22	GEN 1:22	Mèpiya se imbegay te Timanem diyà te kedita niyan, aw migpunù sikandin diyà te kedita eg-ogpà doton te wayeg aw dagat, “Pegbatà kaw, aw pegkedita kaw amon melegeb se dagat kenyo.” Migpunù heman sikandin diyà te menge manok, “Pegkedita kaw doton te tanà.”
28	GEN 1:28	Mèpiya se imbegay te Timanem diyà kandan, aw migpunù sikandin, “Pegbatà kaw te medita amon doen bowad-bowad niyo meg-ogpà diyà te kebelad te tanà aw mengibing kenyan. Sikiyo se mengolo diyà te menge ikan, manok, aw kedita te ayam-ayam aw menenanap eg-ogpà dini lanto te tanà.”
47	GEN 2:16	Migpunù se Timanem diyà kandin, “Mepakay aw kànen no se pongo te kedita te kayo kidoen te kekeyowan,
57	GEN 3:1	Nayan, diyà te kedita te menge menenanap ininang te Timanem, memokan se ontò biyasa eg-akal. Mig-insà se memokan diyà te bayi, “Benal lay migpunù se Timanem kenyo te eked kaw kaen te pongo te kedita te kayo dini te kekeyowan?”
67	GEN 3:11	Mig-insà se Timanem, “Sinu lay se mig-indan kamno te migpetabeg-tabeg ka? Kimaen ka lay te pongo te kayo impunù ko kamno?”
73	GEN 3:17	Minikagi se Timanem diyà te meama, “Nenenalan ka diyà te esawa nikaw, aw kimaen ka te pongo te kayo impunù ko kamno. Tandà te salà no sìyan, inangen ko heman medaet se tanà. Keilangan gayed ka megterbaho taman te pegkematay nikaw, amon botong se kànen nikaw.
160	GEN 6:22	Timolò si Noe te kedita te impunù te Timanem diyà kandin.
165	GEN 7:5	Timolò si Noe te kedita te impunù te Timanem diyà kandin.
168	GEN 7:8	Netipon se sebad meama aw sebad bayi lekat te tegsebad-sebad kemolò te menge ayam-ayam, menenanap, aw manok pengkey mepakay sonogen aw eked kepakay sonogen. Dimoton se kedita niyan ki Noe, aw minawop dan diyà te arka, iling te impunù te Timanem diyà ki Noe.
175	GEN 7:15	Doen meama aw bayi diyà te tegsebad-sebad kemolò doen pedowan dimoton ki Noe, aw minawop dan diyà te arka, iling te impunù te Timanem diyà ki Noe. Penga niyan, tinakep te Timanem se lelebangan te arka.
303	GEN 12:4	Yan timolò si Abram te punù te Timanem, aw nesayo sikandin tinekingan i Lot. Kepitowan teg lima se omay i Abram te pegkesayo din lekat te Haran.
384	GEN 16:2	Yan minikagi si Sarai diyà ki Abram, “Wedad batà imbegay te Timanem diyà kanak. Yan mèpiya aw lomayok ka den diyà te allang ko amon doen pa peden batà ko pineokit kandin.” Timandù si Abram diyà te inikagi i Sarai,
412	GEN 17:14	Aw eked tolii se meama, eked sikandin pekeakop diyà kenyo, so eked sikandin tolò te punù tepad te pengilala te pakang ko.”
518	GEN 21:4	Pegdateng te ikewalo te aldaw lekat te pegtebaw i Isaac, tinolì sikandin i Abraham iling te impunù te Timanem kandin.
526	GEN 21:12	Meneng minikagi se Timanem diyà ki Abraham, “Ikà egkepuluk tepad te telaki aw allang no si Agar. Tolò ka te impunù i Sara kamno, so se menge bowad-bowad te batà no si Isaac, yan olò se eneng-enengen ko te ontò bowad-bowad nikaw.
566	GEN 22:18	Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”
588	GEN 23:16	Timandù si Abraham tepad te elagà inikagi i Efron dinineg te kedita te otaw netipon, aw yan pinisar din se epat gatos kwarta selapì, iling te pegpisar te menge tindiro, aw imbegay din iyan diyà ki Efron.
594	GEN 24:2	Minikagi si Abraham diyà te pengolo te menge sineligan din, sìyan egpengibing te kedakel te kedònan din, “Soli se belad nikaw diyà te salad te bobon ko amon ketegahan ko te tomanen no se ipunù ko kamno seini.
601	GEN 24:9	Penga niyan, insawol te sineligan se belad din diyà te salad te bobon te amo din si Abraham, aw migsapà sikandin te tomanen din se impunù i Abraham diyà kandin.
629	GEN 24:37	Impesapà a te amo ko te tomanen ko se impunù din kanak. Minikagi sikandin, ‘Keilangan eked no pemellii se bayi pengognanen te batà ko lekat te menge otaw eg-ogpà doton te Canaan.
695	GEN 26:2	Yan se dinotonan din, so tapay migpekità se Timanem diyà ki Isaac, aw migpunù sikandin, “Ikà egdoton te Ehipto. Peg-ogpà ka doton te tanà tedoan ko kamno.
698	GEN 26:5	Inangen ko iyan so timolò si Abraham kanak. Timolò sikandin te kedita te impunù aw intoladà ko diyà kandin.”
704	GEN 26:11	Penga niyan, migpunù si Abimelec diyà te kedita te sakop din, “Aw doen otaw meg-inang te medaet diyà te otaw seini aw esawa din, yan se imetayan.”
736	GEN 27:8	“Na, Atò, penenalan ka den diyà kanak amon tomolò ka te ipunù ko den kamno seini.
747	GEN 27:19	Timaba si Jacob, “Siak se penganay batà no si Esau. Timolò a den te impunù no kanak. Enaw ka den, aw kaen ka den te pengelapen inibing ko, amon megtawal-tawal ka amon mèpiya se ibegay te Timanem diyà kanak.”
775	GEN 28:1	Yan impeangay i Isaac si Jacob, aw migtawal-tawal sikandin amon mèpiya se ibegay te Timanem diyà kandin. Penga niyan, migpunù sikandin diyà ki Jacob, “Ikà egpengognan te bayi dini tege Canaan.
780	GEN 28:6	Nayan, netaga-taga si Esau te migtawal-tawal si Isaac amon mèpiya se ibegay te Timanem diyà ki Jacob, aw insogò din sikandin doton te Mesopotamya amon mengognan kidoen. Netaga-taga heman sikandin te pegtawal-tawal i Isaac tepad kandin, migpunù sikandin te eked din pengognani se bayi tege Canaan.
862	GEN 30:31	Mig-insà si Laban, “Eden lay se itandan ko diyà kamno?” Timaba si Jacob, “Wedad itandan no diyà kanak. Meneng aw meibeg ka te megtonggò a pa te kamno menge ayam-ayam, keilangan tomandù ka te sebad olò ikegiyen ko kamno seini.
890	GEN 31:16	Inabat te Timanem se kedakel te keyemanan te amay day, aw kenitadon den iyan sipat te menge batà tadon. Yan keilangan tomolò ka te kedita te impunù te Timanem diyà kamno.”
910	GEN 31:36	Ontò neopal si Jacob, aw nenompelà sikandin ki Laban. Minikagi sikandin, “Eden lay se salà ininang ko diyà kamno? Eden lay se punù linèpangan ko so gayed a no pig-alaw?
933	GEN 32:5	Migpunù si Jacob diyà kandan, “Keliwati niyo se kagi ko seini diyà te kakay ko si Esau egsegmanen ko. ‘Siaken se sineligan no si Jacob. Mig-ogpà a doton ki Tiyò Laban lamig te peg-olì ko seini.
948	GEN 32:20	Yan heman se impunù i Jacob diyà te ikedowa aw iketelo te otaw aw diyà te kedita te doma otaw nengibing te menge ayam-ayam. Minikagi sikandin, “Aw komità kaw kandin, keilangan onawa heman se ikegiyen niyo.
949	GEN 32:21	Keilangan mikagi kaw diyà kandin, ‘Doton pa te modi se sineligan no si Jacob.’” Yan se impunù din diyà kandan, so mig-aneng-aneng sikandin, “Pineokit te ibowang ko diyà kandin, megkèpiya se pedowan din diyà kanak. Yan aw megkità kay, pegwedaden din besi se salà ininang ko diyà kandin.”
966	GEN 33:5	Penga niyan, kinità i Esau se menge bayi aw mengisù. Mig-insà sikandin, “Sinu lay se menge doma nikaw?” Timaba si Jacob, “Akay, seini se menge batà ko imbegay te Timanem diyà kanak tandà te keido din.”
1010	GEN 34:29	Inabat dan se kedakel te keyemanan dan, aw dinakep dan se kedita te bayi aw mengisù, aw inibing dan se kedakel te awop te menge balay dan.
1020	GEN 35:8	Nematay kidoen si Debora tapay migtonggò ki Rebecca te pegkemengisù din, aw inlebeng se lawa din doton te olayan medapag te Betel. Yan se doun te iningedanan iyan Olayan te Pegkelag.
1111	GEN 37:27	Meneng labi pa mèpiya aw ibeligyà tadon sikandin diyà te menge bowad-bowad i Ismael sida. Eked kepakay aw imetayan tadon sikandin, so telekedowa kidon aw sebad olò se amay tadon.” Yan timandù heman se menge kedowa din.
1217	GEN 41:21	Meneng pengkey kimaen dan te baka melambò, iling te wedad kinaen dan so kunù pa se kegasà dan. Penga niyan, neloka a.
1248	GEN 41:52	Iningedanan din se adi ki Efraim (kelebadan niyan, migmengisù), so minikagi si Jose, “Tinebangan a te Timanem aw yan migmengisù a den dini te tanà te kelimahan ko.”
1251	GEN 41:55	Pegkeballos te menge tege Ehipto, nemoyò dan te kànen diyà te selotan. Meneng minikagi sikandin, “Doton kaw ki Jose aw tolò kaw te ipunù din kenyo.”
1268	GEN 42:15	Meneng seini se inangen ko amon ketegahan ko aw benal se inikagi niyo. Pineokit te ngadan te selotan, ipunù ko den te eked kaw palos pekeolì lekat dini singed aw domini se adi niyo.
1273	GEN 42:20	Meneng keilangan ibingen niyo dini kanak se kedowa niyo temanan adi amon ketegahan ko te benal se inikagi niyo, aw yan eked kaw imetayi.” Yan timandù dan kandin.
1278	GEN 42:25	Doen sineligan insogò i Jose meg-ipenò te sako te kedowa din te trigo. Migpunù heman si Jose kandin te ieles din se kwarta imbayad dan diyà te sako te tegsebad-sebad kandan. Impebegay din heman kandan se kànen dan diyà te dalan. Yan se ininang din diyà kandan.
1294	GEN 43:3	Timaba si Juda, “Migpunù se otaw doton te eked kay pekelikò doton kandin singed aw tomaking se kedowa day temanan adi.
1299	GEN 43:8	Minikagi si Juda diyà te amay din, “Seligi si Benjamin diyà kanak, aw mesayo kay den seini amon eked kematay se kedita tadon te bitil sipat te menge mengisù dini kenitadon.
1327	GEN 44:2	Soli se tabò ko selapì diyà te sako te temanan adi, sipat te kwarta imbayad din te kànen.” Yan timolò se sineligan te impunù i Jose kandin.
1331	GEN 44:6	Pegkesaeb te sineligan kandan, minikagi sikandin te impunù i Jose kandin.
1378	GEN 45:19	Begayi dan heman te menge keriton lekat dini amon doen sekayan te menge esawa aw mengisù dan. Keilangan ibingen dan heman dini se amay niyo.
1392	GEN 46:5	Penga niyan, dimeleg dan si Jacob lekat te Berseba. Impesakay sikandin te menge batà din diyà te keriton impeibing te selotan te Ehipto. Impesakay dan heman se menge mengisù aw menge esawa dan.
1421	GEN 46:34	keilangan meg-indan kaw kandin te telediyaga kaw lekat te pegkemengisù niyo, iling te eg-inangen te menge kemonaan niyo gebii. Doun niyan, ipeogpà kaw din doton te Gosen.” Yan se inikagi i Jose diyà kandan, so eglindoan te menge tege Ehipto se telediyaga.
1432	GEN 47:11	Impeogpà i Jose se amay din aw menge kedowa din doton te Ehipto. Ontò mèpiya se tanà imbegay din kandan medapag te lonsod te Ramases, iling te impunù te selotan kandin.
1433	GEN 47:12	Doen heman kànen imbegay i Jose diyà te amay din, aw menge kedowa din, aw menge doma otaw diyà te pamilya te amay din sipat te menge mengisù dan.
1447	GEN 47:26	Yan migpunù si Jose doton te Ehipto te keilangan ibegay dan diyà te selotan se tengà te lima diyà te kedakel te geniyen dan, aw yan se punù egtoloen dan lamig songkani. Olò tanà te menge egpengibing te simbahan dan se wedà ketig-apò te selotan.
1448	GEN 47:27	Mig-ogpà se menge bowad-bowad i Jacob (doma ngadan din si Israel) kidoen te Gosen doton te Ehipto, aw yan neinang dakel se kedònan dan kidoen, aw ontò migkedita se mengisù dan.
1450	GEN 47:29	Pegdateng te aldaw te agpet den sikandin matay, tinawal i Jacob se batà din si Jose, aw minikagi sikandin, “Soli se belad nikaw diyà te salad te bobon ko amon ketegahan ko te tomanen no se ipunù ko kamno seini. Pegpakang ka kanak te eked no lebengi se lawa ko dini te Ehipto.
1451	GEN 47:30	Ibeg ko ilebeng beling se lawa ko doton te lebenganan doma te menge kemonaan ko. Yan ibingi se lawa ko lekat dini te Ehipto, aw lebengi a doton te linebengan kandan.” Minikagi si Jose, “Ee. Toloen ko se impunù no kanak.”
1503	GEN 49:29	Penga niyan, doen impunù i Jacob diyà te menge batà din, kagi din, “Agpet a den tomelokon te menge kemonaan ko nematay. Lebengi se lawa ko doton te linebengan te menge kemonaan ko doton te ilib kidoen te tanà tapay tinig-apò i Efron tege Heti
1507	GEN 49:33	Penga te pegpunù i Jacob diyà te menge batà din, todà sikandin minibat, aw penga niyan nematay.
1509	GEN 50:2	Penga niyan, migpunù si Jose te ipebalsamar te otaw biyasa se lawa te amay din.
1515	GEN 50:8	Timaking heman se kedita te pamilya i Jose, aw menge kedowa din, aw kedita te otaw diyà te pamilya te amay din. Olò menge deitek mengisù, aw karniro, kambing, aw baka se wedà dan petekingi, meneng mig-ogpà dan doton te Gosen.
1519	GEN 50:12	Yan tinoman te menge batà i Jacob se impunù din kandan.
1524	GEN 50:17	migpunù sikandin te ikeliwat day diyà kamno se kagi din seini, ‘Pegwedadi bag se salà te menge kedowa no kedengan te peg-inang dan kamno te medaet.’ Yan, pegwedadi bag se salà ininang day menge sineligan te Timanem egpemenalen te amay tadon.” Pegdineg i Jose te kagi dan sìyan, migkelag sikandin.
23237	MAT 1:24	Pegkeloka i Jose, timolò sikandin te impunù te anghil te Timanem kandin, aw minipid sikandin ki Maria.
23242	MAT 2:4	Penga niyan, impetipon din se kedita te pengolo te simbahan te Judiyo aw menenoladà te punù ingkeliwat i Moises. Mig-insà sikandin aw kenan tebaw se Misiyas.
23250	MAT 2:12	Nayan, migpunù se Timanem diyà kandan pineokit te tegeinep te eked kepakay aw lomikò dan doton ki Herod. Yan se doun te minokit dan te sebad dalan te peg-olì dan doton te kandan ogpeanan.
23256	MAT 2:18	“Doen dinegen niyo kidoen te lonsod te Rama. Megkelag aw megmatay se menge bowad-bowad i Rakel, so melano dan te mengisù dan. Megkelag dan, aw eked dan kesinelayi, so inimetayan se mengisù dan.”
23282	MAT 4:4	Meneng minikagi si Jesus, “Eked a, so doen kagi te Timanem insolat, ‘Kenà olò kànen se keilangan te otaw amon eked kematay, meneng keilangan kominawà se otaw te kedita te impunù te Timanem.’”
23320	MAT 5:17	“Ikà niyo eg-aneng-aneng te dimini a amon pegwedaden ko se menge punù ingkeliwat i Moises aw insolat te menge telekeliwat te kagi te Timanem gebii. Meneng dimini a amon ipetaga-taga ko se ontò kedegdagan niyan.
23321	MAT 5:18	Eneng-enengi niyo se kagi ko kenyo seini. Dalem te doen pa langit aw tanà, wedad palos punù te Timanem pegwedaden, meneng metoman se kedita te kagi din.
23322	MAT 5:19	Aw doen otaw megwedad peden te pengkey sebad punù te Timanem, aw megtoladà kenyan diyà te doma otaw, yan se otaw ontò medanà doton te peglowan te Timanem. Meneng aw tomolò se otaw te kedita te punù te Timanem aw megtoladà te doma otaw kenyan, yan se otaw ontò melangkaw doton te peglowan te Timanem.
23323	MAT 5:20	Mikagi a den diyà kenyo, aw kenà labi pa metòlid se eg-inangen niyo diyà te eg-inangen te menge Parisiyo aw menenoladà te punù ingkeliwat i Moises, eked kaw palos sekopi te Timanem diyà te peglowan din.”
23324	MAT 5:21	“Netegahan niyo den te migpunù si Moises diyà te menge kemonaan niyo te keilangan eked dan pemonò, so keilangan ipelumun se otaw memonò.
23330	MAT 5:27	“Netegahan niyo den te migpunù si Moises gebii te eked kepakay aw lomakad se otaw.
23334	MAT 5:31	“Migpunù heman si Moises gebii te keilangan doen papil ibegay te meama diyà te bayi tepad te pegsibwan din kandin, aw penga niyan mepakay din ipekesayo.
23336	MAT 5:33	“Netegahan niyo heman te migpunù si Moises diyà te menge kemonaan niyo gebii te eked kepakay aw tomalis se otaw te pakang aw impeokit din iyan diyà te ngadan te Timanem, so keilangan tomanen din iyan.
23341	MAT 5:38	“Netegahan niyo heman te migpunù si Moises gebii, aw memisek se otaw te mata te doma otaw, keilangan piseken heman se kandin mata. Migpunù heman si Moises, aw longeben te otaw se ngipen te doma otaw, keilangan longeben heman se kandin ngipen.
23397	MAT 7:12	“Aw meibeg kaw te mèpiya se inangen te doma otaw diyà kenyo, keilangan mèpiya heman se inangen niyo diyà te doma otaw. Pineokit kenyan, tomanen niyo se kedita te punù ingkeliwat i Moises aw intoladà te menge telekeliwat te kagi te Timanem gebii.”
23414	MAT 7:29	Kenà iling te pegtoladà te menenoladà te punù ingkeliwat i Moises se pegtoladà i Jesus, so tinekingan si Jesus te tolos.
23418	MAT 8:4	Minikagi si Jesus, “Keilangan wedad palos otaw indanan no tepad te ininang ko kamno. Meneng doton ka te pengolo te simbahan aw pekitai se lawa no diyà kandin. Penga niyan, begayi se ibowang no iling te impunù i Moises amon metaga-taga se kedita te otaw te negolian ka den.”
23433	MAT 8:19	Meneng doen menenoladà te punù ingkeliwat i Moises migpedapag diyà ki Jesus. Minikagi sikandin, “Sir, pengkey kenan ka pesalo, gayed a tomaking kamno.”
23451	MAT 9:3	Nayan, doen menge menenoladà te punù mig-aneng-aneng te migtompuyus si Jesus te Timanem pineokit te kagi din sìyan.
23472	MAT 9:24	Migpunù si Jesus, kagi din, “Lowà kaw den, so wedà kematay se batà. Olò sikandin timedogi.” Meneng nebebeyatan dan si Jesus.
23478	MAT 9:30	Pegketà, kimità dan. Penga niyan, ontò migpunù si Jesus, “Keilangan wedad palos otaw indanan niyo.”
23491	MAT 10:5	Yan se sempolò teg dowa tinoledaan insogò i Jesus, so doen impunù din diyà kandan, kagi din, “Ikà niyo egdoton te menge ogpeanan te menge otaw kenà Judiyo. Ikà niyo heman egdoton te menge lonsod te Samarya.
23525	MAT 10:39	Pengkey ibeg te otaw megkelayat se omol din dini te keneyonan, meneng kunù din gayed matay. Meneng aw mepakay diyà te otaw pengkey imetayan sikandin tandà te pegtaking din kanak, begayan sikandin te kaling pedowan wedad temanan.”
23544	MAT 11:16	“Nayan, seini se tegdeyanan iindan ko kenyo amon ketegahan niyo aw eden se pig-ilingan te menge otaw te aldaw seini. Iling dan te mengisù egdanga doton te pedyanan aw egpetewalay dan,
23547	MAT 11:19	Pegdini ko Timanem Migpekeotaw, kinità dan se ketanem ko te egpengaen a aw eg-inem. Meneng kunù wedà dan penenalan kanak, aw minikagi dan te legoken a aw metiinem a, aw egsigelaken ko se menge iskribinti aw doma otaw nelegeb te salà. Meneng wedad beloyan, so ontò biyasa se Timanem, aw ketegahan iyan te kedita te otaw migpesakop diyà kandin aw komità dan te eg-inangen din.”
23560	MAT 12:2	Meneng pegkità te menge Parisiyo te ininang dan, minikagi dan diyà ki Jesus, “Tay law. Mig-inang se menge tinoledaan no te salà, so doen punù ingkeliwat i Moises te keilangan eked kidon pegterbaho te aldaw te peg-etod.”
23562	MAT 12:4	yan minawop dan diyà te balay te Timanem, aw kinaen dan se pan imbegay diyà te Timanem. Pengkey doen punù ingkeliwat i Moises te mepakay olò iyan kànen te menge pengolo te simbahan, meneng kenà medaet se ininang i David.
23563	MAT 12:5	Nelibelan niyo besi heman aw eden se impunù ingkeliwat i Moises, te keilangan megterbaho se menge pengolo te simbahan pengkey aldaw te peg-etod, meneng kenà iyan salà dan.
23568	MAT 12:10	Doen otaw kidoen nekepis se belad din. Doen heman menge doma otaw kidoen nengemahà te idimanda dan tepad ki Jesus, aw yan se doun te mig-insà dan, “Aw megpegolì se otaw te sebad otaw te aldaw te peg-etod, mekelàpang lay sikandin te punù ingkeliwat i Moises?”
23570	MAT 12:12	Pengkey meelagà se karniro, meneng labi pa meelagà se otaw diyà te karniro. Yan se doun te eked kidon làpang te punù ingkeliwat i Moises pineokit te peg-inang tadon te mèpiya pengkey aldaw te peg-etod.”
23574	MAT 12:16	aw migpunù sikandin te keilangan wedad doma otaw indanan dan tepad kandin,
23596	MAT 12:38	Penga niyan, nemoyò se menge Parisiyo aw menenoladà te punù, kagi dan, “Sir, ibeg day ipekità no diyà kenami se pengilala amon ketegahan day te ontò ka insogò te Timanem.”
23674	MAT 14:8	Penga niyan, timolò se laga te punù te inay din aw minikagi, “Pesipali se lieg i Juan Memonyagay, aw pesoli se olo din diyà te dakel sablag, aw peibingi dini kanak.”
23687	MAT 14:21	Menge lima melalan se meama kimaen kenyan, aw wedà bilangi se menge bayi aw mengisù.
23703	MAT 15:1	Nayan, doen menge Parisiyo aw menenoladà te punù ingkeliwat i Moises dimoton ki Jesus lekat te Jerusalem. Minikagi dan diyà kandin,