23306	MAT 5:3	“क़ेऱेक् पाःन्‍नो निङ्‌वाॽफुमाङ्‌ङिन् चाहाबा क़ेजोःक्‍पाहाॽ मुॽइसाबासिरो, थेआङ्‌भ़ेल्‍ल़े साङ्‌ग्राम्‍पेदाङ्‌बा हाङ्‌जुम्‍मिन् ख़ेङ्‌हाॽऱेन्‍नेरो॥
23308	MAT 5:5	चुङ्‌जिग़ेन् नःम्‍नःम्‍बा मनाहाॽ मुॽइसाबासिरो, थेआङ्‌भ़ेल्‍ल़े इक्‍सादिङ् खाम्‍बेःक्‍मान् ख़ेङ्‌हाॽऱेन्‍नेरो॥
23313	MAT 5:10	साम्‌योनिबा याःम्‍बक् म़ेजोगुल्‍ल़े मनाहाॽऱे तुक्‍खे म़ेजाःत्तुसिबाहाॽ मुॽइसाबासिरो, थेआङ्‌भ़ेल्‍ल़े साङ्‌ग्राम्‍पेदाङ्‌बा हाङ्‌जुम्‍मिङ्‌ग ख़ेङ्‌हाॽऱेन्‍नेरो॥
23338	MAT 5:35	ह़ेक्‍क्‍याङ् इक्‍सादिङ् खाम्‍बेःक्‍माल्‍ल़े कुमिङ्‌ङोआङ् माङ्‌म़ेह़ेक्‍कासिम्‍म़ेन्‍ऩेॽओ, थेआङ्‌भ़ेल्‍ल़े ख़ेङ्‌ग खुऩेॽ कुलाङ् तोॽभेःत्‍लो॥ ह़ेक्‍केलॽरिक्‍के यरुसल़ेम्‍मिल्‍ल़े कुमिङ्‌ङोआङ् माङ्‌म़ेह़ेक्‍कासिम्‍म़ेन्‍ऩेॽ, थेआङ्‌भ़ेल्‍ल़े ख़ेङ्‌ग पयम् यम्‍बा हाङ्‌ङिल्‍ल़े कुय़ेक्‌यक्‍लो॥
23526	MAT 10:40	“आत्तिल्‍ल़े खिनिॽ लाङ्‌ग़ेदाःक्‍तिॽ, ख़ेल्‍ल़े इङ्‌गाॽआङ् लाङ्‌दाःक्‍कारो, ह़ेक्‍क्‍याङ् आत्तिल्‍ल़े इङ्‌गाॽ लाङ्‌दाःक्‍का, ख़ेल्‍ल़े इङ्‌गाॽ याप्‍मि क़ेबाङ्‌ब़ेन्‍नाङ् लाङ्‌दाःक्‍तुॽरो॥
23597	MAT 12:39	य़ेसुऱे ख़ेङ्‌हाॽ नोगप् पिरुसि, “कन्‌य़ेम्‍मोबा कुॽइग़ेभ़ेॽबा नु लायोबा मनाहाॽऱे निङ्‌वाॽ क़ेमाबा मिक्‍सेःन्‍हाॽ ओम़ेप्‍मा म़ेगोःत्तुॽ, कर ख़ेङ्‌हाॽऱेग माङ्‌निङ्‌वाॽपाःन् क़ेबाःप्‍पा योनाऱे कुमिक्‍सेःन्‍नाङ्‌धो वेॽ मिक्‍सेःन् थेआङ् ओम़ेप्‍मा म़ेङ्‌घोःसुन्‍लो॥
23692	MAT 14:26	ख़ेङ्‌हाॽऱे खुऩेॽ च्‍वाःत् सम्‍दाङ् लाङ्‌घेग़ेर पत्‍छ़ेबा म़ेनिःसुआङ्‌“कङ्‌ग सिसाम्‍लो!” लॽरिक्‌साॽरिक् म़ेगिस़ेआङ्‌म़ेभिःक्‍त़ेरो॥
23712	MAT 15:10	य़ेसुऱे मनाहाॽ उःत्तुसिआङ् म़ेत्तुसि, “आबाःन्‍निन् ख़ेप्‍स़ेम्‍म़ेॽआङ् कुसिङ्‌निःत्त़ेम्‍म़ेॽओ॥
23734	MAT 15:32	य़ेसुऱे कुहुॽसाम्‍बाहाॽ उःत्तुसिआङ् म़ेत्तुसि, “इङ्‌गाॽ कन् मनाहाॽ आलुङ्‌माॽ म़ेदुक्‍लो, थेआङ्‌भ़ेल्‍ल़े ख़ेङ्‌हाॽग सुम्‌य़ेन्‍नाङ्‌धो इङ्‌गाॽनुए म़ेवाॽ, ह़ेक्‍क्‍याङ् ख़ेङ्‌हाॽऱे चामा थुङ्‌मा थेआङ् म़ेङ्‌गत्तुन्‍लो॥ ख़ेङ्‌हाॽ बा ह़ेक्‍के साक्‍म़ेन्‍जा पाङ्‌मासि आनिङ्‌वाॽ होःप्‍लो, म़ेःन्‍ऩे फाॽग्र म़ेबेःक्‍ल म़ेबत्तिल्‍ल़ेसा साक्‍लाम्‍बत्तुसिरो॥”
23795	MAT 17:26	पत्रुसऱे नोगप् पिरु, “वेॽ लाजेॽबा मनालाम् म़ेभोःक्‍खुरो॥” य़ेसुऱे म़ेत्तु, “ह़ेक्‍केऩे फाॽग्र खुनिॽ आबाङे मनाहाॽऱे हुङ्‌मा म़ेबोःङ्‌ऩेल्‍लो॥
23801	MAT 18:5	ह़ेक्‍क्‍याङ् आत्तिल्‍ल़े आमिङ्‌ङो अक्‍तङ्‌बा चुक्‍सा हिन्‍जाॽइन् लाङ्‌दाःक्‍तुॽ, ख़ेल्‍ल़े इङ्‌गाॽ लाङ्‌दाःक्‍कारो॥
23912	MAT 21:17	ह़ेक्‍क्‍याङ् य़ेसुऱे ख़ेङ्‌हाॽ ल़ेरुधसिआङ् य़ेक्‌यक्‍लाम् ब़ेथानि पाङ्‌जुम्‍मो पेआङ् याङ्‌धोःक्‍त़ेरो॥
24031	MAT 24:5	थेआङ्‌भ़ेल्‍ल़े यरिक् मनाहाॽ निङ्‌वाॽफुमाङ्‌ङिल्‍ल़े सेःन्‍दुबा ख्रिस्‍त़ेन्‌इङ्‌गाॽएरो लॽरिक् म़ेबाःत्तुर इङ्‌गाॽ आमिङ्‌ङो म़ेदारो, ह़ेक्‍क्‍याङ् यरिक् मनाहाॽ इङ्‌म़ेल़ेक्‍तुसिॽरो॥
24037	MAT 24:11	ह़ेक्‍केलॽरिक् इङ्‌ल़ेक्‍पा माङ्‌निङ्‌वाॽपाःन् क़ेबाःप्‍पाहाॽ म़ेलःन् म़ेदाआङ् यरिक् मनाहाॽ इङ्‌म़ेल़ेक्‍तुसिॽरो॥
24047	MAT 24:21	थेआङ्‌भ़ेल्‍ल़े ख़ेन् य़ेम्‍मो अक्‍तङ्‌बा किप्‍मा क़ेघुःबा तुक्‍खेःन् ताःरो॥ अक्‍तङ्‌बा तुक्‍खेःङ्‌ग इक्‍सादिङ् खाम्‍बेःक्‍मान् नावाग़ेन् चइःत् ऩेस्‍स़ेआङ्धो आल्‍लो थारिक् म़ेम्‍बोःङ्‌ङे वाॽ, ह़ेक्‍क्‍याङ् ताःन्‍दि याम्‍मो आप्‍फाल्‍ल़ेआङ् म़ेबोःङ्‌ऩेल्‍लो॥
24050	MAT 24:24	थेआङ्‌भ़ेल्‍ल़े इङ्‌ल़ेक्‍पा ख्रिस्‍तहाॽ नु इङ्‌ल़ेक्‍पा माङ्‌निङ्‌वाॽपाःन् क़ेबाःप्‍पाहाॽ म़ेलःन् म़ेदाआङ् पयम् यम्‍बा मिक्‍सेःन् नु निङ्‌वाॽ क़ेमाबा पाःन्‍हाॽ म़ेजोगुआङ् निङ्‌वाॽफुमाङ्‌ङिल्‍ल़े सेगुसिबा मनाहाॽआङ् खुनिॽ सुक्‍सुक् इङ्‌म़ेल़ेक्‍तुसिॽरो॥
24059	MAT 24:33	ह़ेक्‍केलॽरिक्‍के इङ्‌गाॽ पाःत्तुङ्‌बा कन् क़ेऱेक् पाःन्‍हाॽ क़ेत्‍ल पेःक्‍पा क़ेनिःसुम्‍मिल्‍ल़े म़ेन्‍छाम्‍साःल्‍ल़े कुयुःमान् निःत्ताङ्‌ङे वाॽ फाॽआङ् कुसिङ्‌क़ेनिःत्तुम्‍लो॥
24065	MAT 24:39	ह़ेक्‍क्‍याङ् वादोःक्‍मा थाङ़ेआङ् निःम्‍मा सिःमानुःल्‍ल़े तगि थे पोःङ् क़ेलॽबान् ख़ेङ्‌हाॽऱे थेआङ् निङ्‌वाॽ म़ेङ्‌गत्तुन्‍लो॥ बा ह़ेक्‍केलॽरिक्‍के म़ेन्‍छाम्‍साःल्‍ल़े कुयुःमान्‍नाङ् पोःङ्‌लो॥
24067	MAT 24:41	ह़ेक्‍क्‍याङ् ऩेप्‍फु म़ेन्‍छुमाहाॽ लुङ्‌सुम्‍मो याॽ युःत्‍नु युङ्‌सिल्‍ल़े थिक्‍किन् तेॽ, वेॽस्‍मान् युङ्‌लाःत्‍लो॥
24146	MAT 26:23	य़ेसुऱे ख़ेङ्‌हाॽ नोगप् पिरुसि, “आल्‍लो इङ्‌गाॽनु सोरिक् क़ेजाबार क़ेयुङ्‌बाधिक्‍किल्‍ल़े इङ्‌गाॽ इङ्‌ल़ेक्‍कारो॥
24377	MRK 3:20	ह़ेक्‍क्‍याङ् य़ेसुःन् हिम्‍मो लाःस़ेआङ् ख़ेप्‍मो यरिक् मनाहाॽ म़ेजुप्‍स़ेबाल्‍ल़े चोगुल्‍ल़े खुऩेॽ नु कुहुॽसाम्‍बाहाॽऱे चाजामा य़ेम्‍मिन्‍ने म़ेङ्‌घोःसुन्‍लो॥
24571	MRK 8:2	“कन् मनाहाॽ इङ्‌गाॽ आलुङ्‌माॽ म़ेदुक्‍लो, थेआङ्‌भ़ेल्‍ल़े ख़ेङ्‌हाॽग सुम्‌य़ेन्‍नाङ्‌धो इङ्‌गाॽनुए म़ेवाॽ, ह़ेक्‍क्‍याङ् ख़ेङ्‌हाॽऱे चामा थुङ्‌मा थेआङ् म़ेङ्‌गत्तुन्‍लो॥
24644	MRK 9:37	“आत्तिल्‍ल़े आमिङ्‌ङो अक्‍तङ्‌बा चुक्‍सा हिन्‍जाॽइन् लाङ्‌दाःक्‍तुॽ, ख़ेल्‍ल़े इङ्‌गाॽ लाङ्‌दाःक्‍कारो॥ इङ्‌गाॽ याप्‍मि लाङ्‌ग़ेदाःक्‍पाल्‍ल़े इङ्‌गाॽ याप्‍मि क़ेबाङ्‌बा निङ्‌वाॽफुमाङ्‌ङिन्‍नाङ् लाङ्‌दाःक्‍तुॽ॥”
24655	MRK 9:48	ख़ेमायङ्‌सङ्‌ङोग फेॽबाःत् नु मिःन्‌म़ेसिःऩेन्‍लो॥
24792	MRK 13:6	यरिक् मनाहाॽ निङ्‌वाॽफुमाङ्‌ङिल्‍ल़े सेःन्‍दुबा ख्रिस्‍त़ेन्‌इङ्‌गाॽएरो लॽरिक् म़ेबाःत्तुर आमिङ्‌ङो म़ेदारो, ह़ेक्‍क्‍याङ् यरिक् मनाहाॽ इङ्‌म़ेल़ेक्‍तुसिॽरो॥
24797	MRK 13:11	ह़ेक्‍क्‍याङ् खिनिॽ क़ेम्‍द़ेम्‍सिॽआङ् खास़ेन्‍द़ेन्‍नो खास़ेन् लोःन्‍छ़े क़ेम्‍देॽरिल्‍ल़े स़ेःप्‍सिङ्‌माऱे लागि थ़ेमा पाःप्‍माबे फाॽआङ् तगिसा निङ्‌साम्‍मो म़ेध्‍य़ेम्‍मिन्‍ऩेॽओ॥ ख़ेन् य़ेम्‍मो पाःप्‍मा क़ेबोःङ्‌बा पाःन् सेसेमाङ्‌ङिल्‍ल़े क़ेबिरिॽरो, थेआङ्‌भ़ेल्‍ल़े क़ेबाःप्‍प़ेङ्‌ग खिनिॽ म़ेःन्‍लो, कर सेसेमाङ्‌ङिन्‍नेरो॥
24805	MRK 13:19	थेआङ्‌भ़ेल्‍ल़े निङ्‌वाॽफुमाङ्‌ङिल्‍ल़े इक्‍सादिङ् खाम्‍बेःक्‍मान् नावाग़ेन् चइःत् ऩेस्‍सुआङ्‌धो अक्‍तङ्‌बा किप्‍मा क़ेघुःबा तुक्‍खेःङ्‌ग आप्‍फाल्‍ल़ेआङ् म़ेम्‍बोःङ्‌ङे वाॽ, ह़ेक्‍क्‍याङ् याम्‍मो आप्‍फाल्‍ल़ेआङ् म़ेबोःङ्‌ऩेल्‍लो॥
24808	MRK 13:22	थेआङ्‌भ़ेल्‍ल़े इङ्‌ल़ेक्‍पा ख्रिस्‍तहाॽ नु इङ्‌ल़ेक्‍पा माङ्‌निङ्‌वाॽपाःन् क़ेबाःप्‍पाहाॽ म़ेलःन् म़ेदाआङ् मिक्‍सेःन् नु निङ्‌वाॽ क़ेमाबा पाःन्‍हाॽ म़ेजोगुआङ् निङ्‌वाॽफुमाङ्‌ङिल्‍ल़े सेगुसिबा मनाहाॽआङ् खुनिॽ सुक्‍सुक् इङ्‌म़ेल़ेक्‍तुसिॽरो॥
24815	MRK 13:29	ह़ेक्‍केलॽरिक्‍के इङ्‌गाॽ पाःत्तुङ्‌बा कन् काक् पाःन्‍हाॽ क़ेत्‍ल पेःक्‍पा क़ेनिःसुम्‍मिल्‍ल़े म़ेन्‍छाम्‍साःल्‍ल़े कुयुःमान् निःत्ताङ्‌ङे वाॽ फाॽआङ् कुसिङ्‌क़ेनिःत्तुम्‍लो॥
24834	MRK 14:11	ख़ेङ्‌हाॽऱे कन् पाःन्‍निन् म़ेघ़ेप्‍सुआङ् साॽरिक् म़ेसःत्त़ेर यहुदाःन् याङ् पिआसिग़े फाॽआङ् माङ्‌म़ेह़ेक्‍तु॥ ख़ेन् य़ेम्‍माङ्धो यहुदाःल्‍ल़े य़ेसुःन् इङ्‌ल़ेक्‍मा फाॽआङ् सुय़ेम् कोःप्‍मा हेःक्‍तुरो॥
24843	MRK 14:20	य़ेसुऱे ख़ेङ्‌हाॽ नोगप् पिरुसि, “खिनिॽ थिक्-ऩेत्तो आल्‍लो इङ्‌गाॽनु सोरिक् क़ेजाबार क़ेयुङ्‌बाधिक्‍किल्‍ल़े इङ्‌गाॽ इङ्‌ल़ेक्‍कारो॥
24863	MRK 14:40	खुऩेॽ नुःक्‍ख़े फ़ेऱेल्‍ल़े याम्‍मो कुहुॽसाम्‍बाहाॽ म़ेइप्‍स़ेआङ् म़ेऩेस्‍स़ेबा तुमुसि, थेआङ्‌भ़ेल्‍ल़े ख़ेङ्‌हाॽ मिक्‌युःमाल्‍ल़े साॽरिक् तरुसिआङ् म़ेवय़े॥ ह़ेक्‍क्‍याङ् ख़ेङ्‌हाॽऱे आक्‍खे पाःप्‍माबे फाॽआङ् थेआङ् निङ्‌वाॽ म़ेङ्‌गत्तुन्‍लो॥
24878	MRK 14:55	आल्‍ल तुम्निङ्‌वाॽफुसाम्‍बाहाॽ नु यहुदि य़ेजुम्‍भोऱेन् काक् पासिङ्‌पादाङ्‌लाहाॽऱे य़ेसुःन् सिःम़ेल्‍ल़ेन् खुम्‍दिङ् पिमा फाॽआङ् खुऩेॽ कुदक्‍ल़ेङ्‌वाओ फोत्‍याबा आप्‍तिक्‍हाॽ म़ेगोःत्तु, कर थेआङ् म़ेङ्‌घोःसुन्‍लो॥
25236	LUK 6:21	आल्‍ल साक्‍किल्‍ल़े तरुसिबासे, खिनिॽ मुॽइसाबानिङ्‌लो, थेआङ्‌भ़ेल्‍ल़े ताःन्‍दि खिनिॽ क़ेघासिआङ् खिनिॽ निङ्‌सम्‍लो॥ आल्‍लो मेरिङ् थक्‍नु क़ेहाःप्‍पासे, खिनिॽ मुॽइसाबानिङ्‌लो, थेआङ्‌भ़ेल्‍ल़े खिनिॽ क़ेएरिॽरो॥
25365	LUK 8:51	ह़ेक्‍क्‍याङ् य़ेसुःन् याइरसऱे कुहिम्‍मो क़ेऱेआङ् पत्रुस, याकुब नु युहुन्‍नाःन् ह़ेक्‍क्‍याङ् ख़ेन् चुक्‍माल्‍ल़े कुम्‍बा कुम्‍मासिनुःल्‍ल़े वेॽ आत्तिन्‍नाङ् ख़ेन् चुक्‍म़ेन् ऩेस्‍स़ेबा त़ेन्‍नो पेःक्‍मा म़ेबाङ्‌घुन्‍सिन्॥
25418	LUK 9:48	ह़ेक्‍क्‍याङ् कुहुॽसाम्‍बाहाॽ म़ेत्तुसि, “आत्तिल्‍ल़े आमिङ्‌ङो अक्‍तङ्‌बा चुक्‍सा हिन्‍जाॽइन् लाङ्‌दाःक्‍तुॽ, ख़ेल्‍ल़े इङ्‌गाॽ लाङ्‌दाःक्‍कारो॥ इङ्‌गाॽ याप्‍मि लाङ्‌ग़ेदाःक्‍पाल्‍ल़े इङ्‌गाॽ याप्‍मि क़ेबाङ्‌बा निङ्‌वाॽफुमाङ्‌ङिन्‍नाङ् लाङ्‌दाःक्‍तुॽ॥ आत्तिन् खिनिॽओ क़ेऱेक्‍नुःल्‍ल़े चुक्‍सा चोःक्, ख़ेन्‍ने क़ेऱेक्‍नुःल्‍ल़े यम्‍बारो॥”
25503	LUK 11:29	मनाहाॽ ख़ेप्‍मो यरिक् म़ेबोःऱेर म़ेबेःल्‍ल़े य़ेसुऱे याम्‍मो म़ेत्तुसि, “कन्‌य़ेम्‍मोबा मनाहाॽ कुॽइग़ेभ़ेॽबासिरो॥ कङ्‌हाॽऱे निङ्‌वाॽ क़ेमाबा मिक्‍सेःन् म़ेगोःत्तुॽ, कर माङ्‌निङ्‌वाॽपाःन् क़ेबाःप्‍पा योनाऱे कुमिक्‍सेःन्‍नाङ्‌धो वेॽ मिक्‍सेःन् म़ेङ्‌घोःसुन्‍लो॥
25594	LUK 13:7	ख़ेल्‍ल़े इक्‍क़ेगोःबान् उःत्तुआङ् म़ेत्तु, ‘इङ्‌गाॽ तङ्‌बे सुम्‍सिआङ्धो कन् पःत्‍छेॽबुङ्‌मो कुजाॽइन् ओम़ेत्तुङ्‌ल वाॽआ, ह़ेक्‍केसाङ् इङ्‌गाॽ म़ेङ्‌घोःबान्‍लो॥ आल्‍ल कन् ताङ़ेॽआङ् स़ेऱेॽ॥ थेआङ् खाम्‍मिन् आम्‍भा चासोःक्‍खुबाबे॥’
25699	LUK 16:10	ह़ेक्‍क्‍याङ् आत्तिन् मनाःन् चुक्‍सा पाःन्‍नो लक्‍प़ेन्‍साबा चोःक्, ख़ेल्‍ल़े यम्‍बा पाःन्‍नो लक्‍प़ेन्‌खोःसुॽरो॥ ह़ेक्‍क्‍याङ् आत्तिन् मनाःन् चुक्‍सा पाःन्‍नो नसाःन्‍साबा म़ेजोःक्‍ऩेन्, ख़ेन् यम्‍बा पाःन्‍नोआङ् नसाःन्‍साबा म़ेबोःङ्‌ऩेल्‍लो॥
25755	LUK 17:35	ह़ेक्‍क्‍याङ् ऩेप्‍फु म़ेन्‍छुमाहाॽ लुङ्‌सुम्‍मो याॽयुःत्‍नु युङ्‌सिल्‍ल़े थिक्‍किन् तेॽ, वेॽस्‍मान् युङ्‌लाःत्‍लो॥
25907	LUK 21:12	कन् पोःङ्‌मानुःल्‍ल़े तगिग खिनिॽ हुक् क़ेम्‌याक्‍तिआङ् निङ्‌घुम् क़ेम्‍म़ेत्तिॽरो॥ ह़ेक्‍क्‍याङ् यहुदि चुम्‍लुङ्‌हिम्‍मो खास़ेन् क़ेम्‍लोःन्‍दिआङ् पुङ्‌लाहिम्‍मो क़ेम्‍ध़ेक्‍तिॽरो॥ आमिङ्‌ङिल्‍ल़े चोगुल्‍ल़े हाङ्‌हाॽ नु सुहाङ्‌ग़ेम्‍बाहाॽऱे खुनिॽ तगि क़ेम्‌य़ेप्‍सिॽरो॥
25925	LUK 21:30	आल्‍ल कुसङ् कुभ़ेक्‌वा लःन्‍निल्‍ल़े हाङ्‌वाःम्‍मा य़ेम्‍मिन् निःत्ताङ् तार पत् फाॽआङ् खिनिॽ कुसिङ्‌क़ेनिःत्तुम्‍लो॥
25926	LUK 21:31	ह़ेक्‍केलॽरिक्‍के इङ्‌गाॽ पाःत्तुङ्‌बा कन् काक् पाःन्‍हाॽ क़ेत्‍ल पेःक्‍पा क़ेनिःसुम्‍मिल्‍ल़े निङ्‌वाॽफुहाङ्‌जुम्‍मिन् निःत्ताङ् वाॽ फाॽआङ् कुसिङ्‌क़ेनिःत्तुम्‍लो॥
25953	LUK 22:20	बा ह़ेक्‍केलॽरिक्‍के म़ेज म़ेसुरुआङ् चल्‍लङ्‌ना खोर्याःन् य़ेसुऱे पक्‍खुर अक्‍खे म़ेत्तुसि, “कन् खिनिॽ लागि आमाक्‍खिॽइन्‌वदेःन्‍द़ेआङ्‌निःन्‍धो पोःक्‍ख़ेबा कुसङ् माङ्‌हुप्‍पिन्लो॥
25959	LUK 22:26	कर खिनिॽओग अक्‍खे म़ेबोःङ्‌ऩेल्‍लो॥ खिनिॽओग आत्तिन् यम्‍बा चोःक्, ख़ेन् चुक्‍सा पोःङ्‌मा पोःङ् ह़ेक्‍क्‍याङ् लाम्‍लोःबान् सेवारोब़ेन् ह़ेक्‍के पोःङ्‌मा पोःङ्‌लो॥
26018	LUK 23:14	ख़ेङ्‌हाॽ म़ेत्तुसि, “खिनिॽ कन् हाङ्‌बिफ्‍युङ् क़ेजोःक्‍पा फाॽआङ् फोत्‍या क़ेगुःत्तुम्‍माङ् क़ेदारुम्‍बा मनाःन् खिनिॽ तगिए इङ्‌गाॽ यरिक् पाःन् सेःन्‍दोसुङ्, कर इङ्‌गाॽ थेआङ् याःम्‍बक् फेःन्‍दुबा म़ेङ्‌घोःबान्‍लो॥
26063	LUK 24:3	कर ख़ेङ्‌हाॽ सिगाङ् म़ेलाःस्‍स़ेल्‍ल़े दाङ्‌बा य़ेसुऱे कुधक्‍किन् म़ेङ्‌घोःसुन्‍लो॥
26065	LUK 24:5	ख़ेङ्‌हाॽ खुनिॽ यङ्‌मा क़ेऱेआङ् खाम्‍मो साम्‍बोःन् हबत्‌म़ेबोःक्‍ख़ेल्‍ल़े ख़ेङ्‌हाॽऱे ख़ेन् म़ेन्‍छुमाहाॽ थेआङ् खिनिॽ कुहिङ्‌व़ेत् मनाःन् कुसिव़ेत् मनालुम्‍मो क़ेगोःत्तुम्‍बाबे फाॽआङ्‌सेःन्‍म़ेदोसुसि॥
26310	JHN 5:31	“इङ्‌गाॽ आयाःम्‍बेओ आबाङे तोःन्‍दि पिरुङ्‌ऩे फाॽग्र इङ्‌गाॽ आदोःन्‍दिन्‌स़ेक्‍खा म़ेबोःङ्‌ऩेल्‍लो॥
26363	JHN 6:37	पानुदिङ् पाःल्‍ल़े पिआबाहाॽ क़ेऱेक् इङ्‌गाॽओ म़ेदाःॽ, ह़ेक्‍क्‍याङ् आत्तिन् इङ्‌गाॽओ ताः ख़ेन् आप्‍फाल्‍ल़ेआङ् म़ेल़ेरुङ्‌ङिन्‍लो॥
26389	JHN 6:63	सेसेमाङ्‌ङिल्‍ल़े म़ेन्‍नुप्‍मनाबा हिङ्‌मन्‍निन् आबिॽरो, कर म़ेन्‍छाम् थुम्‍मिल्‍ल़े थेआङ् चोःक्‍मा म़ेसुक्‍तुन्‍लो॥ इङ्‌गाॽ म़ेत्‍निङ्‌बा पाःन्‍जाक्‍हाॽ याम्‍साम् नु हिङ्‌मन्‍लो॥
26465	JHN 8:15	खिनिॽग म़ेन्‍छाम् थिम् कुइसिःक्‍के खास़ेन् क़ेलोःन्‍दिॽरो, कर इङ्‌गाॽग आत्तिल्‍ल़ेन्‍नाङ् खास़ेन् म़ेजोगुङ्‌ङिन्‍लो॥
26559	JHN 10:9	इङ्‌गाॽए लाम्‍धेःप्‍पाआरो, इङ्‌गाॽलाम् सिगाङ् क़ेलाःप्‍पाहाॽ ताङ्‌म़ेस़ेःप्‍लो॥ ख़ेन् सिगाङ् लाःप्‍मा नु लाःक्‍कात् पेःक्‍मा सुक्‍लो ह़ेक्‍क्‍याङ् ख़ेल्‍ल़े चाराम्‍द़ेन् खोःसुॽरो॥
26684	JHN 12:35	य़ेसुऱे ख़ेङ्‌हाॽ नोगप् पिरुसि, “सप्‍फाऱे लागिरक् ओःत्तिःन् खिनिॽनु वाॽरो॥ खादाम्‍मान् तार पत्, ह़ेक्‍केःल्‍ल़े ओःत्तिःन् खिनिॽनु वाॽरए लाङ्‌घेग़ेम्‍म़ेॽओ॥ खादाम्‍मो लाङ्‌ग़ेघेःक्‍पा मनाःल्‍ल़े आत्तो पेःक्‍ल पत् क़ेलॽबान् थेआङ् निङ्‌वाॽ म़ेघोःसुन्‍लो॥
26695	JHN 12:46	इङ्‌गाॽग इक्‍सादिङ् खाम्‍बेःक्‍मो ओःत्ति ह़ेक्‍के त्‍याङ्‌ङाङ् वाॽआरो, ह़ेक्‍केःल्‍ल़े इङ्‌गाॽ नसाःन् क़ेजोःक्‍पाहाॽ आत्तिन्‍नाङ् खादाम्‍मो वाॽमा म़ेबोःङ्‌ऩेल्‍लो॥
26764	JHN 14:27	इङ्‌गाॽ सनारुङ्‌ङिन् खिनिॽनु पक्‍थाङ्‌लो, आसनारुङ्‌ङिन् खिनिॽ पिनिङ्‌लो॥ कङ्‌ग इक्‍सादिङ् खाम्‍बेःक्‍माल्‍ल़े क़ेबिरिबा ह़ेक्‍केग म़ेबिनिङ्‌ङिन्‍लो॥ खिनिॽ निङ्‌साम्‍मो म़ेध्‍य़ेम्‍मिन्‍ऩेॽ ह़ेक्‍क्‍याङ् म़ेगिस़ेम्‍मिन्‍ऩेॽओ॥
26790	JHN 15:22	इङ्‌गाॽ त्‍याङ्‌ङाङ् ख़ेङ्‌हाॽ लायोऱे कुयाःम्‍बेओ म़ेम्‍म़ेत्‍छिङ्‌बान्‍निल्‍ल़ेग लायोऱेन् आप्‍तिक् म़ेङ्‌घोःसुम्‍बारो॥ कर आल्‍लग ख़ेङ्‌हाॽऱे लायो म़ेन्‍जोःक्‍मनाबा लाम्‍सिङ्‌मा म़ेङ्‌घोःसुन्‍लो॥
26825	JHN 16:30	आल्‍लो ख़ेऩेॽ काक् पाःन्‍हाॽ क़ेनिःसु फाॽआङ् आनिग़े कुसिङ्‌निःत्तुम्‍बारो॥ आत्तिल्‍ल़ेआङ् थेआङ् सेःन्‍दोःमा म़ेबोःङ्‌ऩेन्, थेआङ्‌भ़ेल्‍ल़े सेःन्‍दोःमानुःल्‍ल़े तगि ख़ेऩेॽ क़ेनिःसुॽरो॥ बा कन् पाःन्‍नो ख़ेऩेॽ निङ्‌वाॽफुमाङ्‌लाम् क़ेद्‌य़ेबा फाॽआङ् आनिग़े नसाःन् चोगुम्‍बारो॥”
26831	JHN 17:3	ख़ेङ्‌हाॽऱे स़ेक्‍खाग़ेन् निङ्‌वाॽफुमाङ्‌ङिन् ख़ेऩेॽरक् फाॽआङ् कुसिङ् म़ेनिःत्तुर ह़ेक्‍क्‍याङ् ख़ेऩेॽ क़ेबाङ्‌घुबा य़ेसु ख्रिस्‍त़ेन्‌कुसिङ् म़ेनिःत्तुर बा ख़ेन्‍ने म़ेन्‍नुप्‍मनाबा हिङ्‌मन्‍लो॥
26838	JHN 17:10	इङ्‌गाॽ कत्तुङ्‌सिङ्‌बा काक् मनाहाॽग ख़ेऩेॽइन्‍छिरो ह़ेक्‍क्‍याङ् ख़ेऩेॽ क़ेगत्तुसिबा मनाहाॽग इङ्‌गाॽइन्‍छिरो॥ ख़ेङ्‌हाॽओ आमिमिदिङ् पोःक्‍ख़ेआङ् वाॽरो॥
26843	JHN 17:15	ख़ेङ्‌हाॽ इक्‍सादिङ् खाम्‍बेःक्‍मोलाम् तेॽऱेस़ेॽ फाॽआङ् पेलिग़ेन् तुवा म़ेजोःक्‍कान्, कर कुॽइग़ेभ़ेॽबा माफ़ेन्‍साम्‍मोलाम् ख़ेङ्‌हाॽ ताङ्‌स़ेःप्‍त़ेस़ेॽओ॥
26892	JHN 18:38	पिलातसऱे सेःन्‍दोसु, “स़ेक्‍खाःङ्‌ग थ़ेमाःन्बे?” ख़ेल्‍ल़े ह़ेक्‍के पाःत्तुर लाःक्‍कात् लःन्‍द़ेआङ् यहुदिहाॽ अक्‍खे म़ेत्तुसि, “कन् मनाःल्‍ल़े कुदक्‍ल़ेङ्‌वाओ थेआङ् आप्‍तिक् म़ेङ्‌घोःबान्‍लो॥
26905	JHN 19:11	य़ेसुऱे नोगप् पिरु, “निङ्‌वाॽफुमाङ्‌ङिल्‍ल़े ख़ेऩेॽ क़ेम्‍बिऱेन्‍निल्‍ल़ेग इङ्‌गाॽ सम्‍दाङ् युक् क़ेङ्‌गत्तुन्‍बारो॥ कर इङ्‌गाॽ ख़ेऩेॽओ याप्‍मि हुक् क़ेसुप्‍पाल्‍ल़े कन्‍नुःल्‍ल़ेआङ् यम्‍बा लायोऱेन् आप्‍तिक् खोःसुॽरो॥”
27196	ACT 7:11	ह़ेक्‍क्‍याङ् मिस्र लाजेॽ नु कनान लाजेॽओ साॽरिक् यम्‍बा साक् थ्‍य़ेआङ् यम्‍बा तुक्‍खेवा नु मिन्‍देॽ पोग़े, ह़ेक्‍केःल्‍ल़े आनिॽ सुध़ेबा ताक्‍थ़ेबाहाॽऱे चामा थ़ेमाआङ् म़ेङ्‌गत्तुन्‍लो॥
27234	ACT 7:49	‘दाङ्‌बाल्‍ल़े पाःत्तु, साङ्‌ग्राम्‍पेदाङ्‌ङिन् इङ्‌गाॽ आहाङ्‌युक्‍नारो॥ ख़ेप्‍मोलाम्‍मे काक् सम्‍दाङ् हाङ् चोःक्‍कारो, ह़ेक्‍क्‍याङ् इक्‍सादिङ् खाम्‍बेःक्‍मान् इङ्‌गाॽ आलाङ् तोॽभेःत्‍लो॥ ह़ेक्‍केःल्‍ल़े आक्‍तङ्‌बा क़ेघ़ेम्‍बा आवाॽमा हिम् क़ेजोगुम्‍बाबे?
27451	ACT 13:20	तङ्‌बे कुगिप् लिसिआङ् कुभ्ऱेःङ् (४५०) थारिक् ख़ेङ्‌हाॽऱे ख़ेन् लाजेॽइन्‌म़ेयुक्‍तुरो॥ ह़ेक्‍क्‍याङ् माङ्‌निङ्‌वाॽपाःन् क़ेबाःप्‍पा सामुए़ल थारिक् खास़ेन्‌युक्‍पाहाॽ पिरुसिरो॥
27474	ACT 13:43	ह़ेक्‍क्‍याङ् मनाहाॽऱे यहुदि चुम्‍लुङ्‌हिम्‍मिन् म़ेल़ेरुआङ् यरिक् यहुदिहाॽ नु यहुदि साम्‌योओ क़ेदाःबाहाॽऱे पावल नु बरनाबास़ेन्‌म़ेदिम्‍दुसिरो॥ ह़ेक्‍क्‍याङ् सेःक्‌युक्‍मिबाहाॽऱे ख़ेङ्‌हाॽ निङ्‌वाॽफु लुङ्‌गुम्‍मो चक्‍म़ेल्‍लॽए नसाःन् चोग़ेम्‍म़ेॽ फाॽआङ् पेलि फाक्‍त़ेछुरो॥
27616	ACT 17:24	निङ्‌वाॽफुमाङ्‌ङिङ्‌ग साङ्‌ग्राम्‍पेदाङ् नु इक्‍सादिङ् खाम्‍बेःक्‍माल्‍ल़े कुन्‍दाङ्‌बारो॥ खुऩेॽए इक्‍सादिङ् खाम्‍बेःक्‍मान् नु ख़ेप्‍मो क़ेवाॽबा क़ेऱेक् चोगुसिबाल्‍ल़े खुऩेॽ म़ेन्‍छाम् याप्‍मिहाॽऱे म़ेजोगुबा माङ्‌हिम्‍मो म़ेयुङ्‌ङिन्‍लो॥
27641	ACT 18:15	कर कन् पाःन्‍निन् खिनिॽ साम्‌योथिम्‍मोबा मिङ्‌हाॽ, सुत्‍लाहाॽ नु थिम्‍मिल्‍ल़ेन्‍लक् वाॽबाल्‍ल़े चोगुल्‍ल़े कङ्‌ग खिनिॽ आबाङे तङ्‌घ़ेम्‍म़ेॽओ॥ इङ्‌गाॽग कन् पाःन्‍हाॽ खास़ेन् म़ेलोःन्‍नान्‍लो॥”
27718	ACT 20:24	कर आहिङ्‌मन्‍नो दाङ्‌बा य़ेसुऱे पिराङ्‌बा याःम्‍बक्‍किन् चोःक्‍मा सुःप्‍मा ह़ेक्‍क्‍याङ् निङ्‌वाॽफुमाङ्‌ङिल्‍ल़े कुलुङ्‌गुम्‍मिल्‍ल़े कुयाःम्‍बेओ सुनाइङ्‌घङ् इङ्‌भोःमाआङ्‌धो वेॽ थेआङ् म़ेइःत्तुङ्‌ङिन्‍लो॥
27737	ACT 21:5	कर ख़ेन् य़ेत्‍नाम् एगाङ् ख़ेङ्‌हाॽनु स़ेःम्‍नाआङ् थासिङ्‌म्‍ना॥ क़ेऱेक् नसानिबा फुॽनुसाॽ नु खुनिॽ मेःत् साःहाॽ आनिग़े साःस़े य़ेक्‌यक् लाःक्‍कात् थारिक् म़ेभ़ेऱेआङ् आनिग़े सोरिक् वाहङ्‌ङिल्‍ल़े कुयाओ थुङ्‌बोहजॽ युङ्‌मनार तुवा चोःक्‍मनारो॥
27875	ACT 25:11	सिःम़ेल्‍ल़ेन् खुम्‍दिङ् खोःमा थिम् फेःन्‍दुङ्‌ङाङ् वाॽआऩे फाॽग्र इङ्‌गाॽ सिःमा पोःङ्‌साङ् म़ेअत्तुङ्‌ङिन्‍लो॥ कर इङ्‌गाॽ म़ेगुःत्ताङ्‌बा आप्‍तिक् पाःन्‍नो स़ेक्‍खा पाःन् होःप्‍पाल्‍ल़े चोगुल्‍ल़े आत्तिल्‍ल़ेआङ् इङ्‌गाॽ खुनिॽओ हुक्‍सुप्‍मा म़ेन्‍छुक्‍कान्‍लो॥ इङ्‌गाॽ रोमओ हाङ्‌युक्‍पा सिजरऱेल्‍लो आदुःन्‍देल्‍ल़ेन् खास़ेन् पोःङ्‌ल फाॽआङ् य़ेक्‍पेलि चोःक्‍कारो!”
27908	ACT 26:17	इङ्‌गाॽ ख़ेऩेॽ क़ेमनाहाॽ नु थिम्‍म़ेन्‍दङ् सुवाङ्‌हाॽ ऩेप्‍जाङ्‌लाम् ताङ्‌स़ेःप्‍ऩेॽरो॥ ह़ेक्‍क्‍याङ् खुनिॽ मिक्‍हाॽ हन्‍छ़े, माक्‍चिग़ेन् खादाम्‍मोलाम् स़ेन्‍दाङ्‌ग़ेन् ओःत्तिओ ताःत्‍छ़े ह़ेक्‍क्‍याङ् माफ़ेन्‍साम्‍मिल्‍ल़े कुयुक्‍कोलाम् निङ्‌वाॽफुमाङ्‌ङिल्‍ल़े कुयुक्‍को ताःत्‍छ़े ख़ेङ्‌हाॽरो पाङ्‌ऩेॽरो॥ ह़ेक्‍केलॽरिक् ख़ेङ्‌हाॽऱे इङ्‌गाॽ नसाःन् म़ेजोगाङ्‌बाल्‍ल़े चोगुल्‍ल़े खुनिॽ लायोलाम् ल़ेप्‍मि म़ेघोःसुॽ, ह़ेक्‍क्‍याङ् निङ्‌वाॽफुमाङ्‌ङिल्‍ल़े आबाङे सेसे चोगुसिबा कुमनाहाॽनु खुनिॽ युङ्‌द़ेन् म़ेघोःसुॽरो॥’
27969	ACT 28:2	ख़ेप्‍मो क़ेयुङ्‌बा पाङ्‌तिबा यक्‌युङ्‌बाहाॽऱे आनिग़े साॽरिक् लुङ्‌माॽ म़ेदुक्‍तिग़ेआङ् मिम़ेदुप्‍तुआङ् लाङ्‌दाःक्‍मा म़ेबिरिग़ेरो, थेआङ्‌भ़ेल्‍ल़े वाहित्‍मान् थ्‍य़ेर पत्‍छ़ेआङ् चुङ्‌जिःक्‍त़ेरो॥
27998	ACT 28:31	ह़ेक्‍क्‍याङ् म़ेङ्‌गिए हाङ्‌हाङ् लॽरिक् निङ्‌वाॽफुहाङ्‌जुम्‍मिल्‍ल़े कुयाःम्‍बेओ इङ्‌भन् चोगुर क़ेदाःबा क़ेबेःक्‍पाहाॽ दाङ्‌बा य़ेसु ख्रिस्‍तऱे कुयाःम्‍बेओ हुॽरुसिरो॥ आत्तिन्‍हाॽऱेआङ् ह़ेक्‍के चोःक्‍मोलाम् खुऩेॽ साक्‍मा म़ेङ्‌गोःत्तुन्‍लो॥
28028	ROM 1:30	मना चाःत्‍थि क़ेदेःबा, निङ्‌वाॽफुमाङ्‌ङिन् क़ेजिःप्‍पा, मना ताप्‍फ़ेःल्‍लिक् क़ेम़ेप्‍पा, आङ्‌दिङ् क़ेलॽबा ह़ेक्‍क्‍याङ् क़ेह़ेन्‍छिङ्‌बा म़ेबोःक्‍ख़ेआङ् म़ेवाॽरो॥ ख़ेङ्‌हाॽऱे फ़ेन् पाःन्‍हाॽ चोःक्‍मा कुसङ्‌लाम् म़ेगोःत्तुॽ, ह़ेक्‍क्‍याङ् माबाहाॽऱे खुनिॽ पाःन् म़ेङ्‌घ़ेप्‍सुन्॥
28124	ROM 5:9	ख़ेल्‍ल़े चोगुल्‍ल़े आनिॽग ख्रिस्‍तऱे कुमाक्‍खिॽइल्‍ल़े निङ्‌वाॽफुमाङ्‌ङिल्‍ल़े कुनिःमाओ आप्‍तिक् म़ेःन्‍नेबा आबोःक्‍ख़ेआङ् आवाॽबाल्‍ल़े चोगुल्‍ल़े ख्रिस्‍तऱे निङ्‌वाॽफुमाङ्‌ङिल्‍ल़े कुघुम्‍दिङ्‌लाम् स़ेक्‍खाए ताङ्‌आस़ेःप्‍लो॥
28125	ROM 5:10	ख़ेन् फाॽइङ्‌ग निङ्‌वाॽफुमाङ्‌ङिल्‍ल़े कुनिङ्‌मि आवय़ेल्‍ल़ेसा आबुग़ेन् कुस्‍साःल्‍ल़े कुसिःम़ेन्‍लाम्‌निङ्‌वाॽफुमाङ्‌ङिन्‍नु नादङ् आबोःक्‍ख़ेआङ् आवाॽबाल्‍ल़े चोगुल्‍ल़े खुऩेॽ कुहिङ्‌मन्‍निल्‍ल़े निङ्‌वाॽफुमाङ्‌ङिल्‍ल़े कुघुम्‍दिङ्‌लाम् स़ेक्‍खाए ताङ्‌आस़ेःप्‍लो॥
28131	ROM 5:16	ह़ेक्‍क्‍याङ् निङ्‌वाॽफुमाङ्‌ङिल्‍ल़े कुलुङ्‌गुम्‍लाम्‍बा क़ेदाःबा पर्धाःम्‍मिङ्‌ग आदमऱे कुलायोःन्‍नु म़ेदङ्‌ऩेन्‍लो॥ लत्‍छा लायोधिक्‍ल़े चोगुल्‍ल़े क़ेऱेक् मनाहाॽ आप्‍तिक्‍को म़ेध्‍य़ेरो, कर यरिक् लायो आजोगुम्‍साङ् निङ्‌वाॽफुमाङ्‌ङिल्‍ल़े आम्‍भा आबिबा पर्धाःम्‍मिल्‍ल़े आप्‍तिक् म़ेःन्‍नेबा आजोःक्‍लो॥
28138	ROM 6:2	म़ेःन्‍लो! ह़ेक्‍के चोःक्‍मा म़ेनुॽऩेन्‍लो! आनिॽग कुसिव़ेत् मना ह़ेक्‍तङ्‌बा आजोःक्‍लो, ह़ेक्‍क्‍याङ् आल्‍ल लायोःल्‍ल़े कुयुक्‍को आन्‌वाॽऩेन्‍लो॥ ह़ेक्‍केःल्‍ल़े आल्‍लआङ्‌धो लायो चोःक्‍मार वाॽमा म़ेनुॽऩेन्‍लो॥
28159	ROM 6:23	थेआङ्‌भ़ेल्‍ल़े लायोऱे आबिबा नाम्‌याक्‍किङ्‌ग सिःम़ेन्‍लो, कर निङ्‌वाॽफुमाङ्‌ङिल्‍ल़े आम्‍भा आबिबा पर्धाःम्‍मिङ्‌ग आनिॽ दाङ्‌बा ख्रिस्‍त य़ेसुओलाम् म़ेन्‍नुप्‍मनाबा हिङ्‌मन्‍लो॥
28162	ROM 7:3	ह़ेक्‍केलॽरिक्‍के कुय़ेम्‍बाॽइन् कुहिङ्‌व़ेत् वाॽरए ख़ेल्‍ल़े वेॽ मनाःन्‍नु मेःक्‍खिम् चोगुऩे फाॽग्र ख़ेङ्‌ग साम्‌योथिम्‍मिल्‍ल़े चाराम्‍मा याःम्‍बक् क़ेजोःक्‍मा म़ेत्तुॽरो॥ कर कुय़ेम्‍बाॽइन् सिःआङ्‌ग खुऩेॽ मेःक्‍खिम्‍थिम्‍लाम् चोःक्‌युम्‍भोमा पोःङ्‌लो, ह़ेक्‍क्‍याङ् ख़ेल्‍ल़े वेॽ मनाःन्‍नु मेःक्‍खिम् चोगुल्‍ल़े चाराम्‍मा याःम्‍बक् चोगुबा म़ेबोःङ्‌ऩेल्‍लो॥
28166	ROM 7:7	ह़ेक्‍केःल्‍ल़े आनिॽ थे पाःप्‍माबे? साम्‌योथिम्‍मिन् लायोबि? स़ेक्‍खासाङ् म़ेःन्‍लो! कर साम्‌योथिम्‍मिन् होःप्‍त़ेल्‍ल़ेग इङ्‌गाॽ आहिङ्‌मन्‍नोबा लायोहाॽ म़ेन्‍निःबान्‍म़ेन्॥ थेआङ्‌भ़ेल्‍ल़े साम्‌योथिम्‍मिल्‍ल़े, “ख़ेऩेॽ म़ेघिःप्‍स़ेन्‍ऩेॽ” फाॽआङ् म़ेबाःत्तुन्‍निल्‍ल़ेग इङ्‌गाॽ खिःम्‍मान् ताप्‍फ़ेःम्‍बारो क़ेलॽबा पाःन्‍निन् कुसिङ् म़ेनिःत्तुङ्‌ङिन्‍बारो॥
28196	ROM 8:12	ख़ेल्‍ल़े चोगुल्‍ल़े फुॽनुसाॽ नु ऩेॽनुसाॽसे आनिॽ म़ेन्‍जोःक्‍के म़ेम्‍बोःङ्‌मनाबा पाःन्‍हाॽ वाॽ, कर लायोबा सुत्‍नाःल्‍ल़े निङ्‌वाॽ चोगुबा ह़ेक्‍केए चोःक्‍मा म़ेबोःङ्‌ऩेल्‍लो॥
28209	ROM 8:25	कर आनिॽ आल्‍ल थारिक् म़ेङ्‌घोए आवाॽबा पाःन्‍निन् निङ्‌साङ् आजोगुम्‍मिल्‍ल़े ख़ेन् खोःमा फाॽआङ् नासि आधःत्तुम्‍माङ् आहाङ्‌घुम्‍लो॥
28250	ROM 9:27	माङ्‌निङ्‌वाॽपाःन् क़ेबाःप्‍पा यसैयाःल्‍ल़े इस्राइलिहाॽऱे खुनिॽ याःम्‍बेओ अक्‍खेलॽरिक् पाःत्तुआङ् पत्, “इस्राइलिहाॽग आत्तात्तान्‍ने निःप्‍मा सुक्‍म़ेन्‍द़ेप्‍मनाबा वाहङ्‌ङिल्‍ल़े कुयाओबा य़ेःङ्‌घा ह़ेक्‍के यरिक् म़ेजोःक्‍साङ् क़ेदाङ्‌बा क़ेयाःक्‍पाहाॽरक् ताङ्‌म़ेस़ेःप्‍लो॥
28255	ROM 9:32	थेआङ् म़ेन्‍बोःक्‍ख़ेन्‍बे? थेआङ्‌भ़ेल्‍ल़े ख़ेङ्‌हाॽऱे कङ्‌ग आबाङे याःम्‍बक्‍लाम्‍बा खोःमा सुक्‍त़ेत् क़ेलॽबा म़ेइःत्तुआङ् नसाःन्‍लाम्‍बा क़ेदाःबा साम्‌योनिबान् म़ेङ्‌गोःत्तुन्‍लो॥ ह़ेक्‍क्‍याङ् ख़ेङ्‌हाॽग याप्‍मि क़ेघःबा लुङ्‌ङो म़ेदोःक्‍त़ेआङ् म़ेजोःन्‍द़ेरो॥
28265	ROM 10:9	ख़ेऩेॽ क़ेमुराःल्‍ल़े य़ेसुःन्‍ने दाङ्‌बारो फाॽआङ् त़ेन्‍दिङ् क़ेजोगुआङ् क़ेसिक्‍लुङ्‌मोलाम् निङ्‌वाॽफुमाङ्‌ङिल्‍ल़े खुऩेॽ सिःम़ेन्‍लाम् कुहिङ्‌व़ेत् चोगु लॽरिक् नसाःन् क़ेजोगुऩे फाॽग्र ताङ्‌ग़ेस़ेःप्‍लो॥
28303	ROM 11:26	ह़ेक्‍क्‍याङ् नसाःन् क़ेजोःक्‍पा क़ेऱेक् इस्राइलिहाॽ ताङ्‌म़ेस़ेःप्‍लो॥ साम्‌योसाप्‍लाओ अक्‍खे साप्‍त़ेआङ् पत्, “स़ेन्‍लप्‍दाङ्‌बान् यरुसल़ेमलाम्‌ताःरो, खुऩेॽए इस्राइलिहाॽ लायोलाम् नुःक्‍तुसिॽ॥
28363	ROM 14:15	ख़ेऩेॽ क़ेजबा कुजाःल्‍ल़े वेॽ नसानिबान् चप्‍चि क़ेजोःक्‍पा चोगुॽऩे फाॽग्र ख़ेऩेॽ वेॽहाॽ लुङ्‌माॽ क़ेदुक्‍तुसिबा म़ेबोःङ्‌ऩेल्‍लो॥ ख़ेऩेॽ क़ेजबा कुजाःल्‍ल़े वेॽ नसानिबान् फ़ेत्‍म़ेलाःन्‍दुन्‍लरो, थेआङ्‌भ़ेल्‍ल़े ख़ेल्‍ल़े कुलागि ख्रिस्‍त़ेन्‌स्‍य़ेआङ् वाॽरो॥
28368	ROM 14:20	चामा थुङ्‌माऱे लागि निङ्‌वाॽफुमाङ्‌ङिल्‍ल़े कुयाःम्‍बक्‍किन् फ़ेत्‍म़ेलाःन्‍द़ेम्‍मिन्‍ऩेॽ॥ काक् कुजा कुधिहाॽ सुत्‍थो नु सेसे चोःक्, कर मना क़ेघःबा कुजा चामाग नुःबा म़ेबोःङ्‌ऩेल्‍लो॥
28422	ROM 16:18	थेआङ्‌भ़ेल्‍ल़े कङ्‌हाॽऱेग दाङ्‌बा ख्रिस्‍तऱे कुसेवा म़ेन्‍जोगुन्, कर आबाङे खुनिॽ साप्‍पोःक्‍किल्‍ल़े लागिरक् सेवा म़ेजोगुॽरो॥ ख़ेङ्‌हाॽऱे मना क़ेजम्‍बा नु मुर्ल़ेःम्‍बा पाःन्‍हाॽऱे कुदोःप्‍मा मनाहाॽ इङ्‌म़ेल़ेक्‍तुसिॽरो॥
28454	1CO 1:23	कर आनिग़ेग सिलाम्‍साक्‍मा सिङ्सम्‍दाङ् म़ेभोःन्‍दुबा ख्रिस्‍त़ेन्‍ने इङ्‌भोःसुम्‍ब़ेरो॥ ख़ेङ्‌ग यहुदिहाॽऱे लागि आघघबा पाःन् नु थिम्‍म़ेन्‍दङ् सुवाङ्‌हाॽऱे लागि अदङ् पाःन्‍लो,
28523	1CO 5:1	खिनिॽ लुम्‍मो याम्‍बोःप्‍मा याःम्‍बक् पोःक्‍ख़ेआङ् वाॽ, खिनिॽओ लत्‍छाःल्‍ल़े आबाङे कुम्‍मा पाःक्‍मान् मेःत् कत्तुआङ् वाॽमु! ह़ेक्‍तङ्‌बा ताप्‍फ़ेःम्‍बा याम्‍बोःप्‍मा याःम्‍बक्‍किङ्‌ग नसाःन् म़ेन्‍जोःक्‍मनाबा सुवाङ्‌लुम्‍मोआङ् म़ेबोःङ्‌ऩेल्‍लो॥
28527	1CO 5:5	ख़ेन् मनाःन् सेसेहुप्‍लक्‍लाम्‍बा लःत्त़ेम्‍देःस़ेम्‍म़ेॽआङ् माफ़ेन्‍साम्‍मिन् हुक्‍सुप्‍त़ेम्‍म़ेॽओ॥ ह़ेक्‍केलॽरिक् नासिङ्‌ग़ेन् कुधक्‍किन् म़ेक्‍ल ह़ेक्‍क्‍याङ् कुयाम्‍साम्‍मिन् दाङ्‌बान् नुःङ् युःबा य़ेन्‍नो ताङ्‌स़ेःप्‍लरो॥
28545	1CO 6:10	क़ेघुःप्‍पाहाॽ, खिःम्‌यक्‍पाहाॽ, थिःमसाङ्‌हाॽ, चाःत्‍थि क़ेदेःबा नु फोत्‍याबाहाॽऱे निङ्‌वाॽफुहाङ्‌जुम्‍मिल्‍ल़ेन् लाघो म़ेङ्‌घोःसुन्‍लो॥
28547	1CO 6:12	कुभाऱे म़ेबाःत्तुॽ, “इङ्‌गाॽ काक् पाःन्‍हाॽ चोःक्‍मा खोःसुङ्,” कर काक् पाःन्‍हाॽ आनिॽ लागि इङ्‌धाःङ्‌बा म़ेजोःक्‍ऩेन्‍लो॥ “काक् पाःन्‍हाॽ चोःक्‍मा खोःसुङ्,” कर इङ्‌गाॽ आत्तिन् पाःन्‍निल्‍ल़ेन्‍नाङ् योःक्‍पा म़ेबोःङ्‌ङान्‍लो॥
28573	1CO 7:18	ह़ेक्‍केसाङ् हर्दो क़ेह़ेक्‍पाल्‍ल़े नसाःन् चोगुऩे फाॽग्र, ख़ेन् हर्दो म़ेन्‍ह़ेक्‍मना कुइसिःक् पोःङ्‌मा म़ेनुॽऩेन्‍लो॥ ह़ेक्‍क्‍याङ् हर्दो म़ेन्‍ह़ेक्‍मनाबाल्‍ल़े नसाःन् चोगुऩे फाॽग्र, ख़ेल्‍ल़े हर्दो ह़ेक्‍मा म़ेबोःङ्‌ऩेल्‍लो॥
28583	1CO 7:28	कर मेःक्‍खिम् क़ेजोगुॽऩे फाॽग्र लायो म़ेबोःङ्‌ऩेल्‍लो॥ ह़ेक्‍क्‍याङ् मेःक्‍खिम् म़ेन्‍जोःक्‍के क़ेवाॽमाल्‍ल़ेआङ् मेःक्‍खिम् चोगुॽऩे फाॽग्र लायो म़ेजोगुन्‍लो॥ कर मेःक्‍खिम् क़ेजोःक्‍पाहाॽऱे कन् हिङ्‌मन्‍नो इनोग़ेन् तुक्‍खेःन् म़ेदुमुॽरो॥ ह़ेक्‍क्‍याङ् इङ्‌गाॽग ह़ेक्‍तङ्‌बा तुक्‍खेओलाम्‍बा खिनिॽ ताङ्‌स़ेःप्‍मानिङ्‌निङ्‌वाॽ चोगुङ्‌लो॥
28610	1CO 9:2	वेॽहाॽऱे इङ्‌गाॽ सेःक्‌युक्‍मिबा लॽरिक् म़ेन्‍इःत्तान्‍छाङ् खिनिॽलागिग सेःक्‌युक्‍मिबाआएरो॥ इङ्‌गाॽ दाङ्‌बाल्‍ल़े कुसेःक्‌युक्‍मिबाआ फाॽआङ् खिनिॽए तसि-पर्माङ्‌गि क़ेवयिॽरो॥