3	GEN 1:3	Minikagi se Timanem, “Megkedoen den kelowahan.” Penga niyan, doen kelowahan.
11	GEN 1:11	Penga niyan, minikagi se Timanem, “Megkedoen medita kemolò te tinemunun kidoen te tanà, aw medita kemolò te kayo. Megkedoen pongo niyan doen didalem amon todà iyan tomobò.” Neinang iyan.
22	GEN 1:22	Mèpiya se imbegay te Timanem diyà te kedita niyan, aw migpunù sikandin diyà te kedita eg-ogpà doton te wayeg aw dagat, “Pegbatà kaw, aw pegkedita kaw amon melegeb se dagat kenyo.” Migpunù heman sikandin diyà te menge manok, “Pegkedita kaw doton te tanà.”
26	GEN 1:26	Penga niyan, minikagi se Timanem, “Meg-inang kidon den te otaw iling kenitadon. Inangen tadon dan melangkaw diyà te kedita te ininang tadon, menge ikan, manok, ayam-ayam, aw menenanap dakel aw deitek.”
28	GEN 1:28	Mèpiya se imbegay te Timanem diyà kandan, aw migpunù sikandin, “Pegbatà kaw te medita amon doen bowad-bowad niyo meg-ogpà diyà te kebelad te tanà aw mengibing kenyan. Sikiyo se mengolo diyà te menge ikan, manok, aw kedita te ayam-ayam aw menenanap eg-ogpà dini lanto te tanà.”
33	GEN 2:2	Pegdateng te ikepito te aldaw, nepenga den se kedita te ininang te Timanem, aw yan mig-ogpà sikandin te ikepito te aldaw.
35	GEN 2:4	Yan se indan tepad te peg-inang te langit aw keneyonan. Peg-inang te Timanem te keneyonan aw langit,
38	GEN 2:7	Penga niyan, inabat te Timanem se tanà, aw yan se ginamit din te pegtiyon din te otaw. Penga niyan, inedop din se idong te otaw, aw yan binegayan din se otaw te pedowan.
39	GEN 2:8	Penga niyan, ininang te Timanem se kekeyowan kidoen te Eden doton te eglibtakan, aw yan se pineogpaan din te otaw ininang din.
42	GEN 2:11	Pison se ngadan te tagnà wayeg, aw minokit iyan te tanà iningedanan Habila.
50	GEN 2:19	Yan inibing te Timanem se kedita te ayam-ayam, menenanap, aw manok ininang din lekat te tanà. Inibing din se kedita niyan doton te otaw amon ingedanan din iyan. Pengkey eden se in-ingadan din kenyan, yan se ngadan niyan.
52	GEN 2:21	Penga niyan, ontò impetedogi te Timanem se otaw. Pegketedogi din, inabat te Timanem se gosok din, aw sinengseng din se awang te onod.
53	GEN 2:22	Penga niyan, ininang din se bayi lekat te gosok, aw inibing din sikandin doton te meama.
56	GEN 2:25	Pengkey migpetabeg-tabeg se meama aw bayi, meneng wedà dan keyàyà.
62	GEN 3:6	Penga niyan, kimità se bayi te mèpiya kànen se pongo te kayo sìyan, aw mèpiya se bawa niyan, aw mig-aneng-aneng sikandin te mèpiya aw megkebiyasa sikandin. Yan se doun te inabat din se pongo niyan aw kinaen din iyan. Doen heman imbegay din diyà te esawa din, aw kinaen din heman iyan.
63	GEN 3:7	Pegpengaen dan kenyan, migkebiyasa dan aw netegahan dan te migpetabeg-tabeg dan. Yan tinebil dan se dawen te kayo igira amon doen isampeng te sinelowan dan.
70	GEN 3:14	Penga niyan, minikagi se Timanem diyà te memokan, “Ipelumun ka tandà te medaet ininang no seini. Diyà te kedita te menge ayam-ayam aw menenanap, olò sikona se ipelumun iling kani. Lekat seini, keilangan domelog se getek nikaw diyà te tanà, aw gayed ka komaen te kepong-kepong te tanà taman te pegkematay nikaw.
80	GEN 3:24	Penga te pegkesayo te otaw lekat te Eden, insogò te Timanem se iling te anghil iningedanan kirobim lenged te eglibtakan te kekeyowan, aw insawol din se sondang eglegdeg aw gayed egkebiling, amon wedad otaw mekepedapag diyà te kayo egpemegay te pedowan wedad temanan.
81	GEN 4:1	Nayan, migpeleyokay si Adam aw esawa din, aw miglaman si Eva. Pegtebaw te batà din, minikagi si Eva, “Pineokit te tabang te Timanem, doen den batà ko meama.” Iningedanan din se batà din ki Cain (kelebadan niyan, doen den).
82	GEN 4:2	Penga niyan, todà sikandin migbatà te doma batà din meama si Abel. Si Abel se biyasa egdiyaga te menge ayam-ayam, aw si Cain se biyasa egpawà.
86	GEN 4:6	Penga niyan, minikagi se Timanem diyà ki Cain, “Kenà mèpiya se pegkeopal nikaw. Kenà mèpiya se pegtàmod nikaw.
88	GEN 4:8	Wedà kenamay, minikagi si Cain diyà te kedowa din si Abel, “Taking ka kanak doton te pawà.” Pegdateng dan doton te pawà, inimetayan i Cain se kedowa din.
93	GEN 4:13	Minikagi si Cain, “Pelaban melima se pegpelumun no kanak, aw eked a peketayod kenyan.
95	GEN 4:15	Meneng minikagi se Timanem diyà kandin, “Eked iyan ketoman, so aw doen mengimatay kamno, mekepito pa se kedaet te pelumun domateng diyà kandin.” Penga niyan, doen pengilala imbegay te Timanem diyà ki Cain amon eked sikandin imetayi te otaw meketalà kandin.
96	GEN 4:16	Penga niyan, timanan si Cain te Timanem, aw mig-ogpà sikandin doton te ogpeanan te Nod, lenged te eglibtakan te Eden.
103	GEN 4:23	Minikagi si Lamek diyà te didowa esawa din, “Ada aw Sela, penenalan kaw den diyà kanak. E menge esawa ko, seini se kagi ko diyà kenyo. Mekebatog a den mengimatay te otaw menigbas kanak. Pengkey pa telaki se megpeeleg kanak, mengimatay a kandin.
107	GEN 5:1	Seini se ngadan te menge bowad-bowad i Adam. Peg-inang te Timanem te otaw, ininang din dan iling kandin.
109	GEN 5:3	Peg-apet te sebad gatos ketlowan se omay i Adam, timebaw se batà din meama iling kandin. Iningedanan din se batà din ki Set.
110	GEN 5:4	Penga te pegtebaw i Set, walo gatos se omay minokit te wedà pa kematay si Adam. Dalem niyan, doen pa menge doma batà din timebaw.
112	GEN 5:6	Peg-apet te sebad gatos aw lima se omay i Set, timebaw se batà din meama si Enos.
113	GEN 5:7	Penga te pegtebaw i Enos, walo gatos aw pito se omay minokit te wedà pa kematay si Set. Dalem niyan, doen pa menge doma batà din timebaw.
115	GEN 5:9	Peg-apet te kesyaman se omay i Enos, timebaw se batà din meama si Cainan.
116	GEN 5:10	Penga niyan, walo gatos sempolò teg lima se omay minokit te wedà pa kematay si Enos. Dalem niyan, doen pa menge doma batà din timebaw.
118	GEN 5:12	Peg-apet te kepitowan se omay i Cainan, timebaw se batà din meama si Mahalaleel.
119	GEN 5:13	Penga niyan, walo gatos kepatan se omay minokit te wedà pa kematay si Cainan. Dalem niyan, doen pa menge doma batà din timebaw.
121	GEN 5:15	Peg-apet te keneman teg lima se omay i Mahalaleel, timebaw se batà din meama si Jared.
122	GEN 5:16	Penga niyan, walo gatos ketlowan se omay minokit te wedà pa kematay si Mahalaleel. Dalem niyan, doen pa menge doma batà din timebaw.
124	GEN 5:18	Peg-apet te sebad gatos keneman teg dowa se omay i Jared, timebaw se batà din meama si Enok.
125	GEN 5:19	Penga niyan, walo gatos se omay minokit te wedà pa kematay si Jared. Dalem niyan, doen pa menge doma batà din timebaw.
127	GEN 5:21	Peg-apet te keneman teg lima se omay i Enok, timebaw se batà din meama si Matusalem.
128	GEN 5:22	Penga niyan, dalem te telo gatos se omay, migpedomaay si Enok aw Timanem. Dalem niyan, doen pa menge doma batà din timebaw.
131	GEN 5:25	Peg-apet te sebad gatos kewelowan teg pito se omay i Matusalem, timebaw se batà din meama si Lamek.
132	GEN 5:26	Penga niyan, pito gatos kewelowan teg dowa se omay minokit te wedà pa kematay si Matusalem. Dalem niyan, doen pa menge doma batà din timebaw.
134	GEN 5:28	Peg-apet te sebad gatos kewelowan teg dowa se omay i Lamek, doen batà din meama timebaw.
136	GEN 5:30	Penga te pegtebaw i Noe, lima gatos kesyaman teg lima se omay minokit te wedà pa kematay si Lamek. Dalem niyan, doen pa menge doma batà din timebaw.
137	GEN 5:31	Pito gatos kepitowan teg pito se omay i Lamek te pegkematay din.
138	GEN 5:32	Penga te lima gatos se omay i Noe, timebaw se telo batà din meama, si Sem, si Ham, aw si Japet.
141	GEN 6:3	Penga niyan, minikagi se Timanem, “Eked ko pekeleyati se pedowan ko diyà te menge otaw te wedad temanan, so otaw dan olò. Lekat seini, taman olò te sebad gatos kelowan se omay se tegsebad-sebad otaw.”
145	GEN 6:7	aw minikagi sikandin, “Pegbàtan ko se otaw ininang ko dini te tanà, sipat te menge ayam-ayam, menenanap, aw manok, so miglama-lama a tepad te peg-inang ko kandan.”
150	GEN 6:12	Pegtengteng te Timanem diyà te tanà, kinità din te tomalag iyan medaet, so gayed medaet se eg-inangen te kedita te otaw.
152	GEN 6:14	Yan peg-inang ka den te arka te mèpiya kemolò te kayo amon doen sekayan nikaw. Peg-inang ka te menge tambì doton te arka, aw pemolit ka kenyan doton didalem aw doton te lowà.
154	GEN 6:16	Peg-atep ka kenyan, aw peg-inang ka te elet diyà te ampa aw atep taman te tengà mitro se kelangkaw niyan. Peg-inang ka te telo kunsad niyan aw sebad se lelebangan kidoen te ampa.
157	GEN 6:19	Pengibing ka heman te meama aw bayi lekat te tegsebad-sebad kemolò te ayam-ayam, menenanap, aw manok amon eked iyan kegelà.
159	GEN 6:21	Peglolan ka heman te medita kemolò te kànen amon doen kànen te kedita niyo.”
162	GEN 7:2	Pengibing ka te sebad meama aw sebad bayi lekat te tegsebad-sebad kemolò te ayam-ayam aw menenanap eked kepakay sonogen aw ibegay diyà kanak, meneng pengibing ka te pito meama aw pito bayi lekat te tegsebad-sebad kemolò te ayam-ayam aw manok mepakay sonogen aw ibegay diyà kanak. Peg-inang ka kenyan amon todà megbowad-bowad se kedita te kemolò dini lanto te tanà.
170	GEN 7:10	Penga te pito se aldaw, migtebò nelinep se tanà te wayeg.
171	GEN 7:11	Peg-apet te enem gatos se omay i Noe, te pitsa sempolò teg pito te ikedowa te bolan te omay sìyan, neowang se kedita te selep doton didalem te dagat, aw neowang heman se kedita te linekatan te odan doton te langit.
172	GEN 7:12	Penga niyan, minodan te kepatan se aldaw aw kepatan se delem.
175	GEN 7:15	Doen meama aw bayi diyà te tegsebad-sebad kemolò doen pedowan dimoton ki Noe, aw minawop dan diyà te arka, iling te impunù te Timanem diyà ki Noe. Penga niyan, tinakep te Timanem se lelebangan te arka.
188	GEN 8:4	Pitsa sempolò teg pito te ikepito te bolan, nekeselà se arka diyà te bontod te Ararat.
190	GEN 8:6	Penga te kepatan se aldaw, inowang i Noe se bintanà te arka,
192	GEN 8:8	Pegkenamay-namay, binoloyan heman i Noe se sebad selepati, amon ketegahan din aw migkepangkag se tanà.
194	GEN 8:10	Penga te sebad simana, todà din binoloyan se selepati.
195	GEN 8:11	Pegkemeapon niyan, limikò iyan doton ki Noe, aw doen tobed te kayo olibo inibing diyà te toktokay din. Doun niyan, netegahan i Noe te tabag minuyud se wayeg diyà te tanà.
196	GEN 8:12	Penga niyan, migtagad si Noe te sebad simana, aw todà din binoloyan se selepati. Meneng wedà iyan palos likò.
198	GEN 8:14	Peg-apet te pitsa kelowan teg pito te ikedowa te bolan, ontò migkepangkag se tanà.
201	GEN 8:17	Pelowai heman se kedita te manok, ayam-ayam, aw menenanap, amon megbowad-bowad dan aw megkedita dan dini lanto te tanà.”
204	GEN 8:20	Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.
205	GEN 8:21	Peg-adek te Timanem te nadeg niyan, neluba sikandin, aw minikagi sikandin diyà te pedowan din, “Eked a todà pegpelumun te tanà tandà te medaet inang te otaw, so netegahan ko te gayed medaet se ibeg te pedowan te otaw lekat te pegtebaw dan. Eked a todà peg-igelà te kedita te otaw aw menenanap iling te ininang ko den.
207	GEN 9:1	Mèpiya se imbegay te Timanem diyà ki Noe aw pamilya din, aw minikagi sikandin, “Pegbatà kaw den te medita, amon doen menge bowad-bowad niyo meg-ogpà doton te kebelad te tanà.
213	GEN 9:7	“Pegbatà kaw den te medita amon doen menge bowad-bowad niyo meg-ogpà doton te kebelad te tanà.”
227	GEN 9:21	Peg-inem din te bino ininang din lekat te paras, nelasing sikandin. Minibat sikandin migpetabeg-tabeg kidoen didalem te tolda inogpaan din.
229	GEN 9:23	Penga niyan, nengabat si Sem aw si Japet te penenaktun itaklub kandin. Inewidan dan se taklub diyà te getan dan, aw minipanaw dan te getan te peg-awop dan diyà te tambì din, aw tinekluban dan sikandin. Wedà dan lingì amon eked dan kitai se lawa te amay dan migpetabeg-tabeg.
230	GEN 9:24	Pegkelibwan i Noe te pegkelasing din, aw pegketaga-taga din tepad te ininang i Ham diyà kandin,
234	GEN 9:28	Penga te pegkelinep te tanà te wayeg, telo gatos keliman se omay minokit te wedà pa kematay si Noe.
241	GEN 10:6	Se menge batà meama i Ham, yan si Cus, si Ehipto, si Put, aw si Canaan.
245	GEN 10:10	Pegtebò te peglowan din, limowan sikandin diyà te menge lonsod te Babel, Erac, aw Acad, ditelo lonsod doton te Sinar.
260	GEN 10:25	Dowa se batà i Eber. Iningedanan se kakay ki Peleg (kelebadan niyan, netani), so pegtebaw din, netani-tani se kedita te otaw dini lanto te tanà. Iningedanan se adi din ki Joctan.
267	GEN 10:32	Menge bowad-bowad i Noe se kedita niyan, aw doen pongan aw pamilya te tegsebad-sebad kandan. Penga te pegkelinep te tanà te wayeg, se kedita te otaw diyà te tegsebad-sebad pongan te keneyonan, yan se menge bowad-bowad te menge batà i Noe.
269	GEN 11:2	Peglegeb-legeb dan, migpesalo dan doton te eglibtakan te aldaw, lamig dimateng dan doton te tanà mebelad aw mepantal kidoen te Sinar, aw mig-ogpà dan kidoen.
271	GEN 11:4	Penga niyan, minikagi dan, “Meg-inang kidon den te lonsod aw sebad balay melangkaw lamig mapet se atep niyan doton te langit, aw yan meinang kidon medengeg, aw eked kidon kebilit kidoen te kebelad te keneyonan.”
278	GEN 11:11	Penga niyan, lima gatos se omay minokit te wedà pa kematay si Sem. Dalem niyan, doen pa menge doma batà din timebaw.
279	GEN 11:12	Peg-apet te ketlowan teg lima se omay i Arfacsad, timebaw se batà din meama si Sela.
280	GEN 11:13	Penga niyan, epat gatos aw telo se omay minokit te wedà pa kematay si Arfacsad. Dalem niyan, doen pa menge doma batà din timebaw.
281	GEN 11:14	Peg-apet te ketlowan se omay i Sela, timebaw se batà din meama si Eber.
282	GEN 11:15	Penga niyan, epat gatos telo se omay minokit te wedà pa kematay si Sela. Dalem niyan, doen pa menge doma batà din timebaw.
283	GEN 11:16	Peg-apet te ketlowan teg epat se omay i Eber, timebaw se batà din meama si Peleg.
284	GEN 11:17	Penga niyan, epat gatos ketlowan se omay minokit te wedà pa kematay si Eber. Dalem niyan, doen pa menge doma batà din timebaw.
285	GEN 11:18	Peg-apet te ketlowan se omay i Peleg, timebaw se batà din meama si Reu.
286	GEN 11:19	Penga niyan, dowa gatos siyam se omay minokit te wedà pa kematay si Peleg. Dalem niyan, doen pa menge doma batà din timebaw.
287	GEN 11:20	Peg-apet te ketlowan teg dowa se omay i Reu, timebaw se batà din meama si Serug.
288	GEN 11:21	Penga niyan, dowa gatos aw pito se omay minokit te wedà pa kematay si Reu. Dalem niyan, doen pa menge doma batà din timebaw.
289	GEN 11:22	Peg-apet te ketlowan se omay i Serug, timebaw se batà din meama si Nahor.