| 23238 | MAT 1:25 | कर मरियम्मिन् म़ेन्छुक्मा वय़ेर थारिक् खुन्छिॽ सोरिक् म़ेइप्स़ेत्छिन्लो॥ याङ्सि मरियम्मिल्ल़े साः कत्तुआङ् युसुफऱे ख़ेन् अङ़ेःक्वाःन् य़ेसु मिङ् वाःत्तुरो॥ |
| 23316 | MAT 5:13 | खिनिॽग इक्सादिङ् खाम्बेःक्माओबा युम्निङ्लो, कर युम्मिल्ल़े कुलिम्म़ेन् माःबेःक्ऩे फाॽग्र याम्मो क़ेलिम्बा चोःक्मा सुक्म़ेद़ेत्ऩेन्लो॥ ख़ेल्ल़े कुयाःम्बक् थेआङ् होःप्लो, कर ख़ेङ्ग लाप्फुमा पोःङ्ङाङ् मनाहाॽऱे म़ेदोॽरुरो॥ |
| 23342 | MAT 5:39 | कर इङ्गाॽ खिनिॽ म़ेत्निङ्, मनाहाॽऱे ताप्फ़ेःल्लिक् क़ेम्म़ेत्तिल्ल़े ख़ेङ्हाॽ ताप्फ़ेःल्लिक् म़ेम़ेत्त़ेम्सिम्म़ेन्ऩेॽ॥ आत्तिल्ल़े चुप्साङ् ल़ेप्माङ्बा क़ेऩेद़ेङ्बान् क़ेल़ेङ् क़ेबिॽ, ख़ेन् वेॽस्मान्नाङ् तोःन्द़े पिऱेॽ॥ |
| 23375 | MAT 6:24 | आत्तिल्ल़ेआङ् ऩेप्फु दाङ्बाहाॽ सेवा चोःक्मासि म़ेसुक्तुन्सिन्लो॥ ख़ेल्ल़े थिक्किन् नुःरिक् म़ेत्तुॽआङ् वेॽस्मान् चिःत्तुॽरो, म़ेःङ्ग्र थिक्किन् इङ्धाःङ् पिरुआङ् वेॽस्मान् इङ्धाःङ् म़ेबिरुन्लो॥ ख़ेऩेॽ निङ्वाॽफुमाङ्ङिन् नु याङ्साकुन्धेःन् सोसोरिक् सेवा चोःक्मा क़ेन्छुक्तुन्लो॥” |
| 23376 | MAT 6:25 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, कन् ऩेत्तिग़ेन् हिङ्मन्नो थेःन् चामा थुङ्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ, ह़ेक्केलॽरिक्के कन् नासिङ्ग़ेन् थक्कोआङ् थेःन् चाङ्मा वाःप्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ॥ ऩेत्तिग़ेन् हिङ्मन्निन् चामा थुङ्मानुःल्ल़े ह़ेक्क्याङ् नासिङ्ग़ेन् थक्किन् चाङ्मा वाःप्मानुःल्ल़े नुःबा म़ेजोःक्ऩेन्बि? |
| 23378 | MAT 6:27 | निङ्साम्मो क़ेध्य़ेॽइआङ्खिनिॽ हिङ्मन्नो कुमुक्थिक् फोःमा क़ेन्छुक्तुम्मिन्॥ |
| 23382 | MAT 6:31 | ख़ेल्ल़े चोगुल्ल़े थेःन् चामा थुङ्मा बे, थेःन् चाङ्मा वाःप्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ॥ |
| 23386 | MAT 7:1 | य़ेसुऱे याम्मो पाःत्तु, “मनाहाॽ पाःन् म़ेधिक्त़ेम्सिम्म़ेन्ऩेॽ, ह़ेक्केलॽरिक् निङ्वाॽफुमाङ्ङिल्ल़े खिनिॽआङ् पाःन् क़ेन्धिक्तिन्लो॥ |
| 23442 | MAT 8:28 | ह़ेक्क्याङ् खुऩेॽ वरक्किल्ल़े नाहाङ्दाङ् गदरिनि लाजेॽओ क़ेऱे, ह़ेक्केःल्ल़े ख़ेप्मो इप्पुङ्द़ेन्लाम् फ़ेन्साम्मिल्ल़े याङ्घुसिबा ऩेप्फु मनाहाॽ कुदुम्स़े फ़ेऱेत्छि॥ ख़ेङ्हाॽ कम्म्याक् साॽरिक् किप्मा क़ेघुःबा चोग़ेत्छि आत्तिन्नाङ् ख़ेन् त़ेन्नो पोःङ्मार लाङ्घेःक्मा म़ेन्छुक्त़ेन्लो॥ |
| 23494 | MAT 10:8 | क़ेदुक्पाहाॽ नुस़ेम्सिम्म़ेॽ, क़ेसिःबाहाॽ कुहिङ्व़ेत् चोग़ेम्सिम्म़ेॽ, लोगेॽ तुक्माल्ल़े याङ्घुसिबाहाॽ नुस़ेम्सिम्म़ेॽ, फ़ेन्साम्हाॽ नाःत्त़ेम्लःत्त़ेम्सिम्म़ेॽ॥ आम्भा क़ेघोःसुम्, आम्भाए पिऱेम्सिम्म़ेॽओ॥ |
| 23505 | MAT 10:19 | कर खिनिॽ क़ेम्द़ेम्सिल्ल़े स़ेःप्सिङ्माऱे लागि आल्ल थ़ेमा पाःप्मा, आक्खेलॽरिक् पाःप्माबे फाॽआङ् निङ्साम्मो म़ेध्य़ेम्मिन्ऩेॽओ॥ ख़ेन् य़ेम्मोग खिनिॽ पाःप्मा क़ेबोःङ्बा पाःन्निन् बा ख़ेन् य़ेम्मोए क़ेघोःसुम्लो॥ |
| 23514 | MAT 10:28 | नासिङ्ग़ेन् थक्किन् क़ेस़ेप्पाहाॽनु खिनिॽ म़ेगिस़ेम्मिन्ऩेॽओ, थेआङ्भ़ेल्ल़े ख़ेङ्हाॽऱे खिनिॽ याम्साम्मिन् स़ेप्मा म़ेन्छुक्तुन्लो॥ कर नासिङ्ग़ेन् थक्किन् नु याम्साम्मिन् ऩेप्माङ् ख़ेमायङ्सङ्ङो म़ेङ्मा क़ेसुक्पा निङ्वाॽफुमाङ्ङिन्नु किःस़ेम्म़ेॽओ॥ |
| 23548 | MAT 11:20 | ह़ेक्क्याङ् य़ेसुऱे तगि यरिक्तङ्बा निङ्वाॽ क़ेमाबा याःम्बक्हाॽ चोगुबा य़ेक्यक्हाॽ फ़ेःक्मा हेःक्तुसि, थेआङ्भ़ेल्ल़े ख़ेप्मोबा मनाहाॽ खुनिॽ लायोलाम् म़ेन्हिन्द़ेन्लो॥ |
| 23577 | MAT 12:19 | खुऩेॽग म़ेघेःऩेन् म़ेअःक्ऩेन् ह़ेक्क्याङ् लाम्लाम्मो खुऩेॽ पाःप्पाआङ् ख़ेम्म़ेद़ेत्ऩेन्लो॥ |
| 23585 | MAT 12:27 | ह़ेक्क्याङ् बालजिबुल माफ़ेन्साम्मिल्ल़े कुमुक्साम्लाम् इङ्गाॽ फ़ेन्साम्हाॽ नाःत्तुङ् लःत्तुङ्सिङ्ऩे फाॽग्र खिनिॽ मनाहाॽऱे आत्तिन् मुक्साम्लाम् फ़ेन्साम्हाॽ म़ेनाःत्तु म़ेलःत्तुसिबे? ख़ेङ्हाॽऱे म़ेजोगुबा याःम्बक्किल्ल़ेए खिनिॽ पिर्बेःम्बो क़ेध्य़ेॽइआङ् क़ेवयिॽ फाॽआङ् ओसेःन्आम्धाक्लो॥ |
| 23599 | MAT 12:41 | निनबे य़ेक्यक्स्मा मनाहाॽ कोय़ेम्बा मनाहाॽनु खास़ेन् य़ेन्नो म़ेय़ेप्पाङ् कङ्हाॽ आप्तिक् म़ेगुःत्तुसिॽरो॥ थेआङ्भ़ेल्ल़े योनाऱे पाःत्तुबा पाःन्नो ख़ेङ्हाॽऱे नसाःन् म़ेजोगुआङ् खुनिॽ लायोलाम् म़ेहिन्द़ेरो, कर कप्मोग योनाःन्नुःल्ल़ेआङ् यम्बाधिक् वाॽसाङ् खिनिॽ लायोलाम् क़ेन्हिन्दिन्लो॥ |
| 23622 | MAT 13:14 | माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुबान् कन् मनाहाॽओ क़ेऱेबारो– ‘खिनिॽ क़ेघ़ेप्सुम्साङ् कुसिङ् क़ेन्निःत्तुम्मिन्, ओग़ेम़ेत्तुम्साङ् क़ेन्निःसुम्मिन्लो॥ |
| 23647 | MAT 13:39 | ह़ेक्क्याङ् माल़ेःन्दो याॽरिःम्बा क़ेल़ेप्पा निङ्मिःङ्ग माफ़ेन्साम्मिन्लो॥ चासुम्मा य़ेम्मिङ्ग कन् इक्सादिङ् खाम्बेःक्माल्ल़े कुनुप्मान्लो, ह़ेक्क्याङ् चाग़ेसुम्बाहाॽग माङ्लाइङ्बासिरो॥” |
| 23716 | MAT 15:14 | ह़ेक्केःल्ल़े ख़ेङ्हाॽऱे खुनिॽ पाःन्निन् म़ेघ़ेप्स़ेम्मिन्ऩेॽओ॥ ख़ेङ्हाॽग मिक्फःम्बा लाम्लोःबासिरो॥ मिक्फःम्बाल्ल़े मिक्फःम्ब़ेन् लाम्लोसुऩे फाॽग्र ऩेप्माङ् लुम्बाःत्तो क़ेङ्सि लाःत्छिॽरो॥” |
| 23806 | MAT 18:10 | “सिङ्सिङ् लॽऱेम्म़ेॽओ, कन् चुक्पा चुक्पाहाॽ कुनाम़ेन्छाॽ म़ेजोग़ेम्सिम्मिन्ऩेॽओ॥ इङ्गाॽ स़ेक्खा पाःन् म़ेत्निङ्, कङ्हाॽ कम्ब्राङ् क़ेम़ेप्पा खुनिॽ माङ्लाइङ्बाहाॽ सदादिङ् साङ्ग्राम्पेदाङ्ङो पानुदिङ् आम्बाऱे कुदगि म़ेवाॽरो॥ |
| 23843 | MAT 19:12 | मेःक्खिम् म़ेन्जोःक्मना यरिक् पन्य़ेम्हाॽ वाॽरो॥ कुभाग सावाःन्छिङ्मानुधोए सिङ्गारु म़ेवाॽरो, वेॽहाॽ मनाहाॽऱे सिङ्गारु म़ेजोगुसि, ह़ेक्क्याङ् कुभाग साङ्ग्राम्पेदाङ्बा हाङ्जुम्मो माङ्सेवा याःम्बक् चोःक्मा फाॽआङ् मेःक्खिम् म़ेन्जोःक्ऩेन्लो॥ आत्तिल्ल़े ताःक्मा सुक्तुॽ हाराॽ ख़ेल्ल़ेए ताःक्तुर॥” |
| 23927 | MAT 21:32 | थेआङ्भ़ेल्ल़े बप्तिस्मा क़ेबिबा युहुन्नाःन् खिनिॽ साम्योनिबा लाम् ओसेःन्धाक्स़े त्य़ेबारो, ह़ेक्केसाङ् खुऩेॽ सम्दाङ् खिनिॽ नसाःन् क़ेन्जोगुम्मिन्लो॥ कर एःङ्याङ् क़ेभोःङ्बाहाॽ नु क़ेत्निमाहाॽऱे खुऩेॽ नसाःन् म़ेजोगुआङ् म़ेवाॽरो॥ ख़ेन् क़ेनिःसुम्साङ् खिनिॽ लायोलाम् क़ेन्हिन्दिन्नाङ् खुऩेॽ नसाःन्नाङ्क़ेन्जोगुम्मिन्लो॥” |
| 23944 | MAT 22:3 | मेःक्खिम् साभाङ्जाऱेन् चामुक् थिमुक्किन् यारिप् पोःक्ख़ेआङ् ख़ेन् हाङ्ङिल्ल़े उःत्छिङ् क़ेघोःबाहाॽ साभाङ्जाओ ताःप्मासि कुसेवारोबाहाॽ पाङ्घुसि, कर ख़ेङ्हाॽ ताःमा म़ेन्द़ेन्द़ेन्लो॥ |
| 23949 | MAT 22:8 | ह़ेक्क्याङ् हाङ्ङिल्ल़े कुसेवारोबाहाॽ म़ेत्तुसि, ‘मेःक्खिम् साभाङ्जाःन्यारिप् पोःक्ख़ेआङ् वाॽ, कर ख़ेप्मो उःत्छिङ् क़ेघोःबाहाॽ ताःमा सुम्बोधाबा म़ेन्जोःक्ऩेन्लो॥ |
| 23991 | MAT 23:4 | ख़ेङ्हाॽऱेग क़ेलिःप्पा कक्ह़ेक्तङ्बा क़ेसाक्पा थिम्हाॽ म़ेजोगुआङ् मनाहाॽ म़ेगुःत्तुसिॽ, कर कक् याङ्याङ् लॽर फाॽआङ् आबाङे हुक्चोधिक्किल्ल़ेआङ् म़ेन्छुस्सुन्लो॥ |
| 24010 | MAT 23:23 | खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! खिनिॽ इक्ताप्पोलाम् नाम्सुना, सःप्फा नु हिम्च़ेम्भ़ेन् ह़ेक्तङ्बा मारुक्हाॽऱेन्नाङ् थिबोःङ्लक् निङ्वाॽफुमाङ्ङिन् क़ेबिरुम्, कर नुःरिक्काङ् खास़ेन् क़ेन्जोगुम्सिम्मिन्, वेॽ मनाहाॽ लुङ्माॽ क़ेन्दुक्तुम्सिम्मिन्, ह़ेक्क्याङ् नसाःन् क़ेन्जोगुम्मिन्लो॥ कन् नाःप्माए क़ेबोःङ्बा साम्योथिम्बा पाःन्हाॽ क़ेन्नाःत्तुम्मिन्लो॥ खिनिॽग थिबोःङ्लक् निङ्वाॽफुमाङ्ङिन् क़ेबिरुम्मिल्ल़े कन् नुःरिक्काङ् खास़ेन् चोःक्मा, वेॽ मनाहाॽ लुङ्माॽ तुक्मासि नु नसाःन् चोःक्मा क़ेलॽबा साम्योथिम्मोबा नाःप्माए क़ेबोःङ्बा पाःन्हाॽआङ् चोग़ेम्म़ेॽओ॥ |
| 24024 | MAT 23:37 | “यरुसल़ेम्मोबा मनासे, यरुसल़ेम्मोबा मनासे, खिनिॽग माङ्निङ्वाॽपाःन् क़ेबाःप्पाहाॽ क़ेस़ेरुम्सिम्, निङ्वाॽफुमाङ्ङिल्ल़े खिनिॽओ पाङ्घुसिबा इङ्साबाहाॽ लुङ्ङिल्ल़े क़ेबःत्तुम्सिम्लो॥ आक्ख़ेन् ल़ेङ् खिनिॽ मुॽइदाङ्साहाॽ वामाःप्माल्ल़े वाज्याःक्हाॽ कुप्तुसिबा कुइसिःक् खिनिॽ साःहाॽ सुम्मासि निङ्वाॽ चोगुङ्, कर खिनिॽ क़ेन्द़ेन्दिन्लो॥ |
| 24048 | MAT 24:22 | निङ्वाॽफुमाङ्ङिल्ल़े ख़ेन् य़ेन्हाॽ ताङ्सा म़ेजोगुन्निल्ल़ेग आत्तिन् मनाहाॽआङ् हिङ्मा म़ेन्छुक्त़ेन्बारो॥ कर खुऩेॽ सेगुसिबाहाॽ म़ेहिङ्ल फाॽआङ् ख़ेन् य़ेन्हाॽ ताङ्सा पोःक्ख़ेबारो॥ |
| 24049 | MAT 24:23 | ह़ेक्क्याङ् ख़ेन् य़ेम्मो मनाहाॽऱे ‘ओम़ेत्त़ेम्म़ेॽ, निङ्वाॽफुमाङ्ङिल्ल़े सेःन्दुबा ख्रिस्त़ेन्कप्मो वाॽ’ इग्र ‘खुऩेॽ ख़ेप्मो वाॽ’ लॽरिक् म़ेबाःत्तुर म़ेदाःल्ल़े नसाःन् म़ेजोग़ेम्सिम्मिन्ऩेॽओ॥ |
| 24411 | MRK 4:19 | ख़ेङ्हाॽऱे पाःन्जाक् ख़ेम्माग म़ेघ़ेप्सुॽ, कर कन्हिङ्मन्नो थेःन् चामा थुङ्मा, याङ्साकुन्धेसाबा आक्खेआङ् पोःङ्मा ह़ेक्तङ्बा वेॽ फ़ेन् निङ्वाॽइल्ल़े पाःन्जाक्किन् सुःप्तुदेःसुॽरो॥ ह़ेक्क्याङ् ख़ेङ्हाॽऱे याम्मो कुजाॽ म़ेम्भत्छुन्लो॥ |
| 24797 | MRK 13:11 | ह़ेक्क्याङ् खिनिॽ क़ेम्द़ेम्सिॽआङ् खास़ेन्द़ेन्नो खास़ेन् लोःन्छ़े क़ेम्देॽरिल्ल़े स़ेःप्सिङ्माऱे लागि थ़ेमा पाःप्माबे फाॽआङ् तगिसा निङ्साम्मो म़ेध्य़ेम्मिन्ऩेॽओ॥ ख़ेन् य़ेम्मो पाःप्मा क़ेबोःङ्बा पाःन् सेसेमाङ्ङिल्ल़े क़ेबिरिॽरो, थेआङ्भ़ेल्ल़े क़ेबाःप्प़ेङ्ग खिनिॽ म़ेःन्लो, कर सेसेमाङ्ङिन्नेरो॥ |
| 24807 | MRK 13:21 | ह़ेक्क्याङ् ख़ेन् य़ेम्मो मनाहाॽऱे, ओम़ेत्त़ेम्म़ेॽ, निङ्वाॽफुमाङ्ङिल्ल़े सेःन्दुबा ख्रिस्त़ेन्कप्मो वाॽ इग्र खुऩेॽ ख़ेप्मो वाॽरो लॽरिक् म़ेबाःत्तुर म़ेदाःल्ल़े नसाःन् म़ेजोग़ेम्सिम्मिन्ऩेॽओ॥ |
| 24819 | MRK 13:33 | ह़ेक्केःल्ल़े सिङ्सिङ् य़ेक्य़ेक् लॽऱेम्म़ेॽओ, थेआङ्भ़ेल्ल़े कन् य़ेन्निन् आप्फाल्ल़े ताः फाॽआङ् खिनिॽ क़ेन्निःसुम्मिन्लो॥ |
| 24821 | MRK 13:35 | ह़ेक्केलॽरिक् खिनिॽआङ् आप्फाल्ल़ेसाङ् यारिप् पोःक्ख़ेम्म़ेॽओ, थेआङ्भ़ेल्ल़े हिम्दाङ्बान् युःन्छिक् ताबि, स़ेत्लुम्भक्किल्ल़े ताःबि, इङ्वा काःल्ल़े ताबि इ खाओःत्तिल्ल़े ताःबि? आप्फाल्ल़े नुःङ् ताः क़ेलॽबान् खिनिॽ क़ेन्निःसुम्मिन्लो॥ |
| 25156 | LUK 4:24 | कर खुऩेॽ म़ेत्तुसि, इङ्गाॽ म़ेत्निङ्, आत्तिन् माङ्निङ्वाॽपाःन् क़ेबाःप्प़ेन्नाङ् कुबाङ्भेॽसाबाहाॽऱे म़ेन्दाःक्तुन्लो॥ |
| 25242 | LUK 6:27 | “कर इङ्गाॽ आबाःन् क़ेघ़ेम्बासे, खिनिॽ निङ्मिहाॽ लुङ्माॽ तुक्त़ेम्सिम्म़ेॽओ॥ याप्मि क़ेजिःप्पाहाॽ नुःरिक् म़ेत्त़ेम्सिम्म़ेॽओ॥ |
| 25252 | LUK 6:37 | “मनाहाॽ पाःन् म़ेधिक्त़ेम्सिम्म़ेन्ऩेॽ, ह़ेक्केलॽरिक् निङ्वाॽफुमाङ्ङिल्ल़े खिनिॽआङ् पाःन् क़ेन्धिक्तिन्लो॥ मनाहाॽ च़ेॽया इङ्दो म़ेम़ेत्त़ेम्सिम्म़ेन्ऩेॽओ, ह़ेक्केलॽरिक् खिनिॽआङ् च़ेॽया इङ्दो क़ेम़ेम्म़ेत्तिन्लरो॥ मनाहाॽ ल़ेप्मि पिऱेम्सिम्म़ेॽओ, ह़ेक्केलॽरिक् खिनिॽआङ् निङ्वाॽफुमाङ्ङिल्ल़े ल़ेप्मि क़ेबिरिॽरो॥ |
| 25325 | LUK 8:11 | कन् ख़ेदाॽइल्ल़े कुबेःन् अक्तङ्बा चोःक्–याॽरिःम्बा फाॽइन् निङ्वाॽफु पाःन्जाक्किन्लो॥ |
| 25326 | LUK 8:12 | ह़ेक्क्याङ् लाम्मो मक्क़ेधाःबा याॽरिःम्बाहाॽ पाःन्जाक् क़ेघ़ेम्बा मनासिरो॥ माफ़ेन्साम्मिन् ताआङ् ख़ेङ्हाॽऱे खुनिॽ निङ्वाॽओलाम् पाःन्जाक्किन् लःत्तु तेॽरु॥ ह़ेक्केःल्ल़े ख़ेङ्हाॽऱे नसाःन् चोःक्मा म़ेङ्घोःसुन्नाङ् स़ेन्लप् खोःमा म़ेन्छुक्तुन्लो॥ |
| 25328 | LUK 8:14 | ह़ेक्क्याङ् तिङ्ग्रेःक् क़ेलिङ्बा खाम्मो क़ेजुक्पा याॽरिःम्बाहाॽग पाःन्जाक् क़ेघ़ेम्बा मनाहाॽ कुइसिःक् म़ेजोःक्, कर निङ्साम्, याङ्साकुन्धे नु कन् हिङ्मन्बा याम्दादाबा पाःन्निल्ल़े ख़ेङ्हाॽ सुःप्तुसिआङ् ख़ेङ्हाॽऱे कुजाॽ फम्मा म़ेन्छुक्तुन्लो॥ |
| 25333 | LUK 8:19 | आल्ल य़ेसुऱे कुम्मा नु कुन्साॽसि कुदुम्स़े म़ेद्य़ेआङ् म़ेवय़े, कर यरिक् मनाहाॽऱे म़ेजोगुल्ल़े कुबेसाङ् पेःक्मा म़ेन्छुक्त़ेन्लो॥ |
| 25406 | LUK 9:36 | ख़ेन् इक्लाःन् पाऱे चुऱेआङ् ख़ेप्मो य़ेसुःन्लक् म़ेनिःसुरो॥ हुॽसाम्बाहाॽऱे कन् पाःन्निन् खुनिॽ निङ्वाॽ सिगाङ् म़ेयुक्खुआङ् ख़ेन् य़ेम्मो आत्तिन्हाॽआङ् म़ेम्म़ेत्तुन्छिन्लो॥ |
| 25539 | LUK 12:11 | मनाहाॽऱे खिनिॽ यहुदि चुम्लुङ्हिम्मो ह़ेक्क्याङ् सुहाङ्युक्पाहाॽ नु हाङ्हाॽऱे खुनिॽ तगि खास़ेन् लोःम्माऱे लागि क़ेम्देॽरिल्ल़े, स़ेःप्सिङ्माऱे लागि थ़ेमा पाःप्माबे फाॽआङ् निङ्साम्मो म़ेध्य़ेम्मिन्ऩेॽओ॥ |
| 25553 | LUK 12:25 | निङ्साम्मो क़ेध्य़ेॽइआङ्खिनिॽ हिङ्मन्नो कुमुक्थिक्काङ् फोःमा क़ेन्छुक्तुम्मिन्॥ |
| 25561 | LUK 12:33 | खिनिॽ क़ेगत्तुम्बा चिगःक्वाहाॽ सङ्घ़ेम्म़ेॽआङ् याङ्ग़ेसाॽबाहाॽ पिऱेम्देःस़ेम्सिम्म़ेॽओ॥ ह़ेक्केलॽरिक् आप्फाल्ल़ेआङ् म़ेन्द़ेःङ्मना, म़ेन्हङ्मनाबा सुःक्वाओ आप्फाल्ल़ेआङ् म़ेम्म़ेक्मनाबा साङ्ग्राम्पेदाङ्ङोबा याङ्साकुन्धेहाॽऱे थिम्स़ेम्सिम्म़ेॽओ॥ ख़ेप्मो क़ेघुःम्बाहाॽऱेआङ् म़ेन्घुःत्तुन्, ह़ेक्क्याङ् कुबुःल्ल़ेआङ् म़ेजऩेन्लो॥ |
| 25611 | LUK 13:24 | “चिभिःत्फिःप्पा लाम्धेःप्पोलाम् निङ्वाॽफुहाङ्जुम्मो लाःप्मा तम्सिन् चोग़ेम्म़ेॽओ॥ यरिक् मनाहाॽऱे तम्सिन् म़ेजोगुॽ, कर लाःप्मा म़ेन्छुक्तुन्लो॥ |
| 25621 | LUK 13:34 | यरुसल़ेम्मोबा मनासे, यरुसल़ेम्मोबा मनासे, खिनिॽग माङ्निङ्वाॽपाःन् क़ेबाःप्पाहाॽ क़ेस़ेरुम्सिम्, निङ्वाॽफुमाङ्ङिल्ल़े खिनिॽओ पाङ्घुसिबा इङ्साबाहाॽ लुङ्ङिल्ल़े क़ेबःत्तुम्सिम्लो॥ आक्ख़ेन् ल़ेङ् खिनिॽ मुॽइदाङ्साहाॽ वामाःप्माल्ल़े वाज्याःक्हाॽ कुप्तुसिबा कुइसिःक् खिनिॽ साःहाॽ सुम्मासि निङ्वाॽ चोगुङ्, कर खिनिॽ क़ेन्द़ेन्दिन्लो॥ |
| 25628 | LUK 14:6 | कर ख़ेङ्हाॽऱे थेआङ् नोगप् पिमा म़ेन्छुक्तुन्लो॥ |
| 25636 | LUK 14:14 | ह़ेक्के क़ेजोगुल्ल़े ख़ेऩेॽ मुॽइसाम् क़ेघोःसुॽ, थेआङ्भ़ेल्ल़े ख़ेङ्हाॽऱे थेआङ् म़ेन्गत्तुन्नाङ् ख़ेन् याङ्ना हुङ्मा म़ेन्छुक्तुन्लो॥ कर साम्योनिबा मनाहाॽ सिःम़ेन्लाम् याम्मो म़ेहिङ्ङिल्ल़े निङ्वाॽफुमाङ्ङिल्ल़े ख़ेऩेॽ काक् नुःक्तु क़ेबिॽरो॥” |
| 25649 | LUK 14:27 | ह़ेक्क्याङ् ख़ेऩेॽ क़ेसिलाम्साक्मा सिङ्ङिन् आबाङे क़ेबङ्सिङ्ङाङ् इङ्गाॽ क़ेन्दिम्मान्ऩे फाॽग्र आहुॽसाम्बा पोःङ्मा क़ेन्छुक्ऩेन्लो॥ |
| 25655 | LUK 14:33 | ह़ेक्केलॽरिक्के ख़ेऩेॽ क़ेगत्तुबा काक् पाःन्हाॽ क़ेन्ल़ेरुन्ऩे फाॽग्र इङ्गाॽ आहुॽसाम्बा पोःङ्मा क़ेन्छुक्ऩेन्लो॥ |
| 25656 | LUK 14:34 | युम्मिङ्ग नुःबाए चोःक्, कर युम्मिल्ल़े कुलिम्म़ेन् माःबेःक्ऩे फाॽग्र याम्मो क़ेलिम्बा चोःक्मा सुक्म़ेद़ेत्ऩेन्लो॥ |
| 25883 | LUK 20:35 | कर ताःन्दि क़ेदाःबा य़ेम्मोग ह़ेक्के म़ेबोःङ्ऩेल्लो, थेआङ्भ़ेल्ल़े सिःम़ेन्लाम् याम्मो हिङ्मा लाॽरुसिबा मनाहाॽ मेःक्खिम् म़ेन्जोःक्ऩेन्लो॥ |
| 25903 | LUK 21:8 | य़ेसुऱे ख़ेङ्हाॽ नोगप् पिरुसि, “सिङ्सिङ् लॽऱेम्म़ेॽओ, आत्तिल्ल़ेआङ् खिनिॽ इङ्ग़ेन्ल़ेक्तिल्लरो, थेआङ्भ़ेल्ल़े यरिक् मनाहाॽ इङ्गाॽ आमिङ्ङो निङ्वाॽफुमाङ्ङिल्ल़े सेःन्दुबा ख्रिस्त़ेन्इङ्गाॽएरो, ह़ेक्क्याङ् आल्लो य़ेम्मिन् त्य़ेआङ् वाॽ फाॽआङ् म़ेबाःत्तुॽ, कर ख़ेङ्हाॽऱे खुनिॽ पाःन्निन् म़ेघ़ेप्स़ेम्मिन्ऩेॽओ॥ |
| 25909 | LUK 21:14 | ह़ेक्क्याङ् खिनिॽ स़ेःप्सिङ्माऱे लागि थ़ेमा पाःप्माबे फाॽआङ् तगिसा निङ्साम्मो म़ेध्य़ेम्मिन्ऩेॽओ॥ |
| 25910 | LUK 21:15 | थेआङ्भ़ेल्ल़े इङ्गाॽ खिनिॽ पाःप्मा क़ेबोःङ्बा सुत्लाहाॽ नु सिक्कुम्दिङ् निङ्वाॽ पिनिङ्लो॥ ह़ेक्केःल्ल़े आत्तिन्नाङ् खिनिॽ बिफ्युङ्हाॽऱे अप्मा नु पाःन्धक्मा म़ेन्छुक्तुन्लो॥ |
| 26124 | JHN 1:11 | अक्खेलॽरिक् खुऩेॽ आबाङे कुमनाहाॽओ त्य़ेसाङ् ख़ेङ्हाॽऱे खुऩेॽ म़ेन्दाःक्तुन्लो॥ |
| 26197 | JHN 3:8 | सुरित्केजङ्ङिन् आत्तान्साङ् हुःमा सुक्लो॥ ख़ेऩेॽ सुरित्केजङ्ङिन् हुःबा क़ेघ़ेप्सुॽ, कर आत्तोलाम् ताः ह़ेक्क्याङ् आत्तो पेःक् ख़ेन् ख़ेऩेॽ पाःप्मा क़ेन्छुक्तुन्लो॥ ह़ेक्केलॽरिक्के सेसेमाङ्लाम्बा सावाःन्छिङ्मा पाःन्निन्नाङ् पोधक्मा सुक्म़ेद़ेत्ऩेन्लो॥” |
| 26200 | JHN 3:11 | इङ्गाॽ स़ेक्खाए ख़ेऩेॽ म़ेत्ऩेॽरो॥ आनिग़े निःसुम्ब़े ल़ेस्सुम्ब़ेबा पाःन्हाॽए खिनिॽ म़ेत्तासिग़ेॽ, करसाङ् आनिग़े पाःत्तुम्ब़ेबा पाःन्निन् खिनिॽ नसाःन् क़ेन्जोगुम्मिन्लो॥ |
| 26201 | JHN 3:12 | इङ्गाॽ इक्सादिङ् खाम्बेःक्मोबा पाःन्हाॽ खिनिॽ म़ेत्निङ् ह़ेक्केसाङ् नसाःन् चोःक्मा क़ेन्छुक्तुम्मिन्॥ ह़ेक्केःल्ल़े साङ्ग्राम्पेदाङ्ङोबा पाःन्हाॽ म़ेत्निङ्ङिल्ल़े आक्खेलॽरिक् नसाःन् चोःक्मा क़ेसुक्तुम्बे? |
| 26252 | JHN 4:27 | बा ख़ेन् य़ेम्मो य़ेसुऱे कुहुॽसाम्बाहाॽ ख़ेप्मो म़ेग़ेऱे म़ेद्य़े॥ खुऩेॽ ख़ेन् म़ेन्छुमाॽइन्नु ताॽज़ेङ्नु युङ़ेबा म़ेनिःसुआङ् खुनिॽ निङ्वाॽ मय़ेरो॥ ह़ेक्केसाङ् ख़ेङ्हाॽऱे ख़ेऩेॽ थेःन् चाहाबा क़ेजोग़ेबे? इग्र थेआङ् ख़ेन्नु ताॽक़ेज़ेङ्बाबे फाॽआङ् सेःन्म़ेन्दोःसुन्लो॥ |
| 26317 | JHN 5:38 | खुऩेॽ पाःत्तुबा कुबाःन्जाक्किन् खिनिॽओ म़ेवाॽऩेन्लो थेआङ्भ़ेल्ल़े खुऩेॽ पाङ्घुबा मनाःन् खिनिॽ नसाःन् क़ेन्जोगुम्मिन्लो॥ |
| 26319 | JHN 5:40 | ह़ेक्केसाङ् खिनिॽ इङ्गाॽओ ताःमाआङ् म़ेन्नुप्मनाबा हिङ्मन् खोःमा निङ्वाॽ क़ेन्जोगुम्मिन्लो॥ |
| 26370 | JHN 6:44 | थेआङ्भ़ेल्ल़े इङ्गाॽ याप्मि क़ेबाङ्बा पानुदिङ् पाःल्ल़े मनाहाॽ इङ्गाॽओ ताःमा निङ्वाॽ म़ेबिरुन्सिन्ल थारिक् आत्तिन्नाङ् इङ्गाॽओ ताःमा म़ेन्छुक्ऩेन्लो॥ ख़ेङ्हाॽ म़ेदाऩे फाॽग्र इङ्गाॽ कुनुप्मा य़ेन्नो कुहिङ्व़ेत् चोगुङ्सिङ्लो॥ |
| 26464 | JHN 8:14 | य़ेसुऱे ख़ेङ्हाॽ म़ेत्तुसि, “इङ्गाॽ आबाःन्हाॽ आबाङे पाःत्तुङ्साङ् ख़ेन् स़ेक्खाएरो, थेआङ्भ़ेल्ल़े इङ्गाॽ आत्तोलाम् त्याङ्ङाङ् आत्तान् पेःक्कार पत्ता ख़ेन् नुःरिक्काङ् निःसुङ्लो कर खिनिॽग इङ्गाॽ आत्तोलाम् त्याङ्बा ह़ेक्क्याङ् आत्तो पेःक्कार पत्ता ख़ेन् थेआङ् क़ेन्निःसुम्मिन्लो॥ |
| 26469 | JHN 8:19 | ख़ेङ्हाॽऱे खुऩेॽ सेःन्म़ेदोसु, “ख़ेऩेॽ क़ेबाःत्तुर क़ेऩेबा पानुदिङ् क़ेम्बाग आत्तो वाॽबे?” य़ेसुऱे ख़ेङ्हाॽ नोगप् पिरुसि, “खिनिॽग इङ्गाॽ याप्मि कुसिङ् क़ेन्निःत्तिन् ह़ेक्क्याङ् पानुदिङ् आम्बाआङ् कुसिङ् क़ेन्निःत्तुम्मिन्लो॥ इङ्गाॽ याप्मि कुसिङ् क़ेनिःत्तिल्ल़ेग आम्बाआङ् कुसिङ् क़ेनिःत्तुम्बाम़ेन्लो॥” |
| 26487 | JHN 8:37 | खिनिॽग अब्राहामऱे कुमुॽइदाङ्सानिङ् फाॽआङ् निःसुङ्लो, ह़ेक्केसाङ् याप्मि स़ेप्मा क़ेगोःत्तिॽरो थेआङ्भ़ेल्ल़े इङ्गाॽ हुॽनिङ्बा निसाम्मिन् खिनिॽ निङ्वाॽओ युङ्मा क़ेन्द़ेन्दिन्लो॥ |
| 26527 | JHN 9:18 | यहुदि लाम्लोःबाहाॽऱे आल्लसाङ् ख़ेन् मिक्फःम्बान् सावाःन्छिङ्ङाङ्धोए मिक्फःम्बा वय़े फाॽआङ् नसाःन् चोःक्मा म़ेन्छुक्तुन्लो॥ ख़ेल्ल़े चोगुल्ल़े ख़ेल्ल़े कुम्मा कुम्बासि म़ेउःत्तुसिआङ् सेःन्म़ेदोसुसि, |
| 26561 | JHN 10:11 | इङ्गाॽ क़ेनुॽबा म़ेल्लुक्कम्बाआरो॥ क़ेनुॽबा म़ेल्लुक्कम्बाङ्ग कुम़ेल्लुक्हाॽऱेलागि सिःमाए पोःङ्साङ् म़ेगिऩेन्लो॥ |
| 26564 | JHN 10:14 | इङ्गाॽ क़ेनुॽबा म़ेल्लुक्कम्बाआरो॥ इङ्गाॽ आम़ेल्लुक्हाॽ कुसिङ् निःत्तुङ्सिङ् ह़ेक्क्याङ् पानुदिङ् आम्बाऱे कुसिङ् निःत्ताबा ह़ेक्केए आम़ेल्लुक्हाॽऱे इङ्गाॽआङ् कुसिङ् म़ेनिःत्तारो–इङ्गाॽआङ् खुऩेॽ कुसिङ् निःत्तुङ्, ह़ेक्क्याङ् आम़ेल्लुक्हाॽऱे लागि सिःमाआङ् यारिप् वाॽआरो॥ |
| 26587 | JHN 10:37 | इङ्गाॽ पानुदिङ् आम्बाऱे चोःक् पाङ्ङाबा याःम्बक्किन् म़ेजोःक्कान्ऩे फाॽग्र याप्मि नसाःन् आन्जोग़ेम्मिन्ऩेॽओ॥ |
| 26800 | JHN 16:5 | “कर आल्ल इङ्गाॽ याप्मि क़ेबाङ्बाल्लो नुःङ्ङा पेःक्कार पत्ता ह़ेक्केसाङ् खिनिॽ आत्तिल्ल़ेआङ् आत्तान् क़ेबेःक्ल क़ेबप्पे फाॽआङ् इङ्गाॽ याप्मि सेःन्ग़ेन्दोःसिन्लो॥ |
| 26817 | JHN 16:22 | खिनिॽ लागिआङ् बा ह़ेक्के पोःङ्–आल्लोग मेरिङ् क़ेधक्तिॽ, कर इङ्गाॽ याम्मो खिनिॽ तुम्स़े ताआल्ल़े खिनिॽ क़ेसःत्तिॽरो ह़ेक्क्याङ् आत्तिल्ल़ेआङ् खिनिॽ सःप्मान् नाप्माआङ् तेॽमा क़ेन्छुक्तिन्लो॥ |
| 26818 | JHN 16:23 | ख़ेन् य़ेन्नो खिनिॽ थेआङ् याप्मि सेःन्ग़ेन्दोःसिन्लो॥ इङ्गाॽ स़ेक्खाए म़ेत्निङ्, आमिङ्ङो थे क़ेनाःक्तुम्साङ् पानुदिङ् आम्बाऱे क़ेबिरिॽरो॥ |
| 26874 | JHN 18:20 | य़ेसुऱे नोगप् पिरु, “इङ्गाॽग काक्ल़े म़ेघ़ेप्सुरए पाःराङ्लो, इङ्गाॽग काक् यहुदिहाॽ म़ेजुम्बा यहुदि चुम्लुङ्हिम्मो नु माङ्हिम्मो मनाहाॽ सदादिङ् हुॽरुङ्सिङ्ल वाॽरो॥ इङ्गाॽ स्वाःत्ताङ् थेआङ् म़ेम्बाःप्प़ेन्लो॥ |
| 26927 | JHN 19:33 | कर ख़ेङ्हाॽ य़ेसुरो म़ेभ़ेऱेल्ल़े य़ेसुःङ्ग तगिए स्य़ेबा म़ेनिःसुआङ् खुऩेॽ कुलाङ्हाॽ म़ेन्ए़क्खुन्लो॥ |
| 26970 | JHN 21:3 | सिमोन पत्रुसऱे ख़ेङ्हाॽ म़ेत्तुसि, “इङ्गाॽग ङा त़ेम्स़े पेःक्कारो॥” ख़ेङ्हाॽऱे, “आनिग़ेआङ् ख़ेऩेॽनुए पेगिग़ेॽरो” म़ेम़ेत्तु॥ ह़ेक्क्याङ् ख़ेङ्हाॽ खःङ्बेओ म़ेलाःस़ेआङ् योःङ् ल़ेप्स़े म़ेबे, कर ख़ेन् स़ेन्दिक् नाम्दाःत्ताःत् थेआङ् त़ेम्मा म़ेन्छुक्तुन्लो॥ |
| 26971 | JHN 21:4 | खाओःत्त़ेर पत्छ़ेल्ल़े य़ेसुःन् वरक्किल्ल़े कुबेसाङ् य़ेब़े, कर ख़ेङ्हाॽऱे खुऩेॽ य़ेसुःन्नेरो फाॽआङ् कुसिङ् निःप्मा म़ेन्छुक्तुन्लो॥ |
| 27045 | ACT 2:27 | थेआङ्भ़ेल्ल़े निङ्वाॽफुमाङ्ङे, इङ्गाॽ आयाम्साम्मिन् ख़ेमायङ्सङ्ङो पक्क़ेन्धऩेन्लो॥ ह़ेक्क्याङ् सेसे क़ेसेवारोबाल्ल़े कुधक्किन् इप्पुङ्ङो किःमा यःप्मा क़ेम्बाङ्घुन्लो॥ |
| 27105 | ACT 4:14 | कर ख़ेन् क़ेवेःप्पा मनाःन्नाङ् ख़ेङ्हाॽनुए य़ेब़ेबा म़ेनिःसुबाल्ल़े चोगुल्ल़े ख़ेङ्हाॽऱे खुनिॽ तक्ल़ेङ्वाओ थेआङ् पाःप्मा म़ेन्छुक्तुन्लो॥ |
| 27107 | ACT 4:16 | “आल्ल कन् मनाहाॽ थे म़ेप्मासिबे? कङ्हाॽऱेग निङ्वाॽ क़ेमाबा याःम्बक्हाॽ म़ेजोगुबान् यरुसल़ेम क़ेयुङ्बा काक् मनाहाॽऱे म़ेनिःसुआङ् म़ेवाॽ॥ ख़ेल्ल़े चोगुल्ल़े आनिॽआङ् कन् म़ेःन् फाॽआङ् पाःप्मा सुक्म़ेद़ेत्ऩेन्लो॥ |
| 27112 | ACT 4:21 | आल्ल काक् मनाहाॽऱे ख़ेप्मो पोःक्ख़ेबा हिन्दोःक्किन् म़ेनिःसुआङ् निङ्वाॽफुमाङ्ङिन् नोग़ेन् म़ेबिरुर कुनारा म़ेभोःसुबाल्ल़े चोगुल्ल़े कन् मनाहाॽ आक्खेलॽरिक् खुम्दिङ् पिमासि फाॽआङ्आप्तिक्कुःप्मा लाम् खोःमा म़ेन्छुक्तुन्लो॥ ख़ेल्ल़े चोगुल्ल़े ख़ेङ्हाॽऱे सेःक्युमिबाहाॽ याम्मो यङ्मा म़ेस़ेरुसिआङ् म़ेबाङ्घु म़ेदेःसुसि॥ |
| 27180 | ACT 6:10 | कर सेसेमाङ्लाम् सिक्कुम्दिङ् निङ्वाॽओ स्तिफनस़ेन् पाऱेबाल्ल़े चोगुल्ल़े ख़ेङ्हाॽऱे खुऩेॽ पाःन्धङ्ङो नाःम्मा म़ेन्छुक्तुन्लो॥ |
| 27307 | ACT 9:22 | कर सावलऱे आल्लसाङ् मुक्साम् कुधिम्बा इङ्भन् स़ेःसुर पेआङ् दमस्कसओ क़ेवाॽबा यहुदिहाॽ, य़ेसुःन्ने निङ्वाॽफुमाङ्ङिल्ल़े सेःन्दुबा ख्रिस्तरो फाॽआङ् याःन्दुसिरो॥ ह़ेक्केःल्ल़े ख़ेङ्हाॽऱे नोगप्पे पिमा म़ेन्छुक्तुन्लो॥ |
| 27311 | ACT 9:26 | सावल़ेन्यरुसल़ेम पेआङ् ख़ेप्मोबा हुॽसाम्बाहाॽनु सोरिक् वाॽमा निङ्वाॽ चोगु, कर ख़ेङ्हाॽऱे खुऩेॽ साॽरिक् म़ेगिरु ह़ेक्क्याङ् खुऩेॽ हुॽसाम्बा फाॽआङ् कुनासाॽमाए म़ेन्छुक्तुन्लो॥ |
| 27477 | ACT 13:46 | कर पावल नु बरनाबास़ेन् म़ेङ्गिए अक्खेलॽरिक् पाऱेत्छि, “निङ्वाॽफु पाःन्जाक्किङ्ग काक्नु तगि खिनिॽ यहुदिहाॽनु पाःप्मा क़ेबोःङ्बा वय़े, कर खिनिॽए कन् क़ेनाॽरुम्लो॥ ह़ेक्क्याङ् म़ेन्नुप्मनाबा हिङ्मन् खोःमा सुम्बोधासाबा म़ेम्बोःङ्मा फाॽआङ् खिनिॽ ओसेःन्ग़ेधाक्तुम्लो॥ ख़ेल्ल़े चोगुल्ल़े आल्ल आनिग़े खिनिॽलाम् लःन्दिग़ेआङ् थिम्म़ेन्दङ् सुवाङ्हाॽओ पेगिग़ेॽरो॥ |
| 27850 | ACT 24:13 | ख़ेङ्हाॽऱे म़ेगुःत्ताङ्बा आप्तिक्ल़े तोःन्दिआङ् ताःप्मा म़ेन्छुक्तुन्लो॥ |
| 27871 | ACT 25:7 | पावल़ेन् ख़ेप्मो म़ेदारुआङ् यरुसल़ेम्लाम् क़ेयुःबा यहुदिहाॽ खुऩेॽ कुघिरि म़ेय़ेम्सिङ्ङाङ् पयम् यम्बा आप्तिक्हाॽ कुःप्मा म़ेहेःक्तु, कर खुऩेॽ म़ेगुःत्तुबा आप्तिक्हाॽ स़ेक्खाए फाॽआङ् ओसेःन्धाक्मा म़ेन्छुक्तुन्लो॥ |
| 27875 | ACT 25:11 | सिःम़ेल्ल़ेन् खुम्दिङ् खोःमा थिम् फेःन्दुङ्ङाङ् वाॽआऩे फाॽग्र इङ्गाॽ सिःमा पोःङ्साङ् म़ेअत्तुङ्ङिन्लो॥ कर इङ्गाॽ म़ेगुःत्ताङ्बा आप्तिक् पाःन्नो स़ेक्खा पाःन् होःप्पाल्ल़े चोगुल्ल़े आत्तिल्ल़ेआङ् इङ्गाॽ खुनिॽओ हुक्सुप्मा म़ेन्छुक्कान्लो॥ इङ्गाॽ रोमओ हाङ्युक्पा सिजरऱेल्लो आदुःन्देल्ल़ेन् खास़ेन् पोःङ्ल फाॽआङ् य़ेक्पेलि चोःक्कारो!” |
| 27882 | ACT 25:18 | ह़ेक्क्याङ् खुऩेॽ आप्तिक् क़ेगुःप्पाहाॽ म़ेय़ेम्सिङ्ङाङ् आप्तिक् कुःप्मा म़ेहेःक्तु, कर इङ्गाॽ निङ्वाॽ इःत्तुङ्बा ह़ेक्के पयम् आप्तिक् थेआङ् कुःप्मा म़ेन्छुक्तुन्लो॥ |
| 27993 | ACT 28:26 | ‘कन् मनाहाॽरो पेग़ेॽआङ् अक्खे म़ेत्त़ेस़ेॽ, आबाःन्जाक्किन् खिनिॽ क़ेघ़ेप्सुम् आल्लसाङ् नुःरिक्काङ् क़ेघ़ेप्सुम्, कर कुसिङ् क़ेन्निःत्तुम्मिन्लो॥ आयाःम्बक्किन् खिनिॽ ओग़ेम़ेत्तुम् आल्लसाङ् नुःरिक्काङ् ओग़ेम़ेत्तुम् ह़ेक्केसाङ् क़ेन्निःसुम्मिन्लो॥ |
| 28192 | ROM 8:8 | लायोबा सुत्नाःल्ल़े युक्तुसिबाहाॽऱे निङ्वाॽफुमाङ्ङिल्ल़े कुनिङ्वाॽ ताःमा म़ेन्छुक्तुन्लो॥ |
| 28208 | ROM 8:24 | थेआङ्भ़ेल्ल़े आनिॽ स़ेन्लप् आघोःसुम्माङ्धोए कन् स़ेक्खाबा निङ्साङ्ङिन् आगत्तुम्माङ् वाॽ॥ निःमनाबा पाःन्निन् निङ्साङ् आन्जोगुम्मिन्लो॥ आल्ल तगिसा कत्तुबा पाःन्निन् हाःत्ल़े निङ्साङ् चोगुॽबे? |
| 28254 | ROM 9:31 | कर इस्राइलिहाॽऱे साम्योथिम्मिन् इःप्मा नाःप्माआङ् साम्योनिबा पोःङ्मा तम्सिन् म़ेजोगुसाङ् साम्योनिबा म़ेन्बोःक्ख़ेन्लो॥ |
| 28272 | ROM 10:16 | कर क़ेऱेक्ल़े सुनाइङ्ङिन् म़ेन्दाःक्तुन्लो॥ माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुॽ, “आदाङ्बे, आनिग़े इङ्भोःसुम्ब़ेबा पाःन्निन् हाःत्ल़े नसाःन् चोगुआङ् वाॽबे?” |
| 28349 | ROM 14:1 | नसाःन्नो निङ्वाॽ क़ेबाःक्पा नसानिबाहाॽऱे म़ेइःत्तुबा निङ्वाॽ पाःन्निन् इङ्दो म़ेम्म़ेत्ते खिनिॽ सेसे तङ्जुम्मो ख़ेङ्हाॽ ताःक्त़ेम्सिम्म़ेॽओ॥ |
| 28439 | 1CO 1:8 | खुऩेॽए कुनुप्मो थारिक् नसाःन्नो थधप् म़ेल्लॽए क़ेगत्तिॽ, ह़ेक्केःल्ल़े आनिॽ दाङ्बा य़ेसु ख्रिस्त़ेल्ल़े कुनुःङ्मा युःमा य़ेन्नो आत्तिल्ल़ेआङ् खिनिॽ पाःन्धिक्मा क़ेन्छुक्तिन्लो॥ |
| 28475 | 1CO 2:13 | आल्ल आनिग़े ख़ेन् पाःत्तुम्ब़ेबा पाःन्हाॽग म़ेन्छाम्ग़ेन् सिक्कुम्दिङ् निङ्वाॽलाम्बा म़ेःन्लो, कर सेसेमाङ्ङिल्ल़े याप्मि हुॽरिग़ेबा कुइसिःक्के याम्साम्ग़ेन् पाःन्हाॽग सेसेमाङ् क़ेगप्पाहाॽ च़ेक्तुम्सिम्ब़ेॽरो॥ |
| 28489 | 1CO 3:11 | थेआङ्भ़ेल्ल़े तगि ऩेस्स़े चुऱेबा हिम्पाङ्यक्किङ्ग य़ेसु ख्रिस्तरो॥ ख़ेन् ऩेमनाबा हिम्पाङ्यक्किन्नुःल्ल़े वेॽ आत्तिन्हाॽऱेआङ् वेॽ हिम्पाङ्यक् ऩेमा म़ेन्छुक्तुन्लो॥ |
| 28527 | 1CO 5:5 | ख़ेन् मनाःन् सेसेहुप्लक्लाम्बा लःत्त़ेम्देःस़ेम्म़ेॽआङ् माफ़ेन्साम्मिन् हुक्सुप्त़ेम्म़ेॽओ॥ ह़ेक्केलॽरिक् नासिङ्ग़ेन् कुधक्किन् म़ेक्ल ह़ेक्क्याङ् कुयाम्साम्मिन् दाङ्बान् नुःङ् युःबा य़ेन्नो ताङ्स़ेःप्लरो॥ |