्धाक् स़ेत्तुर फाङु, ह़ेक्क्याङ् कुलुम्मो लुम्बाःत् तयुआङ् ख़ेप्मो च़ेल्ल़ेक्सेॽ एःम्मा त़ेन्धिक्चोगु॥ इक् कोमा याक्साधिक्काङ् चोगु, ह़ेक्क्याङ् ख़ेन् च़ेल्ल़ेक्सेॽ इक्किन् कुभ्ऱेःङ् लक् खोःमाऱे लागि इक्मसाबाहाॽ पिरुसिआङ् खुऩेॽ लाम्दिःक् चोःक्स़े पेरो॥ |
| 23953 | MAT 22:12 | सेःन्दोसु, ‘चुम्मे, ख़ेऩेॽ आक्खेलॽरिक् मेःक्खिम् साभाङ्जाओ, मेःक्खिम्मो चाङ्मनाबा नुःबा तेःत् म़ेःन्ने क़ेलाःस़ेबे?’ ख़ेन् मनाःल्ल़े थेआङ् पाःप्मा म़ेसुक्तुन्लो॥ |
| 23954 | MAT 22:13 | ह़ेक्क्याङ् हाङ्ङिल्ल़े सेवारोबाहाॽ म़ेत्तुसि, ‘कन् मनाःन् त़ेम्स़ेम्म़ेॽआङ् कुलाङ् कुहुक्हाॽ इघेःक्ख़ेम्म़ेॽ ह़ेक्क्याङ् लाःक्कात् खादाम्मो लाप्फुःस़ेम्म़ेॽओ॥ ख़ेप्मो हाःप्मान् नु साॽरिक् तुक्खेःल्ल़े हाबोॽ य़ेःङ्मान् पोःङ्लो॥’ |
| 23990 | MAT 23:3 | ख़ेल्ल़े चोगुल्ल़े ख़ेङ्हाॽऱे क़ेम्म़ेत्ति क़ेम्हुॽरिबा पाःन्निन् खिनिॽ इःप्मा नाःप्मा पोःङ्, कर ख़ेङ्हाॽऱे म़ेजोगुबा ह़ेक्के म़ेजोग़ेम्मिन्ऩेॽओ, थेआङ्भ़ेल्ल़े ख़ेङ्हाॽऱे म़ेबाःत्तुबा पाःन्हाॽ कुइसिःक्ग आबाङेआङ् म़ेन्जोगुन्लो॥ |
| 24021 | MAT 23:34 | ह़ेक्केःल्ल़े नुःरिक्काङ् ख़ेप्स़ेम्म़ेॽओ, ताःन्दि खिनिॽओ इङ्गाॽ माङ्निङ्वाॽपाःन् क़ेबाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ ख़ेङ्हाॽओ कुभा खिनिॽ क़ेस़ेरुम्सिम्, कुभा सिलाम्साक्मा सिङ्सम्दाङ् क़ेभोःन्दुम्सिम्, ह़ेक्क्याङ् कुभाग यहुदि चुम्लुङ्हिम्मो त़ेःम्भुक् क़ेयाक्तुम्सिम्माङ् य़ेक्यक् थप्मा निङ्घुम् क़ेम़ेत्तुम्सिम्लो॥ |
| 24024 | MAT 23:37 | “यरुसल़ेम्मोबा मनासे, यरुसल़ेम्मोबा मनासे, खिनिॽग माङ्निङ्वाॽपाःन् क़ेबाःप्पाहाॽ क़ेस़ेरुम्सिम्, निङ्वाॽफुमाङ्ङिल्ल़े खिनिॽओ पाङ्घुसिबा इङ्साबाहाॽ लुङ्ङिल्ल़े क़ेबःत्तुम्सिम्लो॥ आक्ख़ेन् ल़ेङ् खिनिॽ मुॽइदाङ्साहाॽ वामाःप्माल्ल़े वाज्याःक्हाॽ कुप्तुसिबा कुइसिःक् खिनिॽ साःहाॽ सुम्मासि निङ्वाॽ चोगुङ्, कर खिनिॽ क़ेन्द़ेन्दिन्लो॥ |
| 24032 | MAT 24:6 | खिनिॽग थङ् नु थङ्हाॽऱेन् हयङ्किल्लिङ्हाॽ क़ेघ़ेप्सुम्, कर खिनिॽ निङ्वाॽ म़ेमय़ेम्मिन्ऩेॽओ॥ कङ्हाॽग पोःङ्माए पोःङ्, कर बा ख़ेन् य़ेम्मोएग इक्सादिङ् खाम्बेःक्माल्ल़े कुनुप्मान् म़ेदाऩेन्लो॥ |
| 24043 | MAT 24:17 | ख़ेन् य़ेम्मो हिम् सम्दाङ् क़ेवाॽबा मनाःन् चिगःक्वा लाःस़े हिम् सिगाङ् म़ेलाःत्ऩेन्ल॥ |
| 24052 | MAT 24:26 | ख़ेल्ल़े चोगुल्ल़े मनाहाॽऱे ‘ओम़ेत्त़ेम्म़ेॽ, ख्रिस्त़ेङ्ग य़ेःङ्घाद़ेन्नो वाॽ’ क़ेम्म़ेत्तिग्र, ओम़ेत्छ़े ख़ेप्मो म़ेबेग़ेम्मिन्ऩेॽओ, इग्र ‘ओम़ेत्त़ेम्म़ेॽ, खुऩेॽ कप्मो सिगाङ्बा याक्फाङ्ङो वाॽ’ क़ेम्म़ेत्तिसाङ् ख़ेङ्हाॽऱे खुनिॽ पाःन्निन् नसाःन् म़ेजोग़ेम्मिन्ऩेॽओ॥ |
| 24086 | MAT 25:9 | ख़ेन् सिक्कुम्सामा म़ेन्छियाॽहाॽऱे नोगप् म़ेबिरुसि, ‘म़ेःन्लो, आनिॽ क़ेऱेक् क़ेद़ेक्पा निःङ्गेॽग म़ेगत्तुम्ब़ेन्लो॥ निःङ्गेॽ क़ेसङ्बाहाॽरो खिनिॽ पेग़ेम्म़ेॽआङ् इङ़ेम्म़ेॽओ॥’ |
| 24107 | MAT 25:30 | आल्ल ख़ेन् इनाःम्बा सेवारोबान् लाःक्कात् खादाम्मो लाप्फुःस़ेम्म़ेॽ॥ ख़ेप्मो हाःप्मान् नु साॽरिक् तुक्खेःल्ल़े हाबोॽ य़ेःङ्मान् पोःङ्लो॥’” |
| 24111 | MAT 25:34 | ह़ेक्क्याङ् हाङ्ङिल्ल़े कुजुप्साङ् ल़ेप्माङ्बाहाॽ म़ेत्तुसि, ‘पानुदिङ् आम्बाऱे मुॽइसाम् पिरुसिबासे, त्य़ेम्म़ेॽओ, नावाग़ेन्चइःत् ऩेस्स़ेआङ्धो खिनिॽ लागि यारिप् चोःक्मनाबा हाङ्जुम्मिन् युक्त़ेम्म़ेॽओ॥ |
| 24178 | MAT 26:55 | ह़ेक्क्याङ् य़ेसुऱे कुद़ेम्स़े क़ेदाःबा मनाहाॽ म़ेत्तुसि, “इङ्गाॽ हाङ्बिफ्युङ् क़ेजोःक्पाआबि? थेआङ् इङ्गाॽ आद़ेम्स़े ताभेनु तक्काःत्नु क़ेद्य़ेॽइबे? इङ्गाॽग थिक्याःन्धक्सा माङ्हिम् लक्खुम्मो निसाम् हुॽइस़े वयाङ्बा ह़ेक्केसाङ् याप्मि क़ेन्द़ेम्सिन्॥ |
| 24188 | MAT 26:65 | ह़ेक्क्याङ् मानिङ्वाॽफुसाम्बाल्ल़े कुसाक्क़ेन् ओसेःन्धाक्तुसिर आबाङे कुदेःत्तिन् थ़ेःक्खुआङ्अक्खे पाःत्तु, “कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोग़ेबे? कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुबान् खिनिॽ क़ेघ़ेप्सुम्लो॥ |
| 24224 | MAT 27:26 | ह़ेक्क्याङ् पिलातसऱे बरब्बास़ेन ल़ेरु पिरुसि, कर य़ेसुःन् त़ेःम्भुक् याक्मा पाङ्घुसिआङ् सिलाम्साक्मा सिङ्सम्दाङ् फोःम्मा फाॽआङ् रोमि थक्सुबाहाॽ हुक्सुप्तुसिरो॥ |
| 24240 | MAT 27:42 | ख़ेङ्हाॽऱे म़ेबाःत्तु, “ख़ेल्ल़ेग वेॽहाॽ ताङ्स़ेःप्तुसि, कर आबाङे ताङ्स़ेःप्सिङ्मा म़ेसुक्त़ेन्लो॥ खुऩेॽग इस्राइलस्मा हाङ्मु! हाराॽ खुऩेॽ सिलाम्साक्मा सिङ्ङोलाम् यो थाःर, ह़ेक्क्याङ् आनिग़े खुऩेॽ नसाःन् चोगुम्ब़ेॽरो॥ |
| 24283 | MAT 28:19 | ख़ेल्ल़े चोगुल्ल़े पेग़ेम्म़ेॽआङ् क़ेऱेक् म़ेन्छाम् सुवाङ्हाॽ हुॽसाम्बा चोग़ेम्सिम्म़ेॽओ॥ पानुदिङ् पाः, आबुदिङ् साः, ह़ेक्क्याङ् सेसेमाङ्ङिल्ल़े कुमिङ्ङो बप्तिस्मा पिऱेम्सिम्म़ेॽओ॥ |
| 24284 | MAT 28:20 | इङ्गाॽ इङ्जाःङ् पिनिङ्बा क़ेऱेक् पाःन्हाॽ इःप्मा नाःप्मा हुॽऱेम्सिम्म़ेॽओ॥ ओम़ेत्त़ेम्म़ेॽओ, इङ्गाॽग इक्सादिङ् खाम्बेःक्माल्ल़े कुनुप्मो थारिक्के खिनिॽनु सदादिङ् वाॽआरो॥” |
| 24329 | MRK 1:45 | कर खुऩेॽ पेआङ् नुःऱेबा पाःन्निन् क़ेऱेक् मनाहाॽ च़ेक्तुसि॥ ख़ेल्ल़े चोगुल्ल़े य़ेसुःन् पाङ्जुम्मो मनाहाॽऱे म़ेनिःसुर ताःमा म़ेसुक्त़ेन्लो॥ ह़ेक्क्याङ् खुऩेॽ लाःक्कात् एःक्साद़ेन्नो वय़ेआङ् ख़ेप्मोए काक् पिसाङ्लाम् यरिक् मनाहाॽ म़ेद्य़ेरो॥ |
| 24333 | MRK 2:4 | कर ख़ेन् हिम्मो यरिक् मनाहाॽऱे सध़ेक्म़ेधिम्सुआङ् म़ेयुङ़ेबाल्ल़े चोगुल्ल़े ख़ेङ्हाॽऱे ख़ेन् लङ्ल़ेःङ्वाःन् य़ेसुऱे कुदगि तेॽमा म़ेन्छुक्तुन्॥ ह़ेक्केःल्ल़े ख़ेन् मनाहाॽऱे थो खाम्बुओ म़ेलाःस़ेआङ् खाम्बुःन् म़ेहन्दु॥ ह़ेक्क्याङ् ख़ेन् लङ्ल़ेःङ्वाःन् कुऩेत्नाःन्नुए य़ेसुऱे कुदगि यो म़ेधाःसु॥ |
| 24384 | MRK 3:27 | क़ेधुम्बा मनाःल्ल़े कुहिम्मो लाःप्माआङ् ख़ेल्ल़े कुजिगःक्वाहाॽ नाप्मादेॽमानुःल्ल़े तगि ख़ेन् क़ेधुम्बा मनाःन् इघेःङ्माए पोःङ्लो॥ ह़ेक्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्त़ेत्लो॥ |
| 24399 | MRK 4:7 | ह़ेक्क्याङ् कुभा याॽरिःम्बाङ्ग तिङ्ग्रेःक्पाल्ल़े कुसेॽ क़ेऩेबा त़ेन्नो चुक्त़ेआङ् सोसोरिक् लिङ़ेल्ल़े तिङ्ग्रेःक्पाल्ल़े ख़ेन् सुःप्तुदेःसुआङ् कुजाॽ थोःक्मा म़ेसुक्त़ेन्लो॥ |
| 24437 | MRK 5:4 | थेआङ्भ़ेल्ल़े मनाहाॽऱे यरिक्ल़ेङ् कुहुक् कुलाङ्ङो इम़ेघेःक्खु म़ेभत्छु म़ेबिरुबा फ़ेन्थक्क्रङ्हाॽ नु फ़ेन्हुक्पाःङ्गिहाॽ फुॽरुआङ् वय़ेरो॥ आत्तिल्ल़ेआङ् ख़ेन् मनाःन् युक्को कप्मा म़ेसुक्तुन्लो॥ |
| 24479 | MRK 6:3 | कङ्ग मरियमऱे कुस्साः सिङ् क़ेगाम्ब़ेन् म़ेःम्बि? कङ्ग याकुब, युसुफ, यहुदा नु सिमोनसिऱे खुनिॽ फुॽने म़ेःम्बि? कल्ल़े कुन्साॽ म़ेन्छुमाहाॽग आनिॽनुएस़े म़ेवाॽबा॥” ह़ेक्केःल्ल़े ख़ेन् मनाहाॽऱे खुऩेॽ नाम़ेन्छाॽरुन्लो॥ |
| 24480 | MRK 6:4 | य़ेसुऱे ख़ेङ्हाॽ म़ेत्तुसि, “माङ्निङ्वाॽपाःन् क़ेबाःप्प़ेङ्ग कुबाङ्भेॽसाबाहाॽ, कुगाॽइसोधोःक्हाॽ नु कुहिम्सयङ्हाॽऱे इङ्धाःङ् म़ेम्बिरुन्लो॥ कर वेॽ त़ेन्नोरक् खुऩेॽ कुबाःन्निन् म़ेघ़ेप्सुॽरो॥” |
| 24484 | MRK 6:8 | ह़ेक्क्याङ् अक्खेलॽरिक् इङ्जाःङ् पिरुसि, “खिनिॽ लाम्दिःक्को क़ेबेगिल्ल़े तक्काःत्लक्याङ्ङासिम्म़ेॽ, ख़ेन्नाङ्धो वेॽ चामा चा, सुःक्वा नु याङ् थेआङ् म़ेदेॽऱेम्मिन्ऩेॽओ॥ |
| 24492 | MRK 6:16 | कर ह़ेरोद हाङ्ङिल्ल़े कन् ख़ेप्सुआङ् अक्खे पाःत्तु, “कङ्ग बप्तिस्मा क़ेबिबा युहुन्नाःल्लो॥ इङ्गाॽ खुऩेॽ कुनिःङ्मान्खक् पाङ्घुङ्सिङ्ङाङ्वय़े, कर याम्मो कुसिव़ेत्लाम् कुहिङ्व़ेत् पोःक्ख़ेरो!” |
| 24513 | MRK 6:37 | कर य़ेसुऱे ख़ेङ्हाॽ म़ेत्तुसि, “खिनिॽए कङ्हाॽ कुजा पिऱेम्सिम्म़ेॽओ” ख़ेङ्हाॽऱे य़ेसुःन् याम्मो म़ेम़ेत्तु, “आदाङ्बे, किप्ऩेत्छि (२००) याङ्ङिल्ल़े इङ्मनाबा खऱेःङ्ङिल्ल़ेआङ् कङ्हाॽ म़ेयोरुन्छिन्लो॥ आक्खेलॽरिक् पिमा सुक्म़ेद़ेप्पे?” |
| 24535 | MRK 7:3 | (फरिसिहाॽ नु काक् यहुदिहाॽऱे खुनिॽ पाध़ेबाहाॽऱे खुनिॽ साक्थिम् कुइसिःक् वाम़ेन्हप्सिङ्ङे चा म़ेन्जऩेन्लो॥ |
| 24556 | MRK 7:24 | य़ेसुःन् ख़ेन् त़ेन्नोलाम् तायर नु सिदोन य़ेक्यक् खिरिबा थुम्हाॽओ पेरो॥ ह़ेक्क्याङ् खुऩेॽ थिक् हिम्मो लाःस़े, थेआङ्भ़ेल्ल़े खुऩेॽ ख़ेप्मो त्य़ेबा आत्तिन्हाॽऱेआङ् निङ्वाॽ म़ेङ्घोःसुन्ल क़ेलॽबा इःत्तुआङ् वय़े॥ कर खुऩेॽ चिङ्सिङ्मा म़ेसुक्त़ेन्लो॥ |
| 24606 | MRK 8:37 | म़ेन्छाम् याप्मिःल्ल़े म़ेन्नुप्मनाबा हिङ्मन्निन् याङ्ना खोःमाऱे लागि थेःल्ल़ेआङ् नुःक्मा म़ेसुक्तुन्लो॥ |
| 24610 | MRK 9:3 | कुदेःत्हाॽ मिक्किन् च़ेमुर थारिक् फुत्त्रिःङ्ग्याःप्पा पोःक्ख़े, ख़ेम्म्याक् साॽरिक् फः लॽर थारिक् इक्सादिङ् खाम्बेःक्मो हाःत्ल़ेआङ् चाङ्ङिन् वाहप्मा म़ेसुक्तुन्लो॥ |
| 24611 | MRK 9:4 | ह़ेक्क्याङ् माङ्निङ्वाॽपाःन् क़ेबाःप्पा एलियाःन् नु मोसाःन् थाःम्ऩेत्छिआङ् य़ेसुःन्नु ताॽज़ेक्ख़ेत्छिरो॥ |
| 24646 | MRK 9:39 | य़ेसुऱे ख़ेङ्हाॽ म़ेत्तुसि, “ख़ेन् ह़ेक्के चोःक्मा म़ेसाक्त़ेम्मिन्ऩेॽओ, थेआङ्भ़ेल्ल़े हाःत्ल़े इङ्गाॽ आमिङ्ङो निङ्वाॽ क़ेमाबा याःम्बक् चोगुॽ, ख़ेन् आदक्ल़ेङ्वाओ हारा म़ेबोःक्ऩेन्लो॥ |
| 24684 | MRK 10:27 | य़ेसुऱे ख़ेङ्हाॽ ओम़ेत्तुसिर म़ेत्तुसि, “ख़ेप्स़ेम्म़ेॽ, म़ेन्छाम् याप्मिऱे लागिग कन् सुक्म़ेन्द़ेप्मना चोःक्साङ्, निङ्वाॽफुमाङ्ङिल्ल़े कुलागिग म़ेसाक्ऩेन्लो॥ निङ्वाॽफुमाङ्ङिल्ल़े क़ेऱेक् पाःन्हाॽ चोःक्मा सुक्तुॽरो॥” |
| 24690 | MRK 10:33 | “आल्ल आनिॽ यरुसल़ेम आग़ेत्ताङ् ख़ेप्मो तुम्निङ्वाॽफुसाम्बाहाॽ नु साम्योथिम्साम्बाहाॽऱे खुनिॽ हुक्को म़ेन्छाम्साःन् इङ्म़ेल़ेक्तुआङ् हुक्म़ेसुप्तुॽरो॥ ह़ेक्क्याङ् ख़ेङ्हाॽऱे खुऩेॽ सिःम़ेल्ल़ेन् खुम्दिङ् म़ेबिरुआङ् थिम्म़ेन्दङ् सुवाङ्हाॽऱे खुनिॽ हुक्को म़ेबिरुॽरो॥ |
| 24695 | MRK 10:38 | य़ेसुऱे ख़ेङ्हाॽ म़ेत्तुसि, “खिन्छिॽ थेःन् क़ेनाःक्सुर क़ेबत्छिॽ ख़ेन् कुसिङ् क़ेन्निःत्छुन्॥ इङ्गाॽ थुङुङ्बा तुक्खेवा खोर्याओ थुङ्मा क़ेसुक्सुबि? ह़ेक्क्याङ् इङ्गाॽ पोःङ्ङाबा बप्तिस्मान् खिन्छिॽ पोःङ्मा क़ेसुक्सुबि?” |
| 24721 | MRK 11:12 | ह़ेक्क्याङ् कुदाःन्दिक् तानाम्सा ब़ेथानिलाम् यरुसल़ेम म़ेबेर म़ेबत्छ़ेल्ल़े य़ेसुऱे कुस़ेत्लाःक्त़े॥ |
| 24793 | MRK 13:7 | ह़ेक्क्याङ् खिनिॽ थङ् नु थङ्हाॽऱेन् हयङ्किल्लिङ्हाॽ क़ेघ़ेप्सुम्, कर निङ्वाॽ म़ेमय़ेम्मिन्ऩेॽओ॥ कङ्हाॽग पोःङ्माए पोःङ्, कर बा ख़ेन् य़ेम्मोएग इक्सादिङ् खाम्बेःक्माल्ल़े कुनुप्मान् म़ेदाऩेन्लो॥ |
| 24801 | MRK 13:15 | ह़ेक्क्याङ् ख़ेन् य़ेम्मो हिम् सम्दाङ् क़ेवाॽबा मनाःन् चिगःक्वा लाःस़े हिम् सिगाङ् म़ेलाःत्ऩेन्लरो॥ |
| 24816 | MRK 13:30 | इङ्गाॽ स़ेक्खाए म़ेत्निङ्, कन् क़ेऱेक् पाःन्हाॽ म़ेम्बोःङ्ङे थारिक् कन् म़ेन्छाम् थाःक्हाॽ म़ेन्छिःऩेन्लो॥ |
| 24822 | MRK 13:36 | खुऩेॽ हक्चघत् ताःल्ल़े खिनिॽ क़ेइप्सिआङ् क़ेऩेस्सिबा क़ेन्दुमिन्निरो॥ |
| 24836 | MRK 14:13 | ह़ेक्केःल्ल़े य़ेसुऱे ऩेप्फु कुहुॽसाम्बाहाॽ अक्खे म़ेत्तुसिर यरुसल़ेम्मो पाङ्घुसि, “खिन्छिॽ य़ेक्यक्को क़ेलाःत्छिर क़ेबत्छिल्ल़े च्वाःत् कुःन्दा क़ेबङ्बा मनाधिक्ल़े क़ेदुम्सिॽ॥ ख़ेन् लाःप्पा हिम्मो थारिक् तिम्द़ेत्छ़ेॽ॥ ह़ेक्क्याङ् हिम्दाङ्बान् म़ेत्त़ेत्छ़ेॽ, ‘आनिग़े सिक्साम्बाल्ल़े ख़ेऩेॽ अक्खे क़ेम़ेत्त़ेआङ् क़ेवाॽरो, तरे युङ्मा याक्फाङ्ङिन् आत्तो ऩेबे? ख़ेप्मो इङ्गाॽ आहुॽसाम्बाहाॽनु यहुदि चोःक्युम्भो तङ्नाम्मिल्ल़ेन्साभाङ्जाःन्चाङ्लो॥’ |
| 24838 | MRK 14:15 | ह़ेक्क्याङ् ख़ेल्ल़े खिन्छिॽ थोःस्मा खाम्लोओ यारिप् चोःक्मनाबा लत्छा यम्बा याक्फाङ्ङिन् ओसेःन्ग़ेधाक्सिॽ॥ ख़ेप्मोए आनिॽ साभाङ्जाःन्यारिप् चोग़ेत्छ़ेॽओ॥” |
| 24887 | MRK 14:64 | कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुबान् खिनिॽ क़ेघ़ेप्सुम्लो॥ आल्ल थ़ेमा क़ेइःत्तुम्बे?” ख़ेप्मो क़ेवाॽबा मनाहाॽऱे खुऩेॽ सिःम़ेल्ल़े खुम्दिङ् खोःमाए पोःङ् फाॽआङ् म़ेम़ेत्तु॥ |
| 24910 | MRK 15:15 | पिलातसऱे ख़ेङ्हाॽऱे खुनिॽ निङ्वाॽ ताःमा पिमासि फाॽआङ् बरब्बास़ेन ल़ेरु पिरुसि, कर य़ेसुःन् त़ेःम्भुक् याक् पाङ्घुसिआङ् सिलाम्साक्मा सिङ्सम्दाङ् फोःम्मा फाॽआङ् रोमि थक्सुबाहाॽ हुक्सुप्तुसिरो॥ |
| 24953 | MRK 16:11 | ख़ेङ्हाॽऱे य़ेसुःन् सिःम़ेन्लाम् याम्मो हिङ़ेबा नु ख़ेल्ल़े निःसुबा पाःन्निन् म़ेघ़ेप्सुसाङ् नसाःन् म़ेन्जोगुन्लो॥ |
| 24955 | MRK 16:13 | ह़ेक्क्याङ् ख़ेङ्हाॽ ऩेप्माङ् नुःक्ख़ेत्छिआङ् खुन्छिॽ निःस़ेत्छुबा पाःन्निन् वेॽहाॽ च़ेक्त़ेत्छु, कर ख़ेङ्हाॽऱे नसाःन् म़ेन्जोगुन्लो॥ |
| 24956 | MRK 16:14 | याङ्सि थिक्-थिक् (११) हुॽसाम्बाहाॽऱे म़ेजर म़ेयुङ़ेल्ल़े य़ेसुःन् ख़ेप्मो ओसेःन्धाक्सिङ्॥ ह़ेक्क्याङ् य़ेसुऱे ख़ेङ्हाॽ फ़ेःक्तुसि, थेआङ्भ़ेल्ल़े खुनिॽ नसाःन् सुःम्मान् नु निङ्वाॽ थुङ्माल्ल़े चोगुल्ल़े ख़ेङ्हाॽऱे खुऩेॽ सिःम़ेन्लाम् याम्मो हिङ़ेबा क़ेनिःबाहाॽऱे खुनिॽ पाःन्निन् नसाःन् म़ेन्जोगुन्लो॥ |
| 25012 | LUK 1:50 | ह़ेक्क्याङ् खुऩेॽ मिङ्सो इङ्धाःङ् क़ेबिबाहाॽ क़ेऱेक् थाःक्थाःक्को खुऩेॽ कुलुङ्गुम्मिन् ओसेःन्धाक्तुसिॽरो॥ |
| 25038 | LUK 1:76 | “आस्साःए, ख़ेऩेॽ क़ेऱेक्नुःल्ल़े पयम् यम्बा निङ्वाॽफुमाङ्ङिल्ल़ेन् माङ्निङ्वाॽपाःन् क़ेबाःप्पा क़ेम्म़ेत्लो॥ थेआङ्भ़ेल्ल़े ख़ेऩेॽ दाङ्बाल्ल़े कुदगि लाम् यारिप् चोःक्स़े क़ेबेःक्लो॥ |
| 25039 | LUK 1:77 | ह़ेक्क्याङ् कुमनाहाॽ लायोलाम् ल़ेप्मि नु स़ेन्लप्ऱे सिक्कुम्दिङ् निङ्वाॽ ओस़ेःन्ग़ेधाक्तुसिॽरो॥ |
| 25049 | LUK 2:7 | सादुङ्ङिल्ल़े तरु, ह़ेक्क्याङ् तुम्बा य़ेम्बित्छाॽसाःन् सावाःन्दुआङ् ख़ेन् अङ़ेःक्वाःन् तेःत्तिल्ल़े सुङुआङ् वाघोःङ्ङो ऩेस्सु, थेआङ्भ़ेल्ल़े ख़ेङ्हाॽऱे च़ेयाङ्धोःक्को याङ्धोःक्मा म़ेघोःस़ेत्छुन्लो॥ |
| 25085 | LUK 2:43 | ख़ेन् तङ्नाम्मिन् पेआङ् ख़ेङ्हाॽ हिम्मो नुःङ्मा म़ेहेःक्त़े, कर य़ेसुःन् यरुसल़ेम्मोए वय़ेलाऱे॥ कन् पाःन्निन् य़ेसुऱे कुम्बा कुम्मासिऱे निङ्वाॽ म़ेघोःस़ेत्छुन्लो॥ |
| 25087 | LUK 2:45 | कर म़ेदुम़ेत्छुन्नाङ् ऩेप्माङ् कुगोःत्छ़े यरुसल़ेम्मो नुःक्ख़ेत्छि॥ |
| 25092 | LUK 2:50 | कर कन् पाःन्निन् ख़ेङ्हाॽऱे कुसिङ् म़ेनिःत्त़ेत्छुन्लो॥ |
| 25134 | LUK 4:2 | ख़ेप्मो लिबोःङ्य़ेन् (४०) थारिक् वय़ेल्ल़े माफ़ेन्साम्मिल्ल़े खुऩेॽ लायो चोःक्पाङ्मा फाॽआङ् कुनिङ्वाॽ साॽरु॥ ख़ेन् य़ेम् खाराक् खुऩेॽ थेआङ् म़ेजऩेन्, ह़ेक्क्याङ् ख़ेन् एगाङ् कुस़ेत्लाःक्त़े॥ |
| 25195 | LUK 5:19 | कर ख़ेप्मो य़ेसुःन् वय़ेबा हिम्मो यरिक् मनाहाॽऱे सध़ेक्म़ेधिम्सुआङ् म़ेयुङ़ेबाल्ल़े चोगुल्ल़े सिगाङ् तेॽमा म़ेन्छुक्तुन्॥ ह़ेक्केःल्ल़े थो खाम्बुओ म़ेलाःस़ेआङ् खाम्बुःन् म़ेहन्दु॥ ह़ेक्क्याङ् लङ्ल़ेःङ्वाःन् कुऩेत्नानुए मनाहाॽऱे खुनिॽ लुम्मो य़ेसुऱे कुदगि यो म़ेहोसु म़ेधासुरो॥ |
| 25242 | LUK 6:27 | “कर इङ्गाॽ आबाःन् क़ेघ़ेम्बासे, खिनिॽ निङ्मिहाॽ लुङ्माॽ तुक्त़ेम्सिम्म़ेॽओ॥ याप्मि क़ेजिःप्पाहाॽ नुःरिक् म़ेत्त़ेम्सिम्म़ेॽओ॥ |