| 23249 | MAT 2:11 | हिम् सिगाङ् म़ेलाःस्स़ेल्ल़े अङ़ेःक्वाःन् नु कुम्मा मरियम्मिन् म़ेनिःसुसिरो॥ ख़ेङ्हाॽऱे साम्बोःन्नाङ् अङ़ेःक्वाःन् सेवा म़ेम़ेत्तु, ह़ेक्क्याङ् सुःक्वाःन्म़ेभाःक्खुआङ् साम्म्याङ्, थिक् परिक्पा इम़ेल्लुङ्बा साङ्सिङ् नु कुनाम् क़ेनुॽबा मुर्रहाॽ म़ेदोःन्दु म़ेबिरुरो॥ |
| 23256 | MAT 2:18 | “क़ेहाःप्मा क़ेभिःक्मा नु मेरिङ् क़ेधक्मा यम्बा इक्लाःन् रामा पाङ्जुम्मो ख़ेम्द़ेत्लो, राह़ेलऱे कुस्साःहाॽ हाःप्तुसिॽरो॥ ख़ेङ्ग हाङ्हाङ् म़ेत्छिङ्मा म़ेद़ेन्ऩेन्लो, थेआङ्भ़ेल्ल़े कुस्साःहाॽ क़ेऱेक् म़ेस्य़ेरो॥” |
| 23263 | MAT 3:2 | “खिनिॽ लायोलाम् हिन्द़ेम्म़ेॽओ, थेआङ्भ़ेल्ल़े साङ्ग्राम्पेदाङ्बा हाङ्जुम्मिन् निःत्ताङ्ङे त्य़ेआङ् वाॽरो॥” |
| 23270 | MAT 3:9 | आनिग़ेग अब्राहामऱे कुस्साःसिग़े, ख़ेल्ल़े चोगुल्ल़े खुम्दिङ्लाम् ख़ेत्छिङ्मा सुक्तिग़ेॽ फाॽआङ् निङ्वाॽ म़ेइःत्त़ेम्मिन्ऩेॽओ, थेआङ्भ़ेल्ल़े निङ्वाॽफुमाङ्ङिल्ल़ेग कन् लुङ्हाॽआङ् अब्राहामऱे कुस्साः चोःक्मा सुक्तुसिॽरो॥ |
| 23295 | MAT 4:17 | ख़ेन् य़ेम्माङ्धो य़ेसुऱे अक्खे पाःत्तुर इङ्भोःमा हेःक्तु, “लायोलाम् हिन्द़ेम्म़ेॽओ, थेआङ्भ़ेल्ल़े साङ्ग्राम्पेदाङ्बा हाङ्जुम्मिन् निःत्ताङ्ङे त्य़ेआङ् वाॽरो॥” |
| 23323 | MAT 5:20 | कर ख़ेप्स़ेम्म़ेॽओ, फरिसिहाॽ ह़ेक्क्याङ्साम्योथिम्साम्बाहाॽनुःल्ल़ेआङ् निङ्वाॽफुमाङ्ङिल्ल़े कुइङ्जाःङ्हाॽ खिनिॽ नुःरिक्काङ् क़ेन्इःत्तुम्मिन् क़ेन्नाःत्तुम्मिन्ऩे फाॽग्र स़ेक्खासाङ् खिनिॽ साङ्ग्राम्पेदाङ्बा हाङ्जुम्मो क़ेन्लासिन्लो॥” |
| 23358 | MAT 6:7 | ह़ेक्क्याङ् तुवा क़ेजोगिल्ल़े निङ्वाॽफुमाङ्ङिन् कुसिङ् म़ेन्निःप्मनाबाहाॽ ह़ेक्के मनाहाॽऱे म़ेघ़ेप्सुर मुनुनु म़ेलॽऱेम्मिन्ऩेॽओ, थेआङ्भ़ेल्ल़े ख़ेङ्हाॽऱेग यरिक् म़ेबाःत्तिल्ल़ेरक् माङ्ङिल्ल़े खुनिॽ तुवाःन् ख़ेप्सुॽ फाॽआङ् म़ेइःत्तुॽरो॥ |
| 23359 | MAT 6:8 | कर खिनिॽ ख़ेङ्हाॽ ह़ेक्के म़ेजोग़ेम्मिन्ऩेॽओ, थेआङ्भ़ेल्ल़े नाःक्मानुःल्ल़े तगिए साङ्ग्राम्बा पानुदिङ् खिनिॽ पाःल्ल़े क़ेङ्गत्तुम्मिन्बान् निःसुॽरो॥ |
| 23364 | MAT 6:13 | हङ्साॽमो आन्धाःस़ेन्ऩेॽओ, कर माफ़ेन्साम्लाम् आस़ेःप्त़ेॽओ॥ ((थेआङ्भ़ेल्ल़े हाङ्जुम्, मुक्साम् नु मिमिदिङ्ङिन् सदादिङ् ख़ेऩेॽइन्नेरो॥))’ |
| 23377 | MAT 6:26 | पुसाहाॽ ओम़ेत्त़ेम्सिम्म़ेॽ, ख़ेङ्हाॽऱे चा म़ेन्देःसुन् म़ेन्छुप्सुन् ह़ेक्क्याङ् याङ्म़ेङ्घोःत्तुन्छाङ्साङ्ग्राम्पेदाङ्बा खिनिॽ पाःल्ल़े ख़ेङ्हाॽ चामा पिरुसिरो॥ ह़ेक्केःल्ल़े खिनिॽ ख़ेङ्हाॽनुःल्ल़ेआङ् इम़ेल्लुङ्बा क़ेन्जोगिम्बि? |
| 23391 | MAT 7:6 | सेसे चिगःक्वाःन् ख्याबाहाॽ म़ेबिऱेम्सिम्मिन्ऩेॽ, म़ेःन्ऩे फाॽग्र ख़ेङ्हाॽ हिल्लिक्म़ेहिसिङ् ह़ेक्क्याङ् क़ेम्भत्तिॽआङ् क़ेम्हाॽरिरो॥ ह़ेक्क्याङ् फाक्हाॽऱे खुनिॽ तगि त़ेक्सेःक्किन् म़ेस़ेस़ेम्मिन्ऩेॽओ, ख़ेङ्हाॽऱे म़ेदोॽरु म़ेलाःक्तुॽरो॥” |
| 23397 | MAT 7:12 | “क़ेऱेक् पाःन्नो मनाहाॽऱे आक्खेलॽरिक् खिनिॽ क़ेम्म़ेत्ति क़ेम्इःत्तिबा निङ्वाॽ क़ेजोगुम्, ह़ेक्केलॽरिक्के खिनिॽआङ् ख़ेङ्हाॽ इःत्त़ेम्सिम्म़ेॽओ, थेआङ्भ़ेल्ल़े कन् थिम्मो मोसाऱे साप्तुबा साम्योथिम् नु माङ्निङ्वाॽपाःन् क़ेबाःप्पाहाॽऱे म़ेबाःत्तुबा पाःन्निन् क़ेत्लो॥” |
| 23403 | MAT 7:18 | ह़ेक्क्याङ् नुःबा सिङ्बुङ्ङो ताप्फ़ेःम्बा सिङ्सेॽइन् म़ेधोःक्ऩेन्लो, ह़ेक्क्याङ् ताप्फ़ेःम्बा सिङ्बुङ्ङो नुःबा सिङ्सेॽइन् म़ेधोःक्ऩेन्लो॥ |
| 23410 | MAT 7:25 | ह़ेक्क्याङ् पाङ्ग़ेन्दिङ् वाहित् थ्य़ेआङ्, यङ्घङ्ङिन् कुक्ख़े य़े, ह़ेक्क्याङ् किप्मा क़ेघुःबा सुरित् केजङ् हुःऱेआङ् ख़ेन् हिम्मिन् हिप्तुसाङ् म़ेजोःन्द़ेन्लो, थेआङ्भ़ेल्ल़े ख़ेन् हिम्मिल्ल़ेन् हिम्पाङ्यक्किङ्ग पयम् यम्बा लुङ् सम्दाङ् ऩेस्स़ेरो॥ |
| 23443 | MAT 8:29 | ख़ेङ्हाॽ अक्खेलॽरिक् अःक्त़ेत्छि, “निङ्वाॽफुसाःए, ख़ेऩेॽ आन्छिग़ेनु थे क़ेगोःत्तुबाबे? खास़ेन् य़ेम्मिन्ने म़ेन्दाए आन्छिग़े तुक्खे चाःत्छ़े कप्मो क़ेद्य़ेबाबि?” |
| 23464 | MAT 9:16 | आत्तिल्ल़ेआङ् कुसङ् चिरिक्किल्ल़े कुद्ऱेक्चाङ्ङिन् म़ेल़ेम्दुन्लो, ल़ेम्दुऩे फाॽग्र ख़ेन् किङ्ङाङ् आल्लसाङ् यम्बा थ़ेःक्खुदेःसुॽरो॥ |
| 23475 | MAT 9:27 | य़ेसुःन् ख़ेप्मोलाम् पेर पत्छ़ेल्ल़े ऩेप्फु मिक्फःम्बाहाॽऱे खुऩेॽ कुएगाङ् कुएगाङ् तिम्द़ेत्छुर अक्खेलॽरिक् अःक्त़ेत्छि, “दाउदऱे कुस्साःए, आन्छिग़े लुङ्माॽ आदुक्त़ेॽओ॥” |
| 23491 | MAT 10:5 | य़ेसुऱे कन् थिक्-ऩेत् सेःक्युक्मिबाहाॽ अक्खे म़ेत्तुसिर पाङ्घुसिरो– “थिम्म़ेन्दङ् सुवाङ्हाॽरो म़ेबेग़ेम्मिन्ऩेॽओ, ह़ेक्क्याङ् सामरिहाॽऱे खुनिॽ पाङ्जुम्हाॽओ म़ेबेग़ेम्मिन्ऩेॽओ, |
| 23494 | MAT 10:8 | क़ेदुक्पाहाॽ नुस़ेम्सिम्म़ेॽ, क़ेसिःबाहाॽ कुहिङ्व़ेत् चोग़ेम्सिम्म़ेॽ, लोगेॽ तुक्माल्ल़े याङ्घुसिबाहाॽ नुस़ेम्सिम्म़ेॽ, फ़ेन्साम्हाॽ नाःत्त़ेम्लःत्त़ेम्सिम्म़ेॽ॥ आम्भा क़ेघोःसुम्, आम्भाए पिऱेम्सिम्म़ेॽओ॥ |
| 23512 | MAT 10:26 | ह़ेक्केःल्ल़े ख़ेङ्हाॽनु म़ेगिस़ेम्मिन्ऩेॽओ, थेआङ्भ़ेल्ल़े म़ेधाःप्ऩेन्ल फाॽआङ् त़ेप्त़ेआङ्क़ेवाॽबा पाःन् इग्र कुसिङ् निःत्म़ेद़ेत्ऩेन्ल फाॽआङ् माॽऱेआङ् क़ेवाॽबा पाःन् थेआङ् होःप्लो॥ |
| 23513 | MAT 10:27 | इङ्गाॽ आल्लो खाग़ेमाक्पाओ म़ेत्निङ्बा पाःन्निन् खाग़ेओःप्पाओ म़ेत्त़ेम्सिम्म़ेॽ, खिनिॽ स्वाःत्ताङ् म़ेत्निङ्बा पाःन्निन् क़ेऱेक् मनाहाॽऱे म़ेघ़ेप्सुर फाॽआङ् हिम् सम्दाङ्लाम् यम्बा इक्लाओ इङ्भन् चोग़ेम्म़ेॽओ॥ |
| 23514 | MAT 10:28 | नासिङ्ग़ेन् थक्किन् क़ेस़ेप्पाहाॽनु खिनिॽ म़ेगिस़ेम्मिन्ऩेॽओ, थेआङ्भ़ेल्ल़े ख़ेङ्हाॽऱे खिनिॽ याम्साम्मिन् स़ेप्मा म़ेन्छुक्तुन्लो॥ कर नासिङ्ग़ेन् थक्किन् नु याम्साम्मिन् ऩेप्माङ् ख़ेमायङ्सङ्ङो म़ेङ्मा क़ेसुक्पा निङ्वाॽफुमाङ्ङिन्नु किःस़ेम्म़ेॽओ॥ |
| 23521 | MAT 10:35 | थेआङ्भ़ेल्ल़े पाःल्ल़े कुदक्ल़ेङ्वाओ य़ेम्बित्छाॽसाःन्, माःल्ल़े कुदक्ल़ेङ्वाओ म़ेन्छुमाॽसाःन्, ह़ेक्क्याङ् नोःप्माल्ल़े कुदक्ल़ेङ्वाओ पाङ्लिमान् फोःङ्स़े त्याङ्बारो॥ |
| 23545 | MAT 11:17 | ‘खिनिॽ लागि आनिग़े के हिप्मना, कर खिनिॽ क़ेन्लाःक्खिन्, ह़ेक्क्याङ् आनिग़े मेरिङ् थक्मना, कर खिनिॽ क़ेन्हाबिन्॥’ |
| 23556 | MAT 11:28 | क़ेऱेक् क़ेलिःप्पा कक्किल्ल़े क़ेग़ेःप्तिबा नु क़ेनाःबासे, इङ्गाॽओ त्य़ेम्म़ेॽओ, इङ्गाॽ नाःम्सिङ्मा पिनिङ्लो॥ |
| 23587 | MAT 12:29 | “याम्मो ख़ेप्स़ेम्म़ेॽओ, क़ेधुम्बा मनाःल्ल़े कुहिम्मो लाःप्माआङ् ख़ेल्ल़े कुजिगःक्वाहाॽ नाप्मादेॽमानुःल्ल़े तगि ख़ेन् क़ेधुम्बा मनाःन् इघेःङ्माए पोःङ्लो॥ ह़ेक्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्त़ेत्लो॥” |
| 23612 | MAT 13:4 | ख़ेल्ल़े याॽरिःम्ब़ेन् ल़ेप्तुल्ल़े कुभा याॽरिःम्ब़ेन् लाम्मो मक्थ्य़े, ह़ेक्क्याङ् पुहाॽ म़ेद्य़ेआङ् म़ेज म़ेदेःसुरो॥ |
| 23621 | MAT 13:13 | ख़ेल्ल़े चोगुल्ल़े इङ्गाॽ ख़ेङ्हाॽनु ख़ेदाॽओ पाःत्तारो, थेआङ्भ़ेल्ल़े ख़ेङ्हाॽऱे ओम़ेम़ेत्तुसाङ् म़ेन्निःसुन्लो, म़ेघ़ेप्सुसाङ् कुसिङ् म़ेन्निःत्तुन्लो॥ |
| 23622 | MAT 13:14 | माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुबान् कन् मनाहाॽओ क़ेऱेबारो– ‘खिनिॽ क़ेघ़ेप्सुम्साङ् कुसिङ् क़ेन्निःत्तुम्मिन्, ओग़ेम़ेत्तुम्साङ् क़ेन्निःसुम्मिन्लो॥ |
| 23637 | MAT 13:29 | लाजेॽ दाङ्बाल्ल़े म़ेत्तुसि, ‘ह़ेक्के म़ेजोग़ेम्मिन्ऩेॽओ, माल़ेःन्दोःन् क़ेआःक्खुम्मिल्ल़े मासिःन्नाङ् क़ेआःक्खुम् क़ेस़ेरुम्लो॥ |
| 23647 | MAT 13:39 | ह़ेक्क्याङ् माल़ेःन्दो याॽरिःम्बा क़ेल़ेप्पा निङ्मिःङ्ग माफ़ेन्साम्मिन्लो॥ चासुम्मा य़ेम्मिङ्ग कन् इक्सादिङ् खाम्बेःक्माल्ल़े कुनुप्मान्लो, ह़ेक्क्याङ् चाग़ेसुम्बाहाॽग माङ्लाइङ्बासिरो॥” |
| 23668 | MAT 14:2 | ह़ेक्क्याङ् कुसेवारोबाहाॽ अक्खे म़ेत्तुसि, “कङ्ग स़ेक्खासाङ् स़ेप्पाङ्घुङ्सिङ्बा बप्तिस्मा क़ेबिबा युहुन्नाःन्नेरो, खुऩेॽ याम्मो हिङ़ेबाल्ल़े चोगुल्ल़े मुक्साम्लाम्बा निङ्वाॽ क़ेमाबा याःम्बक् चोगुर वाॽरो॥” |
| 23681 | MAT 14:15 | ह़ेक्क्याङ् युःन्छिक् पोःक्ख़ेर पत्छ़ेल्ल़े कुहुॽसाम्बाहाॽ खुऩेॽओ म़ेद्य़ेआङ् म़ेम़ेत्तु, “आदाङ्बे, कङ्हाॽ पाङ्घ़ेदेःस़ेस़ेॽओ, थेआङ्भ़ेल्ल़े कन् एःक्साद़ेन्नो थेआङ् इङ्मा चामा खोम़ेद़ेत्ऩेन्लो, याम्मो नाम्ध्य़ेबेरो॥ हाराॽ खिरिबा पाङ्भेॽहाॽओ म़ेबेःक्काङ् चामा थुङ्मा म़ेइङु म़ेजररो॥” |
| 23721 | MAT 15:19 | थेआङ्भ़ेल्ल़े फ़ेन् निङ्वाॽ इःप्मा, मना स़ेप्मा, चाराम्मा याःम्बक्, याम्बोःप्मा, खुःम्मा, फोत्याबा तोःन्दि पिमा, माङ्च़ेॽया पाःन्हाॽ निङ्वाॽबोलाम् लःन्लो॥ |
| 23732 | MAT 15:30 | ख़ेप्मो यरिक् मनाहाॽऱे लाङ्सक्पाहाॽ, मिक्फःम्बाहाॽ, लाङ् हुक् फ़ेत्क़ेलाॽबाहाॽ, खुनिॽ पाःन् म़ेन्लःम्मनाबाहाॽ नु वेॽ यरिक् क़ेदुक्पा क़ेयॽबाहाॽ म़ेदारुसिआङ् कुलाङ्बुङ्मो म़ेयुक्खुसिरो॥ ह़ेक्क्याङ् ख़ेङ्हाॽ क़ेऱेक् य़ेसुऱे नुसुसिरो॥ |
| 23762 | MAT 16:21 | ख़ेन् य़ेम्माङ्धो य़ेसुऱे कुहुॽसाम्बाहाॽ खुऩेॽ यरुसल़ेम्मो पेःक्माए पोःङ्, ह़ेक्क्याङ् ख़ेप्मो यहुदि तुम्लाम्लोःबाहाॽ, तुम्निङ्वाॽफुसाम्बाहाॽ नु साम्योथिम्साम्बाहाॽओलाम् यरिक् पाःन्नो तुक्खे चामाए पोःङ् ह़ेक्क्याङ् खुऩेॽ सिःमाए पोःङ्ङाङ् याम्मो सुम् य़ेन् एगाङ् सिःम़ेन्लाम् याम्मो हिङ्मा पोःङ् क़ेलॽबा पाःन्निन् च़ेक्मा हेःक्तुसिरो॥ |
| 23789 | MAT 17:20 | य़ेसुऱे म़ेत्तुसि, “थेआङ्भ़ेल्ल़े खिनिॽ नसाःन्निन् सुःन्लो॥ इङ्गाॽ स़ेक्खाए म़ेत्निङ्, खिनिॽ नसाःन्निन् यःङ्गेॽ याॽरिःम्बाधिक् याःत्छाङ् कन् कोःक्मान् ‘ख़ेप्मोलाम् ख़ेत्छिङ्ङ़ेॽ’ क़ेम़ेत्तुम्मिल्ल़े, ख़ेन् ख़ेत्छिङ् पेःक्लो॥ ह़ेक्क्याङ् खिनिॽलाम्बा पोःङ्मा म़ेन्छुक्मना थेआङ् होःप्लो॥” |
| 23816 | MAT 18:20 | थेआङ्भ़ेल्ल़े ऩेप्फु इग्र सुम्भु मनाहाॽ इङ्गाॽ आमिङ्ङो म़ेजुम्मिल्ल़े, इङ्गाॽ खुनिॽ लुम्मो वाॽआरो॥” |
| 23842 | MAT 19:11 | य़ेसुऱे नोगप् पिरुसि, “क़ेऱेक्ल़ेग कन् पाःन्हाॽ ताःक्मा म़ेन्छुक्तुन्, कर आत्तिल्ल़े निङ्वाॽफुमाङ्लाम् खोःसुॽ, ख़ेल्ल़ेरक् ताःक्मा सुक्तुॽ॥ |
| 23860 | MAT 19:29 | आत्तिल्ल़े आलागि हिम्धाःङ्हाॽ, प्याङ्सिग़ेन् इक्ताप्हाॽ, ऩेॽनुसाॽहाॽ, फुॽनुसाॽहाॽ, पाः माहाॽ, इग्र हिन्जाॽबित्छाहाॽ ल़ेरुसिआङ् वाॽ, ख़ेल्ल़ेग किप्थिक् (१००) ल़ेङ्नुःल्ल़ेआङ्यरिक् खोःसुॽ, ह़ेक्क्याङ् म़ेन्नुप्मनाबा हिङ्मन् खोःसुॽरो॥ |
| 23891 | MAT 20:30 | ख़ेप्मो म़ेबेर म़ेबत्छ़ेबा लाम्मो ऩेप्फु मिक्फःम्बाहाॽ युङ़ेत्छि॥ ख़ेङ्हाॽऱे य़ेसुःन् ख़ेप्मोलाम् पेःक्ल पत् क़ेलॽबा निङ्वाॽ खोःस़ेत्छुआङ् अःक्त़ेत्छि, “दाङ्बे, दाउदऱे कुस्साःए, आन्छिग़े लुङ्माॽ आदुक्त़ेॽओ!” |
| 23892 | MAT 20:31 | ख़ेन् मनाहाॽऱे ख़ेङ्हाॽ म़ेभ़ेःक्तुसिर स्वाःत् युङ्मा म़ेबाङ्घुसि, कर ख़ेङ्हाॽ आल्लसाङ् साॽरिक् अःक्त़ेत्छिरो, “दाङ्बे, दाउदऱे कुस्साःए, आन्छिग़े लुङ्माॽ आदुक्त़ेॽओ!” |
| 23945 | MAT 22:4 | ह़ेक्केःल्ल़े ख़ेन् हाङ्ङिल्ल़े कुभा कुसेवारोबाहाॽ अक्खे म़ेत्तुसिर पाङ्घुसि, ‘ख़ेन् उःत्छिङ् क़ेघोःबाहाॽ अक्खे म़ेत्त़ेम्सिम्म़ेॽ, इङ्गाॽ मेःक्खिम् साभाङ्जाःन्यारिप् चोगुङ्ङाङ् वाॽआ॥ लुप्मनाबा थक्साहाॽ स़ेरुङ्सिङ्ङाङ् क़ेऱेक् चामा थुङ्मान् यारिप् पोःक्ख़ेआङ् वाॽ, मेःक्खिम् साभाङ्जाओ त्य़ेम्म़ेॽओ॥’ |
| 23957 | MAT 22:16 | फरिसिहाॽऱे खुनिॽ हुॽसाम्बाहाॽ ह़ेरोद हाङ्ङिल्ल़े कुमनाहाॽनु य़ेसुरो म़ेबाङ्घुसि॥ ख़ेङ्हाॽऱे य़ेसुःन् सेःन्म़ेदोसु, “सिक्साम्बे, ख़ेऩेॽग स़ेक्खा पाःन्लक् क़ेबाःप्प़ेन्आनिग़े निःसुम्ब़ेरो॥ ह़ेक्क्याङ् निङ्वाॽफुमाङ्ङिल्ल़े कुलाम्मिन् स़ेक्खाए क़ेहुॽरुसिरो॥ ख़ेऩेॽ मनाहाॽऱे खुनिॽ पाःन्नो क़ेम्बत्ऩेन्, ह़ेक्क्याङ् मनाआङ्क़ेन्छ़ेन्दुन्छिन्॥ |
| 23976 | MAT 22:35 | ख़ेङ्हाॽओ साम्योसाप्ला साॽरिक् क़ेल़ेबाधिक्ल़े य़ेसुःन् अक्खेलॽरिक् कुनिङ्वाॽ साॽरुर सेःन्लाप्तु, |
| 23987 | MAT 22:46 | आत्तिन्हाॽऱेआङ्पाःन्सुत्लाधिक् नोगप् पिमा म़ेन्छुक्तुन्, ह़ेक्क्याङ् ख़ेन् य़ेन्नाङ्धो आत्तिन्हाॽऱेआङ्खुऩेॽ पाःन् सेःन्दोःमा आःन्छिङ्माआङ्म़ेन्छुक्तुन्लो॥ |
| 23990 | MAT 23:3 | ख़ेल्ल़े चोगुल्ल़े ख़ेङ्हाॽऱे क़ेम्म़ेत्ति क़ेम्हुॽरिबा पाःन्निन् खिनिॽ इःप्मा नाःप्मा पोःङ्, कर ख़ेङ्हाॽऱे म़ेजोगुबा ह़ेक्के म़ेजोग़ेम्मिन्ऩेॽओ, थेआङ्भ़ेल्ल़े ख़ेङ्हाॽऱे म़ेबाःत्तुबा पाःन्हाॽ कुइसिःक्ग आबाङेआङ् म़ेन्जोगुन्लो॥ |
| 23995 | MAT 23:8 | कर खिनिॽग आत्तिन्हाॽऱेआङ्सिक्साम्बे लॽरिक् क़ेम़ेम्म़ेत्तिन्लरो, थेआङ्भ़ेल्ल़े खिनिॽग थिक्लक् सिक्साम्बान् क़ेगत्तुम्लो, ह़ेक्क्याङ् खिनिॽ क़ेऱेक्क फुॽनुसाॽ नु ऩेॽनुसाॽ ह़ेक्केनिङ्लो॥ |
| 24013 | MAT 23:26 | मिक्फःम्बा फरिसिसे, क़ेऱेक्नुःल्ल़े तगि खोर्याःन् कुसिगाङ् वाहप्त़ेम्म़ेॽ, ह़ेक्केलॽरिक् लाःक्कात्ताङ् सेसे पोःङ्लो॥ |
| 24021 | MAT 23:34 | ह़ेक्केःल्ल़े नुःरिक्काङ् ख़ेप्स़ेम्म़ेॽओ, ताःन्दि खिनिॽओ इङ्गाॽ माङ्निङ्वाॽपाःन् क़ेबाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ ख़ेङ्हाॽओ कुभा खिनिॽ क़ेस़ेरुम्सिम्, कुभा सिलाम्साक्मा सिङ्सम्दाङ् क़ेभोःन्दुम्सिम्, ह़ेक्क्याङ् कुभाग यहुदि चुम्लुङ्हिम्मो त़ेःम्भुक् क़ेयाक्तुम्सिम्माङ् य़ेक्यक् थप्मा निङ्घुम् क़ेम़ेत्तुम्सिम्लो॥ |
| 24052 | MAT 24:26 | ख़ेल्ल़े चोगुल्ल़े मनाहाॽऱे ‘ओम़ेत्त़ेम्म़ेॽ, ख्रिस्त़ेङ्ग य़ेःङ्घाद़ेन्नो वाॽ’ क़ेम्म़ेत्तिग्र, ओम़ेत्छ़े ख़ेप्मो म़ेबेग़ेम्मिन्ऩेॽओ, इग्र ‘ओम़ेत्त़ेम्म़ेॽ, खुऩेॽ कप्मो सिगाङ्बा याक्फाङ्ङो वाॽ’ क़ेम्म़ेत्तिसाङ् ख़ेङ्हाॽऱे खुनिॽ पाःन्निन् नसाःन् म़ेजोग़ेम्मिन्ऩेॽओ॥ |
| 24068 | MAT 24:42 | ख़ेल्ल़े चोगुल्ल़े खिनिॽआङ् आप्फाल्ल़ेसाङ् यारिप् पोःक्ख़ेम्म़ेॽओ, थेआङ्भ़ेल्ल़े खिनिॽ दाङ्बान् आप्फाल्ल़े युःबे क़ेलॽबान् खिनिॽ निङ्वाॽ क़ेङ्गत्तुम्मिन्लो॥ |
| 24111 | MAT 25:34 | ह़ेक्क्याङ् हाङ्ङिल्ल़े कुजुप्साङ् ल़ेप्माङ्बाहाॽ म़ेत्तुसि, ‘पानुदिङ् आम्बाऱे मुॽइसाम् पिरुसिबासे, त्य़ेम्म़ेॽओ, नावाग़ेन्चइःत् ऩेस्स़ेआङ्धो खिनिॽ लागि यारिप् चोःक्मनाबा हाङ्जुम्मिन् युक्त़ेम्म़ेॽओ॥ |
| 24122 | MAT 25:45 | ख़ेन् य़ेम्मो खुऩेॽ नोगप् पिरुसि, ‘इङ्गाॽ स़ेक्खाए म़ेत्निङ्, कन् आम्भुॽ आन्साॽसिओ आत्तिन् लत्छा चुक्साधिक् ह़ेक्के क़ेम्म़ेत्तुम्मिन्, ख़ेन् इङ्गाॽए याप्मि आग़ेम्म़ेत्तिम्बारो॥’ |
| 24265 | MAT 28:1 | नाःम्सिङ्य़ेन्निल्ल़े कुदाःन्दिक्मो, त़ेऩेबा य़ेन्नो खाओःत्त़ेर पत्छ़ेल्ल़े मरियम मग्दलिनिःन् नु वेॽस्मा मरियम्मिन् य़ेसुःन् म़ेऩेस्सुबा इप्पुङ्ङिन् ओम़ेत्छ़े पेसिरो॥ |
| 24274 | MAT 28:10 | ह़ेक्क्याङ् य़ेसुऱे ख़ेङ्हाॽ म़ेत्तुसि, “खिन्छिॽ म़ेगिस़ेत्छ़ेन्ऩेॽओ, पेग़ेत्छ़ेॽआङ् आन्साॽसि गालिलओ क़ेबेगिमु म़ेत्त़ेछ़ेस़ेॽओ, ख़ेङ्हाॽऱे इङ्गाॽ ख़ेत्थोए म़ेदुम्माॽरो॥” |
| 24288 | MRK 1:4 | माङ्निङ्वाॽपाःन् क़ेबाःप्पा यसैयाःल्ल़े साप्तुबा कुइसिःक् बप्तिस्मा क़ेबिबा युहुन्नाःन् एःक्साद़ेन्नो त्य़ेआङ्लायोलाम् हिन्द़ेम्म़ेॽआङ् बप्तिस्मा पोःक्ख़ेम्म़ेॽ, ह़ेक्क्याङ् निङ्वाॽफुमाङ्ङिल्ल़े खिनिॽ लायोःन् ल़ेप्मि क़ेबिरिॽ लॽरिक् इङ्भन् चोगुरो॥ |
| 24347 | MRK 2:18 | आल्ल बप्तिस्मा क़ेबिबा युहुन्ना नु फरिसिहाॽऱे खुनिॽ हुॽसाम्बाहाॽ चाःऩेत्तो म़ेयुङ़ेआङ् म़ेवय़े॥ थिक्य़ेन् मनाहाॽ म़ेद्य़ेआङ् य़ेसुःन् सेःन्म़ेलाप्तु, “फरिसिहाॽ नु बप्तिस्मा क़ेबिबा युहुन्नाःल्ल़े खुनिॽ हुॽसाम्बाहाॽग चाःऩेत्तो म़ेयुङ्, कर ख़ेऩेॽ क़ेहुॽसाम्बाहाॽ थेआङ् चाःऩेत्तो म़ेन्युङ्ऩेन्बाबे?” |
| 24350 | MRK 2:21 | आत्तिल्ल़ेआङ् कुसङ् चिरिक्किल्ल़े कुद्ऱेक्चाङ्ङिन् म़ेल़ेम्दुन्लो, ल़ेम्दुऩे फाॽग्र ख़ेन् किङ्ङाङ् आल्लसाङ् यम्बा थ़ेःक्खुदेःसुॽरो॥ |
| 24361 | MRK 3:4 | ह़ेक्क्याङ् य़ेसुऱे ख़ेङ्हाॽ सेःन्दोसुसि, “नाःम्सिङ् य़ेन्नो नुःबा नु ताप्फ़ेःम्बा याःम्बक्को, आत्तिन् चोःक्मा नुःबाबे? हिङ्मन् ताङ्स़ेःप्माबि म़ेङ्माबि?” कर ख़ेन् मनाहाॽ म़ेम्बाःत्ते स्वाःत् म़ेयुङ़ेरो॥ |
| 24396 | MRK 4:4 | ख़ेल्ल़े याॽरिःम्ब़ेन् ल़ेप्तुल्ल़े कुभा याॽरिःम्ब़ेन् लाम्मो मक्थ्य़े, ह़ेक्क्याङ् पुहाॽ म़ेद्य़ेआङ् म़ेजम़ेदेःसुरो॥ |
| 24416 | MRK 4:24 | खुऩेॽ याम्मो म़ेत्तुसि, “सिङ्सिङ्ङाङ् ख़ेप्स़ेम्म़ेॽओ! आक्तङ्बा कुसिःक्माल्ल़े क़ेसिःक्तुम्सिम्, आम्भा ख़ेन् कुसिःक्माल्ल़े खिनिॽआङ् क़ेम्सिःक्तिॽ, ख़ेन्नुःल्ल़े यरिक्काङ् खिनिॽ क़ेम्सिःक्ति क़ेम्बिरिॽरो॥ |
| 24419 | MRK 4:27 | ह़ेक्क्याङ् य़ेम् ल़ेक्ल पेःक्किल्ल़े, खुऩेॽ ख़ेन् याॽरिःम्बान् आक्खेलॽरिक् लिङ्फाॽआङ् कुसिङ् म़ेनिःत्तुन्छाङ् ख़ेन् याॽरिःम्बान् लिङ्लो॥ |
| 24432 | MRK 4:40 | ह़ेक्क्याङ् य़ेसुऱे कुहुॽसाम्बाहाॽ सेःन्लाप्तुसि, “थेआङ् खिनिॽ क़ेगिःसि क़ेस्य़ेॽइबा? आल्लसाङ् याप्मि नसाःन् क़ेन्जोगिन्बि?” |
| 24485 | MRK 6:9 | लाङ्सुःप्पिन् चाक्ख़ेम्म़ेॽ, कर वेॽ ल़ेक्सिङ्मा चाङ्म़ेबक्ख़ेम्मिन्ऩेॽओ॥ |
| 24511 | MRK 6:35 | नाम्ध्य़ेर पत्छ़ेल्ल़े कुहुॽसाम्बाहाॽ ख़ेप्मो म़ेद्य़ेआङ् य़ेसुःन् म़ेम़ेत्तु, “आदाङ्बे, कङ्हाॽ पाङ्घ़ेदेःस़ेस़ेॽओ, थेआङ्भ़ेल्ल़े कन् एःक्साद़ेन्नो थेआङ् इङ्मा चामा खोःम़ेद़ेत्ऩेन्लो, याम्मो नाम्माङ् थ्य़ेबेरो॥ हाराॽ खिरिबा हिम्हाॽ नु पाङ्भेॽहाॽओ म़ेबेःक्काङ् चामा थुङ्मा म़ेइङु म़ेजररो॥” |
| 24536 | MRK 7:4 | ख़ेङ्हाॽऱे पाङ्जुम्लाम् हिम्मो म़ेदाःल्ल़े वाहप्सिङ्मा नु सेसेसाङ्साङ् चोःक्मा थिम् म़ेन्जोःक्के म़ेन्जऩेन्॥ ख़ेङ्हाॽऱे फङ्नाहाॽ, च़ेत्थ्याहाॽ, खप्प्याहाॽ वाहप्मा सुत्थो चोःक्मा वेॽ थिम्हाॽआङ् म़ेगत्तुरो॥) |
| 24537 | MRK 7:5 | ह़ेक्केःल्ल़े फरिसिहाॽ नु साम्योथिम्साम्बाहाॽऱे य़ेसुःन् सेःन्म़ेलाप्तु, “क़ेहुॽसाम्बाहाॽऱेग सुत्थो चोःक्मा थिम् म़ेन्जोःक्के चा म़ेजबा आनिग़े निःमना॥ थेआङ् क़ेहुॽसाम्बाहाॽऱे आनिॽ पाध़ेबाहाॽऱे म़ेजोगु म़ेयुरुबा थिम्मिन् म़ेन्इःत्तुन्म़ेन्नाःत्तुन्बाबे?” |
| 24553 | MRK 7:21 | थेआङ्भ़ेल्ल़े म़ेन्छाम्ग़ेन् याप्मि निङ्वाॽ सिगाङ्लाम् फ़ेन् निङ्वाॽ, याम्बोःप्मा, खुःम्मा, मना स़ेप्मा, चाराम्मा याःम्बक्, खिःम्मा, ताप्फ़ेःम्बा निङ्वाॽ चोःक्मा, इङ्ल़ेक् चोःक्मा, च़ेल्ल़ेक्ल़ेक्लॽमा, नाह़ेम्मा, च़ेॽया इङ्दो पाःप्मा, आङ्दिङ् लॽमा, अदङ् पाःन् चोःक्मा, ह़ेक्तङ्बा फ़ेन् पाःन्हाॽ लःन्लो॥ |
| 24572 | MRK 8:3 | इङ्गाॽ ख़ेङ्हाॽ हिम्मो बा अक्खेए पाङ्घुङ्देःसुङ्सिङ्ऩे फाॽग्र म़ेबेःक्ल म़ेबत्तिल्ल़ेसा साक्किल्ल़े साक्लाम्बत्तुसिॽ, थेआङ्भ़ेल्ल़े कुभाग साॽरिक् माःङ्घा माःङ्घालाम् म़ेद्य़ेआङ् म़ेवाॽरो॥” |
| 24600 | MRK 8:31 | ह़ेक्क्याङ् य़ेसुऱे ख़ेङ्हाॽ अक्खे पाःत्तुर हुॽमा हेःक्तुसि, इङ्गाॽ म़ेन्छाम्साःल्ल़े यरिक् तुक्खेहाॽ तुम्मा पोःङ्, ह़ेक्क्याङ् यहुदि तुम्लाम्लोःबाहाॽऱे, तुम्निङ्वाॽफुसाम्बाहाॽऱे, ह़ेक्क्याङ् साम्योथिम्साम्बाहाॽऱे म़ेनाॽआ, ह़ेक्क्याङ् म़ेस़ेत्ताआङ्याम्मो सुम् य़ेन् एगाङ् सिःम़ेन्लाम् याम्मो हिङ्ङा क़ेलॽबा पाःन्निन् कुनिङ्वाॽ हन्दुआङ् च़ेक्तुसिरो॥ ह़ेक्केःल्ल़े पत्रुसऱे खुऩेॽ थिक्ल़ेप्माङ् तेॽरुआङ् फ़ेःक्तुरो॥ |
| 24632 | MRK 9:25 | ह़ेक्क्याङ् य़ेसुऱे यरिक् मनाहाॽ ख़ेप्मो म़ेलोःक्त़ेर म़ेभ़ेऱेबा निःसुसिआङ् ख़ेन् फ़ेन्साम्मिन् फ़ेःक्तु, “नाधाक्पा नु कुबाःन् म़ेन्लःम्नाबा फ़ेन्साम्मे, ख़ेन् चुक्प़ेल्लोलाम्लःन्द़े पेग़ेॽआङ् आप्फाल्ल़ेआङ् याम्मो म़ेलाःस़ेन्ऩेॽ!” |
| 24659 | MRK 10:2 | ख़ेप्मो कुभा फरिसिहाॽ म़ेद्य़ेआङ् खुऩेॽ कुनिङ्वाॽ साॽमा फाॽआङ् पाःन् म़ेग़ेसु, “आदाङ्बा सिक्साम्बे, य़ेम्बित्छाॽइल्ल़े कुमेःत्तिन् नाॽमा साम्योथिम्मिल्ल़े पिरुबि म़ेःम्बि?” |
| 24674 | MRK 10:17 | ह़ेक्क्याङ् य़ेसुःन् लाम्दिःक्को पेर पत्छ़ेल्ल़े मनाधिक् लोःक्त़े फ़ेऱेआङ् कुदगि थुङ्बोहजॽ युङ्सिङ्ङाङ् म़ेत्तु, “क़ेनुॽबा सिक्साम्बाए, आक्तङ्बा नुःबा याःम्बक् चोगुङ्ङिल्ल़े म़ेन्नुप्मनाबा हिङ्मन् खोःसुङ्बे?” |
| 24686 | MRK 10:29 | ह़ेक्क्याङ् य़ेसुऱे म़ेत्तुसि, “इङ्गाॽ स़ेक्खाए म़ेत्निङ्, आत्तिल्ल़े आलागि नु सुनाइङ्ल़े लागि हिम्धाःङ्हाॽ, प्याङ्सिग़ेन् इक्ताप्हाॽ, ऩेॽनुसाॽहाॽ, फुॽनुसाॽहाॽ, पाः माहाॽ, इग्र हिन्जाॽबित्छाहाॽ ल़ेरुसिआङ् वाॽ, |
| 24687 | MRK 10:30 | ख़ेल्ल़े स़ेक्खाए कन् य़ेम्मो मनालाम्बा तुक्खे चामानु सोसोरिक् हिम्धाःङ्हाॽ, प्याङ्सिग़ेन् इक्ताप्हाॽ, फुॽनुसाॽ, ऩेॽनुसाॽ, माहाॽ ह़ेक्क्याङ् हिन्जाॽबित्छाहाॽ किप्थिक् (१००) ल़ेङ्नुःल्ल़ेआङ्यरिक् खोःसुॽरो॥ ह़ेक्क्याङ् क़ेदाःबा य़ेम्मो म़ेन्नुप्मनाबा हिङ्मन् खोःसुॽरो॥ |
| 24692 | MRK 10:35 | ह़ेक्क्याङ् जब्दियाऱे कुस्साः याकुब नु युहुन्नाःल्ल़े य़ेसुःन् म़ेत्त़ेछु, “आदाङ्बा सिक्साम्बे, आन्छिग़े पाःत्छुग़ेबा पाःन्निन् आन्छिग़े लागि चोग़ेॽओ क़ेलॽबा निङ्वाॽ कत्छुग़ेॽरो॥” |
| 24731 | MRK 11:22 | य़ेसुऱे म़ेत्तुसि, “निङ्वाॽफुमाङ्ङिन्नसाःन् चोग़ेम्म़ेॽ! इङ्गाॽ स़ेक्खाए म़ेत्निङ्, हाःत्ल़े निङ्वाॽओ चप्चि म़ेन्जोःक्के, कन् कोःक्मान् हाॽयाक्आग़ेॽआङ् वाहङ्ङो लाप्फुसिङ्ङ़ेॽ फाॽआङ् निङ्वाॽओ नसाःन् चोगुआङ् पाःत्तुॽ, ख़ेङ्ग कुलागि पोःङ्ङेरो॥ |
| 24751 | MRK 12:9 | ह़ेक्केःल्ल़े य़ेसुऱे सेःन्लाप्तुसि, “आल्ल ख़ेन् च़ेल्ल़ेक्सेॽ इक्क़ेल्ल़े कुन्दाङ्बान् ताआङ् ख़ेङ्हाॽ आक्खे म़ेत्तुसिॽबे? स़ेक्खासाङ् खुऩेॽ क़ेऱेक् स़ेरुसिआङ् ख़ेन् च़ेल्ल़ेक्सेॽ इक्किन् वेॽ मनाहाॽ पिरुसिॽरो॥ |
| 24756 | MRK 12:14 | ख़ेङ्हाॽ म़ेद्य़ेआङ् सेःन्म़ेदोसु, “सिक्साम्बे, ख़ेऩेॽग स़ेक्खा पाःन्लक् क़ेबाःत्लो॥ ख़ेऩेॽग मनाहाॽऱे खुनिॽ पाःन्नोआङ् क़ेम्बत्ऩेन्, ह़ेक्क्याङ् आत्तिन् मनाहाॽआङ् क़ेन्छ़ेन्दुन्छिन्॥ ख़ेऩेॽग निङ्वाॽफुमाङ्ङिल्ल़े कुलाम्मिन् स़ेक्खाए क़ेहुॽरुसिरो॥ ह़ेक्केःल्ल़े कन्पाःन्निन् आम़ेत्त़ेॽ–रोमि पयम् हाङ् सिजऱेन् एःङ्याङ् हुङ्मा आनिॽ साम्योथिम्मिल्ल़े आबिॽबि आम्बिऩेन्बि?” |
| 24787 | MRK 13:1 | य़ेसुःन् माङ्हिम्मोलाम् लःन्द़ेर पत्छ़ेल्ल़े कुहुॽसाम्बाधिक्ल़े म़ेत्तु, “आदाङ्बा सिक्साम्बे, आक्ख़ेन् यम्यम्बा लुङ्हाॽ नु निङ्वाॽ क़ेमाबा हिम्हाॽऩेबे, ओम़ेत्त़ेॽना!” |
| 24821 | MRK 13:35 | ह़ेक्केलॽरिक् खिनिॽआङ् आप्फाल्ल़ेसाङ् यारिप् पोःक्ख़ेम्म़ेॽओ, थेआङ्भ़ेल्ल़े हिम्दाङ्बान् युःन्छिक् ताबि, स़ेत्लुम्भक्किल्ल़े ताःबि, इङ्वा काःल्ल़े ताबि इ खाओःत्तिल्ल़े ताःबि? आप्फाल्ल़े नुःङ् ताः क़ेलॽबान् खिनिॽ क़ेन्निःसुम्मिन्लो॥ |
| 24845 | MRK 14:22 | ख़ेङ्हाॽऱे म़ेजर म़ेयुङ़ेल्ल़े य़ेसुऱे खऱेःङ्ङिन् खप्सुआङ् निङ्वाॽफुमाङ्ङिन् नोग़ेन् पिरु, ह़ेक्क्याङ् ख़ेःक्खुआङ् कुहुॽसाम्बाहाॽ पिरुसिर अक्खे म़ेत्तुसि, “कन् ताःक्त़ेम्म़ेॽओ, कन् इङ्गाॽ नासिङ्ग़ेन् आधक्लो॥” |
| 24872 | MRK 14:49 | इङ्गाॽग थिक्याःन्धक्सा माङ्हिम् लक्खुम्मो निसाम् हुॽइस़े वयाङ्बा ह़ेक्केसाङ् याप्मि क़ेन्द़ेम्सिन्, कर साम्योसाप्लाओ क़ेबप्प़ेन्क़ेत्ल फाॽआङ् अक्खे पोःक्ख़ेबारो॥” |
| 24881 | MRK 14:58 | “आनिग़े य़ेसुऱे अक्खे पाःत्तुबा ख़ेप्सुम्ब़ेरो, ‘कन् मनाहाॽऱे म़ेजोगुबा माङ्हिम्मिन् यस्सुङ्ङाङ् सुम्य़ेन् एगाङ्, मनाहाॽऱे म़ेम्भाॽए, वेॽ माङ्हिम्मिन् चोगुङ्लो॥’” |
| 24896 | MRK 15:1 | कुनाम्दाःप्मा खाओःत्त़ेर पत्छ़ेल्ल़ेसा तुम्निङ्वाॽफुसाम्बाहाॽ, यहुदि तुम्लाम्लोःबाहाॽ, साम्योथिम्साम्बाहाॽ नु काक् यक्चुम्भोबा मनाहाॽ चुम्लुङ् म़ेजोग़े॥ ह़ेक्क्याङ् ख़ेङ्हाॽऱे य़ेसुःन् इम़ेघेःक्खु ह़ेक्क्याङ् रोमि सुहाङ्ग़ेम्बा पिलातसरो म़ेदेॽरुरो॥ |
| 24949 | MRK 16:7 | खिनिॽ पेग़ेम्म़ेॽआङ् कुहुॽसाम्बाहाॽ नु पत्रुस़ेन् कन् इङ्घङ्ङिन् पिऱेम्सिम्म़ेॽ, ‘खुऩेॽ तगि क़ेम़ेत्तिबा ह़ेक्केए खिनिॽनुःल्ल़े तगि गालिलओ पेःक्लो, ह़ेक्क्याङ् ख़ेत्थोए खुऩेॽ क़ेदुमुम्लो॥’” |
| 24955 | MRK 16:13 | ह़ेक्क्याङ् ख़ेङ्हाॽ ऩेप्माङ् नुःक्ख़ेत्छिआङ् खुन्छिॽ निःस़ेत्छुबा पाःन्निन् वेॽहाॽ च़ेक्त़ेत्छु, कर ख़ेङ्हाॽऱे नसाःन् म़ेन्जोगुन्लो॥ |
| 24984 | LUK 1:22 | ह़ेक्क्याङ् जकरियाःन् लाःक्कात् लःन्द़े, कर खुऩेॽ पाःप्माए म़ेसुक्त़ेन्लो, ह़ेक्केःल्ल़े हुक्चाःल्किल्ल़े मिक्सेःन् चोगुर पाऱे, ह़ेक्क्याङ् ख़ेङ्हाॽऱे ख़ेल्ल़े माङ्हिम् सिगाङ् सुफोःन् निःसुबिला लॽरिक् निङ्वाॽ म़ेइःत्तुरो॥ |
| 25086 | LUK 2:44 | ख़ेङ्हाॽऱे तगि क़ेबेःक्पा लाम्दिःक्साबाहाॽनु पेबिला फाॽआङ् इःत्त़ेत्छु॥ थिक् य़ेन्बा लाम्दिःक् म़ेजोग़ेआङ् खुन्छिॽ काॽइ सोॽधोःक् नु तेःङ्जुम्हाॽओ य़ेसुःन् कोःप्मा हेःक्त़ेत्छु, |
| 25097 | LUK 3:3 | खुऩेॽ यर्दन यङ्घङ् खिरिबा लाजेॽओ खाराक् लाम्दिःक् चोग़ेर लायोलाम् हिन्द़ेम्म़ेॽआङ् बप्तिस्मा पोःक्ख़ेम्म़ेॽ, ह़ेक्क्याङ् निङ्वाॽफुमाङ्ङिल्ल़े खिनिॽ लायोःन् ल़ेप्मि क़ेबिरिॽ लॽरिक् इङ्भन् चोगुरो॥ |
| 25102 | LUK 3:8 | लायोलाम् क़ेहिन्दिबा पाःन्निन् ओसेःन्दाङ् चोःक्स़े नुःबा याःम्बक् चोग़ेम्म़ेॽओ॥ आनिग़ेग अब्राहामऱे कुस्साःसिग़े, ख़ेल्ल़े चोगुल्ल़े खुम्दिङ्लाम् ख़ेत्छिङ्मा सुक्तिग़ेॽ फाॽआङ् निङ्वाॽ म़ेइःत्त़ेम्मिन्ऩेॽओ, थेआङ्भ़ेल्ल़े निङ्वाॽफुमाङ्ङिल्ल़ेग कन् लुङ्हाॽआङ् अब्राहामऱे कुस्साः चोःक्मा सुक्तुसिॽरो॥ |
| 25224 | LUK 6:9 | य़ेसुऱे ख़ेङ्हाॽ म़ेत्तुसि, “इङ्गाॽआङ् पाःन्धिक् सेःन्दोःनिङ्लो–नाःम्सिङ् य़ेन्नो नुःबा नु ताप्फ़ेःम्बा याःम्बक्को, साम्योथिम्मिल्ल़े आत्तिन् चोःक्मा आबिॽबे? हिङ्मन् स़ेःप्माबि म़ेङ्माबि?” |
| 25238 | LUK 6:23 | ख़ेन् य़ेम्मो सःत्त़ेम्म़ेॽओ, ओमु लॽऱेम्म़ेॽआङ् लाःक्ख़ेम्म़ेॽओ, थेआङ्भ़ेल्ल़े खिनिॽ थुम्घोःन् साङ्ग्राम्पेदाङ्ङो पयम् यम्बा चोःक्लो॥ खुनिॽ थाःक्थ़ेबाहाॽऱेआङ् उन्छोःन्बा माङ्निङ्वाॽपाःन् क़ेबाःप्पाहाॽ हाबा ह़ेक्केए म़ेम़ेत्तुसिआङ् म़ेवय़ेरो॥ |
| 25250 | LUK 6:35 | कर खिनिॽ निङ्मिहाॽ लुङ्माॽ तुक्त़ेम्सिम्म़ेॽ, ख़ेङ्हाॽ नुःरिक् म़ेत्त़ेम्सिम्म़ेॽ, ह़ेक्क्याङ् म़ेनुःक्तुर फाॽआङ् म़ेन्इःत्ते थ़ेॽला पिऱेम्सिम्म़ेॽ, ह़ेक्केःल्ल़े खिनिॽ थुम्घोःन् यरिक् पोःङ्लो॥ ह़ेक्क्याङ् खिनिॽ क़ेऱेक्नुःल्ल़े पयम् यम्बा निङ्वाॽफुमाङ्ङिल्ल़े कुस्साः क़ेबोःक्खिॽरो, थेआङ्भ़ेल्ल़े खुऩेॽग ताप्फ़ेःम्बा मनाहाॽ नु फोत्याबा मनाहाॽआङ् लुङ्माॽ तुक्तुसिॽरो॥ |
| 25252 | LUK 6:37 | “मनाहाॽ पाःन् म़ेधिक्त़ेम्सिम्म़ेन्ऩेॽ, ह़ेक्केलॽरिक् निङ्वाॽफुमाङ्ङिल्ल़े खिनिॽआङ् पाःन् क़ेन्धिक्तिन्लो॥ मनाहाॽ च़ेॽया इङ्दो म़ेम़ेत्त़ेम्सिम्म़ेन्ऩेॽओ, ह़ेक्केलॽरिक् खिनिॽआङ् च़ेॽया इङ्दो क़ेम़ेम्म़ेत्तिन्लरो॥ मनाहाॽ ल़ेप्मि पिऱेम्सिम्म़ेॽओ, ह़ेक्केलॽरिक् खिनिॽआङ् निङ्वाॽफुमाङ्ङिल्ल़े ल़ेप्मि क़ेबिरिॽरो॥ |
| 25253 | LUK 6:38 | मनाहाॽ पिऱेम्सिम्म़ेॽ ह़ेक्क्याङ् खिनिॽआङ् क़ेम्बिरिॽरो॥ नुःरिक् सिःक्त़ेम्म़ेॽ नुःरिक् थ़ेक्त़ेम्म़ेॽर नुःरिक् मुन्द़ेम्म़ेॽर कुधिम् पोःङ्ङाङ् कुव़ेत्व़ेत्मनाहाॽ सिःक्त़ेम् पिऱेम्सिम्म़ेॽ, बा ह़ेक्केलॽरिक्के खिनिॽआङ् क़ेम्बिरिॽरो॥ खिनिॽ आक्खेलॽरिक् क़ेसिःक्तुम्क़ेबिरुम्सिम्, बा ह़ेक्केलॽरिक् खिनिॽआङ् क़ेम्सिःक्ति क़ेम्बिरिॽरो॥” |
| 25254 | LUK 6:39 | ह़ेक्क्याङ् य़ेसुऱे कन् ख़ेदाॽइन् ख़ेङ्हाॽ म़ेत्तुसि, “मिक्फःम्बाल्ल़े वेॽ मिक्फःम्ब़ेन् लाम्लोमा म़ेसुक्तुन्लो, लाम्लोसुऩे फाॽग्र ऩेप्माङ् लुम्बाःत्तो क़ेङ्सि लाःत्छिॽरो॥ |
| 25258 | LUK 6:43 | आत्तिन् नुःबा सिङ्बुङ्ङोआङ्ताप्फ़ेःम्बा सिङ्सेॽ म़ेधोःक्ऩेन्लो, ह़ेक्केलॽरिक् आत्तिन् ताप्फ़ेःम्बा सिङ्बुङ्ङोआङ्नुःबा सिङ्सेॽ म़ेधोःक्ऩेन्लो॥ |
| 25298 | LUK 7:34 | म़ेन्छाम्साःन् चर थुङुर त्य़े, ह़ेक्क्याङ् ‘ख़ेन् तःक्थ़ेःक्क़ेहाॽ, थिःमसाङ्हाॽ, एःङ्याङ् क़ेभोःङ्बाहाॽ नु लायोबाहाॽऱे खुनिॽ तेःङ्बारो’ क़ेम़ेत्तुम्लो॥ |