44	GEN 2:13	Is ngazan dutun te ikezuwa he wahig ne Gihon. Diyà heini edtudà te tivuuk he tanà he Cush.
237	GEN 10:2	Iyan heini menge anak ni Jafet he menge maama: si Gomer, Magog, Madai, Javan, Tubal, Meshec, wey si Tiras.
238	GEN 10:3	Is menge kevuwazan ni Gomer ne iyan si Ashkenaz, Rifat, wey Togarma.
251	GEN 10:16	Kepuun daan si Canaan te menge Jebusihanen, menge Amorihanen, menge Girgasihanen,
254	GEN 10:19	Is dulunà te menge tanè dan diyà te zivavà, puun te Sidon pehendiyà te Gerar ne nekeuma heini ziyà te Gasa. Is dulunà diyà te edsilaan nekeuma ziyà te Sodom, Gomora, Adma, wey Zeboyim taman te Lasha.
258	GEN 10:23	Is menge anak ni Aram iyan si Uz, si Hul, si Geter, wey si Meshec.
329	GEN 13:10	Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)
338	GEN 14:1	Ne iyan haazà timpu he iyan si Hadì Amrafel he hadì te Shinar, si Hadì Arioc he hadì te Elasar, si Hadì Kedorlaomer he hadì te Elam, wey si Hadì Tidal he hadì te Goyim.
339	GEN 14:2	Heini is menge hadì, ne midtebek dan ki Hadì Bera he hadì te Sodom, ki Hadì Birsha he hadì te Gomora, ki Hadì Shinab he hadì te Adma, ki Hadì Shemeber he hadì te Zeboyim, wey te hadì te Bela he iyan daan inged he Zoar.
345	GEN 14:8	Ne zutun is menge hadì te Sodom, Gomora, Adma, Zeboyim, wey is hadì te Bela, midtiǥum dan is menge sundaru zan diyà te Suǥud he Sidim
346	GEN 14:9	ne nekidtebek dan ki Hadì Kedorlaomer he hadì te Elam, ki Hadì Tidal he hadì te Goyim, ki Hadì Amrafel he hadì te Shinar, wey ki Hadì Arioc he hadì te Elasar. Heepat he hadì is edtebeken te lelima.
347	GEN 14:10	Ne haazà is Suǥud he Sidim, mezakel is menge vudsi zutun he nepenù te merumiket he espaltu. Ne nengezaag is menge sundaru te hadì te Sodom wey Gomora, ne hein mibpelaǥuy zan, nengeulug is duma kandan diyà te menge vudsi, is duma, ne mibpelaǥuy zan diyà te menge vuvungan.
348	GEN 14:11	Ne zutun mibpenavan te heepat he hadì is langun he menge azen wey egkeenen te menge meǥinged te Sodom wey Gomora, ne midhipanew zan.
364	GEN 15:3	Ne impelaus pa ni Abram is egkeǥiyen din, ne ke sikandin te, “Geina te wazè nu himuwa he mevuwad a, iyan ebpekepengevilin te menge azen ku is suluǥuen ku zà.”
382	GEN 15:21	menge Amorihanen, menge tig-Canaan, menge Girgasihanen, wey menge Jebusihanen.”
431	GEN 18:6	Ne zutun migaanggaan si Abraham ne midhendiyà te ki Sara he ziyà te tulda ne ke sikandin te, “Ganggaang ka, kuwa ka te menge pitu he ǥantang he herina wey vaal ka te supas.”
445	GEN 18:20	Ne migkaǥi zutun is Nengazen diyà te ki Abraham te, “Utew kun mezaat is menge ulaula te menge tig-Sodom wey menge tig-Gomora wey utew kun meveǥat is menge salè dan.
473	GEN 19:15	Ne hein egkeriwaswas en, impeǥaangaan en si Lot dutun te zezuwa he velinsuǥuen he med-awè dan en dutun te inged, ke sikandan te, “Gaanggaan ka! Genat ke en, dumaha nu is esawa nu wey is menge anak nu he raǥa, su kela ke mekeragkes kew kayi te kedlimasa kayi te inged, tenged te utew meremerik he ulaula te menge etew kayi.”
482	GEN 19:24	Segugunà mibpeuzan is Nengazen te egkeregreg he esupri ziyà te inged he Sodom wey Gomora.
486	GEN 19:28	Ne mibpememantew sikandin diyà te Sodom wey Gomora wey ziyà te tivuuk he suǥud. Ne neehè din is dekelà he evel he ebpuun dutun te tanà he iring te evel te selsalan.
492	GEN 19:34	Ne hein nepawà, migkaǥi haazà is kakey ziyà te hazi zin te, “Geina te mezukilem, iyan a midhulid ki amà. Kengkuwan te mezukilem edlenguten te en maan sikandin, ne iyan kad maan hulid kandin su wey zuen te zed kevuwazan pinaaǥi te amey ta.”
497	GEN 20:1	Ne zutun midlaus medhipanew ensi Abraham ne midhendiyè dan te tanà he Negev. Ne ziyè dan med-ubpà te pid-elangan te inged he Kadesh wey Shur. Ne hein neuǥet midhalin si Abraham diyà te inged he Gerar.
498	GEN 20:2	Hein dutun dan en, ne migkeǥiyan din is menge etew he etevey zin si Sara. Umbe impaangey ni Hadì Abimelec he hadì te Gerar si Sara su ed-esewaan din.
572	GEN 22:24	Duen pa menge anak ni Nahor ziyà te sevaha he esawa zin he si Reuma. Iyan ensi Tiba, Gaham, Tahash wey si Maaca.
635	GEN 24:43	Guntaan, dini a edhithitindeg te uvey kayi te kalut. Emun duen ebpekeuma he raǥa he edhendini te kedsekezu, ne ebuyù a te zeisey zà he wahig duen te umuy zin.
694	GEN 26:1	Ne mid-aǥi en is bitil zutun te lugar he mid-ubpaan ni Isaac, kenà haazà kes bitil te kaazen pa ni Abraham. Midhendiyà si Isaac te ki Abimelec, sikan is hadì te menge Filistihanen he ziyà te inged he Gerar.
699	GEN 26:6	Umbe ziyà med-ubpà si Isaac te Gerar.
700	GEN 26:7	Mekempet si Rebeka, umbe emun ebpenginsà haazà is menge tig-Gerar ziyà te ki Isaac mehitenged te esawa zin, ne edtevaken din te etevey zin si Rebeka. Egkahandek sikandin he egkaǥi he esawa zin, su kela ke himetayi zan sikandin para maaǥew zan si Rebeka.
701	GEN 26:8	Malù en neuǥet is ked-ubpà eni Isaac diyà te Gerar. Sevaha he andew zutun, neserengà he midsinulew ziyà te bintanà si Abimelec he hadì te menge Filistihanen, ne neehè din he ebpekepkepà si Isaac wey si Rebeka.
710	GEN 26:17	Umbe mid-awè en dutun si Isaac, ne ziyà medhalin te zal-ug te Gerar ne midtutulda sikandin ne ziyà med-ubpà.
713	GEN 26:20	Piru mibpekidtebek is menge bekidu he tig-Gerar te menge bekidu ni Isaac su kandan kun haazà he kalut. Umbe migngezanan haazà ni Isaac he kalut te Esek, he ke và dà egkeǥiya, “Tebek,” tenged te mibpekidtebek is menge tig-Gerar kandin.
714	GEN 26:21	Ne mid-uman mebangbang is menge suluǥuen din te selakew en he kalut, piru midtebekaayan dan ded haazà te menge tig-Gerar. Umbe migngezanan ni Isaac haazà he kelut te Sitna, he ke và dà egkeǥiya, “Tebekaayaan.”
719	GEN 26:26	Midhendiyà si Hadì Abimelec he ebpuun te Gerar ne miduma zin is sumesambag din he si Ahuzat wey sikan is egalen te menge sundaru zin he si Picol.
741	GEN 27:13	Midtavak si Rebeka te, “Mama, kediey en he televaken emun edrewakan ke zin. Beeli nu is ebpeelan ku kenikew. Genat ke en ne kuwai a te menge kambing.”
783	GEN 28:9	Ne zutun midhendiyà sikandin te anggam din he si Ishmael he anak ni Abraham diyà te ki Hagar. Gawas dutun te zezuwa he esawa zin, mid-esawa zin daan si Mahalat he anak ni Ishmael wey etevey ni Nebayot.
800	GEN 29:4	Ne mid-insaan ni Jacob haazà is menge bekidu te kerehidu te, “Geli, hendei kew ebpuun?” Midtavak sikandan te, “Tig-Haran key.”
842	GEN 30:11	Migkaǥi si Lea te, “Utew meupiya is palad ku!” Umbe migngezanan din haazà is batà ki Gad.
895	GEN 31:21	Ne zutun te kegenat eni Jacob, mid-uwit din is langun he keleglaǥan din. Midrapas dan te Wahig he Eufrates ne ziyè dan medtandang te menge vuvungan te Gilead.
897	GEN 31:23	Ne zutun midtiǥum din is menge kezuzumahi zin ne midal-as dan. Ne hein ikepitu en he andew te kedal-as dan, ne neseutan dan si Jacob diyà te menge vuvungan te Gilead.
899	GEN 31:25	Mibpehitindeg si Jacob te tulda zin diyà te menge vuvungan te Gilead dutun te kegkeumahi kandin ni Laban. Ne zutun daan mebpehitindeg si Laban wey is menge zuma zin te menge tulda zan.
911	GEN 31:37	Guntaan te nesusi nu en is langun he azen ku, emun duen azen nu he neehè nu, isavuk nu kayi te etuvangan te menge kezuzumahi ku wey te menge kezuzumahi nu, para meehè dan, ne iyan en sikandan metau ke hengkey is kandan he kukuman para kenita.
921	GEN 31:47	Migngezanan haazà ni Laban is intambù he menge vatu te Jegar Sahaduta. Piru migngezanan heini ni Jacob te Galeed. Diyà te Hebreo, he ke và dà egkeǥiya, “Intambù he Ebpeketistiǥus.”
922	GEN 31:48	Migkaǥi si Laban te, “Heini is intambù he menge vatu, ne iyan ebpenistiǥus te kebpeked-uyun ta te dezuwa.” Iyan heeyan mibpuunan ke maan is migngezanan haazà is intambù he menge vatu te Galeed.
1038	GEN 35:26	Is menge anak din diyà te ki Zilpa, sikan is suluǥuen ni Lea he vahi, ne iyan si Gad wey si Asher. Iyan heini sikandan langun menge anak ni Jacob he maama he in-anak diyà te inged he Padan Aram.
1052	GEN 36:11	Is menge anak ni Elifaz he menge maama ne iyan ensi Teman, Omar, Zefo, Gatam, wey Kenaz.
1057	GEN 36:16	si Kora, si Gatam, wey si Amalek. Heini sikandan menge pengulu ziyà te lugar he Edom, menge anak sikandan ni Elifaz wey menge apù ni Ada.
1109	GEN 37:25	Ne te egkaan sikandan, ne zuen dan nepantew he ebpemelingguma he nigusyanti he menge Ismailihanen he ebpuun diyà te Gilead. Duen menge kemilyu zan he migkergahan dan te menge penaket, bawì, wey menge perehemut he ed-uwiten dan diyà te Ehipto.
1181	GEN 40:8	Ne midtavak dan te, “Geina te neketeǥeinep key, iyan, wazà ebpekeseysey ke hengkey is kehuluǥan duen te teǥeinep dey.” Ne migkaǥi zutun si Jose te, “Megbevayè dà is ebpekepezayag kenitew te kehuluǥan te menge teǥeinep. Keǥiya niw kun kediey is teǥeinep niw.”
1235	GEN 41:39	Ne migkeǥiyan din si Jose te, “Geina te iyan ka kes mibpezayaǥan te Megbevayà te langun kayi, nesavut dey he wazà duma pa he etew he metau wey zuen din kedsavut he iring kenikew.
1247	GEN 41:51	Is kakey he anak ni Jose, ne migngezanan din ki Manase su ke sikandin te, “Geina te midhimu te Megbevayà he melipati ku is langun he menge keseengan ku wey is kebulunga ku te amey ku wey menge kezuzumahi ku.”
1298	GEN 43:7	Ne midtavak dan te, “Geina te mibpeniguduwan key zin insai mehitenged te pemilya tew. Ke sikandin te, ‘Uuyag pe be is amey niw? Duen niw pe be hazi?’ Umbe intug-an dey su wazè dey isipa he egkeǥiyen din he kinahanglan he edumahan dey pa is hazi zey ziyà te Ehipto.”
1329	GEN 44:4	Ne hein kenè pa utew meziyù is imbayè dan migkaǥi si Jose ziyà te suluǥuen din te, “Gègaani nu telukuni haazà is menge etew ne emun egkesaut nu, keǥiyi nu sikandan te, ‘Maan is utew mezaat is imbales niw te ǥaǥew te egalen ku?
1369	GEN 45:10	Keǥiyi niw sikandin he egkehimu he ebpekeubpà sikandin diyà te inged he Goshen duma te menge anak din wey menge apù din, menge uyaǥen, wey is langun he menge azen din, para uvey zà sikandin kayi te kedì.
1370	GEN 45:11	Ne emun diyè en sikandin te Goshen, ne ed-elimahan ku sikandin su zuen pa lelima he tuig he vitil he ebpeebuten. Kenè ku egkesuatan he egkeumes sikandin wey is menge pemilya zin ragkes is menge uyaǥen din.”
1371	GEN 45:12	Ne impelaus ni Jose is menge lalag din te, “Guntaan, wazè en mekeeles keniyu, wey te suled ku he si Benjamin he tutuu iyan he iyan a si Jose is ebpekidlalag keniyu.
1398	GEN 46:11	Is menge anak he maama ni Levi ne iyan si Gershon, si Kohat, wey si Merari.
1403	GEN 46:16	Is menge anak he maama ni Gad ne iyan si Zefon, si Hagi, si Shuni, si Ezbon, si Eri, si Arodi, wey si Areli.
1408	GEN 46:21	Is menge anak he maama ni Benjamin ne iyan si Bela, si Beker, si Ashbel, si Gera, si Naaman, si Ehi, si Rosh, si Mupim, si Hupim, wey si Ard.
1411	GEN 46:24	Is menge anak he maama ni Naftali ne iyan si Jaziel, si Guni, si Jezer, wey si Shilem.
1415	GEN 46:28	Si Jacob, ne impehuna zin si Juda ziyà te ki Jose su wey ikepenurù kandin is ibayà pehendiyà te tanà he Goshen. Ne hein nekeume en ensi Jacob diyà te tanà he Goshen,
1416	GEN 46:29	impaandam ni Jose is kerwahi zin, ne mid-untud sikandin su egenat te kedtelavuk te amey zin diyà te Goshen. Ne hein nekeuma si Jose migkepkepan din is amey zin ne utew neuǥet is kedsineǥew zin.
1421	GEN 46:34	kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”
1422	GEN 47:1	Ne midhendiyà si Jose te hadì te Ehipto ne ke sikandin te, “Nemekeume en is amey ku wey menge suled ku he ebpuun te tanà he Canaan, ne uwiten dan is langun he menge azen dan wey menge uyaǥen dan, ne ziyè dan en te Goshen.”
1425	GEN 47:4	Ne migkaǥi zan daan te, “Midhendini key su zini key zèpa ed-ubpà su utew gerabi he vitil ziyà te Canaan, ne wazè en egkepenebtavan te menge uyaǥen dey. Pekelalaglalag ka he tuǥuti key he mekeubpè key ziyà te Goshen.”
1426	GEN 47:5	Ne migkaǥi haazà is hadì diyà te ki Jose te, “Guntaan te nekeuma en is amey nu wey menge suled nu,
1427	GEN 47:6	egkehimu he ebpekeubpà is pemilya nu kayi te Ehipto. Diyè nu ipeubpà sikandan te Goshen, he sevaha te meupiya he tanà te Ehipto. Emun duen nu netuenan kandan he egkeseriǥan, himuwa nu sikandan he menge bekidu te menge uyaǥen ku.”
1444	GEN 47:23	Ne zuen migkaǥi ni Jose ziyà te menge etew, ke sikandin te, “Guntaan te nepemasa ku en sikiyu wey is menge tanè niw he para te hadì, ebeǥayan ku sikiyu te venì wey kew mekepemula.
1448	GEN 47:27	Is menge kevuwazan ni Israel, ne ziyè dan med-ubpà te tanà he Goshen he sakup te Ehipto. Nekaangken sikandan te menge tanà dutun ne mibmezakel zan utew.
1493	GEN 49:19	Ne impelaus ni Jacob is egkeǥiyen din, ke sikandin te, “Sikew Gad, edsurungen ka te grupu te menge tulisan, piru edel-asen nu sikandan dutun te kebpelaǥuy zan, ne ebelesan nu sikandan.
1498	GEN 49:24	piru edsiguduwan nu zaan sikandan ebpenaa. Ne kenà egkeewaan te zesen is beklawan nu, tenged te tavang te Gemhanan he Megbevayè ku he ebantey wey eputà he vatu te Israel.
1500	GEN 49:26	Guntaan, utew pa mezakel is menge ibpenuvadtuvad ku; lavew pa te meupiya he menge vuvungan he utew uuzaran. Berakat he mezawat nu heini he menge penuvadtuvad, Jose–iyan ka lavew te menge suled nu.
1515	GEN 50:8	Ne miduma zaan is langun he menge sakup ni Jose, is menge suled din wey is menge sakup te amey zin. Ne iyan dà nesamà diyà te Goshen is menge anak dan wey is menge uyaǥen dan.
1537	EXO 1:4	si Dan, si Naftali, si Gad, wey si Asher.
1577	EXO 2:22	Ne mid-anak si Zipora te maama, ne haazà migngezanan ni Moises te Gershom, su ke sikandin te, “Lumelengyawà a kayi he inged.”
1596	EXO 3:16	“Genat ke en ne tiǥuma nu is menge edumala te menge kevuwazan ni Israel ne keǥiyi nu sikandan te, ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob mibpaahà kediey, ne migkeǥiyan e zin te: Ebpurungan kew zin ebentayi, ne egkeehè din is ed-ulaula keniyu te menge Ehiptohanen.
1616	EXO 4:14	Dutun nepeukan si Moises te Nengazen ne migkaǥi te, “Iyan nasì is kakey nu he si Aaron he kevuwazan daan ni Levi. Netuenan ku he metau mulà sikandin he ebpengaǥikaǥi. Guntaan kemulu en sikandin edhipanew te kedsinuǥung kenikew, ne ibmeupiya te ǥehinawa zin is kegkaahaa zin kenikew.
1667	EXO 6:11	“Genat ka, ne keǥiyi nu is Faraon he hadì te Ehipto he tuǥuti zin en is menge Israilihanen he egawas te nasyun din.”
1672	EXO 6:16	Sumalà is insurat he keguǥuza iyan heini menge ngazan te menge maama he menge anak ni Levi: si Gershon, si Kohat, wey si Merari. Is keluǥayad te untung ni Levi 137 he tuig.
1673	EXO 6:17	Is menge anak he maama ni Gershon iyan si Libni wey si Shimei.
1733	EXO 8:18	Iyan, emun egkehitavù en haazà ne kenà mulà egkehitavù diyà te tanà he Goshen, he iyan ed-ubpaan te menge etew ku; kenà mulà edhendiyà te kandan is menge dezeizey he keranapranap he ebpezumdumahà, su para metueni niw he siak, is Nengazen, dutun a he lugar.
1736	EXO 8:21	Ne mibpesuǥuan te hadì si Moises wey si Aaron ne ke sikandin diyà te kandan te, “Genat kew en, pemuhata niw is Megbevayà, piru kayi kew zà te seled te Ehipto.”
1769	EXO 9:26	Iyan dà wazà duen giyew is tanà he Goshen he zutun ed-ubpà is menge Israilihanen.
1770	EXO 9:27	Ne mibpesuǥuan te hadì si Moises wey si Aaron. Ne ke sikandin diyà te kandan te, “Guntaan netuenan ku en he nekesalà a; netuenan ku he ebpekevenar is Nengazen ne iyan a nesayep wey is menge etew ku.
1802	EXO 10:24	Ne mibpesuǥuan te hadì si Moises ne migkeǥiyan din te, “Genat kew en! Ezapa niw en is Nengazen, su elin ku en ibpezuma keniyu is menge pemilya niw, iyan dà itaǥak niw is menge uyaǥen niw.”
1815	EXO 11:8	Ne is langun kayi te menge upisyal nu edhendiyà te kedì, ne edluhud dan diyà te etuvangan ku is egkaǥi te, ‘Genat ke en wey is langun he edsunud kenikew!’ Ne emun egkeuleule en heini ne egenat e en.” Ne zutun nepauk si Moises ne mid-ewaan din haazà is hadì.
1848	EXO 12:31	Dutun he kezukileman, mibpesuǥuan te hadì si Moises wey si Aaron ne ke sikandin diyà te kandan te, “Sigi, genat kew en! Ewai niw en heini is nasyun ku. Genat kew en wey niw maazap is Nengazen, su iyan heeyan edtulungan niw edhengyua.
2002	EXO 18:2	Hein aney, impeulì ni Moises is esawa zin he si Sipora wey sikan is dezuwa he anak dan he menge maama ziyà te ki Jetro he enuǥang din. Is ngazan te sevaha he anak dan iyan si Gershom, su ǥeina te in-anak sikandin te timpu te kegkelumelengyawà ni Moises.
2011	EXO 18:11	Guntaan, netuenan ku en he utew lavew he gemhanan is Nengazen kenà te langun he ed-ezapen, su midlibri zin is menge Israilihanen te kedèdaaǥa kandan te menge Ehiptohanen.”
2015	EXO 18:15	Ne midtavak si Moises te, “Geina te ed-uvey sikandan kayi te kediey su id-insè dan ke hengkey is egkesutan te Megbevayà.
2399	EXO 30:16	Gemita niw heini he selapì para te ked-etiman duen te Tulda he Edtelevukaayan. Iyan heini lugbak para te untung niw, su wey ku kenà melemlemuwi is ked-ipat keniyu.”
2446	EXO 32:7	Ne migkeǥiyan si Moises te Nengazen te, “Gègaani nu tupangi sikan is menge etew he mibpenguluwan nu te kegawas diyà te Ehipto su nekevaal zan te mezaat.
2468	EXO 32:29	Migkaǥi si Moises diyà te menge Levihanen te, “Guntaan he andew insivey kew te Nengazen he menge memumuhat din, su mibpenhimetayan niw minsan is menge anak niw wey menge suled niw. Umbe edtuvazan kew zin guntaan he andew.”
3318	LEV 19:36	Gemita niw is hustu he timbangan, tekesà, wey sukud. Iyan a kes Nengazen he Megbevayè niw he mibpeǥawas keniyu ziyà te Ehipto. Tumana niw is langun he menge sulunuzen he ibpesunud ku wey menge suǥù ku.
3599	LEV 27:28	Kenà egkehimu he ibelegyà etawa edlekaten is minsan hengkey he azen he kenè en duwazuwa is kedhelaza zuen diyà te Nengazen, etew man etawa uyaǥen etawa tanà he nepengevilin. Gaked en heini he Nengazen.
3610	NUM 1:5	Iyan heini menge pengulu te kada tribu he ebpekeuǥup keniyu: Ngazan te Tribu; Ngazan te Pengulu Reuben; Elizur he anak ni Shedeur Simeon; Shelumiel he anak ni Zurishadai Juda; Nashon he anak ni Aminadab Isacar; Netanel he anak ni Zuar Zebulun; Eliab he anak ni Helon Efraim he anak ni Jose; Elishama he anak ni Amihud Manase he anak ni Jose; Gamaliel he anak ni Pedazur Benjamin; Abidan he anak ni Gideoni Dan; Ahiezer he anak ni Amishadai Asher; Pagiel he anak ni Ocran Gad; Eliasaf he anak ni Deuel Naftali; Ahira he anak ni Enan