| 23369 | MAT 6:18 | ह़ेक्केलॽरिक् ख़ेऩेॽ चाःऩेत् क़ेयुङ्बान् वेॽ मनाहाॽऱे निङ्वाॽ म़ेङ्घोःसुन्लरो, कर निःम़ेन्द़ेप्मनाबा पानुदिङ् क़ेम्बा निङ्वाॽफुमाङ्ङिल्ल़ेरक् निःसुररो॥ ह़ेक्के क़ेजोगुल्ल़े स्वाःत्ताङ् चोःक्मनाबा क़ेनिःबा पानुदिङ् क़ेम्बाऱे हाङ्स़ेम् क़ेबिॽरो॥” |
| 23526 | MAT 10:40 | “आत्तिल्ल़े खिनिॽ लाङ्ग़ेदाःक्तिॽ, ख़ेल्ल़े इङ्गाॽआङ् लाङ्दाःक्कारो, ह़ेक्क्याङ् आत्तिल्ल़े इङ्गाॽ लाङ्दाःक्का, ख़ेल्ल़े इङ्गाॽ याप्मि क़ेबाङ्ब़ेन्नाङ् लाङ्दाःक्तुॽरो॥ |
| 23527 | MAT 10:41 | आत्तिल्ल़े माङ्निङ्वाॽपाःन् क़ेबाःप्प़ेन्लाङ्दाःक्तुॽ, ख़ेल्ल़े माङ्निङ्वाॽपाःन् क़ेबाःप्प़ेल्ल़ेन् थुम्घोःन् खोःसुॽरो॥ ह़ेक्क्याङ् आत्तिल्ल़े साम्योनिबा याप्मिःन् लाङ्दाःक्तुॽ, ख़ेल्ल़े साम्योनिबाल्ल़ेन् थुम्घोःन् खोःसुॽरो॥ |
| 23732 | MAT 15:30 | ख़ेप्मो यरिक् मनाहाॽऱे लाङ्सक्पाहाॽ, मिक्फःम्बाहाॽ, लाङ् हुक् फ़ेत्क़ेलाॽबाहाॽ, खुनिॽ पाःन् म़ेन्लःम्मनाबाहाॽ नु वेॽ यरिक् क़ेदुक्पा क़ेयॽबाहाॽ म़ेदारुसिआङ् कुलाङ्बुङ्मो म़ेयुक्खुसिरो॥ ह़ेक्क्याङ् ख़ेङ्हाॽ क़ेऱेक् य़ेसुऱे नुसुसिरो॥ |
| 23763 | MAT 16:22 | कर पत्रुसऱे खुऩेॽ थिक्ल़ेप्माङ् तेॽरुआङ् फ़ेःक्तु, “आदाङ्बे, निङ्वाॽफुमाङ्ङिल्ल़े अक्खे पोःङ्मा म़ेबाङ्घुन्लो, अक्तङ्बा पाःङ्ग ख़ेऩेॽनु आप्फाल्ल़ेआङ् म़ेबोःङ्ऩेल्लो॥” |
| 23801 | MAT 18:5 | ह़ेक्क्याङ् आत्तिल्ल़े आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, ख़ेल्ल़े इङ्गाॽ लाङ्दाःक्कारो॥ |
| 24092 | MAT 25:15 | ख़ेल्ल़े थिक्किन् ह़ेन्छिङ् ङासि (५०००) साम्म्याङ् याङ्इत्छि, वेॽस्मान् ह़ेन्छिङ् ऩेत्छि (२०००) साम्म्याङ् याङ्इत्छि, ह़ेक्क्याङ् सुम्सिगेःक्प़ेन्ह़ेन्छिङ् थिक् (१०००) साम्म्याङ् याङ्इत्छिःन्याङ् क़ेःमा म़ेल़ेस्सुबा कुइसिःक् पिरुसिरो॥ ह़ेक्क्याङ् ख़ेन् माःङ्घा लाम्दिःक्को पेरो॥ |
| 24136 | MAT 26:13 | इङ्गाॽ स़ेक्खाए म़ेत्निङ्, इक्सादिङ् खाम्बेःक्मो आत्तिसाङ् सुनाइङ् इङ्भोःल्ल़े, ख़ेप्मो कन् म़ेन्छुमाॽइल्ल़े चोगुबा कुयाःम्बक्किन् मनाहाॽऱे म़ेज़ेक्खुआङ् निङ्वाॽ म़ेइःत्तुरो॥” |
| 24240 | MAT 27:42 | ख़ेङ्हाॽऱे म़ेबाःत्तु, “ख़ेल्ल़ेग वेॽहाॽ ताङ्स़ेःप्तुसि, कर आबाङे ताङ्स़ेःप्सिङ्मा म़ेसुक्त़ेन्लो॥ खुऩेॽग इस्राइलस्मा हाङ्मु! हाराॽ खुऩेॽ सिलाम्साक्मा सिङ्ङोलाम् यो थाःर, ह़ेक्क्याङ् आनिग़े खुऩेॽ नसाःन् चोगुम्ब़ेॽरो॥ |
| 24318 | MRK 1:34 | य़ेसुऱे वेॽ वेॽ परिक्पा तुक्माल्ल़े तरुसिबा मनाहाॽ वेःन्दुसिर यरिक् फ़ेन्साम्हाॽ नाःत्तुलःत्तुसिरो॥ खुऩेॽ फ़ेन्साम्हाॽ पाःप्मा म़ेबाङ्घुन्सिन्, थेआङ्भ़ेल्ल़े खुऩेॽ हाःत् फाॽआङ् कुसिङ् म़ेनिःत्तुआङ् म़ेवय़ेरो॥ |
| 24386 | MRK 3:29 | कर सेसेमाङ्ङिल्ल़े कुदक्ल़ेङ्वाओ माङ्च़ेॽया पाःन् क़ेबाःप्पाहाॽऱे आप्फाल्ल़ेआङ् ल़ेप्मि म़ेङ्घोःसुन्लो, थेआङ्भ़ेल्ल़े कङ्ग ल़ेप्मि म़ेम्बोःङ्मनाबा लायोरो॥” |
| 24487 | MRK 6:11 | ह़ेक्क्याङ् आत्तिन् लाजेॽओ खिनिॽ लाम् क़ेम़ेन्दाःक्तिन् ह़ेक्क्याङ् खिनिॽ पाःन्नाङ् म़ेङ्घ़ेप्सुन्, ख़ेन् लाजेॽइन्क़ेल़ेरुम्माङ्क़ेबिगिल्ल़े खिनिॽ लाङ्ङो क़ेघिप्पा खाम् हिःक्किन् थाप्स़ेम् थाॽऱेम्सिम्म़ेॽ कङ्ग खुनिॽ तक्ल़ेङ्वाओ क़ेबोःङ्बा मिक्सेःन्लो॥” |
| 24497 | MRK 6:21 | आल्ल यम्बा सुय़ेम् त्य़े॥ ह़ेरोद हाङ्ङिल्ल़े कुसावाःन्छिङ्मा ससःत्सराङ्ङो गालिल थुम्मोबा पयम्यम्बा सुहाङ्युक्पाहाॽ, तिलिङ्गाहाॽऱे खुनिॽ थक्तुम्बाहाॽ नु मिङ्सोदाङ्बा तुम्म्याहाङ्हाॽ तरे उःत्तुसिआङ् वय़े॥ |
| 24600 | MRK 8:31 | ह़ेक्क्याङ् य़ेसुऱे ख़ेङ्हाॽ अक्खे पाःत्तुर हुॽमा हेःक्तुसि, इङ्गाॽ म़ेन्छाम्साःल्ल़े यरिक् तुक्खेहाॽ तुम्मा पोःङ्, ह़ेक्क्याङ् यहुदि तुम्लाम्लोःबाहाॽऱे, तुम्निङ्वाॽफुसाम्बाहाॽऱे, ह़ेक्क्याङ् साम्योथिम्साम्बाहाॽऱे म़ेनाॽआ, ह़ेक्क्याङ् म़ेस़ेत्ताआङ्याम्मो सुम् य़ेन् एगाङ् सिःम़ेन्लाम् याम्मो हिङ्ङा क़ेलॽबा पाःन्निन् कुनिङ्वाॽ हन्दुआङ् च़ेक्तुसिरो॥ ह़ेक्केःल्ल़े पत्रुसऱे खुऩेॽ थिक्ल़ेप्माङ् तेॽरुआङ् फ़ेःक्तुरो॥ |
| 24644 | MRK 9:37 | “आत्तिल्ल़े आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, ख़ेल्ल़े इङ्गाॽ लाङ्दाःक्कारो॥ इङ्गाॽ याप्मि लाङ्ग़ेदाःक्पाल्ल़े इङ्गाॽ याप्मि क़ेबाङ्बा निङ्वाॽफुमाङ्ङिन्नाङ् लाङ्दाःक्तुॽ॥” |
| 24694 | MRK 10:37 | ख़ेङ्हाॽऱे नोगप् पिऱेत्छु, “ख़ेऩेॽ मिमिदिङ्ग़ेन् क़ेहाङ्जुम्मो क़ेयुङ्ङिल्ल़े, क़ेजुप्साङ् नु क़ेभ़ेन्छाङ् ल़ेप्माङ् आन्छिग़े युङ्मा याप्मि पाङ्घ़ेॽओ॥” |
| 24736 | MRK 11:27 | ख़ेङ्हाॽ याम्मो यरुसल़ेम्मो म़ेद्य़े॥ य़ेसुःन् माङ्हिम् लक्खुम्मो ताक्कन्नु वय़ेल्ल़े ख़ेप्मो तुम्निङ्वाॽफुसाम्बाहाॽ, साम्योथिम्साम्बाहाॽ नु यहुदि तुम्लाम्लोःबाहाॽ म़ेद्य़ेआङ् |
| 24772 | MRK 12:30 | क़ेन्दाङ्बा निङ्वाॽफुमाङ्ङिन् ख़ेऩेॽ क़ेऱेक् क़ेसिक्लुङ्माल्ल़े क़ेऱेक् क़ेसक्मासाम्मिल्ल़े, क़ेऱेक् क़ेनिङ्वाॽइल्ल़े, क़ेऱेक् क़ेधुम्मिल्ल़े मिःम्जि म़ेत्त़ेॽओ॥’ |
| 24775 | MRK 12:33 | ह़ेक्क्याङ् खुऩेॽ क़ेऱेक् सिक्लुङ्माल्ल़े, क़ेऱेक् निङ्वाॽइल्ल़े, क़ेऱेक् थुम्मिल्ल़े निङ्वाॽफुमाङ्ङिन् मिःम्जि म़ेप्मा नु पाङ्भेॽसाबाहाॽ आबाङे ह़ेक्के लुङ्माॽ तुक्मासिग, क़ेऱेक् मिधिङ्मनाआङ्तोःम्मनाबा सिदुङ्जभा नु वेॽ सिदुङ्जभा चोःक्मानुःल्ल़ेआङ् यम्बा इङ्जाःङ्लो॥” |
| 24780 | MRK 12:38 | अक्खेलॽरिक् य़ेसुऱे म़ेत्तुसि, “साम्योथिम्साम्बाहाॽनु सिङ्सिङ् लॽऱेम्म़ेॽओ! ख़ेङ्हाॽ केःम्बा केःम्बा लगेप् म़ेजाक्खुआङ् नानुगत्ना लाङ्म़ेघेःक्लो, ह़ेक्क्याङ् पाङ्जुम् लुम्मो सेवा म़ेम़ेत्तिग़ेर क़ेलॽबा निङ्वाॽ म़ेजोगुआङ् |
| 24832 | MRK 14:9 | इङ्गाॽ स़ेक्खाए म़ेत्निङ्, इक्सादिङ् खाम्बेःक्मो आत्तिसाङ् सुनाइङ् इङ्भोःल्ल़े, ख़ेप्मो कन् म़ेन्छुमाॽइल्ल़े चोगुबा कुयाःम्बक्किन् मनाहाॽऱे म़ेज़ेक्खुआङ् निङ्वाॽ म़ेइःत्तुॽरो॥” |
| 24866 | MRK 14:43 | ह़ेक्केलॽरिक् खुऩेॽ पाऱेर पत्छ़ेल्ल़ेसा थिक्-ऩेत् कुहुॽसाम्बाहाॽओबा यहुदा म़ेप्मनाब़ेन् ख़ेप्मो क़ेऱे त्य़े॥ खुऩेॽनु तुम्निङ्वाॽफुसाम्बाहाॽ, साम्योथिम्साम्बाहाॽ नु यहुदि तुम्लाम्लोःबाहाॽऱे म़ेबाङ्घुसिबा ताभे नु तक्काःत् क़ेगप्पा यरिक् मनाहाॽआङ् म़ेवय़ेरो॥ |
| 24876 | MRK 14:53 | ह़ेक्क्याङ् ख़ेङ्हाॽऱे य़ेसुःन् मानिङ्वाॽफुसाम्बाल्ल़े कुहिम्मो म़ेदेॽरु॥ ख़ेप्मो तुम्निङ्वाॽफुसाम्बाहाॽ, यहुदि तुम्लाम्लोःबाहाॽ नु साम्योथिम्साम्बाहाॽ म़ेजुप्स़ेआङ् म़ेवय़ेरो॥ |
| 24896 | MRK 15:1 | कुनाम्दाःप्मा खाओःत्त़ेर पत्छ़ेल्ल़ेसा तुम्निङ्वाॽफुसाम्बाहाॽ, यहुदि तुम्लाम्लोःबाहाॽ, साम्योथिम्साम्बाहाॽ नु काक् यक्चुम्भोबा मनाहाॽ चुम्लुङ् म़ेजोग़े॥ ह़ेक्क्याङ् ख़ेङ्हाॽऱे य़ेसुःन् इम़ेघेःक्खु ह़ेक्क्याङ् रोमि सुहाङ्ग़ेम्बा पिलातसरो म़ेदेॽरुरो॥ |
| 24926 | MRK 15:31 | ह़ेक्केलॽरिक्के तुम्निङ्वाॽफुसाम्बाहाॽ नु साम्योथिम्साम्बाहाॽऱेआङ् खुऩेॽ किनाःन्दि म़ेबिरुर अक्खे म़ेबाःत्तु, “ख़ेल्ल़े वेॽ मनाहाॽग ताङ्स़ेःप्तुसि, कर खुऩेॽ आबाङेग स़ेःप्सिङ्मा म़ेसुक्सिङ्ङिन्लो॥ |
| 25095 | LUK 3:1 | आल्ल रोमि पयम् हाङ् तिबेरियस़ेल्ल़े हाङ् चोगुबा तङ्बे थिक्-ङा (१५) क़ेऱेआङ् वय़ेल्ल़े पन्तियस पिलातस़ेन् यहुदियाबा सुहाङ्ग़ेम्बा वय़े॥ ख़ेन् य़ेम्मो ह़ेरोद़ेन गालिलस्मा सुहाङ्ग़ेम्बा, कुन्साॽ फिलिप्प़ेन्इतुरिया नु त्राकोनितिस थुम्मोबा सुहाङ्ग़ेम्बा, ह़ेक्क्याङ् लिसानियास़ेन् एबिलेनि थुम्मोबा सुहाङ्ग़ेम्बा म़ेवय़े, |
| 25173 | LUK 4:41 | ह़ेक्क्याङ् फ़ेन्साम्हाॽग अक्खे म़ेबाःत्तुर म़ेलःन्द़े म़ेबेरो, “ख़ेऩेॽग निङ्वाॽफुसाःऩेरो॥” कर य़ेसुऱे ख़ेङ्हाॽ फ़ेःक्तुसिर पाःप्मा म़ेबाङ्घुन्सिन्, थेआङ्भ़ेल्ल़े ख़ेङ्हाॽऱे खुऩेॽए निङ्वाॽफुमाङ्ङिल्ल़े सेःन्दुबा ख्रिस्तरो फाॽआङ् म़ेनिःसुआङ् म़ेवय़ेरो॥ |
| 25212 | LUK 5:36 | ह़ेक्क्याङ् याम्मो खुऩेॽ कन् ख़ेदाॽइन् ख़ेङ्हाॽ म़ेत्तुसि, “हाःत्ल़ेआङ् कुसङ् चाङ्ङिन् थ़ेःक्खुआङ्कुद्ऱेक्चाङ्ङिन् म़ेल़ेम्दुन्, ल़ेम्दुऩे फाॽग्र कुसङ् चाङ्ङिन् त़ेःङ्बेःक्लो, ह़ेक्क्याङ् कुसङ् चाङ्ङिल्ल़े कुद्ऱेक्चाङ्ङिन् म़ेघ़ेम्दुन्नाङ्लो॥ |
| 25239 | LUK 6:24 | कर आल्लो याङ्साकुन्धेसाबासे, चिःत्ताङ्लक् स्य़ेरो, थेआङ्भ़ेल्ल़े खिनिॽ सःप्मान् नु निङ्वाॽ ताःमान् खिनिॽ हिङ्मन्नोए क़ेघोःसुम्माङ् क़ेवयिॽरो॥ |
| 25418 | LUK 9:48 | ह़ेक्क्याङ् कुहुॽसाम्बाहाॽ म़ेत्तुसि, “आत्तिल्ल़े आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, ख़ेल्ल़े इङ्गाॽ लाङ्दाःक्कारो॥ इङ्गाॽ याप्मि लाङ्ग़ेदाःक्पाल्ल़े इङ्गाॽ याप्मि क़ेबाङ्बा निङ्वाॽफुमाङ्ङिन्नाङ् लाङ्दाःक्तुॽ॥ आत्तिन् खिनिॽओ क़ेऱेक्नुःल्ल़े चुक्सा चोःक्, ख़ेन्ने क़ेऱेक्नुःल्ल़े यम्बारो॥” |
| 25459 | LUK 10:27 | ख़ेल्ल़े नोगप् पिरु, “‘ख़ेऩेॽ क़ेन्दाङ्बा निङ्वाॽफुमाङ्ङिन् क़ेऱेक् क़ेसिक्लुङ्माल्ल़े, क़ेऱेक् क़ेसक्मासाम्मिल्ल़े, क़ेऱेक् क़ेधुम्मिल्ल़े ह़ेक्क्याङ् क़ेऱेक् क़ेनिङ्वाॽइल्ल़े, मिःम्जि म़ेत्त़ेॽ,’ ह़ेक्क्याङ् ‘आप्फेःक्लुङ्माॽ क़ेदुक्सिङ्बा कुइसिःक्के क़ेहिम्बेसाङ्बाहाॽआङ्लुङ्माॽ तुक्त़ेस़ेॽओ॥’” |
| 25555 | LUK 12:27 | आल्ल लि-लि फुङ्ङिन् पोःबान्ओम़ेत्त़ेम्म़ेॽओ, ख़ेङ्हाॽऱे खिः म़ेन्देःसुन् खिःआङ् म़ेन्लःन्ऩेन्, ह़ेक्केसाङ् ख़ेङ्हाॽ सोलोमन हाङ्ङिल्ल़े कुनुॽमा कुदाःमाओ कन् लि-लि फुङ्ङिन्यारिक्काङ्नुःबा तेःत् म़ेजाक्सिङ्ङिन्लो! |
| 25847 | LUK 19:47 | ह़ेक्क्याङ् खुऩेॽ थिक्याःन्धक् माङ्हिम्मो निसाम् हुॽरुसिरो॥ कर तुम्निङ्वाॽफुसाम्बाहाॽ, साम्योथिम्साम्बाहाॽ नु लाम्लोःबाहाॽऱे खुऩेॽ स़ेप्मा निङ्वाॽ म़ेजोगु, |
| 25849 | LUK 20:1 | थिक् य़ेन् य़ेसुऱे माङ्हिम्मो निसाम् हुॽरुसिर सुनाइङ् इङ्भन् चोगुर याग़े॥ ख़ेप्मो तुम्निङ्वाॽफुसाम्बाहाॽ, साम्योथिम्साम्बाहाॽ ह़ेक्क्याङ् यहुदि तुम्लाम्लोःबाहाॽ म़ेद्य़ेआङ् |
| 25883 | LUK 20:35 | कर ताःन्दि क़ेदाःबा य़ेम्मोग ह़ेक्के म़ेबोःङ्ऩेल्लो, थेआङ्भ़ेल्ल़े सिःम़ेन्लाम् याम्मो हिङ्मा लाॽरुसिबा मनाहाॽ मेःक्खिम् म़ेन्जोःक्ऩेन्लो॥ |
| 25894 | LUK 20:46 | “साम्योथिम्साम्बाहाॽनु सिङ्सिङ् लॽऱेम्म़ेॽओ! ख़ेङ्हाॽ केःम्ब्केःम्बा लगेप् म़ेजाक्खुआङ् नानुगत्ना लाङ्म़ेघेःक्लो, ह़ेक्क्याङ् पाङ्जुम् लुम्मो सेवा म़ेम़ेत्तिग़ेर क़ेलॽबा निङ्वाॽ म़ेजोगुआङ् यहुदि चुम्लुङ्हिम्मो नु साभाङ्जाओ तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥ |
| 25985 | LUK 22:52 | ह़ेक्क्याङ् य़ेसुऱे खुऩेॽ कुद़ेम्स़े क़ेदाःबा तुम्निङ्वाॽफुसाम्बाहाॽ, माङ्हिम् क़ेगोःबाहाॽऱे खुनिॽ थक्तुम्बाहाॽ नु यहुदि तुम्लाम्लोःबाहाॽ अक्खे म़ेत्तुसि, “इङ्गाॽ हाङ्बिफ्युङ् क़ेजोःक्पाआबि? थेआङ् इङ्गाॽ आद़ेम्स़े ताभेनु तक्काःत्नु क़ेद्य़ेॽइबे? |
| 25994 | LUK 22:61 | य़ेसुऱे खिरि हिसिङ्ङाङ् पत्रुस़ेन् ओम़ेत्तु॥ ह़ेक्क्याङ् दाङ्बाल्ल़े, “आइन् इङ्वा काःमानुःल्ल़े तगि ख़ेऩेॽ सुम्ल़ेङ् क़ेनाॽआरो” पाःत्तुबा पाःन्निन् पत्रुसऱे कुनिङ्वाॽ सुम् लॽऱे॥ |
| 26017 | LUK 23:13 | ह़ेक्क्याङ् पिलातसऱे तुम्निङ्वाॽफुसाम्बाहाॽ, यहुदि लाम्लोःबाहाॽ नु मनाहाॽ उःत्तुसिआङ् |
| 26026 | LUK 23:22 | ह़ेक्क्याङ् सुम्ल़ेङ्ङो पिलातसऱे ख़ेङ्हाॽ याम्मो म़ेत्तुसि, “थेआङ्बे? ख़ेल्ल़े थे याःम्बक् फेःन्दुआङ् वाॽबे? खुऩेॽ सिःम़ेल्ल़े खुम्दिङ् खोःमा याःम्बक् चोगुबा इङ्गाॽ म़ेङ्घोःबान्लो, ह़ेक्केःल्ल़े खुऩेॽ त़ेःम्भुक् याक्पाङ्घुङ्सिङ्ङाङ् ल़ेरुङ्देःसुङ्लो॥” |
| 26089 | LUK 24:29 | कर ख़ेङ्हाॽऱे खुऩेॽ अक्खे म़ेत्त़ेछुर पेलि फाक्त़ेत्छु, “ख़ेऩेॽ आन्छिग़ेनुए आइन् स़ेन्दिक् याङ्धोःक्त़ेॽओ, थेआङ्भ़ेल्ल़े आल्लो नाम्ध्य़ेआङ् खादाम्ल पत्लो॥” ह़ेक्केःल्ल़े खुऩेॽ ख़ेङ्हाॽनु याङ्धोःक्स़े पेरो॥ |
| 26225 | JHN 3:36 | निङ्वाॽफुसाःन् नसाःन् क़ेजोःक्पा क़ेऱेक्ल़े म़ेन्नुप्मनाबा हिङ्मन् म़ेघोःसुॽरो॥ आबुग़ेन् कुस्साःन् नसाःन् म़ेन्जोःक्मनाबाहाॽऱे म़ेन्नुप्मनाबा हिङ्मन् आप्फाल्ल़ेआङ् म़ेङ्घोःसुन्लो, कर निङ्वाॽफुमाङ्ङिल्ल़े कुसाक्क़ेन्निन् ख़ेङ्हाॽ सम्दाङ् चुक्लो॥ |
| 26323 | JHN 5:44 | खिनिॽ आबाङे मिङ्सो इङ्धाःङ् क़ेबिआसि, कर थिक्लक् निङ्वाॽफुमाङ्लाम् क़ेदाःबा मिङ्सो इङ्धाःङ्ङिङ्ग क़ेङ्गोःत्तुम्मिन्, ह़ेक्केःल्ल़े आक्खेलॽरिक् खिनिॽ याप्मि नसाःन् चोःक्मा क़ेसुक्तिबे?” |
| 26719 | JHN 13:20 | इङ्गाॽ स़ेक्खाए म़ेत्निङ्, आत्तिल्ल़े इङ्गाॽ पाङ्घुङ्सिङ्बाहाॽ लाङ्दाःक्तुसिॽ, ख़ेल्ल़े इङ्गाॽ लाङ्दाःक्कारो, ह़ेक्क्याङ् आत्तिल्ल़े इङ्गाॽ लाङ्दाःक्का, ख़ेल्ल़े इङ्गाॽ याप्मि क़ेबाङ्ब़ेन् लाङ्दाःक्तुॽरो॥” |
| 26810 | JHN 16:15 | काक् पानुदिङ् पाःल्ल़े कुबाःन्हाॽ इङ्गाॽइन्लो, ख़ेल्ल़े चोगुल्ल़े सेसेमाङ्ङिल्ल़े इङ्गाॽलाम्मे पाःन्हाॽ तेॽरुआङ् खिनिॽ क़ेम़ेत्तिॽरो फाॽआङ् पाःत्तुङ्बारो॥” |
| 27060 | ACT 2:42 | ह़ेक्क्याङ् ख़ेङ्हाॽ सेःक्युक्मिबाहाॽऱे खुनिॽ निसाम्मिन् नु सेसे तङ्जुम्मो, ह़ेक्क्याङ् तुवा चोःक्मा नु मिःम् साभाङ्जा चामाओ चक्म़ेल्लॽए म़ेबत्छ़ेरो॥ |
| 27080 | ACT 3:15 | अक्खेलॽरिक् खिनिॽ ऩेत्तिग़ेन् हिङ्मन्ल़े कुबुन्निन् स़ेप्मा क़ेबाङ्घुम्सिम्, कर निङ्वाॽफुमाङ्ङिल्ल़े खुऩेॽग कुसिव़ेत्लाम् कुहिङ्व़ेत् चोगुरो॥ ख़ेन् पाःन्निल्ल़ेन् तोःन्दि आनिग़े वयिग़ेरो॥ |
| 27092 | ACT 4:1 | पत्रुस नु युहुन्नाऱे मनाहाॽ इङ्भोःस़ेत्छुर याग़ेत्छिल्ल़े निङ्वाॽफुसाम्बाहाॽ, माङ्हिम् क़ेगोःबा थक्सुबाहाॽऱे खुनिॽ थक्तुम्बा नु कुभा सदुकिहाॽ ख़ेप्मो म़ेद्य़ेरो॥ |
| 27096 | ACT 4:5 | ह़ेक्क्याङ् कुदाःन्दिक्मा सुहाङ्युक्पाहाॽ, यहुदि तुम्लाम्लोःबाहाॽ नु साम्योथिम्साम्बाहाॽ यरुसल़ेम्मो चुम्लुङ् म़ेजोग़े॥ |
| 27101 | ACT 4:10 | आल्ल खिनिॽ नु वेॽ इस्राइलबा काक् मनाहाॽऱे कन् कुसिङ् निःत्त़ेम्म़ेॽओ, नासरतस्मा य़ेसु ख्रिस्तऱे कुमुक्साम्लाम् कन् मनाःन् खिनिॽ तगि वेःत्त़ेआङ् य़ेप्लो॥ य़ेसुःङ्ग खिनिॽ सिलाम्साक्मा सिङ्सम्दाङ् फोःम्मा स़ेप्मा क़ेबाङ्घुम्सिम्, कर निङ्वाॽफुमाङ्ङिल्ल़े खुऩेॽग कुसिव़ेत्लाम् कुहिङ्व़ेत् चोगुआङ् फोःक्खुरो॥ |
| 27125 | ACT 4:34 | खुनिॽ लुम्मो चायोःम्बोओ क़ेवाॽबा मनाहाॽ म़ेहोःप्त़े, थेआङ्भ़ेल्ल़े कुभाऱे म़ेगत्तुबा याङ्साकुन्धे, हिम्धाःङ्, लाजेॽ सिङ्बुङ्हाॽ म़ेसङ्घुआङ्ख़ेन् याङ्ङिन् सेःक्युक्मिबाहाॽरो म़ेदारु, ह़ेक्क्याङ् मनाहाॽऱे खुनिॽ चायोःम्बो कुइसिःक् म़ेहाःत्तुसिरो॥ |
| 27515 | ACT 15:4 | ह़ेक्क्याङ् ख़ेङ्हाॽ यरुसल़ेम्मो क़ेऱेत्छिआङ् सेःक्युक्मिबाहाॽ, तुम्लाम्लोःबाहाॽ नु सेसेहुप्लक्पा वेॽ मनाहाॽऱे ख़ेङ्हाॽ लाङ्दाःक्मा म़ेबिरुसिरो॥ ह़ेक्क्याङ् ख़ेङ्हाॽऱे ख़ेप्मो क़ेवाॽबाहाॽ निङ्वाॽफुमाङ्ङिल्ल़े खुन्छिॽलाम् चोगुबा पाःन्हाॽ च़ेक्ख़ेछुरो॥ |
| 27786 | ACT 22:14 | ख़ेल्ल़े म़ेत्ताङ्, ‘ख़ेऩेॽग आनिॽ सुध़ेबा ताक्थ़ेबाहाॽऱे खुनिॽ निङ्वाॽफुमाङ्ङिल्ल़े कुनिङ्वाॽ कुसिङ्निःप्मा, साम्योनिबा कुमना य़ेसुःन् निःमा ह़ेक्क्याङ् खुऩेॽ पाःत्तुबा पाःन् ख़ेम्मा फाॽआङ् क़ेसेग़ेआङ् क़ेवाॽरो॥ |
| 27839 | ACT 24:2 | पावल़ेन् ख़ेप्मो म़ेउःत्तुआङ् तरतुलसऱे खुऩेॽ आप्तिक् पाःन्निन् अक्खेलॽरिक् फ़ेलिक्सऱे कुदगि युक्खुरो– “आदाङ्बा तुत्तु सुहाङ्ग़ेम्बाए, ख़ेऩेॽ सिकुम्निबा क़ेलाम्लोःल्ल़े यरिक् तङ्बेआङ्धो आनिग़े सनारुङ्ङो वाॽमा खोःसुम्ब़ेआङ् वयिग़े, ह़ेक्क्याङ् आनिग़े लाजेॽओ थोबोआङ् पोःक्ख़ेआङ् वाॽरो॥ |
| 27847 | ACT 24:10 | ह़ेक्क्याङ् सुहाङ्ग़ेम्बाल्ल़े पावल़ेन् पाऱेॽ फाॽआङ् हुक्चाःल्कि पिरुआङ् पावल़ेन् अक्खेलॽरिक् पाऱे, “आदाङ्बा सुहाङ्ग़ेम्बाए, कन् लाजेॽओ खास़ेन्लोःम्बा क़ेबोःक्ख़ेबा यरिक् तङ्बे क़ेऱे क़ेलॽबा इङ्गाॽ निङ्वाॽ कत्तुङ्लो॥ ह़ेक्केःल्ल़े इङ्गाॽ आनाङ्सिङ्मा आबाःन्निन् युङ्मा आसिराॽ थाङ्लो॥ |
| 27916 | ACT 26:25 | कर पावलऱे नोगप् पिरु, “आदाङ्बा सुहाङ्ग़ेम्बाए, इङ्गाॽग म़ेन्नाङ्ङे वाॽआ॥ इङ्गाॽग स़ेक्खा सेनिङ्वाॽओ पाःत्तारो॥ |
| 28027 | ROM 1:29 | ख़ेङ्हाॽ काक् परिक्पा कुइभ़ेम्मा, फ़ेन् निङ्वाॽ, खिःम्मा ह़ेक्क्याङ् चिःत्छिङ्मा, नाह़ेम्मा, मना स़ेप्मा, खेमा थक्मा, इङ्ल़ेक्मा, मनाहाॽऱे खुनिॽ निङ्वाॽ तुक्ल चोःक्मा पाःन्हाॽरक् म़ेइःत्तुॽरो॥ ह़ेक्क्याङ् ख़ेङ्हाॽ मना क़ेज़ेङ्बा, |
| 28222 | ROM 8:38 | थेआङ्भ़ेल्ल़े निङ्वाॽफुमाङ्ङिल्ल़े कुमिःम्जिलाम् आनिॽ थेःल्ल़ेआङ् स़ेम्मा आन्छुक्ऩेन्लो क़ेलॽबान् निःसुङ्सुरुङ्ङाङ् वाॽआरो॥ सिःम़ेन् नु हिङ्म़ेल्ल़े, माङ्लाइङ्बाहाॽ नु फ़ेन्साम्हाॽऱे, कन् य़ेम् नु ताय़ेम्बा पाःन्हाॽऱे, इग्र आत्तिन् मुक्साम्हाॽऱेआङ् स़ेम्मा आन्छुक्ऩेन्, |
| 28274 | ROM 10:18 | कर इस्राइलिहाॽऱे सुनाइङ्ङिन् स़ेक्खाए म़ेङ्घ़ेम्मे म़ेवाॽबि? स़ेक्खाए ख़ेङ्हाॽऱे म़ेघ़ेप्सुआङ् वाॽरो॥ थेआङ्भ़ेल्ल़े, कन् सुनाइङ् क़ेस़ेबाहाॽऱे खुनिॽ इङ्घङ्ङिन् खाम्बेःक्मो काक् पिसाङ् स़ेःऱेआङ् वाॽरो, ह़ेक्क्याङ् ख़ेङ्हाॽऱे म़ेबाःत्तुबा पाःन्निन् इक्सादिङ् खाम्बेःक्मोबा क़ेऱेक् त़ेन्नो स़ेःऱेआङ् वाॽ लॽरिक् साम्योसाप्लाओ साप्त़ेआङ् पत्लो॥ |
| 28284 | ROM 11:7 | ख़ेन् फाॽइङ्ग थ़ेमाबे? इस्राइलिहाॽऱे निङ्वाॽ म़ेबिरुआङ् म़ेगोःत्तुबान् म़ेङ्घोःसुन्लो, कर कुभा म़ेसेग़ेबाहाॽऱेऩे म़ेघोःसुरो॥ वेॽहाॽग निङ्वाॽफुमाङ्ङिल्ल़े खुनिॽ निङ्वाॽ क़ेधुङ्बा चोगु पिरुसिरो॥ |
| 28343 | ROM 13:9 | साम्योथिम्मो, चाराम्मा याःम्बक् म़ेजोग़ेन्ऩेॽ, मना म़ेस़ेऱेन्ऩेॽ, म़ेघुःन्द़ेन्ऩेॽ, म़ेघिःप्स़ेन्ऩेॽ लॽरिक् साप्त़ेबा इङ्जाःङ्हाॽ नु वेॽ क़ेऱेक् इङ्जाःङ्हाॽ आबाङे लुङ्माॽ क़ेदुक्सिङ्बा कुइसिःक् क़ेबाङ्भेॽसाबाहाॽ लुङ्माॽ तुक्त़ेस़ेॽ क़ेलॽबा पाःन्निन् क़ेत्लो॥ |
| 28532 | 1CO 5:10 | ख़ेन् फाॽइङ्ग नसाःन् म़ेन्जोःक्मनाबा फ़ेन् याःम्बक् क़ेजोःक्पा, खिःम्यक्पा, इङ्ल़ेक्पा, नावाइत्ला माङ्ग़ेघबाहाॽनु म़ेवय़ेम्मिन्ऩेॽ क़ेलॽबाग म़ेःन्लो॥ ह़ेक्के क़ेजोगुम्मिल्ल़ेग कन् इक्सादिङ् खाम्बेःक्मोलाम्बा लःम्मा पेःक्मा क़ेबोःङ्बा वय़ेरो॥ |
| 28545 | 1CO 6:10 | क़ेघुःप्पाहाॽ, खिःम्यक्पाहाॽ, थिःमसाङ्हाॽ, चाःत्थि क़ेदेःबा नु फोत्याबाहाॽऱे निङ्वाॽफुहाङ्जुम्मिल्ल़ेन् लाघो म़ेङ्घोःसुन्लो॥ |
| 28570 | 1CO 7:15 | ह़ेक्केसाङ् नसाःन् म़ेन्जोःक्मनामा मेलिङ्ग़ेन् मेःत्तिल्ल़े इग्र इत्थुङ्ग़ेन् य़ेम्बाॽइल्ल़े स़ेम्माआङ् पेःक्माए निङ्वाॽ चोगुॽऩे फाॽग्र हाराॽ पेःक्निरो॥ अक्तङ्बा याक्नाम्मो नसाःन् क़ेजोःक्मा मेःत् इग्र य़ेम्बाॽ आत्तिन्नाङ् इभुत्तो म़ेन्वाॽऩेन्लो, थेआङ्भ़ेल्ल़े निङ्वाॽफुमाङ्ङिल्ल़े आनिॽ सनारुङ्ङो वाॽस़ेऩे आउःत्त़ेआङ् आवाॽरो॥ |
| 28580 | 1CO 7:25 | आल्ल मेःक्खिम् म़ेन्जोःक्के क़ेवाॽमाहाॽऱे खुनिॽ लागि दाङ्बालाम् थेआङ् इङ्जाःङ् इङ्गाॽ म़ेगत्तुङ्ङिन्लो, कर निङ्वाॽफुमाङ्ङिल्ल़े कुलुङ्गुम्लाम्बा नसाःन्साबा मना कुइसिःक् सुजा पिनिङ्लो॥ |
| 28685 | 1CO 11:17 | आल्ल कन् इङ्जाःङ्ङिन् खिनिॽ पिनिङ्ङिल्ल़े खिनिॽ नारा म़ेभोःसुङ्ङिन्लो, थेआङ्भ़ेल्ल़े खिनिॽग सेसेहुप्लक्को क़ेजुप्सिल्ल़े नुःबा पाःन् म़ेःन्, कर ताप्फ़ेःम्बा पाःन्निन् क़ेजोगुम्लो॥ |
| 28727 | 1CO 12:25 | ह़ेक्केलॽरिक् नासिङ्ग़ेन् थक्को स़ेम्मा म़ेबोःङ्ऩेन्ल, कर थिक् याम्लक्किल्ल़े वेॽ याम्लक्किन् कम्ब्राङ् चोगुनि क़ेलॽबा कुनिङ्वाॽ वाॽरो॥ |
| 28730 | 1CO 12:28 | निङ्वाॽफुमाङ्ङिल्ल़े ख्रिस्तऱे कुधक् सेसेहुप्लक्को अक्खेलॽरिक् सेःक्युक् चोगुसिआङ् वाॽरो– थिक्सिगेःक्पो सेःक्युक्मिबाहाॽ, निसिगेःक्पो माङ्निङ्वाॽपाःन् क़ेबाःप्पाहाॽ, सुम्सिगेःक्पो सिक्साम्बाहाॽ, ह़ेक्क्याङ् निङ्वाॽ क़ेमाबा याःम्बक् क़ेजोःक्पाहाॽ, क़ेदुक्पा मनाहाॽ क़ेवेःम्बाहाॽ, कुभाॽ क़ेबिबाहाॽ, लाम्ग़ेलोःबाहाॽ, ह़ेक्क्याङ् परिक्परिक्पा वेॽ पाःन्दाङ् क़ेबाःप्पाहाॽ॥ |
| 28748 | 1CO 14:2 | थेआङ्भ़ेल्ल़े वेॽ पाःन्दाङ्ङो पाःप्मा पर्धाःम् क़ेगप्प़ेन्म़ेन्छाम्ग़ेन् याप्मिहाॽनु म़ेबाःत्ऩेन्, कर निङ्वाॽफुमाङ्ङिन्नु पाःत्लो॥ खुऩेॽ पाःत्तुबा पाःन्हाॽ आत्तिल्ल़ेआङ् कुसिङ्म़ेनिःत्तुन्लो, थेआङ्भ़ेल्ल़े खुऩेॽग सिगाङ् पाःन्हाॽ सेसेमाङ्लाम्बाऩे पाःत्तुॽरो॥ |
| 28813 | 1CO 15:27 | थेआङ्भ़ेल्ल़े साम्योसाप्लाओ अक्खे साप्त़ेआङ् पत्, “निङ्वाॽफुमाङ्ङिल्ल़े काक् पाःन्हाॽ कुयुक्को तारुआङ् वाॽ॥” कर “क़ेऱेक् पाःन्हाॽ” कुयुक्को वाॽ फाॽइन् निङ्वाॽफुमाङ्ङिन्नाङ् कुयुक्को वाॽ क़ेलॽबाग म़ेबोःङ्ऩेल्लो, थेआङ्भ़ेल्ल़े निङ्वाॽफुमाङ्ङिल्ल़े क़ेऱेक् पाःन्हाॽ ख्रिस्तऱे कुयुक्को ऩेस्सुपिरुबारो॥ |
| 28881 | 2CO 1:13 | खिनिॽ निःप्मा क़ेन्छुक्तुम्मिम्बा नु कुसिङ्निःप्मा क़ेन्छुक्तुम्मिम्बा पाःन्हाॽ सक्इङ्घङ्ङो थेआङ् म़ेसाप्तुम्ब़ेन्लो॥ आल्लो आनिग़े याःम्बेओ मिसाक्लक् कुसिङ्ग़ेन्निःत्तुम्, कर थिक्य़ेन् खिनिॽ काक् पाःन्हाॽ कुसिङ्निःप्मा क़ेसुक्तुम् क़ेलॽबा इङ्गाॽ निङ्साङ् चोगुङ्लो॥ ह़ेक्क्याङ् दाङ्बा य़ेसुःन् नुःङ् युःबा य़ेन्नो खिनिॽ याःम्बेओ वेॽ मनाहाॽ नुःबा पाःन् म़ेत्तुम्सिम्ब़ेबा कुइसिःक् खिनिॽआङ् आनिग़े याःम्बेओ नुःबा पाःन् क़ेज़ेक्तुम्सिम्लो॥ |
| 28915 | 2CO 3:6 | खुऩेॽए कुसङ् सेसेमाङ्हुप्पिल्ल़ेन्माङ्सेवा चोःक्मा क़ेसुक्पा चोगिग़ेआङ् वाॽरो॥ कङ्ग साप्मनाबा साम्योथिम्लाम्बा म़ेःन्, कर सेसेमाङ्लाम्बारो, थेआङ्भ़ेल्ल़े साप्मनाबा साम्योथिम्मिल्ल़े आस़ेत्, कर सेसेमाङ्ङिल्ल़े आहिङ्लो॥ |
| 28972 | 2CO 6:6 | आनिग़े सेसे हिङ्मन्लाम्, खासिङ् निःप्मालाम्, नासि थःप्मालाम्, नुःरिक्काङ् लुङ्माॽ तुक्मालाम्, सेसेमाङ्ङिल्ल़े कुमुक्साम्लाम्, कुदोःप्मा मिःम्जिलाम्, स़ेक्खाबा सुनाइङ्घङ्लाम्, ह़ेक्क्याङ् निङ्वाॽफुमाङ्ङिल्ल़े कुमुक्साम्मोलाम् निङ्वाॽफुमाङ्ङिल्ल़े कुसेवारोबासिग़े फाॽआङ् आबाङे ओसेःन्धाक्कासिग़ेरो॥ आक्तङ्बा य़ेम्मोसाङ् आनिग़े फ़ेजुम् फ़ेयाग निङ्वाॽफुमाङ्ङिल्ल़े कुसिराॽ क़ेधाङ्बा आनिग़े साम्योनिबा हिङ्मन्नेरो॥ |
| 29083 | 2CO 11:26 | इङ्गाॽग यरिक्ल़ेङ् लाम्दिःक् चोगाङ्ङिल्ल़े वाहङ्ङो ह़ेक्क्याङ् फाःन्दाहाॽलाम्बा, आबाङे लाजेॽसाबाहाॽ नु थिम्म़ेन्दङ् सुवाङ्हाॽलाम्बा क़ेसाक्पा तुक्खेहाॽ तुमुङ्लो॥ ह़ेक्क्याङ् य़ेक्यक्को, य़ेःङ्घाद़ेन्नो, वरक्कोबा किप्मा क़ेघुःबा सुरित् केजङ्ङो, ह़ेक्क्याङ् फोत्याबा फुॽनुसाॽलाम्बाआङ् क़ेसाक्पा तुक्खेहाॽ तुमुङ्ङाङ् वाॽआरो॥ |
| 29096 | 2CO 12:6 | इङ्गाॽग चम्सिङ्माए पोःङ्साङ् अदङ् म़ेबोःङ्ङान्लो, थेआङ्भ़ेल्ल़े इङ्गाॽग स़ेक्खाए पाःत्तार वाॽआरो॥ कर इङ्गाॽ म़ेजम्सिङ्ङान्लो, ह़ेक्केलॽरिक् चोगुङ् पाःत्तुङ्बान्नुःल्ल़ेआङ् यरिक् आत्तिल्ल़ेआङ् म़ेइःत्तान्लरो॥ |
| 29197 | GAL 3:28 | आल्ल यहुदि, थिम्म़ेन्दङ् सुवाङ्, योःक् नु चोःक्युम्भोबा, य़ेम्बित्छाॽ नु म़ेन्छुमाॽ कुदङ्बारो, थेआङ्भ़ेल्ल़े खिनिॽग ख्रिस्त य़ेसुओ लत्छा क़ेबोःक्खिआङ् क़ेवयिॽरो॥ |
| 29244 | GAL 5:15 | कर खिनिॽ क़ेहाॽआसि क़ेय़ेःङ्ङासिल्ल़ेग म़ेबोःङ्ऩेल्लो, कर सिङ्सिङ् लॽऱेम्म़ेॽओ, म़ेःन्ऩे फाॽग्र आबाङे क़ेम़ेङ्ङासिॽरो॥ |
| 29270 | GAL 6:15 | हर्दो ह़ेक्मासाङ् म़ेन्ह़ेक्मासाङ् थेआङ् म़ेबोःङ्ऩेल्लो, कर कुसङ् मना पोःङ्मान्ने यम्बा पाःन्लो॥ |
| 29294 | EPH 1:21 | ख़ेप्मो ख्रिस्तऱे क़ेऱेक् सुहाङ्ग़ेम्बाहाॽ, युक् क़ेगप्पाहाॽ, मुक्साम् क़ेगप्पाहाॽ, नु हाङ्युक् क़ेजोःक्पाहाॽ सम्दाङ् हाङ् चोगुॽरो॥ ह़ेक्क्याङ् कन् य़ेम्मोरक् म़ेःन्, कर क़ेदाःबा य़ेम्मोआङ् खुऩेॽ वेॽ क़ेऱेक्नुःल्ल़ेआङ् थोधोक्पा चोःक्॥ |
| 29350 | EPH 4:11 | खुऩेॽए कुभा सेःक्युक्मिबा, माङ्निङ्वाॽपाःन् क़ेबाःप्पा, सुनाइङ् क़ेस़ेबा ह़ेक्क्याङ् नसानिबाहाॽ कम्ब्राङ् क़ेम़ेप्पा नु सिक्साम्बा पोःङ्स़े पर्धाःम्हाॽ पिरुसिरो॥ |
| 29416 | EPH 6:12 | थेआङ्भ़ेल्ल़े आनिॽ थङ्ङिङ्ग म़ेन्छाम् याप्मिनु म़ेःन्, कर हाङ्ग़ेजोःक्पाहाॽ, युक्दाङ्बाहाॽ, कन् खाग़ेमाक्पा खाम्बेःक्कोबा मुक्साम्हाॽ ह़ेक्क्याङ् ताङ्साक्पाओबा काक् फ़ेन्साम्हाॽनु थक्मनाबा थङ्लो॥ |
| 29421 | EPH 6:17 | फ़ेन्जेॽ ताङ्घुःक्किन् कुइसिःक् स़ेन्लप्पिन् खुःक्ख़ेम्म़ेॽ, ह़ेक्क्याङ् सेसेमाङ्ङिल्ल़े कुदाभेःन् याङ्ङासिम्म़ेॽ, ख़ेङ्ग निङ्वाॽफु पाःन्जाक्लो॥ |
| 29446 | PHP 1:18 | च्यासाङ्, आल्ल आत्तिन् परिक्ल़ेसाङ्, नोनिङ्वाॽइल्ल़े इग्र फ़ेन् निङ्वाॽइल्ल़े, ख्रिस्तऱे कुयाःम्बेओ इङ्भोःल्ल़ेग नुःबाएरो॥ ख़ेल्ल़े चोगुल्ल़े इङ्गाॽ सःत्तारो॥ ह़ेक्क्याङ् इङ्गाॽ चक्म़ेल्लॽए सःत्ता, |
| 29481 | PHP 2:23 | ख़ेल्ल़े चोगुल्ल़े इङ्गाॽनु थेधे पोःङ्ङि, ख़ेन् इङ्गाॽ निङ्वाॽ खोःसुङ्नाम़ेःन्ने, तिमोथिःन् खिनिॽओ पाङ्मा निङ्वाॽ चोगुङ्लो॥ |
| 29548 | COL 1:16 | ख्रिस्तलाम् साङ्ग्राम्पेदाङ् नु इक्सादिङ् खाम्बेःक्मोबा काक् नावाग़ेन् चइःत् ऩेस्सुबारो॥ खुऩेॽग निग़ेधाःप्पा नु निम़ेन्धाःप्मना पाःन्हाॽ, हाङ्हाॽ नु हाङ्जुम्हाॽ, हाङ्ग़ेजोःक्पाहाॽ नु युक्साबाहाॽआङ् चोगुसिबारो॥ काक् पाःन्हाॽऱेन् नावाग़ेन् चइःत्तिन् ख्रिस्तलाम् नु ख्रिस्तऱे कुलागिए पोःक्ख़ेबारो॥ |
| 29596 | COL 3:12 | ह़ेक्केःल्ल़े निङ्वाॽफुमाङ्ङिल्ल़े सेगुसिबा मनाहाॽ, सेसे नु साॽरिक् लुङ्माॽ तुक्तुसिबाहाॽऱे, लुङ्दुक्किन्, लुङ्माॽ तुक्सिङ्मान्, नोनिङ्वाॽइन्, चुङ्जिग़ेन् नःम्नःम् लॽमान्नु नासि थःप्मान् चाङ् कुइसिःक् चाक्सिङ्मा पोःङ्लो॥ |
| 29772 | 1TI 1:9 | स़ेक्खाए आनिॽ कन् पाःन्निङ्ग कुसिङ्निःप्माए पोःङ्लो–साम्योथिम्मिङ्ग साम्योनिबा मनाहाॽऱे लागि म़ेःन्, कर साम्योथिम् क़ेभेःम्बाहाॽ नु इङ्जाःङ् म़ेङ्घ़ेम्मनाबाहाॽ, निङ्वाॽफुमाङ्ङिन् नसाःन् म़ेन्जोःक्मनाबाहाॽ, लायोबाहाॽ, आसुत्थोहाॽ, साम्यो म़ेन्इःप्मनाबाहाॽ, पा-मा क़ेस़ेप्पाहाॽ, मना क़ेस़ेप्पाहाॽ, |
| 29784 | 1TI 2:1 | ह़ेक्केःल्ल़े, काक्नुःल्ल़े तगि, काक् म़ेन्छाम् याप्मिहाॽऱे खुनिॽ लागि ह़ेक्क्याङ् हाङ्हाॽ नु वेॽ युक्साबाहाॽऱे खुनिॽ लागि निङ्वाॽफुमाङ्ङिल्लो पेलि, तुवाहाॽ, य़ेक्पेलिग़ेन् तुवाहाॽ नु ह़ेना नोग़ेन्हाॽ तोःम्मा फाॽआङ् इङ्गाॽ पेलि फाक्निङ्लो॥ ह़ेक्केलॽरिक् आनिॽ सनारुङ्ङो नु य़ेम्य़ेम्वा हिङ्मन्नो, ह़ेक्क्याङ् साम्निमो नु मिङ्सो इङ्धाःङ्ङो हिङ्मा आसुक्लरो॥ |
| 29791 | 1TI 2:8 | इङ्गाॽ काक् य़ेम्बित्छाॽसाःहाॽऱे आत्तान्छाङ् याःक्म़ेल्ल़ेॽए, म़ेङ्घेए म़ेन्धक्के ह़ेक्क्याङ् सेसेबा हुक्हाॽ म़ेभोःक्खुर निङ्वाॽफुमाङ्ङिल्लो तुवा म़ेजोगुर फाॽआङ् निङ्वाॽ चोगुङ्लो॥ |
| 29887 | 2TI 1:11 | कन् सुनाइङ्ङिल्ल़े लागि इङ्गाॽ सेसे सेःक्युक्मिबा, सिक्साम्बा, ह़ेक्क्याङ् इङ्ग़ेभोःबा पोःङ्स़े निङ्वाॽफुमाङ्ङिल्ल़े सेःक्युक् चोगाङ्लो॥ |
| 29930 | 2TI 3:10 | कर ख़ेऩेॽग इङ्गाॽ आनिसाम्मिन्, आय़ेप्ल़ेक्किन्, हिङ्मन्ल़ेन् आनिङ्वाॽसोःक्किन्, आनसाःन्निन्, आहाङ्ग़ेम्सिङ्मान्, आमिःम्जिन्, आनासि थःप्मान्, तुक्खे च्याङ्बा पाःन्हाॽ, आदुक्खेहाॽ क़ेऱेक् क़ेनाःत्तु क़ेइःत्तुआङ् क़ेवाॽरो॥ ह़ेक्क्याङ् एन्तिओक, आइकोनियम नु लुस्त्राओ इङ्गाॽ तुमुङ्बा क़ेऱेक् तुक्खेहाॽ नुःरिक्काङ् कुसिङ्क़ेनिःत्तुआङ् क़ेवाॽरो॥ कर दाङ्बाल्ल़े काक् ख़ेन् तुक्खे लाक्खेलाम् इङ्गाॽ स़ेःप्ताङ्लो॥ |
| 29967 | TIT 1:8 | कर खुऩेॽग तरे क़ेदोःबा नु नुःबा पाःन्हाॽ कुसिराॽ क़ेधाङ्बा पोःङ्माए पोःङ्लो॥ ह़ेक्क्याङ् खुऩेॽ निङ्वाॽ हाङ्ग़ेम्साबा, साम्योनिबा, सेसे नु ह़ेन्थिम्बा पोःङ्माए पोःङ्लो॥ |
| 29993 | TIT 3:3 | थेआङ्भ़ेल्ल़े आनिॽआङ् थिक्ल़ेङ् अदङ् नु इङ्जाःङ् इःप्मा नाःप्मा म़ेन्द़ेम्मनाबा, इङ्ल़ेक्के, याम्निङ्वाॽ तादा नु याम् तादाऱे आयुक्त़ेआङ् आवय़ेरो॥ ह़ेक्केलॽरिक् सिक् पोःक्मा नु नाह़ेम्माओ आवय़े, ह़ेक्क्याङ् मनाहाॽ आजिःत्तुम्सिम्माङ्आवय़ेरो॥ |
| 29995 | TIT 3:5 | खुऩेॽ आनिॽ ताङ्आस़ेःप्त़ेरो॥ कङ्ग आनिॽ आजोगुम्बा नुःब्नुःबा साम्योनिबा याःम्बक्किल्ल़े पोःक्ख़ेबा म़ेःन्लो, कर खुऩेॽ आप्फेःक् लुङ्माॽ आदुक्त़ेबाल्ल़े चोगुल्ल़े ताङ्आस़ेःप्त़ेबारो, ह़ेक्क्याङ् सेसेमाङ्लाम्बा निङ्वाॽफुमाङ्ङिल्ल़े कुसङ् मना चोःक्स़े आनिॽ लायोःन् वाहप्तुआङ् कुसङ् हिङ्मन् आबिऱेरो॥ |
| 30014 | PHM 1:9 | इङ्गाॽ खदाक्मि पावल, आल्लो ख्रिस्त य़ेसुऱे कुबुङ्लाथाबा क़ेबोःङ्बाल्ल़े, आनिॽ लुङ्माॽ तुक्सिङ्माल्ल़े चोगुल्ल़े ख़ेऩेॽ पेलि फाक्ऩेॽरो॥ |
| 30120 | HEB 6:9 | आमिःम् तेःङ्जुम्से, आनिग़े अक्खेलॽरिक् पारिग़ेसाङ् खिनिॽ याःम्बेओग स़ेन्लप्पिन् क़ेगाप्पा नुःबा पाःन्हाॽ क़ेजोगुम् क़ेलॽबा स़ेक्खाए निःसुम्ब़ेरो॥ |
| 30157 | HEB 7:26 | खुऩेॽग आनिॽ चाहाबा क़ेजोःक्पा मानिङ्वाॽफुसाम्बारो, थेआङ्भ़ेल्ल़े खुऩेॽग सेसे नु फोत्या म़ेःन्ने, लायोःल्ल़े म़ेद़ेत्तुम्बा चोःक्लो॥ खुऩेॽग लायोबाहाॽलाम् स़ेन्द़ेआङ् वाॽ ह़ेक्क्याङ् साङ्ग्राम्पेदाङ्ङो काक्नुःल्ल़े यम्बा मिङ्सो इङ्धाःङ्ल़े युक्नाःन् खोःसुआङ् वाॽरो॥ |
| 30170 | HEB 8:11 | आत्तिन् मनाःल्ल़ेआङ् कुलाजेॽबा मनाःन् हुॽमा चाहाबा म़ेजोःक्ऩेन्लो ह़ेक्क्याङ् आत्तिन् मनाःल्ल़ेआङ् कुम्भुॽ कुन्साॽसि दाङ्बान् कुसिङ् निःत्त़ेम्म़ेॽ लॽरिक् म़ेप्मासि म़ेबोःङ्ऩेल्लो, थेआङ्भ़ेल्ल़े यम्बा चुक्पा क़ेऱेक्ल़े इङ्गाॽ कुसिङ् म़ेनिःत्तारो॥ |
| 30189 | HEB 9:17 | थेआङ्भ़ेल्ल़े खुऩेॽ कुहिङ्व़ेत् वाॽर थारिक् ख़ेन् आप्फाल्ल़ेआङ् स़ेक्खा म़ेबोःङ्ऩेल्लो, कर मनाःन् सिःआङ्लक् स़ेक्खा पोःङ्लो॥ |
| 30273 | HEB 11:34 | पयम् यम्बा मिराःक्हाॽ म़ेस़ेरु, ताभेलाम्बा ताङ्म़ेस़ेःप्त़े, ख़ेङ्हाॽऱे खुनिॽ साॽइ होःप्त़ेसाङ् क़ेधुम्बा म़ेबोःक्ख़े ह़ेक्क्याङ् थङ्ङो मुक्क़ेगुबा म़ेबोःक्ख़ेआङ् निङ्मिहाॽ म़ेनाःन्दुसिरो॥ |