100	GEN 4:20	In-anak ni Ada si Jabal he iyan nehuna te langun he ed-elima te menge ayam wey ed-ubpà te menge tulda.
101	GEN 4:21	Duen hazi ni Jabal he maama ne iyan ngazan din si Jubal, he nehuna te langun he metau he ebpen alpa wey ebpemulalà.
121	GEN 5:15	Hein 65 en is penuiǥen ni Mahalalel nevuwad sikandin ki Jared.
122	GEN 5:16	Ne puun dutun te ked-enaka ki Jared, 830 pa he tuig is keluǥayad te untung ni Mahalalel, ne zuen duma pa he menge anak din he maama wey vahi.
124	GEN 5:18	Hein 162 en is penuiǥen ni Jared nevuwad sikandin ki Enoc.
125	GEN 5:19	Ne puun dutun te ked-enaka ki Enoc, 800 pa he tuig is keluǥayad te untung ni Jared, ne zuen duma pa zaan he menge anak din he maama wey vahi.
138	GEN 5:32	Hein 500 en is penuiǥen ni Noe nevuwad sikandin ki Shem, ki Ham, wey ki Jafet.
148	GEN 6:10	Tetelu is anak din he maama: si Shem, si Ham, wey si Jafet.
173	GEN 7:13	Ne zutun te andew he mibpuun en is uzan, si Noe wey is esawa zin, duma te menge anak din he si Shem, si Ham, wey si Jafet wey is menge esawa zan, midseled dan dutun te arka.
224	GEN 9:18	Is menge anak ni Noe he migawas dutun te arka ne iyan si Shem, si Ham, wey si Jafet. (Nehimu si Ham he amey ni Canaan.)
229	GEN 9:23	Iyan, si Shem wey si Jafet mulà, migkuwa zan te malung ne insinabley zan ne midseled dan dutun is ed-endud ne midtembunan dan is amey zan he nelevasan. Wazè dan tengtengi sikandin su wey kenè dan maahà haazà is amey zan he nelevasan.
233	GEN 9:27	Berakat daan he utew meluag is tanà he ebpeubpaan te Megbevayà te menge kevuwazan ni Jafet, ne berakat he ikeǥalew sikandan te menge kevuwazan ni Shem, iyan, uripen dan mulà si Canaan,” ke si Noe.
236	GEN 10:1	Si Shem, si Ham, wey si Jafet, iyan heini guǥud te menge kevuwazan dan he impenganak dutun te timpu hein neipus en is kedlapey te zaǥat.
237	GEN 10:2	Iyan heini menge anak ni Jafet he menge maama: si Gomer, Magog, Madai, Javan, Tubal, Meshec, wey si Tiras.
239	GEN 10:4	Is menge anak ni Javan ne iyan si Elisha, Tarshish, Kitim, wey si Dodanim.
240	GEN 10:5	Iyan heini kevuwazan ni Jafet. Iyan sikandan mibpuunan te menge tribu he ziyà med-ubpà te veyvey te zaǥat. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.
251	GEN 10:16	Kepuun daan si Canaan te menge Jebusihanen, menge Amorihanen, menge Girgasihanen,
256	GEN 10:21	Si Shem ne kakey ni Jafet he iyan kepuun te langun he menge kevuwazan ni Eber.
260	GEN 10:25	Dezuwa is menge anak ni Eber. Is sevaha, ne migngezanan ki Peleg, he ke và dà egkeǥiya, “kebpekedsusuwey”, su zutun he timpu nekedsusuwey is menge etew zini te lumpad. Is hazi zin ne migngezanan ki Joktan.
261	GEN 10:26	Si Joktan ne iyan amey ni Almodad, Shelef, Hazarmavet, Jera,
264	GEN 10:29	Ofir, Havila, wey Jobab. Heini is langun, ne menge anak ni Joktan.
329	GEN 13:10	Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)
330	GEN 13:11	Ne zutun mibpilì ni Lot haazà is tivuuk he Suǥud te Jordan ne midhipanew en sikandin dutun pehendiyà te zapit te edsilaan. Ne iyan haazà kebpesuwayè dan ki Abram.
382	GEN 15:21	menge Amorihanen, menge tig-Canaan, menge Girgasihanen, wey menge Jebusihanen.”
570	GEN 22:22	si Kesed, si Hazo, si Pildash, si Jidlaf, wey si Betuel.
661	GEN 25:2	Is menge anak dan iyan ensi Zimran, Jokshan, Medan, Midian, Ishbak, wey si Shua.
662	GEN 25:3	Si Jokshan ne iyan anak din si Sheba wey si Dedan. Is menge kevuwazan ni Dedan ne iyan is menge Ashurnen, menge Litushnen, wey Liumnen.
674	GEN 25:15	Hadad, Tema, Jetur, Nafish, wey Kedema.
685	GEN 25:26	Ne hein edlepew en haazà is ikezuwa, ne migewezan din is palu te sereping din, umbe migngezanan dan haazà ki Jacob, he ke và dà egkeǥiya, “Egawed diyà te palu.” Mibpenuiǥen en dutun si Isaac te 60 he tuig te ked-enaka ni Rebeka kayi te sereping.
686	GEN 25:27	Ne hein midekelè en haazà is menge vatà, utew metau si Esau he ebpenuǥes, ne layun sikandin egketalus. Ne si Jacob mulà ne mevented, diyè dà sikandin te menge tulda ed-ubpàubpà su perevantey te uyaǥen.
687	GEN 25:28	Pelanggà ni Isaac si Esau su egkesuat layun sikandin he egkaan te egkengepenganup ni Esau, piru si Jacob ne iyan mulà pinelanggà ni Rebeka.
688	GEN 25:29	Ne sevaha he andew, te kemulu en edhilutù si Jacob te menge tilas he meriǥà, ne nekeulì si Esau is nenuǥes ne utew sikandin nevitil.
689	GEN 25:30	Ne migkeǥiyan din si Jacob te, “Beǥayi e en kun, ipekaan ad keniyan te sinuba nu he meriǥàriǥà su utew ad egkevitil.” (Ne tenged dutun, egngezanan daan si Esau ki Edom, he ke và dà egkeǥiya, “Meriǥà”.)
690	GEN 25:31	Ne midtavak si Jacob te, “Wey ku sikew ebeǥayi kayi emun ibeǥey nu kedì is ketenged nu te kegkekakey.”
692	GEN 25:33	Piru midtavak si Jacob te, “Penangdù ka zèpa kedì.” Ne zutun nenangdù si Esau he ibeǥey zin en ki Jacob is ketenged din te kegkekakey.
693	GEN 25:34	Ne zutun mibeǥayan sikandin ni Jacob te sinevawan he tilas. Nekepasad sikandin he egkaan wey ed-inum, ne zutun migenat sikandin. Ne pinaaǥi zutun mid-engkezan ni Esau is ketenged din, he kegkekakey.
727	GEN 26:34	Ne hein 40 en is penuiǥen ni Esau, mid-esawa zin si Judith he anak ni Beeri he Hitihanen, wey si Besemat he anak ni Elon he Hitihanen daan.
734	GEN 27:6	migkeǥiyan ni Rebeka is anak din he si Jacob te, “Nezineg ku ǥeina he migkeǥiyan te amey nu is kakey nu he si Esau te,
739	GEN 27:11	Ne midtavak si Jacob diyà te iney zin te, “Kenà buwa egkehimu, su vulvulen utew si Esau ne siak kenà mulà.
742	GEN 27:14	Ne migenat si Jacob is egkuwa te kambing, ne mid-uwit din diyà te iney zin, ne midhilutù haazà ni Rebeka te utew egkesuati ni Isaac te egkaan he linutuan.
743	GEN 27:15	Ne zutun migkuwa zin is utew meupiya he visti ni Esau ziyà te valey zan, ne inseluub din heini ki Jacob.
744	GEN 27:16	Midsevukan din te lundis dutun te kambing is beklawan ni Jacob wey lieg din.
745	GEN 27:17	Ne imbeǥey zin ki Jacob haazà is keenen wey supas he midhilutù din.
746	GEN 27:18	Mid-uwit haazà ni Jacob diyà te amey zin, ke sikandin te, “Amà!” Midtavak si Isaac te, “Hentei ka he anak ku?”
747	GEN 27:19	Ne midtavak si Jacob te, “Iyan a si Esau, kes kakey he anak nu. Midtuman ku en is insuǥù nu kedì. Enew ka wey ka mekekaan duen te neutel ku su wey a kenikew mepenubtuvazi.”
748	GEN 27:20	Ne mid-insà si Isaac te, “Mama, maan is utew ka meǥaan nekeutel?” Midtavak si Jacob te, “Mid-uǥupan a te Nengazen he Megbevayè nu.”
750	GEN 27:22	Ne mid-uvey zutun si Jacob, ne mibpanamsam sikandin te amey zin he egkaǥi te, “Is laǥeng nu ne laǥeng ni Jacob, piru is menge velad nu ne ki Esau iyan.”
751	GEN 27:23	Wazà ni Isaac mekilala si Jacob, su is menge velad din bulvulen iring te velad ni Esau. Umbe te wazè din pa penubtuvazi,
752	GEN 27:24	mid-insè pa maan si Isaac te, “Tutuu ve iyan he iyan ka si Esau?” Ne ke si Jacob te, “Tutuu iyan su si Esau a.”
753	GEN 27:25	Migkaǥi zutun si Isaac te, “Na, uwita nu en kayi heeyan is midhilutù nu he netuǥesan nu, ne emun ebpekekaan ad ne epenubtuvazan ku sikew.” Ne zutun imbeǥey ni Jacob haazà is egkeenen wey vinu, ne migkaan sikandin wey mid-inum.
755	GEN 27:27	Ne mid-uvey si Jacob diyà te kandin ne midhezekan din. Ne hein nahazek ni Isaac is ngazeg te visti zin, ne mibpenubtuvazan din si Jacob he egkaǥi te, “Heini is ngazeg kayi te anak ku iring te ngazeg te vevesukà he midtuvazan te Nengazen.
758	GEN 27:30	Ne hein neipus ni Isaac is kebpenubtuvazi zin ki Jacob, ne migenat si Jacob. Beǥu pa utew zutun mid-awà si Jacob, ne iyan daan kebpekeulì ni Esau te nenuǥes.
764	GEN 27:36	Ne migkaǥi si Esau te, “Ikezuwe en heini te kebinuangi zin kedì. Umba ves Jacob is inngazan kandin. Mid-eǥawan e zin te ketenged te kegkekakey ku, ne ǥuntaan migkuwa zin pa is kebpenubtuvad he para kedì.” Ne zutun mid-isaan din is amey zin te, “Ama, wazè nu en be igkepenuvadtuvad kediey?”
769	GEN 27:41	Ne midumutan ni Esau si Jacob tenged te kebpenubtuvazi ki Jacob te amey zin. Nekekaǥi si Esau ziyà te ǥehinawa zin te, “Kenè en utew egkeuǥet ne ebpatey si amà; emun ebpatey en sikandin, edhimetayan ku si Jacob.”
770	GEN 27:42	Piru netudtulan si Rebeka te egkeisip ni Esau, umbe mid-umew zin si Jacob ne migkeǥiyan din te, “Is kakey nu he si Esau, iyan ebpekepayùpayù te ǥehinawa zin is egkeisip din he edhimetayan ke zin.
774	GEN 27:46	Ne migkeǥiyan dutun ni Rebeka si Isaac te, “Utew ku en igkerasey te ed-isip-isip is tenged kayi te menge esawa ni Esau he menge Hitihanen. Emun iyan ed-esewaan ni Jacob is tig-kayi zed he vahi he Hitihanen, deyzey pa ke ebpatey e en nasì.”
775	GEN 28:1	Ne mid-umew zutun ni Isaac si Jacob, ne mibpenubtuvazan din, wey migkeǥiyan din te, “Kenè ka limbe pengesawa te vahi he tig-Canaan.
779	GEN 28:5	Ne impehipanew ni Isaac si Jacob pehendiyà Padan Aram, diyà te lugar ni Laban he anak ni Betuel he Aramihanen. Si Laban meemahan ni Rebeka he iney ni Jacob wey ni Esau.
780	GEN 28:6	Netuenan ni Esau he mibpenubtuvazan ni Isaac si Jacob wey impehendiyè din te Padan Aram su wey ziyà sikandin mekepengesawa. Ne nezineg din daan he zutun te kebpenuvadtuvad ni Isaac intelaan din ki Jacob he kenà sikandin mebpengesawa te vahi he tig-Canaan.
781	GEN 28:7	Ne netuenan din daan he mibpemineg si Jacob te suǥù te amey zin wey iney zin su migenat en pehendiyà te Padan Aram.
784	GEN 28:10	Mid-awà si Jacob dutun te Beersheba ne midhendiyà sikandin te Haran.
790	GEN 28:16	Ne nepukew si Jacob, ne ke sikandin te, “Wazè ku metueni he mibulusan bes te Nengazen heini he lugar.”
792	GEN 28:18	Utew pa zutun meselem te ked-enew ni Jacob. Migkuwa zin haazà is batu he mid-ulunè din, ne impehitindeg din haazà he tedeman din. Mid-itisan din haazà te lana su wey mehimu he segradu.
793	GEN 28:19	Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.
794	GEN 28:20	Ne mibpenangdù dutun si Jacob he egkaǥi te, “He Megbevayà, emun edumahan a wey ebentayan a kenikew kayi te hipenawan ku wey emun ebeǥayan a kenikew te egkeenen wey igkevisti,
797	GEN 29:1	Ne midlaus si Jacob te kedhipanew zin, ne nekeuma sikandin diyà te tanà te menge etew he zapit te edsilaan.
800	GEN 29:4	Ne mid-insaan ni Jacob haazà is menge bekidu te kerehidu te, “Geli, hendei kew ebpuun?” Midtavak sikandan te, “Tig-Haran key.”
801	GEN 29:5	Ne mid-insè en maan si Jacob te, “Egkekilala niw ve si Laban he apù ni Nahor?” Midtavak dan te, “Uya, egkekilala zey.”
802	GEN 29:6	Ne mid-insaan en maan ni Jacob te, “Egkemenumenu en sikandin?” Midtavak dan te, “Meupiya zed man. Ahaa nu, heeyan ded is anak din he si Raquel is ebpelingguma duma te menge kerehidu zin.”
803	GEN 29:7	Ne migkeǥiyan en maan ni Jacob te, “Metikang pa is andew, ne kenè pa uras he edtudilen is menge kerehidu, deyzey vuwa ke ibpeinum niw sikandan, ne ipeuman niw pa ipepenabtab.”
805	GEN 29:9	Kemulu pa ebpekibitiyara si Jacob kandan dutun kebpekeuma ni Raquel he edtundan te menge kerehidu te amey zin, su sikandin is ed-elima kayi.
806	GEN 29:10	Ne hein naahà ni Jacob si Raquel, is anak te anggam din he si Laban he edtundan te menge kerehidu, midhendutun sikandin te kalut, ne in-awè din is batu he intangeb dutun, ne impemeinum din is menge kerehidu te anggam din he si Laban.
809	GEN 29:13	Hein nezineg ni Laban he zutun si Jacob is enaken din he anak te etevey zin he si Raquel, migègaanan din sinuǥunga. Migkepkepan din ne midhezekan din ne miduma zin diyà te valey zan. Ne ipenudtul ni Jacob ki Laban is langun he nengeulaula.
811	GEN 29:15	Ne hein senge vulan en is ked-ubpà ni Jacob diyà te ki Laban, migkeǥiyan ni Laban sikandin te, “Kenà meupiya he edterebahu ka kayi te kedì he wazè nu suhul minsan pa te enaken ku sikew. Keǥiyi a kenikew ke hengkey is egkesuatan nu he idsuhul ku kenikew?”
814	GEN 29:18	Tenged te egkesuatan ni Jacob si Raquel, migkeǥiyan din si Laban te, “Edterebahu a kayi te kenikew seled te pitu he tuig emun ibpeesawa nu kedì si Raquel.”
816	GEN 29:20	Ne zutun, impepeniwakà ni Laban si Jacob taman te pitu he tuig wey zin meesawa si Raquel. Tenged te utew zin nesuati si Raquel henduen te pira zà he andew ziyà te kandin haazà is pitu he tuig.
817	GEN 29:21	Hein netuman en haazà is pitu he tuig, migkeǥiyan ni Jacob si Laban te, “Nepasad-en is kebpeniwakè ku kenikew, iveǥey nu en kediey si Raquel su ebpehulizè key en.”
819	GEN 29:23	Piru hein mezukilem en, iyan miduma ni Laban si Lea ziyà ki Jacob, he si Raquel man pezem. Ne mibpehulizà si Jacob wey si Lea.
821	GEN 29:25	Hein nepawà, netuenan ni Jacob he si Lea ves is hulid din. Ne zutun mibeyaan din si Laban he egkaǥi te, “Maan is mid-ulaula nu heini kediey? Mibpeniwakà a kenikew para meesawa ku si Raquel. Maan is mid-ekalan a kenikew?”
824	GEN 29:28	Ne mid-uyun dutun si Jacob te migkaǥi ni Laban. Hein nepasad haazà is sengesimana he keemuran te eseweey ni Lea, impeesawa zaan ni Laban kandin si Raquel.
826	GEN 29:30	Ne mibpekidhulid si Jacob ki Raquel. Utew minahal ni Jacob si Raquel kenà si Lea. Ne mid-uman en maan si Jacob mebpeniwakà diyà te ki Laban te pitu pa maan he tuig.
827	GEN 29:31	Naahà te Nengazen he kenà mahal ni Jacob si Lea, umbe mibpengelinteuwan din he mekaanak si Lea, piru si Raquel ne kenà.
831	GEN 29:35	Mibmeǥingey med-uman si Lea ne mid-anak sikandin te sevaha pa he maama. Migkaǥi sikandin te, “Edeliǥen ku is Nengazen.” Umbe migngezanan din haazà is batà te Juda. Puun dutun, wazè en sikandin med-anak.
832	GEN 30:1	Hein naahà ni Raquel he kenà sikandin ed-anak, neima sikandin ki Lea. Migkeǥiyan din si Jacob te, “Beǥayi a te anak su emun kenà a kenikew ebeǥayan te vatà ne ebpatey e en!”
833	GEN 30:2	Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”
834	GEN 30:3	Migkaǥi si Raquel ziyà te ki Jacob te, “Emun iyan heeyan, pekidhulid ka ki Bilha he uripen ku su minsan pinaaǥi zà kandin is kebpekekuwa ku te vatà.”
835	GEN 30:4	Ne imbeǥey ni Raquel ki Jacob si Bilha is uripen din para mehimu he esawa zin daan, ne mibpekidhulid si Jacob kandin.
838	GEN 30:7	Ne mibmeǥingey en maan si Bilha is suluǥuen ni Raquel, ne mid-anak sikandin te maama, ikezuwe en haazà he anak dan ki Jacob.
840	GEN 30:9	Ne hein kenè en si Lea ebpekaanak, ne impeesawa zin ki Jacob is uripen din he si Zilpa.
843	GEN 30:12	Mid-uman med-anak si Zilpa te maama he ikezuwa he anak dan ki Jacob.
846	GEN 30:15	Ne midtavak si Lea te, “Wazè nu pe bes ikesuat is ked-eǥawa nu te esawa ku? Egkuwaan nu pa zaan is mandragura te anak ku?” Migkaǥi si Raquel te, “Emun ebeǥayan a kenikew te mandragura ne ibpehulid ku si Jacob kenikew kengkuwan ke mezukilem.”
847	GEN 30:16	Hein mahapun en, ne ebpelingguma si Jacob is ebpuun diyà te vevesukà is ed-ulì en, ne midsinuǥung sikandin ni Lea, he egkaǥi te, “Kinahanglan he kayi ka edhulid te kedì guntaan te mezukilem, su mibeyazan ku en sikew ziyà te ki Raquel te mandragura he mid-uwit te anak ku.” Umbe ziyà te ki Lea medhulid si Jacob dutun te kezukilemi.
848	GEN 30:17	Midtavak te Megbevayà is pengemuyù ni Lea, ne mibmeǥingey sikandin. Ne mid-anak sikandin te maama he ikelima te anak dan ki Jacob.
850	GEN 30:19	Mibmeǥingey en maan si Lea ne mid-anak te maama he ikeenem te anak dan ki Jacob.
854	GEN 30:23	Mibmeǥingey sikandin ne mid-anak te maama. Migkaǥi sikandin te, “In-awà human te Megbevayà is utew ku igkeeled.” Umbe migngezanan din haazà is batà te Jose, su ke sikandin te,
856	GEN 30:25	Hein in-anak en ni Raquel si Jose, migkeǥiyan ni Jacob si Laban te, “Tuǥuti e en human he mekeulì a ziyà te inged dey.