23214	MAT 1:1	Yesu Kristo naga molue kome lus na yermarua keviu lalua kiena ne repina ne le Yu lala, nane Epraam naga sumo, amio Tepet nap̃a naga sirau. Repina ne Yesu la punu ga, la kiela kia sanini:
23215	MAT 1:2	Epraam naga narina nap̃a Aisak. Aisak naga narina nap̃a Sekop. Sekop naga narina nap̃a Suta, amio wenla tap̃ena lala.
23216	MAT 1:3	Suta naga narina lua, Peres amio wenla Saera, nap̃a lalua na ape kaora, nap̃a lalua na anela nap̃a Tam̃a. Peres naga narina nap̃a Esron. Esron naga narina nap̃a Ram.
23222	MAT 1:9	Usaea naga narina nap̃a Sotam. Sotam naga narina nap̃a Eas. Eas naga narina nap̃a Isakaea.
23226	MAT 1:13	Serup̃apel naga narina nap̃a Apiut. Apiut naga narina nap̃a Eliakim. Eliakim naga narina nap̃a Aso.
23227	MAT 1:14	Aso naga narina nap̃a Satok. Satok naga narina nap̃a Akim. Akim naga narina nap̃a Eliut.
23228	MAT 1:15	Eliut naga narina nap̃a Eliesa. Eliesa naga narina nap̃a Matan. Matan naga narina nap̃a Sekop.
23230	MAT 1:17	Siar e Epraam, teras lelei lala pimi tol Tepet, teras la nene tol lualima taaga pa vari. A siar e Tepet pimi tol pogos nap̃a le P̃apilon lala ap̃ure plan le Israel lala avanon ayum̃ae korena garu P̃apilon, teras lelei lala tol m̃ena ga lualima taaga pa vari, a siar e pogos nap̃a la asike garu P̃apilon, pimi tol Kristo, teras lelei lala tol ke sina ga lualima taaga pa vari.
23236	MAT 1:23	nap̃a naga pisape “Yokorena sira m̃ee tai nap̃a yerm̃ene pe pisu re poli wa, naga m̃ep̃ena, p̃isi na war narina tai ve yerm̃ene, ana p̃isi na asikia kiena kia ve ‘Emanuel.’” Kia nap̃a “Emanuel” naga kana kinas sane “Ntewa sike amio ita.”
23239	MAT 2:1	Yesu naga paeme e pulkumali tai, kiena kia Petleem, lepas nae Yutea. E pogos nap̃a Yesu paeme, Erot naga pe p̃arin sup̃e kiena ne le Yu ke lala. A siraunia, pe piavi re nena poli, ana yaru la p̃asia nap̃a la akilia ruru p̃elaga kiena ne verue la po pap̃isi, apimi atol garu Yerusalem. Susumo la nene amolue e kiela purvanua, e lepas nap̃a mrae molue ke komea, ana apimi.
23241	MAT 2:3	Ana pogos nap̃a P̃arin Sup̃e Erot tol visena la nene, amio yaru tap̃ena lap̃asia nae Yerusalem, amloge, ana la pe akekaran re nena ga.
23242	MAT 2:4	Ana Erot pio yerkawa kiena ne yaru wa lala amio navianena navisaluaena lala apimi apisuia, ana naga piun tan la, pisape “?Navisaarena nap̃a apisape p̃isi na naga imi, la apisa ke asape p̃isi na naga vaeme pe?”
23245	MAT 2:7	P̃isi na P̃arin Sup̃e Erot naga pio vinaun ga yaru na kilia ruruen p̃elaga kiena ne verue la nene, vena aimi avis ga amio naga taaga, vena naga loge ruru tan la, pisape la apisu verue nap̃ani kate na pogwai.
23250	MAT 2:12	Ana kolemalo, Ntewa pisi pan la e m̃eniena tai, pisalup̃ar la pisape “Ve ava akom re si lepas nap̃a puna ne Erot.” Ana la amligan yo nene, ap̃asup̃ela ke sina ga, akome mrapa tap̃ena apa kiela.
23251	MAT 2:13	Pogos nap̃a yaru la nene amial rui, ana Yosop m̃enia m̃a navisi kiena ne Ntewa tai pimi puna, pisa pania pisape “Yosop, osum̃alu, owar ninis nene amio anena, amiu aure ava garu Isip, vanon lavisi ke P̃arin Sup̃e Erot kale ninis tomtom nene vena wem̃ar narui. Ava asum̃a garu Isip vano-o tol pogos nap̃a nevisa van ko, ana awasup̃e amiu si aimi.”
23253	MAT 2:15	Ana la apa asum̃a garu Isip yam piavi li m̃a ga, pano-o tol pogos nap̃a P̃arin Sup̃e Erot mare. Suri la nene pimi kakate sanene, vena kila visena kiena ne Ntewa tai nap̃a Navisawalena Osea naga pisawal nanua sumo vena vim ve lelaga, nap̃a naga sapenua “Naruu na yerm̃ene sike garu Isip, ana nevio naga wasup̃e imi.”
23254	MAT 2:16	Pogos nap̃a P̃arin Sup̃e Erot naga kilia sape yaru nakilia ruruen p̃elaga kiena ne verue lala pe akila re sa nap̃a naga pisa poli, pe apimi akom re si puna poli, ana naga sinena mimi pap̃isi, ana naga pisa pan kiena yaru na mara lala, pisape “Ava akale ninis la punu ga nap̃a ape yerm̃ene asike Petleem, a la m̃ena ga nap̃a asike lavisinia, la nap̃a pe kiela kas lua re poli wa, ana awe mom̃ar la make ga amarmare.” P̃arin Sup̃e nene naga polo pogos nene sanini, vanon mloge visena tan yaru la nene, nap̃a apisawal mesmesun pania nanua e pogos nap̃a verue nene katep̃esia.
23257	MAT 2:19	Ana pogos nap̃a Yosop lala asike garu Isip wa, ana P̃arin Sup̃e Erot naga mare. Ana Yosop m̃enia, pisu sina navisi kiena ne Ntewa tai pimi puna,
23258	MAT 2:20	ana navisi nene pisa pania, pisape “Yosop, osum̃alu, oure ninis nene amio anena, awasup̃e amiu si, ava garu kiamiu purvanua nap̃a Israel, vanon P̃arin Sup̃e Erot nene nap̃a naga sape wem̃ar ninis nene, naga mare rui.”
23260	MAT 2:22	Pogos nap̃a la amialin ke asape ava tol garu Yutea, ana Yosop mloge asape Akaleas kus ke lelena ne arimana nap̃a Erot, pe p̃arin sup̃e ke garu Yutea. Ana Yosop maraun si vaen garu Yutea, ana naga m̃eni si tai, m̃al Ntewa naga pisi pania, pisalup̃ar pisape “Ve ova re si garu Yutea,” ana Yosop lala apalein e yo tap̃ena tai, kiena kia Kalele.
23265	MAT 3:4	Yoane Nakeena nene naga sane Navisawalena Elaisa nene nanua sumo, sa nap̃a naga pe miyen re kulsota nap̃a po poli, m̃ana kulsota na ape ga e vilulus nen kamel, a kiena kilika na kararen m̃ep̃ena na amiyum̃aen ga e kulus nen puluk. A kana kinanena e yokorena, kan ga narin suri la nap̃a asape kurpo ne, amio suri kiki nap̃a sukapak tetan la amiyum̃aenia.
23270	MAT 3:9	Ana avisuar amiu, popon amiu na ve awarwar amiu re sina, sa nap̃a asum̃a akila ke rui, nap̃a apisa ke asape ‘A, ita na poga ga rui, okilakan ita na tepe lus ruru kemua kiena ne yermarua Epraam.’ Ana nanene na pe suri re tai nene poli, vanon visae Ntewa naga sinenania, naga kilia la ga kilavaru la nene, kila la aimi ave lus kiena ne Epraam la ve moki, vena akus lelemiu.
23290	MAT 4:12	Ana e pogos nene, li na mara lala kiena P̃arin Sup̃e Erot la atarar Yoane Nakeena, amligan naga pa e yum̃a nakoaena. Ana pogos nap̃a Yesu mloge nalogeena nene, naga sitom sape wasup̃e si vito garo Kalele.
23370	MAT 6:19	Ana Yesu pisa m̃ena ga, pisapenua “Pe pon re amiu akilapolo kiamiu suri wo na yomarava la nini poli, vena avim ave yaru keviu na suri moki manenea. E yomarava nini na kirara lala akilia akar suri la nene, a suri la nene akilia avililua a amenunu m̃ena ga, a amio m̃ena ga yaru na vinauena nap̃a kilia kilapo yum̃a, vena vinaun suri la nap̃a amiu ap̃ionia.
23407	MAT 7:22	E pogos nap̃a p̃isi na Ntewa naga lip̃ere yeririna lala, yeririna la ve moki nap̃a p̃isi na avio inu ve sanene, avisave in na nepe kiela Sup̃e. P̃isi na la avisa avisave ‘?Sup̃e, sanapen imimi? Imimi na memiyum̃aen suri wo la mokliu e kiom̃a kia, a imimi mepisawal m̃ena ga kiom̃a visena, a imimi mem̃ene plan m̃ena ga yermare lala, a mekila ke m̃ena ga kile la mokliu. ?Pona ko pe ositom̃al re kiamimi yum̃aena wo la nene poli, yo?’
23417	MAT 8:3	Ana Yesu pe maraun re yaru nap̃a poli vanon kiena maiena nene, ana p̃uarar naga e limana, pisape “Ee, inu sineunia. Poga ga, nesape yepem̃a ikiki.” Ana veraga ga yepena miania, leperosi nene p̃isi ea.
23425	MAT 8:11	Inu nevisawal van amiu sanini, ve le Yu re ga la nap̃a akilia aimi loyum̃a e p̃ap̃agena keviu na legiena maro nene. Peraga, ana yokorena yaru la ve moki ve sa yaru nene e yo tap̃ena lala na yomarava nini, nap̃a aimi atotano lele taaga vena akinana amio Epraam, Aisak, a Sekop. P̃isi na la nene na asu ruru silaga ve sanene e nasup̃enena kiena ne Ntewa ma e peni.
23432	MAT 8:18	E legiena tap̃ena sina ga tai, Yesu sum̃a amio yaru la mokliu nap̃a la amiervivi naga telivi piora, ana naga sinenan pisape yali vetan la, ana naga pisa pan kiena nalogena lala, pisape “!Aulai! Ita, teva e lepas nen lapa nene lepas p̃asa.”
23435	MAT 8:21	E ke e pogos nene, ana nalogena tap̃ena kiena ne Yesu tai pisa pania, pisape “Awis M̃ara, otam̃an inu neva nevisuar ke ne ata sumo wa, a visae pogos nap̃a mare pae, p̃isi na neimi netaveve ko ga na wa.”
23440	MAT 8:26	Ana Yesu pisa pan la, pisape “!Ei! ?Amaraun ke ya ne sanene? Aa, amiu na pe apiawa re nena m̃arera e kiau nam̃areraena poli.” Ana naga sum̃alu, pisalup̃ar lagi, pisape ve yui re sina, a pisalup̃ar sive, pisape malumu. Ana pog pimi po, amalumu.
23442	MAT 8:28	Ana pogos nap̃a Yesu pimi tol lapa nene lepas p̃asa, naga pa gare yo kiena ne le Katara lala. E yo nene, yaru la lua amolue e puluve m̃ana ne yaru mare lala, ana la lua am̃al Yesu. Ana la lua nene na yermare lala asike e la, ana la lua ape wowe asirag pap̃isi, ana kila yaru la amaraun vaen e mrapa nene pap̃isi.
23476	MAT 9:28	Ana Yesu mial pano, pa pa loyum̃a e yum̃a tai, ana kilamara p̃ala la lua nap̃ani apimi puna. Ana Yesu piun tan la luoka, pisape “?Amiu luoka ga amlelaga e inu, asape nekilia nekila ruru amiu sanene?” Lalua apisatam̃ea, apisape “Ee Sup̃e, imimi memlelaga.”
23507	MAT 10:21	“E pogos m̃arera nene, p̃isi na yaru kilia tam̃an yaru viowa tap̃ena la nene la aimi aurelua wenla ruru naapo pona narina ruru naapo, vena awe mom̃ar la amarmare, nanene komin nap̃a la nene amlelaga e inu. A nisisi lala la m̃ena ga akilia asum̃alu avisawal anela lala a arimala lala nap̃a la amlelaga e inu, vena la m̃ena ga amare sanene.
23530	MAT 11:2	E pogos nene, Yoane Nakeena sike e yum̃a nakoaena, a naga mloge ke yum̃aena la nap̃a Kristo kila ke ne, ana naga mligan kiena nalogena lap̃asia,
23537	MAT 11:9	?Peraga, ana in na nesitom ke nesape amiu apanon ke vena avisu navisawalena tai, ne? Ee, ana naga nene na poga ga ne, ana inu nevisa van amiu, yaru nene nap̃a amiu amoluen apa apisu naga, naga to laa metava, taulu navisawalena nasumo lala,
23542	MAT 11:14	A visae amiu akekaran alelaga e suri la nene nap̃a p̃isi na am̃alivi sirau, ana p̃isi na amiu akilia avisu kilale nap̃a Yoane Nakeena naga pe Elaisa nene, nap̃a la apisaaria sumo rui apisape p̃isi na naga monar wasup̃e sina ga imi.
23544	MAT 11:16	A Yesu pisi pa laa sane, pisa pisape “?Ana p̃isi na nevisawal visena ya nap̃a kilia tol p̃elaga kiena ne yeririna na nanagane lala? E lepas punu ga nap̃a Ntewa naga kila vena kilali wo van amiu, ana amiu yepemiu mavin ga, amiu apisa kare ga naga vanonia. Komin pogos nap̃a Yoane naga pimi sike ga wa, ana monsilu ga pe kinana re poli vena len, a naga palia m̃ena ga kuruta na munena, pe mun re poli, ana yaru la apisu naga sanene, la apismumun naga, apisape ‘Yaru nene yermare pa e naga.’ A pogos nap̃a Narina ne Yeririna naga pimi sike na, naga kinana ruru ga a mun ruru ga, sa ke ga yaru tap̃ena lala, ana yaru la apismumun naga, apisa apisape ‘Opisu ke ne, yaru nene naga pe yaru na kinan merorolen pap̃isi, a pe yaru na munena m̃ena kuruta na munena pap̃isi, a nap̃a naga kiena erau lala na, la ape yaru nawarpoloen ga takis, a ape yaru viowa ga lala.’ “Komin suri ne nanene narui, inu nepisu amiu yeririna na nanagane lala nap̃a amiu na sa ga sisi lala nap̃a visae asum̃a akirakirai e yometava na kumali, p̃isi na la asum̃a aviovion va kiela erau lala, avisave ‘!E, amiu na apiowa nene! Visae imimi mesum̃a mowe plap̃e, ana amiu ve awol re amio imimi, a visae imimi meyaun yauena na marena, ana amiu ve atagi re amio imimi.’ “Ana suri punu ga nap̃a la amolmolue e namanmaruaena kiena ne Ntewa, sumonia yaru la mokliu nap̃a apisu sane piowa ga, ana siraunia p̃isi na Ntewa naga kila imi merarava sane kiena manmaruaena nene naga mesmesu a naga pe lelaga ruru nenaga.”
23560	MAT 12:2	Asiar akila ke sanene, ana Varasi la p̃asia asike e yo nene, ana apisula m̃aga, ana la apisi pa Yesu, asape “!Ei, opisu ke ne! Kiom̃a nalogena lala la asum̃a ap̃ar ke kinanena e lokove sanene, la asum̃a amiyum̃ae ke e Legiena Wa ne, a visae ve sanene, la asu m̃a akilaro ke kieta navisaluaena ne.”
23568	MAT 12:10	E yo nene, yaru tai sike ea ana naga limana ve tokak, a pe lima mare, ana yaru m̃ena ga lap̃asia nap̃a asum̃a ga sinelan asape alual li suri lap̃asia nap̃a Yesu naga kila na pe mesmesu re poli yo. Ana yaru la nene apiun tan Yesu, asape “?Sanape, kieta navisaluaena pisalup̃ar yum̃aena na kilaruruen tas nen yaru e Legiena Wa, pona pe pisalup̃ar re poli? !Ovisali suri nene!”
23569	MAT 12:11	Ana Yesu pisatam̃ea, pisape “Visae yaru tai kiena sipsip ve taaga ga, ana e Legiena Wa tai, kiena sipsip nene va loru vitove e p̃ilip̃ili tai, amiu asitom asape p̃isi na yaru nene tap̃atete va werelua sina? !Ee, p̃isi na ita punu ga monar tekila sanene va kieta suri mali lala!
23581	MAT 12:23	Ana yeririna la nap̃a apisu suri nene amilania, a sinela kurkuru pap̃isi, ana apiun ke sina ga tan la, apisape “!E! ?Yaru nene naga narina ne Tepet nap̃a tesum̃ate ke yo, pona peraga?”
23596	MAT 12:38	Ana navianena na navisaluaena lap̃asia, amio Varasi lap̃asia, apisa pa Yesu, apisape “!Ei, ko nap̃a apio ko ke asape Navianena, imimi sinemimin mesape okila kile tai van imimi vena imimi mevisu kiom̃a nam̃areraena.”
23605	MAT 12:47	Ana yaru la tai nene pisa pa Yesu, pisape “Ei, anom̃a amio womla lala asum̃alu asike vanua, la sinelan asape avis re amio ko wa.”
23609	MAT 13:1	E ke e legiena nene, Yesu molue um̃a, pito totano e yepas nen pupia lapa nene vena vian yeririna lala.
23638	MAT 13:30	Lalua akilia akakapuru m̃a veraga vano-o tol pogos na waren kinas nen wit imi. E ke e pogos nene, p̃isi na nekilia nevisa va yaru la nap̃a ava awar wit, vena ava ate ke ne vilum̃ini viowa nene sumo wa, aviaria e p̃egasia akoven va e kapi. Siraunia, la akilia ava ate wit lala vena awar vitomi um̃a.’”
23642	MAT 13:34	E visena kiena ne Yesu la nene, naga pisawal suri la ne sanene pa yaru lala, a silaga naga pisi pan la e ga e p̃akaiwa lala.
23659	MAT 13:51	Ana Yesu piun tan kiena nalogena lala, pisape “?Amiu amloge kilale ke visena la nene?” Ana lala apisatam̃ea, asape “Ee, pona mekilia m̃a yo.”
23667	MAT 14:1	E pogos nene, apisayu Yesu pa tol Sup̃e Erot, nap̃a naga pe p̃arin sup̃e e lepas nae garu Kalele.
23668	MAT 14:2	Ana Sup̃e Erot mloge visena la nene, ana naga pisa pan kiena yerkawa lala, pisape “?Yaru nene nap̃a apisayu ke ne, pona naga Yoane Nakeena nene, nap̃a nanagane naga mali sina e marena yo? Vanon suri ne nanene, naga kila naga tol nam̃areraena nakilaena kile la nene.”
23669	MAT 14:3	Ana Sup̃e Erot pisa sanene, vanon nap̃a naga m̃em̃ar Yoane Nakeena mare rui, ana naga marau pap̃isi. Ana marena kiena ne Yoane Nakeena kana suniena nena sanini: wenla Sup̃e Erot nene, naga kiena kia Pilip, nap̃a lalua arimala taaga, ana anela lua. Ana sumo, Pilip nene talopa amio sira tai, kiena kia Lerotias. Ana siraunia, Sup̃e Erot pa p̃erelua sira nene. Ana e pogos nene, Yoane pisi pa Sup̃e Erot, pisape “Suri nene pe mesmesu re nene poli, nap̃a ko oure sira nene, komin naga pe wona ne womla.” Ana Erotias naga pe kekaran re nena visena kiena ne Yoane poli, ana naga pisi pa Sup̃e Erot, ana Sup̃e Erot mligan kiena yeririna la p̃asia apa atarar Yoane, ana apiari naga, amligan naga pa e yum̃a nakoaena.
23671	MAT 14:5	Ana Sup̃e Erot sape wem̃ar Yoane, ana naga maraun li m̃a le Israel lala, vanon nap̃a amlelaga e Yoane asape naga pe kiela navisawalena tai.
23672	MAT 14:6	Ana Lerotias nene, naga narina na lom̃earu m̃a tai, ana pogos nap̃a la akila p̃ap̃agena nasitom̃alena legiena nap̃a Sup̃e Erot paeme ea, lom̃earu nene naga polu e marana ne la nap̃a asike lele taaga e p̃ap̃agena nene. Ana Sup̃e Erot kekaran kiena wolena pap̃isi,
23674	MAT 14:8	Ana Lerotias pisi amio narina nap̃a sira m̃ee nene, ana sira m̃ee pa pisalein pa Sup̃e Erot, pisape “In na sineun nesape okus p̃arina ne Yoane Nakeena, m̃ene pialo tai, imi van inu nagane ga ne e nini.”
23675	MAT 14:9	Ana visena nene kila Sup̃e Erot mloge piowa vanon kiena navisalaweena nene, ana naga pisape akila ga ve sa nap̃a sira m̃ee nene pisa, vanon nap̃a naga pisaar m̃arera sanene e marana ne kiena erau la p̃isi rui.
23679	MAT 14:13	Ana pogos nap̃a Yesu mloge sanene, nap̃a Sup̃e Erot naga pisayu ke m̃ena naga, sape naga Yoane Nakeena nap̃a mali sina petan marena, ana Yesu molue e yo nene, ana p̃iyu e waa tai, vena va e yo m̃ano tai nap̃a pe yaru re e poli. Ana pogos nap̃a yeririna lala akilia asape naga pa ke e sanene, la m̃ena ga amolmolue e kiela pulkumali lala, la amial akom ura.
23681	MAT 14:15	Ana pogos nap̃a mrae pito tano, nalogena lala apimi puna Yesu, apisa apisape “Ei, Sup̃e, yo nini pe po re nenaga, a lavisi m̃ena ga yemalo narui. Popon ko oligan p̃ina na yeririna la nene awasup̃e ava e pulkumali lala vena auli kala kinanena la p̃asia.”
23693	MAT 14:27	ana Yesu pis pan la vilaga, pisa pisape “!Ei, ve amarau re, in ga nini!”
23714	MAT 15:12	Ana siraunia, kiena nalogena lala apimi, apisa pania, apisape “?Ei, ko okilia m̃a nap̃a Varasi lala sinela mimi pap̃isi vanon kiom̃a visena la nap̃a osum̃a opisa ke ne?”
23755	MAT 16:14	Ana lala apisa, apisape “La p̃asia apisa apisape ko Yoane Nakeena ke sina ga, a la p̃asia apisape ko Elaisa, a la p̃asia apisape ko Serem̃aea, pona navisawalena tap̃ena tai na nanua sumo.”
23772	MAT 17:3	Ana la telu nene apisu m̃ena ga Mosis amio Elaisa, lalua am̃aliv, ana lalua asum̃a ga asun ke amio Yesu.
23773	MAT 17:4	Ana Pita pisa pa Yesu, pisape “Sup̃e, popon tanea ita tesum̃a ga e yo nini. Visae ko sinom̃ania, ana neyum̃aen silparpara ve telu e nini, mom̃a tai, m̃ana ne Mosis tai, a m̃ana ne Elaisa tai.”
23779	MAT 17:10	Ana nalogena la telu nene apiun tan Yesu, apisape “?Sanapen nap̃a navianena na navisaluaena lala asum̃a ga apisa ke, apisape ‘Monar Elaisa naga wasup̃e ke sina ga imi sumo wa, siraunia na Navisaarena nene kilia imi m̃alivi’?”
23780	MAT 17:11	Ana Yesu pisatam̃e la, pisape “Nap̃a la apisa sanene, naga lelaga kemua, komin Navisawalena Malakaea naga pisa sanene rui e kiena tusi. Elaisa naga monar imi sumo vena kila ruru make suri punu ga, p̃isi na Navisaarena naga kilia imi sirau,
23781	MAT 17:12	ana in na nevisa van amiu sanini, Elaisa nene pimi p̃isi rui, ana pe yaru lala apisu kilale re asape naga poli, ana pe asitom re naga poli. Ana e ke e p̃elaga nene, p̃isi na akila ke m̃ena ga viowa va Narina ne Yeririna.”
23782	MAT 17:13	Ana e pogos ke nanene, nalogena la telu nene akilia ga na wa, nap̃a Elaisa nap̃a Yesu pisayu ke ne, nane Yoane Nakeena nene.
23790	MAT 17:21	Ana nap̃a nam̃eneplanen yermare la ne sanene, ana kana mrapa ne sanini: yaru na monar len, ana monar monsilu ga ve kinan re. E ga e p̃elaga nene, p̃isi na naga kilia m̃ene plan yermare kar la ne sanene.”
23795	MAT 17:26	Ana Pita pisa, pisape “Yaru tap̃ena ga lala, la monar aulia.” Ana Yesu pisa, pisape “Ee, sanene narui, ana kana kinasia sanini, mratava kiena ne p̃arin sup̃e lala, la tap̃atete aulia. Ana in ke nena nap̃a nepe mratava kiena ne Sup̃e Keviu na Yum̃a Wa nap̃a narui, ana vanon suri ne nanene, in na pe pon re neul takis nap̃a la apiun ke tan ko poli.
23835	MAT 19:4	Ana Yesu pisatam̃e la, pisape “?Pona amiu na pe akilia re Visena Wa kiena ne Ntewa nap̃a naga pisa, pisape ‘E purp̃esia, Ntewa naga sii suri punu ga, ana sii m̃ena ga yeririna lua, yerm̃ene tai, a sira tai?’
23839	MAT 19:8	Ana Yesu pisatam̃e la, pisape “Ee, ana sumon nap̃a nasiien yomarava nini, naga pe sa re nene poli, ana vanon nap̃a amiu p̃arimiu lala apimi m̃arera pap̃isi, nane kila Mosis tam̃ania sanene sape siar e repimiu la pimi, amiu akilia aligan plan womiu lala.
23842	MAT 19:11	Ana Yesu pisa pan la, pisape “Ee, lelaga nap̃a yaru lap̃asia nap̃a p̃isi na la ve atalopa re pogos tai, sa nap̃a sane lap̃asia apaeme ana tasnela la piowa pa rui, pona lap̃asia akila kare tasnela, sa nap̃a asila, ana la tap̃atete atalopa. A lap̃asia, pe atalopa re poli vanon nap̃a la amligan talopaena vena la ayum̃ae e nasup̃enena kiena ne Ntewa. Ana Visena Wa, naga pisa pisape popon yerm̃ene amio sira, lalua atalopa, a popon lalua asu ruru m̃aga sanene tol luas nen kiela malena la luoka. A ko nap̃a ko okekaran visena nene, ana opisu nap̃a Ntewa naga kila sanene pan ko rui, popon olarar ruru visena nene m̃arera e kiom̃a malena.”
23855	MAT 19:24	Ee, inu nevisa van amiu, visae kamel tai naga va warpoyo e pulus nen nitil nene, nane naga m̃arera vap̃isi ne, ana visae yaru tai nap̃a naga kiena suri la moki ana sinenan sape va loyum̃a e nasup̃enena kiena ne Ntewa, naga m̃arera la na wa.”
23857	MAT 19:26	Ana Yesu kirava pisu la, naga pisa pisape “Ee, lelaga nap̃a yaru tap̃atete kilia kila yaru tol malena nene, ana Ntewa ga kilia kila make suri punu ga.”
23862	MAT 20:1	Ana Yesu sum̃a pisa m̃aga pano-o, pisape “Suri nap̃a nepisa ga na wa, sa ke p̃elaga nap̃a Ntewa kila ke pa yaru lala loyum̃a e nasup̃enena kiena. A p̃isi na nevisayu suri nene van amiu e p̃akaiwa tai, nap̃a pisa sanene, pisape: Yerkawa tai, nap̃a kana pupia lokilm̃asm̃as tai. E kolulagi tai, nap̃a pe yemlagi ruru re poli wa, naga pa e pulkumali tai vena were yaru lap̃asia ava ayum̃ae e kiena lokilm̃asm̃as nene e legiena nene.
23883	MAT 20:22	Ana Yesu pisatam̃e la, pisape “Amiu pe akilia re suri nap̃a apiun ke ne poli. ?Sanape, amiu lua nene asitom asape amiu lua atorokin nap̃a ita tomunpae e piala naloge viowaena nene nap̃a inu monar nomun ea?” Lalua apisa pania, apisape “Ee, imimi lua metoroki.”
23884	MAT 20:23	Ana Yesu pisa pan la luoka, pisape “Ee, lelaga nap̃a p̃isi na amiu luwoka amun m̃ena ga e m̃au piala naloge viowaena nene, ana suri nene nap̃a amiu lua apiunia, apisape amiu lua atotano amio inu e lepasneu luwoka, suri nene naga pe kiau re nap̃a nela van amiu poli. Yo la ne sanene, kiena ne la ga nap̃a kau Ata naga kila ruru pe kiela, a nap̃a naga pisaar p̃isi rui pisape p̃isi na la atotano ea.”
23890	MAT 20:29	E pogos nene, Yesu amio kiena nalogena lala asike garu Seriko, ana pogos nap̃a amligan e pulkumali nene apano, ana yeririna la moki pap̃isi nap̃a ataveve la.
23892	MAT 20:31	Ana yaru tap̃ena lala apisin sinemimien pan lalua nene, apisa apisape “Ee, amiu lua nene am̃aaga.” Ana lalua apio manene la, asape “!Sup̃e-o, ko lus kiena ne Tepet, imimi lua mesape ko sinem̃a ye imimi.”
23911	MAT 21:16	La sinela mimi sanene, ana la apisa pa Yesu, apisape “?E sanape, ko omloge m̃a visena nap̃a la asum̃a apisa ke ne?” Ana Yesu pisatam̃e la, pisape “Ee, nemloge m̃a ne. ?Ana sanape, amiu asitom ke asape visena nene piowa ga? Pona pe apuloli re Visena Wa kiena ne Sup̃e nap̃a pisa, pisape ‘Ntewa o, ko okilia okila nin sisi kokan lala, amio m̃ena sisi tomtom lala, amieluar ruru ko pap̃isi.’”
23926	MAT 21:31	Ana Yesu piun tan la, pisape “?Lalua nene, ane kila sa nap̃a arimala sinenania?” Ana lala apisatam̃ea, apisape “M̃earu.” Ana Yesu pisa pan la, pisape “Ee, ana lelaga nevisa van amiu, nanagane na sanene narui. Inu nesum̃a nepisu nap̃a yaru viowa la moki sane yaru na warpoloen takis lala, amio sira na mraplepa lala, la ke nap̃a ape yeririna viowa la nene, ana nanagane la asum̃a akekaran ke nap̃a vena aimi loyum̃a e nasup̃enena kiena ne Ntewa, la asum̃a apilon la ke rui. Ana nepisu sane amiu asike la varaun la, asike la perina pap̃isi wa.
23957	MAT 22:16	Lala apisayu m̃aga pano-o p̃isi narui, ana lala mligan kiela nalogena lap̃asia amio m̃ena ga lap̃as e p̃egas kiena ne Erot, apimi puna ne Yesu. Ana la nene akila kotalia naga e visena wo lala, la apisa apisape “Navianiena, imimi mekilia nap̃a ko ope yaru mesmesu tai. Kiom̃a visena lala punu ga pe lelaga, a ko opian ke yeririna lala e p̃elaga nap̃a Ntewa naga sinenania. Ana ko pe opisu re ga yaru lap̃as po poli, ana ko opisu yeririna punu ga marana taaga ga.
23965	MAT 22:24	“Yesu, ko nap̃a ope navianena, imimi sinemimi mesape meviun tan ko, mesape sanape e visena tai nap̃a yermarua Mosis pisa nanua sumo. Naga pisa pisape visae yaru tai mare tan wona, nap̃a pe narila re poli wa, naga wenla monar talopa sina amio letano nene vena ve wona. E p̃elaga nene, p̃isi na sira nene kilia war narila tai, vena uarar kia kiena ne wona na yerm̃ene nap̃a mare ne, vena kia nene mali m̃aga.
23972	MAT 22:31	?A e lepas na malena si nene, ana Visena Wa tai kiena ne Ntewa sum̃a ga naga kilia iila ita e nene, pona amiu na pe apuloli re poli yo wa? Visena nene pisa sanini, pisape ‘In na nepe Ntewa kiena ne Epraam, Aisak, a Sekop.’ ?Ana visena nene pisa ya? La telu nene la amare e yomarava nini nakonua rui, ana kas moki na moki p̃aro rui, ana Ntewa pisa ga visena nene na wa, nap̃a pisape naga pe kiela Ntewa. Sanene na kiena visena naga kana kinasia sape la telu nene la amare e yomarava, ana la amal kemua puna na wa. Ntewa pe sinenan re sape kiena yeririna lala la ave yaru nap̃a mare la poli, ana naga sinenan sape naga ve Ntewa kiena ne yeririna la nap̃a la amali.”
23983	MAT 22:42	“?E kiamiu sitomena lala, asape p̃isi na Navisaarena m̃alivi e lus kiena ai?” Ana la apisatam̃ea, apisape “P̃isi na naga ve lus kiena ne yermarua Tepet nene nap̃a naga pe p̃arin sup̃e sumo.”
23984	MAT 22:43	Ana Yesu piun sina ga tan la, pisape “?Ee, nap̃a amiu apisa na pe lelaga, ana sanape nap̃a Ninuna Wa sike e Tepet, ana Tepet pisi, pisa pisape ‘Ntewa na mava pisa pa kiau Sup̃e, pisape “Ko ototano pun inu e lepas na p̃amarua, otom̃ate m̃a vano-o, p̃isi na inu neligan kiom̃a nasinekar lala aimi ve sa narin takue na vilanvanen lam̃a ea.” ’ “E yo nene tepisu nap̃a Tepet naga sum̃a pio Navisaarena nene pisape Navisaarena naga pe kiena Sup̃e.
24003	MAT 23:16	“!Ake, amiu na sumonena lala, na ape kilamara p̃ala ga lala! Akila kare amiu pap̃isi wa, p̃isi na viowa vap̃isi van amiu. E pogos nap̃a yaru lala apisa kia kien suri tai vena kila kiela navisaarena sum̃alu m̃arera, visae avisa avisave ‘Nepisa lelaga nene, Yum̃a Wa m̃ana ne Ntewa na m̃eke ne,’ ana siraun, visae akilaro sina navisaarena nene, amiu apisape ‘Nanene na naga poga ga nene, ve ve suri re tai.’ Ana visae avisa avisave ‘Nepisa lelaga, suri la nap̃a pe kol, la ne asike e Yum̃a Wa m̃ana ne Ntewa ne,’ amiu apisa apisape visena nene na m̃arera pap̃isi, tap̃atete si akilarovia.
24022	MAT 23:35	Ana p̃isi na amiu akilalue ga ve sanene van la vano-o, ana p̃isi na amiu ke ga narui nap̃a akus nakoaena vanon marena kiena ne yaru mesmesu la punu ga nene nap̃a repimiu nasumo lala am̃e mom̃ar la amarmare rui. Nanene siar e Epela, nap̃a naga pe kila re suri tai piowa poli, pimi pimi tol Sakaraea nap̃a narina ne P̃arakaea, nap̃a repimiu la nene am̃em̃ar naga mare lavisin wonta, loyum̃a e Yum̃a Wa m̃ana ne Ntewa.
24043	MAT 24:17	E pogos nene, visae yaru tai va ruru teke vanua lavisin m̃ana yum̃a, naga monar ve va re si loyum̃a vena war kiena suri lap̃asia,
24054	MAT 24:28	E pogos nene, p̃isi na ve sa m̃ena ga nap̃a visae suri mare tai m̃eke e yo tai, ana pupia pepaum̃a la nap̃a akan ke suri mare lala, p̃isi na aiminia, la monar ave p̃egas ga asike e yo nene.”
24056	MAT 24:30	“E pogos nene, kile nawasup̃eena kiena ne Narina ne Yeririna yokorena warpoyo ma e sinapane, a yokorena yolai lala nae yomarava nini atagtagi alolokai, a p̃isi na la avisu Narina ne Yeririna molue e lul lala amio pupia nam̃areraena a pupia naurarenakam kiena.
24073	MAT 24:47	komin nap̃a yokorena yerkawa nene ligan kiena suri punu ga e limana ne kiena yaru nene. Ee, lelaga, yoko Ntewa naga kila m̃ena ga ve sa ke nene.
24074	MAT 24:48	“Ana visae yaru na yum̃aena nene viowa ga, a pogos nap̃a yerkawa nene ligan yo va sum̃a perina ve piavi, ana yaru na yum̃aena nene kilia visa, visave ‘?E suwala, yerkawa nene pa su piavi la wa, pona ve wasup̃e re si yo narui, pona m̃a sanape?’
24078	MAT 25:1	Ana Yesu pisa, pisape “E pogos nap̃a Narina ne Yeririna wasup̃e sina ga, yokorena nasup̃enena kiena ne Ntewa naga ve sa nap̃a p̃akaiwa nini pisa. P̃akaiwa nini, naga pisayu p̃ap̃agena na talopaena tai, nap̃a taveve kiela p̃elaga, la ne e lepas nap̃a puna ne yerm̃ene la ap̃ure naga pa e yum̃a m̃ana ne sira m̃ee vena aure sira nene amio naga imi amio la. Ana vinena ne yerm̃ene nene la lualima la asike ga um̃a, vena la akila ruru suri la punu ga. Ana lavisi yemalo, ana vinena lala la ap̃ar kiela kapi vivaga lala, la amiyalilu mrapan la, vena la punu ga awasup̃ela si aimi.
24125	MAT 26:2	“Amiu akilia m̃a legiena na vewo rui, ana P̃ap̃agena Nasitom̃alena Natamaliaena siar narui. E pogos na p̃ap̃agena nene narui, p̃isi na aligan Narina ne Yeririna va e limana ne la nap̃a yoko asuari naga e laki torovia vena mare.”
24133	MAT 26:10	Ana Yesu kilia m̃a nap̃a la apisi ke sanene, ana naga pisi pan la, pisape “Ei, ve akila kare re sira nene sanene. Naga kila yum̃aena wo tanea e inu ne.