233	GEN 9:27	Ela Manetualain boe tao namaloloa Yafet daen; Ma ndia numbu-sadu nala, lasoda mole-dame, lo Sem numbu-sadu nala. Tehuu ela Kanaꞌan, dadik Yafet atan.”
338	GEN 14:1	Faik ndia, hambu manek haa lakabubua, fo ndia: Amrafel, mane nusa Sinear; Ariok, mane nusa Elasar; Kedarlaomer, mane nusa Elam; ma Tideal, mane nusa Goyim.
339	GEN 14:2	Faik ndia, hambu mane feꞌek lima lakabubua boe, fo ndia: Bera, mane nusa Sodom; Birsa, mane nusa Gomora; Sinab, mane nusa Adema; Semeber, mane nusa Seboim; ma mane nusa Bela (hatematak ia, nade nusa Soar). Boe ma, mane kahaa kala ala latati lo mane feꞌek kalima kala sila.
1483	GEN 49:9	O ia, leo meoasu mulik manai lain seli, fo ana bisa sangga aon nanaꞌak. O boe oo, sama leo meoasu mane, fo ana nakambimbii aon fo sangga ana sunggu, taa hambu esa nambalani dunggu o. O boe oo, sama leo meoasu ina, fo ana nanea ana nala; de taa hambu hataholi nambalani neu tao mata-mata kasa. O leo ndiak boe. Hataholi la, ala bii o, ma ala taa lambalani tao mata-matak neu o.
23230	MAT 1:17	De, mulai neme Abraham mai, losa Dauk, hambu dope sanahulu haa; neme Dauk mai, losa ala fua sala leni Babel leu, hambu dope sanahulu haa; ma neme Babel mai, losa bonggi Karistus, hambu dope sanahulu haa.
23392	MAT 7:7	Mete ma ei hule-haladoi, moke makandondoo henin neu Lamatuak; na, neu ko Ana fee. Mete ma sangga makandondoo henin; na, neu ko Ana natudu dalak. Mete ma manggou makandondoo henin; na, neu ko Ana soi lelesu.
23663	MAT 13:55	Naa te, Ndia ia, kada tuka ai Anan. Ita talela kana tebe-tebe Ndia inan Maria; ma Ndia fadi nala, ndia Yakobis, Yusuf, Yudas ma Simon.
23849	MAT 19:18	Hataholi ndia natane bali, nae, “Palenda beek ndia?” Boe ma Yesus nataa nae, “Boso makanisa; boso tao eok; boso mamanaꞌo; boso dadik sakasii pepekok;
24057	MAT 24:31	Basa de, Au pake lii toꞌik lii ina-huuk, boe ma Au palenda Manetualain ata nala malai nusa-sodak, fo leu lakabubua lala basa hataholi fo Au hele ala kala leme basa daebafok buꞌu nala, neme ledo sasadu main losa ledo tetesa neu; neme kii mai losa kona.”
24162	MAT 26:39	Boe ma Ana laꞌo dook fa mata neu, de Ana sendek lunggulanggan, de, hule-haladoi nae, “Ama susuek aa! Mete ma Ama nakaheik, na, boso Au tanggon doidosok ia. Tehuu boso tungga Au hihiing; kada ela tungga Ama hihii-nanaun.”
24236	MAT 27:38	Ala mbaku lisa hataholi manggalauk dua lai ndia boe. Esa nai Ndia boboa konan; ma esa nai Ndia boboa kiin.
24479	MRK 6:3	Naa te Ndia kada tuka ai. Ita talelak inan Maria; ma Ndia fadi nala, fo ndia Yakobis, Yoses, Yudas, ma Simon. Ndia boeoo, fadi inanan hida boe. Ita basa nggata leo nai nggolok esa naa!” Huu ndia, de ala dale hedin de ala taa nau lamanene Ndia so.
24676	MRK 10:19	O bubuluk so, basa Manetualain hoholo-lalanen neme makahulun ele mai nae, ‘Boso makanisa; Boso hohongge; Boso mamanaꞌo; Boso dadi sakasii pepekok; Boso pepeko mala hataholi buan; ma fee hadak holomata neu o amam ma inam.’ ”
24763	MRK 12:21	Boe ma fadin mana tungga ndia, sao nala inak ndia. Taa dook boe ma ana mate boe, ma inak ndia taa bonggi nala anak boe. Leondiak boe, losa fadi katelun; Ana sao nala ina falu ndia tehuu maten, ma taa bonggi nala anak boe.
24858	MRK 14:35	Boe ma Ana laꞌok hodok neu dook fa, boe ma Ana sendek lunggu-langgan neu dae, de Ana hule-haladoi nae, “Ama susuek! Mete ma Ama nau, na, Au boso lemba doidoso leoiak. Au bubuluk memak taa hambu hata esa boe, fo Ama taa tao malan. De mete ma Ama nau na, makadodook doidosok ia neme Au mai. Tehuu boso tungga Au hihiing; ela tungga kada Ama hihii-nanaun mesan.”
24922	MRK 15:27	Ala mbaku lisa tou nakodaa dua, lai ndia boe. Esa nai Yesus boboa konan; esa nai Yesus boboa kiin.
25150	LUK 4:18	“Manetualain Dula Dale Malalaon koasan nai au dalek. Huu ndia de Ana tudu au, fo au afada Lamatuak Hala Malolen neu hataholi kadiꞌi-taidae kala. Ana nadenu au, fo afada, ae, malai bui la, dei fo lakamboꞌik; mboke kala, dei fo lita lasafali; nana tuni-ndeni kala, dei fo lasoda lo lakamboꞌik.
25355	LUK 8:41	Nai ndia boe, hataholi esa, nade Yairus. Ndia ndia, malangga uma huhule-haladoik nai kota ndia. Ndia anan, kada kisak; ana inanak, teun teuk sanahulu dua. Hatematak ia, inanak ndia, namahedi belak, de elabaꞌik maten. Ledoeik Yairus nita Yesus mamain, boe ma ana sendek lunggulanggan neu Yesus matan. Ana noke Yesus neni uman neu, fo tulun ndia ana inanan. Ledoeik Yesus nataa nae hei, boe ma ala laꞌo leni Yairus uman leu. Tehuu hataholi noꞌu kala lasuu tungga boe. Huu ndia de ala laꞌok lakaseseti.
25483	LUK 11:9	Leo ndiak boe, no huhule-haladoik. Moke makandoo neu Lamatuak; dei fo Ana fee. Sangga makandoo; dei fo Ana natudu dalak. Manggou makandoo; dei fo Ana soi lelesu.
25581	LUK 12:53	Amak laban anan; Anak laban aman. Inan laban anan; Anak laban inan. Alinak laban feto-feun; Feto-feuk laban alinan.”
25616	LUK 13:29	Dei fo hataholi la leme basa daebafok buꞌu nala mai, fo leme ledo sasadun mai, losa ledo tetesa neun; neme kii mai losa kona, langgatuk laꞌa noꞌu lai Manetualain uma manen.
25617	LUK 13:30	Tanda matalolole dedeꞌak ia; dei fo mete ma Lamatuak naketu hataholi la dedeꞌa nala, na hambu hataholi makahuluk, nae hetuk ndia kada hataholi kadiꞌik, tehuu ana hambu hada-holomata inahuuk. Ma hambu hataholi makahuluk luma lae ndia hataholi inahuuk, naa te Lamatuak tao ndia, kada hataholi kadiꞌik.”
25767	LUK 18:10	“Hambu touk dua leu hule-haladoi nai Uma Ina Huhule-haladoik. Touk esa neme partei anggama Farisi mai; ma esa bali, na, mana susu bea. [Hataholi Yahudi la, taok hataholi Farisi la hataholi malalaok. Tehuu ala taok hataholi mana susu bea la, hataholi taa malole.]
25777	LUK 18:20	Naa! O bubuluk so, hetu, Manetualain heti-heun neme makahulun mai, nae: Boso hohongge; boso makanisa; boso mamanaꞌo; boso dadik neu sakasii pepekok; ma fee hadak neu o ina-amam.”
25975	LUK 22:42	“Ama aa! Mete ma Ama nau, na, nggali heni doidosok ia dook neu, neme Au mai. Tehuu boso tungga Au hihiing; fo ela tungga kada Ama hihii-nanaun.”
26118	JHN 1:5	Manggaledok ndia, nasaꞌa sapu selik makiuk; ma makiuk taa bisa nakalee nala Manggaledok ndia. Huu Manggaledok ndia nasaꞌa nakandoo.
26262	JHN 4:37	Hataholi lae, ‘Hataholi esa sele bini; hataholi feꞌek nakaduduluk buna-boak.’ Ndia, tetebes ndia.
26534	JHN 9:25	Hataholi fo mana mboke nitak ndia nae, “Ama sala boso mamanasa baa! Huu au taa bubuluk mete ma Ndia ndia, hataholi manggalauk, do taa. Au bubuluk no teteben, fo makahulun au mbokek; tehuu hatematak ia au bisa ita so.”
26713	JHN 13:14	Tehuu mete ma ei Mesem fo Lamatuak ia, safe ei eim so, sama leo hataholi nadedenuk esa, na, talobee no ei? Ei boe oo musi ono-lau esa no esa; conto leo: ei boe oo musi safe esa no esa ein.
26757	JHN 14:20	Ma dei fo, mete ma Au asoda fali, na, ei bubuluk no teteben mae, Au nana mbaꞌak ua Au Amang; ei nana mbaꞌak mia Au; ma Au nana mbaꞌak ua ei boe.
27012	ACT 1:20	Petrus ana kokolak nakandoo seluk nae, “Makahulun ele, Mane Dauk ana sulak memak basan leondiak so, nai susula Koa-Kiok. Ana sulak nae, ‘Ela ndia mamana leleon ndia ana daꞌdik nees; taa bole hambu hataholi ana leo seluk nai ndia.’ Boe ma ana sulak seluk nae, ‘Ela ndia uen ndia, ala fee henin neu hataholi feꞌek leo.’
27028	ACT 2:10	Frigia, Pamfilia, Masir, leme Libia fo dekak no kota Kirene; hambu ita luma teme kota Roma mai boe;
27037	ACT 2:19	Neu ko Manetualain Fain ana losa. Faik ndia bei tana mai, Tehuu, Au tao akahuluk tanda-tanda heran nai lalai lain. Tanda heran leo leꞌdo ana mate; ma bulak boe oo ana mbila leo daak. Au boe oo, sangga tao dedeꞌa inahuuk nai daebafok dae. Basa sila, nonook leo daak, haꞌi, ma haꞌi masu bubuak-bubuak ala hene lain leu. Neu ko losa Manetualain fai-fai inahuun ndia, na see ndia nanggou noke Manetualain tulu-falik, na sila ndia ala hambu lasoꞌda.’ ” Ndia ndia fo, Yoel nafaꞌdan so neme makahulun mai.
27044	ACT 2:26	Huu ndia de au daleng namahoko; boe ma au koa-kio akandoo Ndia, ma kaꞌda au ndondoo ahani Manetualain.
27102	ACT 4:11	Yesus ia, fo ala sulak mema kana nai Manetualain Susulan nae, ‘Hambu batu esa tuka nala nggali henin; tehuu hatematak ia batu ndia ana daꞌdik batu nakatetendek so.’
27116	ACT 4:25	Makahulun, Manetualain Dula Dale Malalaon ana pake Baꞌi Dauk so, fo ana daꞌdik neu Manetualain mana kokolan, fo ana sulak memak laꞌeneu hataholi mana laꞌban Yesus, nae, ‘Hataholi leme leo-leo feꞌe kala ala luli huu dedeꞌa ani nenik ndia; Kaꞌda ala langgaꞌbok, fo ala tao dedeꞌak huu oka taak.
27117	ACT 4:26	Mane-mane manai daebafok kala ala lahehele manala nala fo sangga latati; ma malangga-malangga fo ala lala halak fo leu laꞌban Manetualain no Karistus, hataholi fo Manetualain ana tuꞌdu basan neme makahulun mai.’
27278	ACT 8:33	Boe ma lakamamae kana; Ala laketu dedeꞌan taa no ndoos. Naa te salan taa fa boe. Naah, ita sangga tae leobee bali, te Ndia numbu-saꞌdu taa. Te ala tao lisa Ndia so.”
27471	ACT 13:40	Huu ndia, de ei musi duduꞌa neu lalaun dei. Boso losak hata fo Lamatuak mana kokolan lele ulu kala lafaꞌda so, ana tuꞌda neu ei. Ala sulak so lae, ‘Mata neuk, neu ei mana haumemee kala, fo mateme makadadaek hataholi! Huu Au, de Manetualain, ana tao dedeꞌa kala fo hataholi la heran lalan seli; tehuu neu ko ei simbo ei babaꞌen, fo ei mate nduaꞌdak miu. Au tao dedeꞌak sila, lelek fo ei bei masoꞌda tehuu ei taa nau simbo kana. Mae hataholi la ala tao manggaleleꞌdon so boe oo, ei taa nau malela kana. Malolenak ei duduꞌa neulalau dedeꞌa kala sila, fo ei heran boe.’ De, tolanoo nggalei. Duduꞌa neulalau hata fo isinaak au afaꞌdak ndia. Boso mbia heni hata fo isinaak ei mamanenen so, sama leo mana haumemee kala tataon. Baꞌu kaꞌda leondiak au kokolang. Makasi noꞌuk!”
27487	ACT 14:4	Basa boe ma, hambu hataholi bubuak dua ala buku lai kota ndia. Bubuak esa na ala tungga hataholi Yahudi la, fo kamahele mate leni sila anggaman; ma esa bali na ala lasalaꞌe mate-mate lo Yesus hataholi nadedenu nala. De bubua kadua kala ia lasisimbo bafak.
27671	ACT 19:17	Boe ma tutuik ndia, ana nggenggela neme bafak mai neni bafak neu, losa basa hataholi la manai kota Efesus ala bubuluk; mae, hataholi Yahudi, do taa Yahudi boe oo, ala bubuluk. Kekeꞌun neu, suꞌdi see namanene tutuik ndia, na, ala bii ma heran. Boe ma ala koa-kio Lamatuak Yesus, huu Ana fee koasa inahuuk neu Paulus.
27698	ACT 20:4	Hambu hataholi bubua kadiꞌik esa, ala tungga Paulus. Hataholi la sila, ndia Ama Pirus anan Sopater maneme kota Berea mai; hataholi dua leme kota Tesalonika mai, naꞌde nala Aristarkus no Sekundus; hataholi esa neme kota Derbe mai, naꞌde Gayus; ma hataholi telu leme nusa Asia mai, fo ndia Timotius, Tikikus no Trofimus.
27757	ACT 21:25	Te soaneu hataholi taa Yahudi la, fo lamahele Yesus so, ai haitua susulak fo mafaꞌda sala so. Ai mafaꞌda ita nakeketun ndia, mae, ala taa paluu tungga basa ita heti-heu haꞌda Yahudin. Ala musi lasaneneꞌdak, fo tao tungga ndia: boso hohongge mia touk do inak. Boso seseok miꞌa bua sosonggok. Leo: boso miꞌa mbaa sosonggo; boso miꞌa daak; ma boso miꞌa mbaa neme banda nana hese nisak.”
27852	ACT 24:15	Au amahele neu Manetualain sama leo hataholi la ia boe, fo hatematak ia, lambadeik sila ia, fo ala laꞌban au. Ai mamahele mae, dei Manetualain ana tao nasoꞌda falik hataholi mana matek; hataholi neulauk, do hataholi manggalauk, oo sama.
27895	ACT 26:4	Mulai neme au kadiꞌi anang mai lanoli au so, fo nasoꞌda tungga ai hataholi Yahudi la haꞌdan. Sososan, au hambu nanolik neme au nggolong mai; basa de au mai sakola seluk bali neme Yerusalem. Hataholi manai Yerusalem, ala bubuluk au dala soꞌdang, ma lalelak teꞌbe-teꞌbe au.
27994	ACT 28:27	Huu leo ia, dalen batu mamates. Ndiꞌidoo nala, tala nau lamanene so bali! Ma mata nala lakambomboke nisak! Neme naa, fo boso boe ala lamanene bali; Ma neme naa, fo mata nala, boso boe ala lita bali Ma neme naa, fo dale nala mboke lakandoo henin. Losa ala taa bubuluk dala fafalik, leni Au mai bali, De talobee fo Au bisa tao alole sala bali?’ ”
28274	ROM 10:18	Au atane sudik, leoiak: fama ei duduꞌa mae, hataholi Israel asa ta lamanene litak laꞌeneu Karistus do? Neu ko ala lamanene so! Sama leo nana sulak nai Manetualain Susula Malalaon neme makahulun mai, nae, “Manetualain mana kokola nala nafafadan laꞌeneu Manetualain, nakambela nai daebafok katematuan; Sila dedeꞌa-kokola nala losa nai daebafok buꞌu nala”.
28322	ROM 12:9	Mete ma ei matudu susuek neu hataholi, na, matudu susue tetebes; boso madea-dalek. Heok masadea basa dedeꞌa manggalau kala, ma toꞌu basa dedeꞌa malole.
28338	ROM 13:4	Te hataholi mana palenda la, fo Lamatuak hele nala sala, de ala ono-lau ei. Tehuu mete ma ei tao salak makandoo, na, malolenak kada ei mata neuk! Te Lamatuak ta suma-suma fee hak neu hataholi mana palenda fo huku ei. Sila ndia, sama leo Lamatuak hataholi nadedenu nala, fo huku hataholi mana tao manggalau kala. Huu Lamatuak ta simbok dedeꞌa manggalauk fo hataholi taon; Ana luli sala.
28343	ROM 13:9	Te Heti-heu kala sila lae, “Boso mambue hohongge; boso tao misa hataholi; boso mamanaꞌo; boso dale hedi hataholi feꞌek buan,” ma bei feꞌek bali. Mete ma nau tao tungga basa Heti-heu kala, na musi tao tungga Heti-heuk esa ia, fo nae, “O musi sue hataholi feꞌe kala, sama leo o sue o ao-ina hehelim.”
28746	1CO 13:13	De, hatematak ia, hambu dedeꞌak telu fo ita musi taon, fo nahele nakandoo. Na ndia: ita musi tamahele takandoo teu Lamatuak; ita musi tamahena takandoo, tae, Ana heti basan dadik malole; ma ita musi tasueao takandoo. Neme dedeꞌa katelu kala ia, na, kasosoak nalan seli, fo ndia, susuek. Huu, susuek malolen lena heni neme basan mai.
28827	1CO 15:41	Mete ma nai lalai, ledo ana selin feꞌe; bulak ana selin feꞌe; ma nduu kala ana seli nala mana feꞌe kala. Esa-esak no ndia mata-aon. Esa-esak no ndia ana selin. De, basan ka ana selik hetu maa?
28850	1CO 16:6	Basa ndia, bei fo au sangga leo tataak ua ei doo-doo ana; fama losa basa fai makasufun. Basa na, ei bisa tulun au uni mamana feꞌek uu bali.
28911	2CO 3:2	Huu, ai susula nafafadan nai ia so. Susulak ndia, fo ndia ei mesa nggei. Huu, ai bubuluk dedeꞌak noꞌuk laꞌeneu ei soda mala. Dedeꞌa kala sila nana mbedak nai ai dale nala so. Basa hataholi la bisa les ei soda mala; neme ndia mai ala bubuluk ai ue-ledin buna-boan.
28974	2CO 6:8	Ai boe oo, mahele, mae hataholi fee hadak neu ai, do ala kokolak tao laboo ai nade nala; mae ala kokolak tao latuda ai, do, lanea ai nade malolen; mae hataholi kokolak pepekok, lae, ai kedi mala hataholi, do, ala kokolak lae, ai kokolak no teteben.
28984	2CO 6:18	Au dadik neu ei Amam; ei boe oo, dadik neu Au ana nggala. Ita Lamatuan kokolan ndia. Ndia ndia, Mana Koasa Manai Lain Seli.”
29007	2CO 8:7	Ei ue-ledi mala fee Lamatuak, memak malolen anaseli. Conto leo: ei namahehele mala matea; ei kokola mala malole; ei bubuluk noꞌuk laꞌeneu Lamatuak; ei samane mala fengga-fengga; ma ei sue mala ai seli. Huu ndia de, au nau ei boe oo, tulu-fali Lamatuak hataholi nala mana hambu toꞌa-taa kala ma fee sala doik makadotok.
29344	EPH 4:5	Ita Lamatuan, kada esak; Ita namahehelen, kada dalak esak, fo bisa mole-dame to Ndia. Ma ita basa nggata simbok salanik, fo dadik nanambaꞌak to Ndia.
29582	COL 2:21	“Boso toꞌu ia; boso miꞌa ndia; boso mafaloe ia.”
29589	COL 3:5	Huu ndia de, ei musi nggali heni ei hihii tao manggalau mala. Natutuduk leo: mahiik tao naeok no hataholi fo ta o sao toum, do o sao inam; mahiik tao dedeꞌa manggenggeo kala; mahiik tao tungga o aombaa nasuun; mahiik tao dedeꞌa manggalauk mata-mata kala; ma manamasetik, fo kada o nau basan dadik neu o enam (naa te ndia sama leo o songgo tanggu, huu o soꞌuk mamadedema dedeꞌa feꞌek fo seti heni Manetualain).
29592	COL 3:8	Tehuu hatematak ia, ei musi nggali heni ei namemeda mahiik tao basa manggalau kala sila. Natutuduk leo: mahiik luli; dale matobik; mambeda dalek; kokolak tao makalulutu hataholi nade malolen; ma bafa manggenggeok.
29595	COL 3:11	Nai soda beuk dalek ia, ita ta mete hataholi neme sila lou dean mai, mae, sila ndia hataholi Yahudi do; hataholi ta Yahudi do; hataholi mana sunat do; hataholi ta mana sunat do; hataholi nusa dea do; hataholi kokolak feꞌek; ata do; ta ata. Ndia ta penting! Tehuu penting ndia, mete ma sila nanambaꞌak no Karistus, ma mete ma Ndia nasoda nai sila dale nala.
29780	1TI 1:17	Koa-kiok neu Manetualain Kada Ndia mesa kana, Manetualain; ta hambu feꞌek so bali! Ndia, Manek fo mana palenda, ta mana basak. Ndia nasoda nakandondoo henin. Ndia, ta nalelak mamates. Hataholi ta bisa nitan no mata deꞌen. Hataholi fee hada-holomata, ma koa-kiok neu Ndia, losa doon na neu! Amin.
29839	1TI 5:9	Mete ma sangga soꞌu ina falu fo tulu–fali malangga salanik, na ndia heti heun leoiak: ndia teun ta bole bei ta dai teuk nee hulu; fai makahulun dalen katemak no kada sao toun esak;
29840	1TI 5:10	hataholi la lalela kana, mana tao malole neu hataholi feꞌe kala; mana makaboi ana nala no malole; mana nalengga dalen taa–taa fo ana ono-lau hataholi feꞌe kala; mana tao ue-ledis sudi hata no dale hiik, fo ana tulu–fali hataholi kamahele kala; mana nahiik tulu–fali hataholi mana toꞌa kala; ma mana nahele taa–taa, fo tulu–fali laꞌeneu dedeꞌa malole.
29980	TIT 2:5	Ala musi lanoli sala, fo lasoda lo duduꞌa naluk ma malalaok; faduli uma-loo nala no malole; fee hada holomata neu sao tou nala; ma fee sila sao tou nala lalangga uma-loo nala. Mete ma ala lasoda leondiak, na neu ko ta hambu hataholi esa boe, bisa kokolak lakatutudak Manetualain Hala-Kokolan.
30006	PHM 1:1	Susulak ia neme au, Paulus mai. Au nonoong Timotius boe haitua soda-molek. Sadi kada kaꞌa bubuluk, ala kena au nai bui ia, huu au afada hataholi laꞌeneu Yesus Karistus. Au sulak susulak ia fee o, Filemon fo ai suen, ma dadik neu nonook mana tao ues esa mua ai;
30007	PHM 1:2	mafada kaꞌa inak Apfia; fo ai taon sama leo ai tolanoon; fee Arkipus, fo nasusua noꞌu no ai nai ues ia; ma fee salanik fo lateme lakabubua fo hule-haladoi lai o umam.
30112	HEB 6:1	De, ei musi manoli nanonolik lutu-lutuk, huu ei manoli dook nanonolik huu-oka nala laꞌeneu Karitus so. Huu ndia de hatematak ia, boso manoli bali-bali nanonolik huu-okan, laꞌeneu hataholi fo musi laꞌo ela sala-singgo nala; nanonolik laꞌeneu hataholi namahele Manetualain;
30113	HEB 6:2	nanonolik laꞌeneu salani; nanonolik laꞌeneu soꞌuk limak fo fee babaꞌe-babatik neu hataholi, fo ana simbok Dula Dale Malalaok koasan; nanonolik laꞌeneu Manetualain neu ko tao nasoda falik hataholi mana mate kala; ma nanonolik laꞌeneu hataholi fo neu ko nasale Manetualain, fo simbok Ndia nakeketun nae, see bole nasoda nakandoo no Ndia, ma see ta.
30378	JAS 2:18	Hambu hataholi soꞌu dedeꞌak nae; “Hataholi luma kada namahele Manetualain, ma ta tao tatao malole. Hataholi feꞌe kala bali, tao tatao malole, te ta tao lenik Manetualain naden.” Te tungga ndoon, na, dedeꞌan leoiak: buti neme o namahehelem, ndia o tatao malolen. De mete ma o ta tao tatao malole, na, au ta bisa ita buti neme o namahehelem ndia mai. Au bisa atudu au namaheheleng, nenik tatao malole la.
30633	1JN 2:16	Dedeꞌak manai daebafok ia, taa natututik no Manetualain. Sama leo, hataholi fo nasoda kada tao namahoko ndia ao-ina hehelin; hataholi balenaꞌo; ma mana koaok huu ndia suꞌin. Dedeꞌa leondia kala, taa laoka lai Amak Manetualain. Tehuu kada laoka lai daebafok ia.
30752	JUD 1:12	Mete ma hataholi la ia lakabubua lo ei, fo lasaneda Lamatuak susuen, neu faik fo ei miꞌa-minu noꞌu, na ta mae lalelak lo sila balenaꞌo nala. De, ei musi mata neuk, bou! Huu sila ndia, sama leo batu inahuuk nai tasi dale fo bisa tao nakalulutu ofak. Ala sama leo koꞌa nggeok nai lalai, fo ta natuda sudik uda titik esa boe. Kada ala kokolak loulatak, tehuu ta tao hata malole esa boe. Sila nonook leo ai fo sosoan ta. Mete ma ndia fai naboan, na ala ta kalua boak esa boe; naa te sila nana feꞌa henik losa oka nala.
30829	REV 3:15	Hata fo ei taom nai Laodikia ele, Au itan so. Tehuu ei ia, leobee?! Ta matobik; ta makasufuk boe. Mete ma matobik, na, matobin ana seli! Mete ma makasufuk, na, makasufu ndoos!
30867	REV 6:6	Basa de au amanene nonook leo halak esa neme banda kahaa kala lalada nala mai. Halak ndia nafada nae, “Mete te hambu fai ndoes ana seli nai daebafok. Hataholi nggadin faik esa, kada bisa hasa isik mok telu; isi neulauk, na, kada hambu mok esak. Tehuu neu fai ndoen ana losa, na, ta bole tao nakalulutu ai saitun, ma ai anggol nai osi dale.”
30883	REV 7:5	neme leo Yahuda, hambu hataholi lifun sanahulu dua; leo Ruben, hambu hataholi lifun sanahulu dua; leo Gad, hataholi lifun sanahulu dua;
30884	REV 7:6	leo Aser, hataholi lifun sanahulu dua; leo Naftali, hataholi lifun sanahulu dua; leo Manase, hataholi lifun sanahulu dua;
30885	REV 7:7	leo Simeon, hataholi lifun sanahulu dua; leo Lewi, hataholi lifun sanahulu dua; leo Isaskar, hataholi lifun sanahulu dua;
30886	REV 7:8	leo Sibulon, hataholi lifun sanahulu dua; leo Yusuf, hataholi lifun sanahulu dua; ma neme leo Benyamin, hataholi lifun sanahulu dua.