54	GEN 2:23	Minikagi se meama, “Na, lekat te tòlan ko se kandin tòlan, aw lekat te onod ko se kandin onod. Ingedanan ko sikandin bayi, so inabat sikandin lekat te meama.”
388	GEN 16:6	Minikagi si Abram, “Na, kamno allang sikandin. Pengkey eden se ibeg no inangen diyà kandin, mepakay iyan diyà kanak.” Penga niyan, ontò pinemilang i Sarai si Agar igsà kimadas sikandin.
428	GEN 18:3	Minikagi sikandin, “Sir, apit kaw den dini kanak. Ikà niyo eglaklak.
452	GEN 18:27	Minikagi heman si Abraham, “Sir, pengkey ontò ka melangkaw diyà kanak, meneng pekeleyati se pedowan no diyà kanak te peg-ikagi ko todà diyà kamno.
455	GEN 18:30	Minikagi si Abraham, “Sir, ikà egkeopal kanak aw todà a mikagi diyà kamno. Simpana aw olò ketlowan se kitaen nikaw?” Timaba se Pengolo, “Aw ketlowan se kitaen ko, eked ko iyan pegbàti.”
456	GEN 18:31	Minikagi si Abraham, “Sir, pekeleyati se pedowan no diyà kanak te peg-ikagi ko todà diyà kamno. Simpana aw olò kelowan se kitaen nikaw?” Timaba se Pengolo, “Aw kelowan se kitaen ko, eked ko pegbàti se lonsod.”
457	GEN 18:32	Minikagi si Abraham, “Sir, ikà bag egkeopal kanak, so seini se temanan te peg-ikagi ko. Simpana aw olò sempolò se kitaen nikaw?” Timaba se Pengolo, “Aw doen sempolò, eked ko iyan pegbàti.”
460	GEN 19:2	aw minikagi sikandin, “Sir, apit kaw den doton te balay ko. Peonawi niyo se benis niyo, aw idegà kaw dini, aw yan mekedeleg kaw kealdaw te iselem.” Meneng minikagi dan, “Eked kay, so midegà kay dini te plasa.”
476	GEN 19:18	Meneng minikagi si Lot, “Sir, eked a.
521	GEN 21:7	Minikagi heman sikandin, “Kedengan, wedad palos otaw mekeikagi diyà ki Abraham te doen aldaw megpesoso a te batà. Meneng tinebawan a den beling te batà din, pengkey temoay den sikandin.”
578	GEN 23:6	“Sir, penenalan ka den kenami. Netegahan day te dakel ka otaw pinemallì te Timanem. Mepakay diyà kenami aw ilebeng no se esawa no dini te ontò mèpiya lebenganan day. Pengkey eden lebengi se pemellien nikaw, meluba se tig-apò memegay kenyan diyà kamno amon doen lebengan no kandin.”
583	GEN 23:11	“Sir, penenalan ka den kanak. Tiblug ko ibowang diyà kamno se kedakel te pawà ko sìyan sipat te ilib kidoen. Dalem te pegbantay te kedita te doma ko, ibowang ko den iyan diyà kamno amon lebengan no te esawa nikaw.”
587	GEN 23:15	“Sir, penenalan ka den kanak. Epat gatos te kwarta selapì se elagà niyan, meneng eked ko iyan pebeyadi kamno so sigalak ki. Tiblug ka den peglebeng te esawa no kidoen.”
609	GEN 24:17	Mig-ayas se sineligan simongon kandin, aw minikagi sikandin, “Atà, peinemi a bag diyà te tibod nikaw.”
610	GEN 24:18	Minikagi se laga, “Sir, inem ka den.” Ayas din insawol se tibod tiniang din, aw impeinem din sikandin.
634	GEN 24:42	“Nayan, pegdateng ko gina seini doton te sokian, migtawal-tawal a, ‘E Timanem egseligan te amo ko si Abraham, aw mepakay diyà kamno, tomani bag se tod ko dini.
650	GEN 24:58	Penga niyan, tinawal dan si Rebecca, aw mig-insà dan diyà kandin, “Meibeg ka lay tomaking kandin seini?” Timaba sikandin, “Ee, tomaking a den kandin.”
734	GEN 27:6	minikagi si Rebecca diyà te batà din si Jacob, “Na, dinineg ko gina se inikagi te amay no diyà te kakay no si Esau.
736	GEN 27:8	“Na, Atò, penenalan ka den diyà kanak amon tomolò ka te ipunù ko den kamno seini.
741	GEN 27:13	Minikagi se inay din, “Atò, aw doen medaet domateng, siaken se detengan niyan. Tolò ka olò kanak. Engayi den se menge kambing.”
746	GEN 27:18	Dimoton si Jacob te amay din, aw minikagi sikandin, “Amà.” Minikagi si Isaac, “Ee, Atò. Sinu ka lay?”
748	GEN 27:20	Mig-insà si Isaac, “Atò, nengà lay wedà kenamay se pegdansal nikaw?” Timaba si Jacob, “Tinebangan a te Timanem egseligan nikaw.”
749	GEN 27:21	Penga niyan, minikagi si Isaac diyà ki Jacob, “Atò, pegpedapag ka diyà kanak amon pemàdan ta. Ontò ka lay batà ko si Esau?”
759	GEN 27:31	Mig-elomo heman sikandin te kànen mèpiya se nanam, aw inibing din iyan doton te amay din. Minikagi sikandin, “Amà, enaw ka den aw kaen ka den te pengelapen inibing ko, amon megtawal-tawal ka amon mèpiya se ibegay te Timanem diyà kanak.”
762	GEN 27:34	Pegdineg i Esau te inikagi te amay din, ontò sikandin migkelag aw migkoliyà, aw minikagi sikandin, “Amà, pegtawal-tawal ka heman amon mèpiya se ibegay te Timanem diyà kanak.”
766	GEN 27:38	Minikagi si Esau, “Amà, wedad lay palos nesamà wedà no pemoyoi ibegay diyà kandin? Amà, pegtawal-tawal ka bag heman amon mèpiya se ibegay te Timanem diyà kanak.” Penga niyan, migkelag sikandin.
800	GEN 29:4	Mig-insà si Jacob te menge telediyaga, “Elew, kenan kaw lay lekat?” Timaba dan, “Lekat kay te Haran.”
909	GEN 31:35	Minikagi si Raquel diyà te amay din, “Amà, ikà bag egkeopal diyà kanak, meneng eked a den peketindeg, so pigdònan a den.” Yan pengkey ontò kinelokad i Laban, meneng wedà din kitai se menge inotaw din.
966	GEN 33:5	Penga niyan, kinità i Esau se menge bayi aw mengisù. Mig-insà sikandin, “Sinu lay se menge doma nikaw?” Timaba si Jacob, “Akay, seini se menge batà ko imbegay te Timanem diyà kanak tandà te keido din.”
973	GEN 33:12	Minikagi si Esau, “Na, mesayo kidon den. Domengan a den kenyo.”
974	GEN 33:13	Meneng minikagi si Jacob, “Akay, netegahan no te deitek pa se menge batà ko, aw keilangan megpeloway-loway se menge karniro aw baka ko doen nati. Aw pelaban megaen se pegpengibing day kenyan te olò sebad se aldaw, matay se kedita niyan.
1117	GEN 37:33	Kinilala din te yan se saol i Jose, aw minikagi sikandin, “Ee, kandin ini. Inimetayan sikandin te mebolot menenanap te kebenesan, aw kinaen se lawa din.”
1164	GEN 39:14	tinawal din se menge doma sineligan, aw minikagi sikandin, “Na, inibing te doma ko dini se Hebreo sìyan amon megyàyà kenitadon. Minawop gina sikandin te tambì ko amon megleges peden kanak, meneng mig-olangag a.
1221	GEN 41:25	Minikagi si Jose diyà te selotan, “Sir, olò sebad se kedegdagan te didowa tegeinep nikaw. Impetaga-taga te Timanem diyà kamno aw eden se inangen din.
1229	GEN 41:33	“Nayan, mèpiya aw pemellien no se otaw ontò biyasa, aw inangen no sikandin keseligan dini te Ehipto.
1263	GEN 42:10	Timaba dan, “Sir, kenà iyan benal. Dimini kay amon mayad kay te kànen.
1266	GEN 42:13	Minikagi dan, “Sir, sempolò teg dowa se kedita day telekedowa, aw sebad olò se amay day eg-ogpà doton te Canaan. Nematay se sebad kedowa day, aw mig-ogpà pa se temanan adi doton te amay day.”
1274	GEN 42:21	Penga niyan, migpebelaw-belaway dan, “Na, dinetengan kidon den te kelimahan seini tandà te medaet ininang tadon diyà te kedowa tadon kedengan. Pegpengenganay din kenitadon, pengkey kinità tadon se kelimahan din, meneng wedà tadon sikandin penenelani. Yan se doun te dinetengan kidon te kelimahan seini.”
1311	GEN 43:20	“Sir, penenalan ka kenami. Dimini kay kedengan amon mayad kay te kànen.
1319	GEN 43:28	Timaba dan, “Sir, wedà pa kematay se amay day, meneng mèpiya pa se pegkesawol din.” Penga niyan, limongken dan aw migsagman dan kandin.
1320	GEN 43:29	Pegkità i Jose te kedowa din adi si Benjamin, minikagi sikandin, “Sìyan lebò se kedowa niyo temanan adi in-indan niyo kanak kedengan.” Minikagi heman si Jose diyà ki Benjamin, “Atò, ibeg ko keidowan ka te Timanem.”
1332	GEN 44:7	Meneng timaba dan, “Sir, nengà lay minikagi ka kenyan? Megsapà kay te wedad ininang day iling kenyan.
1341	GEN 44:16	Timaba si Juda, “Sir, megmeno kay? Iling te wedad itaba day te inikagi nikaw. Impekità den te Timanem te benal doen salà day. Kedita day se meinang allang nikaw sipat sikandin kinitaan no te tabò.”
1343	GEN 44:18	Penga niyan, migpedapag si Juda diyà ki Jose aw minikagi sikandin, “Sir, aw mepakay diyà kamno, ibeg ko mikagi a peden diyà kamno. Ikà bag egkeopal diyà kanak. Onawa te kelangkaw te selotan se kelangkaw nikaw.
1350	GEN 44:25	“Nayan, doen aldaw minikagi se amay day te keilangan lomikò kay dini amon mayad kay te kànen.
1371	GEN 45:12	Minikagi heman si Jose, “Nayan, kedita niyo menge kakay ko, aw sikona heman Benjamin, kimilala kaw den te ontò a si Jose.
1389	GEN 46:2	Migpekità se Timanem diyà kandin te delem, aw timawal sikandin, “E Jacob.” Timaba si Jacob, “Ee, seini a.”
1424	GEN 47:3	Mig-insà se selotan diyà kandan, “Eden lay se eg-inangen niyo?” Timaba dan, “Sir, telediyaga kay, iling te eg-inangen te menge kemonaan day gebii.
1439	GEN 47:18	Pegkepenga te omay sìyan, limikò dan doton ki Jose aw minikagi dan, “Sir, benal se kagi day kamno te neamin se kwarta day, aw tinig-apò no den se kedita te ayam-ayam day. Wedad den ibegay day kamno, olò pawà day aw lawa day se nesamà.
1455	GEN 48:3	Minikagi si Jacob diyà ki Jose, “Kedengan, migpekità se Timanem metolos diyà kanak kidoen te Luz doton te Canaan, aw mèpiya se impakang din kanak.
1470	GEN 48:18	Minikagi si Jose, “Amà, wedà iyan peketotok, so seini se kakay. Seini se keilangan pemàdan nikaw te kowanan.”
1473	GEN 48:21	Penga niyan, minikagi si Jacob diyà ki Jose, “Nayan, agpet den se aldaw te pegkematay ko, meneng ipaten ka pa te Timanem, aw ipeolì din se menge bowad-bowad ta te modi aldaw doton te tanà inogpaan te menge kemonaan ta gebii.
23233	MAT 1:20	Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo.
23236	MAT 1:23	“Na, meglaman se laga aw tomebaw se batà meama ingedanan ki Emmanuel.” (Se kelebadan niyan, “Dini den se Timanem doma kenitadon.”)
23284	MAT 4:6	Minikagi si Satanas, “Nayan, aw ontò ka Batà te Timanem, kahang ka. Eked ka elegi, so doen kagi te Timanem insolat, ‘Isogò te Timanem se menge anghil amon meg-ipat dan kamno.’ Doen heman kagi te Timanem insolat, ‘Ewidan ka te menge anghil, aw engaten ka dan amon eked ka kesongkol te bato.’”
23288	MAT 4:10	Meneng minikagi si Jesus, “Satanas, kesayo ka. Eked a pegsimba kamno, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”
23416	MAT 8:2	Doen otaw pigtompig dimoton ki Jesus. Limongken sikandin aw minikagi, “Sir, aw doen ibeg nikaw, netegahan ko te mekebatog ka megpegolì kanak.”
23420	MAT 8:6	kagi din, “Sir, nesekitan se sineligan ko doton te balay ko. Kenà den egpekeiwal, aw ontò netigdaan.”
23422	MAT 8:8	Meneng minikagi se kapitan, “Sir, meyàyà a aw ipeawop ta diyà te balay ko, so ontò a medanà diyà kamno. Meneng botong aw olò ka mikagi te kegolian se sineligan ko, so metoman iyan.
23433	MAT 8:19	Meneng doen menenoladà te punù ingkeliwat i Moises migpedapag diyà ki Jesus. Minikagi sikandin, “Sir, pengkey kenan ka pesalo, gayed a tomaking kamno.”
23435	MAT 8:21	Doen heman doma otaw timaking ki Jesus minikagi, “Pengolo, eked a taking kamno singed aw onà matay se amay ko aw ilebeng ko.”
23439	MAT 8:25	Penga niyan, linoka dan sikandin, kagi dan, “Pengolo, tebangi kay, so melemes kidon den.”
23450	MAT 9:2	Wedà kenamay, dimateng se otaw neningga te otaw kenà egpekeiwal. Pegkità i Jesus te ontò dan simalig diyà kandin, minikagi sikandin diyà te otaw kenà egpekeiwal, “Elew, peseligi se pedowan no, so pigwedad den se salà nikaw.”
23470	MAT 9:22	Penga niyan, miniling si Jesus, aw kinità din se bayi sìyan. Minikagi sikandin, “Atà, peseligi se pedowan nikaw. Negolian ka so simalig ka diyà kanak.” Pegketà, negolì se mesakit din.
23476	MAT 9:28	Pegdateng din doton te balay, migpedapag se otaw bota diyà kandin. Minikagi si Jesus, “Nemenal kaw lay te mekebatog a megpegolì kenyo?” Timaba dan, “Ee, Sir. Nemenal kay.”
23502	MAT 10:16	“Nayan, peg-ahà kaw amon eked kaw pemilangi te menge mededaet otaw, so iling kaw te ayam-ayam karniro binenganan te menenanap te kebenesan iningedanan lobo. Yan keilangan ontò kaw megpekebiyasa, aw keilangan wedad palos inangen niyo medaet.
23512	MAT 10:26	“Na, ikà niyo egkelemitan te doma otaw, so ipekità te modi aldaw se kedita te in-eles den seini. Ipetaga-taga heman se kedita wedà pa ketegahi te doma otaw.
23544	MAT 11:16	“Nayan, seini se tegdeyanan iindan ko kenyo amon ketegahan niyo aw eden se pig-ilingan te menge otaw te aldaw seini. Iling dan te mengisù egdanga doton te pedyanan aw egpetewalay dan,
23553	MAT 11:25	Penga niyan, migtawal-tawal si Jesus, kagi din, “Amà, Pengolo te kedita doton te langit aw dini heman te lanto te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel ontò netegahan, meneng impetaga-taga no den iyan diyà te otaw medanà.
23596	MAT 12:38	Penga niyan, nemoyò se menge Parisiyo aw menenoladà te punù, kagi dan, “Sir, ibeg day ipekità no diyà kenami se pengilala amon ketegahan day te ontò ka insogò te Timanem.”
23694	MAT 14:28	Minikagi si Pedro, “Pengolo, aw ontò sikona, peipenawi a diyà te lanto te lanaw pesalo doton kamno.”
23695	MAT 14:29	Minikagi si Jesus, “Na, diyà ka.” Penga niyan, timenà si Pedro lekat te belangay aw minipanaw diyà te lanto te lanaw pesalo doton ki Jesus.
23696	MAT 14:30	Meneng peg-imanman din te kelamag ontò mebandes, nelemitan aw agpet melemes. Meneng nengenganay sikandin, kagi din, “Pengolo, tebangi a.”
23724	MAT 15:22	Doen bayi mig-ogpà kidoen kenà Judiyo so lekat te Canaan se menge kemonaan din. Dimoton sikandin ki Jesus aw minikagi te dakel se kagi din, “Sir, bowad-bowad i David, keidowi a bag, so ontò dinetengan te bosaw se batà ko bayi.”
23727	MAT 15:25	Nayan, migpedapag se bayi diyà ki Jesus, aw limongken diyà kandin, aw minikagi, “Sir, tebangi a bag.”
23729	MAT 15:27	Minikagi se bayi, “Sir, benal iyan. Meneng mepakay aw komaen se toyang te momò medagdag lekat te lemisa te tig-apò.”
23730	MAT 15:28	Penga niyan, minikagi si Jesus, “Tiyà, ontò ka simalig kanak. Tomanen ko den se ibeg nikaw.” Pegketà, negolian se batà din.
23758	MAT 16:17	Minikagi si Jesus, “Simon, batà i Juan, doen ontò keluba nikaw. Kenà otaw se migpetaga-taga diyà kamno te siak se Batà te Timanem, meneng Amay ko doton te langit se migpetaga-taga kenyan diyà kamno.
23763	MAT 16:22	Penga niyan, migpedapag si Pedro diyà ki Jesus, aw sinagda din, kagi din, “Pengolo, eked peden iyan keinang te Timanem diyà kamno. Eked palos iyan ketoman.”
23773	MAT 17:4	Minikagi si Pedro diyà ki Jesus, “Pengolo, mèpiya so dini kay. Aw mepakay diyà kamno, meg-inang a den te telo balay dini amon doen ogpaan te teg sebad-sebad kenyo si Moises aw si Elias.”
23784	MAT 17:15	“Sir, keidowi bag se batà ko, so pigbaboy sikandin aw ontò eg-elegen. Melikit sikandin eg-elosen te bosaw diyà te apoy aw eglemesen heman diyà te wayeg.
23794	MAT 17:25	Timaba si Pedro, “Ee man.” Peg-olì din doton te balay, te wedà pa ikagi si Pedro, minikagi si Jesus, “Simon, doen insà ko kamno. Sinu lay se otaw keilangan memegay te kwarta diyà te selotan? Kandin pamilya, aw doma otaw?”
23811	MAT 18:15	“Na, aw doen otaw egpemenal meg-inang te salà diyà kenyo, doton kaw kandin te wedad doma otaw kidoen, aw ikagi kaw diyà kandin tepad te salà ininang din. Aw megselsel sikandin, yan tinebangan niyo den sikandin.
23817	MAT 18:21	Penga niyan, dimoton si Pedro ki Jesus aw minikagi, “Pengolo, aw melikit gayed eg-inang se doma otaw te salà diyà kanak, mekepila lay se pegwedad ko te salà din? Botong lay aw mekepito?”
23847	MAT 19:16	Nayan, doen sebad otaw dimoton ki Jesus aw mig-insà, kagi din, “Sir, eden lay se mèpiya keilangan inangen ko amon doen kaling pedowan ko wedad temanan?”
23869	MAT 20:8	“Nayan, pegkedelem niyan, minikagi se otaw diyà te otaw sineligan din, ‘Tewali se kedita te otaw migterbaho, aw begayi kandan se tandan dan. Onai se otaw kaling migterbaho, aw modihi se otaw tapay migterbaho.’
23879	MAT 20:18	“Na, domoton kidon te Jerusalem. Penga niyan, siak Timanem Migpekeotaw se itolok, aw ibegay a diyà te belad te menge pengolo te simbahan aw menenoladà te punù ingkeliwat i Moises. Megsebad dan mikagi te keilangan imetayan a.
23883	MAT 20:22	Minikagi si Jesus, “Wedà niyo ketegahi aw eden se kebegat te pinemoyò niyo. Meketayod kaw lay heman te kelimahan agpet den domateng kanak?” Timaba dan, “Ee, meketayod kay heman kenyan.”
23892	MAT 20:31	Migsagda se menge doma otaw kandan, aw migpunù dan te keilangan mepenek dan. Meneng labi dan beling timawal, “Pengolo, bowad-bowad i David, keidowi kay bag.”
23894	MAT 20:33	Timaba dan, “Pengolo, ibeg day, todà kay komità.”
23935	MAT 21:40	“Nayan, indani a niyo. Aw domoton se tig-apò te pawà, eden lay se inangen din diyà te menge otaw impetonggò din?”
23952	MAT 22:11	“Nayan, wedà kenamay, limowà se selotan amon tomengteng diyà te otaw timanod te peipid. Kinità din se otaw wedad saol iling te keilangan gemiten te otaw tomanod te peipid.
23957	MAT 22:16	Penga niyan, doen menge tinoledaan dan aw menge sakop i Herod insogò dan doton ki Jesus. Minikagi dan diyà kandin, “Sir, netegahan day te kenà ka egkebolalaw. Netegahan day heman te pengkey sinu se otaw toledaan no, ontò benal se ipegtoladà no diyà kandan tepad te ibeg te Timanem.
23965	MAT 22:24	“Sir, doen impunù i Moises kenitadon tepad te inangen te telekedowa meama. Aw matay se meama te wedad pa batà te esawa din, keilangan mengognan se kedowa te nematay diyà te nayi din nebalo, amon doen peden batà te kedowa din nematay.
23977	MAT 22:36	kagi din, “Sir, diyà te kedita te punù ingkeliwat i Moises, eden lay punui se ontò melangkaw?”
24041	MAT 24:15	“Na, minikagi se telekeliwat te kagi te Timanem gebii si Daniel te doen domateng meg-inang te medaet doton te dakel simbahan te Jerusalem aw ontò mekelamit te otaw. (Keilangan kelebetan iyan te kedita te otaw megbasa te kagi din sìyan insolat.) Aw kitaen niyo iyan doton te dakel simbahan,
24096	MAT 25:19	“Nayan, pegkenamay, minolì se amo dan, aw tinawal din se sineligan binegayan din te kwarta amon ketegahan din aw doen gamad dan.
24145	MAT 26:22	Ontò nelidò se pedowan dan, aw migpetibos-tibosay dan mig-insà, kagi dan, “Pengolo, kenà ko lay lebò?”
24148	MAT 26:25	Mig-insà se migtolok kandin si Judas, “Sir, kenà ko lay lebò?” Minikagi si Jesus, “Benal se inikagi nikaw.”
24162	MAT 26:39	Penga niyan, dimeleg si Jesus te kenà mediyò, aw limemlem sikandin aw migtawal-tawal, kagi din, “Amà, aw mepakay diyà kamno, eked a no peden peokiti diyà te kelimahan seini. Meneng ibeg ko, kamno ibeg se metoman, kenà kanak.”