92	GEN 4:12	Minsan duen ibpemula nu kayi te tanà ne ebpengelinteuwan ku he kenè en ebeǥasan heini. Wazè en egketendù he egkeubpaan nu umbe ebpekeriǥuriǥu ke zà te minsan hendei zini te lumpad.”
185	GEN 8:1	Wazà melipati te Megbevayà si Noe wey is duma zin he menge langgam he zutun te seled te arka. Umbe impepengeramag din kayi te kelibutan ne midnaneynaney mebmevavew is wahig.
229	GEN 9:23	Iyan, si Shem wey si Jafet mulà, migkuwa zan te malung ne insinabley zan ne midseled dan dutun is ed-endud ne midtembunan dan is amey zan he nelevasan. Wazè dan tengtengi sikandin su wey kenè dan maahà haazà is amey zan he nelevasan.
379	GEN 15:18	Ne zutun he andew, midtukud is Nengazen te kebpekid-uyun din ki Abram. Ke sikandin te, “Ibeǥey ku te menge kevuwazan nu heini he tanà. Puun diyà te wahig te Ehipto pehendiyà te zekelà he Wahig he Eufrates.
440	GEN 18:15	Ne mibarew zutun si Sara tenged kegkahandek din he egkaǥi te, “Wazà a med-engit!” Ne midtavak is Nengazen te, “Mid-engit ka iyan.”
466	GEN 19:8	Heini zed is menge anak ku he raǥa. Wazè pa sikandan meuvayi te maama. Ibpeǥawas ku en sikandan ne egkehimu he ziyè niw ul-ulaha te kandan is egkesuatan niw, iyan, kenè niw pesipelahi heini is dezuwa he maama su menge meǥeliyug ku man ne kinahanglan he ed-elimahan ku sikandan.”
487	GEN 19:29	Wazà melipati te Nengazen is kebpekid-uyun din diyà te ki Abraham, su zutun te kedèdeeti zin te menge inged diyà te suǥud he zutun med-ubpà si Lot, impepelaǥuy zin si Lot su wey kenà meragkes.
500	GEN 20:4	Piru wazè pa uvayi ni Abimelec si Sara, ne tenged dutun migkaǥi sikandin te, “Nengazen, maan is edhimetayan nu is menge etew ku? Wazà a mekesalà?
540	GEN 21:26	Ne migkaǥi si Abimelec te, “Wazè ku metueni ke hentei ki vaal heini. Wazè nu keǥiya kediey ne sikan ku pa mezineg.”
578	GEN 23:6	“Datù, pemineǥa nu is egkeǥiyen dey. Migkilala zey sikew he telehuzen he etew, umbe egkehimu he minsan hendei nu idleveng is esawa nu kayi te pinekemeupiya he penlevengè dey. Wazà minsan hentei kenami he kenà ebeǥey kenikew te edlevengan te esawa nu.”
607	GEN 24:15	Wazè pa zutun sikandin mekepasad he ed-ampù, ne nekeuma si Rebeka he edtiang te umuy. Anak si Rebeka ni Betuel, ne si Betuel anak ni Nahor wey ni Milca. Si Nahor suled ni Abraham.
690	GEN 25:31	Ne midtavak si Jacob te, “Wey ku sikew ebeǥayi kayi emun ibeǥey nu kedì is ketenged nu te kegkekakey.”
715	GEN 26:22	Mid-awà dutun ensi Isaac ne mid-uman mebangbang sikandan te selakew-en maan he kalut. Wazè dan human heini lewenaayi, umbe migngezanan ni Isaac haazà is kalut te Rehobot, he ke và dà egkeǥiya, “Melu-ag.” Su ke sikandin te, “Mibeǥayan kiw en human te Nengazen te melu-ag he ubpaan para med-iseg kiw pa mebmezakel kayi.”
751	GEN 27:23	Wazà ni Isaac mekilala si Jacob, su is menge velad din bulvulen iring te velad ni Esau. Umbe te wazè din pa penubtuvazi,
790	GEN 28:16	Ne nepukew si Jacob, ne ke sikandin te, “Wazè ku metueni he mibulusan bes te Nengazen heini he lugar.”
846	GEN 30:15	Ne midtavak si Lea te, “Wazè nu pe bes ikesuat is ked-eǥawa nu te esawa ku? Egkuwaan nu pa zaan is mandragura te anak ku?” Migkaǥi si Raquel te, “Emun ebeǥayan a kenikew te mandragura ne ibpehulid ku si Jacob kenikew kengkuwan ke mezukilem.”
888	GEN 31:14	Ne zutun midtavak si Raquel wey si Lea ziyà te ki Jacob te, “Wazè dey en egkepengevilin te amey zey.
895	GEN 31:21	Ne zutun te kegenat eni Jacob, mid-uwit din is langun he keleglaǥan din. Midrapas dan te Wahig he Eufrates ne ziyè dan medtandang te menge vuvungan te Gilead.
902	GEN 31:28	Wazè e en ganì kenikew ipehazek te menge apù ku wey menge anak ku te kegenat dan. Kenà meupiya is mid-ulaula nu.
905	GEN 31:31	Midtavak si Jacob te, “Wazà ad mebpenanghid kenikew su egkahandek a he kela ke teǥela nu hewia kayi te kedì is menge anak nu.
906	GEN 31:32	Piru emun mehitenged te ed-ezapen nu he netazin, emun egkehè nu heini kayi te minsan hentei kayi te kenami, ne siluti nu sikandin te kemetayen. Kayi te etuvangan te menge kezuzumahi ku he iyan ebpemekepenistiǥus, ahaa nu emun duen egkeehè nu he menge azen nu kayi te kenami, emun duen ne kuwaa nu.” Wazà metueni ni Jacob he si Raquel ves is migkuwa zuen te menge ed-ezapen ni Laban.
909	GEN 31:35	Ne migkaǥi si Raquel ziyà te amey zin te, “Amà, kenà a kenikew mepeuki te kenà a ebpekehitindeg su neumahan a te binulan he zaru te vahi.” Wazà mesanggen si Laban he ebpen-ahà piru wazè din iyan maahà sikan is menge ed-ezapen din.
910	GEN 31:36	Wazà meeǥen ni Jacob is kegkepauk din, umbe migkeǥiyan din si Laban te, “Hengkey ves is mezaat he neveelan ku? Hengkey utew is salè ku maan is midtelukunan e pa kenikew?
912	GEN 31:38	Seled te 20 he tuig is ked-ubpè ku ziyan te keniyu, ne wazà merenrani is menge vehiyan he kerehidu wey kambing nu minsan kesevaha. Wazà a zaan mekekaan te menge kerehidu nu he meemahan.
913	GEN 31:39	Wazè ku en uwita ziyan te kenikew is menge uyaǥen nu he midhimetayan te menge zumezaas he menge langgam; segugunè ku heini ed-ilisi. Mibpeveyazan nu zaan kedì is menge uyaǥen nu he midtakew te timpu te maandew wey te mezukilem.
1006	GEN 34:25	Kedlevey zutun te tetelu he andew, zutun te kemulu pa egkesekiti is menge maama te kedsirkunsidara kandan, midseled dutun te inged kes dezuwa he menge anak ni Jacob, si Simeon wey si Levi, is menge kakey ni Dina. Wazà metueni te menge etew zutun he mezaat bes is tuyù dan. Mid-uwit dan te ispada ne mibpenhimetayan dan is langun he menge maama zutun.
1078	GEN 36:37	Hein minatey si Samla, iyan mid-ilis kandin si Shaul he tig-Rehobot he uvey te Wahig he Eufrates.
1114	GEN 37:30	Ne zutun, midlikù sikandin diyà te menge suled din he egkaǥi te, “Wazè en dutun kes hazi tew. Ebmenmenu ad be te ked-ulì ku ziyà te ki amà?”
1140	GEN 38:20	Wazè en meuǥet ne impahated en ni Juda zuen te emiǥu zin he si Hira he tig-Adulam sikan is kambing he idlekat duen te menge azen he insandè din diyà te vahi, piru wazè din meturedu haazà is bahi.
1141	GEN 38:21	Nenginginsà si Hira te menge tig-Enaim ke hendei en sikan is bahi he ebelegyà te zengeg din, he ebpimpinuu ziyà te kilid te zalan. Piru midtavak is menge etew te, “Wazè man bahi kayi he ebelegyà te zengeg din.”
1142	GEN 38:22	Umbe, midlikù si Hira ziyà te ki Juda he ke sikandin te, “Wazè ku sikandin meturedu. Ne iyan lalag te menge etew zutun he wazà bahi zutun he ebelegyà te zengeg din.”
1146	GEN 38:26	Nekilala ni Juda he kandin haazà he menge azen, umbe migkaǥi sikandin te, “Wazà mekesalà si Tamar. Iyan a nekesalà su wazè ku sikandin ipeesawa te anak ku he si Shela.” Ne wazè en si Juda med-uman medhilavet ki Tamar.
1197	GEN 41:1	Ne hein midlavey en is dezuwa he tuig ne neketeǥeinep is hadì te Ehipto he edhithitindeg sikandin diyà te veyvey te Wahig he Nilo.
1213	GEN 41:17	Ne migkaǥi zutun te hadì is menge teǥeinep din diyà te ki Jose. Ke sikandin te, “Neteǥeinep ku he ziyà a edhithitindeg te veyvey te Wahig he Nilo.
1215	GEN 41:19	Ne netegteǥaad duen migaun daan he pitu he vaka he memezaat wey memeǥasà. Wazà a mekaahà te vaka kayi te tivuuk he ǥinhedian ku he Ehipto te iring dutun te utew mezaat.
1234	GEN 41:38	Ne migkaǥi haazà is hadì diyà te menge upisyal zin te, “Wazè en duma pa he egkeehè tew he iring ki Jose su mid-ulinan iyan sikandin te Megbevayà.”
1257	GEN 42:4	Wazà ni Jacob ibpezuma si Benjamin is hazi ni Jose te menge kakey zin, su egkahandek si Jacob kela ke zuen mezaat he egkeulaula ki Benjamin.
1276	GEN 42:23	Wazè dan metueni he egkesavut ni Jose is egkeǥiyen dan, su emun ebpekidlalag sikandin kandan ne zuen tigseysey zin.
1313	GEN 43:22	Ne zuen selakew en maan he selapì dey ǥuntaan he ibpemasa te egkeenen. Wazè dey metueni ke hentei is midtaǥù te selapì diyà te menge saku zey.”
1314	GEN 43:23	Ne midtavak is suluǥuen te, “Wazà kinahanglan he igkeseeng niw heeyan. Kenè kew mahandek. Is Megbevayè niw he Megbevayà te amey niw, iyan buwa mibeǥey keniyu te selapì diyà te menge saku niw, su nezawat ku man is selapì niw.” Ne mid-uwit din diyà te kandan si Simeon.
1340	GEN 44:15	Migkeǥiyan ni Jose sikandan te, “Hengkey heini is mid-ulaula niw? Wazè niw ves metueni he metau a he edtagnà?”
1351	GEN 44:26	Ne migkaǥi key zutun he kenè key ebpekelikù. Wey key zà ebpekelikù ke egkezuma zey is hazi zey su migkaǥi key he kenà egkehimu he ebpekeetuvang key kenikew emun kenà ebpekezuma is hazi zey.
1436	GEN 47:15	Ne hein naamin en is selapì te menge tig-Ehipto wey menge tig-Canaan, midhendiyà te ki Jose is langun he menge tig-Ehipto. Ke sikandan te, “Wazè dey en selapì. Beǥayi key te keuyaǥan su henduen be te ebpatey key en te kegkevitil.”
1439	GEN 47:18	Kedlavey te senge-tuig, midhendiyè en maan is menge etew te ki Jose, ke sikandan te, “Wazà mekeeles kenikew he wazè dey en selapì, ne is menge uyaǥen dey diyan en te kenikew. Wazè en nesamà kenami, gawas te lawa zey wey tanà.
1517	GEN 50:10	Ne hein nekeuma sikandan diyà te ǥunasà diyà te Atad he uvey te Wahig he Jordan, ne midlalew sikandan para ki Jacob, ne utew subra is kedlelendag dan. Ne midlalew si Jose seled te pitu he andew.
1518	GEN 50:11	Ne is menge tig-Canaan he meǥinged dutun, hein neehè dan is ebpemenlelendag dutun te gunasà diyà te Atad, ne migkaǥi zan te, “Utew neseeng is menge Ehiptohanen.” Ne tenged dutun haazà is inged he uvey te Wahig he Jordan ne migngezanan te Abel Mizraim, he ke và dà egkeǥiya, midlelendaǥan te menge Ehiptohanen.
1547	EXO 1:14	Wazè dan kegkehizu te menge Israilihanen. Utew zan midlisedlised sikandan pinaaǥi te kebpeterebehuwa kandan te kebaal te menge brik wey kedsimintu. Ne midrasey zan sikandan te kebpeterebehuwa zan diyà te pemuleey zan.
1555	EXO 1:22	Ne midsuǥù te hadì te Ehipto is langun he sakup din he itimbag dan diyà te Wahig he Nilo is langun he menge maama he veǥu he id-anak te menge Israilihanen, iyan, kenè dan mulà idtimbag emun bahi.
1558	EXO 2:3	Iyan, hein kenè din en egkehimu te ed-eles haazà is batà, migkuwa sikandin te pepirus he teleǥuey ne mibpinsi zin te alkitran su wey kena rehevi te wahig. Ne zutun din itaǥù haazà is batà ne insavuk din diyà te vereesen he veyvey te Wahig he Nilo.
1560	EXO 2:5	Ne midhendutun te Wahig he Nilo haazà is bahi he anak te hadì te Ehipto su ebpemeziǥù. Ne hein ebpemenhiphipanew zuen te veyvey is menge suluǥuen din, neehè din sikan is teleǥuey he insavuk duen te vereesen dutun te ebpemeziǥù en sikandin, ne impekuwa zin haazà te vahi he uripen din.
1611	EXO 4:9	Iyan, emun kenè ke zan pa ebpemineǥen pinaaǥi kayi te zezuwa he singyal, kuwa ka te wahig diyà te Wahig he Nilo ne ivusbus nu ziyà te memaza he tanà, ne egkehimu heini he lengesa.”
1632	EXO 4:30	Ne migkaǥi ni Aaron diyà te kandan is langun he migkaǥi te Nengazen diyà te ki Moises. Wey impaahà ni Moises te menge etew sikan is menge singyal,
1635	EXO 5:2	Ne migkaǥi is hadì te, “Hentei is Nengazen he ebpepezumdumahan niw kedì is lalag din he tuǥuti ku is menge kevuwazan ni Israel te kegenat? Wazè ku mekilala is Nengazen ne kenè ku edtuǥutan is menge kevuwazan ni Israel te kegenat.”
1701	EXO 7:15	Umbe, hendiyè ka te hadì keeselem te meselem emun edhendiyà sikandin te Wahig he Nilo. Ne zutun ka pekidhinguma kandin te veyvey te wahig, ne uwita nu sikan is tuked nu he mibaluy he uled.
1706	EXO 7:20	Ne midtuman ni Moises wey ni Aaron is insuǥù kandan te Nengazen. Imbayew ni Aaron sikan is tuked din diyà te etuvangan te hadì te Ehipto wey te menge upisyal zin, ne inlagkut din diyà te Wahig he Nilo, ne zutun mid-amin mebaluy he lengesa haazà is wahig.
1710	EXO 7:24	Ne is menge Ehiptohanen nemengalut sikandan diyà te uvey te Wahig he Nilo su para zuen dan egkekuwaan te ed-inumen dan su kenè en man egkehimu he ed-inumen is wahig.
1711	EXO 7:25	Ne hein pitu en he andew puun duen te kebpeveluya te Nengazen te Wahig he Nilo he lengesa pinaaǥi ki Aaron,
1714	EXO 7:28	Utew edsubra is kebmahabet te menge vakbak diyà te Wahig he Nilo ne edseled dan diyà te turuǥan nu, diyà te ruǥu nu wey minsan diyà te hizeǥaan nu. Edseled dan daan diyà te menge valey te menge upisyal nu wey te ginsekupan nu, ragkes en is menge avu wey menge lugar he ebmesahan te herina.
1720	EXO 8:5	Ne migkaǥi si Moises te, “Iyan ke en telaan ke keenu ku sikew id-ampù duma te menge upisyal nu wey te tivuuk he gin-etawan nu, su wey maawà is nenggaun he menge vakbak diyà te keniyu wey ziyà te menge valey niw. Iyan dà egkesamà he menge vakbak is diyà te Wahig he Nilo.”
1722	EXO 8:7	Ed-awà is langun he menge vakbak diyà te keniyu ne iyan dà egkesamà is diyà te Wahig he Nilo.”
1792	EXO 10:14	he utew gerabi, ne midhurapun heini ziyà te tivuuk he Ehipto. Wazè pa iring dutun he kebpendezaat te terapan puun te nehuna he timpu wey minsan te huziyan he timpu.
1834	EXO 12:17	“Silibraha niw is Pista te Supas he Wazè din Tapey, su wey niw kenà melipati haazà is andew te kebpeǥewasa ku keniyu te menge tribu ni Israel puun diyà te Ehipto. Ne iyan suǥù ku is: Kinahanglan he ibpezume en diyà te egketulung egkelapislapis he kevuwazan niw is kedsilibraha kayi.
1856	EXO 12:39	Pinaaǥi zuen te uwiten dan he minasa he herina he wazè en metepayi, nekevaal sikandan te supas he wazè din tapey. Wazà haazà metepayi is minasa zan su geina te egkezeǥusu sikandan su edsegseǥen en sikandan te menge Ehiptohanen.
1901	EXO 14:11	Ne migkeǥiyan dan si Moises te, “Maan is kayi key pa kenikew zumaha te sibsivayan para mebpatey? Wazè en be penlevengà diyà te Ehipto? Maan is impaawè key pa kenikew ziyà te Ehipto?
1918	EXO 14:28	Nengelened is langun he menge sundaru te hadì te Ehipto he edal-as te menge Israilihanen ragkes en is menge pereuntud te kudà wey menge kerwahi. Wazà minsan sevaha he nesamà kandan.
1932	EXO 15:11	Wazà ed-ezapen te menge etew he ebpekerepeng kenikew, Nengazen. Wazà ebpekerepeng kenikew te kegkewaǥas nu wey kegkemekeǥeǥehem. Iyan ke zà Megbevayà he mibaal te egkein-inuwan he menge vaal!
1973	EXO 16:25	Dutun migkaǥi si Moises diyà te kandan te, “Keena niw heeyan guntaan he andew. Wazà guntaan egkengeulug he keenen su iyan heini Andew te Kedhimeley he insuǥù te Nengazen.
1977	EXO 16:29	Tentenuzi niw he mibeǥayan ku sikiyu te Andew te Kedhimeley, umbe kada ikeenem he andew ne edubliyen ku is menge egkekaan niw para te zezuwa he andew. Kinahanglan he is kada sevaha, ne med-ubpà diyà te seled te valey zin emun ikepitu he andew. Wazà medliǥawang te kebpenguwa te egkeenen.”
1989	EXO 17:5	Midtavak is Nengazen diyà te ki Moises te, “Kuwaa nu is tuked nu he inlagkut nu te Wahig he Nilo, ne huna ka te menge etew. Dumaha nu is duma he menge ebmeǥurangen te menge Israilihanen.
2073	EXO 20:21	Wazà med-awà is menge etew zuen te nepunduwan dan, ne si Moises mulà mid-uvey zuen te mekepal he ǥapun he zutun is Megbevayà.
2160	EXO 23:15	Silibraha niw is Pista te Supas he Wazè din Tapey. Seled te pitu he andew iyan niw keena is supas he kenà edtepayan, sumalà is insuǥù ku en keniyu. Ne netendek he timpu is ked-ul-ulaha niw kayi su ziyè dà te vulan he Abib, su iyan haazà bulan te timpu te ked-awè niw ziyà te Ehipto. Dutun he timpu kinahanglan he med-uwit te halad is kada sevaha keniyu kayi te kediey.
2176	EXO 23:31	“Is egketemanan te tanà he ibpaangken ku keniyu ne ebpuun diyà te Zaǥat he Meriǥà pehendiyà te Zaǥat he Mediteraneo, wey ebpuun te disirtu pehendiyà te Wahig he Eufrates. Ebpengelinteuwan ku he mezaag niw is menge etew he ed-ubpà keniyan he tanà su wey niw sikandan mesegseg.
2324	EXO 28:30	Ne idtaǥù daan dutun te teleǥuey ziyà te kumeng is dezuwa he vatu he veveraan he egngezanan te Urim wey Thumim, su para egkeuwit ni Aaron emun ebpekid-etuvang sikandin kedì te Waǥas he Nengazen. Dutun he menge timpu te ked-etuvang din kedì, kinahanglan he layun din idtaud sikan is teleǥuey ziyà te kumeng, su wey zin metueni is egkesuatan ku para te menge kevuwazan ni Israel.
2370	EXO 29:33	Iyan dà sikandan egkehimu he egkaan dutun te usa wey supas he impemuhat para mevelukasi is menge salè dan dutun te kedhimuwa kandan he memumuhat. Wazà duma he egkehimu he egkaan kayi zuma kandan su segradu heini he keenen.
2447	EXO 32:8	Wazè en meuǥet ne wazè en sikandan med-ikul ziyà te zalan he ibpeikul ku kandan; midtunew zan te vulawan ne mibeelan dan he ed-ezapen he vaka, ne mid-azap dan haazà wey mibpemuhat dan. Ne egkeǥiyen dan te iyan haazà ed-ezapen dan he nengulu kandan te kegawas diyà te Ehipto.”
2515	EXO 34:18	“Tumana niw is Pista te Supas he Wazè din Tapey sumalà is kedsuǥua ku kayi ziyà te keniyu. Emun bulan te Abib ne kaan kew te Supas he Wazè din Tapey seled te pitu he andew, su iyan haazà bulan te ked-awè niw ziyà te Ehipto.
2521	EXO 34:24	Edsegseǥen ku is menge etew puun te tanà he ibeǥey ku keniyu, ne ebpekeluaǥen ku is tanè niw. Wazà edsurung etawa ed-aǥew te nasyun niw zutun te timpu te kedhengkayi niw te kediey te Nengazen he Megbevayè niw, pinaaǥi te kedtampu niw zutun te tetelu he pista kada tuig.
2957	LEV 9:3	Ne keǥiyi nu is menge Israilihanen he megkuwa zan te meemahan he kambing he pemuhat he para idlumpiyu. Wey megkuwa zan daan te vaka wey kerehidu he pudu tig senge-tuig pa is keǥurang he wazè din sazir he pemuhat he edtutungen.
2981	LEV 10:3	Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.
2997	LEV 10:19	Midtavak ni Aaron si Moises te, “Wazè pa meuǥet nemuhat is menge anak ku te pemuhat he para idlumpiyu kandan wey pemuhat he edtutungen, piru minatey sikandan is dezuwa. Ne tenged keniyan he hitavù igkelipey ve vuwa te Nengazen emun migkaan ku is usa zuen te pemuhat he para idlumpiyu te heini he andew?”
3122	LEV 14:10	Dutun te ikewalu he andew, kinahanglan he med-uwit sikandin te zezuwa he meemahan he kerehidu wey sevaha he vehiyan he kerehidu he senge-tuig is keǥurang he wazè din sazir. Med-uwit daan sikandin te heenem he kilu he meupiya he kelasi he herina he midsehuǥan te lana he pemuhat he para gasa. Wey med-uwit pa sikandin te senge vasu he lana.
3133	LEV 14:21	Iyan, emun pubri haazà is etew ne kenè din egkeveleveg is kebpemuhat kayi he menge pemuhat, ne med-uwit dà sikandin te sevaha he meemahan he kerehidu he ibpemuhat din he pemuhat he vayad te salà. Ivayew zin heini he pemuhat para te Nengazen para mepesaylu sikandin te menge salè din. Med-uwit daan sikandin te zezuwa he kilu he meupiya he kelasi he herina he midsehuǥan te lana he pemuhat he para gasa. Wey med-uwit pa sikandin te senge vasu he lana.
3258	LEV 18:6	Wazà minsan hentei keniyu he mebpekidhilavet te megeget he kezuzumahi zin.
3310	LEV 19:28	wey kenè niw zaan pelii is lawa niw. Wey kenè kew zaan mebpepatik. Iyan a kes Nengazen.
3363	LEV 21:17	he keǥiya zin heini ziyà te ki Aaron: Wazà minsan hentei te menge kevuwazan nu he taman te huziyan he lapis te menge kevuwazan he ebpekepenilbi pinaaǥi te kegkememumuhat emun duen sazir te lawa zin.
3367	LEV 21:21	Umbe, emun duen sazir te kevuwazan ni Aaron, ne kenà egkehimu he ebpemuhat kayi te kedì te menge pemuhat pinaaǥi te hapuy, he iyan keenen ku. Wey kenà daan egkehimu ke edseled sikandin diyà te Segradu he Lugar wey ed-uvey zuen te pemuhatà su egkeremerikan is Tulda ku. Piru egkehimu ke egkaan sikandin te menge keenen he vahin te menge memumuhat duen te segradu he pemuhat wey zuen te utew segradu he pemuhat. Iyan a is Nengazen midsivey keniyu para kedì.
3374	LEV 22:4	Wazà minsan hentei keniyu he egkehimu he egkaan te pemuhat, emun duen din daru te lundis, etawa zuen egawas diyà te sudiyè din tenged te zaru zin, etawa nekesamsam te azen he nehimu he meremerik su nekeseǥahid te minatey, etawa migewasan te similya, etawa nekesamsam te langgam, etawa etew he ed-isipen he meremerik. Wey zà sikandin egkehimu he egkaan te menge pemuhat emun ebpekepemeziǥù sikandin, piru medtaǥad pa sikandin taman te mahapun, dutun te edsanlep en is andew, ne egkehimu en human he egkaan sikandin te menge pemuhat he iyan keuyaǥan din su memumuhat man sikandin.
3407	LEV 23:4	Is Pista te Kedlavey te Belinsuǥuen wey is Pista te Supas he Wazè din Tapey, menge ispisyal heini he menge timpu he edtiǥum is menge Israilihanen te ked-azap te Nengazen.
3409	LEV 23:6	Ne ike-15 he andew zutun he vulan, ebpuun daan is Pista te Supas he Wazè din Tapey. Pitu he andew heini he pista, ne zutun he menge andew kinahanglan he iyan egkeenen niw is supas he wazè din tapey.
3441	LEV 23:38	Silibraha niw heini is ispisyal he menge timpu he ebpekeuman te Andew te Kedhimeley he ebeelan niw kada simana. Wey ipemuhat niw heini he menge pemuhat he ebpekeuman te menge gasa niw, menge pemuhat he para te kedtuman te menge penaad niw, wey menge pemuhat he kineugelingen he suat he ibpemuhat niw ziyà te Nengazen.
3652	NUM 1:47	Wazà iragkes kayi is menge kevuwazan ni Levi.
3806	NUM 5:13	Mibpehilavet sikandin te kumpadi zin he wazà metueni te esawa zin. Wazà netau te meremerik he vaal zin, su wazà nekaahà kandin te aktu.
4105	NUM 13:29	Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”
4118	NUM 14:9	Kenè niw zà supaka is Nengazen. Ne kenè kew mahandek te menge etew zutun su egkezaag tew sikandan. Wazà edtavang kandan, ne sikitew mulà, edtevangan kiw te Nengazen. Umbe kenè kew mahandek kandan.”
4125	NUM 14:16	‘Wazà mekehimu is Nengazen he ed-uwit te menge Israilihanen diyà te tanà he insaad din kandan, umbe mibpenhimetayan din en sikandan diyà te sibsivayan.’ ”
4210	NUM 16:15	Ne utew nepauk si Moises ne ke sikandin diyà te Nengazen te, “Kenè nu zewata is menge pemuhat dan. Wazà a mekesalà diyà te minsan hentei kandan; wazà minsan sevaha he asnu he migkuwa ku ziyà te kandan.”
4314	NUM 20:2	Wazà wahig dutun he lugar, umbe midsevehe en maan is menge etew te kebpekigkuntada ki Moises wey ki Aaron.
4346	NUM 21:5	umbe, midriklamu sikandan diyà te Megbevayà wey ziyà te ki Moises. Ke sikandan te, “Maan is impeǥawas key pa kenikew ziyà te Ehipto su wey key kayi mebpematey te sibsivayan? Wazà keenen wey wahig kayi! Neperahan key en kayi te mesemu he ‘manna’.”