36	GEN 2:5	wazè pa pinemula kayi te kelibutan wey wazè pa zaan benì he nenuvù, su wazè din pa ipeuzan su wazà etew he ebpekaatur te tanà.
54	GEN 2:23	Ne zutun migkaǥi kes maama te, “Duen ku en human duma! Is menge tulan din, ne zini ebpuun te tulan ku wey is sapù din daan, ne zini ebpuun te sapù ku. Egngezanan ku sikandin he ‘vahi’ su zini sikandin ebpuun te kedì te maama,” ke sikandin.
63	GEN 3:7	Ne zutun te nekepasad dan he egkaan, netuenan dan ke hengkey is meupiya wey mezaat, ne neseǥipè dan human he lelevas dan bes. Umbe mibpenahì dan is menge zahun te kayu he higus su wey zan duen igketambun te lawa zan.
75	GEN 3:19	Ne taman te kenè ke pa idleveng dini te tanà, wey ke zà ebpekekaan ke edrimusengan ka. Is eliyavuk te tanà iyan puunà te lawa nu ne ziyà daan heini keuzemà te eliyavuk ebpekeulì.”
103	GEN 4:23	Ne zutun he andew migkaǥi si Lamec diyà te menge esawa zin te, “He Ada wey Zila, pemineg kew te egkeǥiyen ku. Midhimetayan ku is kengkenakan he midrasey wey mibpalì kedì.
314	GEN 12:15	Ne is menge upisyal te hadì te Ehipto, hein neehè dan si Sarai, midtudtulan dan is hadì te utew mekempet sikandin he vahi ne mid-uwit si Sarai ziyà te turuǥan.
315	GEN 12:16	Tenged ki Sarai mibpurungan dutun te hadì si Abram, ne mibeǥayan din si Abram te menge vaka, kerehidu, menge asnu he vehiyan wey meemahan, wey menge kemilyu, wey menge uripen he vahi wey maama.
316	GEN 12:17	Piru tenged ki Sarai, he esawa ni Abram, duen utew gerabi wey egkein-inuwan he zaru he imbeǥey te Nengazen diyà te hadì te Ehipto wey te langun he menge etew ziyà te turuǥan din.
317	GEN 12:18	Ne netuenan duen te hadì te Ehipto, is hinungdan dutun te neulaula kandan, mid-umew zin si Abram ne ke sikandin te, “Utew mezaat is mid-ulaula nu kedì! Maan is wazè nu keǥiya he esawa nu si Sarai?
328	GEN 13:9	Meupiya pa ke ebpesuwayè ki, su mezakel pa is lugar he egkehelinan, ne pilì ka, ke hendei is egkesuatan nu, emun iyan ebpilien nu is dapit te egkeǥivang ne ziyà a edhalin te zapit te egkekewanan. Piru ke iyan ebpilien nu is dapit he egkekewanan, ne ziyà a te zapit te egkeǥivang.”
330	GEN 13:11	Ne zutun mibpilì ni Lot haazà is tivuuk he Suǥud te Jordan ne midhipanew en sikandin dutun pehendiyà te zapit te edsilaan. Ne iyan haazà kebpesuwayè dan ki Abram.
338	GEN 14:1	Ne iyan haazà timpu he iyan si Hadì Amrafel he hadì te Shinar, si Hadì Arioc he hadì te Elasar, si Hadì Kedorlaomer he hadì te Elam, wey si Hadì Tidal he hadì te Goyim.
339	GEN 14:2	Heini is menge hadì, ne midtebek dan ki Hadì Bera he hadì te Sodom, ki Hadì Birsha he hadì te Gomora, ki Hadì Shinab he hadì te Adma, ki Hadì Shemeber he hadì te Zeboyim, wey te hadì te Bela he iyan daan inged he Zoar.
340	GEN 14:3	Heini is lelima he hadì, ne midsevaha zan is menge sundaru zan diyà te Suǥud he Sidim he iyan guntaan sikan is Daǥat he Minatey.
341	GEN 14:4	Su heini is lelima he hadì, dutun he timpu, 12 he tuig, ne menge sakup sikandan ni Kedorlaomer, iyan, dutun te ike-13 he tuig ne midsukul sikandan.
342	GEN 14:5	Ne zutun te ike-14 he tuig, mibpengayew si Kedorlaomer wey is menge zuma zin he hadì, ne midtebek dan wey nengezaag dan is menge Ripanhen diyà te Ashterot Karnaim, is menge Zuzhanen diyà te Ham, is menge Emhanen diyà te menge suǥud te Kiryataim,
345	GEN 14:8	Ne zutun is menge hadì te Sodom, Gomora, Adma, Zeboyim, wey is hadì te Bela, midtiǥum dan is menge sundaru zan diyà te Suǥud he Sidim
346	GEN 14:9	ne nekidtebek dan ki Hadì Kedorlaomer he hadì te Elam, ki Hadì Tidal he hadì te Goyim, ki Hadì Amrafel he hadì te Shinar, wey ki Hadì Arioc he hadì te Elasar. Heepat he hadì is edtebeken te lelima.
347	GEN 14:10	Ne haazà is Suǥud he Sidim, mezakel is menge vudsi zutun he nepenù te merumiket he espaltu. Ne nengezaag is menge sundaru te hadì te Sodom wey Gomora, ne hein mibpelaǥuy zan, nengeulug is duma kandan diyà te menge vudsi, is duma, ne mibpelaǥuy zan diyà te menge vuvungan.
348	GEN 14:11	Ne zutun mibpenavan te heepat he hadì is langun he menge azen wey egkeenen te menge meǥinged te Sodom wey Gomora, ne midhipanew zan.
351	GEN 14:14	Ne hein nezineg ni Abram he nevihag is enaken din, midtiǥum din is 318 he sakup din he egkeseriǥan din. Heini sikandan, menge sakup din puun pa te ked-enaka kandan, ne miduma zin sikandan, ne midal-as dan sikan is heepat he hadì taman te inged he Dan.
353	GEN 14:16	Midhawì ni Abram is langun he menge azen he nengaaǥew te menge kuntada. Ne midhawì din daan si Lot wey is langun he menge azen ni Lot. Elin daan midlibri zin is nengevihag he vahi wey is duma pa he menge etew.
354	GEN 14:17	Ne zutun te ed-ulì en si Abram he ebpuun te kedeeǥa zin ki Kedorlaomer wey is menge zuma he hadì, midsinuǥung sikandin te hadì te inged he Sodom. Diyè din sinuǥunga te Suǥud he Shave he egngezanan daan te Suǥud te Hadì.
355	GEN 14:18	Ne zuen hadì te inged he Salem he si Melkizedek he midsinuǥung daan kandan. Mid-uwit sikandin te supas wey vinu su ibpekaan din wey ibpeinum din ki Abram. Memumuhat si Melkizedek te Utew Lavew he Megbevayà.
358	GEN 14:21	Ne zutun migkeǥiyan si Abram duen te hadì te Sodom te, “Is langun he menge azen dey he nahawì nu ne kenikew en, piru egkuwaan ku zed is langun he menge sakup ku.”
361	GEN 14:24	Kenè ku edewaten is minsan hengkey he para zà kedì. Iyan dà edewaten ku is nekaan en te menge sakup ku, kenè ku en id-ulì kenikew, ne iveǥey nu zaan is bahin te menge midtavang kediey he si Eshcol, si Aner, wey si Mamre.”
377	GEN 15:16	Ke heepat egkelapis is menge kevuwazan nu ziyà te senge nenasyun, ne human dan ed-ulì dini su wazè pa metuman is timpu te kedsiluti ku te menge Amorihanen tenged te menge salè dan.”
391	GEN 16:9	Ne zutun migkaǥi ziyà te kandin is belinsuǥuen te Nengazen, ke sikandin te, “Ulì ka ziyà te egalen nu ne pevayàbayè ka kandin.”
404	GEN 17:6	Edhimuwen ku he mepurung mevuwad is menge kevuwazan nu, ne egkehimu sikandan he zekelà he nasyun, ne is duma kandan ne egkehimu he menge hadì.
414	GEN 17:16	Edtuvazan ku sikandin ne ebmeǥingey ne pinaaǥi kandin ibeǥey ku kenikew is anak he maama. Egkehimu sikandin he kepuun te mezakel he menge nasyun, ne is duma he menge kevuwazan din ne egkehimu he hadì.”
432	GEN 18:7	Ne mibpelelaǥuy sikandin pehendiyà te uyaǥen din ne mibpilì te nati he vaka he utew meupiya ne impelapè din duen te betan-en he suluǥuen din ne impehilutù din.
444	GEN 18:19	Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”
458	GEN 18:33	Ne zutun nepasad is kebitiyara zan, nahanew is Nengazen, ne mid-ulì si Abraham diyà te kandan.
467	GEN 19:9	Piru nasì dan medtavak te, “Lumelengyawè ke zà dini, hentei ka is uvag en ebpelavetlavet kenami. Awè ka keniyan! Kela ke tuwas pa he mezaat is ed-ul-ulahan dey kenikew kenà kandan.” Ne zutun insinumag dan si Lot, ne ed-uvey zan en pezem duen te ǥemawan su egkebrahan dan is lekeb kayi.
490	GEN 19:32	Edlenguten ta nasì is amey ta te vinu, ne edhulizen ta sikandin su wey zuen te zed kevuwazan pinaaǥi te amey ta.”
498	GEN 20:2	Hein dutun dan en, ne migkeǥiyan din is menge etew he etevey zin si Sara. Umbe impaangey ni Hadì Abimelec he hadì te Gerar si Sara su ed-esewaan din.
502	GEN 20:6	Midtavak is Nengazen te, “Uya, netuenan ku he wazà mezaat he tuyù nu kandin, umbe mibpengelinteuwan ku he kenè ka mekeuvey kandin, su wey ka kenà mekesalà kedì.
503	GEN 20:7	Kinahanglan he ilikù nu sikandin diyà te ki Abraham, su ebpeneuven sikandin, ne id-ampù ke zin su wey ka kenà mebpatey. Piru emun kenè nu id-ulì, ebpetizeenan ku sikew he kenè en ebperis ne ebpatey ke en iyan ragkes is langun he menge sakup nu.”
509	GEN 20:13	Hein migkeǥiyan a te Nengazen he med-awà a ziyà te inged te amey ku, migkeǥiyan ku si Sara he ipekilala zin he telesuled key minsan hendei key mekepevayà. Pinaaǥi kayi igkepeehè din is dekelà he gaǥew zin kedì.”
510	GEN 20:14	Ne zutun in-ulì ni Abimelec si Sara ziyà te ki Abraham, ne mibeǥayan din si Abraham te menge kerehidu, baka, wey menge uripen he maama wey vahi.
511	GEN 20:15	Ne migkeǥiyan ni Abimelec si Abraham te, “Andam a te kebpeubpà keniyu kayi te tanè ku, ne iyan ka pilì ke hendei ka egkesuat he ed-ubpà.”
512	GEN 20:16	Ne migkeǥiyan din si Sara te, “1,000 he vuuk he pelata is ibeǥey ku ziyà te meemahan nu. Iyan heini ibpayùpayù ku keniyu su wey metueni te langun he menge zuma niw he wazà a mekesalà wey wazè ka mekepehilavet kedì.”
523	GEN 21:9	Ne sevaha he andew, naahà ni Sara si Ishmael (haazà is anak ni Abraham diyà te ki Hagar te Ehiptohanen) is edsudì te anak din he si Isaac.
546	GEN 21:32	Hein nepasad dan haazà is kesebutan dan diyà te Beersheba, migenat en si Abimelec duma ki Ficol, is pengulu te menge sundaru zin, ne mid-ulì dan diyà te tanè dan te menge Filistihanen.
550	GEN 22:2	Ne migkaǥi zutun is Megbevayà te, “Kuwaa nu is budtung he anak nu he si Isaac he utew nu mibmahal ne hendiyè ka te tanà he Moria. Tekezeg kew zutun te vuvungan he ibpeehè ku kenikew ne ipemuhat nu sikandin kayi te kedì he pemuhat he edtutungen.”
564	GEN 22:16	ke sikandin te, “Iyan heini migkaǥi te Nengazen: Ibpenangdù ku kayi te gehinawa ku he edtuvazan ku iyan sikew tenged te wazè nu ikeleǥezi kedì is namànamà he anak nu. Edhimuwen ku he utew medmezakel is menge kevuwazan nu su iring te menge vituen diyà te langit wey iring te menge pantad diyà te veyvey te zaǥat. Egkeveyveyaan dan is menge inged te menge kuntada zan.
581	GEN 23:9	su wey zin ivelegyà kayi te kedì haazà is surung he kilid te vevesukè din diyà te Macpela. Keǥiyi niw sikandin he ebeyazan ku te hustu he prisyu, kayi te etuvangan niw para egkehimu he penlevengè ku.”
594	GEN 24:2	Sevaha zutun he andew, migkeǥiyan ni Abraham is egalen te menge suluǥuen din he iyan sineriǥan te langun he menge azen din te, “Isavuk nu is belad nu kayi te laang ku. Tuus heini te penaad nu he edtistiǥusan te Nengazen, he iyan dà Megbevayà te langit wey tanà, ne kenè ka mebpilì te ed-esawaan te anak ku he si Isaac te vahi he tig-Canaan he emurè tew kayi te mid-ubpaan tew ǥuntaan.
596	GEN 24:4	Hendiyè ka te inged he mibpuunan ku, ne ziyè ka pilì te ed-esawaan te anak ku he si Isaac te menge kezuzumahi ku.”
597	GEN 24:5	Piru mid-insaan dutun si Abraham te suluǥuen din te, “Na, hengkey ve is ed-ul-ulahan ku emun kenà egkesuat is bahi he eduma kediey ke ed-ulì a zini? Egkesuatan nu ve he edumahan ku ziyà is anak nu?”
599	GEN 24:7	Is Nengazen, he iyan dà Megbevayà diyà te langit, migkaǥi kedì, he ewai ku is menge kezuzumahi te amey ku wey is inged ku he zutun a meetew. Ne nenangdù sikandin he ibeǥey zin heini is tanà he Canaan diyà te menge kevuwazan ku. Umbe hipanew ke en su ebpezumahan ke zin te menge velinsuǥuen din he ibpehuna kenikew ne iyan edtavang kenikew wey ka mekaahà diyà te egkeesawa te anak ku.
606	GEN 24:14	Emun ebuyù a te wahig duen te umuy te raǥa, ne emun ebpemineg sikandin he ibpeinum a ragkes is menge kemilyu ku, berakat he iyan sikandin kes mibpilì nu he egkehimu he esawa te suluǥuen nu he si Isaac. Pinaaǥi kayi egketuenan ku he impeehè nu is gaǥew nu te egalen ku he si Abraham.”
608	GEN 24:16	Utew mekempet he raǥa si Rebeka ne wazè pa sikandin meuvayi te maama. Mibpenaug sikandin dutun te kalut ne midteǥuan din is umuy zin te wahig. Ne hein nekepasad ne migaun sikandin dutun ne mid-ulì.
614	GEN 24:22	Ne hein nekeinum en is menge kemilyu, midkedkad duen te suluǥuen is uwiten din he ǥalunggalung he vulawan he heenem he gramu is keveǥat din. Midkedkad din daan is dezuwa he rintì he vulawan he 120 he gramu is keveǥat. Ne imbeǥey zin haazà ki Rebeka.
619	GEN 24:27	Ke sikandin te, “Edeliǥen is Nengazen, he iyan Megbevayà te egalen ku he si Abraham. Impeehè din is kenà egkahanew he ǥaǥew zin te egalen ku. Iyan sikandin migiya kedì wey a mekehendiyà te kezuzumahi te egalen ku.”
620	GEN 24:28	Ne mibpelelaǥuy si Rebeka is ed-ulì diyà te valey zan, ne midtudtulan din is iney zin te langun he nengeulaula.
621	GEN 24:29	Is suled din he si Laban dutun daan is ebpemineg te edtudtulen din, he ebpengeǥiyen duen te etew mehitenged kandin. Naahà ni Laban is galunggalung wey sikan is menge rintì diyà te velad te etevey zin he si Rebeka. Umbe mibpelelaǥuy sikandin pehendiyà te kalut ne midhendiyà te etew he migkaǥi ni Rebeka. Diyè ded haazà is etew medhithitindeg te uvey te kalut, duma te menge kemilyu.
629	GEN 24:37	Impenangdù ku te egalen ku he edtumanen ku is suǥù din he egkaǥi te, ‘Kenè ka mebpilì te ed-esewaan te anak ku kayi te menge tig-Canaan he is tanè dan iyan ed-ubpaan tew ǥuntaan.
631	GEN 24:39	Piru nenginginsà a, ‘Na, hengkey is ed-ul-ulahan ku emun kenà eduma haazà is bahi kedì?’
633	GEN 24:41	Emun diyè ka ebpevayà te menge kezuzumahi ku, wazè nu televaken dutun te penangdù nu kedì emun kenè dan ebpemineg he ibpezuma kenikew is bahi.’
636	GEN 24:44	Emun ebpemineg sikandin he ipeinum e zin ragkes is menge kemilyu ku, deyzey ke iyan en sikandin mibpilì nu he vahi he egkehimu he egkeesawa te anak te egalen ku.’
639	GEN 24:47	Ne kegkepasad dutun, mid-insaan ku sikandin ke hentei sikandin ki anak. Midtavak sikandin te, ‘Anak a ni Betuel te anak ni Milca he esawa ni Nahor.’ Ne zutun mid-eritisan ku is izung din, ne imperirintì ku sikandin.
640	GEN 24:48	Midlangkeb a su ed-ezapen ku is Nengazen. Midalig ku is Nengazen, he Megbevayà te egalen ku si Abraham. Iyan sikandin mibpeturedu kedì te hustu he lugar, he zutun ku egkaahà is anak te kezuzumahi te egalen ku he egkehimu he esawa te anak din.
643	GEN 24:51	Heini zed si Rebeka, dumaha niw en sikandin ke ed-ulì kew para egkehimu sikandin he iyan esawa te anak te egalen nu, sumalà is migkaǥi kenikew te Nengazen.”
646	GEN 24:54	Ne zutun, migkaan haazà is suluǥuen wey sikan is menge zuma zin. Ne zutun dan en mekehizeǥà te haazà he kezukileman. Ne hein nepawà mid-enew zan ne migkaǥi haazà is suluǥuen te, “Ed-ulì ad guntaan diyà te egalen ku.”
648	GEN 24:56	Piru migkaǥi haazà is suluǥuen te, “Kenà a keniyu senggena. Midhimu en te Nengazen he metuman is tuyù ku kayi, umbe ipeulì e en keniyu ziyà te egalen ku.”
654	GEN 24:62	Ne si Isaac, diyà sikandin ed-ubpà te Negev, beǥu pa sikandin mekeulì he ebpuun te Beer Lahai Roi.
681	GEN 25:22	Egkeǥezam din is henduen be te ebpezumuǥà haazà is sereping he menge vatà diyà te ǥetek din. Migkaǥi si Rebeka te, “Emun iyan bes heini egkeulaula kandan te huziyan he timpu, deyzey nasì ke mebpatey ad.” Umbe mid-insà sikandin diyà te Nengazen mehitenged kayi. Migkaǥi is Nengazen diyà te kandin te,
688	GEN 25:29	Ne sevaha he andew, te kemulu en edhilutù si Jacob te menge tilas he meriǥà, ne nekeulì si Esau is nenuǥes ne utew sikandin nevitil.
690	GEN 25:31	Ne midtavak si Jacob te, “Wey ku sikew ebeǥayi kayi emun ibeǥey nu kedì is ketenged nu te kegkekakey.”
692	GEN 25:33	Piru midtavak si Jacob te, “Penangdù ka zèpa kedì.” Ne zutun nenangdù si Esau he ibeǥey zin en ki Jacob is ketenged din te kegkekakey.
694	GEN 26:1	Ne mid-aǥi en is bitil zutun te lugar he mid-ubpaan ni Isaac, kenà haazà kes bitil te kaazen pa ni Abraham. Midhendiyà si Isaac te ki Abimelec, sikan is hadì te menge Filistihanen he ziyà te inged he Gerar.
698	GEN 26:5	Ebeelan ku heini su mibpezumazuma si Abraham kedì. Midtuman din is langun he menge suǥù wey penurù ku.”
701	GEN 26:8	Malù en neuǥet is ked-ubpà eni Isaac diyà te Gerar. Sevaha he andew zutun, neserengà he midsinulew ziyà te bintanà si Abimelec he hadì te menge Filistihanen, ne neehè din he ebpekepkepà si Isaac wey si Rebeka.
719	GEN 26:26	Midhendiyà si Hadì Abimelec he ebpuun te Gerar ne miduma zin is sumesambag din he si Ahuzat wey sikan is egalen te menge sundaru zin he si Picol.
720	GEN 26:27	Mid-insaan ni Isaac sikandan te, “Maan is midhengkayi kew te kedì? Egkepeukan e man keniyu, umbe impaawà a keniyu ziyan te lugar niw?”
732	GEN 27:4	Ne hilutua nu kedì is utew ku egkesuati he keenen ne uwita nu kayi te kedì su egkeenen ku. Egkepasad dutun ne ebpenubtuvazan ku sikew te kenè e pa ebpatey.”
740	GEN 27:12	Kela ke ǥewezi a ni amà ne egketuenan din he mid-ilad ku sikandin, ne kenè e zin en ebpenubtuvazan kekenà, nasì e zin dà edrewaki.”
747	GEN 27:19	Ne midtavak si Jacob te, “Iyan a si Esau, kes kakey he anak nu. Midtuman ku en is insuǥù nu kedì. Enew ka wey ka mekekaan duen te neutel ku su wey a kenikew mepenubtuvazi.”
758	GEN 27:30	Ne hein neipus ni Isaac is kebpenubtuvazi zin ki Jacob, ne migenat si Jacob. Beǥu pa utew zutun mid-awà si Jacob, ne iyan daan kebpekeulì ni Esau te nenuǥes.
761	GEN 27:33	Hein nezineg haazà ni Isaac, migkerker sikandin ne nemensag, “Hentei ves haazà is neketuǥes duen te mid-uwit kayi te kedì he keenen? Beǥu e pa nekepasad he egkaan kayi te kebpekeuma nu. Mibpenubtuvazan ku en sikandin ne kenè ku en egkehimu te edhawì.”
764	GEN 27:36	Ne migkaǥi si Esau te, “Ikezuwe en heini te kebinuangi zin kedì. Umba ves Jacob is inngazan kandin. Mid-eǥawan e zin te ketenged te kegkekakey ku, ne ǥuntaan migkuwa zin pa is kebpenubtuvad he para kedì.” Ne zutun mid-isaan din is amey zin te, “Ama, wazè nu en be igkepenuvadtuvad kediey?”
773	GEN 27:45	ne egkelipatan din en is mibeelan nu kandin. Ebpeveyaan ku zà sikew ziyan emun egkaaween is rerangit din kenikew. Kenè ku egkesuatan he egkaawè kew is dezuwa kayi te kedì te senga andew zà.”
774	GEN 27:46	Ne migkeǥiyan dutun ni Rebeka si Isaac te, “Utew ku en igkerasey te ed-isip-isip is tenged kayi te menge esawa ni Esau he menge Hitihanen. Emun iyan ed-esewaan ni Jacob is tig-kayi zed he vahi he Hitihanen, deyzey pa ke ebpatey e en nasì.”
795	GEN 28:21	wey emun ebpekelikù a ziyà te ubpaan te amey ku he wazà mezaat he egkehitavù kedì, ne sikew is Nengazen, iyan ka Megbevayà he ed-ezapen ku.
808	GEN 29:12	Migkeǥiyan din si Raquel te, “Anak a ni Rebeka, umbe enaken a te amey nu.” Mibpelelaǥuy si Raquel is ed-ulì ne midtudtulan din is amey zin.
811	GEN 29:15	Ne hein senge vulan en is ked-ubpà ni Jacob diyà te ki Laban, migkeǥiyan ni Laban sikandin te, “Kenà meupiya he edterebahu ka kayi te kedì he wazè nu suhul minsan pa te enaken ku sikew. Keǥiyi a kenikew ke hengkey is egkesuatan nu he idsuhul ku kenikew?”
814	GEN 29:18	Tenged te egkesuatan ni Jacob si Raquel, migkeǥiyan din si Laban te, “Edterebahu a kayi te kenikew seled te pitu he tuig emun ibpeesawa nu kedì si Raquel.”