23233	MAT 1:20	Mîrîrî pî' José esenumenka ko'mannîpî tanne Uyepotorîkon narima'pî inserî esenpo'pî José pia iwe'ne'. Moropai ta'pîiya ipî': —‍José, Davi nurî'tî paarî'pî, eranne' pe pra e'kî. Ano'pî pe Maria yapi'kî. Maasa pra mîîkîrî more yan pe Maria wanî manni', mîîkîrî man Morî Yekaton Wannî winîpainon pe.
23258	MAT 2:20	Moropai ta'pîiya: —‍Apakakî, enna'pokî. More isan yarakkîrî tarîpai enna'pokî Israel pata pona. Maasa pra manni'kan more wîî yu'se si'san sa'manta'pî man.
23288	MAT 4:10	Jesusya mîîkîrî maimu yuuku'pî. Ta'pîiya Makui pî': —‍Uyeyaton, atarimakî uupiapai. Maasa pra Paapa maimu e'menukasa' man see warantî: “Ayepotorî neken Paapa yapurîkî. Mîîkîrî maimu yawîrî neken ako'mankî”, taasai'ya man —‍ta'pî Jesusya Makui pî'.
23417	MAT 8:3	Mîrîrî taiya ye'nen, Jesusya tenya kainumî'pî yapîpa kai'ma. Moropai ta'pî Jesusya ipî': —‍Inna, esepi'tîn pî' nai. Mîrîrî taa Jesusya pe rî, eesepi'tî'pî. Inî'rî ere' ton pra eena'pî.
23420	MAT 8:6	Ta'pîiya Jesus pî': —‍Uyepotorî, upoitîrî sa'ne man mararî pra pri'ya pra uyewî' ta. E'mî'sa'kakoi pepîn kure'ne tîmoron epu'tî pî' aako'mamî mîrîrî —‍ta'pîiya.
23433	MAT 8:19	Mîrîrî taa Jesusya tanne, Moisés nurî'tîya yenupanto' pî' yenupaton erepamî'pî Jesus pî' kai. Moropai ta'pîiya: —‍Uyenupanen, uurî wanî sîrîrî tarî, o'non pata attî ya, awenairî uttî —‍ta'pîiya.
23435	MAT 8:21	Moropai tiaron Jesus wenairî tuutîsenya ta'pî ipî': —‍Uyepotorî, maasa awenairî uutîto'pe e'mai' pe enna'po tanne uyun pia aasa'manta pîkîrî —‍ta'pî tiaronya ipî'.
23439	MAT 8:25	Mîîkîrî yenpakai inkamoro imenka'san wîtî'pî ka'ne' pe teesi'nî'se. Ta'pî to'ya: —‍Uyepotorî, apakakî e'tî'kan pe man. Î' pî' awetun mîrîrî anna pîika'tîkî —‍ta'pî to'ya Jesus pî'.
23450	MAT 9:2	Mîrîrî yai tiaronkon pemonkonyamî'ya Jesus pia pri'yawon pepîn warayo' asakoi pepîn enepî'pî tette' ta tîîse. Jesusya innape pu'kuru tîkupî to'ya epu'tî'pî. Mîrîrî ye'nen ta'pîiya mîîkîrî pri'yawon pepîn pî': —‍Mooyi, meruntî ke e'kî. Maasa pra imakui'pî ankupî'pî kupî pî' wai uuwanmîra —‍ta'pîiya.
23476	MAT 9:28	Wîttî ta Jesus ewomî'pî, moropai inkamoro enkaru'nankon erepamî'pî Jesus pia aminke pra. Moropai inkamoro ekaranmapo'pî Jesusya: —‍Innape ayepi'tîuya'nîkon kupî pî' naatî? —‍ta'pîiya. —‍Inna, anna yepotorî —‍ta'pî to'ya ipî'.
23553	MAT 11:25	Mîrîrî yai Jesus epîrema'pî Paapa pî': —‍Paapa, tamî'nawîron yepotorî amîrî. Ka' konekatîpon amîrî, moropai non konekatîpon. Morî pe man tauya apî'. Maasa pra epu'nen pe awe'to' anenomî'pî yenposa'ya epu'nenan pepînya ayepu'to'pe. Epu'nen pe tîwe'sanonya epu'tî namai yenomî'pîya moropai pakko pe tîwe'sanon pia yenposa'ya epu'to'pe to'ya.
23659	MAT 13:51	Jesusya tînenupa'san ekaranmapo'pî: —‍Tamî'nawîrî umaimu epu'tî pî' naatî, mîrîrî tauya manni'? —‍ta'pî Jesusya tînenupa'san pî'. —‍Inna, epu'tî pî' anna man —‍ta'pî to'ya.
23694	MAT 14:28	Moropai Pedroya ta'pî ipî': —‍Uyepotorî, amîrî pe pu'kuru awanî ya, o'non pata awanî manni' pata uutîto'pe ka'kî tuna poro —‍ta'pîiya.
23696	MAT 14:30	Mîîkîrî asarî tanne, a'situnya ipuma'pî. Mîrîrî ye'nen eranne' pe eena pia'tî'pî. Moropai eeseuronka pia'tî'pî. Mîrîrî ye'nen teesi'nîpî pe awentaime'pî Jesus pî'. —‍Uyepotorî, upîika'tîkî! —‍ta'pîiya.
23714	MAT 15:12	Mîrîrî taasai'ya tîpo, Jesus nenupa'san wîtî'pî iipia. Moropai inkamoroya ta'pî ipî': —‍Uyepotorî, î' taaya manni' pî' fariseuyamî' atasi'sirunpasa' man amaimu pî' —‍ta'pî to'ya.
23724	MAT 15:22	Miarî wîri' wanî'pî Cananeu pon, Judeupa' pepîn. Jesus erepansa' tanne, mîîkîrî iipî'pî iipia. Moropai ta'pîiya tîwentaimepîtî ye'ka pe: —‍Uyepotorî, amîrî wanî Davi nurî'tî paarî'pî pe. Pîika'tîton amîrî. A'noko'pî pe sa'ne uyera'makî. O'ma' ewonsa' man unre wîri' ya'. Mîîkîrîya tone' ikupî pî' man —‍ta'pîiya.
23727	MAT 15:25	Tîîse mîîkîrî wîri' iipî'pî Jesus rawîrî moropai awe'sekunka'pî moropai mîîkîrîya ta'pî: —‍Uyepotorî, upîika'tîkî sa'ne —‍ta'pîiya.
23763	MAT 16:22	Mîrîrî taiya ye'nen, Pedroya Jesus yarî'pî tiaronkon kore'tapai tarakkîrî teeseurîmapa, imaimu yuwa'tîpa. Moropai ta'pîiya ipî': —‍Uyepotorî, mîrîrî warantî eeseurîma e'pai pra man. Paapaya mîrîrî kupî e'pai pra man ayarakkîrî —‍ta'pî Pedroya Jesus pî'.
23773	MAT 17:4	Mîrîrî ye'nen Pedroya ta'pî Jesus pî': —‍Uyepotorî, morî pe pu'kuru e'nî man tarî. Mîrîrî ye'nen itu'se awanî ya, eseurîwî'ne kaisarî tappîi ton konekauya sîrîrî, tiwin amîrî ton moropai tiwin Elias ton moropai tiwin Moisés ton kai'ma —‍ta'pîiya.
23780	MAT 17:11	Jesusya yuuku'pî: —‍Inna, seru' pepîn Elias nurî'tî warainon ii'sa' man tamî'nawîron konekai Paapa maimu yawîrî.
23784	MAT 17:15	Mîîkîrîya ta'pî Jesus pî': —‍Uyepotorî, unmu sa'ne a'noko'pî pe era'makî. O'ma' ewonsa' man mîîkîrî ya'. Moropai yeporîiya ya, non pona yenumîiya moropai inta arakkunta. Tu'ke ite'ka apo' ya' imasai'ya man. Moropai tuna ka yenunsai'ya man.
23794	MAT 17:25	—‍Inna, aye'maiya'nîkon —‍ta'pî Pedroya. Mîrîrî taasa' to'ya tîpo, Pedro ewomî'pî wîttî ta, Jesus e'to' ta. Moropai Jesus eseurîma'pî e'mai' pe Pedro eseurîma pra tîîse. Ta'pîiya: —‍Î' kai'ma esenumenkan pî' nan, Pedro? Anî'kanya ye'ma e'painon manni'kan ipîkkukon pata esanon esanon reiyamî' pia tarîronkonya tiaron pata ponkonya ka'rî?
23817	MAT 18:21	Moropai Pedro wîtî'pî Jesus pia. Moropai ta'pîiya Jesus pî': —‍Uyepotorî, î' warapo ite'ka uyonpa nîkupî'pî imakui'pî uwinîkîi ku'to'peuya uuwanmîra? Î' wani' pra man taato'peuya ipî'? —‍ta'pî Pedroya. —‍Asakî'ne mia' pona tîîmo'tai ite'ka ka'rî tauya e'painon?
23847	MAT 19:16	Moropai maasaron warayo' ipîkku pe tîwe'sen erepamî'pî tiwin wei Jesus pia. Moropai Jesus ekaranmapo'pîiya: —‍Uyenupanen, morî pu'kuru amîrî —‍ta'pîiya. —‍Î' morî kupîuya e'painon ipatîkarî uuko'manto' ton epoto'peuya Paapa pia? —‍ta'pîiya.
23852	MAT 19:21	Jesusya yuuku'pî: —‍Inna, tamî'nawîrî e'to' yawîrî anku'pai awanî ya, tiwinano'pî ankupî ton moro man. Tamî'nawîrî ayemanne ke e'repata, moropai mîrîrî yepe'pî mîrataikkai manni'kan sa'ne î' ton pra tîwe'taruma'tîsanon pia. Mîrîrî warantî ikupîya ya, inî' panpî' ayemanne ton eporîya ka' po. Moropai maaipîi uwenairî —‍ta'pî Jesusya.
23891	MAT 20:30	Miarî mîrîrî e'ma taawîrî, to' wîtîto' ena pona asakî'nankon enkaru'nankon ereutasa' wanî'pî. Inkamoroya eta'pî mîrîrî e'ma taawîrî Jesus wîtî yekare. Mîrîrî ye'nen to' entaimepîtî pia'tî'pî: —‍Uyepotorî, amîrî Davi nurî'tî paarî'pî, pîika'tîton amîrî, a'noko'pî pe sa'ne anna era'makî —‍ta'pî to'ya.
23970	MAT 22:29	Jesusya to' maimu yuuku'pî: —‍Aka, eesenku'tîsa'kon mîrîrî, î' taasa' Paapa maimu e'menukasa'ya epu'tîya'nîkon pra naatîi. Meruntî ke Paapa wanî epu'tîya'nîkon pepîn mîrîrî —‍ta'pî Jesusya to' pî'.
24149	MAT 26:26	Tîwentamo'kakon ye'ka pe, Jesusya trigo puusa' yapisî'pî tenya' moropai eepîrema'pî. Ta'pîiya: —‍Morî pu'kuru amîrî, uyun. Anna yuu ton tîrî pî' nai —‍ta'pîiya Paapa pî'. Mîrîrî tîpo ipîrikkapîtî'pîiya. Moropai itîrî'pîiya to' kaisarî. Itîrî tîuya pe ta'pîiya: —‍Maa, sîrîrî yapi'tî. Moropai ya'tî, maasa pra sîrîrî wanî upun pe.
24162	MAT 26:39	Inkamoro piapai mîîkîrî atarima'pî mararî. Moropai non ekaya tenpata enu'tî'pîiya, eepîrema'pî. Ta'pîiya: —‍Uyun, tamî'nawîron kupîya e'painon. Upîika'tîkî e'taruma'tî namai. Tîîse itu'se wanî yawîrî kî'kupîi. Itu'se awanî yawîrî neken iku'kî —‍ta'pîiya Paapa pî'.
24165	MAT 26:42	Moropai inî'rî itakon ite'ka pe, attî'pî epîremai, Paapa yarakkîrî eseurîmai. Ta'pîiya: —‍Paapa, e'taruma'tî namai upîika'tîkî. Tîîse mîrîrî yu'se pra awanî ya, î' itu'se awanî manni' yawîrî iku'kî —‍ta'pîiya.
24172	MAT 26:49	Moropai teerepamî pe, Judas wîtî'pî Jesus pia. Moropai ta'pîiya: —‍Uyenupanen, tîwanmîn wanî mîîtî aapia —‍taa ye'ka pe, Jesus yu'na'pîiya itenpata yai.
24173	MAT 26:50	Jesusya imaimu yuuku'pî. Ta'pî Jesusya: —‍Uyonpa, î' anku'pai awanî ya uyarakkîrî iku'kî ka'ne' pe. Moropai Judas ponkon pe iipî'sanya Jesus yapisî'pî.
24175	MAT 26:52	Tîîse Jesusya ta'pî: —‍Kaane, mîrîrî warantî pra, ayetawarai yeka'makî iwon ya'. Maasa pra etawara ke epîpainon wanî ya, mîîkîrî sa'manta e'pai awanî etawara kamo pe —‍ta'pî Jesusya.
24186	MAT 26:63	Tîîse Jesus wanî'pî moo î' taiya pra. Inî'rî teepîremasanon esanon yepotorîya Jesus ekaranmapo'pî: —‍Inna, Paapa ka' pon ese' pî' taaya yu'se wanî sîrîrî. Amîrî Paapa nîmenka'pî Cristo, Paapa munmu amîrî?
24187	MAT 26:64	Jesusya yuuku'pî: —‍Inna, amîrîya taa mîrîrî. Tîîse tauya sîrîrî apî'nîkon, maasa amîrî'nîkonya uurî ka' poi iipî'pî ereutasa' era'ma kupî sîrîrî Paapa meruntîri winî. Î' pensa sîrîrî non pona uuipî yai, katupuru po autî era'maya'nîkon kupî sîrîrî.
24209	MAT 27:11	Mîrîrî tanne, pata esa' Pilatos rawîrî Jesus wanî yai, Pilatosya ekaranmapo'pî. Ta'pîiya: —‍Amîrî, mîîkîrî Judeuyamî' esa' pe tîwe'sen? —‍ta'pîiya. —‍Inna, amîrîya taa mîrîrî —‍ta'pî Jesusya.
24244	MAT 27:46	Moropai ko'mamîiya 3 horas tîîse, Jesus entaime'pî meruntî ke: —‍Eloi, Eloi lamá sabactâni? —‍ta'pîiya tîmaimu ta. Paapa, uyun, î' wani' awanî ye'nen urumaka pî' nan? taato' mîrîrî umaimukon ta.
24247	MAT 27:49	Tîîse tiaronkonya ta'pî ipî': —‍Kaane, tîwî mîîkîrî nîsi. Maasa Elias iipî era'mapai'nîkon pakî'nan poi imo'kai, ipîika'tîpa —‍ta'pî to'ya.
24325	MRK 1:41	Jesusya era'ma'pî tî'noko'pî pe. Tenya tîrî'pîiya ipona. —‍Inna, ayepi'tîuya —‍ta'pîiya ipî'.
24334	MRK 2:5	Innape tîkupî to'ya epu'tî'pî Jesusya. Mîrîrî ye'nen ta'pîiya eke'nan pî': —‍Mooyi, imakui'pî ankupî'pî rona pî' wai —‍ta'pîiya.
24446	MRK 5:13	—‍Atîtî, moriya —‍ta'pî Jesusya. O'ma'kon epa'ka'pî mîîkîrî warayo' yapai moropai porcoyamî' ya' to' ewomî'pî. Moropai porcoyamî' eka'tumî'pî ikîrî poi tuna kata. Moropai to' e'soroka'pî tuna ka' moropai to' anarî'pî. Arinîke to' wanî'pî, 2.000 kaisarî.
24456	MRK 5:23	—‍Aase, uyewî' ta uyensi sa'manta pe man —‍ta'pî Jairoya Jesus pî'. —‍Aase uyewî' ta ayenya tîrîpa ipona eesepi'tîto'pe aasa'manta namai —‍ta'pîiya.
24479	MRK 6:3	—‍Mîîkîrî manni' wîttî konekanen, Maria more, innape nai? —‍ta'pî to'ya. —‍Tiago, moropai José, moropai Judas, moropai Simão rui mîîkîrî. Tarî iwîrisitonon man —‍ta'pî to'ya. Moropai Jesus yu'se pra to' ena'pî. Yapurî to'ya pra awanî'pî.
24673	MRK 10:16	Mîrîrî tîpo moreyamî' yapisî'pî Jesusya tena'. Moropai ta'pîiya Paapa pî': —‍Paapa, insanan moreyamî' ko'mannî'kî morî pe —‍ta'pîiya.
24674	MRK 10:17	Mîrîrî tîpo Jesus ese'ma'tî tanne, teeka'tunse warayo' erepamî'pî iipia. Ikaisarî awe'sekunka'pî inama ye'ka pe. Moropai Jesus ekaranmapo'pîiya: —‍Uyenupanen, morî amîrî —‍ta'pîiya. —‍Î' kupîuya e'painon ipatîkarî enen uuko'manto'pe Paapa pia? —‍ta'pîiya.
24677	MRK 10:20	—‍Inna, uyenupanen —‍ta'pî warayo'ya. —‍Mîrîrî yawîron uurî pena pata pai sîrîrî tîpose.
24678	MRK 10:21	Jesus esenumenka'pî ipî'. Itu'se awanî'pî kure'ne. —‍Maasa, inî' tiwinano'pî ankupî ton moro man —‍ta'pîiya. —‍Ayemanne ke e'repata tamî'nawîrî. Moropai itepe'pî mîtîrîi î' ton pînon sa'ne tîwe'taruma'tîsanon pia. Mîrîrî kupîya ya, ka' po eerepansa' yai, morî pu'kuru tîrî Paapaya aapia. Uyeseru pî' esenupai maaipîi —‍ta'pî Jesusya ipî'.
24704	MRK 10:47	—‍Jesus Nazarépon erepansa' man —‍ta'pî tiaronkonya. Mîrîrî eta tîuya pe, Bartimeu entaimepîtî pia'tî'pî. Ta'pîiya: —‍Jesus, Davi nurî'tî paarî'pî amîrî, pîika'tîton amîrî. A'noko'pî pe sa'ne uyera'makî —‍ta'pîiya.
24708	MRK 10:51	—‍Î' kupîuya yu'se awanî apî'? —‍ta'pî Jesusya ipî'. —‍Uyenupanen, uyenu konekakî sa'ne —‍ta'pî enkaru'nanya ipî'.
24730	MRK 11:21	Jesus nîkupî'pî pî' Pedro enpenata'pî. —‍Uyenupanen, maasa figo ye' era'makî. Anpa'nîpî'pî sa'mantasa' sîrîrî era'makî —‍ta'pîiya Jesus pî'.
24757	MRK 12:15	—‍O'non ye'ka pe epu'tî pî' nan? Ye'ma annaya ka'rî? Ye'ma annaya pepîn ka'rî? Tîîse seru' pe tenku'tî to'ya epu'tî'pî Jesusya. —‍Yairî pra amaimukon yuukuuya yu'se awanîkon epu'tî pî' wai eeseurîmakonpa kai'ma —‍ta'pîiya. —‍Maasa, tîniru ene'tî era'mato'peuya.
24759	MRK 12:17	—‍Inna, moriya —‍ta'pî Jesusya. —‍Itîîkî iipia, imîrî pe awanî ye'nen. César nekaremekî'pî unkupîkon ton pe ku'tî moropai Paapa nekaremekî'pî unkupîkon ton pe ku'tî nîrî. Mîrîrî taiya pî' ta'pî to'ya: —‍Akaya, epu'nen mîîkîrî.
24790	MRK 13:4	—‍Maasa, î' pensa mîrîrî taaya manni' kupî to'ya? —‍ta'pî to'ya. —‍O'non ye'ka pe mîrîrî kupî to'ya pe awanî epu'tî annaya e'painon?
24834	MRK 14:11	—‍Inna, morî pe man —‍ta'pî to'ya. —‍Anna pîika'tîya ya tîniru ke aye'ma annaya —‍ta'pî to'ya. Mîrîrî ye'nen Judas esenumenka'pî kure'ne, o'non ye'ka pe inkamoro pîika'tîto' tîuya ton pî' Jesus yapi'to'pe to'ya.
24853	MRK 14:30	Jesusya ta'pî ipî': —‍Kaane, Pedro. Sîrîrî ewarono' ya' itakon ite'ka pe kariwana etun rawîrî amîrîya taa kupî sîrîrî, “Unepu'tî pepîn mîîkîrî Jesus”. Ayenku'tîuya pepîn, seurîwî'ne ite'ka mîrîrî taaya kupî sîrîrî —‍ta'pîiya.
24885	MRK 14:62	—‍Inna, Cristo uurî —‍ta'pî Jesusya. —‍Ka' poi iipî'pî uurî pemonkon pe. Paapa meruntî winî ereutasa' era'maya'nîkon kupî sîrîrî. Katupuru kore'ta uuipî era'maya'nîkon kupî sîrîrî.
24929	MRK 15:34	Wei autîsa' tanne Jesus entaime'pî aronne. —‍Eloi, Eloi, lamá sabactâni —‍ta'pîiya tîmaimu ta. —‍Paapa, Paapa, î' wani' awanî ye'nen urumakaya sîrîrî? —‍taato' mîrîrî umaimukon ta.
24931	MRK 15:36	Tiaron eka'tumî'pî tuna yu'nanen esponja era'mai. Mîrîrî tîrî'pîiya so'ri uva yekku ka' yu'nato'peiya. Mîrîrî tîpo yei yaretî pî' yasi'tî'pîiya. Inta pona irennuku'pîiya yu'nato'peiya kai'ma. Mîrîrî tîpo ta'pîiya: —‍Maasa, pakî'nan poi imo'kai Elias nurî'tî iipî era'mapai'nîkon —‍ta'pîiya.
24940	MRK 15:45	—‍Inna, aasîrî aasa'mantasa' man —‍ta'pî surarayamî' esa'ya. —‍Moriya itesa'rî'pî mo'kata —‍ta'pî Pilatosya José pî'.
25022	LUK 1:60	Tîîse isanya ta'pî: —‍Kaane, itese' wanî pe man João kai'ma —‍ta'pîiya.
25071	LUK 2:29	—‍Paapa, morî pe pu'kuru nai. Amaimu yawîrî iku'sa'ya nai. Pîika'tîton anarima'pî era'ma pî' wai uyenu ke pu'kuru. Mîîkîrî pîika'tîton yarimasa'ya Judeuyamî' pia neken pra tîîse tamî'nawîronkon pemonkonyamî' pia, tîpîika'tînenkon ton yarimasa'ya a'ka pe awe'to'pe, î' kai'ma tîîko'manto'kon wanî epu'to'pe to'ya. Moropai mîîkîrî pîika'tîton wenai apemonkonoyamî' Judeuyamî' yapurî to'ya. Tarîpai uusa'manta pe wai tîîwanmîra maasa pra pîika'tîton era'masau'ya ye'nen —‍ta'pî Simeãoya.
25090	LUK 2:48	Mîîkîrî era'ma tîuya'nîkon yai, ituntonon esewankono'ma'pî. Mîrîrî yai isanya ta'pî ipî': —‍Unre, î' wani' awanî ye'nen mîrîrî warantî awanî? Ayunya moropai uurîya anna esewankono'ma kure'ne ayuwa pî' —‍ta'pîiya.
25181	LUK 5:5	Tîîse Simãoya ta'pî: —‍Uyenupanen, anna esenyaka'masa' sîrîrî kure'ne ewaron ya' eerenmapî pîkîrî, tîîse anî' yapisî annaya pra man. Tîîse “Yenuntî” taaya ye'nen, amaimu pe yenumî annaya sîrîrî —‍ta'pîiya.
25184	LUK 5:8	Mîrîrî warantî awe'kupî era'ma tîuya ye'nen, Simão Pedro e'sekunka'pî Jesus pia. Moropai ta'pîiya: —‍Uyepotorî, uurî sa'ne wanî imakui'pî ku'nen pe. Mîrîrî ye'nen uupiapai atarimakî. ˻Morî pe awe'to' warantî pepîn uurî˼ —‍ta'pîiya Jesus pî'.
25189	LUK 5:13	Mîrîrî taiya ye'nen Jesusya tenya kainumî'pî. Moropai yapî'pîiya. Moropai ta'pîiya: —‍Inna, ayepi'tîuya —‍ta'pîiya. Mîrîrî pe rî iteparan esera'ma pra eena'pî. Eesepi'tî'pî.
25196	LUK 5:20	Kure'ne innape tîkupî to'ya epu'tî tîuya ye'nen, Jesusya ta'pî mîîkîrî pri'yawon pepîn eke'nepamî'pî pî': —‍Uyonpa, imakui'pî ankupî'pî kupî pî' wai uuwanmîra —‍ta'pî Jesusya ipî'.
25270	LUK 7:6	—‍Inna, moriya. Uttî yepi'tîi —‍ta'pî Jesusya. Mîrîrî ye'nen Jesus wîtî'pî to' pokonpe. Mîîkîrî erepamî ko'mannîpî tanne, aminke pra surarayamî' esa'ya tonpayamî' yarima'pî Jesus ponaya kai, to' wîtîto'pe. Ta'pî surarayamî' esa'ya to' pî': —‍Makatîi ipî': “ ‘Uurî sa'ne wanî î' pe pra rî arawîrî maasa pra uyentai amîrî wanî ye'nen, uyewî' ta eewomî eserîke pra nai’, taa pî' man” makatîi.
25304	LUK 7:40	Mîîkîrî fariseu pî' Jesusya ta'pî: —‍Simão, apî' unekaremekî ton moro man —‍ta'pîiya. —‍Ka'kî moriya, uyenupanen —‍ta'pî Simãoya Jesus pî'.
25359	LUK 8:45	Jesusya to' ekaranmapo'pî: —‍Anî'ya uyapî mîrîrî? —‍ta'pîiya. Tîîse, —‍Anî'ya ayapî pra man —‍ta'pî to'ya. Mîrîrî pî' Pedroya ta'pî: —‍Uyenupanen, arinîkon pemonkonyamî' man awoi. Tamî'nawîronkonya ayatunnuku pî' man —‍ta'pîiya.
25391	LUK 9:21	—‍Inna, seru' pepîn, tîîse maasa Paapa narima'pî pe uurî wanî kîsekareme'tî anî' pî' —‍ta'pîiya.
25403	LUK 9:33	Mîrîrî tîpo inkamoro wîtî'pî tanne Jesus piapai, Pedroya ta'pî Jesus pî': —‍Uyenupanen, morî pe pu'kuru e'nî sîrîrî tarî. Mîrîrî ye'nen eseurîwî'ne tappîi ton koneka annaya sîrîrî. Amîrî ton tiwin, moropai Moisés ton tiwin, moropai Elias ton nîrî tiwin —‍ta'pîiya. Tîîse î' taa tîuya pe awanî epu'tîiya pra Pedro wanî'pî.
25408	LUK 9:38	Miarî tiwin warayo' wanî'pî to' kore'ta. Mîîkîrî entaimepîtî pia'tî'pî. Ta'pîiya: —‍Uyenupanen, apî' tauya sîrîrî tiwinan ye' sa'ne unmu yepi'tîya yu'se wanî ye'nen —‍ta'pîiya Jesus pî'.
25419	LUK 9:49	Moropai Joãoya ta'pî Jesus pî': —‍Uyenupanen, warayo' era'ma'pî annaya o'ma'kon yenpa'kanen amaimu pe. Tîîse mîîkîrî pî' ta'pî annaya inî'rî mîrîrî warantî kîkai mîîkîrî ye'ka pî'. Maasa pra anna yonpa pe awanî pepîn, tiaron mîîkîrî —‍ta'pîiya.
25420	LUK 9:50	Imaimu yuuku'pî Jesusya: —‍Kaane, mîrîrî kîkakî tîkai pra e'kî. Maasa pra awinîkîi î' rî kupîiya pepîn mîrîrî, tîîse morî kupîiya mîrîrî amîrî'nîkon ton pe —‍ta'pî Jesusya.
25429	LUK 9:59	Moropai Jesusya ta'pî tiaron warayo' pî': —‍Aase uwenairî —‍ta'pîiya. Tîîse mîîkîrîya ta'pî: —‍Uyepotorî, maasa e'mai' pe uyun sa'manta tanne. Yu'na'tîuya tîpo uutî —‍ta'pîiya.
25450	LUK 10:18	Mîrîrî yuuku'pî Jesusya: —‍Inna, mîrîrî warantî awanî maasa pra ka'ne' pe wara'napi e'sisiuka warantî, ka' poi Makui enasa' era'ma'pîuya, ˻imeruntîri yentai Paapa wanî ye'nen˼ —‍ta'pîiya.
25457	LUK 10:25	Tiaron pensa warayo' Moisés yeserurî'pî pî' yenupaton e'mî'sa'ka'pî moropai Jesus ekaranmapo'pîiya maasa pra epu'nen pe awanî anepu'pai awanî'pî. Mîrîrî ye'nen ta'pîiya: —‍Uyenupanen, O'non ye'ka pe see ipatîkarî enen uuko'manto' ton eporîuya e'painon?
25460	LUK 10:28	Mîîkîrî pî' ta'pî Jesusya: —‍Inna, yairî taa pî' nai. Moriya mîrîrî ku'kî. Mîrîrî kupîya ya, yairî enen aako'manto' ton eporîya —‍ta'pî Jesusya.
25473	LUK 10:41	Mîîkîrî maimu yuuku'pî Uyepotorîkonya. Ta'pîiya: —‍Marta, eesenyaka'mato' pî' neken awanî mîrîrî. Eesenyaka'mato'ya ayakinpa mîrîrî.
25475	LUK 11:1	Tiaron pensa Jesus epîrema'pî. Mîîkîrî ataretî'kasa' tanne, tiwinan inenupa'pî yonpaya ta'pî ipî': —‍Uyepotorî, anna yenupakî anna epîremato'pe. Joãoya tînenupa'san yenupa'pî warantî anna yenupakî —‍ta'pîiya.
25519	LUK 11:45	Mîrîrî taa Jesusya ye'nen, tiwin Moisés nurî'tîya yenupanto' pî' yenupatonya ta'pî Jesus pî': —‍Uyenupanen, mîrîrî warantî anna pî' nîrî eeseurîma epu'tî pî' anna man. Anna yeseru winîkîi eseurîman pî' nai —‍ta'pîiya.
25541	LUK 12:13	Inkamoro arinîkon yeurîma Jesusya tanne to' kore'ta tîwe'sen warayo' eseurîma'pî. Ta'pîiya Jesus pî': —‍Uyenupanen, anna yunkon nurî'tî yemannerî'pî innîmî'pî, mîrîrî rataikato'pe uyakonya ka'kî arakkita pairî uurî ton —‍ta'pîiya Jesus pî'.
25542	LUK 12:14	Imaimu yuuku'pî Jesusya: —‍Uyonpa, mîrîrî uurî esenyaka'mato' pepîn. O'non ye'ka pe see mîrîrî kupîuya epu'tî pî' nan? Mîrîrî kupîuya eserîke pra wai —‍ta'pîiya ipî'.
25569	LUK 12:41	Mîrîrî warantî Jesus eseurîma ye'nen Pedroya Jesus ekaranmapo'pî. Ta'pîiya: —‍Uyenupanen, mîrîrî eeseurîmato' wanî mîrîrî anna anenupa'san neken panamato'ya pe, tamî'nawîronkon ton pe ka'rî? —‍ta'pî Pedroya Jesus pî'.
25610	LUK 13:23	Mîrîrî yai warayo'ya Jesus ekaranmapo'pî. Ta'pîiya: —‍Uyenupanen, tu'kankon pepîn neken pemonkonyamî' e'pîika'tî kupî sîrîrî? —‍ta'pîiya Jesus pî'. Mîrîrî ta'pî Jesusya: —‍Moro man ka' po mana'ta e'ta'ka.
25637	LUK 14:15	Mîrîrî taa Jesusya eta tîuya pe, mesa pia ipokonpe tîwe'sen warayo' eseurîma'pî. Ta'pîiya: —‍Paapa, tamî'nawîronkon esa' pia entamo'kanto' pî' teewonsen wanî kupî sîrîrî taatausinpai —‍ta'pîiya.
25775	LUK 18:18	Judeuyamî' esa' pe tîwe'senya Jesus ekaranmapo'pî. —‍Uyenupanen, morî pu'kuru amîrî, —‍ta'pîiya Jesus pî'. Moropai ta'pîiya: —‍Î' kupîuya e'painon ipatîkarî enen uuko'manto' ton epoto'peuya Paapa pia? —‍ta'pîiya.
25798	LUK 18:41	—‍Î' kupîuya yu'se awanî ayarakkîrî? —‍ta'pî Jesusya ipî'. —‍Uyepotorî, inî'rî anera'mapai wai —‍ta'pî warayo'ya.
25805	LUK 19:5	Mîrîrî yei yo'koi teerepamî pe kakîsiya Jesusya era'ma'pî. Moropai ta'pîiya Zaqueu pî': —‍Zaqueu, ka'ne' pe autîkî maasa pra sîrîrîpe ayewî' ta uutî e'pai awanî —‍ta'pîiya.
25950	LUK 22:17	Mîrîrî tîpo Jesusya pisa yapisî'pî. Moropai eepîrema'pî. —‍Paapa, morî pu'kuru amîrî. Anna wuku ton tîrî pî' nai —‍ta'pîiya. Moropai itîrî'pîiya tînenupa'san pia. Ta'pîiya: —‍Maa, seeni' yapi'tî moropai akaisarî'nîkon ita'nî'tî —‍ta'pîiya.
25952	LUK 22:19	Moropai mîrîrî tîpo trigo puusa' yapisî'pîiya moropai eepîrema'pî. —‍Paapa, morî pu'kuru amîrî. Anna yuu ton tîrî pî' nai —‍ta'pîiya. Moropai mîrîrî pîrikka'pîiya moropai itîrî'pîiya tînenupa'san kaisarî. —‍Maa, sîrîrî wanî sîrîrî upun pe, uyesa' pe. Sîrîrî warantî uyesa' waikapîtî to'ya kupî sîrîrî amîrî'nîkon nîkupî'pî imakui'pî wenai. Mîrîrî ye'nen upî' awenpenatakon pe sîrîrî ya'tî —‍ta'pîiya.
25964	LUK 22:31	Jesus eseurîma ko'mannîpî'pî. Ta'pîiya: —‍Simão, maasa etakî morî pe. Paapaya Makuiya ayonpato' pata'se' ton tîîsa' man ayewankon ya'. Mîrîrî ye'nen ayonpaiya kupî sîrîrî. Apî' eesenyaka'ma manni' trigo pîmîtîponya imenka yare kore'tapai warantî, apî' ayonpaiya imakui'pî kupîpa.
25968	LUK 22:35	Moropai Jesusya tînenupa'san ekaranmapo'pî: —‍Manni' yai ayarimauya'nîkon yai isakuni pra moropai abolsarikon ton pra, moropai a'sa'sakon ton pra. Î' itu'se awe'to'kon ton pra awanî'pî? —‍ta'pî Jesusya. —‍Kaane, tamî'nawîrî wanî'pî —‍ta'pî to'ya.
25975	LUK 22:42	Ta'pîiya: —‍Uyun, tamî'nawîron kupîya e'painon. Upîika'tîkî e'taruma'tî namai. Tîîse itu'se uurî wanî yawîrî kî'kupîi. Tîîse itu'se awanî yawîrî iku'kî —‍ta'pîiya.
25981	LUK 22:48	Mîîkîrî pî' ta'pî Jesusya: —‍Judas, mîrîrî warantî uyu'naya ke uurî ka' poi iipî'pî pemonkon pe rumakaya mîrîrî uyeyatonon yenya'? —‍ta'pîiya.
25984	LUK 22:51	Tîîse Jesusya ta'pî to' pî': —‍Kaane, mîrîrî warantî pra —‍ta'pîiya. Moropai Jesusya mîîkîrî warayo' pana yapisî'pî moropai ipata'pî ya' itîrî'pîiya, yepi'tî'pîiya.
25991	LUK 22:58	Mîrîrî tîpo mararî tîîko'manse tiaron warayo'ya era'ma'pî moro rî. Moropai ta'pîiya ipî': —‍Amîrî itonpa ipokonpe tîwe'sen —‍ta'pîiya. —‍Kaane, itonpa pepîn uurî —‍ta'pî Pedroya.
25992	LUK 22:59	Mîrîrî tîpo tiwin hora tîîko'manse tiaronya ta'pî: —‍Inna, seru' pepîn, mîserî nîrî wanî'pî mîîkîrî yarakkîrî. Maasa pra Galiléia pon mîîkîrî —‍ta'pîiya.
25993	LUK 22:60	Tîîse Pedroya yuuku'pî: —‍Kaane, uyepu'tî pepîn pî' eseurîman pî' nai, tiwin kin mîîkîrî unepu'tî pepîn —‍ta'pîiya. Mîrîrî taa Pedroya tanne, kariwana yunkon e'na'pî.
26000	LUK 22:67	Inkamoroya Jesus ekaranmapo'pî: —‍Ka'kî anna pî'. Amîrî wanî Paapa nîmenka'pî pe, inarima'pî pe awanî? —‍ta'pî to'ya. To' maimu yuuku'pîiya: —‍Inna, Paapa narima'pî uurî tauya ya apî'nîkon innape ikupîya'nîkon pepîn.