11	GEN 1:11	Eka Nyasaye nowacho niya, “Buya nyaka nyag e piny, kothe manyago cham kod yiende manyago olembe man-gi kuthe eigi kaka kitgi obet kendo nobedo kamano.
12	GEN 1:12	Buya nonyak e piny: Cham nonywolo kothegi kaka kitgi nobet kendo yiende nonywolo olembe man-gi kodhi kaka kitgi nobet. Kendo Nyasaye noneno ni mano ber.
21	GEN 1:21	Kamano Nyasaye nochweyo gik madongo mag nam kod gik mangima duto kod gik malak mag pi, kaka kitgi obet kod winy duto man-gi bwombegi kaka kitgi obet. Nyasaye noneno ni mano ber.
62	GEN 3:6	Kane dhako oneno ni olemb yien-no ne ber kuom chiemo kendo moro wangʼ kendo nyalo miyo ibed gi rieko, nokawo moko mochamo, to bangʼe nomiyo chwore ma en bende nochame.
68	GEN 3:12	Adam nodwoke niya, “Dhako mane imiya ema nomiya olemo moko moa e yien-no kendo achamo.”
86	GEN 4:6	Eka Jehova Nyasaye nopenjo Kain niya, “Angʼo ma omiyo in-gi mirima? Angʼo ma omiyo wangʼi ojuol?
102	GEN 4:22	Zila bende nonywolo wuowi ma nyinge Jubal-Kain, mane jatheth chumbe duto mag mula kod nyinyo. Nyamin Tubal-Kain nyinge ne Naama.
103	GEN 4:23	Lamek nowachone monde ariyo-ka niya, “Ada kod Zila, winjauru, un monda winjuru wechena. Asenego ngʼato, nikech nogoya, wuowi matin nikech nohinya.
111	GEN 5:5	Adam notho ka en ja-higni mia ochiko gi piero adek.
112	GEN 5:6	Ka Seth ne ja-higni mia achiel gabich, nonywolo Enosh.
114	GEN 5:8	Seth notho ka en ja-higni mia ochiko gi apar gariyo.
115	GEN 5:9	Enosh nonywolo Kenan kane en ja-higni piero ochiko.
117	GEN 5:11	Enosh notho ka en ja-higni mia ochiko gabich.
118	GEN 5:12	Ka Kenan ne ja-higni piero abiriyo nonywolo Mahalalel.
120	GEN 5:14	Kenan notho ka en ja-higni mia ochiko gapar.
121	GEN 5:15	Ka Mahalalel ne ja-higni piero auchiel gabich, nonywolo Jared.
123	GEN 5:17	Mahalalel notho kane en ja-higni mia aboro gi piero ochiko gabich.
124	GEN 5:18	Ka Jared ne ja-higni mia achiel gi piero auchiel gariyo, nonywolo Enok.
126	GEN 5:20	Jared notho kane en ja-higni mia ochiko gi piero auchiel gariyo.
127	GEN 5:21	Ka Enok ne ja-higni piero auchiel gabich, nonywolo Methusela.
131	GEN 5:25	Ka Methusela ne ja-higni mia achiel gi piero aboro gabiriyo, nonywolo Lamek.
134	GEN 5:28	Ka Lamek ne ja-higni mia achiel gi piero aboro gariyo, nonywolo wuowi moro.
137	GEN 5:31	Lamek notho kane ja-higni mia abiriyo gi piero abiriyo gabiriyo.
138	GEN 5:32	Ka Nowa ne ja-higni mia abich nonywolo Shem, Ham kod Jafeth.
142	GEN 6:4	Jo-Nefilim ma gin joma robede miwuoro ne nitie e piny e ndalogo kendo kod ndalo maluwe, e kindeno ma yawuot Nyasaye kod nyi dhano nonywomore monywolo nyithindo. Nyithindogo ne thuondi kendo joma ne nigi huma e ndalogo.
159	GEN 6:21	Kaw kit chiemo duto monego cham kendo ikan-gi kaka chiembi kod mag-gi.”
166	GEN 7:6	Nowa ne ja-higni mia auchiel kane pi opongʼo piny.
171	GEN 7:11	Tarik apar gabiriyo mar dwe mar ariyo noyudo ka Nowa ja-higni mia auchiel kendo sokni duto manie nam mangʼongo manie bwo piny nomuoch kendo dirisni mag polo noyawore.
174	GEN 7:14	Negidonjo gi le duto mag buya kaka kitgi obet, jamni duto kaka kitgi obet, gik mangima duto mamol e lowo kaka kitgi obet, kod kit winy duto kaka kitgi obet, gimoro amora man-gi bwombene.
197	GEN 8:13	Chiengʼ mokwongo mar dwe mokwongo ka Nowa ne ja-higni mia auchiel gachiel, pi noduono e piny. Eka Nowa noelo wi yie kendo noneno ni piny osetwo.
201	GEN 8:17	Gol oko kit gik mangima duto man kodi kaka winy, le kod gik moko duto mamol e lowo mondo ginywolre e piny kendo ginyaa kendo kwan-gi omedre e piny.”
218	GEN 9:12	Kendo Nyasaye nowacho niya, “Ma e ranyisi mar singruok ma atimo e kinda kodi kod gik mangima duto maun-go nyaka tiengʼ mabiro.
239	GEN 10:4	Yawuot Javan ne gin: Elisha, Tarshish, jo-Kitim kod jo-Rodan.
249	GEN 10:14	Jo-Pathrus, jo-Kaslu (ma jo-Filistia nowuok kuomgi) kod jo-Kaftor.
253	GEN 10:18	jo-Arvad, jo-Zemar kod jo-Hamath. (Bangʼe anywola mar jo-Kanaan noke e piny,
256	GEN 10:21	Shem mane owadgi Jafeth matin ma bende en kwar jo-Eber bende nonywolo yawuowi.
270	GEN 11:3	Negiwacho e kindgi giwegi niya, “Biuru walosuru matafare kendo wawangʼ-gi mochiek maber.” Negitiyo gi matafare kar kite kendo lowo kar simiti.
271	GEN 11:4	Eka negiwacho niya, “Biuru wager dala maduongʼ man-gi ohinga mabor machopo nyaka e polo mondo omi walos nyingwa kendo kik wabed moke e kor piny.”
277	GEN 11:10	Ma e nonro mar joka Shem. Higni ariyo bangʼ ataro ka Shem ja-higni mia achiel nonywolo Arfaksad.
279	GEN 11:12	Ka Arfaksad ne ja-higni piero adek gabich nonywolo Shela.
281	GEN 11:14	Kane Shela ja-higni piero adek, nonywolo Eber.
283	GEN 11:16	Kane Eber ja-higni piero adek gangʼwen, nonywolo Peleg.
285	GEN 11:18	Kane Peleg ja-higni piero adek, nonywolo Reu.
287	GEN 11:20	Kane Reu ja-higni piero adek gariyo nonywolo Serug.
289	GEN 11:22	Kane Serug ja-higni piero adek, nonywolo Nahor.
291	GEN 11:24	Kane Nahor ja-higni piero ariyo gochiko nonywolo Tera.
303	GEN 12:4	Omiyo Abram nowuok kaka Jehova Nyasaye nosenyise kendo Lut nodhi kode. Abram ne ja-higni piero abiriyo gabich kane owuok Haran.
304	GEN 12:5	Nokawo chiege Sarai, gi Lut wuod owadgi, gi mwandu duto mane gisechoko kod wasumbini duto mane gin-go Haran, kendo negichako wuoth mar dhi Kanaan mi negichopo kuno.
305	GEN 12:6	Abram nowuotho e piny mochopo Shekem e tiend yath maduongʼ mar More. E kindego jo-Kanaan nodak e pinyno.
311	GEN 12:12	Ka jo-Misri oneni, gibiro wacho, ‘Ma en chiege.’ Mi gininega to inires ngimani.
313	GEN 12:14	Kane Abram ochopo Misri, jo-Misri noneno Sarai kaka ne en dhako ma jaber miwuoro.
320	GEN 13:1	Omiyo Abram nowuok Misri gi chiege kod Lut kod gik moko duto mane en-go kochomo Negev.
321	GEN 13:2	Abram koro nosebedo ja-mwandu ahinya mar jamni gi fedha kod dhahabu.
325	GEN 13:6	Kuonde mag kwath ne tin mane ok nyal romogi ka gidak kanyakla, nimar mwandu mane gin-go nomedore mane ok ginyal dak kaachiel.
326	GEN 13:7	Kendo dhawo nowuok e kind jakwadh Abram kod jokwadh Lut. E kindeno jo-Kanaan kod jo-Perizi ne pod odak e pinyno.
332	GEN 13:13	Koro jo-Sodom ne gin joma okethore kendo matimo richo mag wangʼ teko e nyim Jehova Nyasaye.
342	GEN 14:5	E higa mar apar gangʼwen, Kedorlaomer kod ruodhi mane oriwore kode nodhi omonjo kendo oloyo jo-Refai man Ashteroth Karnaim, jo-Zuzim e Ham gi jo-Emi man Shave Kiriathaim,
343	GEN 14:6	kendo jo-Hori manie gode mag Seir, mane ochwe nyaka El-Paran machiegni gi piny motimo ongoro.
344	GEN 14:7	Eka negidwogo chien kendo gidhi nyaka En Mishpat (ma tiende ni Kadesh), kendo negikawo piny jo-Amalek duto gi piny jo-Amor manodak Hazazon Tamar.
346	GEN 14:9	mondo oked gi Kedorlaomer ruodh Elam, Tidal ruodh Goyim, Amrafel ruodh Shinar kod Ariok ruodh Elasar mi ruodhi angʼwen-go nokedo gi ruodhi abich.
348	GEN 14:11	Ruodhi angʼwen-go noyako gik moko duto mag Sodom kod Gomora kod chiembgi duto mi gidhi.
350	GEN 14:13	Ngʼat achiel mane oyudo otony nobiro kendo onyiso Abram ja-Hibrania wachni. E ndalogo Abram nodak e tiend yiende madongo mag Mamre ja-Amor mane omin Eshkol kod Aner, osiepe Abram.
368	GEN 15:7	Kendo nowachone niya, “An e Jehova Nyasaye manogoloi Ur piny jo-Kaldea mondo amiyigo obed girkeni mari.”
377	GEN 15:16	E tiengʼ mar angʼwen nyikwayi nodwogi ka, nikech e ndalogo ema noyud ka richo jo-Amor osemedore moromo kum.”
395	GEN 16:13	Bangʼeno Hagar nochako Nyasaye mane osewuoyo kode nying ni El-roi (ma tiende ni Jehova Nyasaye Maneno); nimar nowacho niya, “Koro aseneno Jalno manena.”
398	GEN 16:16	Abram ne ja-higni piero aboro gauchiel kane Hagar onywolone Ishmael.
399	GEN 17:1	Kane Abram ne ja-higni piero ochiko gochiko, Jehova Nyasaye nofwenyorene mi nowachone niya, “An Nyasaye Maratego; bed ngʼama odimbore e nyima kendo maonge ketho.
415	GEN 17:17	Ibrahim nopodho auma; monyiero kowacho e chunye niya, “Bende ngʼama ja-higni mia achiel nyalo nywolo wuowi? Bende Sara ma ja-higni piero ochiko nyalo nywolo nyathi?”
422	GEN 17:24	Ibrahim ne ja-higni piero ochiko gochiko kane otere nyangu,
423	GEN 17:25	to wuode Ishmael ne ja-higni apar gadek.
469	GEN 19:11	Eka negimiyo jomanenie dhoot oko-go obedo muofni, jomatindo gi jomadongo, mane ok ginyal yudo dhoot.
491	GEN 19:33	Gotienono negimiyo wuon-gi kongʼo mi omer, kendo nyare maduongʼ nodonjo moriwore kode. Lut nomer mane ok ongʼeyo seche mano ochako kata tieko riwore gi nyare.
493	GEN 19:35	Kuom mano negimiyo wuon-gi kongʼo momer gotieno kendo nyako matin nodonjo ma oriwore kode. Kendo ne ok ongʼeyo seche mane nyare matin-no ochako kata otieko riwore kode.
495	GEN 19:37	Nyako maduongʼ nonywolo wuowi, kendo nochake ni Moab, en e kwar jo-Moab ma kawuono.
519	GEN 21:5	Ibrahim ne ja-higni mia achiel kane onywol Isaka wuode.
548	GEN 21:34	Kendo Ibrahim nodak e piny jo-Filistia kuom kinde mangʼeny.
555	GEN 22:7	Isaka notingʼo dwonde mopenjo wuon-gi Ibrahim niya, “Wuora?” Ibrahim nodwoke niya, “En angʼo wuoda?” Eka Isaka nopenje niya, “Mach kod yien nikae, to ere nyaim mar misango miwangʼo pep?”
558	GEN 22:10	Eka notero lwete kendo okawo pala mondo oneg-go wuode.
575	GEN 23:3	Eka Ibrahim noa malo e but ringre chiege kendo owuoyo gi jo-Hiti kowachonegi niya,
577	GEN 23:5	Jo-Hiti nodwoko Ibrahim niya,
578	GEN 23:6	“Jaduongʼ, winjwa in jatelo maduongʼ e kindwa. Ik aika ngʼati e bur-wa moro amora miyiero. Onge ngʼato e dierwa mabiro tami yiko ngʼati e bure.”
582	GEN 23:10	Efron ja-Hiti noyudo obet piny e kind jog-gi kendo nodwoko Ibrahim ka jo-Hiti duto ma nobiro e dhoranga dalano winjo.
588	GEN 23:16	Ibrahim noyie gi dwaro mar Efron kendo nomiye nengo mar puodho mane osewacho ka jo-Hiti winjo: ma en kilo angʼwen gi nus mar fedha kaluwore gi rapim mane jo-ohala tiyogo.
590	GEN 23:18	nodoko mwandu mag Ibrahim e nyim jo-Hiti duto mane obiro kaka joneno e dhoranga dala.
592	GEN 23:20	Kuom mano puodhono gi bur mane nitie jo-Hiti nomiyo Ibrahim kaka kare mar yiko.
602	GEN 24:10	Eka jatijeno nokawo ngamia apar mag ruodhe, kod chiwo duto mabeyo mochako wuoth kodhi Aram-Naharaim (tiende ni, Mesopotamia) koluwo yo madhi dala matin mar Nahor.
606	GEN 24:14	Mad timreni ka awachone nyako moro ni, ‘Asayi, yie dapigi piny mondo mi amodhie,’ kendo ka dowachna ni, ‘modhi kendo abiro chiwo pi ni ngamia-gi duto’ to en ema mondo obed nyako ma iseyierone Isaka jatichni. Kamano anangʼe ni isenyiso ngʼwononi ne ruodha.”
608	GEN 24:16	Nyakoni ne en jaber man-gi chia, mapok ongʼeyo dichwo! Nolor e soko, motwomo pi eka odwogo.
613	GEN 24:21	Jatich Ibrahim nolingʼ thi ma ok owuoyo, karange lingʼ-lingʼ mondo one ane ka Jehova Nyasaye osegwedho wuodhe.
614	GEN 24:22	Kane ngamia-go osetieko modho, ngʼatno nogolo tere mar um mar dhahabu ma pekne romo achiel kuom apar mar kilo kod bangli ariyo mag dhahabu mapekgi oromo nus kilo.
622	GEN 24:30	Kane Laban oseneno tere e um nyamin kod bangli ka ni e lwet nyamin kendo kane owinjo gima Rebeka wacho ni ngʼatno onyise, Laban nodhi ir ngʼatno moyude ka ochungʼ e bath ngamia-go machiegni gi soko.
636	GEN 24:44	kendo ka owachona niya, “Modhi, kendo abiro omo pi nyaka ne ngamia-gi bende,” to en ema mondo obed nyako ma Jehova Nyasaye oseyiero ne wuod ruodha.’
647	GEN 24:55	To owad gi Rebeka kod min-gi nodwoke niya, “We nyakoni odongʼ kodwa kuom ndalo apar kata moloyo kanyo; eka udhi.”
653	GEN 24:61	Eka Rebeka kod jotije ma nyiri noikore moidho ngamia-gi mi gidhi gi jatich Ibrahim. Kuom mano jatich Ibrahim nokawo Rebeka kendo gidhi.
662	GEN 25:3	Jokshan nonywolo Sheba kod Dedan; nyikwa Dedan ne gin jo-Ashur, jo-Letush kod jo-Leum.
675	GEN 25:16	Magi e nying yawuot Ishmael ma nying-gi nochak miechgi kod kuonde mane gibworoe, ne gin ruodhi apar gariyo ngʼato ka ngʼato gi ogandane.
679	GEN 25:20	kendo Isaka ne ja-higni piero angʼwen kane okendo Rebeka nyar Bethuel ja-Aram mane odak e piny Padan Aram, kendo ma nyamin Laban.
685	GEN 25:26	Bangʼ ma owadgi nowuok kod lwete komako ofunj tiend Esau; kuom mano negichako Jakobo. Isaka ne ja-higni piero auchiel kane Rebeka onywolo yawuowigo.
700	GEN 26:7	Kane jo-Gerar openje kuom chiege, nowachonegi niya, “En nyamera, nikech noluoro wachonegi ni en chiega. Nowachonegi kamano nikech noparo ni jo-Gerar nyalo nege nikech Rebeka ne en dhako ma jaber.”
701	GEN 26:8	Kane Isaka osedak kuno kuom kinde mangʼeny, Abimelek ruodh jo-Filistia nongʼicho gie dirisa moneno ka Isaka gi Rebeka chiege jotugo.