| 23240 | MAT 2:2 | अक्खेलॽरिक् पाःन् सेःन्म़ेदोसु, “यहुदिहाॽऱे खुनिॽ हाङ् क़ेबोःङ्बाआङ् साग़ेवाःन्छिङ्बान् आत्तो वाॽबे? आनिग़े नाम्ग़ेन् पिसाङ् कुसावाःन्छिङ्माल्ल़ेन् मिक्सेःन् क़ेबिबा खेःम्सिक्किन् निःसुम्ब़ेआङ् खुऩेॽ कुसेवा चोःक्स़े त्य़ेॽइग़ेबारो॥” |
| 23256 | MAT 2:18 | “क़ेहाःप्मा क़ेभिःक्मा नु मेरिङ् क़ेधक्मा यम्बा इक्लाःन् रामा पाङ्जुम्मो ख़ेम्द़ेत्लो, राह़ेलऱे कुस्साःहाॽ हाःप्तुसिॽरो॥ ख़ेङ्ग हाङ्हाङ् म़ेत्छिङ्मा म़ेद़ेन्ऩेन्लो, थेआङ्भ़ेल्ल़े कुस्साःहाॽ क़ेऱेक् म़ेस्य़ेरो॥” |
| 23258 | MAT 2:20 | म़ेत्तु, “पोग़ेॽआङ् अङ़ेःक्वाःन् नु कुम्माःन् इस्राइल लाजेॽओ तेॽऱेस़ेॽओ, थेआङ्भ़ेल्ल़े अङ़ेःक्वाःन् स़ेप्मा क़ेगोःप्प़ेन्स्य़ेआङ् होःप्लो॥” |
| 23273 | MAT 3:12 | कुभॽएःत्तिल्ल़े सिःन् आःम्मा फाॽआङ् खुऩेॽ यारिप् वाॽ, ह़ेक्क्याङ् खुऩेॽ तुगुर सुप्सुआङ्सिःन् चाधोःक्लाओ चिक्खुॽ ह़ेक्क्याङ् कुहक्हाॽ आप्फाल्ल़ेआङ् म़ेन्छिःमनाबा मिओ हाःन्दुदेःसुॽरो॥” |
| 23276 | MAT 3:15 | य़ेसुऱे नोगप् पिरु, “आल्लोऱे लागि अक्खेए पोःङ्लरो, अक्खेलॽरिक् निङ्वाॽफुमाङ्ङिल्ल़े क़ेऱेक् निङ्वाॽ चोगुबा पाःन्निन् क़ेत्लरो॥” ह़ेक्क्याङ् युहुन्नाःन् त़ेन्द़ेआङ् खुऩेॽ बप्तिस्मा पिरुरो॥ |
| 23294 | MAT 4:16 | खादाम्मो क़ेवाॽबा मनाहाॽऱे पयम् यम्बा ओःत्तिःन् म़ेनिःसुरो॥ सिःम़ेल्ल़ेन् खामाक्माओ क़ेवाॽबाहाॽऱे खुनिॽ लुम्मो ओःत्तिधिक् ओःत्लो॥” |
| 23329 | MAT 5:26 | इङ्गाॽ स़ेक्खाए म़ेत्ऩेॽ, ख़ेप्मो साम्बाःन्याङ् क़ेऱेक् म़ेन्हुङ्ङे थारिक् ख़ेप्मोए क़ेयाक्लो॥” |
| 23391 | MAT 7:6 | सेसे चिगःक्वाःन् ख्याबाहाॽ म़ेबिऱेम्सिम्मिन्ऩेॽ, म़ेःन्ऩे फाॽग्र ख़ेङ्हाॽ हिल्लिक्म़ेहिसिङ् ह़ेक्क्याङ् क़ेम्भत्तिॽआङ् क़ेम्हाॽरिरो॥ ह़ेक्क्याङ् फाक्हाॽऱे खुनिॽ तगि त़ेक्सेःक्किन् म़ेस़ेस़ेम्मिन्ऩेॽओ, ख़ेङ्हाॽऱे म़ेदोॽरु म़ेलाःक्तुॽरो॥” |
| 23397 | MAT 7:12 | “क़ेऱेक् पाःन्नो मनाहाॽऱे आक्खेलॽरिक् खिनिॽ क़ेम्म़ेत्ति क़ेम्इःत्तिबा निङ्वाॽ क़ेजोगुम्, ह़ेक्केलॽरिक्के खिनिॽआङ् ख़ेङ्हाॽ इःत्त़ेम्सिम्म़ेॽओ, थेआङ्भ़ेल्ल़े कन् थिम्मो मोसाऱे साप्तुबा साम्योथिम् नु माङ्निङ्वाॽपाःन् क़ेबाःप्पाहाॽऱे म़ेबाःत्तुबा पाःन्निन् क़ेत्लो॥” |
| 23416 | MAT 8:2 | हक्चघत् ख़ेप्मो लोगेॽ तुक्माल्ल़े तरुबा मनाधिक् कुदगि थुङ्बोहजॽ युङ्सिङ्ङाङ् ख़ेल्ल़े अक्खे म़ेत्तु, “आदाङ्बे, ख़ेऩेॽ निङ्वाॽ क़ेजोगुऩे फाॽग्र इङ्गाॽ वेःम्मा क़ेसुक्कारो॥” |
| 23433 | MAT 8:19 | ख़ेङ्हाॽऱे पेःक्मा यारिप् म़ेजोगुर म़ेयाग़ेल्ल़े साम्योथिम्साम्बाधिक् फ़ेऱेआङ् म़ेत्तु, “सिक्साम्बे, ख़ेऩेॽ आत्ति क़ेबेःक्साङ् ख़ेऩेॽनु पेःक्कारो॥” |
| 23434 | MAT 8:20 | य़ेसुऱे नोगप् पिरु, “किधिबाहाॽऱे लुङ्घुरि म़ेगत्तुॽ, पुसाहाॽऱे हाप् म़ेगत्तुॽ, कर इङ्गाॽ म़ेन्छाम्साःल्ल़ेग थ़ेगेःक् नाःम्मा त़ेन्नाङ् म़ेगत्तान्लो॥” |
| 23436 | MAT 8:22 | कर य़ेसुऱे ख़ेन् म़ेत्तु, “इङ्गाॽ तिम्दाङ्ङ़ेॽओ, ह़ेक्क्याङ् हाराॽ याम्साम्मो क़ेसिःबा मनाहाॽऱे खुनिॽ आबाङे चेहाॽ इप्पुङ्ङो म़ेजिक्खुसिररो॥” |
| 23450 | MAT 9:2 | ख़ेप्मो कुभा मनाहाॽऱे लङ्ल़ेःङ्वा मनाधिक् कुऩेत्नाःन्नुए खुऩेॽओ म़ेदारुरो॥ ह़ेक्क्याङ् ख़ेङ्हाॽऱे ख़ेन् लङ्ल़ेःङ्वाःन् वेःप्मा सुक् क़ेलॽबा नसाःन् म़ेगत्तुबा य़ेसुऱे निःसुआङ् म़ेत्तु, “आस्साःए, हाङ्हाङ् लॽऱेॽओ, ख़ेऩेॽ क़ेलायोहाॽ ल़ेप्मि पोःक्ख़ेरो॥” |
| 23475 | MAT 9:27 | य़ेसुःन् ख़ेप्मोलाम् पेर पत्छ़ेल्ल़े ऩेप्फु मिक्फःम्बाहाॽऱे खुऩेॽ कुएगाङ् कुएगाङ् तिम्द़ेत्छुर अक्खेलॽरिक् अःक्त़ेत्छि, “दाउदऱे कुस्साःए, आन्छिग़े लुङ्माॽ आदुक्त़ेॽओ॥” |
| 23486 | MAT 9:38 | ह़ेक्केःल्ल़े सुम्मा क़ेबोःङ्बा चाःल्ल़े कुन्दाङ्बान् यरिक् याःलिक्हाॽ चा सुम्स़े पाङ्घुसिर फाॽआङ् खिनिॽ तुवा चोग़ेम्म़ेॽओ॥” |
| 23547 | MAT 11:19 | इङ्गाॽ म़ेन्छाम्साःङ्ग चाङ्ल थुङुङ्ल त्याङ्, ह़ेक्क्याङ् ख़ेङ्हाॽऱे अक्खे म़ेबाःत्तु, ‘ख़ेङ्ग तःक् थ़ेःक्के नु थिःमसाङ्लो, एःङ्याङ् क़ेभोःङ्बाहाॽ नु लायोबाहाॽऱे खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् ख़ेन् निस्से चोःक् फाॽआङ् निःद़ेत्लो॥” |
| 23558 | MAT 11:30 | थेआङ्भ़ेल्ल़े इङ्गाॽ आजिघ़ेःप्पिन् उसुरुबा नु कुःमा पाङ्निङ्बा आगक्किन् याङ्याङ्बा चोःक्लो॥” |
| 23571 | MAT 12:13 | ह़ेक्क्याङ् य़ेसुऱे ख़ेन् मनाःन् म़ेत्तु, “क़ेहुक्किन् सन्छ़ेॽ॥” ख़ेल्ल़े कुहुक्किन् सन्छुल्ल़े खिमो वेःत्त़ेआङ् वेॽस्मा कुहुक्किन् ह़ेक्केए नुःबा पोःक्ख़ेरो॥ |
| 23586 | MAT 12:28 | कर इङ्गाॽ निङ्वाॽफुमाङ्ङिल्ल़े कुसेसेमाङ्लाम् फ़ेन्साम्हाॽ नाःत्तुङ् लःत्तुङ्सिङ्लो, ख़ेल्ल़े चोगुल्ल़े निङ्वाॽफुहाङ्जुम्मिन् खिनिॽ लुम्मो त्य़े चुऱेआङ् वाॽ फाॽआङ् कुसिङ् निःत्त़ेम्म़ेॽओ॥” |
| 23590 | MAT 12:32 | आत्तिन् मनाःल्ल़े म़ेन्छाम्साःल्ल़े कुदक्ल़ेङ्वाओ पाःत्तुॽ, ख़ेल्ल़े ल़ेप्मि खोःसुॽ, कर सेसेमाङ्ङिल्ल़े कुदक्ल़ेङ्वाओ क़ेबाःप्पाल्ल़े कन् य़ेम्मो ह़ेक्क्याङ् क़ेदाःबा य़ेम्मोआङ् ल़ेप्मि म़ेघोःसुन्लो॥” |
| 23605 | MAT 12:47 | मनाधिक् पेआङ् खुऩेॽ म़ेत्तु, “आदाङ्बे, क़ेम्मा नु क़ेन्साॽसि ख़ेऩेॽनु ताॽज़ेङ्मा फाॽआङ् लाःक्कात् क़ेम्हाङ्ल म़ेय़ेप्लो॥” |
| 23608 | MAT 12:50 | थेआङ्भ़ेल्ल़े आत्तिन्हाॽऱे साङ्ग्राम्पेदाङ्बा आम्बाऱे कुनिङ्वाॽ ह़ेक्के म़ेजोगुॽ, ख़ेङ्हाॽए आम्मा नु आन्साॽसिरो॥” |
| 23631 | MAT 13:23 | ह़ेक्क्याङ् नुःबा खाम्मो क़ेजुक्पा याॽरिःम्ब़ेङ्ग पाःन्जाक्किन् क़ेघ़ेम्बाआङ् कुसिङ्क़ेनिःप्पा मना कुइसिःक् चोःक्लो, ह़ेक्क्याङ् ख़ेल्ल़े किप्थिक्, तुक्पोःङ्नु सुम्बोःङ् ल़ेङ् थारिक् कुजाॽ फत्छुरो॥” |
| 23641 | MAT 13:33 | य़ेसुऱे आल्लसाङ् वेॽस्मा ख़ेदाॽइन् ख़ेङ्हाॽ म़ेत्तुसि, “साङ्ग्राम्पेदाङ्बा हाङ्जुम्मिङ्ग फ़ेॽरुम्मो याक्मनाबा खऱेःङ् क़ेभङ्बा सिदाॽइन् ह़ेक्तङ्बा चोःक्लो॥ थिक् म़ेन्छुमाॽइल्ल़े खप्प्याओ यरिक् फ़ेॽरुम्मो मिसाक् सिदाॽइन् याक्तु, ह़ेक्क्याङ् सॽरु युक्खुआङ् म़ेन्युप्पे थारिक् सुःप्तु युक्खुरो॥” |
| 23684 | MAT 14:18 | य़ेसुऱे ख़ेङ्हाॽ म़ेत्तुसि, “ख़ेन् खऱेःङ्ङिन् नु ऩेत्छि ङाहाॽ कत्ना इङ्गाॽओ फ़ेत्त़ेम्म़ेॽ॥” |
| 23716 | MAT 15:14 | ह़ेक्केःल्ल़े ख़ेङ्हाॽऱे खुनिॽ पाःन्निन् म़ेघ़ेप्स़ेम्मिन्ऩेॽओ॥ ख़ेङ्हाॽग मिक्फःम्बा लाम्लोःबासिरो॥ मिक्फःम्बाल्ल़े मिक्फःम्ब़ेन् लाम्लोसुऩे फाॽग्र ऩेप्माङ् लुम्बाःत्तो क़ेङ्सि लाःत्छिॽरो॥” |
| 23717 | MAT 15:15 | पत्रुसऱे म़ेत्तु, “कन् ख़ेदाॽओ क़ेम़ेत्तुसिबा पाःन्निल्ल़े कुबेःन् याप्मि आज़ेक्त़ेॽओ॥” |
| 23728 | MAT 15:26 | य़ेसुऱे म़ेत्तु, “हिन्जाॽबित्छाहाॽऱे खुनिॽ खऱेःङ्ङिन् नाप्मासिआङ्कोःत्चोहाॽ पिमासि नुःबा म़ेःन्लो॥” |
| 23736 | MAT 15:34 | य़ेसुऱे ख़ेङ्हाॽ सेःन्दोसुसि, “आक्ख़ेम्म्याक् खऱेःङ् क़ेगत्तुम्बे?” ख़ेङ्हाॽऱे नोगप् म़ेबिरु, “नुसि खऱेःङ् नु चुजुक्सा कुभा ङारक् कत्तुम्ब़ेरो॥” |
| 23747 | MAT 16:6 | य़ेसुऱे ख़ेङ्हाॽ म़ेत्तुसि, “फरिसिहाॽ नु सदुकिहाॽऱे खुनिॽ खऱेःङ् क़ेभङ्बा सिदाॽलाम् सिङ्सिङ् लॽऱेम्म़ेॽओ॥” |
| 23757 | MAT 16:16 | सिमोन पत्रुसऱे नोगप् पिरु, “ख़ेऩेॽग निङ्वाॽफुमाङ्ङिल्ल़े सेःन्दुबा ख्रिस्त, आजुनि निङ्वाॽफुमाङ्ङिल्ल़े कुस्साःऩेरो॥” |
| 23760 | MAT 16:19 | ख़ेऩेॽग साङ्ग्राम्पेदाङ्बा हाङ्जुम्मिल्ल़ेन्तिमिक्हाॽ पिऩेरो॥ इक्सादिङ् खाम्बेःक्मो क़ेसाक्तुबान्साङ्ग्राम्पेदाङ्ङोआङ् साक्लो, ह़ेक्क्याङ् इक्सादिङ् खाम्बेःक्मो क़ेहन्दुबान्साङ्ग्राम्पेदाङ्ङो हन्लो॥” |
| 23786 | MAT 17:17 | य़ेसुऱे म़ेत्तुसि, “नसाःन् क़ेहोःप्पा नु ताक्क़ेभ़ेॽबा मनासे, आप्फाल्ल़े थारिक् इङ्गाॽ खिनिॽनु वाॽआबाबे? आप्फाल्ल़े थारिक् नासि थःत्निङ्बाबे? ख़ेन् चुक्प़ेन् कत्ना फ़ेत्त़ेम्म़ेॽ॥” |
| 23789 | MAT 17:20 | य़ेसुऱे म़ेत्तुसि, “थेआङ्भ़ेल्ल़े खिनिॽ नसाःन्निन् सुःन्लो॥ इङ्गाॽ स़ेक्खाए म़ेत्निङ्, खिनिॽ नसाःन्निन् यःङ्गेॽ याॽरिःम्बाधिक् याःत्छाङ् कन् कोःक्मान् ‘ख़ेप्मोलाम् ख़ेत्छिङ्ङ़ेॽ’ क़ेम़ेत्तुम्मिल्ल़े, ख़ेन् ख़ेत्छिङ् पेःक्लो॥ ह़ेक्क्याङ् खिनिॽलाम्बा पोःङ्मा म़ेन्छुक्मना थेआङ् होःप्लो॥” |
| 23795 | MAT 17:26 | पत्रुसऱे नोगप् पिरु, “वेॽ लाजेॽबा मनालाम् म़ेभोःक्खुरो॥” य़ेसुऱे म़ेत्तु, “ह़ेक्केऩे फाॽग्र खुनिॽ आबाङे मनाहाॽऱे हुङ्मा म़ेबोःङ्ऩेल्लो॥ |
| 23830 | MAT 18:34 | ह़ेक्क्याङ् हाङ्ङिल्ल़े साॽरिक् कुसिक्किन् पोग़ेआङ् ख़ेन् सेवारोब़ेन् सिङ्नाःत्तिन् म़ेन्हुङ्ङे थारिक् तुक्खे म़ेजाःत्तुर फाॽआङ् पुङ्लाधाबाल्लो हुक् सुप्तुरो॥” |
| 23837 | MAT 19:6 | आल्ल ख़ेङ्हाॽग ऩेप्फुसि म़ेःन्, कर लत्छा थक्सिरो॥ ख़ेल्ल़े चोगुल्ल़े निङ्वाॽफुमाङ्ङिल्ल़े लत्छा थक् चोगुसिबाहाॽ म़ेन्छाम् याप्मिऱे स़ेम्मासि म़ेनुॽऩेन्लो॥” |
| 23843 | MAT 19:12 | मेःक्खिम् म़ेन्जोःक्मना यरिक् पन्य़ेम्हाॽ वाॽरो॥ कुभाग सावाःन्छिङ्मानुधोए सिङ्गारु म़ेवाॽरो, वेॽहाॽ मनाहाॽऱे सिङ्गारु म़ेजोगुसि, ह़ेक्क्याङ् कुभाग साङ्ग्राम्पेदाङ्बा हाङ्जुम्मो माङ्सेवा याःम्बक् चोःक्मा फाॽआङ् मेःक्खिम् म़ेन्जोःक्ऩेन्लो॥ आत्तिल्ल़े ताःक्मा सुक्तुॽ हाराॽ ख़ेल्ल़ेए ताःक्तुर॥” |
| 23850 | MAT 19:19 | क़ेम्बा क़ेम्मासि इङ्धाःङ् पिऱेस़ेॽ॥ ह़ेक्क्याङ् आप्फेःक् लुङ्माॽ क़ेदुक्सिङ्बा कुइसिःक्के क़ेबाङ्भेॽसाबाहाॽआङ्लुङ्माॽ तुक्त़ेस़ेॽओ॥” |
| 23857 | MAT 19:26 | य़ेसुऱे ख़ेङ्हाॽ ओम़ेत्तुसिर म़ेत्तुसि, “म़ेन्छाम् याप्मिऱे लागि कन् पोःङ्मा म़ेन्छुक्मनाबा चोःक्साङ् निङ्वाॽफुमाङ्ङिल्ल़े क़ेऱेक् पाःन्हाॽ चोःक्मा सुक्तुॽरो॥” |
| 23894 | MAT 20:33 | ख़ेङ्हाॽऱे नोगप् पिऱेत्छु, “दाङ्बे, आन्छिग़े निःमा क़ेसुक्पा आजोग़ेत्छ़ेॽओ॥” |
| 23900 | MAT 21:5 | “यरुसल़ेमस्मा मनाहाॽ म़ेत्त़ेस़ेॽ, खिनिॽ पयम्हाङ्ङिन् खिनिॽओ तार पत्, खुऩेॽग चुङ्जिग़ेन् नःम्सिङ्ङाङ् अदङ्साःन् युक्तुआङ् ताः, खुऩेॽग अदङ्साःन्ने युक्तुआङ् तार पत्लो॥” |
| 23917 | MAT 21:22 | खिनिॽ तुवाओ क़ेनाःक्तुम्बा पाःन्निन् खोःसुम्ब़ेॽ फाॽआङ् नसाःन् क़ेजोगुम्ऩे फाॽग्र निङ्वाॽफुमाङ्लाम् क़ेघोःसुम्लो॥” |
| 23960 | MAT 22:19 | एःङ्याङ् हुङ्मा क़ेबोःङ्बा रोमि याङ्इत्छिःन्कत्ना फ़ेत्त़ेम्म़ेॽ॥” ख़ेङ्हाॽऱे खुऩेॽओ याङ्इत्छिःन्म़ेदारुआङ् |
| 23962 | MAT 22:21 | ख़ेङ्हाॽऱे नोगप् म़ेबिरु, “सिजऱेल्ल़ेन्पत्लो॥” ह़ेक्क्याङ् य़ेसुऱे ख़ेङ्हाॽ म़ेत्तुसि, “सिजरल़े कुबाःन्हाॽ सिजऱेन् पिऱेम्म़ेॽ, ह़ेक्क्याङ् निङ्वाॽफुमाङ्ङिल्ल़े कुबाःन्हाॽ निङ्वाॽफुमाङ्ङिन्ने पिऱेम्म़ेॽओ॥” |
| 23981 | MAT 22:40 | क़ेऱेक् साम्योथिम् नु माङ्निङ्वाॽपाःन् क़ेबाःप्पाहाॽऱे खुनिॽ निसाम्मिन् कन् ऩेत्छि इङ्जाःङ्लाम् त्य़ेबारो॥” |
| 23983 | MAT 22:42 | “निङ्वाॽफुमाङ्ङिल्ल़े सेःन्दुबा ख्रिस्तऱे कुयाःम्बेओ खिनिॽ थे क़ेइःत्तुम्बे? खुऩेॽ हाःत्ल़े कुस्साः फाॽआङ् खिनिॽ निङ्वाॽ क़ेइःत्तुम्बे?” ख़ेङ्हाॽऱे नोगप् म़ेबिरु, “खुऩेॽग दाउद हाङ्ङिल्ल़े कुस्साःरो॥” |
| 24028 | MAT 24:2 | य़ेसुऱे ख़ेङ्हाॽ म़ेत्तुसि, “कन् क़ेनिःसुम्बा हिम्हाॽऱे कुयाःम्बेओ स़ेक्खा पाःन् म़ेत्निङ्, थिक् लुङ्सम्दाङ् वेॽ लुङ्धिक्काङ् म़ेन्ऩेए थारिक् कङ्हाॽ क़ेऱेक् म़ेयः म़ेबेःक्लो॥” |
| 24041 | MAT 24:15 | माङ्निङ्वाॽपाःन् क़ेबाःप्पा दानिएलऱे पाःत्तुबा सिक्क़ेल़ेःङ्बान् माङ्हिम्मोबा सेसे द़ेन्नो य़ेप्पा क़ेनिःसुम्लो॥” (हाराॽ क़ेनिःप्पाहाॽऱे कन् पाःन्निन् कुसिङ् म़ेनिःत्तुररो!) |
| 24054 | MAT 24:28 | आत्तो सिनुःन् ऩेॽ, ख़ेप्मोए किदाबाहाॽआङ् म़ेजुम्लो॥” |
| 24123 | MAT 25:46 | ह़ेक्क्याङ् ख़ेङ्हाॽग म़ेन्नुप्मनाबा खुम्दिङ्ङो म़ेबेःक्लो, कर साम्योनिबाहाॽग म़ेन्नुप्मनाबा हिङ्मन्नो म़ेबेःक्लो॥” |
| 24132 | MAT 26:9 | कङ्ग यरिक् याङ्ङो सङ्माआङ् याङ्ग़ेसाॽबाहाॽ पिःमनासिल्ल़े पोःक्ख़ेबारो॥” |
| 24149 | MAT 26:26 | ख़ेङ्हाॽऱे म़ेजर म़ेयुङ़ेल्ल़े य़ेसुऱे खऱेःङ्ङिन् खप्सुआङ् निङ्वाॽफुमाङ्ङिन् नोग़ेन् पिरु, ह़ेक्क्याङ् ख़ेःक्खुआङ् कुहुॽसाम्बाहाॽ अक्खे म़ेत्तुसिर पिरुसि, “कन् ताःक्त़ेम्म़ेॽआङ् च़ेम्म़ेॽओ, कङ्ग नासिङ्ग़ेन् आधक्लो॥” |
| 24155 | MAT 26:32 | कर इङ्गाॽ कुसिव़ेत्लाम् कुहिङ्व़ेत् पोःङ्ङाआङ् खिनिॽनुःल्ल़े तगि गालिल थुम्मो पेःक्कारो॥” |
| 24158 | MAT 26:35 | कर पत्रुसऱे हादिङ् थक्त़ेर म़ेत्तु, “म़ेःन्लो, इङ्गाॽग ख़ेऩेॽनु सिःमा पोःङ्साङ् आप्फाल्ल़ेआङ् म़ेनाॽऩेन्लो॥” वेॽ हुॽसाम्बाहाॽऱेआङ् बा ह़ेक्केए म़ेबाःत्तुरो॥ |
| 24159 | MAT 26:36 | ह़ेक्क्याङ् य़ेसुःन् कुहुॽसाम्बाहाॽनु ग़ेतसमनि म़ेप्मनाबा जैतुन सिङ्लाओ पे, ह़ेक्क्याङ् खुऩेॽ ख़ेङ्हाॽ अक्खे म़ेत्तुसि, “इङ्गाॽ ख़ेप्मो तुवा चोगुङ्ङिल्ल़े खिनिॽ कप्मो युङ़ेम्म़ेॽओ॥” |
| 24161 | MAT 26:38 | ह़ेक्क्याङ् ख़ेङ्हाॽ अक्खे म़ेत्तुसि, “इङ्गाॽग मिङ्वाऱे योःन्दाङ्ङाङ् सिःमालिङ्धो थारिक् क़ेराङ्ङाङ् वाॽआरो॥ कप्मो चाङ्जाङ्ङाङ् युङ़ेम्म़ेॽर याप्मि चुम् आम़ेत्त़ेम्म़ेॽओ॥” |
| 24179 | MAT 26:56 | कर कङ्ग माङ्निङ्वाॽपाःन् क़ेबाःप्पाहाॽऱे म़ेसाप्तुबान् क़ेत्ल फाॽआङ् पोःक्ख़ेबारो॥” ह़ेक्क्याङ् क़ेऱेक् कुहुॽसाम्बाहाॽऱे पक्म़ेधःआङ् म़ेघ़ेत्छिङ् म़ेबेरो॥ |
| 24187 | MAT 26:64 | ह़ेक्केःल्ल़े य़ेसुऱे नोगप् पिरु, “ओरो, ख़ेऩेॽ आबाङे ह़ेक्के क़ेबाःत्तुॽरो॥ कर इङ्गाॽ म़ेत्निङ्, ताःन्दि इङ्गाॽ म़ेन्छाम्साःन् मुक्साम्दाङ्बा निङ्वाॽफुमाङ्ङिल्ल़े कुजुप्साङ् ल़ेप्माङ् युङ्ङाॽबा नु साङ्ग्राम्पेदाङ्ङोनु खाप्मिःत्तो युःआबा क़ेनिःसुम्लो॥” |
| 24196 | MAT 26:73 | सप्फाआङ् ख़ेप्मो क़ेय़ेप्पा मनाहाॽ पत्रुसरो म़ेबेआङ् म़ेम़ेत्तु, “स़ेक्खासाङ् खुऩेॽ कुहुॽसाम्बाहाॽओ ख़ेऩेॽआङ् लत्थिक्ऩेरो, थेआङ्भ़ेल्ल़े क़ेबाःन्इक्लाःन् गालिलस्मा कुइसिःक् चोःक्लो॥” |
| 24209 | MAT 27:11 | आल्ल य़ेसुःन् रोमि सुहाङ्ग़ेम्बा पिलातसऱे कुदगि य़ेब़ेल्ल़े सुहाङ्ग़ेम्ब़ेल्ल़े खुऩेॽ सेःन्दोसु, “स़ेक्खा ख़ेऩेॽ यहुदि हाङ्ऩेबि?” य़ेसुऱे नोगप् पिरु, “ख़ेङ्ग ख़ेऩेॽए क़ेबाःत्तुर क़ेबत्लो॥” |
| 24245 | MAT 27:47 | ख़ेप्मो क़ेय़ेप्पा कुभाऱे ख़ेन् म़ेघ़ेप्सुआङ् अक्खे म़ेबाःत्तु, “ख़ेल्ल़े माङ्निङ्वाॽपाःन् क़ेबाःप्पा एलियाःन् उःत्तुर पत्लो॥” |
| 24247 | MAT 27:49 | कुभाऱे म़ेबाःत्तु, “सप्फारो, एलियाःन् साङ्ग्राम्पेदाङ्लाम् युःआङ् ख़ेन् ताङ्स़ेःप्तुॽबि म़ेःम्बि ओम़ेत्तुम्लो॥” |
| 24252 | MAT 27:54 | ख़ेप्मो रोमि थक्तुम्बान् नु वेॽहाॽऱे य़ेसुःन् म़ेगोःसुर म़ेयुङ़े॥ ख़ेङ्हाॽऱे लुप्लि थाङ़ेबा नु ख़ेप्मो पोःक्ख़ेबा पाःन्हाॽ म़ेनिःसुआङ् साॽरिक् म़ेगिस़ेर म़ेअःक्त़े, “स़ेक्खासाङ् कन् मनाःन् निङ्वाॽफुसाःए वय़ेऱेत्छ॥” |
| 24263 | MAT 27:65 | ह़ेक्केःल्ल़े पिलातसऱे ख़ेङ्हाॽ म़ेत्तुसि, “इःप्पुङ् क़ेगोःबा थक्सुबाहाॽ तेॽऱेम्सिम्म़ेॽआङ् खिनिॽ सुक्सुक् ख़ेन् इप्पुङ्ङिन् कोस़ेम्म़ेॽ॥” |
| 24274 | MAT 28:10 | ह़ेक्क्याङ् य़ेसुऱे ख़ेङ्हाॽ म़ेत्तुसि, “खिन्छिॽ म़ेगिस़ेत्छ़ेन्ऩेॽओ, पेग़ेत्छ़ेॽआङ् आन्साॽसि गालिलओ क़ेबेगिमु म़ेत्त़ेछ़ेस़ेॽओ, ख़ेङ्हाॽऱे इङ्गाॽ ख़ेत्थोए म़ेदुम्माॽरो॥” |
| 24299 | MRK 1:15 | खुऩेॽ अक्खे पाःत्तुर इङ्भन् स़ेःसु, “कन् सुय़ेम्मिन् त्य़ेआङ् वाॽ, निङ्वाॽफुहाङ्जुम्मिन् निःत्ताङ्ङे वाॽरो, ह़ेक्केःल्ल़े खिनिॽ लायोलाम् हिन्द़ेम्म़ेॽआङ् निङ्वाॽफुमाङ्ङिल्ल़े कुसुनाइङ्ङिन् नसाःन् चोग़ेम्म़ेॽओ॥” |
| 24324 | MRK 1:40 | थिक् लोगेॽ तुक्माल्ल़े तरुबा मनाःन् य़ेसुरो त्य़ेआङ् थुङ्बोहजॽ युङ्सिङ्ङाङ् पेलि फाक्तु, “आदाङ्बे, ख़ेऩेॽ निङ्वाॽ क़ेजोगुऩे फाॽग्र इङ्गाॽ वेःम्मा क़ेसुक्कारो॥” |
| 24334 | MRK 2:5 | ख़ेङ्हाॽऱे ख़ेन् क़ेदुक्प़ेन्वेःप्मा सुक् क़ेलॽबा नसाःन् म़ेगत्तुबा य़ेसुऱे निःसुआङ् लङ्ल़ेःङ्वाःन् म़ेत्तु, “आस्साःए, ख़ेऩेॽ क़ेलायोहाॽ ल़ेप्मि पोःक्ख़ेरो॥” |
| 24362 | MRK 3:5 | ह़ेक्क्याङ् य़ेसुऱे ख़ेङ्हाॽऱे खुनिॽ निङ्वाॽ चिःप्मान् निःसुआङ् खुऩेॽ कुनिङ्वाॽ तुग़ेआङ् साॽरिक् कुसिक् पोग़ेरो॥ ह़ेक्क्याङ् ख़ेन् मनाःन् म़ेत्तु, “क़ेहुक्किन् सन्छ़ेॽ॥” ह़ेक्क्याङ् ख़ेल्ल़े कुहुक्किन् सन्छुल्ल़े खिमो वेःत्त़ेरो॥ |
| 24389 | MRK 3:32 | ह़ेक्क्याङ् कुगब्रिङ् क़ेयुङ्बा मनाहाॽऱे खुऩेॽ म़ेम़ेत्तु, “क़ेम्मा नु क़ेन्साॽसि लाःक्कात् म़ेद्य़ेआङ् ख़ेऩेॽ क़ेम्हाङ्ल म़ेय़ेप्लो॥” |
| 24392 | MRK 3:35 | आत्तिन्हाॽऱे निङ्वाॽफुमाङ्ङिल्ल़े कुनिङ्वाॽ ह़ेक्के म़ेजोगुॽ ख़ेङ्हाॽए आम्मा नु आन्साॽसिरो॥” |
| 24400 | MRK 4:8 | वेॽ याॽरिःम्ब़ेन् नुःबा खाम्मो चुक्त़े॥ ह़ेक्क्याङ् लिङ़ेआङ् ख़ेङ्हाॽऱे सुम्बोःङ् ल़ेङ् (३०), तुक्पोःङ्ल़ेङ् (६०) ह़ेक्क्याङ् किप्थिक् ल़ेङ् (१००) थारिक् कुजाॽ पत्छ़ेरो॥” |
| 24412 | MRK 4:20 | कर वेॽ मनाहाॽ नुःबा खाम्मो क़ेजुक्पा याॽरिःम्बा कुइसिःक् म़ेजोःक्लो॥ ख़ेङ्हाॽऱे पाःन्जाक्किन् म़ेघ़ेप्सुआङ् निङ्वाॽओ म़ेदाःक्तु, ह़ेक्क्याङ् सुम्बोःङ् (३०) ल़ेङ्, तुक्पोःङ्(६०) ल़ेङ् ह़ेक्क्याङ् किप्थिक् (१००) ल़ेङ् थारिक् कुजाॽ म़ेभत्छुरो॥” |
| 24417 | MRK 4:25 | यरिक् क़ेगप्पाल्ल़े आल्लसाङ् यरिक् खोःसुॽ, कर हाःत्ल़े म़ेगत्तुन्, ख़ेल्ल़े कत्तुबान्नाङ् म़ेनाप्तुॽरो॥” |
| 24421 | MRK 4:29 | पोगुग़ेन् कुजाःन् तुम्माङ् ख़ेन् मनाःन्कात्च्याःन् याङ्सिङ्ङाङ् चा सुम्स़े इक्ताप्पो लाःत्, थेआङ्भ़ेल्ल़े चासुम्मा य़ेम्मिन् त्य़ेरो॥” |
| 24440 | MRK 5:7 | ख़ेल्ल़े यम्बा इक्लाओ अःक्त़ेर य़ेसुःन् म़ेत्तु, “क़ेऱेक्नुःल्ल़े पयम् यम्बा निङ्वाॽफुमाङ्ङिल्ल़े कुस्साः य़ेसुए, ख़ेऩेॽ इङ्गाॽनु थे क़ेगोःत्तुबाबे? इङ्गाॽ तुक्खे म़ेजाःत्ताङ्ङिन्ऩेॽ फाॽआङ् निङ्वाॽफुमाङ्ङिल्ल़े कुमिङ्ङो पेलि फाक्ऩेॽरो॥” |
| 24452 | MRK 5:19 | कर य़ेसुऱे म़ेद़ेन्द़ेन्ल अक्खे म़ेत्तु, “ख़ेऩेॽ नुःक्ख़े पेग़ेॽआङ् क़ेहिम्सयङ् नु क़ेबाङ्भेॽसाबाहाॽ निङ्वाॽफुमाङ्ङिल्ल़े क़ेलागि चोगुबा यम्बा याःम्बक्किन् नु लुङ्माॽ क़ेदुक्त़ेबा पाःन्निन् च़ेक्त़ेस़ेॽओ॥” |
| 24480 | MRK 6:4 | य़ेसुऱे ख़ेङ्हाॽ म़ेत्तुसि, “माङ्निङ्वाॽपाःन् क़ेबाःप्प़ेङ्ग कुबाङ्भेॽसाबाहाॽ, कुगाॽइसोधोःक्हाॽ नु कुहिम्सयङ्हाॽऱे इङ्धाःङ् म़ेम्बिरुन्लो॥ कर वेॽ त़ेन्नोरक् खुऩेॽ कुबाःन्निन् म़ेघ़ेप्सुॽरो॥” |
| 24491 | MRK 6:15 | कर वेॽहाॽऱे म़ेबाःत्तु, “कङ्ग माङ्निङ्वाॽपाःन् क़ेबाःप्पा एलियाःन्लो॥” वेॽहाॽऱे म़ेबाःत्तु, “उन्छोःन्बा माङ्निङ्वाॽपाःन् क़ेबाःप्पाहाॽओ खुऩेॽआङ् थिक्लो॥” |
| 24514 | MRK 6:38 | य़ेसुऱे ख़ेङ्हाॽ म़ेत्तुसि, “खिनिॽ आक्ख़ेम्म्याक् खऱेःङ् क़ेगत्तुम्, पेग़ेम्म़ेॽआङ् ओम़ेत्त़ेम्म़ेॽ!” ह़ेक्क्याङ् ख़ेङ्हाॽऱे ओम़ेम़ेत्तु, ह़ेक्क्याङ् म़ेभ़ेऱेआङ् म़ेम़ेत्तु, “आदाङ्बे, आनिग़ेग ङासि (५) खऱेःङ् नु ऩेत्छि (२) ङारक् कत्तुम्ब़े॥” |
| 24559 | MRK 7:27 | य़ेसुऱे ख़ेन् म़ेन्छुमाॽइन् म़ेत्तु, “हिन्जाॽबित्छाहाॽऱे खऱेःङ्ङिन् खाघा म़ेजर पोःङ्॥ हिन्जाॽबित्छाहाॽऱे खुनिॽ खऱेःङ्ङिन् नाप्मासिआङ्कोःत्चोहाॽ पिमासि नुःबा म़ेःन्लो॥” |
| 24574 | MRK 8:5 | ह़ेक्केःल्ल़े य़ेसुऱे ख़ेङ्हाॽ सेःन्दोसुसि, “खिनिॽ आक्ख़ेम्म्याक् खऱेःङ् क़ेगत्तुम्बे?” ख़ेङ्हाॽऱे नोगप् म़ेबिरु, “आनिग़ेग नुसि खऱेःङ्लक् कत्तुम्ब़ेरो॥” |
| 24598 | MRK 8:29 | ह़ेक्केःल्ल़े य़ेसुऱे ख़ेङ्हाॽ याम्मो सेःन्दोसुसि, “कर खिनिॽग, इङ्गाॽ हाःत्आ फाॽआङ् याप्मि क़ेम़ेत्तिॽबे?” पत्रुसऱे नोगप् पिरु, “ख़ेऩेॽग निङ्वाॽफुमाङ्ङिल्ल़े सेःन्दुबा ख्रिस्तऩेॽरो॥” |
| 24626 | MRK 9:19 | य़ेसुऱे ख़ेङ्हाॽ म़ेत्तुसि, “नसाःन् क़ेहोःप्पासे, आप्फाल्ल़े थारिक् इङ्गाॽ खिनिॽनु वाॽआर नासि थःत्निङ्बाबे? ख़ेन् चुक्प़ेन् कत्ना फ़ेत्त़ेम्म़ेॽ॥” |
| 24630 | MRK 9:23 | य़ेसुऱे ख़ेन् म़ेत्तु, “‘क़ेसुक्तुऩे फाॽग्र’ फाॽआङ् थेआङ् क़ेबाःत्तुबाबे? नसाःन् क़ेजोःक्पाल्ल़े कुलागिग थेसाङ् पोःङ्मा सुक्लो॥” |
| 24657 | MRK 9:50 | युम्मिन् नुःबा चोःक्, कर युम्मिल्ल़े कुलिम्म़ेन् माःऩे फाॽग्र आक्खेआङ् ख़ेन् क़ेलिम्बा क़ेजोगुम्बे? खिनिॽ हिङ्मन्नो युम्मिन् कत्त़ेम्म़ेॽआङ् क़ेऱेक्नु सनारुङ्ङो वय़ेम्म़ेॽओ॥” |
| 24661 | MRK 10:4 | ख़ेङ्हाॽऱे नोगप् म़ेबिरु, “मोसाःल्ल़े य़ेम्बित्छाॽइल्ल़े कुमेःत्तिन् इङ्गाॽ नाॽऩेबारो फाॽआङ् साप्ला साप्तुआङ् पाङ्मादेःमा सुक्तुॽ लॽरिक् साप्तुआङ् पत्लो॥” |
| 24666 | MRK 10:9 | ख़ेल्ल़े चोगुल्ल़े निङ्वाॽफुमाङ्ङिल्ल़े लत्छा थक् चोगुसिबाहाॽ म़ेन्छाम् याप्मिऱे स़ेम्मासि म़ेनुॽऩेन्लो॥” |
| 24672 | MRK 10:15 | इङ्गाॽ स़ेक्खाए म़ेत्निङ्, हाःत्ल़े हिन्जाॽ ह़ेक्के कुदोःप्मा निङ्वाॽइल्ल़े निङ्वाॽफुहाङ्जुम्मिन् म़ेदाःक्तुन्, ख़ेन् ख़ेप्मो लाःप्मा म़ेघोःऩेन्लो॥” |
| 24684 | MRK 10:27 | य़ेसुऱे ख़ेङ्हाॽ ओम़ेत्तुसिर म़ेत्तुसि, “ख़ेप्स़ेम्म़ेॽ, म़ेन्छाम् याप्मिऱे लागिग कन् सुक्म़ेन्द़ेप्मना चोःक्साङ्, निङ्वाॽफुमाङ्ङिल्ल़े कुलागिग म़ेसाक्ऩेन्लो॥ निङ्वाॽफुमाङ्ङिल्ल़े क़ेऱेक् पाःन्हाॽ चोःक्मा सुक्तुॽरो॥” |
| 24692 | MRK 10:35 | ह़ेक्क्याङ् जब्दियाऱे कुस्साः याकुब नु युहुन्नाःल्ल़े य़ेसुःन् म़ेत्त़ेछु, “आदाङ्बा सिक्साम्बे, आन्छिग़े पाःत्छुग़ेबा पाःन्निन् आन्छिग़े लागि चोग़ेॽओ क़ेलॽबा निङ्वाॽ कत्छुग़ेॽरो॥” |
| 24706 | MRK 10:49 | य़ेसुऱे ख़ेन् अःक्त़ेबा ख़ेप्सुल्ल़े य़ेम्सिङ्ङाङ् ख़ेङ्हाॽ म़ेत्तुसि, “ख़ेन् कत्ना फ़ेत्त़ेम्म़ेॽ॥” ह़ेक्क्याङ् ख़ेङ्हाॽ म़ेबेआङ् ख़ेन् मिक्फःम्ब़ेन् म़ेम़ेत्तु, “हौ, सःत्त़ेॽओ! सिक्साम्ब़ेल्ल़े क़ेउःत्त़ेआङ् वाॽरो॥ ख़ेऩेॽ पोग़ेॽ!” |
| 24730 | MRK 11:21 | य़ेसुऱे पाःत्तुबान् पत्रुसऱे निङ्वाॽ इःत्तुर खुऩेॽ म़ेत्तु, “सिक्साम्बे, ओम़ेत्त़ेॽ! ख़ेन् साङ्ग्रा क़ेम़ेत्तुबा पःत्छेॽबुङ्माङ्ग इल़ेम़ेआङ् स्य़ेरो॥” |
| 24750 | MRK 12:8 | ह़ेक्क्याङ् कुस्साःन्नाङ् म़ेहिप्तु म़ेस़ेरुआङ् च़ेल्ल़ेक्सेॽ इक्कोलाम् लाःक्कात् लाप्म़ेभुसुरो॥” |
| 24759 | MRK 12:17 | ह़ेक्क्याङ् य़ेसुऱे ख़ेङ्हाॽ म़ेत्तुसि, “ह़ेक्केःल्ल़े सिजरल़े कुबाःन्हाॽ सिजऱेन् पिऱेम्म़ेॽ, ह़ेक्क्याङ् निङ्वाॽफुमाङ्ङिल्ल़े कुबाःन्हाॽ निङ्वाॽफुमाङ्ङिन्ने पिऱेम्म़ेॽओ॥” ह़ेक्केःल्ल़े ख़ेङ्हाॽऱे साॽरिक् खुनिॽ निङ्वाॽ मय़े॥ |
| 24773 | MRK 12:31 | निसिगेःक्पा इङ्जाःङ्ङिन् कन्लो–‘आप्फेःक्लुङ्माॽ क़ेदुक्सिङ्बा कुइसिःक्के क़ेबाङ्भेॽसाबाहाॽआङ्लुङ्माॽ तुक्त़ेस़ेॽओ॥’ कन्हाॽनुःल्ल़े यम्बा वेॽ इङ्जाःङ्ङिङ्ग थेआङ् होःप्लो॥” |
| 24788 | MRK 13:2 | य़ेसुऱे नोगप् पिरु, “कन् क़ेनिःसुम्बा हिम्हाॽ थिक् लुङ्सम्दाङ् वेॽ लुङ्धिक्काङ् म़ेन्ऩेए काक् म़ेयः म़ेबेःक्लो॥” |
| 24828 | MRK 14:5 | कङ्ग किप्सुम्सि (३००) युप्पायाङ्ङो सङ्माआङ् ख़ेन् याङ्ङिन् याङ्ग़ेसाॽबाहाॽ पिमनासिल्ल़े पोःक्ख़ेबा॥” ह़ेक्क्याङ् ख़ेङ्हाॽऱे ख़ेन् म़ेन्छुमाॽइन् म़ेभ़ेःक्तुरो॥ |