1500	GEN 49:26	Guntaan, utew pa mezakel is menge ibpenuvadtuvad ku; lavew pa te meupiya he menge vuvungan he utew uuzaran. Berakat he mezawat nu heini he menge penuvadtuvad, Jose–iyan ka lavew te menge suled nu.
1597	EXO 3:17	Nenangdù sikandin he ibpeǥawas kew zin puun te menge kemereǥenan he nengeseǥazan niw zini te Ehipto, ne ziyè kew zin ed-uwita te tanà te menge Canaanhen, menge Hitihanen, menge Amorihanen, menge Pirisihanen, menge Hivihanen wey menge Jebusihanen–tanà he egkeerubasa he ebpunan te edtudà he ǥatas wey teneb.’
1746	EXO 9:3	ne zuen meveǥat he ibpigada ku he iyan is kebpematey te menge uyaǥen nu ziyà te vevesukà–ebpematey is menge kudè niw, menge asnu niw, menge kemilyu niw, menge vaka niw, menge kerehidu niw, wey menge kambing niw.
1938	EXO 15:17	Ed-uwiten nu is menge etew nu ziyà te tanè nu, wey ibpeubpè nu sikandan diyà te vuntud he migaked nu– kes lugar he mibeelan nu he ed-ubpaan nu, Nengazen, kes baley nu he iyan ka mismu mibaal.
1970	EXO 16:22	Hein ikeenem he andew, midtakep dan is migkuwa zan–menge zezuwa he ǥantang is para te sevaha he etew. Umbe midhendiyà is menge pengulu te ki Moises ne nenginginsè dan ke maan is midtakep.
2257	EXO 26:21	wey sungkad te 40 he menge peuntuzà he pelata–dezuwa he peuntuzà is diyà te kada tabla.
2428	EXO 31:7	Tulda he Edtelevukaayan, Kavan te Kebpekid-uyun ku keniyu wey is tangeb din, is langun he menge gelemiten duen te Tulda–
2563	EXO 35:31	Ebpeulinan din sikandin te Mulin-ulin din ne ebeǥayan din te ketau wey ebilidad te kebaal te minsan hengkey he vuluhaten–
2591	EXO 36:24	Heini he menge tabla ne impehulma zan duen te 40 he peuntuzà he pelata–su zezuwa he peuntuzà te kada tabla.
2593	EXO 36:26	wey impehulma zaan duen te 40 he menge peuntuzà he pelata–dezuwa he peuntuzà is kada tabla.
3982	NUM 9:16	Iyan heini layun egkehitavù–emun maandew ebpekeliǥuy heini zuen te tulda ne emun mezukilem ed-anlag heini iring te hapuy.
3999	NUM 10:10	Emun timpu te kedlipey niw zutun te kedsilibra niw te menge pista te netendek he timpu te kebeeli zuen, ragkes en is Pista te Kebpuun te Hayag–pezaǥing niw is menge trumpita emun ebpemuhat kew te menge pemuhat he edtutungen wey pemuhat he para te meupiya he kedepità. Heini he menge trumpita ebpetanudtanud kediey te Megbevayè niw te kebpekid-uyun ku keniyu. Iyan a Nengazen he Megbevayè niw.”
4493	NUM 26:2	“Sinsusa niw is kada pemilya te tivuuk he keet-etawan te Israel sumalà te pemilya zan–sikan is langun he maama he 20 he tuig is penuiǥen dan pehendiyà te metikang he egkehimu he edsunderuwen te Israel.”
4591	NUM 28:12	Lepiki niw heini te pemuhat he para gasa he meupiya he kelasi te herina he midsehuǥan te lana–heenem he kilu is idlapik te kada sevaha he turiti he vaka, heepat he kilu is para te meǥurang en he kerehidu, ne zezuwa he kilu is para te kada nati he kerehidu. Menge pemuhat heini he edtutungen, is kehemut kayi ebpekepenunuat te Nengazen.
4599	NUM 28:20	Dutun te kebpemuhat niw kayi, lepiki niw heini te meupiya he kelasi he herina he midsehuǥan te lana–heenem he kilu zutun te herina is idlapik niw zuen te kada sevaha he turiti he vaka, heepat he kilu is idlapik niw zuen te meǥurang en he kerehidu.
4607	NUM 28:28	Duen te kebpemuhata niw kayi, lepiki niw heini te pemuhat he para gasa he meupiya he kelasi te herina he midsehuǥan te lana–heenem he kilu is ilapik te kada turiti he vaka, heepat he kilu is para te meǥurang en he kerehidu,
4613	NUM 29:3	Ne kebpemuhat niw kayi, lepiki niw te pemuhat he para gasa he meupiya he kelasi te herina he midsehuǥan te lana–heenem he kilu is idlapik diyà te kada sevaha he turiti he vaka, heepat he kilu is idlapik diyà te meǥurang en he kerehidu.
4619	NUM 29:9	Dutun te kebpemuhat niw kayi, lepiki niw heini te pemuhat he para gasa he meupiya he kelasi te herina he midsehuǥan te lana–heenem he kilu is idlapik te kada turiti he vaka, heepat he kilu is para te meǥurang en he kerehidu,
4624	NUM 29:14	Dutun te kebpemuhat niw kayi, lepiki niw heini te pemuhat he para gasa he meupiya he kelasi te herina he midsehuǥan te lana–heenem he kilu is idlapik diyà te kada sevaha he turiti he vaka, heepat he kilu is idlapik te kada sevaha he meǥurang en he kerehidu,
4716	NUM 31:50	Umbe, idhalad dey ziyà te Nengazen is bulawan he menge azen he nekuwa zey ziyà te tebek–menge rintì, menge sising, menge eritis, wey menge velieg, su para mevelukasi is untung dey ziyà te etuvangan te Nengazen.”
4723	NUM 32:3	“Is menge lugar he midezeetan te Nengazen pinaaǥi te menge Israilihanen he iyan is Atarot, Dibon, Jazer, Nimra, Heshbon, Eleale, Sebam, Nebo, wey Beon–meupiya he lugar para te menge uyaǥen, ne sikami is menge suluǥuen nu mahabet is menge uyaǥen dey.
5025	DEU 4:19	Kinahanglan he kenè kew egke-iniyat he edsimba te egkengeehè niw ziyà te langit–andew, bulan wey menge vituen. Insavuk heini te Nengazen he Megbevayè niw he para te tivuuk he keet-etawan kayì te kelibutan.
5142	DEU 8:3	Midhimu zin he kenè kew mekepelavew pinaaǥi te kebpesaǥad keniyu te kegkevitil, ne zutun mibeǥayan kew zin te ‘manna’–kelasi te keenen he sikiyu wey is menge kepuun niw wazè pa mekeǥezam kayi puun pa te nehuna he timpu. Midhimu heini te Nengazen su impenurù din keniyu he kenà iyan dà igkeuyag te etew is keenen, kekenà, elin is kada lalag he egkeǥiyen te Nengazen.
5155	DEU 8:16	Diyà te sibsivayan, ebeǥayan kew zin te ‘manna’–keenen he wazà hanew zuen te menge kepuun niw. Midhimu heini te Nengazen para kenè kew mekepelavew wey te kegezam keniyu su wey mebmeupiya is kebpekesavuk niw te huziyan he timpu.
5842	DEU 34:1	Puun te suǥud te Moab, midtekezeg ni Moises is Buntud he Nebo, pehendiyà te puntur te Pisga he ebpekesinaru ziyà te Jerico. Ne zutun impeehè kandin te Nengazen sikan is tivuuk he tanà–puun te Gilead pehendiyà te Dan,
6029	JOS 8:25	Dutun he andew mibpatey is langun he meǥinged diyà te Ai–12,000 langun he menge maama wey menge vahi.
6106	JOS 10:40	Umbe, naaǥew ni Josue is tivuuk he tanà–is menge vuvungan, is Negev, is menge mibuntud-buntud diyà te edsenlepan, wey is lugtenaan te menge vuvungan. Nezaag din is menge hadì kayi, wazà nesamà he uuyag. Mibpenhimetayan dan is langun sumalà te insuǥù te Nengazen he Megbevayà te Israel.
6192	JOS 14:3	Mibeǥayan eni Moises te kandan he vahin sikan is dezuwa wey tengà he menge tribu ziyà te zapit te edsilaan te Jordan. Wazè din beǥayi te vahin is menge kevuwazan ni Levi, piru mibeǥayan din sikandan te menge inged he egkeubpaan dan wey menge penebtavà para te menge uyaǥen dan. Is kevuwazan ni Jose mibahin te zezuwa he tribu–is tribu ni Manase wey is tribu ni Efraim.
6436	JOS 22:8	he ke sikandin te, “Ed-ulì kew he ed-uwit te mahabet he menge ketiǥeyunan–menge uyaǥen, pelata, bulawan, brunsi, putew wey menge visti. Behini niw is menge kezuzumahi niw he ziyà te keniyu te minsan hengkey he naaǥew niw ziyà te menge kuntada niw.”
6844	JDG 11:13	Ne iyan heini tavak duen te hadì te menge Amunihanen diyà te menunudtulà he midsuǥù ni Jefta: “Hein ked-awà te menge Israilihanen puun te Ehipto, mid-aǥew zan is tanè dey–puun te Wahig he Arnon taman te Wahig he Jabok, wey pehendiyè en te Wahig he Jordan. Ne iyan suat dey he iulì niw heini ziyà te kenami te melinawen he paaǥi.”
7658	1SA 17:38	Impeseluub ni Saul ki David kes bisti zin para te tebek–kes kalù he brunsi wey kes pengalang te kumeng.
8379	2SA 14:20	Mibeelan din is iring kayi para kun mebmeupiya is kedepitè niw ki Absalom. Piru netuenan nu heini, Mahal he Hadì, su iring ka te velinsuǥuen te Megbevayà–netuenan nu is langun he egkeulaula kayi te nasyun tew.”
8784	1KI 2:11	Midhedian din is tivuuk he Israel seled te 40 he tuig–7 he tuig is kedhadì din diyà te Hebron ne 33 he tuig is kedhadì din diyà te Jerusalem.
8971	1KI 7:34	Is kada untuzà duen dutun heepat he gewezà–sevaha ziyà te kada kilid, ne inredsè dà is kebeeli kayi te kebeeli zuen te untuzà.
8988	1KI 7:51	Hein nepasad is langun he mibpeveelan ni Hadì Solomon he para zuen te valey te Nengazen, mid-uwit din diyà te menge budiga zutun te valey te Nengazen is menge azen he impehinungud te amey zin he si David diyà te NENGAZEN–is menge pelata, menge vulawan, wey menge gelemiten.
9020	1KI 8:32	pemineǥa nu heini ziyan te langit wey hukumi nu is menge suluǥuen nu–is edsumbung wey is idsumbung. Siluti nu is nekesalà sumalà te neveelan din, ne libriya nu is wazà salà para metueni he wazà sikandin mekesalà.
9034	1KI 8:46	Ne emun ebpekesalè dan kenikew–su wazà minsan hentei he wazè din salà–wey tenged te utew nu kekegpauk ne impezaag nu sikandan te menge kuntada zan ne mibihag dan pehendiyà te uvey etawa meziyù he lugar,
9064	1KI 9:10	Kedlavey te 20 he tuig te kedtukuza ni Solomon te zezuwa he dezekelà he bilding–is baley te Nengazen wey is turuǥan,
9426	1KI 20:15	Umbe, impetawag ni Ahab sikan is betan-en he menge sundaru, he zizalem te keǥehem te menge gubirnedur ziyà te menge prubinsya–232 sikandan is langun wey elin midtiǥum din is duma pa he menge Israilihanen 7,000 sikandan is langun.
9489	1KI 22:6	Umbe, impetawag ni Ahab is menge ebpeneuven–400 sikandan langun, ne mid-insà te, “Egenat e ve te kebpekidtebek diyà te Ramot Gilead etawa kenà?” Midtavak dan te, “Genat kad, su ebpengelinteuwan te Nengazen he mekezaag ka!”
9491	1KI 22:8	Midtavak si Ahab ki Jehoshafat te, “Duen pa sevaha he egkepenginginsaan ta ke hengkey is egkekaǥi te NENGAZEN–si Micaya he anak ni Imla. Piru egkeepesan ku sikandin su wazà meupiya he menge tagnè din para kedì, kekenà, pudu zà kenà meupiya.” Midtavak si Jehoshafat te, “Kenè ka ereg he egkaǥi te iring keniyan.”
10154	2KI 22:5	Ne keǥiyi nu si Hilkia he iveǥey zin heini ziyà te menge etew he midseriǥan te kedumala te kebpurungi te valey te Nengazen, su para iyan sikandan edsuhul te menge edterebahu ziyà te valey te Nengazen–
10174	2KI 23:5	Impaawè din diyà te ketengdanan dan is menge memumuhat he ebpenilbi te zuma he menge ed-ezapen. Heini he menge memumuhat, insarig dengan kandan te menge hadì diyà te Juda is kedtutung te menge veyewà diyà te menge simbahan diyà te metikang he menge lugar ziyà te menge inged diyà te Juda wey ziyà te peliǥuy te Jerusalem. Midtutung sikandan te menge veyewà para ki Baal wey te egkengaahà diyà te langit–andew, bulan, wey menge vituen.
10316	1CH 2:6	Is menge anak ni Zera he menge maama, ne iyan si Zimri, Etan, Heman, Calcol, wey Darda–lelima sikandan langun.
10387	1CH 3:22	Ne is menge kevuwazan ni Shecania ne iyan si Shemaya ne is menge anak ni Shemaya ne si Hatush, Igal, Baria, Nearia, wey si Shafat–heenem dan langun.
10388	1CH 3:23	Is menge anak ni Nearia he menge maama, ne iyan si Elionai, Hizkia, wey Azrikam–tetelu zan langun.
10389	1CH 3:24	Is menge anak ni Elionai he menge maama, ne iyan si Hodavia, Eliashib, Pelaya, Akub, Johanan, Delaya, wey si Anani–pitu zan langun.
10445	1CH 5:13	Ne is menge kezuzumahi zan diyà te kada pemilya ne iyan si Micael, Meshulam, Sheba, Jorai, Jacan, Zia, wey si Eber–pitu zan langun.
10983	1CH 22:14	Midheǥuan ku is kedteǥana te menge egkeǥamit kayi te kedtukuza te valey te Nengazen–3,500 he tunilada he vulawan, 35,000 he tunilada he pelata, wey mezakel pa he menge brunsi wey menge putew he kenè en egketimbang tenged te keveǥat dan. Midteǥana a zaan te menge kayu wey menge vatu, piru kinahanglan he umani nu pa heini.
11195	1CH 29:26	Nehimu he hadì si David he anak ni Jesse te tivuuk he Israel seled te 40 he tuig–7 he tuig diyà te Hebron ne 33 he tuig diyà te Jerusalem.
11274	2CH 5:1	Hein nepasad en ni Solomon is langun he vaal zutun te valey te Nengazen, ne mid-uwit din diyà te menge budiga zutun te valey te Nengazen is langun he menge azen he impehinungud te amey zin he si David–is menge pelata, menge vulawan, wey zuma pa he menge ǥelemiten.
11310	2CH 6:23	pemineǥa nu heini ziyan te langit wey hukumi nu is menge suluǥuen nu–is edsumbung wey is idsumbung. Siluti nu is nekesalà sumalà te neveelan din, ne libriya nu is wazà salà para metueni he wazà sikandin mekesalà.
11323	2CH 6:36	“Ne emun ebpekesalè dan kenikew–su wazà minsan hentei he wazè din salà–wey tenged te utew nu kekegpauk ne impezaag nu sikandan te menge kuntada zan ne mibihag dan pehendiyà te uvey etawa meziyù he lugar,
11475	2CH 13:17	Utew mezakel is nepatey ni Abia wey te menge sakup din–500,000 he menge memetau he menge sundaru te Israel.
11506	2CH 15:11	Ne te haazà he timpu nemuhat dan diyà te Nengazen te menge uyaǥen he ebpuun te menge naaǥew zan te kebpekidtebek–700 he vaka wey 7,000 he menge kerehidu wey kambing.
11552	2CH 18:5	Umbe, impetawag ni Ahab is menge ebpeneuven–400 sikandan langun, ne mid-insà te, “Egenat key ve te kebpekidtebek diyà te Ramot Gilead etawa kenà?” Midtavak dan te, “Genat kad, su ebpengelinteuwan te Megbevayà he mekezaag ka!”
11554	2CH 18:7	Midtavak si Ahab ki Jehoshafat te, “Duen pa sevaha he egkepenginginsaan ta ke hengkey is egkekaǥi te NENGAZEN–si Micaya he anak ni Imla. Piru egkeepesan ku sikandin su wazà meupiya he menge tagnè din para kedì, kekenà, pudu zà kenà meupiya.” Midtavak si Jehoshafat te, “Kenè ka ereg he egkaǥi te iring keniyan.”
11696	2CH 24:14	Hein nepasad is terebahu, ne in-ulì dan diyà te hadì wey ziyà te ki Jehoyada is nesamà he selapì. Ne migamit heini te kebpevaal te menge gelemiten dutun te valey te NENGAZEN–he egemiten para te ked-azap, te kebpemuhat te menge ibpemuhat he edtutungen, ragkes en is menge yehung wey menge teleǥuey he vulawan wey pelata. Dutun te uuyag pa si Jehoyada, ne wazè dan engkezi is kebpemuhat te menge pemuhat he edtutungen dutun te valey te Nengazen.
12172	EZR 6:16	Melipayen he midsilibra is kebpehinunguza zuen te valey te Megbevayà te menge etew te Israel–menge memumuhat, menge Levihanen, wey te zuma pa he nemen-ulì puun te kegkevihag.
12499	NEH 8:2	Haazà he andew, iyan nehuna he andew te ikepitu he vulan, mid-uwit ni Ezra is Kesuǥuan diyà te etuvangan te menge etew–menge maama, menge vahi, wey menge vatà he zuen dan en hanew. Ne ziyà te pelasa he egkesineruwan te Pultahan Pehendiyà te Wahig, mibpekezaǥing sikandin is ebasa kayi puun te kedsilà te andew taman te meudtu. Ne mibpurungan pemineǥa haazà is Libru te Kesuǥuan te langun he menge etew zutun.
17547	ECC 9:2	Neked-iring dà is egkepengkusan te minsan hengkey he kelasi te etew–metazeng wey lalung, meupiya wey mezaat, lumpiyu wey meremerik, is ebpemuhat wey kenà ebpemuhat. Neked-iring dà is egkepengkusan te meupiya he etew wey mekesesalà, wey neked-iring dà sikan is nenangdù wey wazà mebpenangdù.
17647	SNG 3:6	Hentei heini is ebpekeuma he ebpuun te sibsivayan he henduen be te mekepal he evel he ebmeǥuymuyan te kehemut te mira wey beyewà–menge pehemut he ibelegyà te menge nigusyanti?
18167	ISA 24:2	Sevaha zà is egkepeveyaan te langun–memumuhat etawa meǥinged, egalen etawa suluǥuen, ebpememelegyà etawa ebpememasa, ebpeutang etawa ed-utang.
18417	ISA 36:17	taman te edliku a is eduma keniyu pehendiyà te tanà he iring te tanè niw–tanà he zuen duen menge pemuleey te paras he ebpekeveǥey keniyu te vinu, wey zuen duen menge trigu he egkehimu he keuyaǥan niw.
18652	ISA 45:21	Pein-inseey kew, ne ipezayag niw is ketezengan niw. Hentei is midtagnè dengan te egkengehitavù? Kenè be iyan a, is Nengazen? Wazè en duma he Megbevayà, kekenà, iyan e zà–kes metazeng he Megbevayà wey Menluluwas.
18718	ISA 49:12	Ebpekeuma is menge etew ku he ebpemuun diyà te meziyù–is duma ebpuun diyà te zizaya, is duma ebpuun diyà te edsenlepan, ne is duma pa ebpuun diyà te Sinim.”
18904	ISA 60:13	Egkehimu he kenikew is menge ketiǥeyunan diyà te Lebanon ragkes en is menge kayu zutun he pinu, inibru, wey sipris–su wey ikezayandayan diyà te valey he ubpeey ku.
19238	JER 8:16	Is mezaǥing he herìhian te menge kudà te menge kuntada tew iyan nezineg tew ziyà te Dan. Minsan herìhian dà dutun te menge kudè dan egkahandek kiw en is langun he meǥinged kayi he tanà. Nekeuma zan su edezeetan dan heini he tanà wey is menge netaǥù kayi–is menge inged wey is langun he menge meǥinged kayi.’ ”
19606	JER 25:3	Seled te 23 he tuig–puun te ike-13 he tuig te kedhadì ni Josia ziyà te Juda, he anak ni Amon ne taman en guntaan is kebpekidlalag te Nengazen kedì. Ne edtulungan ku en edtudtula ziyà te keniyu is menge lalag din, piru wazè kew iyan mebpemineg.
19629	JER 25:26	is menge lugar ziyà te zizaya, meziyù etawa uvey–is langun he ginhedian kayi te kelibutan. Ne is huziyan he ibpeinum ku iyan is diyà te Babilonia.
19772	JER 31:12	Edhendiyè dan te Buvungan he Zion ne ed-ugyab sikandan tenged te kegkelipey. Egkelipey zan tenged te menge keupiyaanan he ibeǥey ku kandan–he iyan is uzar he trigu, binu, lana, wey menge uyaǥen. Egkeiring sikandan te pemuleey he layun ebinyaǥi, ne kenè dan en egkeseeng.
19782	JER 31:22	Keenu kew pe bes edlikù kayi te kedì, is menge anak ku he nengetazin. Ebaal a te veǥu kayi te kelibutan–iring te is bahi iyan en maan pengalang te maama.”
19832	JER 32:32	Midhimu te menge etew ziyà te Israel wey Juda he mepauk a tenged te mezaat he menge vaal zan. Pudu sikandan–is menge hadì dan wey menge upisyal zan, is menge memumuhat dan, is menge ebpeneuven, wey is langun he menge etew ziyà te Juda wey Jerusalem.
20036	JER 41:10	Mibihag ni Ishmael is nesamà he menge etew ziyà te Mizpa–is menge anak he vahi ni hadì Zedekia wey is menge etew he insarig ni Nebuzaradan ki Gedalia wey zin meetiman. Ne midlikù si Ishmael ziyà te Ammon duma te menge vihag din.
20086	JER 44:7	“Umbe siak, is Nengazen he Megbevayà he Mekeǥeǥehem, he Megbevayà te Israel mid-insà te: Maan is midezeetan niw is keugelingen niw? Egkesuat kew ve he maamin is menge etew te Juda–is menge maama, is menge vahi, is menge vatà, wey is menge edsusu pa?
20345	JER 51:64	Ne kaǥi ka te, ‘Iring keniyan is egkeulaula te Babilonia–idlegdang heini ne kenè en ebpekelepew tenged te kedezeeti kayi te Nengazen. Egkeǥerà is menge etew kayi.’ ” Kayi mepasad is menge lalag ni Jeremias.
20389	LAM 1:10	Mibpenguwa te kuntada is langun he ketiǥeyunan din. Neehè din he midseled diyà te valey te Nengazen is kenà menge Israilihanen–heini he menge etew, kenà edtuǥutan te Nengazen te kedseled diyà te baley zin.
20484	LAM 3:61	He Nengazen, nezineg nu is ked-insultuwi zan kedì. Netuenan nu is langun he pelanu zan he idezaat kedì–
20922	EZK 18:4	Pemineǥa niw heini! Is langun he untung ne kedì–is untung te menge ǥinikanan wey is untung te menge vatà. Iyan dà ebpatey tenged te rimeǥas te salà sikan is etew he nekesalà.
20970	EZK 20:6	Ne zutun daan he timpu nenangdù a he ibpeǥawas ku sikandan puun te Ehipto ne ed-uwiten ku sikandan diyà te tanà he mibpilì ku para kandan–meupiya wey selebpeten he tanà, kineupiyahan te langun he tanà.
21161	EZK 25:9	Umbe, iyan a metau he surunga is menge inged diyà te dulunà te Moab, ragkes en is lavew he menge inged dan iring te Bet Jeshimot, Baal Meon, wey Kiriataim–kes menge inged he ebentuǥen dan.
21266	EZK 29:14	Idlikù ku sikandan diyà te Patros he divavà he vahin te Ehipto, he iyan kes tanà he mibpuunan dan. Ne zutun egkehimu zà sikandan he mevavà is kebpekesavuk din he ginhedian–
21363	EZK 33:14	Ne emun egkeǥiyan ku is lalung he etew he siguradu he ebpatey sikandin, piru mibpezumdumahan din is sambag kandin ne mid-engkezan din is mezaat he menge vaal zin ne mibaal te hustu wey metazeng–
21547	EZK 40:1	Dutun te ikesepulù he andew te nehuna he vulan, dutun te ike-25 he tuig te kegkevihaǥa kenami–he iyan ike-14 he tuig te kegkezeeti te Jerusalem–midumala a te Nengazen, ne zuen mibpelewasan din kediey. Dutun te kebpekelawas ku, mid-uwit e zin diyà te utew metikang he vuvungan te Israel. Ne kebpantew ku ziyà te egkezivavà, duen neehè ku he menge bilding he henduen be te inged.
21966	DAN 5:23	mid-isip nu he lavew ka te Nengazen diyà te langit. Impekuwa nu is menge inumà he puun diyà te valey te Megbevayà ne mid-inuman nu heini zuma te menge meǥeliyug nu he memetikang is ked-etew, menge esawa nu he lavew, wey is menge esawa nu he kenè lavew. Ne liyu keniyan, mid-azap nu is menge ledawan he ed-ezapen he pelata, bulawan, brunsi, putew, kayu, wey vatu–menge ed-ezapen he kenà ebpekaahà, kenà ebpekezineg, wey kenà ebpekesavut. Piru wazè nu mulà deliǥa is Megbevayà he iyan migawed te untung nu wey iyan ebayàbayà ke hengkey is egketemanan nu.
22794	NAM 3:13	Tengtengi niw man is menge sundaru niw–meluya he iring te menge vahi! Is menge trangka te pultahan te inged niw ne nengetutung en, umbe melemu zà heini he edselezan te menge kuntada niw.
22858	ZEP 1:2	Migkaǥi is Nengazen te, “Ebpurungan ku edezeeti is langun he ziyà te tanà–