24503	MRK 6:27	Moropai ka'ne' pe Herodesya surara yaipontî'pî: —‍Atîkî. João pu'pai era'mata —‍ta'pîiya. Surara wîtî'pî. Atarakkannîto' ta João pu'paraikkîtî'pîiya.
24559	MRK 7:27	Moropai Jesusya ta'pî: —‍Kaane. E'mai' pe upemonkonoyamî' pîika'tîuya, Judeuyamî'. Amîrî Judeu pepîn. Arinmaraka pia more ya're' tîrî ya, yairî pra awanî. Mîrîrî warantî tamî'nawîron Judeuyamî' pîika'tîuya pra tîîse, amîrî pîika'tîuya ya, Judeu pe pra awanî tanne, yairî pra awanî —‍ta'pî Jesusya. ˻Judeuyamî'ya Judeu pepîn esatî'pî arinmaraka pe tewanmakon pe to' kupî tîuya'nîkon ye'nen.˼
24576	MRK 8:7	Moro'yamî' mîrikkî wanî'pî mararî to' pia. Inkamoro nîrî yapisî'pîiya. —‍Morî pu'kuru amîrî, Paapa. Anna yo' ton tîrî pî' nai —‍ta'pîiya Paapa pî'. —‍Maa. Seeni' tîîtî tamî'nawîronkon kaisarî —‍ta'pîiya tînenupa'san pî'. Moropai itîrî'pî to'ya tamî'nawîronkon kaisarî.
24593	MRK 8:24	Teesenumenka tîpo ta'pîiya: —‍Inna. Pemonkonyamî' asarî era'ma pî' wai, tîîse morî pe pra. Yei warantî to' era'ma pî' wai —‍ta'pîiya.
24599	MRK 8:30	—‍Inna. Tîîse maasa sîrîrî Paapa nîmenka'pî pe wanî kîsekareme'tî —‍ta'pî Jesusya.
24696	MRK 10:39	—‍Inna. Yapîtanîpî annaya e'painon —‍ta'pî to'ya. —‍Innape e'taruma'tî warantî awe'taruma'tîkon nîrî —‍ta'pî Jesusya. —‍Uwî tiaronkonya warantî tiaronkonya awîkon nîrî.
24706	MRK 10:49	Jesus emî'pamî'pî imaimu eta tîuya ye'nen. —‍Mîîkîrî yannotî —‍ta'pîiya. —‍Ayanno pî' Jesus man —‍ta'pî to'ya enkaru'nan pî'. —‍Atausinpakî. E'mî'sa'kakî —‍ta'pî to'ya.
24845	MRK 14:22	Tîwentamo'kakon pe Jesusya trigo puusa' yapisî'pî moropai eepîrema'pî. —‍Morî pu'kuru amîrî, Paapa. Anna yekkari ton tîrî pî' nai —‍ta'pîiya Paapa pî'. Mîrîrî tîpo ipîrikkapîtî'pîiya moropai itîrî'pîiya to' kaisarî. —‍Maa. Sîrîrî upun —‍ta'pîiya.
26134	JHN 1:21	Moropai ta'pî to'ya: —‍Anî' kin amîrî moriya? Elias nurî'tî ka'rî amîrî? Joãoya ta'pî: —‍Kaane. Inî'rî ta'pî to'ya: —‍Pena Paapa maimu ekareme'nen, manni' Moisés nurî'tî nekaremekî'pî aaipî ton manni' ka'rî awanî? —‍ta'pî to'ya. —‍Kaane —‍ta'pîiya.
26181	JHN 2:17	Mîrîrî kupîiya pî' inenupa'san esenumenka'pî. Pena awe'menukasa' Paapa maimu pî' to' enpenata'pî. Paapa maimuya taa: —‍Yairî ayewî' ko'mamî yu'se wai kure'ne. Mîrîrî yu'se e'to' enasa' uyesa' pe —‍taiya. Mîrîrî pî' Jesus nenupa'san enpenata'pî.
26636	JHN 11:44	Mîrîrîya isa'manta'pî epa'ka'pî satippe. Yaironpî'sa' pe awanî'pî, itenya moropai i'pu pîkîrî, isa'manta'pî yaironto' kamisa ke. Itenpata yettapusa' wanî'pî nîrî kamisa ke. Jesusya ta'pî: —‍Yeukatî. Moropai yeuka'pî to'ya.
26881	JHN 18:27	Inî'rî Pedroya ta'pî: —‍Kaane. Mîrîrî pe rî kariwana yunkon e'na'pî.
27331	ACT 10:3	Tiwin wei ko'mamîiya Cornélio we'ne'pîtî warantî awanî'pî iwe'nasa' pra tîîse. Era'ma'pîiya Uyepotorîkon narima'pî. Inserî wanî tîîpia era'ma'pîiya. Mîîkîrîya ta'pî ipî': —‍Cornélio.
27824	ACT 23:22	Surarayamî' esa'ya yuuku'pî: —‍Mîrîrî taaya manni' upî' mîrîrî kîsekaremekîi anî' pî'. Moropai ta'pîiya mîîkîrî maasaron warayo' pî': —‍Atîkî.
28184	ROM 7:25	Tîîse epu'tî pî' wai, moro awanî tiwinan, Uyepotorîkon Jesus Cristo. Mîrîrî ye'nen tauya Paapa pî': —‍Morî pe man, maasa pra Jesus Cristo wenai upîika'tîsa'ya ye'nen —‍tauya. Sîrîrî warantî uuko'manpîtî. Esenumenkato' ya' itu'se Paapa e'to' anku'pai e'pîtî teuren, tîîse moro awanî uuko'manto' ya', itu'se Paapa e'to' pepîn uyentainon.
28200	ROM 8:16	Morî Yekaton Wannî Paapa nîtîrî'pî ko'mamî uyewankon ya' wenai, ta'nîkon: —‍Uurî tarîpai Paapa munmu. Moropai Morî Yekaton Wannîya nîrî taa: —‍Amîrî wanî Paapa munmu pe —‍taiya.
28371	ROM 14:23	Tîîse manni' a'tu'mînya tiyo' yanî ya teesenumenkato' yawîrî pra, imakui'pî kupîiya mîrîrî. Maasa pra —‍Yairî naka ikupîuya sîrîrî ta'ye' —‍taiya. —‍Mîrîrî ye'nen yairî pra awanî tai'se —‍kai'ma mîrîrî kupî anî'ya ya, imakui'pî kupîiya.
28443	1CO 1:12	Ayekarekon eta'pîuya see warantî: Taapîtîya'nîkon aawo'ma'takon ye'nen: —‍Uurî Paulo yapurînen. Tiaronya taa: —‍Uurî Apolo yapurînen —‍taiya. Tiaronya taa: —‍Uurî Pedro yapurînen. Moropai tiaronya taa: —‍Uurî Cristo yapurînen —‍taiya.
29181	GAL 3:12	Tîîse Moisésya yenupanto' rî'pîya taa pepîn tiwin kin. —‍Innape Jesus ku'tî yairon pe awanîkonpa —‍taiya pepîn. Tîîse taiya: —‍Seeni' konekakî, seeni' kî'kupîi —‍taiya. —‍Mîrîrî yawîrî tîwe'sen ko'mamî pe man morî pe —‍taasai'ya man.
29204	GAL 4:6	Uurî'nîkon wanî tarîpai Paapa munkîyamî' pe. Mîrîrî ye'nen uyewankon ya' Paapaya Morî Yekaton Wannî yarima'pî. Mîîkîrî wanî inmu yekaton pe. Mîîkîrîya taa —‍Paapa, uyun —‍taiya. Mîrîrî wenai uyunkon pe Paapa wanî epu'tî.
29497	PHP 3:9	Moropai Jesus pemonkono pe e'pai wanî. Maasa pra, Jesus rawîrî erepansa' yai, —‍Moisés nurî'tîya yenupanto' yawîrî awanî ye'nen, upemonkono pe awanî —‍taiya pepîn upî'. Tîîse taiya: —‍Innape uku'sa'ya wenai, upemonkono pe awanî —‍taiya. Yairî uyeseru eporî'pîuya Paapa winîpai. Mîrîrî tîrî'pîiya uupia innape tîkupîuya yai.
29627	COL 4:18	Tarîpai sîrîrî menukauya sîrîrî uyenya ke pu'kuru. Umaimu man aapia'nîkon. Aawanmîra'nîkon uurî kî'ku'tî tîîse atarakkannîto' ta wanî pî' enpenatatî. Moropai tauya Paapa pî': —‍Morî pe to' pîremakî, Paapa —‍tauya.
29721	2TH 1:5	See warantî esepu'tî yairî Paapa wanî. Apî'nîkon Paapa, uyesa'konya taa: —‍Î' pe pra rî awanîkon pepîn. Ewontî tarîwaya upata ya' —‍taiya. Mîrîrî ton pe awe'taruma'tîkon sîrîrî.
29765	1TI 1:2	Timóteo, amîrî wanî unmu pe pu'kuru, maasa pra innape Cristo kupî'pîya uurî wenai. Apona epîrema sîrîrî. Tauya Paapa, Uyunkon pî', moropai Cristo Jesus uyepotorîkon pî' nîrî: —‍Tamî'nawîron morî pe awe'to'kon ke Timóteo repatî. Moropai a'noko'pîkon pe era'matî, moropai tîwanmîn tîîtî iipia —‍tauya.
30346	JAS 1:13	Imakui'pî anku'pai anî' wanî ya, —‍Sîrîrî esenumenkato' iipî Paapa winîpai —‍kîkatî. Maasa pra imakui'pî kupîya'nîkon emapu'tî Paapaya pepîn. Morî mîîkîrî. Imakui'pî anku'pai Paapa wanî pepîn. Moropai anî'ya imakui'pî kupî emapu'tînen pepîn mîîkîrî.
30378	JAS 2:18	Yai pra anî'ya taa: —‍Inna taatîpon mîîkîrî, tîîse tiaron pî' taiya: —‍Morî teseru kenan mîîkîrî —‍taiya. Mîrîrî pî' tauya apî'nîkon. O'non ye'ka pe epu'to'peuya innape iku'nen pe awanî iteseru morî pe pra si'ma? Epu'tîuya eserîke pra. Tîîse aronne epu'tîuya innape ikupîiya morî iteseru wenai.
30400	JAS 3:14	Tîîse mîî pe awanîkon ya, itu'se awe'to'kon pî' neken eesenumenkakon ya: —‍Epu'nen uurî. Uurîya ayenupakon sîrîrî —‍kîkatî. Seru'ye' pe awanîkon, mîrîrî warantî taaya'nîkon ya.
30409	JAS 4:5	Moropai Paapa maimu e'menukasa'ya taa see warantî: —‍Morî Yekaton Wannî tîrî'pî Paapaya uyewankon ya'. Kure'ne uurî'nîkon yu'se awanî moropai uurî'nîkon ko'mannî'nen pe awanî imakui'pî kupî namai —‍taiya. Mîrîrî ye'nen —‍Se' tapairî taasai'ya mîrîrî —‍kîkatî.
30700	1JN 5:9	Î' rî pî' pemonkonyamî' eseurîma ya, se' kaisarî, mîrîrî pî' uurî'nîkonya taa: —‍Innape awanî to' eseurîma'pî. A'kî, tu'ke to' tîîse se' kaisarî ekaremekî to'ya era'makî —‍taa. Moriya Paapa eseurîma'pî ku'pai'nîkon innape, pemonkonyamî' yentainon mîîkîrî mîîto'pe. Moropai ta'pî Paapaya. —‍Unmu pu'kuru mîseni' warayo' —‍ta'pîiya. Tînmu pî' eeseurîma mîrîrî.
30701	1JN 5:10	—‍Innape Paapa kupî pî' wai —‍kai'ma esenumenkan ya uyewankon ya', innape awanî epu'tî uurî'nîkonya Paapa eseurîma'pî tînmu pî'. Anî'ya innape Paapa eseurîma'pî kupî pra awanî ya —‍Seru'ye' pe Paapa wanî —‍taiya. Maasa pra Paapa nekaremekî'pî tînmu yekare kupîiya pra awanî innape.
30735	3JN 1:10	Mîrîrî ye'nen inkoneka'pî pî' eeseurîma kupî sîrîrî aapia erepamî yai. Seru'ye' awe'seru'tî upona. Moropai mîrîrîya yepi'tî pepîn. Tîîse Jesus pemonkonoyamî' aminkankon erepamî ya, tonpa pe to' yapisîiya pepîn. Moropai morî pe to' anapi'pai tiaron wanî ya, —‍Kaane, tîwî to' nîsi. To' yapi'se pra e'kî —‍taiya. Moropai imaimu tîpîinamai pra tiaronya to' anapi'pai awanî ya, —‍Inî'rî soosi ta kewomîi —‍taiya mîîkîrî to' yapisîtîpon pî'.
31096	REV 19:10	Mîrîrî etauya pe, uyese'mu pona ena'pî yapurîto'peuya kai'ma. Tîîse mîîkîrîya ta'pî upî': —‍Kaane. Mîrîrî warantî uurî tapurîi pra e'kî. Maasa pra uurî wanî awanîyakon pe. Moropai ayonpayamî' wanîyakon pe nîrî, manni'kan Jesus nekaremekî'pî yawîrî tîîko'mansenon. Paapa yapurîtî, maasa pra Jesus nekaremekî'pî yairon wanî manni' profetayamî' nekareme'kî'pî pe, tiaron pepîn.