42	GEN 2:11	Is ngazan te nehuna he wahig ne Pishon. Iyan haazà sikan is wahig he ziyà edtudà te tivuuk he tanà he Havila he zutun duen egkaahà he vulawan.
65	GEN 3:9	Ne mid-umew te Nengazen he Megbevayà sikan is maama he ke sikandin te, “Hendei ka?”
67	GEN 3:11	Ne migkaǥi is Nengazen he Megbevayà te, “Hentei is migkaǥi kenikew he lelevas ka? Migkaan ke ve zuen te veǥas te kayu he indawey ku keniyu?”
68	GEN 3:12	Ne midtavak is maama te, “Haazà is bahi he impezuma nu kediey, mibeǥayan e zin ne migkaan a.”
69	GEN 3:13	Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”
89	GEN 4:9	Ne mid-insaan te Nengazen si Cain te, “Hendei is hazi nu he si Abel?” Ne midtavak si Cain te, “Hanew ta. Bantey e ve te hazi ku?”
103	GEN 4:23	Ne zutun he andew migkaǥi si Lamec diyà te menge esawa zin te, “He Ada wey Zila, pemineg kew te egkeǥiyen ku. Midhimetayan ku is kengkenakan he midrasey wey mibpalì kedì.
109	GEN 5:3	Hein 130 en is penuiǥen ni Adan nevuwad sikandin te maama he utew midsempù kandin ne migngezanan din ki Set.
112	GEN 5:6	Hein 105 en is penuiǥen ni Set nevuwad sikandin ki Enosh.
115	GEN 5:9	Hein 90 en is penuiǥen ni Enosh nevuwad sikandin ki Kenan.
118	GEN 5:12	Hein 70 en is penuiǥen ni Kenan nevuwad sikandin ki Mahalalel.
121	GEN 5:15	Hein 65 en is penuiǥen ni Mahalalel nevuwad sikandin ki Jared.
124	GEN 5:18	Hein 162 en is penuiǥen ni Jared nevuwad sikandin ki Enoc.
127	GEN 5:21	Hein 65 en is penuiǥen ni Enoc nevuwad sikandin ki Metusela.
131	GEN 5:25	Hein 187 en is penuiǥen ni Metusela nevuwad sikandin ki Lamec.
134	GEN 5:28	Hein 182 en is penuiǥen ni Lamec nevuwad sikandin te maama.
138	GEN 5:32	Hein 500 en is penuiǥen ni Noe nevuwad sikandin ki Shem, ki Ham, wey ki Jafet.
141	GEN 6:3	Ne migkaǥi zutun is Nengazen te, “Haaza is gehinawa ku he imbeǥey ku ziyà te menusiyà, kenè ku idtuǥut he wazà pidtemanan te kedtuvey zin diyà te kandan, su menge etew zà duen sikandan. Ne tenged dutun, edhimuwen ku he puun guntaan, iyan kelugayad te untung din is 120 dà he tuig.”
148	GEN 6:10	Tetelu is anak din he maama: si Shem, si Ham, wey si Jafet.
173	GEN 7:13	Ne zutun te andew he mibpuun en is uzan, si Noe wey is esawa zin, duma te menge anak din he si Shem, si Ham, wey si Jafet wey is menge esawa zan, midseled dan dutun te arka.
198	GEN 8:14	Hein iyan en ike-27 he andew zutun te ikezuwa he vulan, nemezahan en is tivuuk he kelibutan.
224	GEN 9:18	Is menge anak ni Noe he migawas dutun te arka ne iyan si Shem, si Ham, wey si Jafet. (Nehimu si Ham he amey ni Canaan.)
228	GEN 9:22	Si Ham (is amey ni Canaan), mid-ehè din is amey zin he nelevasan ne midtudtulan din is menge kakey zin he ziyè pa te ǥawas te valey.
236	GEN 10:1	Si Shem, si Ham, wey si Jafet, iyan heini guǥud te menge kevuwazan dan he impenganak dutun te timpu hein neipus en is kedlapey te zaǥat.
241	GEN 10:6	Is menge anak ni Ham he menge maama: si Cush, Mizraim, Put, wey si Canaan.
242	GEN 10:7	Si Cush ne zuen din menge anak he iyan heini si Sheba, Havila, Sabta, Raama, wey si Sabteca. Ne iyan heini menge anak ni Raama, si Sheba wey si Dedan.
250	GEN 10:15	Si Canaan iyan amey ni Sidon wey ni Het. Ne iyan kakey si Sidon.
252	GEN 10:17	menge Hivihanen, menge Erekihanen, menge Sinihanen,
253	GEN 10:18	menge Arbedihanen, menge Simarihanen, wey menge Hamatihanen. Hein neuǥet, nekedsisivey is menge kepuun he menge kevuwazan ni Canaan.
255	GEN 10:20	Iyan heini menge kevuwazan ni Ham. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.
258	GEN 10:23	Is menge anak ni Aram iyan si Uz, si Hul, si Geter, wey si Meshec.
261	GEN 10:26	Si Joktan ne iyan amey ni Almodad, Shelef, Hazarmavet, Jera,
262	GEN 10:27	Hadoram, Uzal, Dikla,
264	GEN 10:29	Ofir, Havila, wey Jobab. Heini is langun, ne menge anak ni Joktan.
267	GEN 10:32	Iyan heini menge kevuwazan te menge anak ni Noe. Heini sikandan ne nekedsisivey zan te neubpaan he menge nasyun. Tenged kandan, netukud is menge nasyun kayi te tivuuk he kelibutan hein neiwas is kedlapey te zaǥat.
273	GEN 11:6	Migkaǥi sikandin te, “Heini he menge etew, nesevaha zan wey sevaha zà is kineǥiyan dan. Ne heini is mibeelan dan ne puunè pa heini. Kenà egkeuǥet ne ebeelan dan is minsan hengkey he egkesuatan dan.
277	GEN 11:10	Iyan heini guǥud mehitenged te pemilya ni Shem. Hein menge dezuwe en he tuig puun dutun te timpu te kegkeiwas en te kedlapey te zaǥat, 100 en is penuiǥen ni Shem, ne zutun nevuwad sikandin ki Arfaxad.
279	GEN 11:12	Hein 105 en is penuiǥen ni Arfaxad nevuwad sikandin ki Shela.
281	GEN 11:14	Hein 30 en is penuiǥen Shela ne nevuwad sikandin ki Eber.
283	GEN 11:16	Hein 34 en is penuiǥen ni Eber ne nevuwad sikandin ki Peleg.
285	GEN 11:18	Hein 30 en is penuiǥen ni Peleg ne nevuwad sikandin ki Reu.
287	GEN 11:20	Hein 32 en is penuiǥen ni Reu ne nevuwad sikandin ki Serug.
289	GEN 11:22	Hein 30 en is penuiǥen ni Serug ne nevuwad sikandin ki Nahor.
291	GEN 11:24	Hein 29 en is penuiǥen Nahor ne nevuwad sikandin ki Tera.
293	GEN 11:26	Hein 70 is penuiǥen ni Tera ne nevuwad sikandin ki Abram, Nahor, wey si Haran.
294	GEN 11:27	Iyan heini guǥud mehitenged te pemilya ni Tera. Si Tera, iyan amey eni Abram, si Nahor, wey si Haran. Ne si Haran, ne nevuwad sikandin ki Lot.
295	GEN 11:28	Ne hein kemulu pa uuyag si Tera minatey is anak din he si Haran diyà te Ur he iyan inged dan te menge Kildiyanhen he zutun si Haran ianak.
296	GEN 11:29	Ne mibpengesawa si Abram wey si Nahor. Iyan esawa ni Abram si Sarai, ne iyan esawa ni Nahor si Milca. Anak si Milca ni Haran te amey zaan ni Isca.
298	GEN 11:31	Ne midumahan ni Tera is anak din he si Abram, is ambey zin he si Sarai, wey is apù din he si Lot he anak ni Haran, ne mid-awè dan diyà te Ur he sakup te inged te menge Kildiyanhen su edhendiyè dan pezem te Canaan. Piru hein nekeuma zan diyà te inged he Haran, diyè dan dà med-ubpà.
299	GEN 11:32	Ne ziyà en mebpatey si Tera te Haran hein mibpenuiǥen sikandin te 205 he tuig.
303	GEN 12:4	Ne zutun, migenat si Abram sumalà is insuǥù kandin te Nengazen ne miduma zaan si Lot. Menge 75 is penuiǥen ni Abram dutun te timpu te ked-awè din dutun te Haran. Miduma zin is esawa zin he si Sarai wey is enaken din he si Lot. Elin daan miduma zin is langun he menge etew he nengesakup dan hein diyè dan pa te Haran. Ne mid-uwit dan daan is langun he menge azen dan. Midhipanew sikandan pehendiyà te tanà he Canaan.
306	GEN 12:7	Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.
318	GEN 12:19	Migkaǥi nu he etevey nu, ne migkuwa ku sikandin, su mid-esawa ku. Heini zed is esawa nu. Kuwaa nu ne awè kew kayi!”
337	GEN 13:18	Ne zutun inhalin ni Abram is tulda zin, ne ziyà sikandin med-ubpà te uvey te menge kayu he ulayan ni Mamre he ziyà te Hebron, ne mibaal sikandin te pemuhatà para te Nengazen.
338	GEN 14:1	Ne iyan haazà timpu he iyan si Hadì Amrafel he hadì te Shinar, si Hadì Arioc he hadì te Elasar, si Hadì Kedorlaomer he hadì te Elam, wey si Hadì Tidal he hadì te Goyim.
339	GEN 14:2	Heini is menge hadì, ne midtebek dan ki Hadì Bera he hadì te Sodom, ki Hadì Birsha he hadì te Gomora, ki Hadì Shinab he hadì te Adma, ki Hadì Shemeber he hadì te Zeboyim, wey te hadì te Bela he iyan daan inged he Zoar.
340	GEN 14:3	Heini is lelima he hadì, ne midsevaha zan is menge sundaru zan diyà te Suǥud he Sidim he iyan guntaan sikan is Daǥat he Minatey.
342	GEN 14:5	Ne zutun te ike-14 he tuig, mibpengayew si Kedorlaomer wey is menge zuma zin he hadì, ne midtebek dan wey nengezaag dan is menge Ripanhen diyà te Ashterot Karnaim, is menge Zuzhanen diyà te Ham, is menge Emhanen diyà te menge suǥud te Kiryataim,
343	GEN 14:6	wey is menge Hurhanen diyà te menge vuvungan he Seir taman te inged he El Paran he ziyà te uvey te tanà he sibsivayan.
344	GEN 14:7	Ne zutun midlikù dan ne midhendiyè dan te inged he En Mishpat (he iyan Kadesh), ne nengezaag dan is menge meǥinged diyà te tivuuk he tanà te menge Amalikanhen ne nengezaag dan daan is menge Amorihanen diyà te inged he Hazazon Tamar.
346	GEN 14:9	ne nekidtebek dan ki Hadì Kedorlaomer he hadì te Elam, ki Hadì Tidal he hadì te Goyim, ki Hadì Amrafel he hadì te Shinar, wey ki Hadì Arioc he hadì te Elasar. Heepat he hadì is edtebeken te lelima.
350	GEN 14:13	Duen sevaha he tig-Sodom he nekepelaǥuy, ne midhendiyà sikandin te Hebriyuhanen he si Abram ne impenudtul zin haazà is langun he neulaula. Dutun he timpu, ziyà si Abram med-ubpà te uvey te menge kayu he ulayan ni Mamre te Amorihanen. Heini si Mamre wey is menge suled din he si Iskul wey si Aner ne neupakat sikandan engki Abram.
351	GEN 14:14	Ne hein nezineg ni Abram he nevihag is enaken din, midtiǥum din is 318 he sakup din he egkeseriǥan din. Heini sikandan, menge sakup din puun pa te ked-enaka kandan, ne miduma zin sikandan, ne midal-as dan sikan is heepat he hadì taman te inged he Dan.
352	GEN 14:15	Ne hein mezukilem, mibahin ni Abram te dezuwa he grupu is menge sundaru zin. Ne zutun midsurung dan is menge kuntada zan, ne nezaag dan heini. Ne haazà is menge kuntada zan ne mibpemelaǥuy midal-as eni Abram taman te inged he Hoba, he ziyà te zapit te egkezizaya te inged he Damascus.
354	GEN 14:17	Ne zutun te ed-ulì en si Abram he ebpuun te kedeeǥa zin ki Kedorlaomer wey is menge zuma he hadì, midsinuǥung sikandin te hadì te inged he Sodom. Diyè din sinuǥunga te Suǥud he Shave he egngezanan daan te Suǥud te Hadì.
369	GEN 15:8	Ne zutun migkaǥi si Abram te, “He Nengazen he Megbevayà, hengkey is tuus wey ku metueni he egkaangken ku heini?”
380	GEN 15:19	Heini he tanà iyan guntaan ed-ubpaan te menge Kinhanen, menge Kinisihanen, menge Kidmunihanen,
381	GEN 15:20	menge Hitihanen, menge Pirisihanen, menge Ripanhen,
383	GEN 16:1	Ne si Sarai, sikan is esawa ni Abram, kenà ed-anak. Duen uripen din he Ehiptohanen he egngezanan ki Hagar.
385	GEN 16:3	(Sepulù en he tuig dutun is ked-ubpà eni Abram diyà te tanà he Canaan.) Ne mibeyaan dutun ni Sarai haazà is uripen din he tig-Ehipto he si Hagar ne imbeǥey zin diyà te esawa zin wey zin meesawa.
386	GEN 16:4	Ne midhulizan ni Abram si Hagar ne mibmeǥingey si Hagar. Ne si Hagar, hein nesavut din he meǥingey sikandin, mibpelevawan din is egalen din he si Sarai.
387	GEN 16:5	Ne migkaǥi zutun si Sarai ziyà te ki Abram te, “Kenikew he salà heini is kebpelevawi kediey ni Hagar. Minsan pa te iyan a mibeǥey kandin diyan te kenikew, ebpelevawan e zin gihapun hein netuenan din he meǥingey en su kenè nu edewayen. Nesayud is Nengazen ke hentei kenita is ebpekevenar!”
388	GEN 16:6	Ne midtavak dutun si Abram diyà te ki Sarai te, “Emun iyan heeyan, idlikù ku sikandin diyan te kenikew ne bayèbayè ka ke hengkey is ed-ul-ulahan nu kandin.” Ne puun dutun, kenà meupiya is ebelan ni Sarai ki Hagar, umbe hein neuǥet ne mibpelaǥuy sikandin.
389	GEN 16:7	Ne zutun naahà si Hagar te velinsuǥuen te Nengazen diyà te uvey te serebseb he ziyà te sibsivayan. Iyan haazà sikan is serebseb he ziyà te zalan pehendiyà te inged he Shur.
390	GEN 16:8	Ne mid-insaan dutun te velinsuǥuen sikandin te, “Hagar he suluǥuen ni Sarai, hendei ka ebpuun wey hendei ka ebpevayà?” Ne midtavak si Hagar te, “Ebpeleǥuyan ku is egalen ku he si Sarai.”
395	GEN 16:13	Umbe migngezanan ni Hagar is Nengazen te, “El-roi,” su ke sikandin te, “Neehè ku ve is Megbevayà, ne kemulu e pa he uuyag guntaan?”
397	GEN 16:15	Ne mid-anak si Hagar te maama pinaaǥi ki Abram. Ne haazà is anak din, migngezanan ni Abram ki Ishmael.
398	GEN 16:16	Is penuiǥen ni Abram ne 86 he tuig hein ked-enaka ni Hagar ki Ishmael.
405	GEN 17:7	Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.
410	GEN 17:12	Puun guntaan taman te peleebuten he lapis te kevuwazan, kinahanglan he sirkunsidara niw is menge vatà he menge maama zutun te ikewalu he andew puun te ked-enaka kandin. Sirkunsidara niw zaan is menge uripen niw he maama he neetew ziyà te valey niw ragkes is nengepemasa niw he ziyà ebpuun te zuma he menge inged. Heeyan he tuus te lawa niw, iyan tistiǥus he tutuu is kebpekid-uyun ku keniyu, ne kenà heini egkahanew taman te taman.
426	GEN 18:1	Ne mid-uman mebpaahà is Nengazen ki Abraham diyà te uvey te menge kayu he ulayan ni Mamre. Hein ebmeudtu zutun is andew, ebpimpinuu si Abraham diyà te ǥemawan te tulda zin.
429	GEN 18:4	Ituǥut niw he ed-uwit key te wahig wey kew mekepenlùlù te menge paa niw. Himeley kew zèpa kayi te sihung te kayu.
434	GEN 18:9	Ne zutun mid-insaan dan si Abraham te, “Hendei is esawa nu he si Sara?” Ne midtavak sikandin te, “Diyè ded te seled te tulda.”
463	GEN 19:5	Mid-umew zan si Lot, ne mid-insaan dan te, “Hendei sikan is menge maama he meǥeliyug nu he nekeuma ǥeina te mahapun? Ipeǥawas nu su egkesuat key he ebpekidhilavet kandan.”
466	GEN 19:8	Heini zed is menge anak ku he raǥa. Wazè pa sikandan meuvayi te maama. Ibpeǥawas ku en sikandan ne egkehimu he ziyè niw ul-ulaha te kandan is egkesuatan niw, iyan, kenè niw pesipelahi heini is dezuwa he maama su menge meǥeliyug ku man ne kinahanglan he ed-elimahan ku sikandan.”
480	GEN 19:22	Sigi, pelaǥuy kew. Hendiyan kew en, su wazà egkehimu ku taman te kenè kew pa ebpekeuma zutun.” Ne tenged dutun, egngezanan haazà is inged te Zoar, he ke và dà egkeǥiya, “Deisek.”
498	GEN 20:2	Hein dutun dan en, ne migkeǥiyan din is menge etew he etevey zin si Sara. Umbe impaangey ni Hadì Abimelec he hadì te Gerar si Sara su ed-esewaan din.
505	GEN 20:9	Ne zutun mid-umew ni Abimelec si Abraham ne mid-insaan din te, “Hengkey ves heini is mid-ulaula nu kenami? Hengkey is salè ku kenikew he iyan inhimuwa nu he mekesalà a wey is tivuuk he ginhedian ku? Kenà hustu heini is mid-ulaula nu.”
506	GEN 20:10	Ne ke sikandin en maan diyà te ki Abraham te, “Hengkey is tuyù nu kayi te mid-ulaula nu?”
509	GEN 20:13	Hein migkeǥiyan a te Nengazen he med-awà a ziyà te inged te amey ku, migkeǥiyan ku si Sara he ipekilala zin he telesuled key minsan hendei key mekepevayà. Pinaaǥi kayi igkepeehè din is dekelà he gaǥew zin kedì.”
521	GEN 21:7	Hentei vuwa is ebpekekaǥi ki Abraham he ebpekepesusu e pa te vatà? Piru nekaanak e pa minsan meǥurang en sikandin.”