104	GEN 4:24	Ne emun kepipitu egketakep is silut te edhimatey ki Cain, ne 77 is kegketakep is silut te edhimatey kediey.”
109	GEN 5:3	Hein 130 en is penuiǥen ni Adan nevuwad sikandin te maama he utew midsempù kandin ne migngezanan din ki Set.
110	GEN 5:4	Ne puun dutun te ked-enaka ki Set, 800 pa he tuig is keluǥayad te untung ni Adan, ne zuen duma pa he menge anak din he maama wey vahi.
111	GEN 5:5	Ne hein 930 en he tuig is penuiǥen din, minatey sikandin.
112	GEN 5:6	Hein 105 en is penuiǥen ni Set nevuwad sikandin ki Enosh.
113	GEN 5:7	Ne puun dutun te ked-enaka ki Enosh, 807 pa he tuig is keluǥayad te untung ni Set, ne zuen duma pa he menge anak din he maama wey vahi.
114	GEN 5:8	Ne hein 912 en he tuig is penuiǥen din, minatey sikandin.
115	GEN 5:9	Hein 90 en is penuiǥen ni Enosh nevuwad sikandin ki Kenan.
116	GEN 5:10	Ne puun dutun te ked-enaka ki Kenan, 815 pa he tuig is keluǥayad te untung ni Enosh, ne zuen duma pa he menge anak din he maama wey vahi.
117	GEN 5:11	Ne hein 905 en he tuig is penuiǥen din, minatey sikandin.
118	GEN 5:12	Hein 70 en is penuiǥen ni Kenan nevuwad sikandin ki Mahalalel.
119	GEN 5:13	Ne puun dutun te ked-enaka ki Mahalalel, 840 pa he tuig is keluǥayad te untung ni Kenan, ne zuen duma pa he menge anak din he maama wey vahi.
120	GEN 5:14	Ne hein 910 en he tuig is penuiǥen din, minatey sikandin.
121	GEN 5:15	Hein 65 en is penuiǥen ni Mahalalel nevuwad sikandin ki Jared.
122	GEN 5:16	Ne puun dutun te ked-enaka ki Jared, 830 pa he tuig is keluǥayad te untung ni Mahalalel, ne zuen duma pa he menge anak din he maama wey vahi.
123	GEN 5:17	Ne hein 895 en he tuig is penuiǥen din, minatey sikandin.
124	GEN 5:18	Hein 162 en is penuiǥen ni Jared nevuwad sikandin ki Enoc.
125	GEN 5:19	Ne puun dutun te ked-enaka ki Enoc, 800 pa he tuig is keluǥayad te untung ni Jared, ne zuen duma pa zaan he menge anak din he maama wey vahi.
126	GEN 5:20	Ne hein 962 en he tuig is penuiǥen din, minatey sikandin.
127	GEN 5:21	Hein 65 en is penuiǥen ni Enoc nevuwad sikandin ki Metusela.
128	GEN 5:22	Ne puun dutun te ked-enaka ki Metusela, 300 pa he tuig is keluǥayad te untung ni Enoc, ne zuen duma pa zaan he menge anak din he vahi wey maama. Dutun he timpu utew meupiya is kedepità ni Enoc wey Megbevayà, umbe nekeuma te 365 is keluǥayad te untung din ne nahanew sikandin, su midtulus sikandin te Megbevayà.
131	GEN 5:25	Hein 187 en is penuiǥen ni Metusela nevuwad sikandin ki Lamec.
132	GEN 5:26	Ne puun dutun te ked-enaka ki Lamec, 782 pa he tuig is keluǥayad te untung ni Metusela, ne zuen duma pa zaan he menge anak din he maama wey vahi.
133	GEN 5:27	Ne hein 969 en he tuig is penuiǥen din, minatey sikandin.
134	GEN 5:28	Hein 182 en is penuiǥen ni Lamec nevuwad sikandin te maama.
136	GEN 5:30	Ne puun dutun te ked-enaka ki Noe, 595 pa he tuig is keluǥayad te untung ni Lamec, ne zuen duma pa zaan he menge anak din he vahi wey maama.
137	GEN 5:31	Ne hein 777 en he tuig is penuiǥen din, minatey sikandin.
138	GEN 5:32	Hein 500 en is penuiǥen ni Noe nevuwad sikandin ki Shem, ki Ham, wey ki Jafet.
141	GEN 6:3	Ne migkaǥi zutun is Nengazen te, “Haaza is gehinawa ku he imbeǥey ku ziyà te menusiyà, kenè ku idtuǥut he wazà pidtemanan te kedtuvey zin diyà te kandan, su menge etew zà duen sikandan. Ne tenged dutun, edhimuwen ku he puun guntaan, iyan kelugayad te untung din is 120 dà he tuig.”
153	GEN 6:15	Is paaǥi te kebeeli nu zuen, ne iyan heini: 450 he giek is belavag din, 75 he giek is keluaǥan din, ne 45 he giek is ketikang din.
164	GEN 7:4	Su egkepasad is pitu he andew puun guntaan, ibpeuzanan ku is tivuuk he kelibutan, taman te 40 he andew wey 40 he kezukileman, su wey melimas is minsan hengkey he egeǥehinawa he linimbag ku.”
166	GEN 7:6	Mibpenuiǥen dutun si Noe te 600 he tuig hein kedlapey te wahig dini te kelibutan.
171	GEN 7:11	Mibpenuiǥen dutun si Noe te 600 he tuig. Ne hein ike-17 he andew te ikezuwa he vulan, mid-uzan te utew mereǥes wey midlepew zutun is utew zekelà he wahig he edtudà he ebpuun diyà te utew mezalem he zaǥat, ne ingkevusbus daan is utew zekelà he wahig he ziyà ebpuun te hewhewanan.
172	GEN 7:12	Ne mid-uzanan is kelibutan taman te 40 he andew wey 40 he kezukileman.
177	GEN 7:17	Midsigudu med-uzan kayi te kelibutan seled te 40 he andew. Mibmezalem is wahig taman te midletew sikan is arka.
180	GEN 7:20	Ne mid-iseg pa zaan memezalem taman te menge 20 he ǥiek is kezalem din diyà te puntur te utew metikang he vuntud.
184	GEN 7:24	Ne taman te 150 he andew zutun, wazà tanà he nekelepew su nelapew haazà te wahig.
187	GEN 8:3	Ne zutun mid-iseg is kebmevavew te wahig taman te neuma is 150 he andew puun te kedlapey.
188	GEN 8:4	Ne hein ike-17 he andew te ikepitu he vulan, diyà mekesavuk is arka te Buntud he Ararat.
189	GEN 8:5	Mid-iseg mebmevavew is wahig taman te ike-10 he vulan. Ne zutun te egkehuna he andew te ikesepulù he vulan, egkeehè en is menge puntur te menge vuntud.
190	GEN 8:6	Kedlavey te 40 he andew, mibpuwasan ni Noe is sulawà duen te arka
197	GEN 8:13	Ne 601 en is penuiǥen ni Noe. Ne zutun te egkehuna he andew te nehuna he vulan, wazè en wahig diyà te tanà. Ne in-awà dutun ni Noe is atep duen te arka ne neehè din he nemezahan en iyan is tanà.
198	GEN 8:14	Hein iyan en ike-27 he andew zutun te ikezuwa he vulan, nemezahan en is tivuuk he kelibutan.
234	GEN 9:28	Ne puun dutun te kedlapey te zaǥat, 350 pa he tuig is keluǥayad te untung ni Noe.
235	GEN 9:29	Ne hein 777 en is penuiǥen din, minatey sikandin.
277	GEN 11:10	Iyan heini guǥud mehitenged te pemilya ni Shem. Hein menge dezuwe en he tuig puun dutun te timpu te kegkeiwas en te kedlapey te zaǥat, 100 en is penuiǥen ni Shem, ne zutun nevuwad sikandin ki Arfaxad.
278	GEN 11:11	Ne puun dutun te ked-enaka ki Arfaxad, 500 pa he tuig is keluǥayad te untung ni Shem, ne zuen duma pa he menge anak din he maama wey vahi.
279	GEN 11:12	Hein 105 en is penuiǥen ni Arfaxad nevuwad sikandin ki Shela.
280	GEN 11:13	Ne puun dutun te ked-enaka ki Shela, 403 pa he tuig is keluǥayad te untung ni Arfaxad, ne zuen duma pa he menge anak din he maama wey vahi.
281	GEN 11:14	Hein 30 en is penuiǥen Shela ne nevuwad sikandin ki Eber.
282	GEN 11:15	Ne puun dutun te ked-enaka ki Eber, 403 pa he tuig is keluǥayad te untung ni Shela, ne zuen duma pa he menge anak din he maama wey vahi.
283	GEN 11:16	Hein 34 en is penuiǥen ni Eber ne nevuwad sikandin ki Peleg.
284	GEN 11:17	Ne puun dutun te ked-enaka ki Peleg, 403 pa is keluǥayad te untung ni Eber, ne zuen duma pa he menge anak din he maama wey vahi.
285	GEN 11:18	Hein 30 en is penuiǥen ni Peleg ne nevuwad sikandin ki Reu.
286	GEN 11:19	Ne puun dutun te ked-enaka ki Reu, 209 pa he tuig is keluǥayad te untung ni Peleg, ne zuen duma pa he menge anak din he maama wey vahi.
287	GEN 11:20	Hein 32 en is penuiǥen ni Reu ne nevuwad sikandin ki Serug.
288	GEN 11:21	Ne puun dutun te ked-enaka ki Serug, 207 pa he tuig is keluǥayad te untung ni Reu, ne zuen duma pa zaan he menge anak din he maama wey vahi.
289	GEN 11:22	Hein 30 en is penuiǥen ni Serug ne nevuwad sikandin ki Nahor.
290	GEN 11:23	Ne puun dutun te ked-enaka ki Nahor, 200 pa he tuig is keluǥayad te untung ni Serug, ne zuen duma pa zaan he menge anak din he maama wey vahi.
291	GEN 11:24	Hein 29 en is penuiǥen Nahor ne nevuwad sikandin ki Tera.
292	GEN 11:25	Ne puun dutun te ked-enaka ki Tera, 119 pa he tuig is keluǥayad te untung ni Nahor, ne zuen duma pa zaan he menge anak din he maama wey vahi.
293	GEN 11:26	Hein 70 is penuiǥen ni Tera ne nevuwad sikandin ki Abram, Nahor, wey si Haran.
299	GEN 11:32	Ne ziyà en mebpatey si Tera te Haran hein mibpenuiǥen sikandin te 205 he tuig.
303	GEN 12:4	Ne zutun, migenat si Abram sumalà is insuǥù kandin te Nengazen ne miduma zaan si Lot. Menge 75 is penuiǥen ni Abram dutun te timpu te ked-awè din dutun te Haran. Miduma zin is esawa zin he si Sarai wey is enaken din he si Lot. Elin daan miduma zin is langun he menge etew he nengesakup dan hein diyè dan pa te Haran. Ne mid-uwit dan daan is langun he menge azen dan. Midhipanew sikandan pehendiyà te tanà he Canaan.
341	GEN 14:4	Su heini is lelima he hadì, dutun he timpu, 12 he tuig, ne menge sakup sikandan ni Kedorlaomer, iyan, dutun te ike-13 he tuig ne midsukul sikandan.
342	GEN 14:5	Ne zutun te ike-14 he tuig, mibpengayew si Kedorlaomer wey is menge zuma zin he hadì, ne midtebek dan wey nengezaag dan is menge Ripanhen diyà te Ashterot Karnaim, is menge Zuzhanen diyà te Ham, is menge Emhanen diyà te menge suǥud te Kiryataim,
351	GEN 14:14	Ne hein nezineg ni Abram he nevihag is enaken din, midtiǥum din is 318 he sakup din he egkeseriǥan din. Heini sikandan, menge sakup din puun pa te ked-enaka kandan, ne miduma zin sikandan, ne midal-as dan sikan is heepat he hadì taman te inged he Dan.
374	GEN 15:13	Ne migkeǥiyan sikandin dutun te Nengazen te, “Tentenuzi nu he is menge kevuwazan nu, ne egkehimu zan keuzemà he menge lumelengyawà ziyà te zuma he nasyun. Egkengeuripen sikandan wey ebpesipelahan sikandan seled te 400 he tuig.
398	GEN 16:16	Is penuiǥen ni Abram ne 86 he tuig hein ked-enaka ni Hagar ki Ishmael.
399	GEN 17:1	Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.
415	GEN 17:17	Ne zutun midlangkeb en maan si Abraham diyà te tanà, ne mid-engit su ke sikandin diyà te ǥehinawa zin te, “Egkehimu ves he egkevuwad a, is maama he 100 en is penuiǥen din? Ne egkehimu ves daan he ed-anak si Sara is 90 en is penuiǥen din?”
418	GEN 17:20	Ne si Ishmael zaan, ebpemineǥen ku is hangyù nu mehitenged kandin. Edtuvazan ku zaan sikandin ne edhimuwen ku he mezakel is menge kevuwazan din. Egkehimu sikandin he amey te 12 he menge pengulu, ne is menge kevuwazan din egkehimu he utew egkevantug he menge etew.
422	GEN 17:24	Ne 99 he tuig is penuiǥen ni Abraham dutun te andew he mibpesirkunsidar sikandin.
423	GEN 17:25	Ne 13 he tuig is penuiǥen ni Ishmael zutun te kedsirkunsidara kandin.
449	GEN 18:24	Penenglitan ke zuen 50 he menge metazeng he etew ziyà te inged, tutuu ve he edlimasen nu? Ne kenè nu egkehizuwan haazà is menge meǥinged minsan pa te zuen 50 he menge metazeng dutun?
451	GEN 18:26	Ne midtavak dutun is Nengazen te, “Emun duen egkeehè ku he 50 he menge metazeng he etew zutun te inged, kenè ku edèdeetan is tivuuk he inged tenged dutun te 50.”
453	GEN 18:28	Penenglitan, ke wazà 50 he menge metazeng dutun te inged su 45, edlimasen nu zed be haazà is inged su egkurang te lelima he menge metazeng?” Ne midtavak is Nengazen te, “Emun duen egkeehè ku he 45, ne kenè ku en edlimasen.”
454	GEN 18:29	Ne mid-insè pa maan si Abraham te, “Ne emun iyan nu zà egkaahà dutun is 40 he menge metazeng?” Ne midtavak is Nengazen te, “Emun duen egkeehè ku he 40 ne kenè ku edlimasen.”
455	GEN 18:30	Ne migkaǥi en maan si Abraham te, “Pekelalaglalag ka, Nengazen, ne kenà a kenikew mepeuki su ebpenginginsè e pa. Penenglitan ke zuen egkeehè nu he 30 he menge metazeng?” Ne midtavak is Nengazen te, “Emun duen egkeehè ku he 30 ne kenè ku zaan edlimasen.”
456	GEN 18:31	Ne migkaǥi en maan si Abraham te, “Nengazen, ǥeina te mibpekevurut e pa maan he egkaǥi ziyan te kenikew te, ibpelaus ku pa is egkeǥiyen ku. Ne penenglitan, emun duen 20 he metazeng he egkeehè nu, edlimasen nu zed be?” Ne midtavak is Nengazen te, “Ke zuen minsan 20, kenè ku en edlimasen is inged.”
457	GEN 18:32	Ne migkaǥi pa maan si Abraham te, “Nengazen, Kenà a kenikew mepeuki, ketepusan en heini he id-insè ku. Penenglitan ke zuen 10 he menge metazeng he egkeehè nu zutun?” Ne midtavak is Nengazen te, “Ke zuen egkeehè ku ziyà he minsan 10 dà he menge metazeng, ne kenè kud edlimasen.”
512	GEN 20:16	Ne migkeǥiyan din si Sara te, “1,000 he vuuk he pelata is ibeǥey ku ziyà te meemahan nu. Iyan heini ibpayùpayù ku keniyu su wey metueni te langun he menge zuma niw he wazà a mekesalà wey wazè ka mekepehilavet kedì.”
519	GEN 21:5	Ne 100 en is penuiǥen ni Abraham dutun te ked-enaka te anak din he si Isaac.
530	GEN 21:16	Ne mid-awà sikandin, he menge 100 he mitrus is keziyù puun dutun te vatà. Dutun sikandin mebpinuu he edsineǥew, ne egkeisip din is, “Kenè ku egkaantus te ed-ahà is anak ku he ebpatey.”
573	GEN 23:1	Is keluǥayad te untung ni Sara 127 he tuig.
587	GEN 23:15	“Datù, pemineǥa a zep-a. Is bali zuen te tanà, ne 400 he vuuk he pelata, piru kenà haazà ebpekesamuk kenita te teleemiǥu. Kuwaa nu en is tanà ne igkeleveng nu zutun is esawa nu.”
588	GEN 23:16	Ne mid-uyun dutun si Abraham sumalà is migkaǥi ni Efron, ne midtimbang din is 400 he vuuk he pelata sumalà is keveǥat he neuyunan he zaan te menge nigusyanti zutun. Ne imbayad din heini ki Efron dutun te etuvangan te menge Hitihanen.
614	GEN 24:22	Ne hein nekeinum en is menge kemilyu, midkedkad duen te suluǥuen is uwiten din he ǥalunggalung he vulawan he heenem he gramu is keveǥat din. Midkedkad din daan is dezuwa he rintì he vulawan he 120 he gramu is keveǥat. Ne imbeǥey zin haazà ki Rebeka.
666	GEN 25:7	Is keluǥayad te untung ni Abraham 175 he tuig.
675	GEN 25:16	Iyan heini sikandan menge anak ni Ishmael, ne nehimu sikandan he pengulu te 12 he tribu he kevuwazan ni Ishmael. Ne is menge ngazan dan, ne iyan daan inngazan te menge inged he mid-ubpaan dan.
676	GEN 25:17	Is keluǥayad te untung ni Ishmael 137 he tuig. Minatey sikandin ne in-amur sikandin te menge kepuun din he nemematey en.
679	GEN 25:20	Menge 40 en is penuiǥen ni Isaac dutun te kebpekeesawa zin ki Rebeka he anak ni Betuel he Aramihanen he tig-Padan Aram. Etevey si Rebeka ni Laban he Aramihanen daan.
685	GEN 25:26	Ne hein edlepew en haazà is ikezuwa, ne migewezan din is palu te sereping din, umbe migngezanan dan haazà ki Jacob, he ke và dà egkeǥiya, “Egawed diyà te palu.” Mibpenuiǥen en dutun si Isaac te 60 he tuig te ked-enaka ni Rebeka kayi te sereping.
705	GEN 26:12	Ne zutun he lugar mid-ezek si Isaac ne nekeraǥun sikandin te ke 100 metakep te haazè dà he tuig, tenged midtuvazan sikandin te Nengazen.
727	GEN 26:34	Ne hein 40 en is penuiǥen ni Esau, mid-esawa zin si Judith he anak ni Beeri he Hitihanen, wey si Besemat he anak ni Elon he Hitihanen daan.
912	GEN 31:38	Seled te 20 he tuig is ked-ubpè ku ziyan te keniyu, ne wazà merenrani is menge vehiyan he kerehidu wey kambing nu minsan kesevaha. Wazà a zaan mekekaan te menge kerehidu nu he meemahan.
915	GEN 31:41	Menge 20 en he tuig is ked-ubpè ku ziyan te keniyu, 14 he tuig is kebpenilbi ku kenikew para kayi te zezuwa he anak nu he menge vahi. Ne mid-uman e pa medterebahu te heenem he tuig te kebekidu te menge uyaǥen nu. Piru hengkey heini is mibeelan nu? Ne kesepulù nu en helhelina is suhul ku.
935	GEN 32:7	Ne hein nekelikù is menge midsuǥù ni Jacob, ke sikandan te, “Midhendiyè key te ki Esau, ne migenat en su edsinuǥungen ke zin. Duen din duma he 400 he menge maama.”
943	GEN 32:15	200 he menge vehiyan he kambing wey 20 daan he menge meemahan he kambing, 200 he menge vehiyan he kerehidu wey 20 daan he menge meemahan he kerehidu,
944	GEN 32:16	30 he menge vehiyan he kemilyu wey menge nati zan, 40 he vehiyan he vaka wey 10 he menge tudu he vaka, 20 he vehiyan he asnu wey 10 he menge meemahan he asnu.
951	GEN 32:23	Ne hein mezukilem, mid-enew si Jacob ne miduma zin is dezuwa he esawa zin, is dezuwa he menge suluǥuen dan he vahi, wey is 11 he anak din he maama, ne imperapas din sikandan ipehuna te repasan te Jabok.
962	GEN 33:1	Ne hein kebpantew ni Jacob, neehè din si Esau is ebpelingguma he edumahan te 400 he menge maama. Ne zutun, impedtetepizè din is menge anak din diyà te menge esawa zin he si Lea wey si Raquel, wey ziyà te menge suluǥuen dan he vahi.
980	GEN 33:19	Ne haazà is tanà he mibpehitindeǥan dan te tulda ne mibpemasa ni Jacob diyà te menge anak ni Hamor te 100 he vuuk he pelata. Si Hamor ne iyan amey ni Shekem.
1034	GEN 35:22	Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.
1040	GEN 35:28	Is keluǥayad te untung ni Isaac 180 he tuig.
1086	GEN 37:2	Iyan heini guǥud mehitenged te pemilya ni Jacob: Hein 17 is penuiǥen ni Jose, mid-uǥup en sikandin te menge kakey zin te kebantey te menge uyaǥen. Haazà he menge kakey zin, ne menge anak ni Bilha wey ni Zilpa he menge esawa te amey zin. Ebpenudtulen ni Jose ziyà te amey zin mezaat he menge ulaula te menge kakey zin.
1093	GEN 37:9	Ne nekeuman si Jose meketeǥeinep ne midtudtul zin en maan diyà te menge kakey zin. Ke sikandin te, “Nekeuman a meketeǥeinep, neehè ku is andew, vulan, wey 11 he menge vituen he edtahud kedì.”
1112	GEN 37:28	Hein midsaǥad haazà is menge nigusyanti he tig-Midian, mibatun dan si Jose puun dutun te vudsi, ne imbelegyè dan sikandin te 20 he vuuk he pelata. Ne mid-uwit dan si Jose ziyà te Ehipto.
1242	GEN 41:46	Mibpenuiǥen dutun si Jose te 30 zutun te timpu te kedhimuwa kandin he lavew he upisyal te hadì. Ne mid-awà sikandin dutun te etuvangan te hadì ne midhipanew he midtukid din susiya is langun he menge inged diyà te Ehipto.
1285	GEN 42:32	Migkaǥi key zaan he 12 key he teltelesuled he menge anak te sevaha zà he etew. Minatey is sevaha he hazi zey, ne ziyè ded mulà is sevaha te amey zey ziyà te Canaan.
1381	GEN 45:22	Mibeǥayan ni Jose te ed-ilisan is kada sevaha kandan; piru is imbeǥey zin ki Benjamin ne lelima he ed-ilisan wey 300 he elad he pelata.
1382	GEN 45:23	Mibpeuwitan din daan is amey zin te 10 he asnu he migkergahan te menge meupiya he menge pruduktu te Ehipto, wey 10 he asnu he menge vehiyan he migkergahan te veǥas te trigu, supas, wey edlutuen te amey zan te kedhipanew.
1402	GEN 46:15	Iyan heini menge anak wey menge apù ni Jacob he in-anak ni Lea ziyà te inged he Padan Aram. Ne 33 is langun he menge kevuwazan ni Jacob wazà lavet te anak din he vahi he si Dina.
1405	GEN 46:18	Menge kevuwazan heini ni Zilpa, is suluǥuen he imbeǥey ni Laban diyà te anak din he si Lea. Ne heini is 16 ne menge kevuwazan ded daan ni Jacob.
1409	GEN 46:22	Iyan sikandan kes 14 he menge anak wey menge apù ni Jacob diyà te ki Raquel.
1413	GEN 46:26	Is kezakel te menge anak wey apù ni Jacob he midhendiyà te Ehipto ne 66 langun, kenà ragkes is menge esawa te menge anak din.
1414	GEN 46:27	Is menge anak he maama ni Jose he in-anak diyà te Ehipto, ne zezuwa. Ne 70 is langun he menge kevuwazan ni Jacob dutun te timpu te kedseled dan diyà te Ehipto.
1430	GEN 47:9	Ne midtavak si Jacob te, “130 en is penuiǥen ku. Mevavè dà is kedì he untung ne mereǥen is neulaula ku. Is keluǥayad te kedì he untung ne kenà ebpekerepeng te keluǥayad te untung te menge kepuun ku.”
1449	GEN 47:28	Si Jacob, ne 17 he tuig is ked-ubpè din diyà te Ehipto ne is keluǥayad te untung din, ne 147 he tuig.
1502	GEN 49:28	Iyan heini sikan is 12 he anak ni Jacob he menge tribu te Israel. Ne iyan haazà menge petizaan ni Jacob te kada sevaha kandan.
1510	GEN 50:3	Ne 40 he andew is keluǥayad te kebelsemara zan su iyan haazà hustu he keluǥayad te kebelsemar te minatey. Ne 70 he andew is kedlalew te menge Ehiptohanen tenged ki Jacob.
1529	GEN 50:22	Ne si Jose wey is langun he menge sakup wey kevuwazan te amey zin, diyè dan med-ubpà te Ehipto. Is keluǥayad te untung ni Jose 110 he tuig.
1533	GEN 50:26	Ne hein 110 en is penuiǥen ni Jose ne minatey sikandin. Mibelsamar zan is lawa zin ne insavuk dan diyà te lungun diyà te Ehipto.
1538	EXO 1:5	Ne 70 langun is kevuwazan ni Jacob he nemenduma kandin diyà te Ehipto, ragkes en si Jose he zaan en he ziyà te Ehipto.
1672	EXO 6:16	Sumalà is insurat he keguǥuza iyan heini menge ngazan te menge maama he menge anak ni Levi: si Gershon, si Kohat, wey si Merari. Is keluǥayad te untung ni Levi 137 he tuig.
1674	EXO 6:18	Is menge anak he maama ni Kohat iyan si Amram, si Izhar, si Hebron, wey si Uziel. Is keluǥayad te untung ni Kohat 133 he tuig.
1676	EXO 6:20	Mid-esawa ni Amram is etevey te amey zin he si Jokebed. Ne iyan menge anak dan he maama si Moises wey si Aaron. Is keluǥayad te untung ni Amram 137 he tuig.
1693	EXO 7:7	Ne 80 en is penuiǥen ni Moises ne si Aaron, ne 83 is penuiǥen din hein mibpekidlalag sikandan te hadì te Ehipto.
1823	EXO 12:6	Elimahi niw haazà taman te ike-14 he andew kayi he vulan, su sikiyu is tivuuk he keet-etawan te Israel, edlepaan niw haazà dutun he timpu emun ebpengirum-irum en.
1835	EXO 12:18	Puun kew te kedsilibra kayi zutun te mezukilem te ike-14 he andew te egkehuna he vulan taman te mezukilem dutun te ike-21 he andew, ne kenè niw tepayi is supas he egkeenen niw.
1854	EXO 12:37	Midhipanew is menge Israilihanen puun te Rameses pehendiyà te Sucot. Ne 600,000 is kahabet te menge maama zutun te nemenhipanew ne zuen pa menge vahi wey menge vatà.
1857	EXO 12:40	Is keluǥayad te ked-ubpà te menge Israilihanen diyà te Ehipto, ne 430 he tuig.
1858	EXO 12:41	Ne netapus haazà is 430 he tuig, ne iyan en andew te ked-awà dutun te menge etew te Nengazen diyà te Ehipto.
1897	EXO 14:7	Ne 600 he utew memeupiya he kerwahi is migamit dan, ne ǥawas dutun duen pa zuma he menge kerwahi ziyà te Ehipto he migamit dan ne zuen netendek he menge egalen dutun te menge sundaru ziyà te kada kerwahi.
1948	EXO 15:27	Ne hein mid-uman dan medhipanew nekeuma zan diyà te Elim, ne zuen mulà dutun 12 he menge serebseb wey 70 he kayu he palma, ne migkampu sikandan dutun te uvey te wahig.
1949	EXO 16:1	Puun te Elim, ne midhipanew is tivuuk he keet-etawan te Israel taman te nekeuma zan diyà te sibsivayan te Sin, he nekepetug-elang te Elim wey Sinai. Nekeuma zan diyà hein ike-15 he andew zuen te ikezuwa he vulan te tuig puun te ked-awè dan diyà te Ehipto.
1983	EXO 16:35	Migkaan is menge Israilihanen te ‘manna’ seled te 40 he tuig, taman te nekeuma zan diyà te tanà he ed-ubpaan dan he iyan is Canaan.
2021	EXO 18:21	Iyan, pilì ka te metau he menge etew he ebpekeuǥup kenikew te kebpenhusey nu. Kinahanglan he metau sikandan he edhusey, edtahud te Megbevayà, egkeseriǥan, ne kenà edawat te sipsip. Himuwa sikandan he menge zatù te menge grupu te menge etew he tig-1,000, tig-100, tig-50 wey tig-10.
2025	EXO 18:25	Mibpilì sikandin te menge Israilihanen te menge etew he uluwanen he edhusey, ne midhimu zin sikandan he menge upisyal te grupu te menge etew he tig-1,000, tig-100, tig-50, wey tig-10.
2110	EXO 21:32	Ne emun iyan ebpatey te kegkesungayi kandin te vaka is uripen he maama etawa vahi kinahanglan he ebayad is teǥiǥaked dutun te vaka ziyà te teǥiuripen dutun te 30 he vuuk he pelata, ne edhimetayan haazà is baka pinaaǥi te kebpenulenga zuen te vatu.
2179	EXO 24:1	Ne migkeǥiyan te Nengazen si Moises te, “Tekezeg ka kayi te kediey ne zumaha nu si Aaron, si Nadab, si Abihu, is 70 he ebpemendumala te Israel. Ne ezapa e zan kayi, iyan, diyè dan dà te meziyù.
2182	EXO 24:4	Ne insurat ni Moises is langun he nekaǥi te Nengazen. Ne hein nepawà midselemselem sikandin med-enew ne mibaal sikandin te pemuhatà diyà te nevunsuzan duen te vuntud ne impelastar zin is 12 he tedeman he vatu he iyan ibpesavut dutun is 12 he tribu te Israel.
2187	EXO 24:9	Ne midtekezeg diyà te vuntud si Moises, si Aaron, si Nadab, wey si Abihu, wey sikan is 70 he ebpemendumala te Israel.
2195	EXO 24:17	Ne zutun te kedlaus kedtekezeg ni Moises duen te vuntud, nekeseled sikandin duen te ǥapun. Ne zutun sikandin te vuntud seled te 40 he andew wey 40 he kezukileman. Ne is kezekelan mulà te menge Israilihanen, ne iyan kandan he ked-ahaa te mekeǥeǥehem he kebpekiduma te Nengazen duen te puntur te vuntud is iring te edriyubriyub he hapuy.
2206	EXO 25:10	“Pevaal ka te Kavan, iyan niw veeli is kayu he ekasya, ne haazà, 45 he vaney is kelayat din, 27 he vaney is keluag din, ne 27 he vaney is ketikang din.
2213	EXO 25:17	“Peveeli nu heini he Kavan te lunsey he vulawan he tangeb, he 45 he vaney is kelayat din wey 27 he vaney is keluag din.
2219	EXO 25:23	“Pevaal ka te lemisahan he ekasya, he 36 he vaney is keluǥayad din, ne 18 he vaney is keluag din wey 27 he vaney is ketikang din.
2235	EXO 25:39	Menge 35 he kilu he lunsey he vulawan is egkeǥamit niw te kebaal te selevukà te sulù wey te langun he menge gelemiten kayi.
2238	EXO 26:2	Iped-iiring niw is kezekelà te kada sevaha, 42 he ǥiek is kelayat din ne heenem he ǥiek is keluag din.
2241	EXO 26:5	kinahanglan he 50 he iring te sising is diyà te kada kilid ne ibped-aatbang haazà.
2242	EXO 26:6	Ne mebaal zan te 50 he kaw-it he vulawan su wey mekedliliib sikan is menge mibpen-iring te menge sising duen te zezuwa he impebpikit he menge tila. Pinaaǥi kayi ne egkeveelan is Tulda he Ed-ezapan.
2243	EXO 26:7	“Ne pevaal ka zaan te tambun duen te Tulda. Ne egemiten is 11 he lukut he manggad he vulvul te kambing
2244	EXO 26:8	Ne iped-iiring niw is keluag wey kelayat dutun te 11 he manggad, kinahanglan he 45 he ǥiek is kelayat din ne heenem he ǥiek is keluag din.
2246	EXO 26:10	Kinahanglan he zuen 50 he mibpen-iring te sising is kilid duen te id-apid te mibpebpikit he menge tila,
2247	EXO 26:11	ne kinahanglan he ebperisan haazà is menge ebpen-iringen te sising te 50 he kaw-it he brunsi.
2252	EXO 26:16	Is kada sevaha zutun, ne 15 he ǥiek is keluǥayad din ne zezuwa he ǥiek is keluag din,
2254	EXO 26:18	Is 20 he tabla kayi, ziyà egemita te egkezivavà he vahin duen te Tulda.
2255	EXO 26:19	Baal kew te 40 he untuzà he pelata he ibpesungkad duen te menge tabla, zezuwa he untuzà is ibpesungkad diyà te kada sevaha he tabla he ziyà ibperenged te kinurtiyan he vahin dutun te tabla.
2256	EXO 26:20	Ne 20 he tabla is egemiten para te egkezizaya he vahin te Tulda,
2257	EXO 26:21	wey sungkad te 40 he menge peuntuzà he pelata–dezuwa he peuntuzà is diyà te kada tabla.
2261	EXO 26:25	Umbe, zuen walu he menge tabla he para ziyà te menge suyuk wey 16 he menge peuntuzà he pelata su is kada tabla, egkinahanglan te zezuwa he peuntuzà.
2282	EXO 27:9	“Kinahanglan he zuen lama zutun te Tulda he Ed-ezapan, elaza niw haazà pinaaǥi te kegkurtinahi zuen te linu. Is keluǥayad te kurtina he impelingut diyà te zivavà he kilid ne 150 he ǥiek.
2283	EXO 27:10	Ibpikit heini he kurtina ziyà te 20 he tukud he brunsi he ziyà ipehitindeg te 20 daan he ebpeuntuzan duen he brunsi. Is ebpemikitan duen te menge kurtina, ne iyan is menge kaw-it he pelata he impikit diyà te menge kebilya he pelata ziyà te menge tukud.
2284	EXO 27:11	Is kurtina he ziyà dapit te zizaya ne 150 daan he ǥiek is keleyatan din. Ibpikit daan heini ziyà te 20 he tukud he brunsi he ziyà ipehitindeg te 20 he ebpeuntuzan duen he brunsi. Is ebpikitan duen te menge kurtina ne iyan is menge kaw-it he pelata he ibpemikit diyà te menge kebilya he pelata ziyà te tukud.
2285	EXO 27:12	“Is kurtina he ziyà dapit te edsenlepan he kilid, 75 he ǥiek is keluǥayad din, ne ibpikit heini ziyà te sepulù he tukud he impehulma ziyà te sepulù daan he menge peuntuzà.
2286	EXO 27:13	Is dapit te edsilaan he kilid duen te lama 75 zaan he ǥiek is keluǥayad din.
2287	EXO 27:14	Ne zuen kayi ǥemawan he ed-elangan daan te kurtina is kilid din. Is kurtina ziyà te egkekewanan, 22 he ǥiek is keluǥayad din, ne ibpikit heini ziyà te tetelu he tukud he ibpemehulma ziyà te tetelu zaan he menge peuntuzà.
2288	EXO 27:15	Is kurtina ziyà te egkeǥivang, 22 wey tengà he ǥiek is keluǥayad din, ne idtaud heini ziyà te tetelu he tukud he ibpehulma ziyà te tetelu he peuntuzà.
2289	EXO 27:16	Ne haazà is gemawan, kinahanglan he egkurtinahan te 30 he ǥiek is keluǥayad din he linu he eburdahan te welin he meitem is kaavuavu zin, merudtem wey kanggan ne ebpurungan heini eburdahi. Ne idtaud haazà is kurtina ziyà te heepat he menge tukud he ibpehulma ziyà te heepat he peuntuzà.
2291	EXO 27:18	“Umbe, haazà is lama, zuen din keleyatan he 150 he ǥiek wey 75 he ǥiek he keluaǥan. Ebpeliǥuyan heini te kurtina he linu he is kelayat din, pitu wey tengà he ǥiek. Is menge tukud kayi, ibpehulma ziyà te menge peuntuzà he brunsi.
2385	EXO 30:2	Ne haazà, kinahanglan he kuwedradu he 18 he vaney is kelayat din ne 18 zaan he vaney is keluag din, ne 36 he vaney is ketikang din. Ne kinahanglan he zuen kayi menge sungeysungey ziyà te menge suyuk din he idredsè dà is kebpurmaha zuen te kebeeli zuen te pemuhatà.
2397	EXO 30:14	Is langun he menge maama he 20 he tuig is penuiǥen din, pehendiyè en te metikang ne iyan sikandan ebeǥey kayi te kediey.
2467	EXO 32:28	Ne mibpezumazuma zutun is menge Levihanen ne nekepatey zan te 3,000 he menge maama zutun he andew.
2576	EXO 36:9	Imped-iiring dan is kezekelà te kada sevaha, 42 he ǥiek is kelayat din ne heenem he ǥiek is keluag din.
2579	EXO 36:12	Tig-50 he mibpen-iring te sising is intaud dan diyà te kada kilid ne impedsineruwà haazà.
2580	EXO 36:13	Ne mibaal zan te 50 he kaw-it he vulawan su wey mekedliliib sikan is menge mibpen-iring te menge sising duen te zezuwa he impebpikit he menge tila. Pinaaǥi kayi ne neveelan is Tulda he Ed-ezapan.
2581	EXO 36:14	Ne mibaal zaan sikandan te tambun duen te Tulda. Ne iyan migamit dan is 11 he lukut he manggad he vulvul te kambing.
2582	EXO 36:15	Is kada manggad ne 45 he ǥiek is keluǥayad ne heenem he ǥiek is keluag din.
2584	EXO 36:17	Ne midteuzan dan te 50 he mibpen-iring te sising is kilid duen te in-apid te mibpebpikit he menge tila,
2585	EXO 36:18	ne impedliib dan pinaaǥi te 50 he kaw-it he brunsi.
2588	EXO 36:21	Is kada sevaha zutun, ne 15 he ǥiek is keluǥayad din ne dezuwa he ǥiek is keluag din,
2590	EXO 36:23	Is 20 kayi he menge tabla, ne in-elavat dan diyà te egkezivavà he parti zuen te Tulda.
2591	EXO 36:24	Heini he menge tabla ne impehulma zan duen te 40 he peuntuzà he pelata–su zezuwa he peuntuzà te kada tabla.
2592	EXO 36:25	Is dapit te zizaya he parti zuen te Tulda ne mid-elevatan dan te 20 he tabla,
2593	EXO 36:26	wey impehulma zaan duen te 40 he menge peuntuzà he pelata–dezuwa he peuntuzà is kada tabla.
2597	EXO 36:30	Umbe, zuen walu he menge tabla he para ziyà te menge suyuk wey 16 he menge peuntuzà he pelata kada tabla, egkinahanglan te zezuwa he peuntuzà.
2606	EXO 37:1	Ne mibeelan eni Bezalel is Kavan te Kebpekid-uyun he kayu he ekasya, ne haazà, 45 he vaney is keluǥayad din, 27 he vaney is keluag din, ne 27 he vaney is ketikang din.
2611	EXO 37:6	Ne mibaal zaan sikandan te Kavan he lunsey he vulawan he 45 he vaney is kelayat din wey 27 he vaney is keluag din.
2615	EXO 37:10	Ne mibaal zaan sikandan te lemisahan he ekasya, he 36 he vaney is keluǥayad din, ne 18 he vaney is keluag din wey 27 he vaney is ketikang din.
2629	EXO 37:24	Menge 35 he kilu he lunsey he vulawan is neǥamit te kebeeli zuen te selevukà te sulù wey te langun he menge gelemiten kayi.
2630	EXO 37:25	Mibaal zaan sikandan te pemuhatà he kayu he ekasya he para tutungà te veyewà. Kuwedradu heini; 18 he vaney is keluǥayad din wey keluaǥan din, 36 he vaney is ketikang din. Duen kayi menge sungeysungey ziyà te suyuk din he inredsè dà is kebpurmaha zuen te kebeeli kayi te pemuhatà.
2643	EXO 38:9	Mibeelan dan te lama sikan is Tulda, ne mibpeliǥuyan dan heini te kurtina he linu. Is keluǥayad te kurtina he impelingut diyà te zivavà he kilid ne 150 he ǥiek.
2644	EXO 38:10	Impikit dan heini he kurtina ziyà te 20 he tukud he brunsi he ziyà ipehulma te 20 daan he peuntuzà he brunsi. Is mibpikitan dan dutun te kurtina, iyan is menge kaw-it he pelata he nekepikit diyà te menge kebilya he pelata zuen te menge tukud.
2645	EXO 38:11	Is kurtina he ziyà te zizaya he kilid 150 daan he ǥiek is keluǥayad din, ne impikit heini ziyà te 20 he tukud he brunsi he impehulma ziyà te 20 he peuntuzà he brunsi. Is mibpikitan dutun te kurtina iyan is menge kaw-it he pelata he nekepikit diyà te menge kebilya he pelata zuen te menge tukud.
2646	EXO 38:12	Is kurtina he ziyà dapit te edsenlepan he kilid, 75 he ǥiek is keluǥayad din, ne impikit heini ziyà te sepulù he tukud he impehulma ziyà te sepulù daan he menge peuntuzà. Is mibpikitan dutun te kurtina, iyan is menge kaw-it he pelata he nekepikit diyà te menge kebilya he pelata zuen te menge tukud.
2647	EXO 38:13	Is dapit te edsilaan he kilid duen te lama 75 zaan he ǥiek is keluǥayad din.
2648	EXO 38:14	Ne zuen kayi ǥemawan he ed-elangan daan te kurtina is kilid din. Is kurtina ziyà te egkekewanan, 22 he ǥiek is keluǥayad din, ne ibpikit heini ziyà te tetelu he tukud he ibpemehulma ziyà te tetelu zaan he menge peuntuzà.
2649	EXO 38:15	Is kurtina ziyà te egkeǥivang, 22 wey tengà he ǥiek is keluǥayad din, ne intaud heini ziyà te tetelu he tukud he impehulma ziyà te tetelu he peuntuzà.
2652	EXO 38:18	Is kurtina ziyà te pultahan dutun te lama, ne manggad he linu he miburdahan te meitem is kaavuavu zin, merudtem wey kanggan. Ne utew heini mibpurungan te eburda. Is keluǥayad kayi, 30 he ǥiek, ne is ketikang din, pitu wey tengà he ǥiek, iring te ketikang te menge kurtina ziyà te peliǥuy zuen te lama.
2658	EXO 38:24	Is keveǥat te langun he vulawan he inhalad para egemiten te kebeeli zuen te Tulda he Ed-ezapan, menge 1,000 he kilu ziyà te timbangan te menge memumuhat.