23436	MAT 8:22	Tehuu Yesus kokolak nae, “Leoiak! Neme naa, fo hataholi taa kamahele kala neu Manetualain, lakaneni sila hataholi mana maten nala. Huu, mete ma o nau tungga Au, na, o musi tungga tebe-tebe!”
23693	MAT 14:27	Tehuu Yesus kokolak nakandoo neu sala, nae, “Wei! Ei boso bii bou! Te Au ia Yesus! Ta hata-hata!”
23764	MAT 16:23	Tehuu Petrus kokolan ndia, taa tungga Lamatuak hihii-nanaun. Huu ndia de Yesus kaꞌi nasa falin, nae, “Heh! Boke heok ia! Ndia ndia, nitu malanggan kokolan ndia! O boso matabaa mala Au! Kada o duduꞌa tungga hataholi hihiin, huu taa tungga Lamatuak hihii-nanaun!”
24573	MRK 8:4	Yesus ana mana tungga nala lataa, lae, “Ama aa! Mamanak ia dook no nggolok. De ita taa bisa fee hataholi noꞌu kala ia laꞌa-linu!”
24602	MRK 8:33	Petrus nae leondia, na, taa tungga Lamatuak hihiin. Boe ma Yesus nasale de suli Ndia ana mana tungga feꞌe nala. Boe ma Ana mboka Petrus nae, “Wei! Ndia nitu la malanggan kokolan ndia. Boke malai heok ia! O duduꞌa tungga kada hataholi hihiin, tehuu taa Manetualain hihii-nanaun!”
24680	MRK 10:23	Boe ma Yesus suli neu-mai, de nakokola no ana mana tungga nala nae, “Mamanene baa! Hataholi kamasuꞌik memak sosotak maso nusa-sodak!”
25090	LUK 2:48	Lita leo ndia, boe ma, ina-ama nala heran. Basa de Ndia inan nae, “Yesus! Hatina de o tao makatotoꞌak ai leo iak? O amam ma au masapangga malan seli, de, ai sangga O miu-mai!”
25314	LUK 7:50	Tehuu Yesus nafada inak ndia, nae, “Huu o mamahele Au so, de Lamatuak tao nasoda o. Fali leo, mua mole-dame!”
25601	LUK 13:14	Tehuu malangga uma huhule-haladoik ndia, manggalau, huu Yesus tao nahai hataholi, laꞌeneu fai huhule-haladoik. Boe ma ana nafada hataholi noꞌu kala, nae, “Sosoda ina esa, na hambu kada faik nee tao ues. De, malolenak hataholi kamahedi kala mai laꞌeneu fai tao ues, fo sangga hataholi mana tao nahai sala. Boso mai nai fai huhule-haladoik!”
26149	JHN 1:36	Ledoeik Yohanis nita Yesus laꞌok nesik ndia, boe ma nafada nae, “Mita dei! Huu Ndia ndia, Manetualain Biꞌilombo Anan, fo neu ko Ana dadik tunu-hotuk!”
26160	JHN 1:47	Ledoeik Natanel laꞌok mai, Yesus nita mema kana so, de nae, “Ndia ia, hataholi ndoos! Huu nai dalen, taa hambu pepekok. Ndia ia, hataholi Israel isi-isik!”
26489	JHN 8:39	Ala lataa lae, “Ai ia, baꞌi Abraham tititi-nonosin!” Yesus nafada nae, “Mete ma ei dadik baꞌi Abraham tiititi-nonosin teteben, na, ei musi dadik conto tungga ndia.
26687	JHN 12:38	Ndia sama leo Lamatuak mana kokolan Yesaya, nafada nitak memak nae, “Lamatuak aa! Taa hambu hataholi la lamahele ai kokola nala! Huu mae Lamatuak natudu Ndia koasan so, tehuu hataholi la taa lita hata-hata!”
27413	ACT 12:7	Nggengge neuk, te Lamatuak atan esa neme nusa soꞌdak mai, de nambadeik neu ndia, boe ma kama ndia nandela nasaꞌa. Boe ma ata nusa soꞌdak ndia ana fafae nae, “Peꞌu aa! Foꞌa lai-lai!” Leꞌdoeik ndia boe oo, tali besi ndia mboꞌi heni tuti kana neme Petrus liman mai.
28023	ROM 1:25	Nai sila dale nala, ala bubuluk nanonoli tetebes so, laꞌeneu Manetualain, tehuu ta nau mbali. Sila duduꞌa nala lakalulutuk so, de ala duduꞌa, lae, “Malolenak, mae ita tao dedeꞌa mata-matak, losa lakalulutuk te nenenin ta hata-hata!” De, ala lakaluku-lakatele neu buas fo Lamatuak taon so, tehuu tala nau lakaluku-lakatele neu Lamatuak! Ala tao aon leo hataholi malalaok, naa te sila tatao-nonoꞌin manggalauk! Teteben, ita hataholi musi koa-kio, ma fee hada-holomata neu Manetualain nakandondoo henin! Naa, ndia bei fo nandaa!
28251	ROM 9:28	Te dei fo ndia fain ana mai, fo Manetualain naketu basa hataholi manai daebafok katematuan dedeꞌa nala, sama leo nafada memak so. Tehuu Ana ta nahani nala dook, te Ana tao nalan no lai-laik!”
29179	GAL 3:10	Hataholi mana tungga anggama heti-heun, na ela Manetualain simbo kana no malole, na ana musi lemba belak basa heti-heu kala sila, sama leo ana hambu sumba-sook. Huu nana sulak nai Manetualain Susula Malalaon, nae, “Hataholi fo ta tungga nakandoo anggama heti-heun losa lutu-lutuk, na ana hambu sumba-sook!”