| 23470 | MAT 9:22 | य़ेसुःन् हिल्लिक्हिसिङ्ङिल्ल़े ख़ेन् म़ेन्छुमाॽइन् निःसुआङ् म़ेत्तु, “मामुए, हाङ्हाङ् लॽऱेॽओ, नसाःन् क़ेजोगुबाल्ल़े चोगुल्ल़े ख़ेऩेॽ क़ेवेःत्त़ेरो॥” ह़ेक्क्याङ् ख़ेन् म़ेन्छुमाॽइन् हाबा ख़ेन् य़ेम्मो वेःत्त़ेरो॥ |
| 24162 | MAT 26:39 | खुऩेॽ याम्मो मिसाक् नानाक् पेआङ् खाम्मो साम्बोःन् फन्छिङ्ङाङ्अक्खेलॽरिक् तुवा चोग़ेरो, “पानुदिङ् आम्बे, पोःङ्मा सुक्ऩे फाॽग्र, कन् इनोग़ेन् तुक्खेऱेन् खोर्याःन् इङ्गाॽओलाम् ख़ेत्त़ेदेःस़ेॽओ॥ ह़ेक्केसाङ् आनिङ्वाॽ ह़ेक्केग म़ेःन्, कर क़ेनिङ्वाॽ ह़ेक्केए पोःङ्लरो॥” |
| 24593 | MRK 8:24 | ह़ेक्क्याङ् ख़ेल्ल़े खिरि ओमय़ेर पाःत्तु, “आल्लो खानिःमा सुक्तुङ्, कर मनाहाॽग सिङ्बुङ् ह़ेक्केऩे निःम़ेधाःप्पाङ्लाङ्म़ेघेःक्पा निःसुङ्सिङ्लो॥” |
| 25757 | LUK 17:37 | ह़ेक्क्याङ् कुहुॽसाम्बाहाॽऱे य़ेसुःन् म़ेम़ेत्तु, “आदाङ्बे, कन् आत्तो पोःङ्बाबे?” य़ेसुऱे ख़ेङ्हाॽ म़ेत्तुसि, “किदाबाहाॽ म़ेजुम्मिल्ल़े ख़ेप्मो सिनुःन्ऩे क़ेलॽबा पाःन्निन्कुसिङ्निःप्मनाबा ह़ेक्के, कन्मिक्सेःन्हाॽ पोःङ्ङिल्ल़े कुनुप्मा य़ेम्मिन्निःत्ताङ्वाॽ फाॽआङ्क़ेनिःसुम्लो॥” |
| 26987 | JHN 21:20 | पत्रुस़ेन् हिल्लिक्हिसिङ्ङिल्ल़े य़ेसुऱे लुङ्माॽ तुक्तुबा कुहुॽसाम्ब़ेल्ल़े तिम्दुबा निःसुरो॥ (साभाङ्जा म़ेजःल्ल़े बा ख़ेन् हुॽसाम्बाल्ल़े य़ेसुऱे कुबेसाङ् नाःम्सिङ्ल युङ़ेल्ल़े दाङ्बे, हाःत्ल़े इङ्ग़ेल़ेक्पे लॽरिक् सेःन्दोसुआङ् वय़ेरो) |
| 27052 | ACT 2:34 | दाउद हाङ्ङिङ्ग साङ्ग्राम्पेदाङ् थाःङ् म़ेबेऩेन्छाङ् खुऩेॽग आबाङे अक्खे पाःत्तु, यहवे दाङ्बाल्ल़े आन्दाङ्बान् अक्खे म़ेत्तु, ‘ख़ेऩेॽ क़ेनिङ्मिहाॽ म़ेनाःन्दुङ्सिङ्ङिल्ल थारिक् आजुप्साङ् ल़ेप्माङ् युङ़ेॽओ॥’ |
| 27265 | ACT 8:20 | कर पत्रुसऱे नोगप् पिरु, “क़ेयाङ्ङिन् ख़ेऩेॽनुए म़ेक्लरो, थेआङ्भ़ेल्ल़े ख़ेऩेॽग निङ्वाॽफुमाङ्ङिल्ल़े कुबर्धाःम्मिन्याङ्ङिल्ल़े इङ्मा क़ेइःत्तुॽरो॥ |
| 28734 | 1CO 13:1 | इङ्गाॽ म़ेन्छाम् याप्मिहाॽ नु माङ्लाइङ्बाहाॽऱे खुनिॽ पाःन्दाङ्हाॽओ पाःत्तासाङ् इङ्गाॽ वेॽहाॽ लुङ्माॽ म़ेदुक्तुङ्सिङ्ङिन्ऩे फाॽग्र इङ्गाॽग हयङ्किल्लिङ् क़ेजोःक्पा यम्बा किङ्ना नु निङ्ध़ेन्ध़ेन् क़ेम़ेप्पा मुक्ला कुइसिःक्लक् पोःङ्ङारो॥ |
| 28735 | 1CO 13:2 | इङ्गाॽ माङ्निङ्वाॽपाःन् पाःप्मा पर्धाःम् कत्तुङ्साङ्, क़ेऱेक् सिगाङ् पाःन्हाॽ नु क़ेऱेक् ऩेहिनिङ्वाॽ कुसिङ्निःप्मा सुक्तुङ्साङ्, ह़ेक्क्याङ् कोःक्मा फाङ्जङ्हाॽ चप्मा नसाःन् कत्तुङ्साङ्, इङ्गाॽ वेॽहाॽ लुङ्माॽ म़ेदुक्तुङ्सिङ्ङिन्ऩे फाॽग्र इङ्गाॽग थेआङ् म़ेःन्नारो॥ |
| 28736 | 1CO 13:3 | इङ्गाॽ क़ेऱेक् आयाङ्साकुन्धेःन् याङ्ग़ेसाॽबाहाॽ हाःत्तुङ्सिङ्साङ्, नासिङ्ग़ेन् आधक्किन् मिहाक्को याक्तुङ्साङ्, इङ्गाॽ वेॽहाॽ लुङ्माॽ म़ेदुक्तुङ्सिङ्ङिन्ऩे फाॽग्र थेआङ् इन्धाःङ् म़ेघोःसुङ्ङिन्लो॥ |
| 28801 | 1CO 15:15 | ख़ेन्नुःल्ल़ेआङ् निङ्वाॽफुमाङ्ङिल्ल़े कुयाःम्बेओ आनिग़े इङ्ल़ेक्के पोःक्खिग़ेरो, थेआङ्भ़ेल्ल़े आनिग़ेग निङ्वाॽफुमाङ्ङिल्ल़े ख्रिस्त़ेन्हिङ्मन्नो फोःक्खु लॽरिक् साःक्खि पिरुम्ब़ेआङ् वयिग़ेरो॥ कर स़ेक्खाःल्ल़े खुऩेॽ क़ेसिःबाहाॽ सिःम़ेन्लाम् हिङ्मन्नो म़ेभोःक्खुन्सिन्ऩे फाॽग्र ख्रिस्त़ेन्हिङ्मन्नो म़ेभोःक्खुन्लो॥ |
| 28992 | 2CO 7:8 | इङ्गाॽ साप्तुङ्बा सक्इङ्घङ्ङिल्ल़े खिनिॽ निङ्वाॽ तुग़ेसाङ् इङ्गाॽ आनिङ्वाॽ म़ेलोऩेन्लो॥ आनिङ्वाॽ लोसाङ् इङ्गाॽ साप्तुङ्बा सक्इङ्घङ्ङिल्ल़े सप्फारक् खिनिॽ निङ्वाॽ तुग़ेबा पाःन्निन् कुसिङ् निःत्तुङ्लो॥ |
| 29182 | GAL 3:13 | कर साम्योथिम्मिल्ल़े तारुबा खुम्दिङ्ङिल्ल़े कुम़ेल्लुङ्ङिन्ख्रिस्तऱे हुङुआङ् आनिॽ आध़ेॽऱेरो॥ खुऩेॽ सिलाम्साक्मा सिङ्सम्दाङ् फोःन्छिङ्ङिल्ल़े खुऩेॽ आबाङे आनिॽ खुम्दिङ्ङिन् कुयुदेॽरुरो॥ थेआङ्भ़ेल्ल़े साम्योसाप्लाओ साप्त़ेआङ् पत्, “सिङ्सम्दाङ् क़ेभोःन्छिङ्बा क़ेसिःबाङ्ग निङ्वाॽफुमाङ्ङिल्ल़े खुम्दिङ् पिरुबारो॥” |
| 29228 | GAL 4:30 | कर साम्योसाप्लाःल्ल़े थे पाःत्तुॽ? “सेवारोमा म़ेन्छुमाॽइन्नु कुस्साःन् नाःत्त़ेदेःस़ेस़ेॽओ, थेआङ्भ़ेल्ल़े सेवारोमाल्ल़े कुस्साःन्चोःक्युम्भोमा म़ेन्छुमाॽइल्ल़े कुस्साःन्नु सोरिक् लक् क़ेघोःबा पोःङ्मा म़ेसुक्ऩेन्लो॥” |
| 29260 | GAL 6:5 | थेआङ्भ़ेल्ल़े क़ेऱेक्ल़े कुःमा क़ेबोःङ्बा लक्प़ेन्ऱेन्कक्हाॽ आबाङे कुःमाए पोःङ्लो॥ |
| 29686 | 1TH 4:16 | थेआङ्भ़ेल्ल़े तुम्माङ्लाइङ्बाल्ल़े कुइक्ला ह़ेक्क्याङ् निङ्वाॽफुमाङ्ङिल्ल़े कुधुत्तुरिःप्पाल्ल़े कुइक्लानु दाङ्बान्ने साङ्ग्राम्पेदाङ्लाम् यम्बा इक्लाओ अःक्ल युःरो॥ ह़ेक्क्याङ् काक् ख्रिस्त़ेन्नसाःन् क़ेजोःक्पाआङ् क़ेसिःबाहाॽ सिःम़ेन्लाम् हिङ्मन्नो काक्नु तगि म़ेहिङ्ङाङ् म़ेबोःक्लो॥ |
| 29729 | 2TH 2:1 | फुॽनुसाॽ नु ऩेॽनुसाॽसे, आनिॽ दाङ्बा य़ेसु ख्रिस्तऱे कुनुःङ्मा युःम़ेन् नु खुऩेॽओ आनिॽ काक् नसानिबा फुङ्सिङ्माल्ल़े कुयाःम्बेओ, दाङ्बाऱे कुयुःम़ेन् पोःक्ख़े चुऱे फाॽआङ् वेॽहाॽऱे म़ेबाःत्तुबा पाःन्निन् निङ्वाॽ इःप्माआङ् लुङ्माॽ सोःम्मा म़ेःन्लो लॽरिक् पेलि फाक्कासिग़ेरो॥ ह़ेक्केलॽरिक् कुभाऱेग आनिग़ेलाम्बा क़ेदाःबा माङ्निङ्वाॽपाःन्, इङ्भन्, ह़ेक्क्याङ् साप्तुम्ब़ेबा सक्इङ्घङ्ङिल्ल़े कुबेःन् पिर्बेःन् म़ेइःत्तु म़ेबाःत्तुरो॥ |
| 29743 | 2TH 2:15 | ख़ेल्ल़े चोगुल्ल़े फुॽनुसाॽ नु ऩेॽनुसाॽसे, क़ेधुम्बा पोःक्ख़ेम्म़ेॽआङ् आनिग़े पाःत्तुम्ब़ेबा पेलिग़ेन् पाःन्जाक्किन्नु सक्इङ्घङ्लाम्बा क़ेघोःसुम्बा निसाम्मिन् तक्त़ेम्म़ेॽओ॥ |
| 30183 | HEB 9:11 | क़ेऱेक् त्य़े चुऱेबा नुःबा पाःन्हाॽ क़ेबिबा ख्रिस्त़ेन्मानिङ्वाॽफुसाम्बा पोःक्ख़ेल्ल़े खुऩेॽग पयम् यम्बा नु कुसाङ् क़ेलःबा साङ्ग्राम्पेदाङ्ङोबा निङ्वाॽफु साःङ्गाहिम्मो लाःस़ेरो॥ ख़ेन् निङ्वाॽफु साःङ्गाहिम्मिन् म़ेन्छाम् हुक्किल्ल़े चोःक्मनाबा म़ेःन्लो, पाःप्माए पोःङ्ङिल्ल़े ख़ेङ्ग नावाग़ेन् चइःत्तिल्ल़ेन्नाङ् म़ेःन्लो॥ |
| 30843 | REV 4:7 | थिक्सिगेःक्पा कुहिङ्व़ेत् पाथुङ्साःङ्ग थिरिङ्बान् ह़ेक्के लॽऱे॥ निसिगेःक्प़ेन्पित्ह़ेक्के लॽऱे॥ सुम्सिगेःक्पाल्ल़े कुनाराःन् म़ेन्छाम् याप्मि नारा ह़ेक्के लॽऱे॥ ह़ेक्क्याङ् लिसिगेःक्पाङ्ग क़ेब़ेबार क़ेबप्पा मुया ह़ेक्तङ्बा चोग़ेरो॥ |