Wildebeest analysis examples for:   llg-llg   ꞌ    February 25, 2023 at 00:38    Script wb_pprint_html.py   by Ulf Hermjakob

1  GEN 1:1  Sososan Manetualain nakadadadik lalai no daebafok, no isi nala.
2  GEN 1:2  Lelek ndia, daebafok bei taa dadi, ma basan bei mana bebebik neu esa. Hambu oe nai basa mamanak lalaen. Ma makiu-mumuuk, mboti nala oe ndia. Manetualain Dula Dale Malalaon laa-laa nai oe lain.
3  GEN 1:3  Boe ma, Manetualain kokolak, nae, “Musi hambu manggaledok.” Ana kokolak natee boe ma, manggaledok dadi leo.
5  GEN 1:5  Ana foi manggaledok ndia, nade ‘leledok’, ma, makiuk ndia, ‘leodaek’. Fai kaesan ndindia.
6  GEN 1:6  Boe ma, Manetualain kokolak seluk, nae, “Musi hambu mamana louk, fo tada kofee oe. Huu ndia, de hambu oe nai babaek lain, ma hambu oe nai babaek dae.” Ana kokolak basa leondia, boe ma oe ndia, nabae neu dua.
8  GEN 1:8  Ana foi babaek lain ndia, nade ‘lalai’. Fai kaduan ndindia.
9  GEN 1:9  Boe ma, Manetualain kokolak seluk bali, nae, “Oe manai babaek dae ndia, musi nakabubua nai mamanak esa, fo ela hambu dae madak.” Kokolak basa leondia, boe ma hambu dae madak leo.
10  GEN 1:10  De dae madak ndia, Ana foin nade ‘madak lain’; ma oe mana makabubuak ndia, Ana foin nade ‘tasi’. Nita basa sila, boe ma Ndia dalen namahoko, huu hata fo Ana taon ndia so, memak malole.
11  GEN 1:11  Boe ma, Manetualain kokolak seluk bali, nae, “Madak lain, musi namoli sesele-ngganggalik. Musi hambu sesele-ngganggalik mana maboak, kadeek, ma, mana madoo momodok. Ela sesele-ngganggali kala esa-esako, kalua buna-boan, tungga esa-esak numban.” Ana kokolak basa leo ndia, boe ma basa sesele-ngganggali kala, dadi.
14  GEN 1:14  Basa de, Manetualain kokolak seluk bali, nae, “Nai lain ele, musi hambu bua manggaledok mata-mata kala, fo ala tao manggaledo daebafok ia. Musi hambu mana tao manggaledok nai fai leledon, ma feek nai fai leodaen. Basa sala dadik tanda, fo ela bisa hingga faik, teuk, ma fai hanas no fai oefaak.” Ana kokolak natee, boe ma basa bua manggaledo kala sila, ala dadi.
16  GEN 1:16  Ana tao bua manggaledo inahuuk dua. Inahuuk nalan seli, nasaa nai fai leledon, ma kadiik, nasaa nai fai leodaen. Ndia boe oo, Ana tao ndu kala.
17  GEN 1:17  Ana heti bua sala sila lai lalai, fo ala lasaa leni daebafok mai.
18  GEN 1:18  Ala lasaa lai fai leledok ma lasaa, lai fai leodaen. No leondiak, de ala tada manggaledok neme makiuk mai. Nita basa sila, boe ma Ndia dalen namahoko, huu hata fo Ana taon ndia so, memak malole.
21  GEN 1:21  Boe ma, Ana nakadadadik basa ia mata-mata kala, ma banda inahuuk mana masoda, lai oe dale. Ndia boe oo, nakadadadik basa mbuik mata-mata kala, fo mana laa lai lalai. Nita basa sila, boe ma Ndia dalen namahoko, huu hata fo Ana taon ndia so, memak malole.
22  GEN 1:22  Ana kokolak fee babae-babatik, neu basa banda la sila, nae, “Ia kala musi lamanou, fo tao lahenu oe sudi nai bee. Ma mbui kala, musi ala lamanou boe.”
26  GEN 1:26  Manetualain kokolak seluk nae, “Mai ita tao hataholi tungga Ita mataon. Ela ala lakaneni, ma ala heti basa ia kala, malai tasi dale, basa mbui kala malai lalai, basa banda nakaboi kala, ma basa banda fee kala, fo mana masoda lai daebafok.”
28  GEN 1:28  De Ana kokolak fee sala babae-babatik, nae, “Ei musi bonggi mala makadotok, fo tao mahenu daebafok ia, ma heti sala. Au boe oo fee hak neu ei, fo makaneni ia kala, mbui kala, ma basa banda la, malai madak lain.
29  GEN 1:29  Mamanene matalolole! Au fee ei nanaak mata-mata kala nai daebafok ia. Fo ndia: sesele-ngganggali maboa kala, kadee kala, ma mana madoo momodo kala.
30  GEN 1:30  Au boe oo, fee basa sesele-ngganggalik mata-mata kala, fo ala dadik neu banda la nanaan. Hambu nanaak soaneu banda nakaboik, banda fui, banda mana lae-lodok, ma mbui kala.” Ana kokolak basa leondia boe ma, hambu basa nanaa mata-mata kala sila leo.
33  GEN 2:2  Ana tao nabasa sala, boe ma foa mai, nandaa no fai kahitun, de Ana hahae.
34  GEN 2:3  Ana tao fai kahitun dadik neu fai inahuuk, neme fai-fai fee kala sila mai. Ana hetin leondiak, huu Ana tao basa Ndia uen so, boe ma nai fai kahitun Ana hahae aon.
35  GEN 2:4  Manetualain nakadadadik lalai ma daebafok, tutuin leo ndiak. Lelek fo MANETUALAIN bei fo Ana mulai nakadadadik lalai no daebafok ndia,
38  GEN 2:7  Basa boe ma, MANETUALAIN Ana hai nala dae fa, de Ana taon dadik hataholi. Boe ma, Ana fuu ani hahaen neni hataholi ndia idu bolon dale neu, de hataholi ndia nasoda tutik.
40  GEN 2:9  Nai osi ndia dalek, Ana nakamomolik ai malole mata-mata kala, fo hataholi laan, na, malada. Ana nakamomolik ai matak dua boe, nai osi ndia laladan. Mete ma hataholi naa ai esak ndia boan, na, ana nasoda nakandoo. Tehuu, mete ma hataholi naa ai esa feek ndia boan bali, na, ana bisa bubuluk bee ndia malole, ma bee ndia manggalauk.
41  GEN 2:10  Hambu lee esa, faa nakataba osi ndia, ma ana faa neni deak neu. De ana baen neu haa.
42  GEN 2:11  Ndia bae kaesan, nade Pison. Baek ndia, ana eo ndule dae Hawila, fo hambu lilo-mbilas nouk,
44  GEN 2:13  Lee ndia, bae kaduan, nade Gihon. Baek ndia, ana eo ndule dae Kus.
45  GEN 2:14  Ndia bae katelun, nade Tigris. Baek ndia, ana dadik too, nai dae Asyur boboan dulu. Bae kahaan, nade Efrat.
47  GEN 2:16  Boe ma, Ana palenda hataholi ndia, nae, “O bole mua basa ai boak sudi bee, neme basa ai malai osi ia dalek.
48  GEN 2:17  Tehuu, hambu ai esa, fo o taa bole muan. Fo ndia, ai ndia fo nafada bee ndia malole, ma bee ndia manggalauk. Mete ma o muan, na, neu ko o mate.”
50  GEN 2:19  MANETUALAIN lau nala dae fa, de Ana tao nala banda, ma mbuik mata-mata kala. Basa de, Ana neni banda la, ma mbui kala sila, leu hataholi ndia, fo suek ana foi nade nala. Boe ma, hataholi ndia, foi banda la, ma mbui kala esa-esako naden. Tehuu, ndia mesa kana bei taa hambu nonook esa boe, fo nandaa non.
52  GEN 2:21  Basa ndia, boe ma MANETUALAIN tao hataholi ndia, ana sunggu namanee. Ledoeik ana sunggu, boe ma Lamatuak hai nala kaihusu duin esa, de ana tatana falik hinak ndia.
55  GEN 2:24  Huu ndia, de touk ana lao ela ndia ina-man, fo neu nasoda dalek esa no saon, huu dua sala, dadik esa so.
57  GEN 3:1  Neme basa banda la, fo MANETUALAIN nakadadadi kala lai daebafok ia, mengge malela masapepeko ana seli. Lai esa, mengge natane inak ndia, nae, “Tetebes, do? Manetualain kai nae, ‘Ei taa bole mia ai boak, neme ai la manai osi ia, hetu?’ ”
58  GEN 3:2  Inak ndia, bala, nae, “Taa! Ai bole mia! Tehuu, kada ai esa nai osi laladan, na, Manetualain kai ai taa bole mian. Ana nae, ai taa bole mian, ma taa bole koi lae boan, te neu ko, ai mate.”
61  GEN 3:5  Memak Manetualain kai leondiak, na, huu Ana bubuluk so, mete ma ei mia ai boak ndia, na, ei dadik malelak sama leo Ndia. Fo ei bubuluk bee ndia malole, ma bee ndia manggalauk.”
62  GEN 3:6  Boe ma, inak ndia suli, te ai ndia lolen seli, ma boan nonook leo ladan ana seli. De ana dudua nae, “Mete ma au ua ai boak ia, na, neu ko au dadik malelak.” Boe ma, ana seu nala ai boak ndia, de naa. Basa ndia de neni fee saon, de ana naa boe.
63  GEN 3:7  Dua sala laa basa boe ma bei fo ala bubuluk, ala lakahola holi-holik. Huu ndia de ala nato akidook, fo ala babaa neu sila makaholan.
64  GEN 3:8  Ledo bobon ndia, boe ma lamanene MANETUALAIN Ana lao-lao nai osi ndia. Boe ma, dua sala leu kekek, leu ai la dean, fo suek MANETUALAIN taa nita sala.
67  GEN 3:11  Boe ma, MANETUALAIN nae, “See nafada nae o makahola? Talobee? Neu ko o mua ai boak fo Au kaik ndia, hetu?”
68  GEN 3:12  Ana nataa nae, “Inak ia, fo Manetualain feen nanonoo no au ndia, ndia ndia, fee ai boak ndia de au ua!”
69  GEN 3:13  Basa boe ma, MANETUALAIN kokolak no inak ndia, nae, “Hatina de o tao leondiak?” Boe ma, inak ndia nataa nae, “Huu mengge kedi nala au! Huu ndia, de au ua ai boak ndia leo.”
70  GEN 3:14  Basa ndia, boe ma, MANETUALAIN sumba-soo mengge ndia, nae, “Huu o tataom ia, de Au huku o. Neme basa banda fee kala mai, kada o mesa nggo hambu sumba-sook leo iak. Mulai neme hatematak ia mai losa o mate, kada o malae-lodok, munik o kalam, ma kada o mua nai dae.
73  GEN 3:17  Boe ma, Manetualain nafada touk ndia nae, “O taa tungga Au palendang, tehuu tungga kada o saom hihiin, losa o mua ai boak ndia, fo Au kaik ndia. De o boe oo hambu huhukuk, ma dae boe oo, hambu huhukuk. Mulai neme hatematak ia mai, losa o mate, o musi maue-maledi mbilu-mbuse foi dae, bei fo o bisa mua. Ma maue-maledi no leo ndiak, bei fo o hambu masoda.
75  GEN 3:19  Boe ma, o maue-maledi mbilu-mbuse, bei fo dae fee o mua. O musi maue-maledi mbilu mbuse leondiak, losa o mate. Au akadadadik o muma dae mai. De, mete ma o mate, na, o fali muni dae muu, seluk bali.”
76  GEN 3:20  Basa ndia, boe ma Adam foi saon, nade ‘Hawa’ (fo ndandaan nae, ‘kasodak’, huu ndia ndia, basa hataholi masoda kala inan.)
77  GEN 3:21  Boe ma, MANETUALAIN tao baloa-papakek, neme banda louk mai, fo papaken papake dua sala.
78  GEN 3:22  Boe ma, MANETUALAIN kokolak, nae, “Hatematak ia, hataholi la bubuluk bee ndia malole, ma bee dia manggalauk, sama leo Ita. Boso losak sila boe oo, leu laa ai boak ndia, fo ana fee sala lasoda lakandoo.”
79  GEN 3:23  Basa boe ma, Ana husi heni sala, leme osi Eden ndia mai, de ala leni mamana feek leu, fo lasoda leme dae buna-boan mai.
80  GEN 3:24  Ana husi heni sala, boe ma Lamatuak nadenu Ndia ata kalida nala leme nusa-sodak mai, fo leu lanea nai osi ndia boboan dulu. Ala tou tafa nana leleuk neu-mai, fo mana mbilak leo hai ia. Lamatuak nadenu sala kena dalak mana dalek neu, huu taa nau ala seu lala ai boak, fo mana fee sala lasoda lakandoo.
81  GEN 4:1  Lai esa, Adam neu sunggu no saon Hawa. Boe ma, inak ndia nailu. Basa boe ma, ana bonggi nala ana tou-anak esa. Boe ma, nae, “Au bonggi ala ana tou-anak esa so, huu MANETUALAIN fali nala au so.” Basa de ana foi kakanak ndia, nade Kaen (fo ndandaan nae ‘taon deak neu’).
83  GEN 4:3  Lai esa, Kaen neni ndia osin buna-boan luma, fo neni fee MANETUALAIN.
84  GEN 4:4  Habel boe oo, neni ndia biilombo ina nala ana sososa nala. Ana hala biilombo sila, boe ma ana neni mbaa neulau ndoos, fee Manetualain. Nita leondiak, boe ma MANETUALAIN dalen namahoko, neu Habel no ndia tunu-hotu nala.
87  GEN 4:7  Mete ma o tao malole, na, neu ko Au simbok o no malole boe. Tehuu mta neuk! Mete ma o tao manggalauk, na, neu ko manggalauk ndia naa nasafali o, sama leo meo kobo lafo. De mete ma, o mahiik tao manggalauk, na, malolenak o timba heni mema kana leo!”
88  GEN 4:8  Lai esa, Kaen fufudi Habel, nae, “Fadi aa! Mai fo ita lalaok teni osi teu.” Ala losa ndia, boe ma kada nggengge neuk, Kaen tao nisa fadin.
89  GEN 4:9  Boe ma, MANETUALAIN natane Kaen, nae, “Heeh, Kaen! O fadim nai bee?” Kaen nataa nae, “Au taa bubuluk ndia nai bee! Maehetuk au ia, mana tou ndia ein, do?”
90  GEN 4:10  Boe ma MANETUALAIN kokolak, nae, “Hatina de o tao manggalauk leondiak? Boso mae hetuk, o bisa mafuni fadim daan neu dae, tehuu Au ita basan so!
91  GEN 4:11  Hatematak ia, sumba-sook laeneu o so. Huu ledoeik o tao misa fadim, dae ndia musi nala daan so. De hatematak ia, dae ndia taa bisa fee o masoda so bali.