16	GEN 1:16	Dowa se dakel lowa ininang te Timanem. Se aldaw, yan se egsenang dalem te aldaw. Se bolan, yan se egsenang dalem te delem. Ininang din heman se menge bitoen.
25	GEN 1:25	Ininang te Timanem se kedita niyan, aw kinità din te mèpiya iyan.
26	GEN 1:26	Penga niyan, minikagi se Timanem, “Meg-inang kidon den te otaw iling kenitadon. Inangen tadon dan melangkaw diyà te kedita te ininang tadon, menge ikan, manok, ayam-ayam, aw menenanap dakel aw deitek.”
27	GEN 1:27	Yan ininang te Timanem se otaw iling kandin. Ininang se otaw iling te Timanem. Ininang dan meama aw bayi.
29	GEN 1:29	Minikagi heman se Timanem, “Ibegay ko diyà kenyo se kedita te tinemunun doen benì dini te tanà aw kedita te kayo doen pongo amon doen kànen niyo.
30	GEN 1:30	Ibegay ko heman se kedita te mèpiya tinemunun diyà te menge ayam-ayam, manok, aw menenanap, amon doen kànen te kedita eg-ogpà dini lanto te tanà.” Neinang iyan.
34	GEN 2:3	Ininang din melangkaw aw egpenimeneman se ikepito te aldaw. Yan se aldaw te peg-ogpà din, so nepenga den se peg-inang din.
40	GEN 2:9	Impetilles te Timanem se medita kemolò te kayo kidoen. Mèpiya iyan tengtengen, aw mèpiya heman se pongo niyan. Dowa se kayo intanem din diyà te tengà-tengà te kekeyowan, aw yan se kayo egpemegay te pedowan wedad temanan aw kayo egpemegay te kebiyasa tepad te mèpiya aw medaet.
46	GEN 2:15	Impeogpà te Timanem se otaw doton te kekeyowan te Eden amon meg-obong sikandin kenyan aw megtonggò heman kenyan.
50	GEN 2:19	Yan inibing te Timanem se kedita te ayam-ayam, menenanap, aw manok ininang din lekat te tanà. Inibing din se kedita niyan doton te otaw amon ingedanan din iyan. Pengkey eden se in-ingadan din kenyan, yan se ngadan niyan.
51	GEN 2:20	Iningedanan te otaw se kedita te ayam-ayam, menge manok, aw kedita te menenanap, meneng wedad palos diyà kenyan meketepad kandin meinang doma din.
54	GEN 2:23	Minikagi se meama, “Na, lekat te tòlan ko se kandin tòlan, aw lekat te onod ko se kandin onod. Ingedanan ko sikandin bayi, so inabat sikandin lekat te meama.”
70	GEN 3:14	Penga niyan, minikagi se Timanem diyà te memokan, “Ipelumun ka tandà te medaet ininang no seini. Diyà te kedita te menge ayam-ayam aw menenanap, olò sikona se ipelumun iling kani. Lekat seini, keilangan domelog se getek nikaw diyà te tanà, aw gayed ka komaen te kepong-kepong te tanà taman te pegkematay nikaw.
71	GEN 3:15	Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”
75	GEN 3:19	Keilangan gayed ka megterbaho lamig peg-etingan ka amon doen tomilles kidoen te tanà lamig molì ka doton te tanà, so yan se linekatan nikaw. Ininang ka lekat te tanà, aw todà ka heman meinang tanà.”
76	GEN 3:20	Iningedanan i Adam (kelebadan niyan, otaw) se esawa din ki Eva (kelebadan niyan, pegkeotaw), so sikandin se neinang inay te kedita te otaw.
81	GEN 4:1	Nayan, migpeleyokay si Adam aw esawa din, aw miglaman si Eva. Pegtebaw te batà din, minikagi si Eva, “Pineokit te tabang te Timanem, doen den batà ko meama.” Iningedanan din se batà din ki Cain (kelebadan niyan, doen den).
89	GEN 4:9	Mig-insà se Timanem diyà ki Cain, “Kenan lay se kedowa no si Abel?” Timaba sikandin, “Inday. Kenà a teletonggò te kedowa ko.”
90	GEN 4:10	Minikagi se Timanem, “Ontò den medaet se ininang no seini. Iling te egpengenganay se dipanog din diyà kanak lekat te tanà.
98	GEN 4:18	Si Enok se amay i Irad. Si Irad se amay i Mehujael. Si Mehujael se amay i Metusael. Si Metusael se amay i Lamek.
105	GEN 4:25	Nayan, penga te pegkematay i Abel, migpeleyokay si Adam aw esawa din, aw doen batà meama timebaw diyà ki Eva. Iningedanan din se batà din ki Set (kelebadan niyan, imbegay), so minikagi sikandin, “Binegayan a te Timanem te sebad batà inselilin ki Abel, so inimetayan sikandin i Cain.”
108	GEN 5:2	Ininang din se otaw meama aw bayi. Mèpiya se imbegay din diyà kandan, aw iningedanan din dan otaw.
109	GEN 5:3	Peg-apet te sebad gatos ketlowan se omay i Adam, timebaw se batà din meama iling kandin. Iningedanan din se batà din ki Set.
135	GEN 5:29	Iningedanan din se batà din ki Noe (kelebadan niyan, peg-etod), so minikagi sikandin, “Seini se otaw megpeetod kenitadon lekat te kelimahan te terbaho tadon dini te tanà seini ininang te Timanem medaet.”
183	GEN 7:23	Inigelà te Timanem se kedita te otaw, ayam-ayam, menenanap, aw manok. Olò si Noe se nesamà, sipat te menge doma din kidoen didalem te arka.
185	GEN 8:1	Wedà kelibeli te Timanem si Noe aw kedita te menenanap aw ayam-ayam doma kandin simakay te arka. Impekedog te Timanem se kelamag, aw migtebò den se wayeg minuyud.
193	GEN 8:9	Meneng so nelinep pa se tanà te wayeg, wedad kinità te selepati embongan din, aw yan limikò iyan doton te arka. Impelowà i Noe se belad din aw inabat din se selepati.
197	GEN 8:13	Nayan, peg-apet te enem gatos aw sebad se omay i Noe, te pitsa ono te tagnà bolan te omay sìyan, minuyud se wayeg diyà te tanà. Inabat i Noe se atep te arka amon megpeatap-atap. Kinità din te tabag migkepangkag se tanà.
204	GEN 8:20	Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.
208	GEN 9:2	Lekat seini, melemitan kenyo se kedita te menenanap, manok, aw ikan. Inangen ko sikiyo olo te kedita niyan.
212	GEN 9:6	Ininang se otaw iling te Timanem, aw yan se doun te keilangan imetayan se otaw memonò te doma.
219	GEN 9:13	Isawol ko den se binengonan kidoen te labon. Yan se pengilala tepad te pakang ko diyà te otaw eg-ogpà dini lanto te tanà.
229	GEN 9:23	Penga niyan, nengabat si Sem aw si Japet te penenaktun itaklub kandin. Inewidan dan se taklub diyà te getan dan, aw minipanaw dan te getan te peg-awop dan diyà te tambì din, aw tinekluban dan sikandin. Wedà dan lingì amon eked dan kitai se lawa te amay dan migpetabeg-tabeg.
231	GEN 9:25	minikagi sikandin, “Ipelumun te Timanem si Canaan batà i Ham. Meinang sikandin allang te menge kedowa din.
232	GEN 9:26	Iduyun se Timanem egseligan i Sem. Meinang si Canaan allang i Sem.
233	GEN 9:27	Inangen te Timanem medita se menge bowad-bowad i Japet (kelebadan niyan, pegkedita). Ipeogpà dan te Timanem doma te menge bowad-bowad i Sem. Meneng meinang se menge bowad-bowad i Canaan allang te menge bowad-bowad i Japet.”
244	GEN 10:9	Ontò sikandin metomawan egpemanà pineokit te tabang te Timanem, aw yan se doun te eg-ikagi den se menge otaw, “Inangen ka peden te Timanem ontò metomawan egpemanà iling ki Nimrod.”
246	GEN 10:11	Lekat kidoen, dimoton sikandin te Asirya, aw mig-inang sikandin te menge lonsod te Niniba, Rehobot-Ir, Cala,
260	GEN 10:25	Dowa se batà i Eber. Iningedanan se kakay ki Peleg (kelebadan niyan, netani), so pegtebaw din, netani-tani se kedita te otaw dini lanto te tanà. Iningedanan se adi din ki Joctan.
276	GEN 11:9	Iningedanan se lonsod sìyan Babel (kelebadan niyan, migkebulung), so ininang te Timanem medita kemolò se kagi te otaw kidoen, aw lekat kidoen binilit-bilit te Timanem se kedita dan doton te kebelad te keneyonan.
296	GEN 11:29	Nengognan si Abram ki Sarai, aw nengognan si Nahor ki Melca, batà bayi te kedowa din nematay si Haran. Doen heman doma batà i Haran si Isca.
298	GEN 11:31	Impetaking i Tera se batà din si Abram, aw ogangan din si Sarai esawa i Abram, aw apò din si Lot batà i Haran. Nesayo dan lekat te lonsod te Ur doton te Caldea, aw migpesalo dan doton te Canaan. Meneng pegdateng dan doton te Haran, mig-ogpà dan kidoen.
304	GEN 12:5	Impetaking i Abram se esawa din si Sarai, aw anak din si Lot, aw inibing din se kedakel te kedònan aw kedita te allang neabat din doton te Haran, aw nesayo dan pesalo doton te Canaan. Pegdateng dan doton te Canaan,
335	GEN 13:16	Inangen ko medita se bowad-bowad nikaw igsà eked dan kebilang. Labi pa mola se pegbilang te menge napò te tanà.
353	GEN 14:16	Neabat i Abram se kedakel te kedònan neagaw dan. Impelowà din heman se anak din si Lot, aw in-olì din diyà ki Lot se kedakel te kedònan neagaw lekat kandin. Impelowà din heman se kedita te bayi aw menge doma otaw nedakep.
355	GEN 14:18	Penga niyan, sinongon heman si Abram te selotan te Salem si Melkisedec. Sikandin heman se telekagon te Timanem Melangkaw. Inibing din se pan aw bino doton ki Abram.
357	GEN 14:20	Iduyun se Timanem Melangkaw, so tinebangan ka din te pegdaeg no te menge poon nikaw.” Penga niyan, nemegay si Abram diyà kandin te ikesempolò ketengà te kedita neabat din lekat te epat selotan dinaeg din.
366	GEN 15:5	Inibing te Timanem si Abram doton te lowà te balay, aw minikagi sikandin, “Lengag ka den doton te langit. Pegbilang ka te menge bitoen aw mebatog nikaw. Iling kenyan se kedita te menge bowad-bowad nikaw.”
370	GEN 15:9	Minikagi se Timanem, “Ibingi dini kanak se baka, kambing, aw karniro, aw keilangan olò telo se omay te tegsebad-sebad kenyan. Ibingi heman dini kanak se ponay aw selepati.”
371	GEN 15:10	Inibing i Abram se kedita niyan, aw inimetayan din iyan. Binekas din se lawa niyan, aw binelabay din iyan tegdowa-dowa, aw doen elet diyà te tengà-tengà. Meneng wedà din bekasi se dowa manok.
379	GEN 15:18	Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.
380	GEN 15:19	Ibegay ko heman diyà kandan se tanà inogpaan te menge pongan te otaw iningedanan Keni, Kenisi, Cadmoni,
392	GEN 16:10	Minikagi heman se anghil, “Inangen ko ontò medita se bowad-bowad nikaw igsà eked dan kebilang.
393	GEN 16:11	Doen batà meama tomebaw diyà kamno, aw ingedanan no sikandin ki Ismael, so dimineg se Timanem te pegpengenganay no diyà kandin.
395	GEN 16:13	Minikagi si Agar, “Ontò ko den kinità se Timanem kimità kanak, aw wedà a kematay.” Iningedanan din se migpekità diyà kandin “Timanem egpengità.”
397	GEN 16:15	Doen batà meama timebaw diyà ki Agar aw si Abram. Iningedanan sikandin i Abram ki Ismael (kelebadan niyan, egpenenalan se Timanem).
398	GEN 16:16	Kewelowan teg enem se omay i Abram te pegtebaw i Ismael.
400	GEN 17:2	Tomanen ko se pakang ko kamno. Inangen ko ontò medita se bowad-bowad nikaw.”
402	GEN 17:4	“Seini se ipakang ko diyà kamno. Inangen ko sikona kemonaan te medita pongan.
404	GEN 17:6	Inangen ko medita se bowad-bowad nikaw, aw inangen ko dan medita pongan, aw doen heman kandan meinang menge selotan.
416	GEN 17:18	Minikagi sikandin diyà te Timanem, “Ibeg ko si Ismael peden heman se begayan no te mèpiya.”
417	GEN 17:19	Meneng minikagi se Timanem, “Esawa no si Sara se tebawan te batà no meama, aw ingedanan no se batà no sìyan ki Isaac (kelebadan niyan, nebebayat). Sikandin aw menge bowad-bowad din se ketomanan te pakang ko te wedad temanan.
418	GEN 17:20	Dinineg ko se pinemoyò no tepad ki Ismael, aw yan mèpiya heman se ibegay ko diyà kandin. Ibegay ko diyà kandin se medita batà din aw menge bowad-bowad din. Meinang sikandin kemonaan te sempolò teg dowa datò, aw inangen ko dakel pongan se menge bowad-bowad din.
419	GEN 17:21	Meneng se batà no si Isaac, yan se ketomanan te pakang ko kamno. Tomebaw sikandin diyà ki Sara te iling kani te modi omay.”
421	GEN 17:23	Dalem te aldaw sìyan, timolò si Abraham te Timanem, aw nenolì sikandin te batà din si Ismael, aw kedita te doma sakop din meama, sipat te kedita te allang din, pengkey timebaw kidoen kandin, aw pengkey bineyadan din diyà te doma otaw.
423	GEN 17:25	aw sempolò teg telo se omay te batà din si Ismael.
428	GEN 18:3	Minikagi sikandin, “Sir, apit kaw den dini kanak. Ikà niyo eglaklak.
429	GEN 18:4	Ibingen ko se wayeg ionaw te benis niyo, aw mekeetod kaw dini te kayo seini.
430	GEN 18:5	Ipekaen ko heman sikiyo amon todà kaw megkagsen te eked kaw pa deleg. Neluba se pedowan ko so dimini kaw, aw meibeg a megtabang kenyo.” Minikagi dan, “Mepakay iyan diyà kenami.”
432	GEN 18:7	Penga niyan, kimagnan si Abraham doton te menge ayam-ayam din, aw pinemallì din se ontò mèpiya nati te baka. Imbegay din iyan diyà te sebad sineligan din amon iyawen din iyan aw ilegaen te eked kenamay.
461	GEN 19:3	Meneng gayed dan pig-ibing i Lot lamig timaking dan kandin doton te balay din. Impeinang i Lot se pan aw menge doma mèpiya kànen, aw kimaen dan.
465	GEN 19:7	Minikagi sikandin, “Menge sigalak ko, eked iyan kepakay. Ikà niyo eg-inang te medaet sìyan.
466	GEN 19:8	Meneng doen beling dowa batà ko laga wedà pa palos leyoki. Ipelowà ko den dan, aw mepakay kaw meg-inang diyà kandan te pengkey eden se ibeg niyo. Meneng ikà niyo egpeeleg te didowa meama sìyan, so migmemanit dan diyà kanak, aw yan keilangan ipaten ko dan.”
467	GEN 19:9	Meneng minikagi dan, “Ikà egsagda kenami. Pengkey kenà ka tege dini, meneng mikagi ka peden diyà kenami aw eden se mepakay day inangen. Aw aneng-aneng no medaet se inangen day diyà kandan, labi pa medaet se inangen day diyà kamno.” Sinegseg dan si Lot, aw migpedapag dan diyà te tetakep amon bàtan dan iyan.
475	GEN 19:17	Penga niyan, minikagi se anghil, “Kadas kaw den. Ikà niyo eglengag. Ikà niyo egsagked dini te baog. Meneng kadas kaw den doton te menge bontod amon eked kaw kegelà.”
480	GEN 19:22	Meneng kegaen kaw den kadas, so wedad meinang ko singed aw domateng kaw doton.” Iningedanan se lonsod sìyan Soar (kelebadan niyan, deitek), so minikagi si Lot te deitek iyan.
505	GEN 20:9	Penga niyan, impeangay i Abimelec si Abraham, aw minikagi sikandin, “Medaet se peg-akal no kenami. Eden lay se salà ininang ko diyà kamno amon ipedateng no se kededàtan diyà kanak aw menge sakop ko? Ininang no den diyà kanak se eked kepakay inangen.
517	GEN 21:3	Iningedanan i Abraham se batà din ki Isaac (kelebadan niyan, nebebayat).
518	GEN 21:4	Pegdateng te ikewalo te aldaw lekat te pegtebaw i Isaac, tinolì sikandin i Abraham iling te impunù te Timanem kandin.
519	GEN 21:5	Sebad gatos se omay i Abraham te pegtebaw i Isaac.
522	GEN 21:8	Timilles si Isaac, aw biningà sikandin. Dakel se kànen ininang i Abraham te aldaw te pegbingà kandin.
523	GEN 21:9	Meneng se batà i Abraham si Ismael timebaw diyà ki Agar tege Ehipto, yan se gayed migbidò te batà i Sara si Isaac. Pegkità i Sara kenyan,
524	GEN 21:10	minikagi sikandin diyà ki Abraham, “Pekeseyowi se allang sìyan sipat te batà din, so eked kepakay aw kebegayan se batà te allang te ketengà te keyemanan nikaw aw matay ka, so keilangan ibegay se kedakel niyan diyà te batà ko si Isaac.”
525	GEN 21:11	Ontò nepuluk se pedowan i Abraham tepad kenyan, so batà din heman si Ismael.
526	GEN 21:12	Meneng minikagi se Timanem diyà ki Abraham, “Ikà egkepuluk tepad te telaki aw allang no si Agar. Tolò ka te impunù i Sara kamno, so se menge bowad-bowad te batà no si Isaac, yan olò se eneng-enengen ko te ontò bowad-bowad nikaw.
527	GEN 21:13	Inangen ko heman dakel pongan se menge bowad-bowad te batà te allang, so batà no heman sikandin.”
531	GEN 21:17	Dinineg te Timanem se pegkelag te batà, aw minikagi se anghil te Timanem lekat te langit, “E Agar, nengà lay migkelag ka? Ikà egkelemitan. Dinineg te Timanem se pegkelag te batà no doton sida.
550	GEN 22:2	Minikagi se Timanem, “Petekingi se batà no temisa si Isaac ontò no egkedekelan te pedowan, aw doton kaw te tanà te Moria. Tikedeg kaw te bontod tedoan ko kamno kidoen, aw imetayi sikandin aw sonogi se lawa din, so ibegay no sikandin diyà kanak.”
551	GEN 22:3	Pegkeiselem niyan, limapos si Abraham nengayo, aw inlolan din iyan diyà te asno din. Impetaking din se batà din si Isaac aw dowa sineligan din, aw nesayo dan pesalo doton te tanà sinogoan te Timanem kandin.
554	GEN 22:6	Impeibing i Abraham ki Isaac se kayo itabon, aw inibing i Abraham se pemala aw tigtig bato iantay te apoy. Peg-ipanaw dan,