23398	MAT 7:13	Moropai ta'pî Jesusya: —‍E'ta'ka mana'ta yai ewontî. Maasa pra awene' mana'ta moropai awene' e'ma, mîrîrî wanî ataka'manto' ya' yaaton pe. Mîrîrî wanî sa'me pra. Mîrîrî ye'nen tu'kankon pemonkonyamî' esenku'tîsa' wîtî mîrîrî ataka'manto' ya'.
23552	MAT 11:24	—‍Ayenku'tîuya'nîkon pepîn. Paapaya amîrî'nîkon taruma'tî kupî sîrîrî mararî pra, Sodoma ponkon taruma'tî tîuya yentai, pemonkonyamî' yenumî tîuya yai —‍ta'pî Jesusya.
23625	MAT 13:17	—‍Ayenku'tîuya'nîkon pepîn. Inna pî' pu'kuru tauya sîrîrî. î' anera'ma'pîkon uwinîpai, anera'mapai arinîkon penaronkon Paapa maimu ekareme'nenan profetayamî' nurî'tî wanî'pî. Moropai yairî tîwe'sanon arinîkon pemonkonyamî' wanî'pî nîrî. Tîîse mîrîrî yai uyera'ma to'ya eserîke pra awanî'pî. Moropai î' aneta'pîkon uwinîpai anetapai nîrî to' wanî'pî. Tîîse eta to'ya eserîke pra to' wanî'pî nîrî —‍ta'pî Jesusya.
23799	MAT 18:3	Moropai ta'pîiya: —‍Ayenku'tîuya'nîkon pepîn, yairî tauya sîrîrî. Tiaron pe eesenumenkakon pra awanîkon ya, moropai tiaronkon ma're e'pai pra awanîkon ya, mîserî more warantî, Paapa wanî pepîn ayesa'kon pe, ipemonkono pe awanîkon pepîn.
23916	MAT 21:21	Mîrîrî taa to'ya ye'nen, Jesusya ta'pî: —‍Ayenku'tîuya'nîkon pepîn. Yairî tauya sîrîrî. Innape pu'kuru Paapa ku'to'ya'nîkon wanî ya yairî, mîîkîrî tîmu'tunpai pra, mîrîrî yei figo ye' pî' iku'sau'ya manni' warantî nîrî ikupîya'nîkon e'painon, innape iku'to'ya'nîkon wenai. Mîrîrî neken figo ye' pî' ikupîya'nîkon pepîn, tîîse seeni' wî' pî' taaya'nîkon ya: “Seeni' apata'se' yapai amo'takî, atîkî tuna ka”, taaya'nîkon ya, moropai “Esenunkî”, taaya'nîkon ya, innape iku'to'ya'nîkon wenai, mîrîrî e'kupî e'painon —‍ta'pî Jesusya.
23926	MAT 21:31	O'non ye'ka inmuya itu'se tîyun e'to' yawîrî ikupî'pî? —‍ta'pî Jesusya. Moropai inkamoroya imaimu yuuku'pî: —‍Manni' iruiya ikupî'pî —‍ta'pî to'ya. Mîrîrî pî' ta'pî Jesusya: —‍Ayenku'tîuya'nîkon pepîn. Manni'kan tesanonkon pia to' nîtîrî tîniru yapisî pî' teesenyaka'masanon, moropai manni'kan wîri'sanyamî' tesa'kon ke tîwe'repasanon se' tapairî. Imakui'san, inkamoro ye'ka esa' pe Paapa iipî pe man amîrî'nîkon rawîrî innape pu'kuru ikupî to'ya ye'nen.
23959	MAT 22:18	Tîîse Jesusya î' anku'pai to' wanî tarakkîrî epu'tî'pî. Moropai ta'pîiya to' pî': —‍Seru'ye'kon amîrî'nîkon. Aawarîrî'nîkon teesenku'tîsanon morî pe tîwanîkon kai'ma. Î' wani' awanî ye'nen uuwanmîra uurî anapi'pai awanîkon mîrîrî? —‍ta'pîiya.
24161	MAT 26:38	Moropai ta'pîiya: —‍Esewankono'mato'ya uyewan yannî'sa' man. Mîrîrîya uwî pe man —‍ta'pîiya. —‍Maasa tarî e'tî tîwarî panpî' e'tî unîmîkî pî' ako'mantî.
24291	MRK 1:7	Itekare ekareme'pîtî'pîiya: —‍Uye'ma'pî pî' uyentainon iipî kupî sîrîrî —‍taapîtî'pîiya. —‍Ipîkku pe awanî ye'nen i'sa'sa' yewa yeukauya eserîke pra awanî, itarumai'pî pe wanî ye'nen.
24347	MRK 2:18	Judeuyamî' yeseru yairî Paapa yapurî ye'ka pe, ta're'kon tonpai pra João Batista pemonkonoyamî' wanî'pî. Tiaronkon wîtî'pî Jesus pia moropai ta'pî to'ya ipî': —‍Ta're'kon tonpai pra João pemonkonoyamî' man, fariseuyamî' man nîrî mîrîrî warantî. Tîîse apemonkonoyamî' wanî inkamoro warantî pra. Î' wani' awanî ye'nen uyeserukon yairî pra to' wanî mîrîrî? —‍ta'pî to'ya.
24550	MRK 7:18	—‍Amîrî'nîkonya nîrî epu'tî pra awanîkon mîrîrî? —‍ta'pî Jesusya. —‍Uya're'kon unenno'makonya ukupîkon pepîn imakui'pî pe.
24608	MRK 9:1	Moropai Jesusya ta'pî to' pî': —‍Ayenku'tîuya'nîkon pepîn. Tamî'nawîronkon esa' pe Paapa ii'to' eseporî pe man. Mîrîrî yai tamî'nawîronkon yentai meruntî ke pu'kuru awanî epu'tî tamî'nawîronkonya. Mîrîrî era'ma tiaronkon tarîronkonya tîîsa'mantakon rawîrî —‍ta'pîiya.
24648	MRK 9:41	—‍Ayenku'tîuya'nîkon pepîn. Anî'ya awo'pakon ya tuna ke uurî yapurînen pe awanîkon wenai, Paapaya mîîkîrî awo'patîponkon ye'ma —‍ta'pîiya.
24686	MRK 10:29	Jesusya ta'pî: —‍Ayenku'tîuya'nîkon pepîn. Uyapurîto' tîuya wenai itekare ekareme'se anî' wîtî ya tonpayamî' piapai, mîîkîrîya, inî' panpî' tonpa ton eporî. Tonpayamî' tîwîrisitonon, tîsan, tîyun moropai tînmukuyamî' piapai attî ya, arinîke tonpa ton eporîiya, takon ton, tîwîrisi ton, tîsan ton, tînre ton. Moropai tewî', tîpata, rumakaiya ya, inî' panpî' tu'ke tewî' ton moropai tîpata ton eporîiya tu'ke. Moropai tiaronkonya itaruma'tî umaimu yawîrî awanî wenai, sîrîrî non po mîrîrî warantî eporîiya. Moropai ka' po ipatîkarî mîîkîrî ko'mamî Paapa pia.
24948	MRK 16:6	Mîîkîrîya ta'pî to' pî': —‍Teesi'nî'se pra e'tî. To' nîpokapîtî'pî pakî'nan pona yuwaya'nîkon mîrîrî. Jesus Nazarépon yuwaya'nîkon. Tîîse tarî Jesus ton pra man. Awe'mî'sa'ka'pî man. A'kî, ipata'pî era'matî —‍ta'pîiya.
25364	LUK 8:50	Mîrîrî eta'pî Jesusya. Moropai ta'pîiya Jairo pî': —‍Teesi'nî'se pra e'kî. Innape neken uku'kî. Moropai ayensi ennapamî —‍ta'pîiya.
25444	LUK 10:12	Moropai inî'rî ta'pî Jesusya: —‍Ayenku'tîuya'nîkon pepîn. Tiwinano'pî wei yai, tamî'nawîronkon yenumî Paapaya yai, mîrîrî cidade ponkon taruma'tîiya kupî sîrîrî kure'ne manni'kan penaronkon Sodoma ponkon taruma'tî'pî tîuya yentai.
25449	LUK 10:17	Moropai inkamoro 72 kaisaronkon warayo'kon itî'san enna'po'pî Jesus pia kure'ne pu'kuru taatausinpai. Moropai inkamoroya ekaremekî'pî Jesus pî'. —‍O'ma'kon wanî'pî anna maimu yawîrî. Maasa pra “Jesus maimu pe epa'katî pemonkonyamî' yapai”, ta'pî annaya. Mîrîrî ye'nen to' epa'ka'pî —‍ta'pî to'ya.
25796	LUK 18:39	Mîîkîrî entaimepîtî ye'nen e'mai' pe tuutîsanonya ta'pî ipî': —‍Moo e'kî, î' pî' awentaimepîtî —‍ta'pî to'ya. Tîîse yuukuiya pra inî' panpî' meruntî ke awentaimepîtî'pî. —‍A'noko'pî pe uyera'makî —‍ta'pîiya.
26128	JHN 1:15	João nurî'tî eseurîmapîtî'pî ipî' see warantî: —‍Mîîkîrî warayo' pî' uurî eseurîmapîtî ne'tîkini —‍ta'pîiya. —‍Uye'ma'pî pî' Mîîkîrî iipî, tîîse uyentai awanî, maasa pra uurî ton pra tîîse Mîîkîrî wanî'pî —‍ta'pîiya.
26298	JHN 5:19	Mîrîrî ye'nen Jesusya to' yeurîma'pî: —‍Ayenku'tîuya'nîkon pepîn. Uuwarîrî î' rî kupîuya eserîke pra awanî. Uyunya ikupî era'mauya ya, uurîya nîrî ikupî. Î' rî ku'nen pe Paapa wanî ya, uurî nîrî inmu iku'nen pe wanî, mîrîrî warantî rî.
26352	JHN 6:26	Jesusya ta'pî to' pî': —‍Ayenku'tîya'nîkon pepîn. Uurî yuwa pî' naatîi awore awanîkon pîkîrî ayekkari'tîsau'ya'nîkon wenai. Mîrîrî anî'ya ikupî eserîkan pepîn ku'sau'ya era'maya'nîkon tanne, tîîse î' taato'pe awanî epu'tîya'nîkon pepîn.
26396	JHN 6:70	Jesusya ta'pî: —‍Unmo'ka'san amîrî'nîkon asakî'ne pu' pona tîîmo'tai'nîkon, (12) kaisaronkon, moropai akore'ta'nîkon man tiwinan Makui poitîrî.
26508	JHN 8:58	Jesusya ta'pî to' pî': —‍Ayenku'tîuya'nîkon pepîn. Abraão nurî'tî ton pra tîîse moro wanî'pî. Ipatîkaron uurî.
26532	JHN 9:23	Mîrîrî wenai ta'pî iyunya: —‍A'yeke'ton pe man. Ekaranmapotî ipî'.
26551	JHN 10:1	Moropai Jesusya sîrîrî panton ekaremekî'pî fariseuyamî' pî': —‍Ayenku'tîuya'nîkon pepîn. Anî' ewomî ya carneiroyamî' ko'manto' kurarari ta, mana'ta yai pra, mîîkîrî wanî ama'ye' pe. Carneiroyamî' yama'runpai eewomî mîrîrî.
26570	JHN 10:20	—‍Î' wani' awanî ye'nen imaimu eta pî' aako'mamîkon —‍ta'pî tiaronkonya. —‍Aataka'masa'kon mîrîrî. O'ma' yense' pe man —‍ta'pî to'ya.
26596	JHN 11:4	Jesus pia itekare yarî'pî to'ya. Mîrîrî eta tîuya pe Jesusya ta'pî tînenupa'san pî': —‍Aasa'mantato'pe eeseparantîsa' pepîn mîrîrî. Eeseparantîsa' meruntî ke Paapa wanî epu'to'pe tamî'nawîronkonya, moropai morî pe pu'kuru inmu wanî epu'to'pe to'ya nîrî.
27632	ACT 18:6	Tîîse miarîronkon wanî'pî itu'se pra. To' ekore'ma'pî Paulo pî' itu'se pra tîwanîkon ye'nen. Mîrîrî ye'nen tîpon pî' atapisî'pî kutupan tu'ma'pîiya, moropai ta'pîiya to' pî': —‍Aataka'masa'kon ya aawarîrî'nîkon awanîkon wenai. Innape ikupîya'nîkon pra awanîkon wenai aataka'masa'kon. Tîîse uwenai pra —‍ta'pîiya to' pî'. —‍Tarîpai itu'se pra awanîkon ye'nen uutî sîrîrî Judeuyamî' pepîn pî' Paapa maimu ekareme'se —‍ta'pîiya.
27704	ACT 20:10	Moropai Paulo autî'pî iipia moropai awe'morikka'pî moropai i'mî woi yapisî'pîiya. Moropai ta'pîiya to' pî': —‍Teesi'nî'se pra e'tî. Mîîkîrî sa'mantasa' pra man tîîse enen man —‍ta'pîiya.
27789	ACT 22:17	Paulo eseurîma ko'mannîpî'pî: —‍Enna'po'pî Jerusalém pona. Mîrîrî yai epîrema tanne epîremanto' yewî' ta uwe'ne'pîtî warantî awanî'pî.
28798	1CO 15:12	Sîrîrî itekare anna nekaremekî'pî wanî Cristo e'mî'sa'ka'pî ekareme'nen pe. Mîrîrî ye'nen o'non ye'ka pe tiaronkonya taa: —‍Isa'manta'san e'mî'sa'ka pepîn?
28831	1CO 15:45	Maasa pra Paapa maimu e'menukasa'ya taasa' man: —‍E'mai'non warayo' Adão nurî'tî koneka'pî Paapaya tarîron tîîko'mansen pe —‍taasai'ya man. Tîîse ikînnî'non warayo' Cristo pîmî'sa'ka'pî Paapaya, ipatîkarî aako'manto'pe. Mîrîrî ipatîkarî to' ko'manto' ton tîrîiya tîpemonkonoyamî' pia.
30188	HEB 9:16	Epu'tî'nîkon enen anî' wanî tîîse, itemanne rî'pî yapisî pepîn. Tîîse aasa'manta tîpo neken, itonpa pe tîwe'senya mîîkîrî isa'manta'pî yemanne rî'pî yapisî e'pai awanî. —‍Uusa'manta'pî ya, uyonpa rî'pîya uyemanne rî'pî yapisî e'pai man —‍taasai'ya ye'nen.