57	GEN 3:1	Nayan, diyà te kedita te menge menenanap ininang te Timanem, memokan se ontò biyasa eg-akal. Mig-insà se memokan diyà te bayi, “Benal lay migpunù se Timanem kenyo te eked kaw kaen te pongo te kedita te kayo dini te kekeyowan?”
71	GEN 3:15	Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”
105	GEN 4:25	Nayan, penga te pegkematay i Abel, migpeleyokay si Adam aw esawa din, aw doen batà meama timebaw diyà ki Eva. Iningedanan din se batà din ki Set (kelebadan niyan, imbegay), so minikagi sikandin, “Binegayan a te Timanem te sebad batà inselilin ki Abel, so inimetayan sikandin i Cain.”
245	GEN 10:10	Pegtebò te peglowan din, limowan sikandin diyà te menge lonsod te Babel, Erac, aw Acad, ditelo lonsod doton te Sinar.
276	GEN 11:9	Iningedanan se lonsod sìyan Babel (kelebadan niyan, migkebulung), so ininang te Timanem medita kemolò se kagi te otaw kidoen, aw lekat kidoen binilit-bilit te Timanem se kedita dan doton te kebelad te keneyonan.
307	GEN 12:8	Penga niyan, dimeleg sikandin pesalo doton te menge bontod lenged te eglibtakan te lonsod te Betel. Mig-ogpà sikandin diyà te tengà-tengà te lonsod te Betel aw Ai. Lenged te egsellepan se lonsod te Betel, aw lenged te eglibtakan se lonsod te Ai. Mig-inang heman sikandin te sonoganan te ayam-ayam kidoen, aw migsimba sikandin te Timanem.
322	GEN 13:3	Pegkesayo din lekat te Negeb, mig-alin-alin sikandin pesalo doton te Betel lamig dimateng sikandin doton te tapay ogpeanan din kidoen te tengà-tengà te Betel aw Ai.
338	GEN 14:1	Nayan, si Amrafel se selotan doton te Sinar, si Arioc se selotan doton te Elasar, si Cadorlahomor se selotan doton te Elam, aw si Tadal se selotan doton te Goyim. Dalem te pegkeselotan dan, migsebad se epat dan migbolaw diyà te doma lima selotan seini, si Bara selotan te Sodoma, si Birsa selotan te Gomora, si Sinab selotan te Adma, si Semeber selotan te Seboyim, aw sìyan selotan te Bela doma ngadan niyan Soar.
345	GEN 14:8	Penga niyan, migpetagad se menge selotan te Sodoma, Gomora, Adma, Seboyim, aw Bela te menge sondalo dan. Dimoton dan te baog te Sidim amon mato dan
354	GEN 14:17	Peg-olì i Abram lekat te pegdaeg din ki Cadorlahomor aw menge doma selotan, simongon se selotan te Sodoma kandin doton te Baog te Sabec (iningedanan heman iyan Baog te Selotan).
371	GEN 15:10	Inibing i Abram se kedita niyan, aw inimetayan din iyan. Binekas din se lawa niyan, aw binelabay din iyan tegdowa-dowa, aw doen elet diyà te tengà-tengà. Meneng wedà din bekasi se dowa manok.
396	GEN 16:14	Yan se doun te iningedanan se selep sìyan Beer Lahai Roi (kelebadan niyan, selep te Timanem doen pedowan egpengità kanak). Kidoen pa songkani se selep sìyan doton te tengà-tengà te lonsod te Cades aw Bered.
440	GEN 18:15	Nelemitan si Sara, aw yan migkebolalaw sikandin aw minikagi, “Wedà a kebebayat.” Meneng minikagi se Pengolo, “Benal ka nebebayat.”
496	GEN 19:38	Doen heman batà meama timebaw diyà te adi, aw iningedanan din ki Ben-ami (kelebadan niyan, batà te kemonaan). Neinang sikandin kemonaan te kedita te otaw diyà te pongan te Amoni songkani.
502	GEN 20:6	Minikagi se Timanem diyà kandin pineokit te tegeinep, “Ee. Netegahan ko te wedad medaet ibeg te pedowan no te peg-inang no kenyan, aw yan se doun te migsagda a kamno amon eked ka peg-inang te salà diyà kanak. Binelebagan ko se pegpedapag no diyà kandin.
508	GEN 20:12	Benal se inikagi ko te etebay ko sikandin, so batà te amay ko sikandin, meneng sebad se inay din, aw yan pinengognan ko sikandin.
520	GEN 21:6	Minikagi si Sara, “Binegayan a den te Timanem te keluba, aw yan egkebebayat a den. Mebebayat heman se kedita te otaw domineg tepad kani tandà te keluba dan.”
528	GEN 21:14	Pegkeiselem niyan, limapos si Abraham nemegay te kànen aw sesalok nepenò te wayeg diyà ki Agar amon bebaen din, aw impekesayo din si Agar aw batà din. Dimoton dan te kebigtilan te Berseba, aw miglegeb-legeb dan kidoen.
545	GEN 21:31	Yan se doun te iningedanan se ogpeanan sìyan Berseba (kelebadan niyan, sokian te pakang), so migpepekangay dan kidoen.
546	GEN 21:32	Penga te pegpepekangay dan kidoen te Berseba, minolì si Abimelec aw si Picol doton te tanà te menge tege Filisti.
547	GEN 21:33	Penga niyan, nenanem si Abraham te kayo tamarisko doton te Berseba, aw migtawal-tawal sikandin diyà te Timanem wedad temanan.
567	GEN 22:19	Penga niyan, limikò si Abraham aw si Isaac doton te didowa sineligan, aw minolì dan doton te Berseba, aw mig-ogpà dan kidoen.
569	GEN 22:21	Si Hus se penganay batà din, si Bus se inolid din, si Camuel amay i Aram,
570	GEN 22:22	si Cased, si Asau, si Feldas, si Jedaf, aw si Betuel.
571	GEN 22:23	(Si Betuel se amay i Rebecca.) Yan se ngadan te walo batà i Nahor timebaw diyà ki Melca nayi i Abraham.
576	GEN 23:4	“Kenà a tege dini, so minalin a dini kenyo. Beyadan ko peden kenyo se tanà dini amon doen lebengan ko te esawa ko nematay.”
585	GEN 23:13	aw minikagi sikandin diyà ki Efron dinineg te kedita dan, “Penenalan ka den te kagi ko seini. Beyadan ko den se pawà no sìyan te kedakel te elagà niyan. Kinewai se ibayad ko, amon doen lebengan ko te esawa ko.”
589	GEN 23:17	Pineokit kenyan, nenig-apò si Abraham te tanà i Efron doton te Macpela medapag te lonsod te Mamre. Bineyadan din se tanà sìyan sipat te ilib kidoen, aw kedita te kayo nesakop te tanà sìyan.
607	GEN 24:15	Telobo pa sikandin migtawal-tawal, dimateng si Rebecca batà bayi i Betuel neniang te tibod. Kedowa i Abraham si Nahor se apò din meama, aw si Melca se apò din bayi.
616	GEN 24:24	Timaba se bayi, “Si Betuel se amay ko. Si Nahor se amay din aw si Melca se inay din.”
627	GEN 24:35	Ontò mèpiya se imbegay te Timanem diyà te amo ko, aw migkeyaman den sikandin. Binegayan sikandin te Timanem te medita karniro, kambing, baka, selapì, bolawan, allang, kamilo, aw asno.
628	GEN 24:36	Doen batà din meama timebaw diyà te esawa din si Sara te pegkelokes din. Batà din sìyan se binegayan i Abraham te kedakel te keyemanan din.
639	GEN 24:47	Mig-insà a diyà kandin aw sinu se amay din, aw minikagi sikandin, ‘Si Betuel se amay ko. Si Nahor se amay din, aw si Melca se inay din.’ “Penga niyan, insawol ko se aritis diyà te idong din, aw didowa taklay diyà te bebenayen din.
642	GEN 24:50	Minikagi si Laban aw si Betuel, “Impetaga-taga den te Timanem se ibeg din. Eked day iyan todai.
654	GEN 24:62	Nayan, mig-ogpà si Isaac doton te Negeb. Kaling sikandin minolì lekat te kebigtilan te Beer Lahai Roi.
670	GEN 25:11	Penga te pegkematay i Abraham, mèpiya se imbegay te Timanem diyà te batà din si Isaac, aw mig-ogpà sikandin doton medapag te Beer Lahai Roi.
679	GEN 25:20	Kepatan se omay i Isaac te pegpengognan din ki Rebecca batà i Betuel tege Aramea te Mesopotamya. Si Rebecca se etebay i Laban tege Aramea heman.
689	GEN 25:30	Minikagi sikandin diyà ki Jacob, “Begayi a den te melalag sabaw sìyan, so ontò a binallos.” (Yan se doun te doen doma ngadan i Esau si Edom, kelebadan niyan, melalag.)
716	GEN 26:23	Dimeleg si Isaac lekat kidoen aw dimoton sikandin te Berseba.
726	GEN 26:33	Iningedanan i Isaac se sokian sìyan Seba, aw lamig songkani iningedanan se lonsod kidoen Berseba (kelebadan niyan, sokian te pakang).
727	GEN 26:34	Peg-apet te kepatan se omay i Esau, pinengognan din si Judita batà i Beeri tege Heti. Pinengognan din heman si Basimat batà i Elon tege Heti heman.
753	GEN 27:25	Minikagi si Isaac, “Begayi a den te kànen. Penga te pegpengaen ko, megtawal-tawal a amon mèpiya se ibegay te Timanem diyà kamno.” Nemegay si Jacob kandin te kànen aw kimaen si Isaac. Inibing din heman se bino, aw mininem sikandin.
756	GEN 27:28	Begayan ka te Timanem te tanà melambò gayed egkeelem te namog, amon dakel se geniyen nikaw, aw amon dakel se bino inangen nikaw.
776	GEN 28:2	Doton ka den beling te Mesopotamya kidoen te balay te apò no si Betuel. Mèpiya aw pengognanen no se batà te emayen no si Laban.
779	GEN 28:5	Penga niyan, impekesayo i Isaac si Jacob, aw dimoton sikandin te Mesopotamya taman ki Laban batà i Betuel tege Aramea. Si Laban se meama i Rebecca, aw emayen sikandin i Jacob aw si Esau.
784	GEN 28:10	Nesayo si Jacob lekat te Berseba aw minipanaw sikandin migpesalo doton te Haran.
791	GEN 28:17	Migpeso sikandin, aw minikagi, “Kelemitanan se ogpeanan seini. Balay ini te Timanem. Seini se tetakep te lelebangan te langit.”
793	GEN 28:19	Iningedanan din se tanà sìyan Betel (kelebadan niyan, balay te Timanem). Meneng iningedanan Luz se lonsod kidoen kedengan.
825	GEN 29:29	Imbegay heman i Laban se allang din bayi si Bilha diyà ki Raquel amon megtelaban kandin.
829	GEN 29:33	Todà sikandin miglaman, aw tinebawan heman sikandin te batà meama. Minikagi sikandin, “Binegayan a heman te Timanem te batà seini, so dinineg din te deitek se pedowan te esawa ko diyà kanak.” Yan iningedanan din se batà din ki Simeon (kelebadan niyan, egdineg).
834	GEN 30:3	Minikagi si Raquel, “Ibegay ko diyà kamno se allang ko si Bilha. Layok ka den diyà kandin amon doen peden batà tomebaw diyà kandin pegbetaen ko. Yan doen peden menge batà ko pineokit kandin.”
835	GEN 30:4	Yan imbegay i Raquel se allang din si Bilha diyà ki Jacob amon inangen din esawa din. Pegpeleyokay dan,
836	GEN 30:5	miglaman si Bilha, aw tinebawan sikandin te batà meama.
838	GEN 30:7	Todà miglaman si Bilha aw tinebawan sikandin te ikedowa batà din meama.
845	GEN 30:14	Dalem te peglegani te trigo, dimoton si Ruben te pawà, aw neketalà sikandin te menge pongo te sagbet iningedanan mandragora egpengànen te bayi meibeg megbatà. Inibing din iyan doton te inay din si Lea. Minikagi si Raquel diyà ki Lea, “Begayi a heman te menge mandragora inibing te batà nikaw.”
886	GEN 31:12	Minikagi se anghil, ‘Tengtengi iyan. Beteken aw boling olò se kedita te kambing meama migbalag. Inangen ko medita se ayam-ayam nikaw, so kinità ko se kedita te medaet eg-inangen i Laban diyà kamno.
887	GEN 31:13	Siaken se Timanem migpekità diyà kamno kedengan kidoen te Betel. Kidoen ininang no kekitaan se bato tinoyongan no te lana, aw migpakang ka heman kanak. Na, kesayo ka den lekat te ogpeanan seini, aw olì ka den doton te tanà tinebawan nikaw.’”
970	GEN 33:9	Meneng minikagi si Esau, “Botong den se kanak. Kamno den iyan.”
980	GEN 33:19	Bineyadan din se tanà sìyan inogpaan din. Sebad gatos plata se kwarta dan selapì se imbayad din kenyan diyà te menge bowad-bowad i Hamor amay i Sikem.
1013	GEN 35:1	Nayan, minikagi se Timanem diyà ki Jacob, “Doton ka den te Betel, aw peg-ogpà ka den kidoen. Peg-inang ka te sonoganan te ayam-ayam kidoen amon megsimba ka kanak, so siak se Timanem migpekità diyà kamno kedengan te pegkadas no lekat te kedowa no si Esau.”
1015	GEN 35:3	Pegpeketagad kaw den, so domoton kidon te Betel. Meg-inang a te sonoganan te ayam-ayam kidoen amon megsimba a te Timanem. Pegdateng te kelimahan diyà kanak kedengan, tinebangan a din, aw gayed a din egdomaan pengkey kenan a pesalo.”
1018	GEN 35:6	Dimoton si Jacob te Luz (doma ngadan niyan Betel) kidoen te Canaan sipat te kedita te doma otaw timaking kandin.
1019	GEN 35:7	Mig-inang sikandin te sonoganan te ayam-ayam kidoen, aw iningedanan din se tanà sìyan Timanem te Betel, so migpekità se Timanem diyà kandin kidoen kedengan te pegkadas din lekat te kedowa din.
1020	GEN 35:8	Nematay kidoen si Debora tapay migtonggò ki Rebecca te pegkemengisù din, aw inlebeng se lawa din doton te olayan medapag te Betel. Yan se doun te iningedanan iyan Olayan te Pegkelag.
1027	GEN 35:15	Iningedanan din se tanà sìyan Betel (kelebadan niyan, balay te Timanem).
1030	GEN 35:18	Penga niyan, nebogtò se pedowan din aw nematay sikandin. Te wedà pa sikandin kematay, iningedanan din se batà din ki Ben-oni (kelebadan niyan, batà te kelimahan). Meneng iningedanan sikandin i Jacob ki Benjamin (kelebadan niyan, batà melangkaw).
1031	GEN 35:19	Pegkematay i Raquel, inlebeng dan se lawa din medapag te dalan pesalo doton te lonsod te Efrata. (Se lonsod te Efrata, yan se iningedanan Bitlihim songkani.)
1034	GEN 35:22	Dalem te peg-ogpà i Jacob kidoen te tanà sìyan, limayok si Ruben diyà te sebad esawa te amay din si Bilha, aw dimineg si Jacob tepad kenyan. Sempolò teg dowa se batà meama i Jacob.
1036	GEN 35:24	Se menge batà i Jacob timebaw diyà ki Raquel, yan si Jose aw si Benjamin.
1037	GEN 35:25	Se menge batà din timebaw diyà te allang i Raquel si Bilha, yan si Dan aw si Neftali.
1044	GEN 36:3	aw si Basimat batà i Ismael aw etebay i Nebaiot.
1045	GEN 36:4	Si Elifas se batà i Esau timebaw diyà ki Ada. Si Reuel se batà din timebaw diyà ki Basimat.
1051	GEN 36:10	Doen batà din meama si Elifas timebaw diyà ki Ada, aw si Reuel timebaw diyà ki Basimat.
1054	GEN 36:13	Se menge batà meama i Reuel, yan si Nahat, si Seras, si Samas, aw si Misas. Esawa i Esau si Basimat se apò bayi te kedita dan.
1058	GEN 36:17	Se menge batà i Reuel batà i Esau neinang datò, yan si Nahat, si Seras, si Samas, aw si Misas. Yan se menge batà i Reuel tege Edumea neinang datò, aw si Basimat se apò bayi te kedita dan.
1068	GEN 36:27	Se menge batà meama i Eser, yan si Bilhan, si Saaban, aw si Acan.
1072	GEN 36:31	Seini se ngadan te menge selotan migpetibos-tibosay te peglowan dan doton te Edumea te wedad pa selotan limowan diyà te menge bowad-bowad i Israel. Si Bela batà i Beor tege Dinhaba. Si Jobab batà i Sera tege Bosra. Si Husan tege Teman. Si Hadad batà i Bedad tege Abit. (Si Bedad se nekedaeg te menge tege Midian doton te tanà te Moab.) Si Samla tege Masreca. Si Saul tege Rehobot te Yofritis. Si Baal Hanan batà i Acbor. Si Hadad tege Pau. (Se esawa din, yan si Mehetabel batà bayi i Matred aw apò i Mesahab.)
1086	GEN 37:2	Seini se indan-indan tepad te menge batà i Jacob. Nayan, sempolò teg pito se omay i Jose, aw migtelaban sikandin te menge kedowa din kakay migtonggò te menge ayam-ayam te amay dan. Se menge kedowa din, yan se menge batà meama te doma menge esawa te amay din si Bilha aw si Zilfa. Doen medaet eg-inangen te menge kedowa i Jose, aw dimoton sikandin te amay din aw mig-indan diyà kandin tepad kenyan.
1098	GEN 37:14	Minikagi se amay din, “Doton ka, aw laoy ka kandan aw menge ayam-ayam egtonggoan dan. Penga niyan, likò ka dini amon ketegahan ko se pegkesawol dan.” Yan timolò si Jose te sogò te amay din, aw nesayo lekat te Baog te Hebron. Pegdateng i Jose doton te Sikem,
1120	GEN 37:36	Meneng kenan si Jose? Doton sikandin te Ehipto, so inibing te menge tege Midian aw imbeligyà dan doton. Bineyadan sikandin i Potifar, sebad opisyal migtelaban te selotan te Ehipto si Paraon, aw sikandin se kapitan te menge sondalo din.
1148	GEN 38:28	Dalem te pegtebaw, limowà se bebenayen te sebad batà. Binagkes te menegemunay se lelengoan te sinolib ontò melalag, aw minikagi sikandin, “Seini se tagnà limowà.”
1257	GEN 42:4	Meneng se ontò kedowa i Jose si Benjamin, yan se wedà petekingi i Jacob te menge kedowa din, so nelemitan si Jacob te medaet se kegemakan i Benjamin.
1267	GEN 42:14	Meneng minikagi si Jose, “Benal se inikagi ko gina. Dimini kaw amon megsimà kaw kenami.
1289	GEN 42:36	Minikagi se amay dan diyà kandan, “Pineokit kenyo, eg-ebaten se kedita te batà ko lekat kanak. Wedad den si Jose, wedad den heman si Simeon, aw ibeg niyo ebaten heman si Benjamin lekat kanak. Ontò a egdetengan te kelimahan.”
1290	GEN 42:37	Minikagi si Ruben diyà te amay din, “Seligi si Benjamin diyà kanak, aw iolì ko sikandin dini kamno. Aw eked ko sikandin keolì, imetayi se dowa batà ko meama.”
1291	GEN 42:38	Meneng minikagi si Jacob, “Eked kepakay diyà kanak aw tomaking si Benjamin kenyo, so nematay se kakay din, aw sikandin olò se nesamà. Ontò a den temoay. Megmeno a aw detengan sikandin te medaet diyà te dalan? Aw matay sikandin, matay a heman tandà te lano ko kandin.”
1299	GEN 43:8	Minikagi si Juda diyà te amay din, “Seligi si Benjamin diyà kanak, aw mesayo kay den seini amon eked kematay se kedita tadon te bitil sipat te menge mengisù dini kenitadon.
1305	GEN 43:14	Ibeg ko tebangan kaw te Timanem amon keidowan kaw te otaw doton aw ipeolì din si Benjamin aw si Simeon. Nayan tepad kanak, aw keilangan kemetayan a te menge batà ko, aw den iyan.”
1306	GEN 43:15	Penga niyan, inibing dan se menge ibowang, aw dobli se kwarta dan, aw dimoton dan te Ehipto sipat si Benjamin. Pegdateng dan, dimoton dan ki Jose.
1307	GEN 43:16	Pegkità i Jose te timaking si Benjamin kandan, minikagi sikandin diyà te sineligan din, “Ibingi se menge otaw sìyan doton te balay ko. Pengiyaw ka te ayam-ayam aw peg-elomo ka te kànen, so komaen dan doma ko te alas dosi.”
1320	GEN 43:29	Pegkità i Jose te kedowa din adi si Benjamin, minikagi sikandin, “Sìyan lebò se kedowa niyo temanan adi in-indan niyo kanak kedengan.” Minikagi heman si Jose diyà ki Benjamin, “Atò, ibeg ko keidowan ka te Timanem.”