23510	MAT 10:24	हुॽसाम्‍ब़ेन् कुसिक्‍साम्‍बान्‍नुःल्‍ल़े यम्‍बा, ह़ेक्‍क्‍याङ् सेवारोब़ेन् कुन्‍दाङ्‌बान्‍नुःल्‍ल़े यम्‍बा म़ेःन्‍लो॥
23603	MAT 12:45	ह़ेक्‍क्‍याङ् ख़ेन् पेःक्‍काङ् आप्‍फेःक्‍नुःल्‍ल़ेआङ् साॽरिक् कुॽइ क़ेभ़ेॽबा वेॽ नुसि फ़ेन्‍साम्‍हाॽ तारुसिआङ् ख़ेङ्‌हाॽ सिगाङ् म़ेलाःत्ताङ् म़ेयुङ्‌सिङ्‌लो॥ ख़ेन् मनाःल्‍ल़े कुयाक्‍नाम्‍मिन् तगिबानुःल्‍ल़ेआङ्‌ताप्‍फ़ेःम्‍बा पोःङ्‌लो॥ कन् य़ेम्‍मोबा कुॽइ क़ेभ़ेॽबा मनाहाॽऱे खुनिॽ याक्‍नाम्‍मिन्‍नाङ् बा ह़ेक्‍तङ्‌बाए पोःङ्‌लो॥”
23674	MAT 14:8	कुम्‍माऱे हुःस्‍सुआङ् ख़ेन् चुक्‍म़ेल्‍ल़े अक्‍खे पाःत्तु, “बप्‍तिस्‍मा क़ेबिबा युहुन्‍नाःल्‍ल़े कुध़ेगेःक्‍प़ेन्‌च़ेत्‍थ्‍याओ पिराङ्‌ङ़ेॽओ॥”
23995	MAT 23:8	कर खिनिॽग आत्तिन्‍हाॽऱेआङ्‌सिक्‍साम्‍बे लॽरिक् क़ेम़ेम्‍म़ेत्तिन्‍लरो, थेआङ्‌भ़ेल्‍ल़े खिनिॽग थिक्‍लक् सिक्‍साम्‍बान् क़ेगत्तुम्‍लो, ह़ेक्‍क्‍याङ् खिनिॽ क़ेऱेक्‍क फुॽनुसाॽ नु ऩेॽनुसाॽ ह़ेक्‍केनिङ्‌लो॥
24147	MAT 26:24	म़ेन्‍छाम्‍साःङ्‌ग साम्‌योसाप्‍लाओ साप्‍त़ेबा कुइसिःक्‍के सिःमाए पोःङ्‌लो॥ कर म़ेन्‍छाम्‍साःन् इङ्‌ग़ेल़ेक्‍प़ेङ्‌ग चिःत्त़े स्‍य़ेरो! ख़ेङ्‌ग साम़ेवाःन्‍छिङ्‌ङिन्‍निल्‍ल़े नुऱेबारो॥”
24265	MAT 28:1	नाःम्‍सिङ्‌य़ेन्‍निल्‍ल़े कुदाःन्‍दिक्‍मो, त़ेऩेबा य़ेन्‍नो खाओःत्त़ेर पत्‍छ़ेल्‍ल़े मरियम मग्‍दलिनिःन् नु वेॽस्‍मा मरियम्‍मिन् य़ेसुःन् म़ेऩेस्‍सुबा इप्‍पुङ्‌ङिन् ओम़ेत्‍छ़े पेसिरो॥
24356	MRK 2:27	ह़ेक्‍क्‍याङ् य़ेसुऱे अक्‍खे पाःत्तुर पाःन् नुप्‍सु, “नाःम्‍सिङ् य़ेन्‍निन् म़ेन्‍छाम्‍ग़ेन् याप्‍मि नुॽमा तामाऱे लागि चोग़ेबारो, कर कन् म़ेन्‍छाम्‍ग़ेन् याप्‍मिःन् नाःम्‍सिङ्‌य़ेन्‍निल्‍ल़े लागि चोग़ेबा म़ेःन्‍लो॥
24476	MRK 5:43	ह़ेक्‍क्‍याङ् य़ेसुऱे ख़ेङ्‌हाॽ कन् पाःन्‍निन् आत्तिन्‍नाङ्‌म़ेम़ेत्त़ेम्‍मिन्‍ऩेॽ फाॽआङ् क़ेसाक्‍पा इङ्‌जाःङ् पिरुसि॥ ह़ेक्‍क्‍याङ् ख़ेन् चुक्‍म़ेन् थ़ेमाइ चामा पिऱेम्‍म़ेॽ फाॽआङ् म़ेत्तुसिरो॥
24610	MRK 9:3	कुदेःत्‍हाॽ मिक्‍किन् च़ेमुर थारिक् फुत्‍त्रिःङ्‌ग्‍याःप्‍पा पोःक्‍ख़े, ख़ेम्‍म्‍याक् साॽरिक् फः लॽर थारिक् इक्‍सादिङ् खाम्‍बेःक्‍मो हाःत्‍ल़ेआङ् चाङ्‌ङिन् वाहप्‍मा म़ेसुक्‍तुन्‍लो॥
24844	MRK 14:21	म़ेन्‍छाम्‍साःङ्‌ग साम्‌योसाप्‍लाओ साप्‍त़ेबा कुइसिःक्‍के सिःमाए पोःङ्‌लो॥ कर म़ेन्‍छाम्‍साःन् इङ्‌ग़ेल़ेक्‍प़ेङ्‌ग चिःत्त़े स्‍य़ेरो! ख़ेङ्‌ग साम़ेवाःन्‍छिङ्‌ङिन्‍निल्‍ल़ेए नुऱेबारो॥”
25041	LUK 1:79	ह़ेक्‍क्‍याङ् खादाम्‍मा नु सिःम़ेल्‍ल़ेन्‌साम्‍म्रिःप्‍पो क़ेवाॽबाहाॽओ ख़ेन् नाम्‍साङ्‌ङिन् ओःत्‍लो, ह़ेक्‍क्‍याङ् आनिॽ लाङ्‌भोःन् सनारुङ् लाम्‍मो तोःन्‍छिङ्‌लो॥”
25500	LUK 11:26	ह़ेक्‍क्‍याङ् ख़ेन् पेःक्‍काङ् आप्‍फेःक्‍नुःल्‍ल़ेआङ् साॽरिक् कुॽइ क़ेभ़ेॽबा वेॽ नुसि फ़ेन्‍साम्‍हाॽ तारुसिआङ् ख़ेङ्‌हाॽ सिगाङ् म़ेलाःत्ताङ् म़ेयुङ्‌सिङ्‌लो॥ ख़ेन् मनाःल्‍ल़े कुयाक्‍नाम्‍मिन् तगिबानुःल्‍ल़ेआङ्‌ताप्‍फ़ेःम्‍बा पोःङ्‌लो॥”
25918	LUK 21:23	कन् य़ेम्‍मिङ्‌ग म़ेन्‍छुक्‍मा क़ेवाॽमा नु सावामाहाॽऱे लागि आक्‍ख़ेन् किप्‍मा क़ेघुःबा पोःङ्‌ङि! इक्‍सादिङ्‌खाम्‍बेःक्‍मो यम्‍बा तुक्‍खे थाःरो, ह़ेक्‍क्‍याङ्‌निङ्‌वाॽफुमाङ्‌ङिल्‍ल़े कुघुम्‍दिङ्‌ङिन् कन्‌मनाहाॽओ चुक्‍लो॥
25923	LUK 21:28	आल्‍ल कन् क़ेऱेक् पोःङ्‌ङिल्‍ल़े खिनिॽ थ़ेगेःक्‍प़ेन्‌फोःक्‍ख़ेम्‍म़ेॽआङ् थाःङ् ओमय़ेम्‍म़ेॽओ, थेआङ्‌भ़ेल्‍ल़े खिनिॽ स़ेन्‍लप्‍पिन् निःत्ताङ् तार पत्‍लो॥”
26195	JHN 3:6	नासिङ्‌ग़ेन् थक्‍लाम्‍बाग नासिङ्‌ग़ेन् थक्‍किन्‍ने सावाःन्‍छिङ्‌ह़ेक्‍क्‍याङ् सेसेमाङ्‌लाम् याम्‍साम्‍मिन् कुसङ्‌ङाङ् सावाःन्‍छिङ्‌लो॥
26295	JHN 5:16	ह़ेक्‍केःल्‍ल़े यहुदिहाॽऱे नाःम्‍सिङ्‌य़ेन्‍निल्‍ल़ेन् साम्‌योथिम्‍मिन् फेःन्‍दु फाॽआङ् य़ेसुःन् साॽरिक् तुक्‍खे चाःप्‍मा म़ेहेःक्‍तुरो॥
26692	JHN 12:43	थेआङ्‌भ़ेल्‍ल़े ख़ेन् यहुदि लाम्‍लोःबाहाॽऱे निङ्‌वाॽफुमाङ्‌लाम् चम्‍सिङ्‌मान्‍नुःल्‍ल़े म़ेन्‍छाम् याप्‍मिलाम् चम्‍सिङ्‌मान्‍ने खुनिॽ सिराॽ थाङ़ेरो॥
26715	JHN 13:16	इङ्‌गाॽ स़ेक्‍खाए म़ेत्‍निङ्, सेवारोबान् कुन्‍दाङ्‌बान्‍नुःल्‍ल़े यम्‍बा म़ेःन्‍लो, ह़ेक्‍क्‍याङ् इङ्‌साबान्‍नाङ् खुऩेॽ क़ेबाङ्‌बान्‍नुःल्‍ल़े यम्‍बा म़ेःन्‍लो॥
26788	JHN 15:20	इङ्‌गाॽ म़ेत्‍निङ्‌बा आबाःन्‍हाॽ निङ्‌वाॽ इःत्त़ेम्‍म़ेॽओ ‘सेवारोबान् कुन्‍दाङ्‌बान्‍नुःल्‍ल़े यम्‍बा म़ेःन्‍लो॥’ ख़ेङ्‌हाॽऱे इङ्‌गाॽए तुक्‍खे म़ेजाःत्ताङ्‌ङिल्‍ल़े खिनिॽआङ् तुक्‍खे क़ेम्‍जाःत्तिॽरो॥ ख़ेङ्‌हाॽऱे इङ्‌गाॽ आनिसाम्‍मिन् म़ेइःत्तु म़ेनाःत्तुआङ् वय़ेल्‍ल़ेग खिनिॽ निसाम्‍मिन्‍नाङ् म़ेइःत्तु म़ेनाःत्तुॽरो॥
26936	JHN 19:42	कङ्‌ग नाःम्‍सिङ्‌य़ेन्‍निल्‍ल़ेन् यारिप् चोःक्‍मा य़ेन् वय़ेबाल्‍ल़े चोगुल्‍ल़े ख़ेङ्‌हाॽऱे ख़ेन् इप्‍पुङ्‌ङिन् निःत्ताङ् ऩेस्‍स़ेबाल्‍ल़े चोगुल्‍ल़े य़ेसुऱे कुधक्‍किन् तेॽऱेत्‍छुआङ् ऩेस्‍स़ेत्‍छुरो॥
27416	ACT 12:10	ह़ेक्‍केलॽरिक् ख़ेङ्‌हाॽऱे थिक्‍सिगेःक्‍स्‍मा नु निसिगेःक्‍स्‍मा लाम् क़ेगोःबा थक्‍सुबा य़ेप्‍नाःन्‌काःक्‍त़ेत्‍छुआङ् य़ेक्‌यक्‍को लाःप्‍मा फ़ेन्‍जेॽ लाम्‍धेःप्‍पो क़ेऱेत्‍छि॥ ख़ेन् लाम्‍धेःप्‍पिन्‍नाङ् खुन्‍छिॽ लागि आबाङे हन्‍छिङ्, ह़ेक्‍क्‍याङ् ऩेप्‍माङ् लाःक्‍कात् लःन्‍द़ेत्‍छिरो॥ ख़ेङ्‌हाॽ य़ेक्‌यक्‍कोबा माराम्‍मो लःन्‍द़ेत्‍छिआङ्‌लाङ्‌घेःग़ेत्‍छिर पत्‍छ़ेत्‍छिल्‍ल़ेए माङ्‌लाइङ्‌बाल्‍ल़े खिमो पत्रुस़ेन् ल़ेरुध॥
27939	ACT 27:16	ह़ेक्‍क्‍याङ् आनिग़े काउदा म़ेप्‍मनाबा चुक्‍सा वागप्‍खाम्‍मिल्‍ल़े कुयाओ इःम्‍सिङ्‌मनार पेःक्‍मना॥ ख़ेप्‍मो वालाधाःन् फ़ेत्‍लाआङ्‌निःम्‍मिल्‍ल़े स़ेःप्‍सिङ्‌स़े ओगप् चोःक्‍मनाबा खःङ्‌बेहाॽ आनिग़े सुक्‍म़ेन्‍छुक् च्‍वाःत्तोलाम् थो उःक्‍खुम्‍ब़ेआङ् इघेःङ्‌मनाआङ्‌ताङ्‌मनारो॥
27944	ACT 27:21	वालाधाओबा मनाहाॽ चा म़ेन्‍जाएबा यरिक् य़ेन् पोःक्‍ख़ेआङ् वय़ेबाल्‍ल़े पावल़ेन्‌खुन्‍छिॽ लुम्‍मो य़ेम्‍सिङ्‌ङाङ् अक्‍खे म़ेत्तुसि, “आदाङ्‌बासे, आबाःन् क़ेघ़ेप्‍सुम्‍माङ् क्रेतलाम् आन्‍धासिङ्‌ङिन्‍निल्‍ल़ेग अक्‍खेलॽरिक् इम्‍मोःक् म़ेबोःक्‍ख़ेम्‍बारो॥
28146	ROM 6:10	ख्रिस्‍त़ेन्‌स्‍य़ेल्‍ल़े लायोःल्‍ल़े कुमुक्‍साम्‍मिन् नाःम्‍मा फाॽआङ् सदादिङ्‌ऱे लागि खुऩेॽ थिक्‍ल़ेङ्‌ङो स्‍य़े, कर आल्‍ल खुऩेॽ कुहिङ्‌व़ेत् वाॽरो, ह़ेक्‍क्‍याङ् कुहिङ्‌मन्‍निन् खुऩेॽ निङ्‌वाॽफुमाङ्‌ङिल्‍ल़े कुनिङ्‌वाॽ ताःमा फाॽआङ् हिङ्‌लो॥
28163	ROM 7:4	ह़ेक्‍केःल्‍ल़े फुॽनुसाॽ नु ऩेॽनुसाॽसे, ख्रिस्‍त़ेन्‌स्‍य़ेःल्‍ल़े खिनिॽआङ् साम्‌योथिम्‍मिल्‍ल़े कुयुक्‍किल्‍ल़े इग़ेभुत्तिआङ् क़ेवयिबाओलाम् क़ेबाःक्‍खिरो॥ ह़ेक्‍केःल्‍ल़े निङ्‌वाॽफुमाङ्‌ङिल्‍ल़े कुलागि आनिॽ नुःबा याःम्‍बक् चोःक्‍मा आसुक्‍तुम्‍ल फाॽआङ् आनिॽग सिःम़ेन्‍लाम्‍बा कुहिङ्‌व़ेत् क़ेबोःङ्‌बान्‍नु थिक्‍हुप् आबोःक्‍ख़ेआङ् आवाॽरो॥
28228	ROM 9:5	कुमिङ् क़ेस़ेबा अब्राहाम, इसहाक नु याकुब़ेन् ख़ेङ्‌हाॽऱे आबाङे खुनिॽ ताक्‍थ़ेबासिरो, ह़ेक्‍क्‍याङ् य़ेसु ख्रिस्‍त़ेन्‌म़ेन्‍छाम्‍ग़ेन् थक्‍को खुनिॽ सुवाङ्‌ङोए सावाःन्‍छिङ्‌लो॥ खुऩेॽए क़ेऱेक् सम्‍दाङ् हाङ् क़ेजोःक्‍पा निङ्‌वाॽफुमाङ्‌लो॥ सदादिङ् कुनारा म़ेभोःसुररो! आम़ेन्॥
28264	ROM 10:8	कर कल्‍ल़े थे पाःत्तुबे? “पाःन्‍जाक्‍किङ्‌ग क़ेबेसाङ्‌ङे वाॽ, क़ेमुराओ ह़ेक्‍क्‍याङ् क़ेसिक्‍लुङ्‌मो वाॽ,” ख़ेङ्‌ग आनिग़े इङ्‌भोःसुम्‍ब़ेबा ख्रिस्‍त़ेन्‌नसाःन्‍निल्‍ल़े कुयाःम्‍बेओबा पाःन्‍जाक्‍लो–
28681	1CO 11:13	म़ेन्‍छुमाॽइल्‍ल़े कुध़ेगेःक्‍प़ेन्‌म़ेन्‍द़ेप्‍पे निङ्‌वाॽफुमाङ्‌ङिन्‍नु तुवा चोःक्‍मा लाॽरुबि म़ेःम्‍बि फाॽआङ् खिनिॽ आबाङे इःत्त़ेम्‍म़ेॽओ॥
28748	1CO 14:2	थेआङ्‌भ़ेल्‍ल़े वेॽ पाःन्‍दाङ्‌ङो पाःप्‍मा पर्धाःम् क़ेगप्‍प़ेन्‌म़ेन्‍छाम्‍ग़ेन् याप्‍मिहाॽनु म़ेबाःत्‍ऩेन्, कर निङ्‌वाॽफुमाङ्‌ङिन्‍नु पाःत्‍लो॥ खुऩेॽ पाःत्तुबा पाःन्‍हाॽ आत्तिल्‍ल़ेआङ् कुसिङ्‌म़ेनिःत्तुन्‍लो, थेआङ्‌भ़ेल्‍ल़े खुऩेॽग सिगाङ् पाःन्‍हाॽ सेसेमाङ्‌लाम्‍बाऩे पाःत्तुॽरो॥
28815	1CO 15:29	आल्‍ल सिःम़ेन्‍लाम् हिङ्‌मन् म़ेबोःङ्‌ऩेन्‍ऩे फाॽग्र क़ेसिःबाहाॽऱे लागि बप्‍तिस्‍मा म़ेबोःक्‍ख़ेबाल्‍ल़े कुबेःन् थे पोःक्‍ख़ेआङ्‌बे? क़ेसिःबाहाॽ म़ेन्‍हिङ्‌ऩेन्‍निल्‍ल़े थेआङ् मनाहाॽ ख़ेङ्‌हाॽऱे खुनिॽ लागि बप्‍तिस्‍मा म़ेबोःङ्‌बाबे?
29170	GAL 3:1	गलाति क़ेयुङ्‌बा नसानिबासे, थेआङ् खिनिॽ अदङ् कुइसिःक् क़ेजोगिबाबे? हाःत्‍ल़े क़ेल़ेमिआङ् खिनिॽ निङ्‌वाॽइन्‌फ़ेत्‍लाःन्‍दु क़ेबिरिबे? खिनिॽ तगिए य़ेसु ख्रिस्‍त़ेन्‌सिलाम्‍साक्‍मा सिङ्सम्‍दाङ् स्‍य़ेबा पाःन्‍निन् नुःरिक्‍काङ् च़ेक्‍कासिग़ेआङ् वय़े॥
29181	GAL 3:12	साम्‌योथिम्‍मिन् नु नसाःन्‍निन् म़ेदङ्‌सिन्‍लो॥ ख़ेल्‍ल़े कुल़ेक्‌वा साम्‌योसाप्‍लाओ अक्‍खे साप्‍त़ेआङ् पत्, “साम्‌योथिम्‍मो क़ेबप्‍पा काक् इङ्‌जाःङ्‌हाॽ क़ेइःप्‍पा क़ेनाःप्‍प़ेन्‌ख़ेन्‍लाम्‍मे हिङ्‌लो॥”
29269	GAL 6:14	कर इङ्‌गाॽग आनिॽ दाङ्‌बा य़ेसु ख्रिस्‍तऱे सिलाम्‍साक्‍मा कुसिङ्‌ङिन्‍नुःल्‍ल़े वेॽ थ़ेमाओआङ् आङ्‌दिङ् म़ेलॽआन्‍लो॥ ख्रिस्‍त़ेन्‌सिलाम्‍साक्‍मा सिङ्‌ङो स्‍य़ेबाल्‍ल़े चोगुल्‍ल़े मनाहाॽऱे म़ेइःत्तु म़ेनाःत्तुबा पाःन्‍हाॽ आलागि थेआङ् म़ेःन्‍लो, ह़ेक्‍क्‍याङ् ख़ेङ्‌हाॽऱे खुनिॽ लागिआङ् इङ्‌गाॽ थेआङ् म़ेःन्‍नारो॥
29427	EPH 6:23	फुॽनुसाॽ नु ऩेॽनुसाॽसे, पानुदिङ् पाः निङ्‌वाॽफुमाङ्‌ङिन् नु दाङ्‌बा य़ेसु ख्रिस्‍तऱे सनारुङ् क़ेबिरिर ह़ेक्‍क्‍याङ् ख्रिस्‍त़ेन्‌चक्‍म़ेल्‍लॽए नसाःन् चोःक्‍मा नु खिनिॽ लुम्‍मो लुङ्‌माॽ तुक्‍सिङ्‌मा क़ेसुक्‍पा क़ेबोःक्‍खिररो॥
29536	COL 1:4	थेआङ्‌भ़ेल्‍ल़े खिनिॽ ख्रिस्‍त य़ेसुःन्‌नसाःन् क़ेजोगुम्‍बान्‌ह़ेक्‍क्‍याङ् निङ्‌वाॽफुमाङ्‌ङिल्‍ल़े काक् सेसे कुमनाहाॽ लुङ्‌माॽ क़ेदुक्‍तुम्‍सिम्‍बा पाःन्‍निन् आनिग़े ख़ेप्‍सुम्‍ब़ेआङ् वयिग़ेरो॥
29587	COL 3:3	थेआङ्‌भ़ेल्‍ल़े ख्रिस्‍त़ेन्‌स्‍य़ेःल्‍ल़े खिनिॽआङ् खुऩेॽनुए क़ेस्‍य़ेॽइआङ् क़ेवयिॽरो, ह़ेक्‍क्‍याङ् खिनिॽ स़ेक्‍खाबा ऩेत्तिग़ेन् हिङ्‌मन्‍निन् ख्रिस्‍त़ेन्‍नु निङ्‌वाॽफुमाङ्‌ङो चिक्‍ख़ेआङ् वाॽरो॥
30021	PHM 1:16	आल्‍ल खुऩेॽग योःक्‍पा ह़ेक्‍के म़ेःन्‍लो, कर ख़ेन्‍नुःल्‍ल़ेआङ् यरिक् आनिॽ नसानिबा नुसाॽ पोःक्‍ख़ेआङ् वाॽरो॥ खुऩेॽग इङ्‌गाॽ लुङ्‌माॽ तुक्‍तुङ्‌बान्‍नुःल्‍ल़ेआङ् ख़ेऩेॽ नासिङ्‌ग़ेन् थक्‍को नु दाङ्‌बाओ साॽरिक् लुङ्‌माॽ क़ेदुक्‍तुबा नुसाॽ पोःक्‍ख़ेआङ् वाॽरो॥
30089	HEB 4:8	थेआङ्‌भ़ेल्‍ल़े यहोसुऱे ख़ेङ्‌हाॽ कन् नाःम्‍सिङ्‌मा त़ेन्‍निन् पिरुसिआङ् वय़ेल्‍ल़ेग निङ्‌वाॽफुमाङ्‌ङिल्‍ल़े ह़ेक्‍केलॽरिक् वेॽस्‍मा नाःम्‍सिङ्‌य़ेन्‍निल्‍ल़े कुयाःम्‍बेओ याङ्‌सि म़ेबाःत्तुन्‍बा म़ेन्॥
30229	HEB 10:29	निङ्‌वाॽफुसाःन् कुनाम़ेन्‍छाॽ क़ेम़ेप्‍प़ेन्‌, आबाङे सेसे क़ेजोःक्‍पा माङ्‌हुप्‍पिल्‍ल़ेन् माक्‍खिॽइन् आसुत्‍थो क़ेजोःक्‍प़ेन्‌ह़ेक्‍क्‍याङ् लुङ्‌गुम् क़ेबिबा सेसेमाङ्‌ङिन् क़ेअप्‍प़ेन्‌ख़ेन्‍नुःल्‍ल़ेआङ् क़ेसाक्‍पा खुम्‍दिङ् खोःमा लाॽरुरो॥
30325	HEB 13:17	खिनिॽ लाम्‍लोःबाहाॽऱे क़ेम्‍म़ेत्तिबा पाःन्‍निन् ख़ेप्‍स़ेम्‍म़ेॽ, ह़ेक्‍क्‍याङ् खुनिॽ युक्‍को वय़ेम्‍म़ेॽओ॥ ख़ेङ्‌हाॽऱे खिनिॽ कम्‍ब्राङ् क़ेम्‍म़ेत्तिआङ् निङ्‌वाॽफुमाङ्‌ङो लक्‍प़ेन्‍साबा म़ेबोःङ्‌लो॥ ह़ेक्‍केलॽरिक् ख़ेङ्‌हाॽऱे ख़ेन् याःम्‍बक्‍किन् म़ेसःत्‍ल निङ्‌वाॽ म़ेन्‍दुक्‍के म़ेजोगुररो॥ ख़ेङ्‌हाॽऱे खुनिॽ निङ्‌वाॽ क़ेदुक्‍सुम्‌क़ेबिरुम्‍सिम्‍ऩे फाॽग्र खिनिॽ लागि थेआङ् इन्‍धाःक् म़ेबोःङ्‌ऩेल्‍लो॥
30399	JAS 3:13	खिनिॽ लुम्‍मो निङ्‌वाॽफुमाङ्‌ङिल्‍ल़े कुनिङ्‌वाॽ ह़ेक्‍के सिक्‍कुम्‍साबा नु इत्‍छिङ्‌साम्‍साबाल्‍ल़े नुःबा कुहिङ्‌मन्‍नोलाम् ह़ेक्‍क्‍याङ् सिक्‍कुम्‍दिङ् निङ्‌वाॽलाम् क़ेदाःबा चुङ्‌जिग़ेन् नःम्‍नःम्‍मो चोगुबा याःम्‍बक्‍कोलाम् ओसेःन्‍धाक्‍सिङ्‌लरो॥
30598	2PE 3:9	कुभा मनाहाॽऱे म़ेइःत्तुबा कुइसिःक् दाङ्‌बाल्‍ल़े कुनुःङ्‌मा युःमा माङ्‌ह़ेक्‍किन्‌क़ेप्‍मा म़ेसुःऩेन्‍लो, कर खुऩेॽ नासि थःत्तुर खिनिॽ क़ेहाङ्‌घिर वाॽरो॥ खिनिॽ लायोलाम् क़ेहिन्‍दिआङ् आत्तिन्‍हाॽआङ्‌क़ेम्‍म़ेगिन्‍ल क़ेलॽबा खुऩेॽ निङ्‌वाॽ चोगुरो॥
30672	1JN 4:2	अक्‍खेलॽरिक् ख़ेङ्‌हाॽ निङ्‌वाॽफुमाङ्‌लाम् क़ेदाःबासिबि म़ेःम्‍बि फाॽआङ् निङ्‌वाॽ खोःमा क़ेसुक्‍तुम्‍लो–हाःत्‍ल़े य़ेसु ख्रिस्‍त़ेन्‌म़ेन्‍छाम्‍ग़ेन् याप्‍मि पोःक्‍ख़ेआङ् नासिङ्‌ग़ेन् थक्‍को त्‍य़े लॽरिक् त़ेन्‍दिङ् चोगुॽ, ख़ेन् निङ्‌वाॽफुमाङ्‌लाम् क़ेदाःबारो॥
30719	2JN 1:7	यरिक् इङ्‌ल़ेक् क़ेबाःप्‍पाहाॽ इक्‍सादिङ् खाम्‍बेःक्‍मो म़ेस़ेःऱेआङ् म़ेवाॽरो॥ ख़ेङ्‌हाॽऱेग य़ेसु ख्रिस्‍त़ेन्‌म़ेन्‍छाम्‍ग़ेन् याप्‍मि पोःक्‍ख़ेआङ् नासिङ्‌ग़ेन् थक्‍को त्‍य़ेबा फाॽआङ् नसाःन् म़ेन्‍जोगुन्‍लो॥ अक्‍तङ्‌बा मनाःङ्‌ग इङ्‌ल़ेक्‍पा नु ख्रिस्‍तऱे कुबिफ्‍युङ्‌बारो॥
30779	REV 1:14	ख़ेल्‍ल़े कुध़ेगेःक्‍किन् नाःङ्‌ङिन्‌ह़ेक्‍के फुत्‍त्रिःङ्‌ग्‍याःप्‍पा नु खिः ह़ेक्‍के फः लॽऱेरो॥ खुऩेॽ कुमिक्‍किङ्‌ग मि ह़ेक्‍के क़ेदिःप्‍पा चोग़ेरो॥