23591	MAT 12:33	’¿Jarë xi meje nuju?, ¿há xi ndaja ya hacuaha ndaja tu rë? o há tsajin ne, ¿há xi ndajin ya hane ndajin tu rë? Jima ngu ya ne, cuma tsejen sá xi ndaja o sá xi ndajin ngatsë rë tu xi sua.
24336	MRK 2:7	“¿Mé má cuitjin chja cha xi cuijyihi vi?, ta Nina tsixcuehyu cha. Tsajin yo xi cuma tsinchataha jyë́ rë ngu xuta ta suva ni Nina má sahmi me.”
24819	MRK 13:33	’Vëhë xi nechun cuidadu, hacuaha ningascun rë hitsë cjuatacun nuju ta, ngayun ne, hyuun janihya xi cjuehe Nai nuju. Vëhë xi chjá cojo nuju ta ningascun rë hitsë cjuatacun nuju ta ngayun ne, hyuun janihya cúya, ¿há jñu ne?, ¿há ñahñu cjuëhë?
25222	LUK 6:7	Hane cha xi vicuya cjuachacun cojo cha fariseo xu ne, siu tifahachuva xu ni cha Jesús, ¿há sahmi me xi cumandaja xuta nixtin xi chjahájenda rë?, cojo sa xi cuma cuinchajyë cha me tsëhë xi sahmi me xá nixtin xi chjahájenda rë.
25224	LUK 6:9	Sehe ngajan xi cachja xu Jesús cojo cha xi cuacun jan cuitjin: ―‍Sahme nuju ngu cjuachjinenguise vihi: Nixtin xi chjahájenda rë ne, ¿mé xi sua cahndë́ ley xi nihña?, ¿há xi cjuandaja ne?, o ¿há xi cjuatsehen? ¿Há xi naxentjeen cjuahñu rë xingueen ne?, o ¿há xi nicjeen? ―‍Cuatjin xu cachja Jesús.
25288	LUK 7:24	Hane hya xi cavuya cafe xu xuta ladu rë Juan jan ne, sehe cachja Jesús cojo xutacjín jan cuitjin tsëhë Juan: ―‍Hya xi cavetjun catsangun ngajan ngu xín tsëhë nandya catsanguntjengun Juan matsejen ne, ¿há caningatuhuntacún xi cuechuntuhun ngu xihin xi hacuiin ngu ni cjuatacun rë me?, sacuatjin rë ngu ndeje xi fi nguehe fi ngajan rcu sacuatjin cjui tjo.
25432	LUK 9:62	Peru Jesús ne, cuitjin xu cachja me cojo xuta jan: ―‍Ngu xuta xi ha cavejña cacun me xi cjuetjengui me ndiya rë Nina sehe cumangu cumajo cacun me ¿há cjue, há cjuiin me ne?, tangun me cojo ngu cha xi ha cafaha cha ndetsihin latu xi cuetsihin cuacjan cha nangui peru tivutsejen sa cha taha ngaxtun cha. Sacuatjin machjiriin cha vihi xi cuacjan cha nangui ne, hacuanitjin ni machjiriin me vëhë xi cuisecoo me Nina hiscan xi sahmi Nina gubiernu. ―‍Cuatjin xu cachja Jesús.
25509	LUK 11:35	Ndandaja ningatuhuntacún matsejen ne, sacuaha hasen xi jiya cahntsua yojo nuju matsejen ne, ¿há hasen xi cjuaquixi jain?, o há tsajin ne, ¿há jñú?
25569	LUK 12:41	Hya xi camá ne, Pedru ne, cuitjin xu cachja me cojo Nai naja: ―‍Tatá. Ejemplu xi canújun vë ne, ¿há suvin ni ngayin xuta ladu nuju meje rë xi cuetihinrcuin?, o há tsajin ne, ¿há cojo yëjë sa xuta xi yahnga cuetaharcu me? ―‍Cuatjin xu cachja Pedru.
26394	JHN 6:68	Hane Simón Pedru ne, cuitjin cafayangui me: ―‍Ngayun nai naha, ¿yo cuanguintjenguin?, ta ngayun ne, tjin nuju cjua xi sua machaya niji tsëhë cjuahñu xatsë.
26511	JHN 9:2	Hane xuta ladu rë me jan ne, cuitjin cavinenguise me: ―‍Maestro, ¿yo casahmi cjuatsehen xi cuatjin rcá cha xi catsin cha? ¿Há suvá cha vihi ne?, o há tsajin ne, ¿há xutacha rë cha? ―‍Cuatjin cavinenguise me.
26888	JHN 18:34	Hane Jesús ne, cuitjin cafayangui me: ―‍¿Há cojo cjuatacun nuju suvun chjinengunsun ná cjua vëhë?, o há tsajin ne, ¿há tjin yo cachja cojo nuju tsahan? ―‍Cuatjin cafayangui me.
27110	ACT 4:19	Peru Pedru cojo Juan ne, cuitjin cafayangui me: ―‍Xi má nuju suvun ne, ¿jarë xi hitsë sa chuya rë Nina? ¿Há xi cuinuhyin tsujun ne?, o há tsajin ne, ¿há xi cuinuhyin tsëhë me?
27279	ACT 8:34	Hya xi camá ne, sehe cafinenguise me cojo Felipe cuitjin: ―‍Xi má nuju ne, ¿yo tsëhë xi cuatjin chja profeta vë? ¿Há tsëhë suvá me ne?, o há tsajin ne, ¿há tsëhë jingu sa xuta? ―‍Cuatjin cafinenguise me.
28100	ROM 4:10	¿Janihya catsicjë Nina jyë́ rë Abraham? ¿Há cachja me cjua jan hya xi cavatju cati chuxin rë me ne?, o há tsajin ne, ¿há hya xi cjëë xtí chuxin rë me? Hacuiin hya xi ha cati chuxin rë me ta cachja me hya xi chaja sa xtí.
28712	1CO 12:10	Hane ngu nga xuta ne, fahatsja me cjuatacun xi sahmi me cjuarcun, hane ngu nga xuta ne, fahatsja me cjuatacun xi cuichja me ngu cjua xi sua Nina me. Ngu nga me ne, fahatsja me cjuatacun xi cuijnercu me mé xcusun hasen catsingatju ngu cjuatacun xi cafahatsja ngu xuta, ¿há hasen ndaja?, o ¿há hasen tsehen? Ngu nga xuta ne, fahatsja me cjuatacun xi cuichja me ngujo xcusun hne xi hvíin me. Hane ngu nga me ne, fahatsja me cjuatacun xi sua me machaya naja mé vijne xi cuacun vëhë.
28797	1CO 15:11	Quihndë ne, cuendaain rë ¿há ngahan? o ¿há me vëhë ne?, peru cjuandajyihi vëhë xi catihin camachaya nuju, hacuaha cjua vëhë xi camangu tacún cojo.
29446	PHP 1:18	Tsimii sahmi rë xi cuatjin cjuatacun rë me xi chja me cjua rë Nina, ¿há xi nguñajacacun me ne?, o ¿há xi hacuiin nguñajacacun me ne?, ndastu cuenda xi cjua tsëhë Jesucristu ne, tijimachaya rë xuta. Vëhë xi jemu ndama ná.
29450	PHP 1:22	O sa xi cuitejña sa cjuahñu ne, xa xi sahme ngatsë rë Jesucristu ne, ndatjin cuetju. Vëhë xi hisca hveen ne, jarë xi hitsë sa chuya ná, ¿há xi cueya ne?, ¿há xi cuitejña cjuahñu?
29455	PHP 1:27	Nihñu yëjë ni hacutjin xi meje rë xi sahmi xuta xi ha macjain jain rë me cjua ndajyihi tsëhë Jesucristu. Cuatjin nihñu, cojo sa xi ndaja cjua sacu ná tsujun, ¿há xi cuinduvá tjëngë nuju?, o sa tsajin ne, ¿há xi tejñataha jingu sa ladu? Peru meje cumachaya ná xi ngayun ne, tjin tangun cjuatacun nuju, hacuaha visecuun xingun xi nújun tjun ngatsë rë cjua ndajyihi xi macjain naja.
29521	PHP 4:12	Sa yuma sa nchina ngahan ne, hatuxa mangucacún. ¿Há tjin xi sínë?, o ¿há tsajin xi sínë?; ¿há xi jercu tjin ná?, o ¿xi ma chaja ná?, tsimii sahmi rë ta ngahan ne, ha catuxaha cjuatacun naha xi cumangucacún cojo tu mé ni cjuacjintacun xi nduva.
29595	COL 3:11	Ngajan xi cuendaain rë ¿há xutaxín o há xuta tjë rë Israel má ngayaan?, ¿há cati chuxin naja o há catiin rë?, ¿há xuta ngu nangui ngayaan?, ¿há tichjá cjuatacun naja?, ¿há xuta caxteña ngayaan, o há xuta ndaya tjin ngayaan? ta Cristu ni ne, me vëhë xi jercu tu vengui chjí camahani rë me.