| 23316 | MAT 5:13 | खिनिॽग इक्सादिङ् खाम्बेःक्माओबा युम्निङ्लो, कर युम्मिल्ल़े कुलिम्म़ेन् माःबेःक्ऩे फाॽग्र याम्मो क़ेलिम्बा चोःक्मा सुक्म़ेद़ेत्ऩेन्लो॥ ख़ेल्ल़े कुयाःम्बक् थेआङ् होःप्लो, कर ख़ेङ्ग लाप्फुमा पोःङ्ङाङ् मनाहाॽऱे म़ेदोॽरुरो॥ |
| 23425 | MAT 8:11 | खिनिॽ स़ेक्खाए म़ेत्निङ्लो, क़ेऱेक् पिसाङ्बा लाजेॽलाम् यरिक् मनाहाॽ साङ्ग्राम्पेदाङ्बा हाङ्जुम्मो म़ेदाआङ् साभाङ्जा चास़े खिनिॽ थाःक्थ़ेबा अब्राहाम, इसहाक, ह़ेक्क्याङ् याकुब़ेन्नु सोरिक् म़ेयुङ्सिङ्लो॥ |
| 23436 | MAT 8:22 | कर य़ेसुऱे ख़ेन् म़ेत्तु, “इङ्गाॽ तिम्दाङ्ङ़ेॽओ, ह़ेक्क्याङ् हाराॽ याम्साम्मो क़ेसिःबा मनाहाॽऱे खुनिॽ आबाङे चेहाॽ इप्पुङ्ङो म़ेजिक्खुसिररो॥” |
| 23501 | MAT 10:15 | इङ्गाॽ स़ेक्खाए म़ेत्निङ्लो, ताःन्दि खास़ेन् य़ेन्नोग ख़ेन् पाङ्जुम्मिल्ल़े कुदुक्खेःन्नुःल्ल़े सदोम नु गमोराबा पाङ्जुम्हाॽओ क़ेदाःबा तुक्खेःन् थम्मा सुक्क़ेद़ेप्पा पोःङ्लो॥” |
| 23602 | MAT 12:44 | अक्खे म़ेत्छिङ्लो, ‘इङ्गाॽ ल़ेरुङ्बा मनाःल्लोए नुःङ्ङा पेःक्कारो॥’ ह़ेक्क्याङ् ख़ेन् ख़ेप्मो नुःङ् ताःल्ल़े तगि याग़ेबा त़ेन्निन् कुघाल़ेम्, म़ेदुगुबा नु नुःबा म़ेजोगुबा निःसुॽ॥ |
| 23860 | MAT 19:29 | आत्तिल्ल़े आलागि हिम्धाःङ्हाॽ, प्याङ्सिग़ेन् इक्ताप्हाॽ, ऩेॽनुसाॽहाॽ, फुॽनुसाॽहाॽ, पाः माहाॽ, इग्र हिन्जाॽबित्छाहाॽ ल़ेरुसिआङ् वाॽ, ख़ेल्ल़ेग किप्थिक् (१००) ल़ेङ्नुःल्ल़ेआङ्यरिक् खोःसुॽ, ह़ेक्क्याङ् म़ेन्नुप्मनाबा हिङ्मन् खोःसुॽरो॥ |
| 23886 | MAT 20:25 | कर य़ेसुऱे ख़ेङ्हाॽ उःत्तुसिआङ् म़ेत्तुसि, “थिम्म़ेन्दङ् सुवाङ्हाॽऱे खुनिॽ हाङ्हाॽऱेग मनाहाॽ खुनिॽ निङ्वाॽ पाःप्पाःत्म़ेम़ेत्तुसिॽ, ह़ेक्क्याङ् सुहाङ्युक्पाहाॽऱेआङ् खुनिॽ फोःसाङ्बाहाॽ साक्क़ेल़ेक्काङ्युक् म़ेजोगुसिबाग खिनिॽ क़ेनिःसुम्माङ् क़ेवयिॽरो॥ |
| 24196 | MAT 26:73 | सप्फाआङ् ख़ेप्मो क़ेय़ेप्पा मनाहाॽ पत्रुसरो म़ेबेआङ् म़ेम़ेत्तु, “स़ेक्खासाङ् खुऩेॽ कुहुॽसाम्बाहाॽओ ख़ेऩेॽआङ् लत्थिक्ऩेरो, थेआङ्भ़ेल्ल़े क़ेबाःन्इक्लाःन् गालिलस्मा कुइसिःक् चोःक्लो॥” |
| 24686 | MRK 10:29 | ह़ेक्क्याङ् य़ेसुऱे म़ेत्तुसि, “इङ्गाॽ स़ेक्खाए म़ेत्निङ्, आत्तिल्ल़े आलागि नु सुनाइङ्ल़े लागि हिम्धाःङ्हाॽ, प्याङ्सिग़ेन् इक्ताप्हाॽ, ऩेॽनुसाॽहाॽ, फुॽनुसाॽहाॽ, पाः माहाॽ, इग्र हिन्जाॽबित्छाहाॽ ल़ेरुसिआङ् वाॽ, |
| 24687 | MRK 10:30 | ख़ेल्ल़े स़ेक्खाए कन् य़ेम्मो मनालाम्बा तुक्खे चामानु सोसोरिक् हिम्धाःङ्हाॽ, प्याङ्सिग़ेन् इक्ताप्हाॽ, फुॽनुसाॽ, ऩेॽनुसाॽ, माहाॽ ह़ेक्क्याङ् हिन्जाॽबित्छाहाॽ किप्थिक् (१००) ल़ेङ्नुःल्ल़ेआङ्यरिक् खोःसुॽरो॥ ह़ेक्क्याङ् क़ेदाःबा य़ेम्मो म़ेन्नुप्मनाबा हिङ्मन् खोःसुॽरो॥ |
| 25099 | LUK 3:5 | क़ेऱेक् ऩेवालाहाॽ लुप्सिङ्ल, कोःक्मा फाङ्जङ्हाॽ तङ्ङाङ् त़ेःम्बे पोःङ्ल ह़ेक्क्याङ् इःलाम्हाॽ तोःन्छिङ्ल ताप्फ़ेःम्बा लाम्हाॽ नुःबा पोःङ्ल॥ |
| 25152 | LUK 4:20 | ह़ेक्क्याङ् खुऩेॽ ख़ेन् साम्योसाप्लाःन् सुबुआङ् ख़ेप्मो क़ेय़ेप्प़ेन्पिरु, ह़ेक्क्याङ् खुऩेॽ युङ्सिङ्॥ ह़ेक्क्याङ् क़ेऱेक्ल़े खुऩेॽ ओम़ेम़ेत्तुल्ल़े |
| 25244 | LUK 6:29 | हाःत्ल़े क़ेऩेद़ेङ्बान् क़ेल़ेङ् क़ेबिॽ, ख़ेऩेॽ वेॽ ल़ेप्माङ्बा क़ेऩेद़ेङ्बान्नाङ् ख़ेन् तोःन्द़े पिऱेॽ॥ हाःत्ल़े साक्क़ेल्ल़ेक् क़ेसुङ्घेःक्वाःन् क़ेनाप्पाङ्तेॽरुॽ, ख़ेन्निन् क़ेजाङ्मा तेःत्तिन्नाङ् पिऱेदेःस़ेॽओ॥ |
| 25308 | LUK 7:44 | ह़ेक्क्याङ् य़ेसुःन् ख़ेन् म़ेन्छुमाॽइन् ल़ेप्माङ् हिसिङ्ङाङ् सिमोन्निन् म़ेत्तु, “सिमोने, इङ्गाॽ ख़ेऩेॽ क़ेहिम्मो त्याङ्ङिल्ल़े लाङ् वाहप्मा च्वाःत् क़ेम्बिराङ्ङिन्, कर कन् म़ेन्छुमाॽइल्ल़े आलाङ्ङिन् कुमिक्वाःल्ल़े वाहप्तुआङ् कुध़ेगेःक्इःल्ल़े तुगुआङ् वाॽरो॥ |
| 25309 | LUK 7:45 | ख़ेऩेॽ इङ्गाॽ चुप् क़ेम़ेत्ताङ्ल सेवा क़ेम्म़ेत्ताङ्ङिन्, कर कन् म़ेन्छुमाॽइल्ल़े इङ्गाॽ त्याङ्ङाङ्धोए आलाङ्ङो चुप् म़ेत्तुर वाॽरो॥ |
| 25410 | LUK 9:40 | इङ्गाॽ क़ेहुॽसाम्बाहाॽ कन् फ़ेन्साम्मिन् आस्साःल्लोलाम् नाःत्त़ेम् आबिऱेम्म़ेॽ फाॽआङ् पेलि फाक्तुङ्सिङ्, कर म़ेन्छुक्तुन्लो॥” |
| 25453 | LUK 10:21 | ख़ेन् य़ेम्मो य़ेसुःन् सेसेमाङ्ङिल्ल़े कुधिम् पोःक्ख़ेआङ् सःत्त़ेर पाऱे, “आम्बे, साङ्ग्राम्पेदाङ् नु इक्सादिङ् खाम्बेःक्माल्ल़े कुन्दाङ्बाए, इङ्गाॽ नोग़ेन् पिऩे, थेआङ्भ़ेल्ल़े ख़ेऩेॽग सिक्कुम्साबाहाॽ ह़ेक्क्याङ् चाःप्पाहाॽनु क़ेमाॽरुबा पाःन्निन् हिन्जाॽ ह़ेक्तङ्बाहाॽ ओसेःन्ग़ेधाक्तुसिरो॥ आम्बे, बा अक्खे चोःक्माए ख़ेऩेॽ क़ेसिराॽ थाङ़ेरो॥” |
| 25547 | LUK 12:19 | ह़ेक्क्याङ् इङ्गाॽ आबाङे अक्खे म़ेत्छिङ्ङा, तेःङ्बे, यरिक् तङ्बे थारिक् क़ेयोबा चा नु चिगःक्वाहाॽ सुप्सुङ्सिङ्ङाङ् वाॽआरो॥ आल्ल कुसानुःरिक् युङ़ेॽ, च़ेॽ, थुङ़ेॽआङ् सःत्त़ेॽओ!’ |
| 25561 | LUK 12:33 | खिनिॽ क़ेगत्तुम्बा चिगःक्वाहाॽ सङ्घ़ेम्म़ेॽआङ् याङ्ग़ेसाॽबाहाॽ पिऱेम्देःस़ेम्सिम्म़ेॽओ॥ ह़ेक्केलॽरिक् आप्फाल्ल़ेआङ् म़ेन्द़ेःङ्मना, म़ेन्हङ्मनाबा सुःक्वाओ आप्फाल्ल़ेआङ् म़ेम्म़ेक्मनाबा साङ्ग्राम्पेदाङ्ङोबा याङ्साकुन्धेहाॽऱे थिम्स़ेम्सिम्म़ेॽओ॥ ख़ेप्मो क़ेघुःम्बाहाॽऱेआङ् म़ेन्घुःत्तुन्, ह़ेक्क्याङ् कुबुःल्ल़ेआङ् म़ेजऩेन्लो॥ |
| 25577 | LUK 12:49 | “इङ्गाॽ इक्सादिङ् खाम्बेःक्मो मि केःत्छ़े त्याङ्बारो, कर तगिसा मि लाःस़ेल्ल़े नुःबा पोःक्ख़ेबारो॥ |
| 25581 | LUK 12:53 | कुम्बाःन् कुस्साःल्ल़े कुदक्ल़ेङ्वाओ पोःक्, ह़ेक्केलॽरिक्के कुस्साःन् कुम्बाऱे कुदक्ल़ेङ्वाओ, ह़ेक्क्याङ् कुम्माःन् कुस्साः म़ेन्छुमाॽइल्ल़े कुदक्ल़ेङ्वाओ, ह़ेक्क्याङ् कुस्साः म़ेन्छुमाॽइन् कुम्माऱे कुदक्ल़ेङ्वाओ पोःक्लो॥ ह़ेक्क्याङ् नोःप्म़ेन् कुम्बाङ्लिःल्ल़े कुदक्ल़ेङ्वाओ, ह़ेक्क्याङ् पाङ्लिम़ेन्कुन्नोःप्माल्ल़े कुदक्ल़ेङ्वाओ पोःक्लो॥” |
| 25684 | LUK 15:27 | ह़ेक्क्याङ् ख़ेन् सेवारोबाल्ल़ेआङ् नोगप् पिरु, ‘ख़ेऩेॽ क़ेन्साॽ फोॽब़ेन् थेआङ् म़ेम्बोःङ्ङे नुःरिक्काङ्नुःक्ख़े त्य़ेआङ्वाॽ, ख़ेल्ल़े चोगुल्ल़े क़ेम्बाऱे चालुप्मनाबा थक्साधिक् स़ेप्मा पाङ्घुसिआङ् कप्मो चामुक् थिमुक् स़ेःसुबारो॥’ |
| 25698 | LUK 16:9 | ह़ेक्क्याङ् खिनिॽ म़ेत्निङ्लो, कन् इक्सादिङ् खाम्बेःक्मोबा याङ्साकुन्धेऱे तेःङ्जुम् चोग़ेम्सिम्म़ेॽओ॥ ह़ेक्केलॽरिक् कन् याङ्साकुन्धेःन् माःत्तिल्ल़े ख़ेङ्हाॽऱे खिनिॽ म़ेन्नुप्मनाबा हिम्मो लाम्दाःक्मा क़ेम्बिरिॽरो॥ |
| 25753 | LUK 17:33 | हाःत्ल़े कुहिङ्मन्निन् स़ेःप्तुङ्लॽ, ख़ेल्ल़े ख़ेन्नाङ् मासुॽरो, कर हाःत्ल़े कुहिङ्मन्निन् मासुॽ, ख़ेल्ल़े स़ेःप्तुॽरो॥ |
| 25770 | LUK 18:13 | कर ख़ेन् एःङ्याङ् क़ेभोःङ्ब़ेङ्ग माःङ्घा य़ेम्सिङ्ङाङ् साङ्ग्राम्पेदाङ् ल़ेप्माङ्ङाङ् ओम़ेम्मए कुसङ्ब़ेन् हिप्तुर हाब़ेर अक्खे पाःत्तु, ‘निङ्वाॽफुमाङ्ङे, इङ्गाॽ लुङ्माॽ तुक्ताङ्ङ़ेॽओ, इङ्गाॽग लायोबाआरो॥’ |
| 25789 | LUK 18:32 | खुऩेॽ म़ेद़ेम्सुआङ् थिम्म़ेन्दङ् सुवाङ्हाॽऱे खुनिॽ हुक्को म़ेबिरुॽ, ह़ेक्क्याङ् ख़ेङ्हाॽऱे खुऩेॽ किनाःन्दि म़ेबिरुॽ, कुनाम़ेधासुॽ, थ्याःत् म़ेधोःक्तुॽ, ताप्फ़ेःल्लिक् म़ेम़ेत्तुॽ, ह़ेक्क्याङ् खुऩेॽ त़ेःम्भुक् म़ेयाक्तुआङ्म़ेस़ेरुॽ, |
| 26088 | LUK 24:28 | ह़ेक्क्याङ् ख़ेङ्हाॽ म़ेबेर म़ेबत्छ़ेबा पाङ्भेॽइल्ल़े कुबेसाङ् म़ेग़ेऱेआङ् य़ेसुःन् मिसाक् माःङ्घा क़ेबेःक्पा लाम्सिङ्लो, |
| 26157 | JHN 1:44 | आल्ल फिलिप्प़ेङ्ग, आन्द्रियास नु पत्रुसऱे खुन्छिॽ ब़ेथसेदा पाङ्जुम् क़ेयुङ्बा वय़ेरो॥ |
| 26298 | JHN 5:19 | य़ेसुऱे ख़ेङ्हाॽ अक्तङ्बा नोगप् पिरुसि, “स़ेक्खाए म़ेत्निङ्लो, कुस्साःल्ल़े आबाङेग थेआङ् चोःक्मा म़ेसुक्तुन्, कर खुऩेॽग पानुदिङ् कुम्बाऱे चोगुबा पाःन्हाॽ निःसुबा कुइसिःक्लक् चोःक्मा सुक्तुॽरो, थेआङ्भ़ेल्ल़े पानुदिङ् पाःल्ल़े थे चोगुॽ बा ख़ेन्ने कुस्साःल्ल़ेआङ् चोगुॽरो॥ |
| 26484 | JHN 8:34 | य़ेसुऱे ख़ेङ्हाॽ नोगप् पिरुसि, “इङ्गाॽ स़ेक्खाए म़ेत्निङ्लो, हाःत्ल़े लायो चोगुॽ, ख़ेङ्ग लायोऱे कुयोःक्पा पोःङ्लो॥ |
| 26490 | JHN 8:40 | इङ्गाॽग निङ्वाॽफुमाङ्लाम् ख़ेप्सुङ्बा स़ेक्खाःन्ने खिनिॽ म़ेत्निङ्लो, कर खिनिॽग याप्मि स़ेप्मा क़ेगोःत्तिॽरो॥ अब्राहामऱेग ह़ेक्के म़ेजोगुन्लो॥ |
| 26492 | JHN 8:42 | य़ेसुऱे ख़ेङ्हाॽ नोगप् पिरुसि, “स़ेक्खाए निङ्वाॽफुमाङ्ङिन् खिनिॽ पा वय़ेल्ल़ेग इङ्गाॽ याप्मि मिःम्जि क़ेम़ेत्तिम़ेन्, थेआङ्भ़ेल्ल़े इङ्गाॽग निङ्वाॽफुमाङ्लाम् त्याङ्बारो, इङ्गाॽ आबाङे त्याङ्बा म़ेःन्लो कर खुऩेॽ इङ्गाॽ पाङ्घाङ्बारो॥ |
| 26497 | JHN 8:47 | निङ्वाॽफुमाङ्ङिल्ल़े कुमनाहाॽऱे खुऩेॽ पाःत्तुबा पाःन्निन् म़ेघ़ेप्सुॽरो॥ खिनिॽग निङ्वाॽफुमाङ्ङिल्ल़े कुमना म़ेःन्निङ्लो, ख़ेल्ल़े चोगुल्ल़ेए खिनिॽ कुबाःन्निन् क़ेङ्घ़ेप्सुम्मिन्लो॥” |
| 26508 | JHN 8:58 | य़ेसुऱे ख़ेङ्हाॽ म़ेत्तुसि, “ह़ेक्केःल्ल़े इङ्गाॽ स़ेक्खाए म़ेत्निङ्लो, अब्राहाम्मिन् सावाःन्छिङ्मानुःल्ल़े तगिआङ्धोए इङ्गाॽ वाॽआरो॥” |
| 26557 | JHN 10:7 | ख़ेल्ल़े चोगुल्ल़े याम्मो य़ेसुऱे ख़ेङ्हाॽ म़ेत्तुसि, “इङ्गाॽ स़ेक्खाए म़ेत्निङ्लो, इङ्गाॽए म़ेल्लुक्हाॽऱे लागि लाम्धेःप्पाआरो॥ |
| 26600 | JHN 11:8 | कर ख़ेङ्हाॽऱे खुऩेॽ म़ेम़ेत्तु, “सिक्साम्बे, ख़ेत्थोग यहुदिहाॽऱे कुभा य़ेन् तगि लुङ्ङिल्ल़े ल़ेप्मा स़ेप्मा क़ेम्गोःत्त़ेआङ्वय़े, ह़ेक्केसाङ् ख़ेऩेॽ याम्मो ख़ेत्थोए पेःक्मा निङ्वाॽ क़ेजोगुबि?” |
| 26764 | JHN 14:27 | इङ्गाॽ सनारुङ्ङिन् खिनिॽनु पक्थाङ्लो, आसनारुङ्ङिन् खिनिॽ पिनिङ्लो॥ कङ्ग इक्सादिङ् खाम्बेःक्माल्ल़े क़ेबिरिबा ह़ेक्केग म़ेबिनिङ्ङिन्लो॥ खिनिॽ निङ्साम्मो म़ेध्य़ेम्मिन्ऩेॽ ह़ेक्क्याङ् म़ेगिस़ेम्मिन्ऩेॽओ॥ |
| 26796 | JHN 16:1 | य़ेसुऱे आल्लसाङ्म़ेत्तुसि, “याप्मि नसाःन् चोःक्मा क़ेन्ल़ेरुम्मिन्ल फाॽआङ् तगिसा कन् पाःन्हाॽ म़ेत्निङ्ल पत्तारो॥ |
| 26918 | JHN 19:24 | ख़ेल्ल़े चोगुल्ल़े ख़ेङ्हाॽ अक्खे म़ेम़ेत्छिङ्, “कङ्ग आनिॽ थ़ेःक्खुम् म़ेःन्लो, कर तॽयाःन्सोःन्क़ेःसुम्लो॥ आत्तिल्ल़े कुलक्को थाः, हाराॽ ख़ेल्ल़ेए ख़ेन् तेॽरुनिरो॥” कन् पाःन्निङ्ग साम्योसाप्लाओ अक्खेलॽरिक् ख़ेङ्हाॽऱे इङ्गाॽ आजाङ्हाॽ म़ेहाःत्छिङ्लो, ह़ेक्क्याङ् आदेःत्तिन् तॽयानःन्सोःन् म़ेग़ेसुॽरो लॽरिक् साप्त़ेआङ् क़ेबप्प़ेन्क़ेऱेबारो॥ ह़ेक्केलॽरिक् थक्सुबाहाॽऱेआङ् बा ह़ेक्केए म़ेजोगुरो॥ |
| 26962 | JHN 20:26 | य़ेत्छि य़ेन् एगाङ् हुॽसाम्बाहाॽ याम्मो हिम् सिगाङ् म़ेजुप्स़ेआङ् म़ेयुङ़े॥ कन्य़ेम्मो थोमाःन्नाङ्वय़े, लाम्धेःप्प़ेन्सिगाङ्लाम् म़ेसुबुआङ् पत्छ़ेसाङ् खुनिॽ लुम्मोए य़ेसुःन् थाःम्सिङ्ल, “सनारुङ् क़ेघोःसुम्लरो” म़ेत्तुसि॥ |
| 27032 | ACT 2:14 | कर पत्रुस़ेन् वेॽ थिक्-थिक् (११) सेःक्युक्मिबाहाॽनु य़ेम्सिङ्ङाङ् यम्बा इक्लाओ काक्ल़े म़ेघ़ेप्सुर म़ेत्तुसि, “यहुदियालाम् क़ेदाःबा यहुदि तेःङ्जुम्हाॽ नु यरुसल़ेम्मो क़ेयुङ्बासे, कन् थे पोःक्ख़ेबा फाॽआङ् म़ेत्निङ्लो, आबाःन्निन् ख़ेप्स़ेम्म़ेॽओ! |
| 27382 | ACT 11:6 | ख़ेप्मो इक्साओबा काक् परिक्पा चामा म़ेन्नुॽमनाबा क़ेसःन्छिङ्बा, ताम्भुङ् नु हिम्थक्साहाॽ ह़ेक्क्याङ् पुसाहाॽ म़ेयाग़ेबा निःसुङ्सिङ्॥ |
| 27813 | ACT 23:11 | बा ख़ेन् स़ेन्दिक् पावलऱे कुबेसाङ् दाङ्ब़ेन् ओसेःन्धाक्सिङ्ङाङ् अक्खे म़ेत्तु, “पावलए, ख़ेऩेॽ हाङ्हाङ् म़ेत्छिङ्ङ़ेॽओ, थेआङ्भ़ेल्ल़े अक्खेलॽरिक् कन् यरुसल़ेम्मो इङ्गाॽ आयाःम्बेओ तोःन्दि क़ेबिरुबा कुइसिःक् रोम लाजेॽओआङ् तोःन्दि क़ेबिरुर पोःङ्लो॥” |
| 27901 | ACT 26:10 | यरुसल़ेम्मो बा ह़ेक्केए चोगुङ्लो॥ तुम्निङ्वाॽफुसाम्बाहाॽरोलाम् युक् खोःसुङ्ङाङ् निङ्वाॽफुमाङ्ङिल्ल़े कुमनाहाॽ पुङ्लाहिम्मो थ़ेक्तुङ्सिङ्, ह़ेक्क्याङ् सिःम़ेल्ल़े खुम्दिङ् म़ेबिरुसिल्ल़े इङ्गाॽआङ् त़ेन्दिङ् पिरुङ्सिङ्लो॥ |
| 27913 | ACT 26:22 | कर आइन् थारिक् निङ्वाॽफुमाङ्ङिल्ल़े कुभाॽ पिराङ्ङाङ् वाॽआ॥ ह़ेक्केःल्ल़ेए इङ्गाॽ चुक्पा यम्बा क़ेऱेक्ल़े खुनिॽ तगि य़ेप्माआङ् य़ेसुऱे कुयाःम्बेओ तोःन्दि पिमा सुय़ेम् खोःसुङ्ङाङ् वाॽआरो॥ मोसा ह़ेक्क्याङ् वेॽ माङ्निङ्वाॽपाःन् क़ेबाःप्पाहाॽऱे ताःन्दि पोःङ् लॽरिक् म़ेबाःत्तुबान्नाङ्धो, वेॽ थेआङ् इङ्गाॽ म़ेम्बाःत्ते वाॽआरो॥ |
| 27922 | ACT 26:31 | ख़ेप्मोलाम् लाःक्कात् म़ेलःन्द़ेर म़ेबत्छ़ेल्ल़े ख़ेङ्हाॽ अक्खे म़ेम़ेत्छिङ्लो, “कन् मनाःल्ल़ेग पुङ्लाधाबा पोःङ्मा नु सिःम़ेल्ल़ेन् खुम्दिङ् खोःमाग थेआङ् याःम्बक् म़ेम्भेःन्ने वाॽरो॥” |
| 27945 | ACT 27:22 | कर आल्ल हाङ्हाङ् लॽऱेम्म़ेॽ फाॽआङ् पेलि फाक्निङ्लो, थेआङ्भ़ेल्ल़े आनिॽग लत्थिक्काङ् आन्छिःऩेन्लो, कर कन् वालाधाःन्लक् इम्मोःक् पोःङ्लो॥ |
| 27973 | ACT 28:6 | आल्ल पावल़ेन् थङ्दुआङ् हर्गुप् चोःन्नाङ् सिःॽ लॽरिक् निङ्वाॽ म़ेइःत्तुआङ् मनाहाॽऱे म़ेहाङ्घुरो॥ यरिक् य़ेम् म़ेहाङ्घुसाङ् खुऩेॽ थ़ेमाआङ् म़ेबोःक्ख़ेम्बा म़ेनिःसुआङ् खुनिॽ निङ्वाॽइन्म़ेल़ेक्खुर अक्खे म़ेम़ेत्छिङ्लो, “कङ्ग स़ेक्खासाङ् माङ्लो॥” |
| 28027 | ROM 1:29 | ख़ेङ्हाॽ काक् परिक्पा कुइभ़ेम्मा, फ़ेन् निङ्वाॽ, खिःम्मा ह़ेक्क्याङ् चिःत्छिङ्मा, नाह़ेम्मा, मना स़ेप्मा, खेमा थक्मा, इङ्ल़ेक्मा, मनाहाॽऱे खुनिॽ निङ्वाॽ तुक्ल चोःक्मा पाःन्हाॽरक् म़ेइःत्तुॽरो॥ ह़ेक्क्याङ् ख़ेङ्हाॽ मना क़ेज़ेङ्बा, |
| 28043 | ROM 2:13 | थेआङ्भ़ेल्ल़े साम्योथिम्मिन् ख़ेम्माआङ्लक् निङ्वाॽफुमाङ्ङिल्ल़े कुनिःमाओ साम्योनिबा आम्बोःङ्ऩेन्, कर साम्योथिम्मिन् क़ेइःप्पा क़ेनाःप्पाहाॽरक् निङ्वाॽफुमाङ्ङिल्ल़े साम्योनिबा आलेःत्लो॥ |
| 28097 | ROM 4:7 | “लायोलाम् ल़ेप्मि क़ेघोःबाहाॽ, खुनिॽ लायोःन् त़ेप्त़ेआङ्क़ेवाॽबाहाॽग, मुॽइसाबासिरो॥ |
| 28256 | ROM 9:33 | कङ्ग साम्योसाप्लाओ अक्खेलॽरिक् साप्त़ेबा कुइसिःक् पोःक्ख़ेरो, “ओम़ेत्त़ेम्म़ेॽ, इङ्गाॽ यरुसल़ेम्मो मनाहाॽ म़ेदोःक्ल फाॽआङ् मना क़ेघःबा लुङ्ङिन् ऩेस्सुङ्लो, ह़ेक्क्याङ् म़ेल़ेःङ्ङाङ् म़ेग़ेङ्ल फाॽआङ् लुङ्ज़ेक् ऩेस्सुङ्लो, कर खुऩेॽ सम्दाङ् नसाःन् क़ेजोःक्पाङ्ग आप्फाल्ल़ेआङ् सिरिङ् मःमो म़ेधाऩेन्लो॥” |
| 28729 | 1CO 12:27 | आल्ल खिनिॽग ख्रिस्तऱे नासिङ्ग़ेन् कुधक्निङ्लो, ह़ेक्क्याङ् खिनिॽ क़ेऱेक् कुधक्किल्ल़े कुयाम्लक्निङ्लो॥ |
| 28735 | 1CO 13:2 | इङ्गाॽ माङ्निङ्वाॽपाःन् पाःप्मा पर्धाःम् कत्तुङ्साङ्, क़ेऱेक् सिगाङ् पाःन्हाॽ नु क़ेऱेक् ऩेहिनिङ्वाॽ कुसिङ्निःप्मा सुक्तुङ्साङ्, ह़ेक्क्याङ् कोःक्मा फाङ्जङ्हाॽ चप्मा नसाःन् कत्तुङ्साङ्, इङ्गाॽ वेॽहाॽ लुङ्माॽ म़ेदुक्तुङ्सिङ्ङिन्ऩे फाॽग्र इङ्गाॽग थेआङ् म़ेःन्नारो॥ |
| 28736 | 1CO 13:3 | इङ्गाॽ क़ेऱेक् आयाङ्साकुन्धेःन् याङ्ग़ेसाॽबाहाॽ हाःत्तुङ्सिङ्साङ्, नासिङ्ग़ेन् आधक्किन् मिहाक्को याक्तुङ्साङ्, इङ्गाॽ वेॽहाॽ लुङ्माॽ म़ेदुक्तुङ्सिङ्ङिन्ऩे फाॽग्र थेआङ् इन्धाःङ् म़ेघोःसुङ्ङिन्लो॥ |
| 28738 | 1CO 13:5 | मिःम्जिःङ्ग म़ेह़ेन्छिङ्ङिन्, आबाङे इन्धाःङ् नु आबाङे पाःन्लक् म़ेगोःत्तुन्॥ मिःम्जिःङ्ग हारा कुसिक् म़ेबोःक्ऩेन्, फ़ेन्पाःन्हाॽ निङ्वाॽबो म़ेयुक्खुन्॥ |
| 28779 | 1CO 14:33 | थेआङ्भ़ेल्ल़े निङ्वाॽफुमाङ्ङिङ्ग य़ेम़ेन्दङ्म़ेःन्, कर सनारुङ्ल़ेन् निङ्वाॽफुमाङ्लो॥ क़ेऱेक् सेसे मनाहाॽऱे क़ेऱेक् खुनिॽ सेसेहुप्लक्कोबा चोःक्थिम् कुइसिःक् |
| 28834 | 1CO 15:48 | इक्साबा मनाहाॽ खाम्मिल्ल़े क़ेबोःङ्बा मनाःन् ह़ेक्तङ्बासिरो, ह़ेक्केलॽरिक्के साङ्ग्राम्पेदाङ्बा मनाहाॽ साङ्ग्राम्पेदाङ्लाम् क़ेयुःबा मनाःन् ह़ेक्तङ्बासिरो॥ |
| 28859 | 1CO 16:15 | स्तिफनस़ेन् नु खुऩेॽ कुहिम्सयङ्हाॽ कुसिङ् क़ेनिःत्तुम्सिम्लो॥ ख़ेङ्हाॽग अक्खैया थुम्मोबा क़ेऱेक्नुःल्ल़े तगि नसाःन् क़ेजोःक्पासिरो॥ ह़ेक्क्याङ् नसानिबाहाॽ कुभाॽ पिमासिओ आबाङे म़ेबिसिङ्ङाङ् म़ेवाॽरो॥ आमिःम् फुॽनुसाॽ नु ऩेॽनुसाॽसे, अक्खेलॽरिक् पेलि फाक्निङ्लो, |
| 28861 | 1CO 16:17 | कप्मो स्तिफनस, फोर्तुनातस नु अक्खैकससि म़ेग़ेऱे म़ेद्य़ेल्ल़े इङ्गाॽ पसःत्सःत्ताङ्लो, थेआङ्भ़ेल्ल़े ख़ेङ्हाॽऱेग खिनिॽ क़ेहोःप्तिल्ल़े इङ्गाॽ चाहाबा चोगाङ्बा क़ेऱेक् पाःन्हाॽ म़ेबिराङ्ङाङ् म़ेवाॽरो॥ |
| 29051 | 2CO 10:12 | आबाङे इङ्गाॽएःक् क़ेलॽबाहाॽनु आनिग़े तङ्सिङ्मा म़ेआःन्नासिग़ेन्लो॥ ख़ेङ्हाॽ आबाङे क़ेदम्बा म़ेल़ेङ्सिङ्ङाङ् म़ेह़ेन्छिङ्लो, कर ख़ेङ्हाॽऱे थेआङ् खासिङ् म़ेन्निःत्तुन्लो! |
| 29095 | 2CO 12:5 | इङ्गाॽग अक्तङ्बा मनाःल्ल़े कुयाःम्बेओऩे चम्सिङ्ङारो, कर इङ्गाॽ क़ेधुम्बा म़ेजोःक्कान् लॽरिक् ओसेःन्दाङ् क़ेजोःक्पा पाःन्नुःल्ल़े वेॽ आबाङे आयाःम्बेओ म़ेजम्सिङ्ङान्लो॥ |
| 29101 | 2CO 12:11 | इङ्गाॽग अदङ् कुइसिःक् पोःक्खाङ्लो, कर खिनिॽए इङ्गाॽ ह़ेक्के चोःक्मा याप्मि क़ेबाङ्घिरो॥ स़ेक्खाःल्ल़े खिनिॽ इङ्गाॽ आयाःम्बेओ नुःबा पाःन् पाःप्मा क़ेबोःङ्बा वय़े, थेआङ्भ़ेल्ल़े इङ्गाॽग थेआङ् म़ेःन्नाॽसाङ् यम्बा फाॽआङ् म़ेइःत्तुसिबा सेःक्युक्मिबाहाॽनुःल्ल़े चुक्सा म़ेजोःक्कान्लो॥ |
| 29144 | GAL 1:20 | निङ्वाॽफुमाङ्ङिल्ल़े कुनिःमाओ स़ेक्खा पाःन् म़ेत्निङ्लो, इङ्गाॽ साप्तुङ्बा पाःन्हाॽ इङ्ल़ेक् म़ेःन्लो॥ |
| 29210 | GAL 4:12 | फुॽनुसाॽ नु ऩेॽनुसाॽसे, ख़ेन् पाःन्हाॽलाम् इङ्गाॽ कुइसिःक् खिनिॽआङ् चोःक्युम्भोबा पोःक्ख़ेम्म़ेॽ फाॽआङ् पेलि फाक्निङ्लो, थेआङ्भ़ेल्ल़े तगि इङ्गाॽग खिनिॽ ह़ेक्के साम्यो साक्थिम्हाॽ इःप्मा नाःप्मालाम् चोःक्युम्भोबा पोःक्खाङ्ङाङ् वयाङ्लो॥ खिनिॽग इङ्गाॽ थेआङ् ताप्फ़ेःल्लिक् याप्मि क़ेम्म़ेत्तिन्लो॥ |
| 29416 | EPH 6:12 | थेआङ्भ़ेल्ल़े आनिॽ थङ्ङिङ्ग म़ेन्छाम् याप्मिनु म़ेःन्, कर हाङ्ग़ेजोःक्पाहाॽ, युक्दाङ्बाहाॽ, कन् खाग़ेमाक्पा खाम्बेःक्कोबा मुक्साम्हाॽ ह़ेक्क्याङ् ताङ्साक्पाओबा काक् फ़ेन्साम्हाॽनु थक्मनाबा थङ्लो॥ |
| 29483 | PHP 2:25 | कर आल्लोग इपाफ्रोदितस़ेन् खिनिॽओ याङ्ना पाङ्मा क़ेय़ेक्पा निःसुङ्लो॥ आन्छिग़े सोरिक्माङ्सेवा याःम्बक्चोगुसिग़े, ह़ेक्क्याङ्सुनाइङ्स़ेःमा थङ्ङिन्नाङ्सोसोरिक्थक्त़ेसिग़े॥ खुऩेॽग इङ्गाॽ कुभाॽ पिस़े क़ेबाङ्घुम्बा खिनिॽ इङ्साबारो॥ |
| 29557 | COL 1:25 | इङ्गाॽ सेसेहुप्लक्ल़ेन् सेवारोबा पोःक्खाङ्लो, थेआङ्भ़ेल्ल़े निङ्वाॽफु पाःन्जाक्किन् काक् कुधिम्मो खिनिॽओ इङ्भोःस़े निङ्वाॽफुमाङ्ङिल्ल़े इङ्गाॽ सेःक्युक् चोगाङ्ङाङ् वाॽआरो |
| 29558 | COL 1:26 | कन् सिबिॽ पाःन्हाॽग उनाहुरिआङ्धो पेबा म़ेन्छाम् थाःक्हाॽओ चिक्खुआङ्वय़े, कर आल्लो निङ्वाॽफुमाङ्ङिल्ल़े सेसे कुमनाहाॽ ओःन्धाक्तुसिआङ् वाॽरो॥ |
| 29596 | COL 3:12 | ह़ेक्केःल्ल़े निङ्वाॽफुमाङ्ङिल्ल़े सेगुसिबा मनाहाॽ, सेसे नु साॽरिक् लुङ्माॽ तुक्तुसिबाहाॽऱे, लुङ्दुक्किन्, लुङ्माॽ तुक्सिङ्मान्, नोनिङ्वाॽइन्, चुङ्जिग़ेन् नःम्नःम् लॽमान्नु नासि थःप्मान् चाङ् कुइसिःक् चाक्सिङ्मा पोःङ्लो॥ |
| 29610 | COL 4:1 | सेवारोबाल्ल़े कुन्दाङ्बासे, खिनिॽ सेवारोबाहाॽ नुःरिक् म़ेत्त़ेम्सिम्म़ेॽओ, थेआङ्भ़ेल्ल़े साङ्ग्राम्पेदाङ्ङो खिनिॽआङ् दाङ्बाधिक् क़ेगत्तुम् क़ेलॽबा पाःन्निन् निङ्वाॽ म़ेभेःत्छ़ेम्मिन्ऩेॽओ॥ |
| 29647 | 1TH 2:10 | आनिग़ेग खिनिॽ नसाःन् क़ेजोःक्पाहाॽनु आक्खेन्सेसे, साम्योनिबा नु फोत्या म़ेःन्नेबा य़ेप्ल़ेक्को वयिग़े लॽरिक् क़ेनिःबाग निङ्वाॽफुमाङ्ङिन् नु खिनिॽ क़ेवयिॽरो॥ |
| 29776 | 1TI 1:13 | इङ्गाॽ पेय़ेम्मोग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन् पाराङ्, कुमनाहाॽ तुक्खे चाःत्तुङ्सिङ् ह़ेक्क्याङ् कुजाःत्थि तेःसुङ्॥ ह़ेक्केसाङ् खुऩेॽ लुङ्माॽ तुक्ताङ्लो, थेआङ्भ़ेल्ल़े इङ्गाॽ खुऩेॽ नसाःन् म़ेन्जोःक्के वयाङ्बाल्ल़े चोगुल्ल़े थे चोगुङ्ल पत्छाङ् थेआङ् म़ेन्निःबान्लो॥ |
| 29777 | 1TI 1:14 | आनिॽ यहवे दाङ्बाल्ल़ेग साॽरिक्लुङ्माॽ तुक्ताङ्लो, ह़ेक्क्याङ् ख्रिस्त य़ेसुओ खोग़ेद़ेप्पा नसाःन् नु मिःम्जिन् आत्तात्तान्ने यरिक् पिराङ्लो॥ |
| 29814 | 1TI 3:16 | आनिॽ साम्योऱे सिगाङ् पाःन्निङ्ग पयम् यम्बा चोःक् फाॽआङ् आनिॽ त़ेन्दिङ् आजोगुम्लो– निङ्वाॽफुमाङ्ङिन् आप्फेःक् नासिङ्ग़ेन् थक्को थाःम्सिङ्लो, सेसेमाङ्लाम् खुऩेॽ साम्योनिबा फाॽआङ् ओसेःन्दाङ्पोःक्ख़ेरो, माङ्लाइङ्बाहाॽऱे खुऩेॽ म़ेनिःसुरो, म़ेन्छाम् सुवाङ्हाॽऱे खुनिॽ लुम्मो खुऩेॽ इङ्भोःस़ेरो, इक्सादिङ् खाम्बेःक्मो खुऩेॽ नसाःन् म़ेजोगुरो, मिमिदिङ्ङो खुऩेॽ थाःङ् पङ्सिङ् पेरो! |
| 29898 | 2TI 2:4 | थक्सुबा तुराओ क़ेयाक्पा आत्तिन् थक्सुबान्नाङ् हिम् याःम्बक्को म़ेहम्सिङ्ङिन्, कर ख़ेल्ल़ेग खुऩेॽ कुधक्तुम्बाल्ल़े कुनिङ्वाॽ ताःमा निङ्वाॽ चोगुॽरो॥ |
| 29922 | 2TI 3:2 | ख़ेन् य़ेम्मोबा मनाहाॽग आप्फेःक्लक् मिःम्जि क़ेम़ेत्छिङ्बा, याङ्साकुन्धेरक् मिःम्जि क़ेम़ेप्पा नु आप्फेःक्लक् यम्बासिग़े फाॽआङ् निङ्वाॽ क़ेइःप्पा, आङ्दिङ् क़ेलॽबा ह़ेक्क्याङ् मना चाःत्थि क़ेदेःबा म़ेबोःङ्लो॥ ख़ेङ्हाॽग पा माहाॽऱे खुनिॽ पाःन्नो म़ेम्बप्मनाबा, ओब़े क़ेजोगु क़ेबिराङ्ब़े फाॽआङ् निङ्वाॽ म़ेन्इःप्मनाबा, ह़ेक्क्याङ् साम्यो म़ेन्इःप्मनाबा आजिःन्जिःम्बा म़ेबोःङ्लो॥ |
| 29928 | 2TI 3:8 | जेन्नस नु जेम्ब्रससिऱे मोसाःन् म़ेअत्तुबा कुइसिःक् ख़ेन् मनाहाॽऱे स़ेक्खाःन् म़ेअत्तुरो॥ ख़ेन् मनाहाॽ फ़ेन्निङ्वाॽबासिरो, ह़ेक्क्याङ् खुनिॽ नसाःन्निन् स़ेक्खाबा म़ेजोःक्ऩेन्॥ |
| 29944 | 2TI 4:7 | इङ्गाॽग आसुक्सुक् नुःरिक्काङ् नसाःन्ल़ेन् थङ् थक्ताङ्ङाङ्, आलोःक्मान् सुरुङ्ङाङ् वाॽआ ह़ेक्क्याङ् नसाःन्निन् म़ेम्माए कत्तुङ्ङाङ् वाॽआरो॥ |
| 29953 | 2TI 4:16 | थिक्सिगेःक्पो इङ्गाॽ खास़ेन्लोबाल्लो म़ेदाराङ्ङिल्ल़े आत्तिन्हाॽऱेआङ् याप्मि कुभाॽ म़ेम्बिराङ्ङिन्, कर क़ेऱेक्ल़े इङ्गाॽ म़ेल़ेराङ्ङाङ्म़ेबेरो॥ कन् पाःन्नो निङ्वाॽफुमाङ्ङिल्ल़े खुनिॽ तक्ल़ेङ्वाओ खास़ेन् म़ेजोगुन्निरो॥ |
| 29999 | TIT 3:9 | कर अदङ् पाःन्धङ्हाॽ, केःम् केःम्बा मिङ्स्राहाॽऱेन् पाःन्धङ्हाॽलाम् लाःत्लाःत् वय़ेम्म़ेॽओ, ह़ेक्क्याङ् मोसाऱे कुसाम्योथिम्मिल्ल़े कुयाःम्बेओ ख़ेमाॽ म़ेजोग़ेम्मिन्ऩेॽओ, थेआङ्भ़ेल्ल़े कङ्ग ओगप् म़ेम्बोःङ्मना नु इन्धाःङ् म़ेःन्नेबा पाःन्लो॥ |
| 30055 | HEB 2:11 | मनाहाॽ लायोलाम् सेसे क़ेजोःक्पा य़ेसुःन् नु सेसे क़ेबोःङ्बाहाॽग लत्थिक् हिम्सयङ्सिरो, ख़ेल्ल़े चोगुल्ल़े ख़ेङ्हाॽ आन्साॽसि म़ेप्मासि खुऩेॽ म़ेनुःन्ऩेन्लो॥ |
| 30188 | HEB 9:16 | थेआङ्भ़ेल्ल़े इङ्गाॽ सिःआल्ल़े आयाङ्साकुन्धेःन्खुऩेॽ खोःसुॽ फाॽआङ् चोगुबा साप्ला मुन्धेःङ्ग, ख़ेन् साप्ला मुन्धे क़ेसाप्पा मनाःन् स्य़े क़ेलॽबा पर्माङ्गि पोःङ्ङाङ्लक् स़ेक्खा पोःङ्लो॥ |
| 30237 | HEB 10:37 | साम्योसाप्लाःल्ल़े पाःत्तुॽ, “आक्खो सप्माआङ् क़ेदाःबार क़ेबप्प़ेन्ताःएरो, ह़ेक्क्याङ् खुऩेॽ म़ेसुःऩेन्लो॥ |
| 30313 | HEB 13:5 | याङ्साकुन्धे थक्माओ स्याङ्प़ेन्दाङ् म़ेबत्छ़ेम्मिन्ऩेॽओ, कर क़ेगत्तुम्बा पाःन्हाॽओए खिनिॽ निङ्वाॽ तास़ेम्म़ेॽओ, थेआङ्भ़ेल्ल़े निङ्वाॽफुमाङ्ङिल्ल़े पाःत्तुआङ् वाॽ, “इङ्गाॽ आप्फाल्ल़ेआङ् म़ेल़ेत्निङ्ङिन्, आप्फाल्ल़ेआङ् म़ेनाॽनिङ्ङिन्लो॥” |
| 30415 | JAS 4:11 | फुॽनुसाॽ नु ऩेॽनुसाॽसे, वेॽहाॽऱे तक्ल़ेङ्वाओ ताप्फ़ेःम्बा पाःन् म़ेबाऱेम्मिन्ऩेॽओ॥ आत्तिन् कुन्साॽऱे कुदक्ल़ेङ्वाओ ताप्फ़ेःम्बा फ़ेन् पाःन् पाःत् इग्र आत्तिल्ल़े कुन्साॽ आप्तिक्कुःत्तुॽ, ख़ेङ्ग साम्योथिम्मिल्ल़े कुदक्ल़ेङ्वाओ पाःत्ताङ् साम्योथिम्मिन् खास़ेन् लोःन्दुॽरो॥ आल्ल साम्योथिम्मिन् खास़ेन् क़ेलोःन्दुॽऩे फाॽग्र, साम्योथिम् क़ेइःप्पा क़ेनाःप्पा म़ेःन्, कर साम्योथिम्मिल्ल़ेन् खास़ेन्लोःम्बा क़ेबोःङ्लो॥ |
| 30445 | 1PE 1:4 | ह़ेक्क्याङ् निङ्वाॽफुमाङ्ङिल्ल़े साङ्ग्राम्पेदाङ्ङो आप्फाल्ल़ेआङ् आसुत्थो म़ेम्बोःङ्मना, इम़ेल्ल़ेम्मना म़ेम्बेःक्मनाबा नु म़ेन्यःप्मना म़ेन्गिःमना इम़ेल्लुङ्बा लक् आनिॽ लागि युक्खुआङ् वाॽरो॥ |
| 30472 | 1PE 2:6 | थेआङ्भ़ेल्ल़े साम्योसाप्लाओ अक्खेलॽरिक् साप्त़ेआङ् पत्, “ओम़ेत्त़ेम्म़ेॽओ, इङ्गाॽ सेःक्मनाबा नु इम़ेल्लुङ्बा कुम्मालुङ्ङिन् यरुसल़ेम्मो ऩेस्सुङ्लो, ह़ेक्क्याङ् खुऩेॽ सम्दाङ् नसाःन् क़ेजोःक्पाङ्ग आप्फाल्ल़ेआङ् सिरिङ् मःमो म़ेधाऩेन्लो॥” |
| 30512 | 1PE 3:21 | कन् वादोःक्किल़ेन् च्वाःत्तिङ्ग ताङ्ग़ेस़ेःप्तिबा बप्तिस्माल्ल़े कुबि ह़ेक्तङ्बारो, कङ्ग थक्कोलाम् माक्ख्रक्किन् वाग़ेहप्तुम्बा ह़ेक्केग म़ेःन्, कर सेसे खासिङ्लाम्बा निङ्वाॽफुमाङ्ङो चोःक्मनाबा माङ्ह़ेक्लो॥ ह़ेक्क्याङ् ख़ेन् सेसे खासिङ्ङिङ्ग य़ेसु ख्रिस्त़ेन्सिःम़ेन्लाम् याम्मो हिङ़ेबालाम् ताःरो॥ |
| 30553 | 2PE 1:7 | साप्चुवाओ फुॽनुसाॽ लुङ्माॽ तुक्सिङ्मान्, ह़ेक्क्याङ् फुॽनुसाॽ लुङ्माॽ तुक्सिङ्मो मिःम्जिन् योॽऱेम्म़ेॽओ॥ |
| 30713 | 2JN 1:1 | इङ्गाॽ सेसेहुप्लक्कोबा तुम्लाम्लोःबाल्ल़े सेःक्मनामा तुम्म्याङ्हाङ्मा नु कुस्साःहाॽ कन् सक्इङ्घङ्ङिन्हाक्निङ्लो॥ इङ्गाॽ स़ेक्खाए मिःम्जि म़ेत्निङ्लो, ह़ेक्क्याङ् स़ेक्खाःन् कुसिङ् क़ेनिःप्पा क़ेऱेक्ल़ेआङ् मिःम्जि क़ेम्म़ेत्तिॽरो॥ |
| 30768 | REV 1:3 | कप्मो क़ेबप्पा माङ्निङ्वाॽपाःन् क़ेनिःप्प़ेन्मुॽइसाबारो, ह़ेक्क्याङ् ख़ेन् क़ेघ़ेम्बाहाॽ नु ख़ेप्मो क़ेबप्पा पाःन्हाॽ क़ेइःप्पा क़ेनाःप्पाहाॽग मुॽइसाबासिरो, थेआङ्भ़ेल्ल़े आल्ल कन् काक् पाःन्हाॽ पोःङ्मा य़ेम् निःत्ताङ्ङे वाॽरो॥ |
| 30856 | REV 5:9 | ह़ेक्क्याङ् ख़ेङ्हाॽऱे अक्खेलॽरिक् कुसङ् साम्लोधिक् साम्म़ेम़ेत्तुरो, “ख़ेऩेॽग साप्कित्तिन् पङ्माआङ् ख़ेप्मो क़ेबप्पा कुएःप्साप्हाॽ अङ्मा सुम्बोधासाबा क़ेजोःक्लो, थेआङ्भ़ेल्ल़े ख़ेऩेॽग क़ेम्स़ेऱे ह़ेक्क्याङ् निङ्वाॽफुमाङ्ङिल्ल़े कुलागि क़ेऱेक् म़ेन्छाम् सुवाङ्हाॽ, क़ेऱेक् पाःन्दाङ्हाॽ, ह़ेक्क्याङ् क़ेऱेक् लाजेहाॽलाम् मनाहाॽ ख़ेऩेॽ क़ेमाक्खिॽइल्ल़े क़ेध़ेॽरुसिरो, |
| 30860 | REV 5:13 | ह़ेक्क्याङ् इङ्गाॽ साङ्ग्राम्पेदाङ्बा, इक्सादिङ् खाम्बेःक्मोबा नु इक्सादिङ् खाम्बेःक् सिगाङ्बा, ह़ेक्क्याङ् वाहङ्ङोबा क़ेऱेक् पाथुङ्साहाॽ अक्खेलॽरिक् साम्म़ेलोऱेबा ख़ेप्सुङ्लो, “हाङ्युक्नाओ क़ेयुङ्बान् नु म़ेल्लुक्साःल्ल़े कुनारा फोःमान्, मिङ्सो इङ्धाःङ्, मिमिदिङ् नु मुक्साम् सदादिङ् सदादिङ् पोःङ्लरो!” |
| 30876 | REV 6:15 | ह़ेक्क्याङ् इक्सादिङ् खाम्बेःक्मोबा हाङ्हाॽ, हाङ्युक्पाहाॽ, थक्लिहाङ्हाॽ, याङ्साकुन्धेसाबाहाॽ, क़ेधुम्बा मुक्क़ेगुबाहाॽ, ह़ेक्क्याङ् काक् योःक्पाहाॽ नु चोःक्युम्भोबाहाॽ क़ेऱेक् कोःक्माओबा फुक्कुहाॽ नु याक्केःक्हाॽओ म़ेजिङ्सिङ्लो॥ |
| 30887 | REV 7:9 | कन् एगाङ् ख़ेप्मो आत्तात्तान्ने निःप्मा सुक्म़ेन्द़ेप्मना मनाहाॽ, क़ेऱेक् लाजेॽहाॽ, क़ेऱेक् म़ेन्छाम् सुवाङ्हाॽ, ह़ेक्क्याङ् क़ेऱेक् पाःन्दाङ्हाॽलाम्, हाङ्युक्नाःन् नु म़ेल्लुक्साःल्ल़े कुदगि कब्रिङ् म़ेय़ेब़ेबा निःसुङ्सिङ्॥ ख़ेङ्हाॽऱे फःदाङ्बा तेःत् म़ेजाक्खुआङ् खुनिॽ हुक्को ख़ेबक्सिङ्ङिल्ल़े कुबोराःक्हाॽ म़ेबक्खुआङ् म़ेय़ेब़े॥ |
| 30908 | REV 8:13 | ह़ेक्क्याङ् इङ्गाॽ थाःङ् ओम़ेत्तुङ्ङिल्ल़े ताङ्साक्पो क़ेब़ेबार क़ेबप्पा मुयाधिक् यम्बा इक्लाओ अक्खेलॽरिक् अःक्त़ेबा ख़ेप्सुङ्लो, “इक्सादिङ् खाम्बेःक्मो क़ेवाॽबाहाॽओ तुक्खे, तुक्खे, तुक्खेरो, थेआङ्भ़ेल्ल़े आल्ल वेॽस्मा सुम्सि माङ्लाइङ्बाहाॽऱे खुनिॽ थुत्थुरिःप्प़ेन्मुःप्मा य़ेम् त्य़ेआङ् वाॽरो॥” |
| 30949 | REV 11:9 | ह़ेक्क्याङ् य़ेन् सुम्सिआङ् ल़ेन्जो थारिक् क़ेऱेक् म़ेन्छाम् सुवाङ्हाॽ, क़ेऱेक् पाःन्दाङ्हाॽ, ह़ेक्क्याङ् क़ेऱेक् लाजेॽहाॽलाम् मनाहाॽऱे खुन्छिॽ चेहाॽ ओम़ेम़ेत्तुसाङ् इप्पुङ्ङो लुप्माग म़ेम्बाङ्घुन्छिन्लो॥ |
| 30984 | REV 13:7 | ह़ेक्क्याङ् ख़ेन् थक्साःल्ल़े निङ्वाॽफुमाङ्ङिल्ल़े सेसे कुमनाहाॽऱे खुनिॽ तक्ल़ेङ्वाओ थङ् चोःक्माआङ् नाःम्मासि युक् खोःसुरो॥ ह़ेक्क्याङ् याम्मो ख़ेन् थक्साःल्ल़े इक्सादिङ् खाम्बेःक्मोबा क़ेऱेक् म़ेन्छाम् सुवाङ्हाॽ, क़ेऱेक् पाःन्दाङ्हाॽ, ह़ेक्क्याङ् क़ेऱेक् लाजेॽहाॽ सम्दाङ् युक् चोःक्मा खोःसुरो॥ |
| 31001 | REV 14:6 | ह़ेक्क्याङ् इङ्गाॽ ताङ्साक्पो वेॽस्मा माङ्लाइङ्बाधिक् प़ेऱेर पत्छ़ेबा निःसुङ्लो॥ ख़ेल्ल़े इक्सादिङ् खाम्बेःक्मो क़ेवाॽबा क़ेऱेक् म़ेन्छाम् सुवाङ्हाॽ, क़ेऱेक् पाःन्दाङ्हाॽ, ह़ेक्क्याङ् क़ेऱेक् लाजेॽहाॽओ म़ेन्नुप्मनाबा सुनाइङ् इङ्भन् चोःक्मा कत्तुरो॥ |