23214	MAT 1:1	Xujun vihi ne, setaha xujun ñihi rë xutachanga rë Jesucristu, me xi tjë rë David, hacuaha tjë rë Abraham.
23247	MAT 2:9	Xi cavihndë cha xi cuicun vi cjua jan, cavetju cha quiji cha. Hane niñú xi cavetjucaa ngajan ladu vetjucaa tsuhi jan ne, hacuaha quiji titjun hisca xi cavechu cahndë́ hiscan xi jiña quihndi, hane ngajan cavasén.
23262	MAT 3:1	Nixtin hya ne, cavetjucaa tsejen Juan Vitenda rë Xuta ngajan nguijña tsëhë distritu Judea.
23267	MAT 3:6	Xuta jan, xi cavijacun me jyë́ rë me cojo Nina camá cavitenda Juan me ngajan ndajyë Jordán.
23270	MAT 3:9	Xicanujuun cahntsua xahasen nuju cjua vihi: “Ngayaan ne, tsajin mé cuma naja ta, tsëhë xi tjë rë Abraham ngayaan.” Xicanujuun cuatjin matsejen ta, nguehe cuichjá cojo nuju ta Nina ne, hisca cojo ndyojo xi cuicun vi ne, cuma sahmi me xi cumá tjë rë Abraham.
23277	MAT 3:16	Xi cama caxtenda Jesús ne, xi tu tivetju me tsëhë nandá jan ne, ngajan cavëë me xi ngahnga ne, catuxaha. Hane Hasen rë Nina ne, canduvajnetsejen casesun rcu me. Hane sacuajyihi xcusun rë ngu paloma jyihi.
23282	MAT 4:4	Peru cuitjin cafayangui me tsëhë xitsehen jan: ―‍Xcun xujun rë Nina ne, cuitjin camahindu: “Hacuiin suvá ngatsë rë niñu xi siu xuta cjuahñu ta hacuaha mameje rë me tsëhë yëjë ni cjua xi catsingatju Nina.”
23289	MAT 4:11	Xi cuatjin xu cachja Jesús cojo xitsehen jan ne, cavetjuxin tsëhë me. Hane cafehe tjengui ángel me xi cjuahacuenda rë me.
23290	MAT 4:12	Xi camachaya rë Jesús xi jiya Juan Vitenda rë Xuta ndavaya ne, quiji me distritu Galilea.
23293	MAT 4:15	Xuta xi viyuju me nangui rë Zabulón cojo Neftalí, nangui ngajan ngunda ndajyë Jordán, ngajan tjehen rë ndachacun, tsëhë distritu Galilea, nangui rë xutaxín.
23294	MAT 4:16	Xuta jan xi jñu cjuatacun rë me, cavëë me ngu me xi sacuaha ngu ndihi seti xi sua rë me cjuahasen. Xuta xi jemu tsavi siu me tsëhë cjuaveya, ndihi jan ne casua rë me hasen rë.
23301	MAT 4:23	Hane Jesús ne, catsujyihiya me yëjë ni ladu tsëhë distritu Galilea. Xi cavisehen me yungun ne, cavicuya me xuta, cachja me cojo xuta cjuandajyihi tsëhë gubiernu xi sahmi Nina. Hacuaha catsirqui me xuta hmu rë; camandaja xuta tsëhë yëjë ni chíhin cojo tsëhë yëjë ni cjuahmu rë me.
23320	MAT 5:17	’Xi caningatuuntacuun matsejen xi nduvá tsinguétsun ngahñu rë ley xi catsihindu xutachanga naja Moisés o cjua xi cachja profeta. Cahndë́ rë xi tsinguétsun ne, sahmechihin cjua jan.
23330	MAT 5:27	’Ha hyun cjua xi cafaha xuta hatsëë nixtin xi chja cuitjin: “Xicanihñuu cjuatsehen cojo rë ngu chjuun o cojo rë ngu xihin xi hacuiin tsujun.”
23413	MAT 7:28	Xi cajnetaha cachja Jesús ne, xutacjín ne jercu quijircun rë me tsëhë cjua xi cavicuya Jesús ta,
23419	MAT 8:5	Xi cavatju vihi ne, sehe rë cavisehen me nandya Capernaum, hane ngajan cafehe tjengui rë me ngu capitán cafehya cha me favor
23432	MAT 8:18	Xi cavëë Jesús xi jemu tsë xuta hiscan tacun me ne, casua me cjua cojo xicjin me xi cjuexin cojo rë me ngunda laguna.
23434	MAT 8:20	Sehe Jesús ne, cafayangui me cuitjin: ―‍Chu ninda ne, tjin nguijo hiscan viyuju chu, hane nisë xi vitjen chu ngahnga ne, tjin ndava chu, peru ngahan xi hatuxa Quihndi rë Xuta ngahan ne, hisca ndya naha tsajin. ―‍Cuatjin cachja me.
23453	MAT 9:5	Xi má nuju, ¿jarë cjua xi hitsë sa tsaviin fi xi cuichjá: há xi “Jyë́ nuju ne, ha camanchataha” o há tsajin ne; há “Tisatjunhngun ne, tujyuhunyun?”
23454	MAT 9:6	Peru nguehe suá cumachaya nuju ta ngahan xi Quihndi rë Xuta Jain ngahan ne, yahá xá xi tsinchátaha jyë́ rë xuta nguehe ngasunhndë. Sehe ngajan cachja xu Jesús cojo cha hmu rë jan: ―‍Quihndë ne, ngayun tsan ne, tisatjunhngun chjuhun nijña nuju vë, sehe tjangun ndya nuju.
23456	MAT 9:8	Xi cavëë xuta xcusun xi camá ne, quijircun rë me, sehe casahmi hnga me Nina ta Nina ne, casua me cahndë́ Jesús xi cuatjin casahmi me.
23457	MAT 9:9	Xi quiji sa xu Jesús ne, cavechu me hiscan cavëë me ngu xihin xi tacun cahndë́ hiscan xi faha tujúnsa. Mateo hmí rë me. Ngajan xi cachja Jesús cojo me cuitjin: ―‍Nduvun, cuanguen cona. Hane Mateo jan ne, cavetju me quiji me cojo Jesús.
23460	MAT 9:12	Peru cavihndë Jesús cjua xi cachja cha, hane cafayangui me cuitjin: ―‍Xuta xi hacuiin hmu rë me ne, mamijí rë me xi cjuahacuenda rë me doctor ta suvá ni xuta xi hmu rë me ne, me vëhë meje rë xi cjuahacuenda rë me doctor.
23465	MAT 9:17	Cuanitjin ne, tsajin yo xi vincha xan xatsë cahntsua chuxin changá ta, sá xi cuatjin sahmi me ne, tsitsingá rë chuxin jan. Hane cjuë cuixu xan jan, hacuaha cuetsun chuxin jan. Xi meje rë ne, xan xatsë ne, xincha cahntsua chuxin xatsë ta cuatjin ne, catsijo ni ne tsajin mé cuma rë.
23475	MAT 9:27	Xi cavetju Jesús quiji me tsëhë ngajan ne, canduva tjengui rë me jo cha rcá hane cajindaya cha cachja cha cuitjin: ―‍¡Ngayun Jesús, tjë rë David! Catamayuma nuju ngayin. ―‍Cuitjin cachja cha.
23476	MAT 9:28	Xi cavisehen Jesús ndihya ne, sehe cavechutaha cha rcá me, hane cavinenguise Jesús cha cjua vi: ―‍Xi má nuju, ¿há cuma sahme xcusun xi chjayun? Cafayangui cha cuitjin: ―‍Macjain niji, Tatá, cuma nihñu.
23482	MAT 9:34	Peru cha partidu fariseo ne, cachja cha cuitjin: ―‍Xitsehen xi matitjun ne, vëhë casua rë cha xa xi vaxëxin cha xitsehen.
23485	MAT 9:37	Vëhë xi cuitjin cachja me cojo cha ladu rë me: ―‍Xutacjín vi ne siu me sacuaha siu niji ngajan nguijña xi jemu ndaja camá peru tsajin cha mosu xi cuanga rë.
23495	MAT 10:9	’Xicachjuun oro o sá quicha tyava o tu mé ni tujún xi cuinchunndujun cahntsua tsá tujún nuju xi tsëhë gastu nuju.
23496	MAT 10:10	Xicachjuun changa, xicachjuun ngu xúta tsjian, hacuaha xicachjuun ngu xúta chuxinxtë o sá ngu bastón ta, xuta xi sahmi me xá ne, tsëhë xá jan sacu rë me gastu rë me.
23509	MAT 10:23	Hya xi tsujyihiyatjengui nuju me ngu nandya ne, tangun ngu nandya tiñataha ta, cuichjá quixë cojo nuju ta xi chaja sa cuatjun jingujyë ni nandya tsëhë nangui rë Israel ne, cúya ngahan Quihndi rë Xuta.
23512	MAT 10:26	’Xicarcuun xuta condra nuju. Yëjë ni xcusun xi casetsangui ne, cuechú nixtin xi chjaháxin rë xi titsangui rë. Vëhë xi yëjë ni xcusun xi hma ne, handasa sahmangui ne, peru cuechú nixtin xi cuetjucaa tsejen.
23514	MAT 10:28	Xicarcuun xuta xi cuma tsiquehen yojo nuju, peru ngaxtun vëhë ne, tsajin me dañu ma sahmi me cojo hasen nuju. Hitsë sa ndaja ne, rcun Nina, me xi tjin rë chuva rë xi tsiquehen me yojo nuju hane hacuaha tsingatjenya nuju me hiscan xi má hasen nuju castigu.
23520	MAT 10:34	’Xi má nuju ngayun ne, ¿há cjuajeya canduvácojo xi cumá rë xuta ngasunhndë? Hacuiin cuatjin. Ngahan ne, si canduvá cojo.
23525	MAT 10:39	Xuta xi nguehe ni ngasunhndë meje cjuenduju me cojo cjuahñu rë me ne, titsichajá me cjuahñu xatsë xi sua Nina me. Peru xuta xi titsichajá me cjuahñu rë me nguehe ngasunhndë ne ngatsë naha ne, hatuxa sacú rë me cjuahñu xatsë xi sua Nina me.
23526	MAT 10:40	’Xuta xi cjuahatsja me yun, tangun sacuaha xi cjuahatsja ná me ngahan suva, hane xuta xi cjuahatsja ná me ne, tangun sacuaha xi cjuahatsja me Nahmi naha, me xi catsingatju ná.
23527	MAT 10:41	Xuta xi cjuahatsja me ngu me xi chja me cjua rë Nina ne ngatsë xi chja me jan cjua rë Nina ne, tangun chji sacu rë me cojo me jan. Hacuaha xuta xi cjuahatsja me ngu xihin xi tyjahi cjuatacun rë me xcun Nina ngatsë rë ndaja xihin jan ne, tangun chji sacu rë me cojo xihin jan.
23530	MAT 11:2	Nixtin hya ne, ha jiya Juan Vitenda rë Xuta ndavaya, hane ngajan camachaya rë me tsëhë xcusun xi sahmi Jesús. Vëhë xi catsingatju me ngujo cha ladu rë me xi quiji cha
23541	MAT 11:13	Xi chaja sa nduva Juan ne, yëjë ni xujun xi catsihindu profeta cojo xujun rë ley ne, suva casua camachaya rë xuta tsëhë gubiernu xi sahmi Nina.
23547	MAT 11:19	Hane ngahan xi Quihndi rë Xuta Jain matsejen ne, jinë hacuaha hvë, hane nújun ta ngu cha cahntsuaniñu ngahan, ngu cha cahntsuaxan ngahan, hacuaha ngu cha amigu rë cha xi faha tujúnsa cojo jingu sa xuta tsehen ngahan. Tsejen xi ndaja ngu cjuatacun xi casacu rë ngatsë rë xi ndaja tivetjucaa tsujun xi tinihñuchuhun.
23566	MAT 12:8	Hacuaha cachja sa Jesús cuitjin: Ngahan xi Quihndi rë Xuta Jain ngahan ne, ngahan xi vitéxa mé xi cuma nixtin xi chjahájenda rë.
23578	MAT 12:20	Xcotaain cha cjuatacun rë hisca ngu xuta yuma xi tangun me cojo ngu ndeje xi caxtane, hacuaha sahmi chuvaain cha cjuatacun rë xuta yuma xi tangun me cojo ngu candil xi ha ndiya coho. Yëjë xcusun vihi ne, sahmii cha hisca xi cumatsejen cjuaquixi rë gubiernu rë cha.
23588	MAT 12:30	’Xuta xi fiin me favor naha ne, condra naha má me. Hane xuta xi visecuaain ná me xi nihñi tangun cjuatacun rë xuta cojo Nina ne, tsinguetsun me cjuatacun rë xuta.
23590	MAT 12:32	Cuanitjin ne, tu mé ni cjua xi choho cuichja xuta tsëhë Quihndi rë Xuta Jain ne, cuma sacú rë me cjuaninchataha. Peru tu yo ni xi choho cuichja tsëhë Hasen rë Nina ne, tsajin cjuaninchataha nguehe nixtin vi, hacuaha tsajin cjuaninchataha nixtin xi nduva.
23598	MAT 12:40	Sacuatjin rë profeta Jonás ne, jyan nixtin cojo jyan nixten caseya me cahntsua chu ti jyë, hane ha cuanitjin ni ne cumá rë Quihndi rë Xuta Jain, ta jyan nixtin cojo jyan nixten seya me ngahma nangui.
23603	MAT 12:45	Xi vutsejen xitsehen xi cuatjin jyihi jan ne, sehe fi jaha sa rë yatu sa xitsehen xi hitsë sa tsehen xi cumá rë vëhë ne, sehe visehen nga viyujucahndë́ jan. Peru xi má ngascan ne, hitsë sa chojyihi tsëhë xuta vëhë xi cumá rë titjun. Cuitjin cumá tsëhë xuta xi siu nixtin vihi. ―‍Cuatjin cachja Jesús.
23622	MAT 13:14	Xi cuatjin sahmi me ne, sahmichihin me cjua xi catsihindu profeta Isaías xi catsihindu cjua vihi: Handasa cuisiñuju ngayun ne, peru ha tuxa cuijnii rcun; Handasa chutsujun ne, peru cumatsijiin nuju.
23623	MAT 13:15	Xuta xi cuacun vë ne, tichjá cjuatacun rë me, tyjavañuju me cojo tuxcun me ne, cavechja me, ta sá tu scuëë me cojo tuxcun me, hane sá cuihndë me cojo tyjavañuju me, hacuaha cuijne rcu me cojo cjuatacun rë me, sehe cuya me ladu naha xi cuaxë́tjë me.
23645	MAT 13:37	Sehe cafayangui Jesús cuitjin: ―‍Cha xi catsitjë trigu ne, hacui Quihndi rë Xuta Jain.
23649	MAT 13:41	Hya ne Quihndi rë Xuta Jain ne, tsingatju me ángel rë me xi cuahaxin me yëjë ni xuta xi candiya xicjin me ngajñi rë cjuatsehen cojo xuta xi sahmi me cjuatsehen, cuaxëxin me tsëhë gubiernu xi sahmi Nina.
23652	MAT 13:44	’Xuta xi meje cuisehen gubiernu xi sahmi Nina ne, hacuaha tangun me sacuaha ngu cha xi casacu rë cha ngu cahndë́ hiscan xi caseyanijihma tujún cjín. Hane hya xi camá ne, cavetsa nga cha tujún jan, sehe quiji cha cojo cjuasua ne, caviteña cha yëjë xi tjin rë cha sehe cavechutaha cha chji rë xáhva jan.
23660	MAT 13:52	Sehe ngajan cachja Jesús cuitjin: ―‍Hya xi ngu maestru xi vicuya me ley ne, sá xi scutaya me xi meje cuisehen me ladu tsëhë gubiernu xi sahmi Nina ne, sahmi me sacuaha nai rë ngu ndihya jyë. Xuta jan ne, vaxë me xcusun xatsë ne, hacuaha vaxë me xcusun changá tsëhë cahndë́ xi cavinchandaja me.
23668	MAT 14:2	Ngajan xi cachja me cojo xuta xi faha cuenda rë me ta: ―‍Cha vëhë ne, hacui nima Juan Vitenda Xuta. Handasa cahme nima, peru ha cavascaya rë, vëhë xi tjin rë cha ngahñu xi má sahmi cha cjuarcun.
23674	MAT 14:8	Ngajan xi na vë ne, hya xi ha cavinchangui na naa rë na ne, cachja na cuitjin: ―‍Meje ná xi cahntsua ngu tyuva ne, tuhun ná rcu Juan Vitenda Xuta.
23680	MAT 14:14	Xi tu cavetju Jesús tsëhë barcu ngunda ne, cavutsejen me xutacjín jan, hane camayuma rë me xuta jan. Hane catsindaja me xuta hmu rë.
23693	MAT 14:27	Ngajan xi cachja Jesús cojo me ta: ―‍¡Xi carcuun! ¡Tuhun cjuetacun xahasen nuju ta ngahan vi!
23700	MAT 14:34	Xi quiji sa me cojo barcu ne, cafehe me tjehen laguna hiscan nandya xi hmí Genesaret.
23710	MAT 15:8	Xuta xi cuacun vi ne, ndaja chja me tsahan peru xi cojo xahasen rë me ne, hisca tsinguitsjiin me ngahan.
23711	MAT 15:9	Tu mahya xi faharcun ná me ta, Xi vicuya xicjin me ne, hacuiin cjua naha ta tu cjua rë xuta.
23713	MAT 15:11	Xcusun xi tsitsehen rë xuta ne, hacuiin xcusun xi chine xi visehen hntsua me, ta xcusun xi tsitsehen rë xuta ne, xcusun xi vetjun tsëhë hntsua me.
23733	MAT 15:31	Xi cavëë xutacjín xi cuatjin camá ta, cama cachja xuta lihmi, camajingu xuta yoho, findaja xuta rengun hacuaha tsejen rë xuta rcá ne, sehe jercu quijircun rë me, hane casahmi hnga me, casahmi jyë me Nina, Nina jan xi faharcun xuta nangui Israel.
23740	MAT 15:38	Xuta xi cajinë ne, sacuaha ñuju mil má me xi xihin me, hacjahi má xuta chjuun cojo quihndi.
23742	MAT 16:1	Xi cafehe me ngajan ne, hacuaha cafehe cha tsëhë partidu fariseo cojo cha partidu saduceo hane ta tsëhë xi meje cjuahachuva cha me, cafehya cha me ngu cjuarcun xi nduva ngahnga, cojo sa xi scuëë cha xi Nina catsingatju rë Jesús.
23745	MAT 16:4	Xuta tsëhë nixtin vihi ne, xuta xi tsehen cjuatacun rë me, xi tjenguiin me Nina cojo ngu ni cjuatacun, xuta vë xi fehya me ngu seña. Peru sacuiin rë me seña ta seña xi sacu rë me ne, sacuaha seña xi ha catsingacun profeta Jonás hatsëë nixtin. Sehe xi cajnetaha cachja Jesús cjua vëhë ne, caviyuju me xuta jan ne, quiji me.
23752	MAT 16:11	¿Hacutjin cuma xi nuhyuun xi hacuiin tsëhë pan xi cachjá cjua jan? Xi chjá ne, nechun cuidadu tsëhë san rë pan tsëhë cha partidu fariseo cojo xi tsëhë cha partidu saduceo.
23755	MAT 16:14	Sehe ngajan xi cachja cha cojo Jesús cuitjin: ―‍Yahnga me ne, chja me ta nima Juan Vitenda rë Xuta ngayun, hane yahnga nga me ne, chja me ta Elías, hane yahnga nga me ne, chja me ta nima Jeremías, hane me xi yahnga nga ne, chja me ta ngayun ne, ngu profeta xi hacjahi.
23768	MAT 16:27	Ta ngahan, quihndi rë Xuta Jain, cuinduvá cojo hasen ndajyihi tsëhë Nahmi naha hacuaha cojo ángel naha cuinduvá; hane hya ne, cuechji me jimangu me, ¿há ndaja há ndajin casahmi me?
23769	MAT 16:28	Cuichjá quixë cojo nuju ta tjin yahnga ngayun xi sechun nguehe xi cueyuun jinguyëjë rë xi cjëë chun xi cuitexa Quihndi rë Xuta Jain gubiernu xi sahmi Nina.
23771	MAT 17:2	Ngajan camá xi cavëë me xi cavindeya xcusun rë Jesús: Xcun me ne, camaseti sacuaha seti tsuhi, hacuaha tsjian rë me ne, jemu tu tyava camahani camá sacuaha hasen rë ndihi.
23776	MAT 17:7	Ngajan xi cafehe Jesús cavetahatsja me me, hane cuitjin cachja me: ―‍Tisatjunhngun. Xicarcuun. ―‍Cuatjin cachja me.
23778	MAT 17:9	Xi tu tivijne me tsëhë rcu naxi jan cojo xuta ladu rë me xi quijicojo me jan ne, ngajan xi cachja me cojo me ta tsajin yo xi cuichja me cojo xcusun xi cavëë me. Xi cuatju cueya Quihndi rë Xuta Jain, sehe cuya nga me cjuahñu ne, hya cuichja me.
23781	MAT 17:12	Peru cuichjá cojo nuju ta ha canduva me, peru xuta ne, hvíin me xi hacui me, hane choho casahmi xuta cojo me hacutjin meje rë xahasen rë me. Hane hacuanitjin sahmi me xi cuátju cjuañihi Quihndi rë Xuta Jain.
23791	MAT 17:22	Nixtin xi caviyuju Jesús cojo xuta ladu rë me ngajan distritu Galilea ne, cachja Jesús cojo me ngu nixtin cuitjin: ―‍Ngahan xi Quihndi rë Xuta Jain ngahan ne, hatuxa tjin xi cuma ngahan entregadu tsja xuta
23795	MAT 17:26	Ngajan xi cachja Pedru cuitjin: ―‍Xutaxín cuechji me. Cachja nga Jesús cuitjin: ―‍Sá xi cuatjin ne, quihndi rë me xi matitjun jan ne, ha cavatjuhnga tsëhë.
23807	MAT 18:11	’Quihndi rë Xuta Jain ne, canduvá me xi cuaxëtje me xuta xi cachajá.
23845	MAT 19:14	Peru Jesús ne, cachja me cojo xuta ladu rë me cuitjin: ―‍Tuhun rë nixti cahndë́ catinduva tjengui ná. Xicanichuun rë cahndë́ ta, tsëhë xi gubiernu xi sahmi Nina ne, má tsëhë nixti xi cuacun vë.
23849	MAT 19:18	Ngajan cafayangui cha cuitjin: ―‍¿Jarë cjua jan? Hane cachja Jesús ta: ―‍Xicanicuun xuta, xicanihñuu cjuatsehen cojo rë ngu chjuun o cojo rë ngu xihin xi hacuiin tsujun, xicanihñuu cjuachëjë, xicanujuun cjuandesu tsëhë xuta,
23857	MAT 19:26	Ngajan xi Jesús ne, cavutsejen me hiscan siu xuta jan ne, cachja me cojo me cuitjin: ―‍Xuta ne, maji sahmi me; peru yëjë ni xi maji sahmi xuta ne, Nina ne, hatuxa ma sahmi me.
23859	MAT 19:28	Sehe cachja Jesús cuitjin: ―‍Cuichjá cojo nuju cjuaquixi ta hya xi cuechu nixtin xi cumá xatsë yëjë ni ne, nixtin xi cuejña Quihndi rë Xuta Jain xcun silla xi sahmi me gubiernu ne, ngayun xi tejó ne, ngayun xi cavisuhun ladu naha hacuaha cuinechun xcun silla nichuvun cjuatacun rë yëjë tejó tjë naja, ngayaan xi tjë rë xutachanga naja Israel ngayaan.
23862	MAT 20:1	’Sua Nina cahndë́ xi cuisehen xuta gubiernu xi sahmi me ne, sacuaha casahmi ngu me xi nai rë ngu ranchun. Xati nguitajñu quiji me cavanguise me mosu xi sahmi xá hiscan catsitjë me uva.
23879	MAT 20:18	―‍Chutsujun ni, tivanguen Jerusalén, hane ngajan ne, ngahan xi Quihndi rë Xuta jain ne, cuma ngahan entregadu tsja nahmi xi matitjun cojo maestru tsëhë ley; hane cuichja me jyë́ naha ne, vechu chuva rë xi cueya ngahan.
23885	MAT 20:24	Xi cahndë yahnga xuta xi të jan cjua xi cachja Jesús ne, cavetsihin camacjan rë me cojo jo me xicjin me jan.
23889	MAT 20:28	Ta cuanitjin ne, casahme ngahan Quihndi rë Xuta Jain, ta canduvá ne, peru hacuiin canduvá xi xuta cuisecoo ná me ta ngahan cuisécoo rë xuta, hacuaha tsingatehen xi tsiquehen ná xuta, cojo sa xi ngatsë rë vëhë cjín xuta cuaxëtje Nina me. ―‍Cuatjin cachja Jesús.
23913	MAT 21:18	Xi camanchujun jan ne, xi cavuya nga Jesús Jerusalén ne, cama vojo rë me.
23929	MAT 21:34	Xi cavechú nixtin rë tútjë jan matsejen ne, sehe catsingatju me mosu rë me xi quiji cachja cha cojo cha xi fahacuenda xitjë jan xi sua cha hitsë tutjë xi satë rë me.
23958	MAT 22:17	Xi má nuju ne, mé xi ndaja cuinújan. Sacuaha ley rë Moisés ne, ¿há tsingatihi xi cuechjen tujúnsa naja cojo César, me xi matitjun, o há tsingatiin?
23959	MAT 22:18	Peru Jesús ne, tsëhë xi ha vacun rë me xi jemu choho xcusun rë cha ne, cachja me cojo cha cuitjin: ―‍¿Mé má cuatjin meje chjuhunchuvun ná? Xuta ndacha ngayun.
24000	MAT 23:13	’Jemu chojyihi tsujun, ngayun cha xi vicuya cjuachacun cojo ngayun cha partidu fariseo. ¡Xuta ndacha yun!, ta vechjun tingotjo hisca visehen gubiernu xi sahmi Nina cojo sa xi cumaji cuisehen xuta. Tivisuun suvun, hacuaha tituun cahndë́ xi cuisehen xuta xi meje cuisehen me.
24002	MAT 23:15	’Jemu chojyihi tsujun, ngayun cha xi vicuya cjuachacun cojo ngayun cha partidu fariseo. ¡Xuta ndacha yun! ta cuangun jingujyë ni ngasunhndë xi sacu ngu ni me xi cuisehen ladu nuju. Peru hya xi cavicuyun rë me, hitsë sa jyë castigu satë rë me xi cuma nuju.
24010	MAT 23:23	’Jemu chojyihi tsujun, ngayun cha xi vicuya cjuachacun cojo ngayun cha partidu fariseo. ¡Xuta ndacha yun! Ngayun ne, handasa tuhun diezmu nuju hisca cojo nchurca cojo ruda cojo yëjë sa xcusun ndeya ne, peru nihñucuenduun xi nihñuchihin artículo rë ley xi hitsë sa meje rë Nina xi nihñuchuhun sacuaha xi chja cuitjin: nihñu hacutjin xi cjuaquixi cojo xingun, sacuaha xi mayuma nuju xingun, hane sacuaha xi ngu ni má cjua nuju; hitsë sa ndaja sa canihñu yëjë xcusun vihi, hane canihñucuendun tsëhë xcusun xi canihñu.
24029	MAT 24:3	Xi cafë cachja Jesús cuitjin ne, sehe cafehe me tiña rcu Ndetjún Olivu. Hane xi tacun suvá me, ngajan cafehe xuta ladu rë me, cavinenguise rë me cuitjin: ―‍¿Mé nújun? ¿Janihya cuetjucaa xcusun vëhë ni? ¿Hane hacutjin cuma sacú niji cjuaquixi xi ha tivechú nixtin xi nduvun ngayun tivechú hora xi cjuë nixtin rë ngasunhndë vi?
24049	MAT 24:23	’Hya ne, sá xi cuichja yahnga me cojo nuju ta: “Cuajyihi Cristu nguehe”, o sá “Cuajyihi me ngajan.” Xi camacjaain nuju cjua jan ta,
24053	MAT 24:27	sacuaha sahmi hasen ndihichuhún xi ha tu ñahñu sahmi hasen rë jingujyë ni ngahnga, hiscan ladu vetjucaa tsuhi hiscan ladu vetje tsuhi ne, cuatjin ha tu ñahñu scutsejen ná yëjë ni xuta hya xi cuinduvá nga ngahan xi Quihndi rë Xuta jain.
24056	MAT 24:30	Hya xi camá ne, ngajan cuma tsejen seña tsëhë Quihndi rë Xuta Jain. Hane yëjë xuta xi siu ngasunhndë ne, jindayava me. Sehe hya scuëë xuta ngahan, xi Quihndi rë Xuta Jain ngahan, xi cuinduvá ngajñi rë yufí cojo jemu jyë ngahñu, hisca seti hisca vatë jyihi ngahan xi cuinduva.
24062	MAT 24:36	’Sacuaha nixtin xi cuetjucaa cjuatacun vëhë ne, tsajin yo vëë rë. Hisca víin ángel xi siu ngahnga. Hisca hveen ngahan xi Quihndi rë Xuta Jain. Suva tutu ni Nina nahmi naja ne, me vëhë xi vëë me.
24063	MAT 24:37	’Sacuaha casahmi xuta hya xi cavéjña xutachanga naja Noé ne, hacuanitjin ni sahmi xuta hya xi cuinduva Quihndi rë Xuta Jain.
24065	MAT 24:39	Hacuaha camachayiin rë me hisca xi casesuntë nandá quijicojo rë yëjë ni me jan. Hacuaha cuanitjin ni sahmi xuta hya xi cuinduvá ngahan xi Quihndi rë Xuta Jain ngahan.
24070	MAT 24:44	Hacuanitjin ni meje rë xi ngayujun ni ngayun ne, tuhun chjinu yojo nuju ta, tsëhë xi hora xi ningatuuntacún xi cjuëhë ngahan xi Quihndi rë Xuta jain ngahan ne, hora vëhë cjuëhë.