2	GEN 1:2	Wedad pa bawa te tanà, aw wedad pa awop niyan, aw tomalag mengitngit se kebelad te dagat. Gayed miniwal se Espiritu Santo diyà te lanto te wayeg.
5	GEN 1:5	Se kelowahan, yan se iningedanan din aldaw. Se kengitngitan, yan se iningedanan din delem. Migkemeapon aw migkeiselem, aw yan nepenga se tagnà aldaw.
8	GEN 1:8	Se lenged diatas te tanà, yan se iningedanan te Timanem langit. Migkemeapon aw migkeiselem, aw yan nepenga se ikedowa te aldaw.
10	GEN 1:10	Se mepangkag, yan se iningedanan te Timanem tanà. Se wayeg netipon, yan se iningedanan din dagat. Kinità te Timanem te mèpiya iyan.
16	GEN 1:16	Dowa se dakel lowa ininang te Timanem. Se aldaw, yan se egsenang dalem te aldaw. Se bolan, yan se egsenang dalem te delem. Ininang din heman se menge bitoen.
28	GEN 1:28	Mèpiya se imbegay te Timanem diyà kandan, aw migpunù sikandin, “Pegbatà kaw te medita amon doen bowad-bowad niyo meg-ogpà diyà te kebelad te tanà aw mengibing kenyan. Sikiyo se mengolo diyà te menge ikan, manok, aw kedita te ayam-ayam aw menenanap eg-ogpà dini lanto te tanà.”
48	GEN 2:17	meneng ikà egpengaen te pongo te kayo egpemegay te kebiyasa tepad te mèpiya aw medaet. So aw komaen ka kenyan, ontò ka matay te aldaw sìyan.”
55	GEN 2:24	Yan se doun te tomanan se meama te amay aw inay din, aw megsebad diyà te esawa din. Se didowa dan meinang sebad.
67	GEN 3:11	Mig-insà se Timanem, “Sinu lay se mig-indan kamno te migpetabeg-tabeg ka? Kimaen ka lay te pongo te kayo impunù ko kamno?”
68	GEN 3:12	Minikagi se meama, “Se bayi impedoma no diyà kanak, yan se nemegay te pongo diyà kanak, aw kimaen a kenyan.”
69	GEN 3:13	Mig-insà se Timanem diyà te bayi, “Eden lay se ininang no seini?” Timaba se bayi, “Se memokan, yan se mig-akal kanak, aw yan kimaen a.”
82	GEN 4:2	Penga niyan, todà sikandin migbatà te doma batà din meama si Abel. Si Abel se biyasa egdiyaga te menge ayam-ayam, aw si Cain se biyasa egpawà.
87	GEN 4:7	Aw metòlid se inangen nikaw, yan meluba a kamno. Meneng aw eked ka peg-inang te metòlid, delisegen ka den i Satanas amon meg-inang ka te salà. Dàgen ka peden te peg-inang no te salà, meneng keilangan domaeg ka kenyan.”
98	GEN 4:18	Si Enok se amay i Irad. Si Irad se amay i Mehujael. Si Mehujael se amay i Metusael. Si Metusael se amay i Lamek.
99	GEN 4:19	Migdoway si Lamek. Si Ada se ngadan te sebad esawa din, aw si Sela se doma.
100	GEN 4:20	Si Ada se inay i Jabal, aw sikandin se neinang kemonaan te kedita te telediyaga te menge ayam-ayam. Mig-ogpà dan diyà te menge tolda.
102	GEN 4:22	Si Sela se inay i Tubal Cain, aw sikandin se menenayab te tebaga aw kinis. Doen heman etebay i Tubal Cain si Naama.
103	GEN 4:23	Minikagi si Lamek diyà te didowa esawa din, “Ada aw Sela, penenalan kaw den diyà kanak. E menge esawa ko, seini se kagi ko diyà kenyo. Mekebatog a den mengimatay te otaw menigbas kanak. Pengkey pa telaki se megpeeleg kanak, mengimatay a kandin.
105	GEN 4:25	Nayan, penga te pegkematay i Abel, migpeleyokay si Adam aw esawa din, aw doen batà meama timebaw diyà ki Eva. Iningedanan din se batà din ki Set (kelebadan niyan, imbegay), so minikagi sikandin, “Binegayan a te Timanem te sebad batà inselilin ki Abel, so inimetayan sikandin i Cain.”
106	GEN 4:26	Doen batà meama timebaw diyà te esawa i Set, aw iningedanan din se batà din ki Enos. Nayan, lekat te aldaw sìyan, migtebò se menge otaw migsimba aw migtawal-tawal diyà te Timanem.
107	GEN 5:1	Seini se ngadan te menge bowad-bowad i Adam. Peg-inang te Timanem te otaw, ininang din dan iling kandin.
109	GEN 5:3	Peg-apet te sebad gatos ketlowan se omay i Adam, timebaw se batà din meama iling kandin. Iningedanan din se batà din ki Set.
110	GEN 5:4	Penga te pegtebaw i Set, walo gatos se omay minokit te wedà pa kematay si Adam. Dalem niyan, doen pa menge doma batà din timebaw.
111	GEN 5:5	Siyam gatos ketlowan se omay i Adam te pegkematay din.
112	GEN 5:6	Peg-apet te sebad gatos aw lima se omay i Set, timebaw se batà din meama si Enos.
113	GEN 5:7	Penga te pegtebaw i Enos, walo gatos aw pito se omay minokit te wedà pa kematay si Set. Dalem niyan, doen pa menge doma batà din timebaw.
114	GEN 5:8	Siyam gatos sempolò teg dowa se omay i Set te pegkematay din.
117	GEN 5:11	Siyam gatos aw lima se omay i Enos te pegkematay din.
120	GEN 5:14	Siyam gatos aw sempolò se omay i Cainan te pegkematay din.
126	GEN 5:20	Siyam gatos keneman teg dowa se omay i Jared te pegkematay din.
133	GEN 5:27	Siyam gatos keneman teg siyam se omay i Matusalem te pegkematay din.
135	GEN 5:29	Iningedanan din se batà din ki Noe (kelebadan niyan, peg-etod), so minikagi sikandin, “Seini se otaw megpeetod kenitadon lekat te kelimahan te terbaho tadon dini te tanà seini ininang te Timanem medaet.”
138	GEN 5:32	Penga te lima gatos se omay i Noe, timebaw se telo batà din meama, si Sem, si Ham, aw si Japet.
147	GEN 6:9	Seini se indan tepad ki Noe. Diyà te kedita te otaw, olò si Noe se eg-inang te metòlid, aw wedad palos isila kandin. Migpedomaay si Noe aw Timanem.
148	GEN 6:10	Telo se batà din meama, si Sem, si Ham, aw si Japet.
153	GEN 6:15	Sebad gatos ketlowan teg telo mitro se kelayat niyan, aw kelowan teg dowa mitro se kebelad niyan, aw sempolò teg telo mitro se kelangkaw niyan.
173	GEN 7:13	Te wedà pa kelinep se tanà, tapay minawop si Noe diyà te arka sipat te esawa din, menge batà din si Sem, si Ham, aw si Japet, aw menge esawa dan.
184	GEN 7:24	Sebad gatos keliman se aldaw se kenamay te pegkelinep te tanà te wayeg.
186	GEN 8:2	Sinengseng din se menge selep doton didalem te dagat aw menge linekatan te odan doton te langit. Kimedit se odan.
210	GEN 9:4	Sebad olò se eked niyo kepakay kànen, aw yan se pengelapen doen pa dipanog, so doen pedowan pineokit te dipanog.
217	GEN 9:11	Seini se ipakang ko diyà kenyo. Eked todà kegelà se kedita doen pedowan dini lanto te tanà te pegkelinep te tanà te wayeg. Eked todà kebàti se tanà pineokit te pegkelinep te tanà te wayeg.
224	GEN 9:18	Se menge batà i Noe timenà lekat te arka, yan si Sem, si Ham (amay i Canaan), aw si Japet.
225	GEN 9:19	Se ditelo batà i Noe sìyan, yan se menge kemonaan te kedita te otaw eg-ogpà dini te keneyonan.
229	GEN 9:23	Penga niyan, nengabat si Sem aw si Japet te penenaktun itaklub kandin. Inewidan dan se taklub diyà te getan dan, aw minipanaw dan te getan te peg-awop dan diyà te tambì din, aw tinekluban dan sikandin. Wedà dan lingì amon eked dan kitai se lawa te amay dan migpetabeg-tabeg.
232	GEN 9:26	Iduyun se Timanem egseligan i Sem. Meinang si Canaan allang i Sem.
233	GEN 9:27	Inangen te Timanem medita se menge bowad-bowad i Japet (kelebadan niyan, pegkedita). Ipeogpà dan te Timanem doma te menge bowad-bowad i Sem. Meneng meinang se menge bowad-bowad i Canaan allang te menge bowad-bowad i Japet.”
235	GEN 9:29	Siyam gatos keliman se omay i Noe te pegkematay din.
236	GEN 10:1	Seini se ngadan te menge bowad-bowad te ditelo batà i Noe, si Sem, si Ham, aw si Japet, so doen menge batà dan timebaw penga te pegkelinep te tanà te wayeg.
237	GEN 10:2	Se menge batà meama i Japet, yan si Gomer, si Magog, si Madai, si Jaban, si Tubal, si Mesec, aw si Tiras.
238	GEN 10:3	Se menge batà i Gomer, yan si Askenas, si Rifat, aw si Togarma.
239	GEN 10:4	Se menge bowad-bowad i Jaban, yan si Elisa, si Tarsis, aw menge tege Kiti aw tege Dodani.
240	GEN 10:5	Sikandan se menge kemonaan te kedita te otaw eg-ogpà medapag te dagat aw doton te menge polò. Yan se menge bowad-bowad i Japet. Mig-ogpà se tegsebad-sebad pongan doton te kandan ogpeanan, aw doen heman kagi te tegsebad-sebad pongan.
241	GEN 10:6	Se menge batà meama i Ham, yan si Cus, si Ehipto, si Put, aw si Canaan.
242	GEN 10:7	Se menge batà meama i Cus, yan si Seba, si Habila, si Sabata, si Raama, aw si Sabaca. Se menge batà meama i Raama, yan si Saba aw si Dadan.
245	GEN 10:10	Pegtebò te peglowan din, limowan sikandin diyà te menge lonsod te Babel, Erac, aw Acad, ditelo lonsod doton te Sinar.
248	GEN 10:13	Si Ehipto se kemonaan te kedita te otaw mig-ogpà doton te Lud, Anam, Laab, Neftu,
250	GEN 10:15	Se menge batà i Canaan, yan si Sidon penganay batà din, aw si Het.
251	GEN 10:16	Si Canaan heman se kemonaan te menge pongan te otaw iningedanan Jebusi, Amori, Girgasi,
252	GEN 10:17	Hebi, Arki, Sinai,
253	GEN 10:18	Arvadi, Semari, aw Hamati. Neteped se tegsebad-sebad pongan te menge bowad-bowad i Canaan
254	GEN 10:19	lamig nesakop dan se kebelad te tanà lekat te lonsod te Sidon taman te lonsod te Gerara medapag te Gasa, aw nesakop heman se menge lonsod te Sodoma, Gomora, Adma, aw Seboim medapag te Lasa.
256	GEN 10:21	Si Sem kakay i Japet, yan se kemonaan te kedita te otaw nesakop te pongan iningedanan Hebreo.
257	GEN 10:22	Se menge batà i Sem, yan si Elam, si Asur, si Arfacsad, si Lud, aw si Aram, aw yan heman se ngadan te menge bowad-bowad dan.
258	GEN 10:23	Se menge batà i Aram, yan si Us, si Hul, si Geter, aw si Mes.
259	GEN 10:24	Si Arfacsad se amay i Sela, aw si Sela se amay i Eber.
261	GEN 10:26	Si Joctan se kemonaan te menge pongan iningedanan Almodad, Selap, Hasarmabet, Jera,
263	GEN 10:28	Obal, Abimael, Seba,
265	GEN 10:30	Mig-ogpà se menge pongan dan doton te tanà lekat te Mesa taman te Separ kidoen te bontod lenged te eglibtakan te aldaw.
266	GEN 10:31	Yan se menge bowad-bowad i Sem. Mig-ogpà se tegsebad-sebad pongan dan doton te kandan ogpeanan, aw doen heman kagi te tegsebad-sebad pongan.
269	GEN 11:2	Peglegeb-legeb dan, migpesalo dan doton te eglibtakan te aldaw, lamig dimateng dan doton te tanà mebelad aw mepantal kidoen te Sinar, aw mig-ogpà dan kidoen.
277	GEN 11:10	Seini se ngadan te menge bowad-bowad i Sem. Dowa se omay minokit penga te pegkelinep te tanà te wayeg, minapet te sebad gatos se omay i Sem, aw timebaw se batà din meama si Arfacsad.
278	GEN 11:11	Penga niyan, lima gatos se omay minokit te wedà pa kematay si Sem. Dalem niyan, doen pa menge doma batà din timebaw.
279	GEN 11:12	Peg-apet te ketlowan teg lima se omay i Arfacsad, timebaw se batà din meama si Sela.
281	GEN 11:14	Peg-apet te ketlowan se omay i Sela, timebaw se batà din meama si Eber.
282	GEN 11:15	Penga niyan, epat gatos telo se omay minokit te wedà pa kematay si Sela. Dalem niyan, doen pa menge doma batà din timebaw.
287	GEN 11:20	Peg-apet te ketlowan teg dowa se omay i Reu, timebaw se batà din meama si Serug.
289	GEN 11:22	Peg-apet te ketlowan se omay i Serug, timebaw se batà din meama si Nahor.
290	GEN 11:23	Penga niyan, dowa gatos se omay minokit te wedà pa kematay si Serug. Dalem niyan, doen pa menge doma batà din timebaw.
294	GEN 11:27	Seini se ngadan te menge bowad-bowad i Tera. Si Tera se amay i Abram, si Nahor, aw si Haran. Si Haran se amay i Lot.
296	GEN 11:29	Nengognan si Abram ki Sarai, aw nengognan si Nahor ki Melca, batà bayi te kedowa din nematay si Haran. Doen heman doma batà i Haran si Isca.
297	GEN 11:30	Wedad batà i Sarai, so eked sikandin pegbatà.
298	GEN 11:31	Impetaking i Tera se batà din si Abram, aw ogangan din si Sarai esawa i Abram, aw apò din si Lot batà i Haran. Nesayo dan lekat te lonsod te Ur doton te Caldea, aw migpesalo dan doton te Canaan. Meneng pegdateng dan doton te Haran, mig-ogpà dan kidoen.