| 23246 | MAT 2:8 | ह़ेक्क्याङ् ख़ेङ्हाॽ अक्खे म़ेत्तुसिर ब़ेथलेह़ेम्मो पाङ्घुदेःसुसि, “पेग़ेम्म़ेॽआङ् अङ़ेःक्वाःन् कोःत्त़ेम्म़ेॽ॥ ख़ेन् अङ़ेःक्वाःन् क़ेघोःसुम्ऩे फाॽग्र फ़ेऱेम्म़ेॽआङ् इङ्गाॽ आम़ेत्त़ेम्म़ेॽओ॥ इङ्गाॽआङ् खुऩेॽ सेवा म़ेत्तुङ्लो॥” |
| 23256 | MAT 2:18 | “क़ेहाःप्मा क़ेभिःक्मा नु मेरिङ् क़ेधक्मा यम्बा इक्लाःन् रामा पाङ्जुम्मो ख़ेम्द़ेत्लो, राह़ेलऱे कुस्साःहाॽ हाःप्तुसिॽरो॥ ख़ेङ्ग हाङ्हाङ् म़ेत्छिङ्मा म़ेद़ेन्ऩेन्लो, थेआङ्भ़ेल्ल़े कुस्साःहाॽ क़ेऱेक् म़ेस्य़ेरो॥” |
| 23276 | MAT 3:15 | य़ेसुऱे नोगप् पिरु, “आल्लोऱे लागि अक्खेए पोःङ्लरो, अक्खेलॽरिक् निङ्वाॽफुमाङ्ङिल्ल़े क़ेऱेक् निङ्वाॽ चोगुबा पाःन्निन् क़ेत्लरो॥” ह़ेक्क्याङ् युहुन्नाःन् त़ेन्द़ेआङ् खुऩेॽ बप्तिस्मा पिरुरो॥ |
| 23282 | MAT 4:4 | कर य़ेसुऱे नोगप् पिरु, “ह़ेक्के म़ेजोःक्कान्, थेआङ्भ़ेल्ल़े साम्योसाप्लाओ मोसाऱे अक्खेलॽरिक् साप्तुआङ् पत्, ‘म़ेन्छाम् याप्मिःङ्ग कुजाःल्ल़ेरक् म़ेहिङ्ऩेन्, कर निङ्वाॽफुमाङ्ङिल्ल़े पाःत्तुबा क़ेऱेक् पाःन्निल्ल़े हिङ्॥’” |
| 23324 | MAT 5:21 | आल्ल, “उन्छेःन् मोसाऱे कुसाम्यो इङ्जाःङ्ङिल्ल़े अक्खे पाःत्तुबान् खिनिॽ क़ेघ़ेप्सुम्माङ् क़ेवयिॽ, ‘मना म़ेस़ेऱेन्ऩेॽओ, थेआङ्भ़ेल्ल़े मना क़ेस़ेप्पाल्ल़े खुम्दिङ् खोःसुॽरो,’ |
| 23334 | MAT 5:31 | “याम्मो मोसाऱे कुसाम्यो इङ्जाःङ्ङिल्ल़े अक्खे पाःत्तुआङ् वाॽ, ‘आत्तिल्ल़े मेलिङ्ग़ेन् कुमेःत्तिन् नाॽरु, ख़ेल्ल़े नाॽऩेबारो फाॽआङ् साप्ला साप्मा पिमा पोःङ्॥’ |
| 23336 | MAT 5:33 | “याम्मो खिनिॽ मोसाऱे कुसाम्यो इङ्जाःङ्ङिल्ल़े अक्खे पाःत्तुबा क़ेघ़ेप्सुम्माङ् क़ेवयिॽ, ‘खिनिॽ क़ेजोगुम्बा माङ्ह़ेक्किन्म़ेभेःन्द़ेम्म़ेन्ऩेॽ, कर यहवे दाङ्बान्नु क़ेजोगुम्बा माङ्ह़ेक्किन्क़ेग़ेत्तुम्लए पोःङ्लो॥’ |
| 23370 | MAT 6:19 | “इक्सादिङ् खाम्बेःक्मो याङ्साकुन्धे म़ेलुप्स़ेन्ऩेॽओ॥ ख़ेप्मोग थक्पाहाॽऱे म़ेजःॽ, हिङ्धोःक्किल्ल़े यःन्दुॽ, ह़ेक्क्याङ् खुःन्द्रिक्पाहाॽऱे म़ेघुःत्तुॽरो॥ |
| 23376 | MAT 6:25 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, कन् ऩेत्तिग़ेन् हिङ्मन्नो थेःन् चामा थुङ्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ, ह़ेक्केलॽरिक्के कन् नासिङ्ग़ेन् थक्कोआङ् थेःन् चाङ्मा वाःप्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ॥ ऩेत्तिग़ेन् हिङ्मन्निन् चामा थुङ्मानुःल्ल़े ह़ेक्क्याङ् नासिङ्ग़ेन् थक्किन् चाङ्मा वाःप्मानुःल्ल़े नुःबा म़ेजोःक्ऩेन्बि? |
| 23409 | MAT 7:24 | आल्ल “ख़ेल्ल़े चोगुल्ल़े पेलिग़ेन् आबाःन्जाक् क़ेघ़ेम्बाआङ् ह़ेक्के क़ेजोःक्प़ेङ्ग पयम् यम्बा लुङ्सम्दाङ् हिम्पाङ्यक् क़ेऩेबाआङ् हिम् क़ेजोःक्पा सिक्कुम्बा मना कुइसिःक् चोःक्लो॥ |
| 23476 | MAT 9:28 | ह़ेक्क्याङ् य़ेसुःन् लाःस़ेबा हिम्मो पेसिल्ल़े य़ेसुऱे ख़ेङ्हाॽ सेःन्दोसुसि, “खिन्छिॽ मिक् निःमा क़ेसुक्सुर चोःक्मा सुक्तुङ् फाॽआङ् नसाःन् क़ेजोःक्सुबि?” चोःक्सुग़ेॽरो, आदाङ्बे फाॽआङ् नोगप् पिऱेत्छु॥ |
| 23477 | MAT 9:29 | ह़ेक्क्याङ् य़ेसुऱे ख़ेङ्हाॽऱे खुन्छिॽ मिक्हाॽ सुःसु पिरुसिर म़ेत्तुसि, “खिन्छिॽ नसाःन् क़ेजोग़ेत्छुबा कुइसिःक्के पोःङ्लरो॥” |
| 23485 | MAT 9:37 | ह़ेक्क्याङ् य़ेसुऱे कुहुॽसाम्बाहाॽ म़ेत्तुसि, “सुम्मा क़ेबोःङ्बा चाःन् यरिक् ऩेःॽ, कर चा क़ेसुम्बा याःलिक्हाॽ म़ेसुःन्लो॥ |
| 23526 | MAT 10:40 | “आत्तिल्ल़े खिनिॽ लाङ्ग़ेदाःक्तिॽ, ख़ेल्ल़े इङ्गाॽआङ् लाङ्दाःक्कारो, ह़ेक्क्याङ् आत्तिल्ल़े इङ्गाॽ लाङ्दाःक्का, ख़ेल्ल़े इङ्गाॽ याप्मि क़ेबाङ्ब़ेन्नाङ् लाङ्दाःक्तुॽरो॥ |
| 23532 | MAT 11:4 | य़ेसुऱे नोगप् पिरुसि, “नुःक्ख़ेम् पेग़ेम्म़ेॽआङ् क़ेनिःसुम्बा नु क़ेघ़ेप्सुम्बा पाःन्हाॽ युहुन्नाःन् म़ेत्त़ेम्म़ेॽओ– |
| 23555 | MAT 11:27 | ह़ेक्क्याङ् य़ेसुऱे मनाहाॽ म़ेत्तुसि, “आम्बाऱे क़ेऱेक् पाःन्हाॽ पिराङ्ङाङ् वाॽरो॥ कुस्साःन् कुम्बाऱेरक् कुसिङ् निःत्तुॽ, वेॽहाॽऱे कुसिङ् म़ेन्निःत्तुन्लो॥ ह़ेक्क्याङ् पानुदिङ् पाःन् कुसिङ् म़ेनिःत्तुर फाॽआङ् कुस्साःल्ल़े ओसेःन्धाक्तुसिबा मनाहाॽऱेरक् कुसिङ् म़ेनिःत्तुॽरो॥ |
| 23571 | MAT 12:13 | ह़ेक्क्याङ् य़ेसुऱे ख़ेन् मनाःन् म़ेत्तु, “क़ेहुक्किन् सन्छ़ेॽ॥” ख़ेल्ल़े कुहुक्किन् सन्छुल्ल़े खिमो वेःत्त़ेआङ् वेॽस्मा कुहुक्किन् ह़ेक्केए नुःबा पोःक्ख़ेरो॥ |
| 23583 | MAT 12:25 | य़ेसुऱे ख़ेङ्हाॽऱे खुनिॽ निङ्वाॽइन्निःसुआङ् अक्खे म़ेत्तुसि, “आप्फेःक् लुम्मो क़ेघेबा क़ेधक्पाआङ् क़ेस़ेम्बा क़ेऱेक् हाङ्जुम्हाॽ म़ेम़ेक्लो॥ ह़ेक्क्याङ् आप्फेःक् लुम्मो क़ेघेबा क़ेधक्पाआङ् क़ेस़ेम्बा य़ेक्यक् नु हिम्सयङ्हाॽऱे म़ेन्धःत्तुन्लो॥ |
| 23587 | MAT 12:29 | “याम्मो ख़ेप्स़ेम्म़ेॽओ, क़ेधुम्बा मनाःल्ल़े कुहिम्मो लाःप्माआङ् ख़ेल्ल़े कुजिगःक्वाहाॽ नाप्मादेॽमानुःल्ल़े तगि ख़ेन् क़ेधुम्बा मनाःन् इघेःङ्माए पोःङ्लो॥ ह़ेक्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्त़ेत्लो॥” |
| 23589 | MAT 12:31 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, म़ेन्छाम् याप्मिऱे चोःक्मनाबा क़ेऱेक् लायो नु निङ्वाॽफुमाङ्ङिल्ल़े कुदक्ल़ेङ्वाओ पाःप्मनाबा माङ्च़ेॽया पाःन्निल्ल़ेन् ल़ेप्मि खोःमा सुक्त़ेत्, कर सेसेमाङ्ङिल्ल़े कुदक्ल़ेङ्वाओ पाःप्मनाबा माङ्च़ेॽया पाःन्निल्ल़ेन् ल़ेप्मि आप्फाल्ल़ेआङ् खोम़ेद़ेत्ऩेन्लो॥ |
| 23606 | MAT 12:48 | य़ेसुऱे ख़ेन् नोगप् पिरु, “आम्मा नु आन्साॽसि हाःत्छिबे?” |
| 23611 | MAT 13:3 | ह़ेक्क्याङ् य़ेसुऱे अक्खेलॽरिक् यरिक् पाःन्हाॽ ख़ेदाॽओ म़ेत्तुसि, “लत्छा याःन्क़ेमःबाधिक् याॽरिःम्बा ल़ेप्स़े पेरो॥ |
| 23626 | MAT 13:18 | “आल्ल याॽरिःम्बा क़ेल़ेप्पाल्ल़ेन् ख़ेदाॽइल्ल़े कुबेःन् ख़ेप्स़ेम्म़ेॽओ |
| 23653 | MAT 13:45 | “याम्मो साङ्ग्राम्पेदाङ्बा हाङ्जुम्मिङ्ग अक्तङ्बा चोःक्–लत्छा नुःब्नुःबा त़ेक्सेःक् क़ेगोःप्पा ल़ेङ्हङ्बाल्ल़े |
| 23682 | MAT 14:16 | कर य़ेसुऱे ख़ेङ्हाॽ म़ेत्तुसि, “कन्हाॽ पाङ्मासि म़ेःन्लो॥ खिनिॽए कङ्हाॽ कुजा पिऱेम्सिम्म़ेॽओ॥” |
| 23712 | MAT 15:10 | य़ेसुऱे मनाहाॽ उःत्तुसिआङ् म़ेत्तुसि, “आबाःन्निन् ख़ेप्स़ेम्म़ेॽआङ् कुसिङ्निःत्त़ेम्म़ेॽओ॥ |
| 23718 | MAT 15:16 | य़ेसुऱे ख़ेङ्हाॽ म़ेत्तुसि, “आल्लसाङ् खिनिॽ निङ्वाॽ पाःक्पि? |
| 23729 | MAT 15:27 | ख़ेल्ल़े म़ेत्तु, “स़ेक्खाएरो आदाङ्बे, कर कोःत्चोहाॽऱेआङ् खुनिॽ दाङ्बाल्ल़े चामाद़ेन्नोलाम् मक्क़ेधाःबा कुजिहाॽ म़ेजरो॥” |
| 23743 | MAT 16:2 | ह़ेक्केःल्ल़े य़ेसुऱे नोगप् पिरुसि, “युःन्छिक् ताङ्साक्प़ेन्ह़ेःत् लॽइल्ल़े ताःन्दिक् नाम्स़ेःक् लॽरिक् क़ेबाःत्तुम्॥ |
| 23765 | MAT 16:24 | ह़ेक्क्याङ् य़ेसुऱे कुहुॽसाम्बाहाॽ म़ेत्तुसि, “आत्तिल्ल़े इङ्गाॽ तिम्मा निङ्वाॽ चोगुॽ, हाराॽ ख़ेल्ल़े इङ्गाॽरक् चाङ्थुङुङ् क़ेलॽबा कुनिङ्वाॽइन्स़ेरुआङ् कुसिलाम्साक्मा सिङ्ङिन् पक्खुआङ् इङ्गाॽ तिम्माररो॥ |
| 23791 | MAT 17:22 | ह़ेक्क्याङ् य़ेसुःन् नु कुहुॽसाम्बाहाॽ गालिल थुम्मो म़ेद्य़ेल्ल़े खुऩेॽ अक्खे म़ेत्तुसि, “आल्ल म़ेन्छाम्साःन् इङ्म़ेल़ेक्तुॽआङ् मनाहाॽरो हुक् म़ेसुप्तुॽ, |
| 23795 | MAT 17:26 | पत्रुसऱे नोगप् पिरु, “वेॽ लाजेॽबा मनालाम् म़ेभोःक्खुरो॥” य़ेसुऱे म़ेत्तु, “ह़ेक्केऩे फाॽग्र खुनिॽ आबाङे मनाहाॽऱे हुङ्मा म़ेबोःङ्ऩेल्लो॥ |
| 23838 | MAT 19:7 | ख़ेङ्हाॽऱे सेःन्म़ेदोसु, “ह़ेक्केऩे फाॽग्र थेआङ् मोसाःल्ल़े ‘य़ेम्बित्छाॽइल्ल़े कुमेःत्तिन् इङ्गाॽ नाॽऩेबारो फाॽआङ् साप्ला साप्तुआङ् पाङ्मादेःमा सुक्तुॽ’ लॽरिक् साप्तुबाबे?” |
| 23842 | MAT 19:11 | य़ेसुऱे नोगप् पिरुसि, “क़ेऱेक्ल़ेग कन् पाःन्हाॽ ताःक्मा म़ेन्छुक्तुन्, कर आत्तिल्ल़े निङ्वाॽफुमाङ्लाम् खोःसुॽ, ख़ेल्ल़ेरक् ताःक्मा सुक्तुॽ॥ |
| 23851 | MAT 19:20 | ख़ेन् थाङ्ब़ेन्निल्ल़े म़ेत्तु, “कन्हाॽ क़ेऱेक् इःत्तुङ्-नाःत्तुङ्ङाङ्ङे वाॽआरो॥ आल्लसाङ् याम्मो थे चोःक्माओ सुःन्दाङ्बे?” |
| 23857 | MAT 19:26 | य़ेसुऱे ख़ेङ्हाॽ ओम़ेत्तुसिर म़ेत्तुसि, “म़ेन्छाम् याप्मिऱे लागि कन् पोःङ्मा म़ेन्छुक्मनाबा चोःक्साङ् निङ्वाॽफुमाङ्ङिल्ल़े क़ेऱेक् पाःन्हाॽ चोःक्मा सुक्तुॽरो॥” |
| 23883 | MAT 20:22 | य़ेसुऱे ख़ेङ्हाॽ म़ेत्तुसि, “खिन्छिॽ थेःन् क़ेनाःक्सुर क़ेबत्छिॽ ख़ेन् कुसिङ् क़ेन्निःत्छुन्॥ इङ्गाॽ थुङुङ्बा तुक्खेवा खोर्याओ थुङ्मा क़ेसुक्सुबि?” ख़ेङ्हाॽऱे नोगप् पिऱेत्छु, “सुक्सुग़ेॽ॥” |
| 23884 | MAT 20:23 | य़ेसुऱे ख़ेङ्हाॽ म़ेत्तुसि, “खिन्छिॽ स़ेक्खाए इङ्गाॽ थुङुङ्बा खोर्याओ क़ेधुङ्सुॽ, करसाङ् आभ़ेन्छाङ् नु आजुप्साङ् ल़ेप्माङ् युङ्मा क़ेसुक्सिॽ पाःप्मा युक् म़ेगत्तान्लो॥ ख़ेन् त़ेन्हाॽग पानुदिङ् आम्बाऱे आत्तिन्हाॽ पिमासि फाॽआङ् यारिप् चोगुआङ् वाॽ, बा ख़ेङ्हाॽरक् युङ्मा म़ेघोःरो॥” |
| 23897 | MAT 21:2 | “खिन्छिॽ तगाङ्बा पाङ्भेॽओ पेस़ेॽ, ख़ेप्मो क़ेलाःत्छिल्ल़ेसा इम़ेघेःक्खुमा अदङ्माःल्ल़े कुबेसाङ् कुस्साःन् य़ेप्पा क़ेदुम्सुॽ॥ ख़ेन् ल़ेऱेत्छ़ेॽआङ् इङ्गाॽओ ताऱेत्छ़ेॽओ॥ |
| 23900 | MAT 21:5 | “यरुसल़ेमस्मा मनाहाॽ म़ेत्त़ेस़ेॽ, खिनिॽ पयम्हाङ्ङिन् खिनिॽओ तार पत्, खुऩेॽग चुङ्जिग़ेन् नःम्सिङ्ङाङ् अदङ्साःन् युक्तुआङ् ताः, खुऩेॽग अदङ्साःन्ने युक्तुआङ् तार पत्लो॥” |
| 23911 | MAT 21:16 | ख़ेङ्हाॽऱे खुऩेॽ म़ेम़ेत्तु, “कन्हाॽऱे थे म़ेबाःत्तुर म़ेबत् क़ेङ्घ़ेप्सुन्बि?” य़ेसुऱे ख़ेङ्हाॽ म़ेत्तुसि, “ख़ेप्सुङ्ब़े, कर साम्योसाप्लाओ अक्खेलॽरिक् साप्त़ेआङ् क़ेबप्प़ेन्खिनिॽ म़ेन्निःत्ते क़ेवयिॽबि? ‘हिन्जाॽबित्छाहाॽ नु नुग़ेधुङ्बाहाॽलाम् खुऩेॽ क़ेनारा फोःमा पाङ्घुसि’” |
| 23915 | MAT 21:20 | हुॽसाम्बाहाॽऱे ख़ेन् म़ेनिःसुआङ् खुनिॽ निङ्वाॽ मय़ेर म़ेबाऱे, “आक्ख़ेन् हाराऩे कन् पःत्छेॽबुङ्मान् इल़ेम़े स्य़ेबाबे!” |
| 23920 | MAT 21:25 | युहुन्नाऱे बप्तिस्मा पिमा कुयुक्किन् आत्तोलाम् त्य़ेबाबे? निङ्वाॽफुमाङ्लाम् त्य़ेबाबि, इ मनालाम्बि?” ख़ेङ्हाॽऱे खुनिॽ लुम्मो पाःन् म़ेधक्त़ेर अक्खे म़ेम़ेत्छिङ्, “आल्ल आनिॽ ‘निङ्वाॽफुमाङ्लाम्’ आम़ेत्तुम्ऩे फाॽग्र, थेआङ् नसाःन् क़ेन्जोगुम्मिन् फाॽआङ् सेःन्आलाप्॥ |
| 23922 | MAT 21:27 | ख़ेल्ल़े चोगुल्ल़े ख़ेङ्हाॽऱे य़ेसुःन् म़ेम़ेत्तु, “आनिग़े म़ेनिःसुम्ब़ेन्लो॥” ह़ेक्केःल्ल़े य़ेसुऱे ख़ेङ्हाॽ म़ेत्तुसि, “ह़ेक्केऩे फाॽग्र थ़ेमा युक्किल्ल़े अक्तङ्बा याःम्बक्हाॽ चोगुङ् ख़ेन् इङ्गाॽआङ् म़ेम़ेत्निङ्ङिन्लो॥” |
| 23928 | MAT 21:33 | य़ेसुऱे याम्मो ख़ेङ्हाॽ म़ेत्तुसि, “वेॽस्मा ख़ेदाॽधिक् ख़ेप्स़ेम्म़ेॽओ॥ थिक्ल़ेङ् यम्बा लाजेॽदाङ्बाधिक् वय़े, ख़ेल्ल़े लत्छा इक्को च़ेल्ल़ेक्सेॽ लेःत्तुआङ् कुघिरि लुङ्धाक् स़ेत्तुर फाङु, ह़ेक्क्याङ् कुलुम्मो लुम्बाःत् तयुआङ् ख़ेप्मो च़ेल्ल़ेक्सेॽ एःम्मा त़ेन्धिक्चोगु॥ इक् कोमा याक्साधिक्काङ् चोगु, ह़ेक्क्याङ् ख़ेन् च़ेल्ल़ेक्सेॽ इक्किन् कुभ्ऱेःङ् लक् खोःमाऱे लागि इक्मसाबाहाॽ पिरुसिआङ् खुऩेॽ लाम्दिःक् चोःक्स़े पेरो॥ |
| 23935 | MAT 21:40 | य़ेसुऱे ख़ेङ्हाॽ सेःन्दोसुसि, “आल्ल च़ेल्ल़ेक्सेॽ इक्क़ेल्ल़े कुन्दाङ्बान् ताआङ् ख़ेन् इक्मःबाहाॽ आक्खे म़ेत्तुसिॽबे?” |
| 23961 | MAT 22:20 | य़ेसुऱे ख़ेङ्हाॽ सेःन्दोसुसि, “कप्मो हाःत्ल़े कुइत्छाप् नु कुबाःन्साप् पप्पे?” |
| 23984 | MAT 22:43 | य़ेसुऱे ख़ेङ्हाॽ याम्मो सेःन्दोसुसि, “ह़ेक्केऩे फाॽग्र सेसेमाङ्लाम् दाउदऱे आक्खेलॽरिक् आदाङ्बे फाॽआङ्म़ेत्तुबाबे? थेआङ्भ़ेल्ल़े दाउद हाङ्ङिल्ल़े निङ्वाॽफुसाम्लो सुम्मो पाःत्तु, |
| 24024 | MAT 23:37 | “यरुसल़ेम्मोबा मनासे, यरुसल़ेम्मोबा मनासे, खिनिॽग माङ्निङ्वाॽपाःन् क़ेबाःप्पाहाॽ क़ेस़ेरुम्सिम्, निङ्वाॽफुमाङ्ङिल्ल़े खिनिॽओ पाङ्घुसिबा इङ्साबाहाॽ लुङ्ङिल्ल़े क़ेबःत्तुम्सिम्लो॥ आक्ख़ेन् ल़ेङ् खिनिॽ मुॽइदाङ्साहाॽ वामाःप्माल्ल़े वाज्याःक्हाॽ कुप्तुसिबा कुइसिःक् खिनिॽ साःहाॽ सुम्मासि निङ्वाॽ चोगुङ्, कर खिनिॽ क़ेन्द़ेन्दिन्लो॥ |
| 24058 | MAT 24:32 | “आल्ल पःत्छेॽबुङ्मोलाम् कन् पाःन्निन् कुसिङ् निःत्त़ेम्म़ेॽओ, ख़ेल्ल़े कुबोराःक्हाॽलाम्बा कुसङ् कुनःक्हाॽ लःम्मा हेःक्किल्ल़े हाङ्वाःम्मा य़ेम्मिन् निःत्ताङ् त्य़ेरो फाॽआङ् कुसिङ्क़ेनिःत्तुम्॥ |
| 24062 | MAT 24:36 | “आल्ल ख़ेन् य़ेम् नु य़ेन्हाॽ आप्फाल्ल़े पोःङ् फाॽआङ् आत्तिल्ल़ेआङ् म़ेनिःसुन्॥ साङ्ग्राम्पेदाङ्बा माङ्लाइङ्बा नु निङ्वाॽफुसाःल्ल़ेआङ् म़ेनिःसुन्लो, कर पानुदिङ् पाः निङ्वाॽफुमाङ्ङिल्ल़ेरक् निःसुॽरो॥ |
| 24146 | MAT 26:23 | य़ेसुऱे ख़ेङ्हाॽ नोगप् पिरुसि, “आल्लो इङ्गाॽनु सोरिक् क़ेजाबार क़ेयुङ्बाधिक्किल्ल़े इङ्गाॽ इङ्ल़ेक्कारो॥ |
| 24156 | MAT 26:33 | पत्रुसऱे नोगप् पिरु, “क़ेऱेक्ल़े ख़ेऩेॽ क़ेम्ल़ेत् क़ेम्धाःसाङ् इङ्गाॽग आप्फाल्ल़ेआङ् म़ेल़ेत्ऩेन्लो॥” |
| 24188 | MAT 26:65 | ह़ेक्क्याङ् मानिङ्वाॽफुसाम्बाल्ल़े कुसाक्क़ेन् ओसेःन्धाक्तुसिर आबाङे कुदेःत्तिन् थ़ेःक्खुआङ्अक्खे पाःत्तु, “कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोग़ेबे? कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुबान् खिनिॽ क़ेघ़ेप्सुम्लो॥ |
| 24195 | MAT 26:72 | पत्रुसऱे माङ्ह़ेक्सिङ्ल याम्मो ख़ेन् पाःन्निन् अक्खेलॽरिक् नाॽरु, “स़ेक्खासाङ् इङ्गाॽग कन् मनाःन् कुसिङ् म़ेनिःत्तुङ्ङिन्लो!” |
| 24196 | MAT 26:73 | सप्फाआङ् ख़ेप्मो क़ेय़ेप्पा मनाहाॽ पत्रुसरो म़ेबेआङ् म़ेम़ेत्तु, “स़ेक्खासाङ् खुऩेॽ कुहुॽसाम्बाहाॽओ ख़ेऩेॽआङ् लत्थिक्ऩेरो, थेआङ्भ़ेल्ल़े क़ेबाःन्इक्लाःन् गालिलस्मा कुइसिःक् चोःक्लो॥” |
| 24197 | MAT 26:74 | ह़ेक्केःल्ल़े पत्रुसऱे याम्मो माङ्ह़ेक्सिङ्ल पाःत्तु, “स़ेक्खासाङ् कन् मनाःन् इङ्गाॽ कुसिङ् निःत्तुङ्ङाङ् वाॽआऩे फाॽग्र इङ्गाॽ सिःआर॥” ह़ेक्के पाःत्तुनाम़ेःन्ने इङ्वाःन् काःस़ेरो॥ |
| 24209 | MAT 27:11 | आल्ल य़ेसुःन् रोमि सुहाङ्ग़ेम्बा पिलातसऱे कुदगि य़ेब़ेल्ल़े सुहाङ्ग़ेम्ब़ेल्ल़े खुऩेॽ सेःन्दोसु, “स़ेक्खा ख़ेऩेॽ यहुदि हाङ्ऩेबि?” य़ेसुऱे नोगप् पिरु, “ख़ेङ्ग ख़ेऩेॽए क़ेबाःत्तुर क़ेबत्लो॥” |
| 24219 | MAT 27:21 | सुहाङ्ग़ेम्बाल्ल़े ख़ेङ्हाॽ सेःन्दोसुसि, “ख़ेन् ऩेप्फुओ आत्तिन् ल़ेरुङ् पिनिङ् फाॽआङ् खिनिॽ निङ्वाॽ क़ेजोगुम्माङ् क़ेवयिॽबे?” मनाहाॽऱे म़ेम़ेत्तु, “बरब्बास़ेन ल़ेऱेॽओ॥” |
| 24220 | MAT 27:22 | पिलातसऱे सेःन्दोसुसि, “ह़ेक्केऩे फाॽग्र निङ्वाॽफुमाङ्ङिल्ल़े सेःन्दुबा ख्रिस्त म़ेप्मनाबा य़ेसुःन् थे म़ेत्तुङ्बाबे?” ख़ेङ्हाॽऱे नोगप् म़ेबिरु, “सिलाम्साक्मा सिङ्सम्दाङ् फोःन्द़ेॽओ!” |
| 24240 | MAT 27:42 | ख़ेङ्हाॽऱे म़ेबाःत्तु, “ख़ेल्ल़ेग वेॽहाॽ ताङ्स़ेःप्तुसि, कर आबाङे ताङ्स़ेःप्सिङ्मा म़ेसुक्त़ेन्लो॥ खुऩेॽग इस्राइलस्मा हाङ्मु! हाराॽ खुऩेॽ सिलाम्साक्मा सिङ्ङोलाम् यो थाःर, ह़ेक्क्याङ् आनिग़े खुऩेॽ नसाःन् चोगुम्ब़ेॽरो॥ |
| 24245 | MAT 27:47 | ख़ेप्मो क़ेय़ेप्पा कुभाऱे ख़ेन् म़ेघ़ेप्सुआङ् अक्खे म़ेबाःत्तु, “ख़ेल्ल़े माङ्निङ्वाॽपाःन् क़ेबाःप्पा एलियाःन् उःत्तुर पत्लो॥” |
| 24252 | MAT 27:54 | ख़ेप्मो रोमि थक्तुम्बान् नु वेॽहाॽऱे य़ेसुःन् म़ेगोःसुर म़ेयुङ़े॥ ख़ेङ्हाॽऱे लुप्लि थाङ़ेबा नु ख़ेप्मो पोःक्ख़ेबा पाःन्हाॽ म़ेनिःसुआङ् साॽरिक् म़ेगिस़ेर म़ेअःक्त़े, “स़ेक्खासाङ् कन् मनाःन् निङ्वाॽफुसाःए वय़ेऱेत्छ॥” |
| 24263 | MAT 27:65 | ह़ेक्केःल्ल़े पिलातसऱे ख़ेङ्हाॽ म़ेत्तुसि, “इःप्पुङ् क़ेगोःबा थक्सुबाहाॽ तेॽऱेम्सिम्म़ेॽआङ् खिनिॽ सुक्सुक् ख़ेन् इप्पुङ्ङिन् कोस़ेम्म़ेॽ॥” |
| 24274 | MAT 28:10 | ह़ेक्क्याङ् य़ेसुऱे ख़ेङ्हाॽ म़ेत्तुसि, “खिन्छिॽ म़ेगिस़ेत्छ़ेन्ऩेॽओ, पेग़ेत्छ़ेॽआङ् आन्साॽसि गालिलओ क़ेबेगिमु म़ेत्त़ेछ़ेस़ेॽओ, ख़ेङ्हाॽऱे इङ्गाॽ ख़ेत्थोए म़ेदुम्माॽरो॥” |
| 24301 | MRK 1:17 | य़ेसुऱे ख़ेङ्हाॽ म़ेत्तुसि, “खिन्छिॽ इङ्गाॽ आएगाङ् थाऩेत्छ़ेॽओ, खिन्छिॽ ङा क़ेद़ेम्सु क़ेदाःत्छुबा कुइसिःक् इङ्गाॽओ मना क़ेदाःप्पा चोःक्ऩेत्छिङ्लो॥” |
| 24340 | MRK 2:11 | “आल्ल पोग़ेॽ! क़ेऩेत्नाःन् याङ्सिङ्ङ़ेॽआङ् क़ेहिम्मो थासिङ्ङ़ेॽ॥” |
| 24356 | MRK 2:27 | ह़ेक्क्याङ् य़ेसुऱे अक्खे पाःत्तुर पाःन् नुप्सु, “नाःम्सिङ् य़ेन्निन् म़ेन्छाम्ग़ेन् याप्मि नुॽमा तामाऱे लागि चोग़ेबारो, कर कन् म़ेन्छाम्ग़ेन् याप्मिःन् नाःम्सिङ्य़ेन्निल्ल़े लागि चोग़ेबा म़ेःन्लो॥ |
| 24361 | MRK 3:4 | ह़ेक्क्याङ् य़ेसुऱे ख़ेङ्हाॽ सेःन्दोसुसि, “नाःम्सिङ् य़ेन्नो नुःबा नु ताप्फ़ेःम्बा याःम्बक्को, आत्तिन् चोःक्मा नुःबाबे? हिङ्मन् ताङ्स़ेःप्माबि म़ेङ्माबि?” कर ख़ेन् मनाहाॽ म़ेम्बाःत्ते स्वाःत् म़ेयुङ़ेरो॥ |
| 24362 | MRK 3:5 | ह़ेक्क्याङ् य़ेसुऱे ख़ेङ्हाॽऱे खुनिॽ निङ्वाॽ चिःप्मान् निःसुआङ् खुऩेॽ कुनिङ्वाॽ तुग़ेआङ् साॽरिक् कुसिक् पोग़ेरो॥ ह़ेक्क्याङ् ख़ेन् मनाःन् म़ेत्तु, “क़ेहुक्किन् सन्छ़ेॽ॥” ह़ेक्क्याङ् ख़ेल्ल़े कुहुक्किन् सन्छुल्ल़े खिमो वेःत्त़ेरो॥ |
| 24380 | MRK 3:23 | ह़ेक्केःल्ल़े य़ेसुऱे ख़ेङ्हाॽ उःत्तुसिआङ् ख़ेदाॽओ म़ेत्तुसि, “आक्खेलॽरिक् माफ़ेन्साम्मिन् आबाङे नाःत्छिङ्बे? |
| 24389 | MRK 3:32 | ह़ेक्क्याङ् कुगब्रिङ् क़ेयुङ्बा मनाहाॽऱे खुऩेॽ म़ेम़ेत्तु, “क़ेम्मा नु क़ेन्साॽसि लाःक्कात् म़ेद्य़ेआङ् ख़ेऩेॽ क़ेम्हाङ्ल म़ेय़ेप्लो॥” |
| 24390 | MRK 3:33 | य़ेसुऱे ख़ेङ्हाॽ नोगप् पिरुसि, “आम्मा नु आन्साॽसि हाःत्छिबे?” |
| 24391 | MRK 3:34 | खुऩेॽ ख़ेप्मो कुगब्रिङ् क़ेयुङ्बा मनाहाॽ ओम़ेत्तुसिर याम्मो पाःत्तु, “कप्मो आम्मा नु आन्साॽसि म़ेयुङ्लो॥ |
| 24401 | MRK 4:9 | ह़ेक्क्याङ् य़ेसुऱे ख़ेङ्हाॽ म़ेत्तुसि, “ख़ेम्मा ऩेक्खोॽ क़ेगप्पाहाॽऱे कन् पाःन्निन् नुःरिक् ख़ेप्स़ेम्म़ेॽआङ् कुसिङ्निःत्त़ेम्म़ेॽओ!” |
| 24415 | MRK 4:23 | ह़ेक्क्याङ् य़ेसुऱे ख़ेङ्हाॽ म़ेत्तुसि, “ख़ेम्मा ऩेक्खोॽ क़ेगप्पाहाॽऱे कन् पाःन्निन् नुःरिक्काङ् ख़ेप्स़ेम्म़ेॽओ॥” |
| 24433 | MRK 4:41 | कर ख़ेङ्हाॽ साॽरिक् म़ेगिस़ेआङ् अक्खे म़ेम़ेत्छिङ्, “आक्खेलॽरिक् खुऩेॽ पाःत्तुबा पाःन्निन् सुरित्केजङ्ङिन्नु वाभ़ेल्ल़ेङ्ङिल्ल़ेआङ् ख़ेप्सुबाबे? कन् मनाःङ्ग हाःप्पे?” |
| 24463 | MRK 5:30 | खिमो य़ेसुऱे कुधक्कोनु मुक्साम् लःन्द़ेबा निङ्वाॽ खोःसुआङ् खिरि हिसिङ्ङाङ् मनाहाॽ ओम़ेत्तुसिर म़ेत्तुसि, “हाःत्ल़े इङ्गाॽ आदेःत्तिन् सुःसुबे?” |
| 24500 | MRK 6:24 | ख़ेन् चुक्म़ेन् कुम्मारो पेआङ् सेःन्दोसु, “आल्ल थे नाःक्तुङ्बाबे?” ह़ेक्केःल्ल़े कुम्माऱे म़ेत्तु, “बप्तिस्मा क़ेबिबा युहुन्नाःल्ल़े कुध़ेगेःक्किन्नाःक्त़ेॽ॥” |
| 24537 | MRK 7:5 | ह़ेक्केःल्ल़े फरिसिहाॽ नु साम्योथिम्साम्बाहाॽऱे य़ेसुःन् सेःन्म़ेलाप्तु, “क़ेहुॽसाम्बाहाॽऱेग सुत्थो चोःक्मा थिम् म़ेन्जोःक्के चा म़ेजबा आनिग़े निःमना॥ थेआङ् क़ेहुॽसाम्बाहाॽऱे आनिॽ पाध़ेबाहाॽऱे म़ेजोगु म़ेयुरुबा थिम्मिन् म़ेन्इःत्तुन्म़ेन्नाःत्तुन्बाबे?” |
| 24550 | MRK 7:18 | य़ेसुऱे ख़ेङ्हाॽ म़ेत्तुसि, “आल्लसाङ् खिनिॽ निङ्वाॽ पाःक्लो! मना सिगाङ् क़ेलाःप्पा चाःमनाबा कुजाःल्ल़े ख़ेन् आसुत्थो म़ेजोगुन् क़ेलॽबा क़ेन्निःसुम्मिन्बि? |
| 24560 | MRK 7:28 | ह़ेक्केःल्ल़े ख़ेन् म़ेन्छुमाॽइल्ल़े नोगप् पिरु, “स़ेक्खाएरो आदाङ्बे, कर कोःत्चोहाॽऱेआङ् हिन्जाॽबित्छाहाॽऱे खुनिॽ चामाद़ेन्नोलाम् मक्क़ेधाःबा कुजिहाॽ म़ेजरो॥” |
| 24590 | MRK 8:21 | य़ेसुऱे ख़ेङ्हाॽ म़ेत्तुसि, “आल्लसाङ् कुसिङ् निःप्मा क़ेन्छुक्तुम्मिन्बि?” |
| 24591 | MRK 8:22 | य़ेसुःन् नु कुहुॽसाम्बाहाॽ ब़ेथसेदाओ म़ेग़ेऱे॥ ख़ेप्मो मनाहाॽऱे मिक्फःम्बाधिक् य़ेसुरो म़ेदारुआङ् “ख़ेल्ल़े कुसम्दाङ् क़ेहुक्किन् ऩेस्स़ेॽआङ् खानिःमा क़ेसुक्पा चोग़ेॽओ” फाॽआङ् पेलि म़ेभाक्तुरो॥ |
| 24592 | MRK 8:23 | ह़ेक्क्याङ् य़ेसुऱे ख़ेन् मिक्फःम्ब़ेन् कुहुक्को त़ेम्सुआङ् पाङ्भेॽओलाम् लाःक्कात् तेॽरु, ह़ेक्क्याङ् कुध्याःत्तिन् कुमिक्को फत्छुर कुहुक्किन् ऩेस्सुबिरुआङ् सेःन्दोसु, “आल्लो खानिःमा क़ेसुक्तुबि?” |
| 24593 | MRK 8:24 | ह़ेक्क्याङ् ख़ेल्ल़े खिरि ओमय़ेर पाःत्तु, “आल्लो खानिःमा सुक्तुङ्, कर मनाहाॽग सिङ्बुङ् ह़ेक्केऩे निःम़ेधाःप्पाङ्लाङ्म़ेघेःक्पा निःसुङ्सिङ्लो॥” |
| 24603 | MRK 8:34 | ह़ेक्क्याङ् य़ेसुऱे यरिक् मनाहाॽ नु कुहुॽसाम्बाहाॽ उःत्तुसिआङ् अक्खे म़ेत्तुसि, “आत्तिल्ल़े इङ्गाॽ तिम्मा निङ्वाॽ चोगुॽ, हाराॽ ख़ेल्ल़े इङ्गाॽरक् चाङ्थुङ्ङुङ् क़ेलॽबा कुनिङ्वाॽइन्स़ेरुआङ् सिलाम्साक्मा कुसिङ्ङिन् पक्खुआङ् इङ्गाॽ तिम्माररो॥ |
| 24632 | MRK 9:25 | ह़ेक्क्याङ् य़ेसुऱे यरिक् मनाहाॽ ख़ेप्मो म़ेलोःक्त़ेर म़ेभ़ेऱेबा निःसुसिआङ् ख़ेन् फ़ेन्साम्मिन् फ़ेःक्तु, “नाधाक्पा नु कुबाःन् म़ेन्लःम्नाबा फ़ेन्साम्मे, ख़ेन् चुक्प़ेल्लोलाम्लःन्द़े पेग़ेॽआङ् आप्फाल्ल़ेआङ् याम्मो म़ेलाःस़ेन्ऩेॽ!” |
| 24638 | MRK 9:31 | थेआङ्भ़ेल्ल़े खुऩेॽ कुहुॽसाम्बाहाॽ हुॽरुसिर वय़े॥ ख़ेङ्हाॽ अक्खे म़ेत्तुसि, “आल्ल म़ेन्छाम्साःन् इङ्म़ेल़ेक्त्तुॽ ह़ेक्क्याङ् मनाहाॽरो हुक् म़ेसुप्तु म़ेबिरुॽआङ् ख़ेङ्हाॽऱे खुऩेॽ म़ेस़ेरुॽ, कर सुम्य़ेन् एगाङ् सिःम़ेन्लाम् याम्मो कुहिङ्व़ेत् पोःङ्लो॥” |
| 24640 | MRK 9:33 | ख़ेङ्हाॽ कपर्नहुम्मो म़ेद्य़ेआङ् ख़ेप्मोबा हिम्मो म़ेवय़ेल्ल़े य़ेसुऱे कुहुॽसाम्बाहाॽ सेःन्दोसुसि, “आन्द़ेःन् लाम्मो खिनिॽ थ़ेमाःन्पाःन् क़ेधक्तिर क़ेवयिबाबे?” |
| 24642 | MRK 9:35 | य़ेसुःन् युङ्सिङ्ङाङ् थिक्-ऩेत् (१२) कुहुॽसाम्बाहाॽ उःत्तुसिआङ् म़ेत्तुसि, “हाःत्ल़े तगि पोःङ्मा निङ्वाॽ चोगुॽ, ख़ेन् क़ेऱेक्नुःल्ल़े एगाङ् पोःङ्माआङ् क़ेऱेक्ल़े खुनिॽ सेवारोबा पोःङ्मा पोःङ्लो॥” |
| 24644 | MRK 9:37 | “आत्तिल्ल़े आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, ख़ेल्ल़े इङ्गाॽ लाङ्दाःक्कारो॥ इङ्गाॽ याप्मि लाङ्ग़ेदाःक्पाल्ल़े इङ्गाॽ याप्मि क़ेबाङ्बा निङ्वाॽफुमाङ्ङिन्नाङ् लाङ्दाःक्तुॽ॥” |
| 24661 | MRK 10:4 | ख़ेङ्हाॽऱे नोगप् म़ेबिरु, “मोसाःल्ल़े य़ेम्बित्छाॽइल्ल़े कुमेःत्तिन् इङ्गाॽ नाॽऩेबारो फाॽआङ् साप्ला साप्तुआङ् पाङ्मादेःमा सुक्तुॽ लॽरिक् साप्तुआङ् पत्लो॥” |
| 24678 | MRK 10:21 | य़ेसुऱे ख़ेन् मनाःन् ओम़ेत्तुआङ् लुङ्माॽ तुक्तुर म़ेत्तु, “आल्लसाङ् ख़ेऩेॽ याःम्बक्थिक्चोःक्मा क़ेगत्तुॽरो॥ पेग़ेॽआङ् क़ेगत्तुबान्क़ेऱेक् सङ्घ़ेदेःस़ेॽ ह़ेक्क्याङ् याङ्ग़ेसाॽबाहाॽ पिऱेस़ेॽओ॥ ह़ेक्केलॽरिक् साङ्ग्राम्पेदाङ्ङो याङ्साकुन्धे क़ेघोःसुॽरो॥ ह़ेक्क्याङ् फ़ेऱेॽआङ् इङ्गाॽ तिम्दाङ्ङ़ेॽओ॥” |
| 24690 | MRK 10:33 | “आल्ल आनिॽ यरुसल़ेम आग़ेत्ताङ् ख़ेप्मो तुम्निङ्वाॽफुसाम्बाहाॽ नु साम्योथिम्साम्बाहाॽऱे खुनिॽ हुक्को म़ेन्छाम्साःन् इङ्म़ेल़ेक्तुआङ् हुक्म़ेसुप्तुॽरो॥ ह़ेक्क्याङ् ख़ेङ्हाॽऱे खुऩेॽ सिःम़ेल्ल़ेन् खुम्दिङ् म़ेबिरुआङ् थिम्म़ेन्दङ् सुवाङ्हाॽऱे खुनिॽ हुक्को म़ेबिरुॽरो॥ |
| 24693 | MRK 10:36 | य़ेसुऱे ख़ेङ्हाॽ सेःन्दोसुसि, “खिन्छिॽ इङ्गाॽ थ़ेमा चोगुङ् पिऩेत्छिङ्ल फाॽआङ् निङ्वाॽ क़ेजोःक्सुबे?” |
| 24695 | MRK 10:38 | य़ेसुऱे ख़ेङ्हाॽ म़ेत्तुसि, “खिन्छिॽ थेःन् क़ेनाःक्सुर क़ेबत्छिॽ ख़ेन् कुसिङ् क़ेन्निःत्छुन्॥ इङ्गाॽ थुङुङ्बा तुक्खेवा खोर्याओ थुङ्मा क़ेसुक्सुबि? ह़ेक्क्याङ् इङ्गाॽ पोःङ्ङाबा बप्तिस्मान् खिन्छिॽ पोःङ्मा क़ेसुक्सुबि?” |
| 24696 | MRK 10:39 | ख़ेङ्हाॽऱे नोगप् पिऱेत्छु, “सुक्सुग़ेॽ॥” य़ेसुऱे ख़ेङ्हाॽ म़ेत्तुसि, “खिन्छिॽ स़ेक्खाए इङ्गाॽ थुङुङ्बा खोर्याओ क़ेधुङ्सुॽआङ् इङ्गाॽ पोःङ्ङाबा बप्तिस्मान्नाङ् खिन्छिॽ क़ेबोःङ्सिॽ, |
| 24711 | MRK 11:2 | “खिन्छिॽ तगाङ्बा पाङ्भेॽओ पेस़ेॽ॥ ख़ेप्मो क़ेलाःत्छिल्ल़ेसा आप्फाल्ल़ेआङ् म़ेन्युक्के क़ेवाॽबा अदङ्साधिक् इम़ेघेःक्खुआङ् य़ेप्पा क़ेदुम्सुॽ॥ ख़ेन् ल़ेऱेत्छ़ेॽआङ् कत्ना फ़ेत्त़ेत्छ़ेॽ॥ |
| 24740 | MRK 11:31 | ख़ेङ्हाॽऱे खुनिॽ लुम्मो पाःन् म़ेधक्त़ेर अक्खे म़ेम़ेत्छिङ्, “आल्ल आनिॽ ‘निङ्वाॽफुमाङ्लाम्’ आम़ेत्तुम्ऩे फाॽग्र, थेआङ् नसाःन् क़ेन्जोगुम्मिन् फाॽआङ् सेःन्आलाप्॥ |