2	GEN 1:2	Wedad pa bawa te tanà, aw wedad pa awop niyan, aw tomalag mengitngit se kebelad te dagat. Gayed miniwal se Espiritu Santo diyà te lanto te wayeg.
39	GEN 2:8	Penga niyan, ininang te Timanem se kekeyowan kidoen te Eden doton te eglibtakan, aw yan se pineogpaan din te otaw ininang din.
41	GEN 2:10	Doen heman wayeg kidoen te Eden gayed eg-elem te tanà te kekeyowan. Doton dibabà te Eden, migsoway-soway se wayeg sìyan, aw neinang iyan olo te epat dakel wayeg.
46	GEN 2:15	Impeogpà te Timanem se otaw doton te kekeyowan te Eden amon meg-obong sikandin kenyan aw megtonggò heman kenyan.
60	GEN 3:4	Minikagi se memokan, “Eked kaw kematay.
69	GEN 3:13	Mig-insà se Timanem diyà te bayi, “Eden lay se ininang no seini?” Timaba se bayi, “Se memokan, yan se mig-akal kanak, aw yan kimaen a.”
76	GEN 3:20	Iningedanan i Adam (kelebadan niyan, otaw) se esawa din ki Eva (kelebadan niyan, pegkeotaw), so sikandin se neinang inay te kedita te otaw.
78	GEN 3:22	Nayan, minikagi se Timanem, “Neinang den se otaw iling kenitadon, so netegahan den dan aw eden se mèpiya aw eden se medaet. Eked den kepakay aw mengabat dan te pongo lekat te kayo mekebegay te pedowan wedad temanan, so aw komaen dan kenyan, eked dan palos kematay te wedad temanan.”
79	GEN 3:23	Yan impekesayo te Timanem se otaw lekat te kekeyowan te Eden, aw impeobong din sikandin te tanà linekatan din.
80	GEN 3:24	Penga te pegkesayo te otaw lekat te Eden, insogò te Timanem se iling te anghil iningedanan kirobim lenged te eglibtakan te kekeyowan, aw insawol din se sondang eglegdeg aw gayed egkebiling, amon wedad otaw mekepedapag diyà te kayo egpemegay te pedowan wedad temanan.
81	GEN 4:1	Nayan, migpeleyokay si Adam aw esawa din, aw miglaman si Eva. Pegtebaw te batà din, minikagi si Eva, “Pineokit te tabang te Timanem, doen den batà ko meama.” Iningedanan din se batà din ki Cain (kelebadan niyan, doen den).
91	GEN 4:11	Lekat seini, ipelumun ko sikona. Eked den kepakay aw meg-obong ka te tanà, so tanà se inegseban te dipanog te kedowa no te pegpengimatay no kandin.
94	GEN 4:14	Eked a no den pepewai, aw ipekesayo a no den lekat kamno. Keilangan gayed a meglegeb dini lanto te tanà. Aw ketelaan a te doma otaw, imetayan a din.”
95	GEN 4:15	Meneng minikagi se Timanem diyà kandin, “Eked iyan ketoman, so aw doen mengimatay kamno, mekepito pa se kedaet te pelumun domateng diyà kandin.” Penga niyan, doen pengilala imbegay te Timanem diyà ki Cain amon eked sikandin imetayi te otaw meketalà kandin.
96	GEN 4:16	Penga niyan, timanan si Cain te Timanem, aw mig-ogpà sikandin doton te ogpeanan te Nod, lenged te eglibtakan te Eden.
97	GEN 4:17	Nayan, migpeleyokay si Cain aw esawa din, aw doen batà dan timebaw si Enok. Dalem niyan, mig-inang si Cain te lonsod, aw yan heman se iningedanan din Enok, onawa te ngadan te batà din.
98	GEN 4:18	Si Enok se amay i Irad. Si Irad se amay i Mehujael. Si Mehujael se amay i Metusael. Si Metusael se amay i Lamek.
103	GEN 4:23	Minikagi si Lamek diyà te didowa esawa din, “Ada aw Sela, penenalan kaw den diyà kanak. E menge esawa ko, seini se kagi ko diyà kenyo. Mekebatog a den mengimatay te otaw menigbas kanak. Pengkey pa telaki se megpeeleg kanak, mengimatay a kandin.
105	GEN 4:25	Nayan, penga te pegkematay i Abel, migpeleyokay si Adam aw esawa din, aw doen batà meama timebaw diyà ki Eva. Iningedanan din se batà din ki Set (kelebadan niyan, imbegay), so minikagi sikandin, “Binegayan a te Timanem te sebad batà inselilin ki Abel, so inimetayan sikandin i Cain.”
106	GEN 4:26	Doen batà meama timebaw diyà te esawa i Set, aw iningedanan din se batà din ki Enos. Nayan, lekat te aldaw sìyan, migtebò se menge otaw migsimba aw migtawal-tawal diyà te Timanem.
112	GEN 5:6	Peg-apet te sebad gatos aw lima se omay i Set, timebaw se batà din meama si Enos.
113	GEN 5:7	Penga te pegtebaw i Enos, walo gatos aw pito se omay minokit te wedà pa kematay si Set. Dalem niyan, doen pa menge doma batà din timebaw.
115	GEN 5:9	Peg-apet te kesyaman se omay i Enos, timebaw se batà din meama si Cainan.
116	GEN 5:10	Penga niyan, walo gatos sempolò teg lima se omay minokit te wedà pa kematay si Enos. Dalem niyan, doen pa menge doma batà din timebaw.
117	GEN 5:11	Siyam gatos aw lima se omay i Enos te pegkematay din.
124	GEN 5:18	Peg-apet te sebad gatos keneman teg dowa se omay i Jared, timebaw se batà din meama si Enok.
127	GEN 5:21	Peg-apet te keneman teg lima se omay i Enok, timebaw se batà din meama si Matusalem.
128	GEN 5:22	Penga niyan, dalem te telo gatos se omay, migpedomaay si Enok aw Timanem. Dalem niyan, doen pa menge doma batà din timebaw.
130	GEN 5:24	Gayed migpedomaay si Enok aw Timanem lamig te aldaw te pegkewedad din, so binaloy sikandin te Timanem.
141	GEN 6:3	Penga niyan, minikagi se Timanem, “Eked ko pekeleyati se pedowan ko diyà te menge otaw te wedad temanan, so otaw dan olò. Lekat seini, taman olò te sebad gatos kelowan se omay se tegsebad-sebad otaw.”
166	GEN 7:6	Enem gatos se omay i Noe te pegkelinep te tanà te wayeg.
205	GEN 8:21	Peg-adek te Timanem te nadeg niyan, neluba sikandin, aw minikagi sikandin diyà te pedowan din, “Eked a todà pegpelumun te tanà tandà te medaet inang te otaw, so netegahan ko te gayed medaet se ibeg te pedowan te otaw lekat te pegtebaw dan. Eked a todà peg-igelà te kedita te otaw aw menenanap iling te ininang ko den.
217	GEN 9:11	Seini se ipakang ko diyà kenyo. Eked todà kegelà se kedita doen pedowan dini lanto te tanà te pegkelinep te tanà te wayeg. Eked todà kebàti se tanà pineokit te pegkelinep te tanà te wayeg.
239	GEN 10:4	Se menge bowad-bowad i Jaban, yan si Elisa, si Tarsis, aw menge tege Kiti aw tege Dodani.
241	GEN 10:6	Se menge batà meama i Ham, yan si Cus, si Ehipto, si Put, aw si Canaan.
245	GEN 10:10	Pegtebò te peglowan din, limowan sikandin diyà te menge lonsod te Babel, Erac, aw Acad, ditelo lonsod doton te Sinar.
248	GEN 10:13	Si Ehipto se kemonaan te kedita te otaw mig-ogpà doton te Lud, Anam, Laab, Neftu,
257	GEN 10:22	Se menge batà i Sem, yan si Elam, si Asur, si Arfacsad, si Lud, aw si Aram, aw yan heman se ngadan te menge bowad-bowad dan.
259	GEN 10:24	Si Arfacsad se amay i Sela, aw si Sela se amay i Eber.
260	GEN 10:25	Dowa se batà i Eber. Iningedanan se kakay ki Peleg (kelebadan niyan, netani), so pegtebaw din, netani-tani se kedita te otaw dini lanto te tanà. Iningedanan se adi din ki Joctan.
281	GEN 11:14	Peg-apet te ketlowan se omay i Sela, timebaw se batà din meama si Eber.
283	GEN 11:16	Peg-apet te ketlowan teg epat se omay i Eber, timebaw se batà din meama si Peleg.
284	GEN 11:17	Penga niyan, epat gatos ketlowan se omay minokit te wedà pa kematay si Eber. Dalem niyan, doen pa menge doma batà din timebaw.
309	GEN 12:10	Nayan, doen bitil doton te Canaan, aw dimeleg si Abram doton te Ehipto amon meg-ogpà dan doton te menamay-namay, so ontò dan nebitilan.
310	GEN 12:11	Pegkedapag dan doton te Ehipto, minikagi si Abram diyà te esawa din si Sarai, “Mèpiya ka bayi tengtengen.
311	GEN 12:12	Yan aw komità se menge tege Ehipto kamno, meg-aneng-aneng dan te teleesawa ki, aw yan mengimatay dan kanak amon egawen ka dan.
313	GEN 12:14	Pegdateng dan doton te Ehipto, kinità te menge otaw kidoen te mèpiya bayi tengtengen se esawa din.
320	GEN 13:1	Nesayo si Abram lekat te Ehipto aw limikò sikandin doton te Negeb sakop te Canaan sipat te esawa din aw kedakel te kedònan din. Timaking heman si Lot kandin.
327	GEN 13:8	Yan minikagi si Abram diyà ki Lot, “Eked a keibeg aw megbolaw ki aw megbolaw heman se menge telediyaga ta, so anak ko sikona.
329	GEN 13:10	Migpeatap-atap si Lot, aw kinità din te mèpiya se kebelad te tanà medapag te wayeg te Jordan taman te lonsod te Soar, so dakel se wayeg kidoen iling te kekeyowan intanem te Timanem, aw iling te Ehipto. (Neinang iyan te wedà pa bàti te Timanem se lonsod te Sodoma aw Gomora kidoen medapag te wayeg te Jordan.)
338	GEN 14:1	Nayan, si Amrafel se selotan doton te Sinar, si Arioc se selotan doton te Elasar, si Cadorlahomor se selotan doton te Elam, aw si Tadal se selotan doton te Goyim. Dalem te pegkeselotan dan, migsebad se epat dan migbolaw diyà te doma lima selotan seini, si Bara selotan te Sodoma, si Birsa selotan te Gomora, si Sinab selotan te Adma, si Semeber selotan te Seboyim, aw sìyan selotan te Bela doma ngadan niyan Soar.
342	GEN 14:5	Pegdateng te ikesempolò teg epat te omay, limompak si Cadorlahomor aw menge doma selotan migsebad diyà kandin. Dinaeg dan se kedita te tege Repai doton te Astarot-carnaim. Dinaeg dan heman se menge tege Susi doton te Ham, aw menge tege Emi doton te kepetagan te Kiriataim.
343	GEN 14:6	Dinaeg dan heman se kedita te menge tege Hori doton te bontod inogpaan dan doton te Seir, aw pig-alaw dan taman te lonsod te Elparan medapag te kebigtilan.
344	GEN 14:7	Penga niyan, limikò dan doton te lonsod te Cades (Enmispat se doma ngadan niyan). Dinaeg dan heman se kedita te otaw mig-ogpà doton te tanà te menge Amalek, aw dinaeg dan se menge Amori mig-ogpà doton te Hasason Tamar.
346	GEN 14:9	te menge sondalo te epat selotan kidoen, si Cadorlahomor selotan te Elam, si Tadal selotan te Goyim, si Amrafel selotan te Sinar, aw si Arioc selotan te Elasar. Lima se selotan migbolaw te epat selotan.
350	GEN 14:13	Doen sebad otaw nekelowà mig-indan te kedita niyan diyà ki Abram se Hebreo. Dalem niyan, mig-ogpà si Abram doton medapag te menge olayan i Mamre tege Amori. Gayed egpedepitay si Abram, si Mamre, aw menge kedowa i Mamre, si Escol aw si Aner.
361	GEN 14:24	Wedad palos ebaten ko, meneng se kinaen te menge sineligan ko, yan olò se eked ko olii. Keilangan doen heman talad te menge otaw dimapit kanak, si Aner, si Escol, aw si Mamre.”
362	GEN 15:1	Penga niyan, migpekità se Timanem diyà ki Abram, aw minikagi sikandin, “E Abram, ikà egkelemitan. Siak se megkelasag kamno amon eked ka peelegi. Ontò dakel se ontong ibegay ko diyà kamno.”
363	GEN 15:2	Meneng minikagi si Abram, “E Timanem eglowan diyà te kedita, wedad palos ibegay no diyà kanak mekebegay te keluba te pedowan ko dalem te wedad batà ko. Aw matay a, metig-apò i Elieser tege Damasko se kedita te kedònan ko.
365	GEN 15:4	Penga niyan, minikagi se Timanem diyà kandin, “Kenà si Elieser se meketig-apò te kedònan nikaw, so kamno batà meama se meketig-apò te kedònan nikaw.”
369	GEN 15:8	Meneng mig-insà si Abram, “E Timanem eglowan diyà te kedita, eden lay se pengilala ipekità no diyà kanak amon ketegahan ko te metoman a meketig-apò kani?”
376	GEN 15:15	Meneng sikona se eked kesamok. Eked ka kematay singed aw ontò ka megketemoay, aw penga niyan ilebeng ka.
379	GEN 15:18	Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.
383	GEN 16:1	Nayan, wedad palos batà i Sarai aw si Abram. Meneng doen allang bayi i Sarai ngadan din si Agar tege Ehipto.
390	GEN 16:8	Minikagi se anghil, “E Agar, allang i Sarai, kenan ka lay lekat, aw kenan ka lay pesalo?” Timaba si Agar, “Kimadas a den lekat te amo ko si Sarai.”
394	GEN 16:12	Meinang se batà nikaw iling te asno wedà kegnuki, so wedad toloen din. Megpoon sikandin te kedita te otaw, aw megpoon dan heman kandin. Eked sikandin peg-ogpà doma te menge kedowa din.”
417	GEN 17:19	Meneng minikagi se Timanem, “Esawa no si Sara se tebawan te batà no meama, aw ingedanan no se batà no sìyan ki Isaac (kelebadan niyan, nebebayat). Sikandin aw menge bowad-bowad din se ketomanan te pakang ko te wedad temanan.
442	GEN 18:17	Mig-aneng-aneng se Pengolo, “Eked ko elesi diyà ki Abraham se tod ko agpet den inangen,
449	GEN 18:24	Simpana aw keliman se mèpiya otaw eg-ogpà doton te lonsod sida, tigkan no lay pegbàtan se lonsod? Eked no lay iyan keidowi tandà te keliman mèpiya otaw?
450	GEN 18:25	Aneng-aneng ko eked no imetayi se menge mèpiya otaw sipat te menge medaet otaw. Eked kepakay aw yan se inangen nikaw. Aw ipelumun no se medaet otaw, eked no pesipati se mèpiya otaw, so sikona se eg-okom te kedita te otaw, aw keilangan metòlid se inangen nikaw.”
460	GEN 19:2	aw minikagi sikandin, “Sir, apit kaw den doton te balay ko. Peonawi niyo se benis niyo, aw idegà kaw dini, aw yan mekedeleg kaw kealdaw te iselem.” Meneng minikagi dan, “Eked kay, so midegà kay dini te plasa.”
478	GEN 19:20	Na, doen lonsod sida mebatog ko epetan so medapag iyan, aw deitek iyan ogpeanan. Pekedasi a bag doton. Ontò iyan deitek ogpeanan. Eked a kematay kidoen.”
479	GEN 19:21	Timaba se anghil, “Mepakay iyan. Mepakay diyà kanak se pinemoyò nikaw. Eked a pegbaet te lonsod sida.
500	GEN 20:4	Meneng so wedà pa pegpedapag si Abimelec diyà ki Sara, minikagi sikandin diyà te Timanem, “Wedad palos salà ko diyà kandin. Eked kepakay aw imetayan a no sipat te menge sakop ko.
502	GEN 20:6	Minikagi se Timanem diyà kandin pineokit te tegeinep, “Ee. Netegahan ko te wedad medaet ibeg te pedowan no te peg-inang no kenyan, aw yan se doun te migsagda a kamno amon eked ka peg-inang te salà diyà kanak. Binelebagan ko se pegpedapag no diyà kandin.
505	GEN 20:9	Penga niyan, impeangay i Abimelec si Abraham, aw minikagi sikandin, “Medaet se peg-akal no kenami. Eden lay se salà ininang ko diyà kamno amon ipedateng no se kededàtan diyà kanak aw menge sakop ko? Ininang no den diyà kanak se eked kepakay inangen.
523	GEN 21:9	Meneng se batà i Abraham si Ismael timebaw diyà ki Agar tege Ehipto, yan se gayed migbidò te batà i Sara si Isaac. Pegkità i Sara kenyan,
530	GEN 21:16	Minalin sikandin te menge sebad pawà lekat te batà din aw nenenoo kidoen. Mig-aneng-aneng sikandin, “Eked a keibeg komità te pegkematay te batà ko.” Dalem te pegpenenoo din kidoen, migkelag sikandin.
531	GEN 21:17	Dinineg te Timanem se pegkelag te batà, aw minikagi se anghil te Timanem lekat te langit, “E Agar, nengà lay migkelag ka? Ikà egkelemitan. Dinineg te Timanem se pegkelag te batà no doton sida.
532	GEN 21:18	Enaw ka den, aw doton ka te batà nikaw, aw sinelayi sikandin, so inangen ko dakel pongan se menge bowad-bowad din.”
535	GEN 21:21	Peg-ogpà din doton te kebigtilan te Paran, impepengognan sikandin te inay din diyà te bayi tege Ehipto.
549	GEN 22:1	Pegkenamay-namay, migtandà se Timanem te pegsalig i Abraham diyà kandin. Timawal se Timanem, “E Abraham.” Timaba si Abraham, “Seini a.”
555	GEN 22:7	minikagi si Isaac, “Amà.” Timaba si Abraham, “Eden lay, Atò?” Minikagi si Isaac, “Doen tigtig bato aw itabon ta. Meneng kenan lay se nati te karniro sonogen aw ibegay diyà te Timanem?”
559	GEN 22:11	Meneng timawal se anghil te Timanem diyà kandin lekat te langit, “E Abraham, Abraham.” Timaba sikandin, “Seini a.”
562	GEN 22:14	Penga niyan, iningedanan i Abraham se bontod sìyan “Timanem se Egpemegay.” Pengkey songkani, doen eg-ikegiyen seini, “Doton te bontod te Timanem, Timanem se egpemegay.”
580	GEN 23:8	aw minikagi sikandin, “Aw mepakay diyà kenyo se peglebeng ko te esawa ko dini, pemoyoi niyo si Efron batà i Sohar
582	GEN 23:10	Kidoen heman si Efron doma te menge tege Heti netipon kidoen te lelebangan te lonsod sìyan, aw dinineg te kedita dan se intaba din diyà ki Abraham,
585	GEN 23:13	aw minikagi sikandin diyà ki Efron dinineg te kedita dan, “Penenalan ka den te kagi ko seini. Beyadan ko den se pawà no sìyan te kedakel te elagà niyan. Kinewai se ibayad ko, amon doen lebengan ko te esawa ko.”
586	GEN 23:14	Minikagi si Efron,
587	GEN 23:15	“Sir, penenalan ka den kanak. Epat gatos te kwarta selapì se elagà niyan, meneng eked ko iyan pebeyadi kamno so sigalak ki. Tiblug ka den peglebeng te esawa no kidoen.”
588	GEN 23:16	Timandù si Abraham tepad te elagà inikagi i Efron dinineg te kedita te otaw netipon, aw yan pinisar din se epat gatos kwarta selapì, iling te pegpisar te menge tindiro, aw imbegay din iyan diyà ki Efron.
589	GEN 23:17	Pineokit kenyan, nenig-apò si Abraham te tanà i Efron doton te Macpela medapag te lonsod te Mamre. Bineyadan din se tanà sìyan sipat te ilib kidoen, aw kedita te kayo nesakop te tanà sìyan.
604	GEN 24:12	Penga niyan, migtawal-tawal sikandin, “E Timanem egseligan te amo ko si Abraham, tebangi a den te aldaw seini amon metoman se pakang no diyà te amo ko si Abraham egkeidowan nikaw.
625	GEN 24:33	Peglamak dan te kànen, minikagi se sineligan, “Eked a kaen singed aw meg-indan a kenyo tepad te tod ko dini.” Minikagi si Laban, “Indani kay den.”
634	GEN 24:42	“Nayan, pegdateng ko gina seini doton te sokian, migtawal-tawal a, ‘E Timanem egseligan te amo ko si Abraham, aw mepakay diyà kamno, tomani bag se tod ko dini.
642	GEN 24:50	Minikagi si Laban aw si Betuel, “Impetaga-taga den te Timanem se ibeg din. Eked day iyan todai.
650	GEN 24:58	Penga niyan, tinawal dan si Rebecca, aw mig-insà dan diyà kandin, “Meibeg ka lay tomaking kandin seini?” Timaba sikandin, “Ee, tomaking a den kandin.”