2	GEN 1:2	Ne zutun, kenè pa hustu is kegkeveeli te kelibutan ne wazè din taǥù. Ne ziyà te zivavew te utew mezalem he wahig ne utew merusirem, diyà medriǥuriǥu is Mulin-ulin te Megbevayà.
31	GEN 1:31	Ne zutun mid-ahà te Megbevayà is langun he nelimbag din, ne utew iyan haazà meupiya. Ne mibmezukilem dutun, ne hein nepawè en, ne nehimu is ikeenem he andew.
40	GEN 2:9	Ne zuen menge kayu he impetuvù dutun te Nengazen he Megbevayà. Utew meupiya he ed-ahaan haazà is menge kayu ne meupiya zaan he egkeenen is menge veǥas dan. Ne zutun te teliwazà duen te pemuleey impetuvù din daan is kayu he ebpekeveǥey te untung wey is kayu he ebpekeveǥey te kegketau te meupiya wey mezaat.
50	GEN 2:19	Ne zutun, puun dutun te tanà, midlimbag te Nengazen he Megbevayà is langun he menge leew he menge langgam wey is langun he menge tagbis he ziyà ebpemenlayang te hewhewanan. Ne impeetuvang din haazà is langun dutun te etew su ed-ahaan din ke hengkey is menge igngazan kandan duen te etew. Ne sumalà is igngazan te etew te uman sevaha zutun te linimbag he egeǥehinawa ne iyan en ngazan din.
55	GEN 2:24	Iyan heini hinungdan ke maan is ed-ewaan te maama is amey zin wey iney zin ne ebpengesawa te vahi, ne zutun egkehimu haazà is maama wey vahi he sevaha zà.
57	GEN 3:1	Sikan is uled, ne utew metau he ed-akal te langun he menge langgam he linimbag te Nengazen he Megbevayà. Migkeǥiyan din kes bahi te, “Kenà buwa iyan migkaǥi te Megbevayà is kenè din idtuǥut keniyu is kegkaan te veǥas te minsan hengkey he kayu zini te pemuleey?”
62	GEN 3:6	Ne hein nesavut te vahi he metaam bes he egkeenen haazà is beǥas te kayu, wey meupiya zaan he ed-ahaan wey nesavut din daan he utew haazà egkinehenglana su wey zan mehimu he utew metau, ne midrupù sikandin dutun ne migkaan din. Ne mibeǥayan din daan is esawa zin he zuma zin daan dutun ne migkaan daan sikandin.
64	GEN 3:8	Ne hein mahapun en dutun he ebpengpengeramag, nezineg dan is Nengazen he Megbevayà he edhiphipanew zutun te pemuleey. Ne haazà is maama wey esawa zin, mid-elesan dan is Megbevayà dutun te menge kayu he ziyà te pemuleey.
65	GEN 3:9	Ne mid-umew te Nengazen he Megbevayà sikan is maama he ke sikandin te, “Hendei ka?”
66	GEN 3:10	Ne midtavak is maama te, “Nezineg ku sikew is edhiphipanew zini te pemuleey, ne nahandek a, su lelevas a, umbe mid-eles a.”
69	GEN 3:13	Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”
70	GEN 3:14	Ne zutun migkeǥiyan te Nengazen he Megbevayà kes uled, ke sikandin te, “Te langun he menge langgam he ayam wey ke leew ve, iyan ka edrewakan ku tenged te mid-ulaula nu heini. Ebpekelangkeb ke zà ne ebpekezula ka taman te kenè ke pa ebpatey.
72	GEN 3:16	Ne zutun migkeǥiyan din daan is bahi, ke sikandin te, “Tenged te mid-ulaula nu, edhimuwen ku he utew mesakit is kebelilita kenikew ke ed-anak ka. Merasey is ked-enaka nu te menge vatà, ne minsan pa zutun egkeeriǥan ke zed te esawa nu ne iyan sikandin ebayàbayà kenikew.”
77	GEN 3:21	Ne zutun mibaal is Nengazen he Megbevayà te visti he lundis te menge langgam ne insun-ud din haazà dutun te ki Adan wey te esawa zin.
81	GEN 4:1	Ne zutun mid-uvayan ni Adan haazà is esawa zin he si Eva, ne mibmeǥingey sikandin ne mid-anak sikandin te maama, ne ke si Eva te, “Midtevangan a te Nengazen he mekeanak a, umbe egngezanan ku sikandin te Cain.”
82	GEN 4:2	Ne mibmeǥingey en maan si Eva ne mid-anak sikandin te maama, ne mid-ngezanan din te Abel. Ne hein midekelà en si Abel, perevantey sikandin te menge kerehidu, ne si Cain, ne mibasuk mulà.
87	GEN 4:7	Su emun hustu is ed-ul-ulahan nu edewaten ku sikew; ne emun kenà, melemu ka ebpekesalà, su is salà ne iring te kumekaid he langgam he ed-ayan kenikew keniyan te ǥemawan. Utew zin egkesuati he mezaag ke zin, iyan, kinahanglan he iyan ka edaag kandin.”
89	GEN 4:9	Ne mid-insaan te Nengazen si Cain te, “Hendei is hazi nu he si Abel?” Ne midtavak si Cain te, “Hanew ta. Bantey e ve te hazi ku?”
90	GEN 4:10	Ne migkeǥiyan te Megbevayà si Cain te, “Utew mezaat is mid-ulaula nu! Is lengesa te hazi nu ne henduen be te ebpehizuhizu he edsilutan ku is etew he midhimatey kandin.
91	GEN 4:11	Ne ǥuntaan tenged te mid-ulaula nu, edrewakan ku sikew ne edhimuwen ku he kenè ke en ebpekevasuk kayi te tanà su netiǥisan is tanà te lengesa te hazi nu he mibunù nu.
96	GEN 4:16	Ne mibpekeziyù si Cain te Nengazen, ne ziyà med-ubpà te tanà he Nod he ziyà te zapit te edsilaan te Eden.
97	GEN 4:17	Ne mid-uvayan ni Cain is esawa zin ne mibmeǥingey ne in-anak din is batà he maama ne migngezanan dan te Enoc. Ne midtukud dutun si Cain te inged ne migngezanan din te Enoc su in-iring din te ngazan te anak din.
100	GEN 4:20	In-anak ni Ada si Jabal he iyan nehuna te langun he ed-elima te menge ayam wey ed-ubpà te menge tulda.
102	GEN 4:22	Si Zila mid-anak daan te maama ne iyan ngazan din si Tubal Cain he iyan dengan utew metau he pandey te ǥalang wey putew. Ne is etevey ni Tubal Cain ne iyan si Naama.
105	GEN 4:25	Ne mid-umanan ni Adan uvayi is esawa zin he si Eva, ne mid-anak te maama, ne migngezanan din ki Set, he ke và dà egkeǥiya, imbeǥey, su ke sikandin te, “Mibeǥayan a te Megbevayà te anak he ilis ki Abel.” Umbe iyan heini mid-ulaula te Megbevayà su mibunù ni Cain si Abel.
106	GEN 4:26	Ne hein neuǥet, nevuwad daan si Set te maama ne migngezanan din ki Enosh. Iyan haazà timpu zengan he ebpuunan te menge etew is paaǥi te ked-azap he egemiten is ngazan te Nengazen dutun te kebpengumew-umew zan.
110	GEN 5:4	Ne puun dutun te ked-enaka ki Set, 800 pa he tuig is keluǥayad te untung ni Adan, ne zuen duma pa he menge anak din he maama wey vahi.
113	GEN 5:7	Ne puun dutun te ked-enaka ki Enosh, 807 pa he tuig is keluǥayad te untung ni Set, ne zuen duma pa he menge anak din he maama wey vahi.
116	GEN 5:10	Ne puun dutun te ked-enaka ki Kenan, 815 pa he tuig is keluǥayad te untung ni Enosh, ne zuen duma pa he menge anak din he maama wey vahi.
119	GEN 5:13	Ne puun dutun te ked-enaka ki Mahalalel, 840 pa he tuig is keluǥayad te untung ni Kenan, ne zuen duma pa he menge anak din he maama wey vahi.
122	GEN 5:16	Ne puun dutun te ked-enaka ki Jared, 830 pa he tuig is keluǥayad te untung ni Mahalalel, ne zuen duma pa he menge anak din he maama wey vahi.
125	GEN 5:19	Ne puun dutun te ked-enaka ki Enoc, 800 pa he tuig is keluǥayad te untung ni Jared, ne zuen duma pa zaan he menge anak din he maama wey vahi.
128	GEN 5:22	Ne puun dutun te ked-enaka ki Metusela, 300 pa he tuig is keluǥayad te untung ni Enoc, ne zuen duma pa zaan he menge anak din he vahi wey maama. Dutun he timpu utew meupiya is kedepità ni Enoc wey Megbevayà, umbe nekeuma te 365 is keluǥayad te untung din ne nahanew sikandin, su midtulus sikandin te Megbevayà.
132	GEN 5:26	Ne puun dutun te ked-enaka ki Lamec, 782 pa he tuig is keluǥayad te untung ni Metusela, ne zuen duma pa zaan he menge anak din he maama wey vahi.
136	GEN 5:30	Ne puun dutun te ked-enaka ki Noe, 595 pa he tuig is keluǥayad te untung ni Lamec, ne zuen duma pa zaan he menge anak din he vahi wey maama.
140	GEN 6:2	Naahà duen te menge anak te Megbevayà he memekempet is menge vahi he anak te menge etew, ne mid-esawa zan dutun is menge vahi sumalà is egkesuatan dan.
142	GEN 6:4	Ne zutun he timpu hein neked-esawa is menge anak te Megbevayà wey is menge vahi he anak te etew, pinaaǥi zutun duen in-anak dini te tanà he menge etew he egngezanan te Nefilim. Ne haazà is menge Nefilim, ne utew menge ǥemhanan he etew ne utew zan nengevantug dengan.
143	GEN 6:5	Ne naahà te Nengazen he utew mezakel is menge kelelalung he ebeelan te menge etew wey iyan dà layun ed-isipen wey ed-ul-ulahan dan is mezaat.
147	GEN 6:9	Iyan heini guǥud mehitenged te pemilya ni Noe. Metazeng he etew si Noe. Dutun he timpu iyan dà sikandin etew he wazà igkesawey zuen; utew sikandin mibpekid-emiǥu te Megbevayà.
151	GEN 6:13	ne migkaǥi sikandin diyà te ki Noe te, “Neisip ku en he edlimasen ku is tivuuk he menusiyà. Su tenged kandan, nekeeneb te kelibutan is kelelalung, ne tenged dutun id-awè ku sikandan dini te tanà.
156	GEN 6:18	Iyan, sikew mulà, edhimuwen ku is utew melig-en he kebpekid-uyun ku kenikew. Ne ibpeseled ku sikew zuen te arka zuma is menge anak nu wey is esawa nu wey is menge ambey nu.
157	GEN 6:19	Ne ibpeseled nu zaan duma keniyu zutun te arka is langun he kelasi te menge linimbag he egeǥehinawa su wey kenè dan daan melimas. Tig-dezuwa te kada kelasi is ibpedparis niw he meemahan wey vehiyan.
158	GEN 6:20	Is menge tagbis daan sumalà is kelasi zan wey is menge langgam sumalà daan is kelasi zan wey is menge keranapranap daan sumalà is kelasi zan, tig-dezuwa te langun dutun is edhendiyan te kenikew su wey kenè dan melimas.
171	GEN 7:11	Mibpenuiǥen dutun si Noe te 600 he tuig. Ne hein ike-17 he andew te ikezuwa he vulan, mid-uzan te utew mereǥes wey midlepew zutun is utew zekelà he wahig he edtudà he ebpuun diyà te utew mezalem he zaǥat, ne ingkevusbus daan is utew zekelà he wahig he ziyà ebpuun te hewhewanan.
172	GEN 7:12	Ne mid-uzanan is kelibutan taman te 40 he andew wey 40 he kezukileman.
175	GEN 7:15	Sumalà te insuǥù te Megbevayà ki Noe, impeseled din diyà te arka is tigsenge paris he kelasi te langgam he mid-uvey ziyà te kandin. Ne midlekevan te Nengazen haazà is arka.
177	GEN 7:17	Midsigudu med-uzan kayi te kelibutan seled te 40 he andew. Mibmezalem is wahig taman te midletew sikan is arka.
179	GEN 7:19	Ne mid-iseg pa utew mebmezalem haazà is wahig ne nesapal is langun he memetikang he menge vuntud.
180	GEN 7:20	Ne mid-iseg pa zaan memezalem taman te menge 20 he ǥiek is kezalem din diyà te puntur te utew metikang he vuntud.
182	GEN 7:22	Mibpatey zutun is minsan hengkey he egeǥehinawa he ed-ubpà dini te tanà.
183	GEN 7:23	Midlimas te Megbevayà is minsan hengkey he egeǥehinawa he ed-ubpà dini te kelibutan: etew, langgam, keranapranap, wey is menge tagbis. Iyan dà nelibri si Noe wey is menge zuma zin diyà te seled te arka.
186	GEN 8:2	Mid-engked haazà is kedtudà te wahig he ebpuun te utew mezalem he zaǥat ne mid-engked daan is kegkevusbus te utew zekelà he wahig he ziyà ebpuun te hewhewanan, ne midtikdew haazà is utew mereǥes he uzan.
187	GEN 8:3	Ne zutun mid-iseg is kebmevavew te wahig taman te neuma is 150 he andew puun te kedlapey.
189	GEN 8:5	Mid-iseg mebmevavew is wahig taman te ike-10 he vulan. Ne zutun te egkehuna he andew te ikesepulù he vulan, egkeehè en is menge puntur te menge vuntud.
192	GEN 8:8	Ne impelayang en daan ni Noe is limuken su ed-ahaan din ke wazè en wahig diyà te tanà,
197	GEN 8:13	Ne 601 en is penuiǥen ni Noe. Ne zutun te egkehuna he andew te nehuna he vulan, wazè en wahig diyà te tanà. Ne in-awà dutun ni Noe is atep duen te arka ne neehè din he nemezahan en iyan is tanà.
205	GEN 8:21	Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.
208	GEN 9:2	Utew egkehandek keniyu is langun he menge langgam: is ebpemenhipanew, is ebpemenlayang, is ebpemenanap, wey is diyà ebpen-ubpà te wahig. Iyan kew ebayàbayà kandan te langun.
215	GEN 9:9	“Edtukuzen ku en guntaan is kebpekid-uyun ku keniyu wey te menge kevuwazan niw,
217	GEN 9:11	Ne iyan heini kebpekid-uyun ku keniyu: Kenè ku en maan edlimasen is langun he egeǥehinawa pinaaǥi te wahig. Kenè ku en maan edèdeetan is kelibutan pinaaǥi te wahig.”
218	GEN 9:12	Ne migkaǥi zaan is Megbevayà te, “Duen ibpeehè ku keniyu he egkehimu he tuus te wazà pidtemanan he kebpekid-uyun ku keniyu wey te langun he menge linimbag ku he egeǥehinawa he zuma niw he midlawang keniyan te arka. Ne iyan is:
219	GEN 9:13	Idsavuk ku en is belugtu ziyà te menge ǥapun he iyan tuus te kebpekid-uyun ku keniyu.
221	GEN 9:15	ne kenè ku edlipatan is kebpekid-uyun ku keniyu wey te langun he menge linimbag ku he egeǥehinawa, Kenè ku en maan ibpelapey is menge wahig para te kedlimasa te langun he menge linimbag he egeǥehinawa.
222	GEN 9:16	Emun egkeehè niw is belugtu ziyà te menge ǥapun, ed-ahaan ku zaan, ne edtenuzan ku is wazà pidtemanan he kebpekid-uyun ku keniyu te langun he linimbag ku ziyan te kelibutan he egeǥehinawa.”
223	GEN 9:17	Ne migkaǥi zaan is Megbevayà diyà te ki Noe te, “Is belugtu, ne iyan tuus te kebpekid-uyun ku keniyu te langun he egeǥehinawa zini te kelibutan.”
227	GEN 9:21	Sevaha zutun he andew, mid-inum sikandin te vinu he zutun ebpuun te menge pinemula zin he paras, ne nelangut sikandin ne midhizeǥà he nelevasan diyà te tulda zin.
228	GEN 9:22	Si Ham (is amey ni Canaan), mid-ehè din is amey zin he nelevasan ne midtudtulan din is menge kakey zin he ziyè pa te ǥawas te valey.
229	GEN 9:23	Iyan, si Shem wey si Jafet mulà, migkuwa zan te malung ne insinabley zan ne midseled dan dutun is ed-endud ne midtembunan dan is amey zan he nelevasan. Wazè dan tengtengi sikandin su wey kenè dan maahà haazà is amey zan he nelevasan.
231	GEN 9:25	ke sikandin te, “Berakat he rewaki ka te Megbevayà, Canaan. Mehimu ka he uripen te menge suled nu, ne mehimu he utew minus is pid-etawan nu.”
240	GEN 10:5	Iyan heini kevuwazan ni Jafet. Iyan sikandan mibpuunan te menge tribu he ziyà med-ubpà te veyvey te zaǥat. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.
246	GEN 10:11	Mid-awà si Nimrod dutun ne midhendiyà te Asiria ne zutun midtukud din is menge inged he Nineve, Rehobot Ir, Cala
247	GEN 10:12	wey Resen he ziyà te pid-elangan te Nineve wey Cala, he iyan nevantug he inged.
255	GEN 10:20	Iyan heini menge kevuwazan ni Ham. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.
265	GEN 10:30	Is netemanan te tanà he mid-ubpaan dan ne puun diyà te inged he Mesha pehendiyà te inged he Sefar he ziyà te menge vuvungan te zapit te edsilaan.
266	GEN 10:31	Iyan heini menge kevuwazan ni Shem. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.
270	GEN 11:3	Ne zutun, pesikaǥi zan te, “Ebaal kiw te sevaha he inged he zuen turi he ebpekeuma ziyà te langit, para mehimu kiw he bentuǥan wey para zaan kenè kiw mekedsusuwey kayi te tivuuk he kelibutan.” Umbe mibaal sikandan te brik, ne mid-init dan heini para mebmezesen utew. Brik is migamit dan batu man pezem. Ispaltu is migamit dan wey mekedezeket haazà.
272	GEN 11:5	Ne zutun, mibulus is Nengazen su ed-ahaan din is mibeelan te etew he inged wey turi.
278	GEN 11:11	Ne puun dutun te ked-enaka ki Arfaxad, 500 pa he tuig is keluǥayad te untung ni Shem, ne zuen duma pa he menge anak din he maama wey vahi.
280	GEN 11:13	Ne puun dutun te ked-enaka ki Shela, 403 pa he tuig is keluǥayad te untung ni Arfaxad, ne zuen duma pa he menge anak din he maama wey vahi.
282	GEN 11:15	Ne puun dutun te ked-enaka ki Eber, 403 pa he tuig is keluǥayad te untung ni Shela, ne zuen duma pa he menge anak din he maama wey vahi.
284	GEN 11:17	Ne puun dutun te ked-enaka ki Peleg, 403 pa is keluǥayad te untung ni Eber, ne zuen duma pa he menge anak din he maama wey vahi.
286	GEN 11:19	Ne puun dutun te ked-enaka ki Reu, 209 pa he tuig is keluǥayad te untung ni Peleg, ne zuen duma pa he menge anak din he maama wey vahi.
288	GEN 11:21	Ne puun dutun te ked-enaka ki Serug, 207 pa he tuig is keluǥayad te untung ni Reu, ne zuen duma pa zaan he menge anak din he maama wey vahi.
290	GEN 11:23	Ne puun dutun te ked-enaka ki Nahor, 200 pa he tuig is keluǥayad te untung ni Serug, ne zuen duma pa zaan he menge anak din he maama wey vahi.
292	GEN 11:25	Ne puun dutun te ked-enaka ki Tera, 119 pa he tuig is keluǥayad te untung ni Nahor, ne zuen duma pa zaan he menge anak din he maama wey vahi.
297	GEN 11:30	Ne si Sarai, kenà ed-anak umbe wazè din menge anak.
298	GEN 11:31	Ne midumahan ni Tera is anak din he si Abram, is ambey zin he si Sarai, wey is apù din he si Lot he anak ni Haran, ne mid-awè dan diyà te Ur he sakup te inged te menge Kildiyanhen su edhendiyè dan pezem te Canaan. Piru hein nekeuma zan diyà te inged he Haran, diyè dan dà med-ubpà.
303	GEN 12:4	Ne zutun, migenat si Abram sumalà is insuǥù kandin te Nengazen ne miduma zaan si Lot. Menge 75 is penuiǥen ni Abram dutun te timpu te ked-awè din dutun te Haran. Miduma zin is esawa zin he si Sarai wey is enaken din he si Lot. Elin daan miduma zin is langun he menge etew he nengesakup dan hein diyè dan pa te Haran. Ne mid-uwit dan daan is langun he menge azen dan. Midhipanew sikandan pehendiyà te tanà he Canaan.
307	GEN 12:8	Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.
309	GEN 12:10	Ne mid-aǥi is bitil zutun te tanà ne tenged dutun midhipanew si Abram pehendiyà te tanà he Ehipto su wey zan mekeubpà diyà.
314	GEN 12:15	Ne is menge upisyal te hadì te Ehipto, hein neehè dan si Sarai, midtudtulan dan is hadì te utew mekempet sikandin he vahi ne mid-uwit si Sarai ziyà te turuǥan.
316	GEN 12:17	Piru tenged ki Sarai, he esawa ni Abram, duen utew gerabi wey egkein-inuwan he zaru he imbeǥey te Nengazen diyà te hadì te Ehipto wey te langun he menge etew ziyà te turuǥan din.
317	GEN 12:18	Ne netuenan duen te hadì te Ehipto, is hinungdan dutun te neulaula kandan, mid-umew zin si Abram ne ke sikandin te, “Utew mezaat is mid-ulaula nu kedì! Maan is wazè nu keǥiya he esawa nu si Sarai?
318	GEN 12:19	Migkaǥi nu he etevey nu, ne migkuwa ku sikandin, su mid-esawa ku. Heini zed is esawa nu. Kuwaa nu ne awè kew kayi!”
320	GEN 13:1	Ne mid-awà ensi Abram dutun te Ehipto ne midlikù diyà te tanà he egngezanan te Negev, duma is esawa zin. Ne mid-uwit dan is langun he ketiǥeyunan dan. Ne miduma zaan kandan si Lot.
322	GEN 13:3	Ne puun dutun te Negev midhalinhalin sikandin taman te nekeuma en maan diyà te uvey te Betel he iyan sikan is daan he nesevukan te tulda zin he ziyà te pid-elangan te Betel wey Ai.
323	GEN 13:4	Ne iyan daan haazà inged he zuen pemuhatà he mibeelan din dutun. Ne mid-umanan din dutun pengum-umawa is Nengazen.
325	GEN 13:6	Ne tenged kayi kenà ereg is tanà he egkepenebtavan te langun he menge ayam dan ki Abram. Ne tenged te utew mezakel is menge sakup dan wey menge ayam dan, kenè en egkehimu he ebpeemurè dan dutun te tanà he ed-ubpaan dan.
331	GEN 13:12	Ne si Abram, diyà sikandin med-ubpà te tanà he Canaan; ne si Lot mulà, diyà sikandin med-ubpà te menge inged diyà te menge suǥud he uvey te Sodom ne zutun ne ziyè din benguna is menge tulda zin.
333	GEN 13:14	Ne si Abram, hein mid-ewaan en sikandin ni Lot, migkeǥiyan sikandin te Nengazen te, “Pememantew ka puun diyan te edhitindeǥan nu ne ahaa nu is tanà he ziyà te zapit te edsilaan, wey ziyà te zapit te edsenlepan.