26	GEN 1:26	Penga niyan, minikagi se Timanem, “Meg-inang kidon den te otaw iling kenitadon. Inangen tadon dan melangkaw diyà te kedita te ininang tadon, menge ikan, manok, ayam-ayam, aw menenanap dakel aw deitek.”
30	GEN 1:30	Ibegay ko heman se kedita te mèpiya tinemunun diyà te menge ayam-ayam, manok, aw menenanap, amon doen kànen te kedita eg-ogpà dini lanto te tanà.” Neinang iyan.
50	GEN 2:19	Yan inibing te Timanem se kedita te ayam-ayam, menenanap, aw manok ininang din lekat te tanà. Inibing din se kedita niyan doton te otaw amon ingedanan din iyan. Pengkey eden se in-ingadan din kenyan, yan se ngadan niyan.
51	GEN 2:20	Iningedanan te otaw se kedita te ayam-ayam, menge manok, aw kedita te menenanap, meneng wedad palos diyà kenyan meketepad kandin meinang doma din.
77	GEN 3:21	Doen penenaktun ininang te Timanem lekat te kindal te menge ayam-ayam, aw imbegay din iyan diyà ki Adam aw esawa din amon doen penenaktun dan.
82	GEN 4:2	Penga niyan, todà sikandin migbatà te doma batà din meama si Abel. Si Abel se biyasa egdiyaga te menge ayam-ayam, aw si Cain se biyasa egpawà.
145	GEN 6:7	aw minikagi sikandin, “Pegbàtan ko se otaw ininang ko dini te tanà, sipat te menge ayam-ayam, menenanap, aw manok, so miglama-lama a tepad te peg-inang ko kandan.”
157	GEN 6:19	Pengibing ka heman te meama aw bayi lekat te tegsebad-sebad kemolò te ayam-ayam, menenanap, aw manok amon eked iyan kegelà.
168	GEN 7:8	Netipon se sebad meama aw sebad bayi lekat te tegsebad-sebad kemolò te menge ayam-ayam, menenanap, aw manok pengkey mepakay sonogen aw eked kepakay sonogen. Dimoton se kedita niyan ki Noe, aw minawop dan diyà te arka, iling te impunù te Timanem diyà ki Noe.
181	GEN 7:21	Yan nelemes se kedita diyà te lanto te tanà, pengkey manok, ayam-ayam, menenanap, aw otaw.
183	GEN 7:23	Inigelà te Timanem se kedita te otaw, ayam-ayam, menenanap, aw manok. Olò si Noe se nesamà, sipat te menge doma din kidoen didalem te arka.
192	GEN 8:8	Pegkenamay-namay, binoloyan heman i Noe se sebad selepati, amon ketegahan din aw migkepangkag se tanà.
201	GEN 8:17	Pelowai heman se kedita te manok, ayam-ayam, aw menenanap, amon megbowad-bowad dan aw megkedita dan dini lanto te tanà.”
203	GEN 8:19	Limowà heman se menge ayam-ayam, menenanap, aw manok te tegsebad-sebad kemolò niyan.
216	GEN 9:10	sipat te kedita te manok, ayam-ayam, aw menenanap dimoma kenyo kidoen te arka.
246	GEN 10:11	Lekat kidoen, dimoton sikandin te Asirya, aw mig-inang sikandin te menge lonsod te Niniba, Rehobot-Ir, Cala,
309	GEN 12:10	Nayan, doen bitil doton te Canaan, aw dimeleg si Abram doton te Ehipto amon meg-ogpà dan doton te menamay-namay, so ontò dan nebitilan.
371	GEN 15:10	Inibing i Abram se kedita niyan, aw inimetayan din iyan. Binekas din se lawa niyan, aw binelabay din iyan tegdowa-dowa, aw doen elet diyà te tengà-tengà. Meneng wedà din bekasi se dowa manok.
477	GEN 19:19	Pengkey ontò mèpiya se tabang niyo kanak, aw impelowà a niyo lekat te kededàtan, meneng kesàban a den te peg-igelà, aw matay a te eked a pa dateng doton te bontod.
549	GEN 22:1	Pegkenamay-namay, migtandà se Timanem te pegsalig i Abraham diyà kandin. Timawal se Timanem, “E Abraham.” Timaba si Abraham, “Seini a.”
568	GEN 22:20	Nayan, pegkenamay-namay, inindanan si Abraham te doen den menge batà te kedowa din si Nahor, so tinebawan se nayi din si Melca.
607	GEN 24:15	Telobo pa sikandin migtawal-tawal, dimateng si Rebecca batà bayi i Betuel neniang te tibod. Kedowa i Abraham si Nahor se apò din meama, aw si Melca se apò din bayi.
637	GEN 24:45	“Telobo a pa migtawal-tawal, dimateng si Rebecca neniang te tibod din. Dimoton sikandin te sokian aw simalok, aw minikagi a diyà kandin, ‘Atà, peinemi a bag.’
737	GEN 27:9	Doton ka den te menge ayam-ayam, aw ebati se dowa nati te kambing melambò, aw siak se meg-elomo te kànen din mèpiya se nanam iling te egkeibegan te amay nikaw.
852	GEN 30:21	Pegkenamay-namay, tinebawan si Lea te batà bayi, aw iningedanan din se batà din ki Dina.
862	GEN 30:31	Mig-insà si Laban, “Eden lay se itandan ko diyà kamno?” Timaba si Jacob, “Wedad itandan no diyà kanak. Meneng aw meibeg ka te megtonggò a pa te kamno menge ayam-ayam, keilangan tomandù ka te sebad olò ikegiyen ko kamno seini.
871	GEN 30:40	Tinani i Jacob se menge karniro aw kambing, aw impeasdang din se menge karniro diyà te menge ayam-ayam i Laban boling aw meitem. Pineokit niyan, ininang din medita se kandin ayam-ayam, aw wedà din iyan peeyoni diyà te menge ayam-ayam i Laban.
873	GEN 30:42	Meneng aw megasà se menge ayam-ayam, wedà din soli se menge panga binetekan. Wedà kenamay, si Laban se neketig-apò te kedita te ayam-ayam megasà, aw si Jacob se neketig-apò te kedita te melambò.
874	GEN 30:43	Pineokit kenyan, ontò migkeyaman si Jacob. Medita se ayam-ayam, allang, kamilo, aw asno tinig-apò din.
912	GEN 31:38	“Migterbaho a den diyà kamno te kelowan se omay. Dalem te pegtonggò ko te kamno menge ayam-ayam, wedà palos keogali se menge karniro aw kambing nikaw. Wedad karniro no kinaen ko.
928	GEN 31:54	Inimetayan din heman se ayam-ayam, aw sinonog din iyan, aw imbegay din iyan diyà te Timanem doton te bontod. Mig-inang heman sikandin te kànen, aw impekaen din se menge kedomaan din. Penga te pegpengaen dan, minidegà dan kidoen.
1132	GEN 38:12	Nayan, pegkenamay-namay, nematay se esawa i Juda batà bayi i Suas. Pegketagkas te menge aldaw te pegkelano i Juda, dimoton sikandin te ogpeanan te Timna sipat te sigalak din si Hiras tege Adulam, so gontingan din se menge karniro din kidoen.
1174	GEN 40:1	Nayan, doen sineligan te selotan te Ehipto egpengibing te bino diyà kandin, aw doen heman sineligan te selotan eg-inang te pan kandin. Pegkenamay-namay, nekesalà dan diyà te amo dan, sìyan selotan te Ehipto.
1210	GEN 41:14	Yan impeangay te selotan si Jose, aw ayas sikandin impelowà lekat te keleboso. Migpegopit sikandin, aw mig-ekas, aw dimoton te selotan.
1322	GEN 43:31	Pegkenamay-namay, migdàpog sikandin aw limikò doton te menge kedowa din. Tinemengan din se pedowan din, aw migpelamak te kànen.
1419	GEN 46:32	Meg-indan a kandin te telediyaga kaw, aw egtonggò kaw te menge ayam-ayam, aw inibing niyo den se kedita te karniro niyo aw menge doma ayam-ayam niyo, aw kedakel te kedònan niyo.
23245	MAT 2:7	Penga niyan, impeangay i Herod se menge otaw biyasa te pengilala te bitoen. Netipon dan te wedad doma otaw netaga-taga, aw ontò mig-insà si Herod aw kano dan kitai se bitoen sìyan.
23364	MAT 6:13	Ikà egpeokit kenami diyà te peg-akal, meneng pekediyoi kay diyà ki Satanas.’
23371	MAT 6:20	Meneng keilangan megtipon kaw te kedònan doton te langit. Eked iyan peg-enayi, aw eked iyan pegkedaet, aw eked iyan heman ebati te menenakaw.
23407	MAT 7:22	Aw domateng se aldaw te peg-okom, medita se otaw mikagi diyà kanak, ‘Pengolo, peopi kay bag, so migkeliwat kay te kagi te Timanem tandà te pegtaking day kamno, aw migpelowà kay te bosaw lekat te otaw pineokit te ngadan nikaw, aw doen heman menge kepelahan ininang day pineokit te ngadan nikaw.’
23563	MAT 12:5	Nelibelan niyo besi heman aw eden se impunù ingkeliwat i Moises, te keilangan megterbaho se menge pengolo te simbahan pengkey aldaw te peg-etod, meneng kenà iyan salà dan.
23568	MAT 12:10	Doen otaw kidoen nekepis se belad din. Doen heman menge doma otaw kidoen nengemahà te idimanda dan tepad ki Jesus, aw yan se doun te mig-insà dan, “Aw megpegolì se otaw te sebad otaw te aldaw te peg-etod, mekelàpang lay sikandin te punù ingkeliwat i Moises?”
23569	MAT 12:11	Minikagi si Jesus, “Aw doen ayam-ayam niyo karniro medagdag doton te medalem awang te tanà te aldaw te peg-etod, ayas kaw megtabang kenyan amon mekelowà.
23613	MAT 13:5	Doen heman benì nesabog diyà te tanà kebeto-betowan, aw wedad nael tanà kidoen. Timobò iyan te wedà kenamay, so kenà medalem se tanà.
23628	MAT 13:20	Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba sikandin, aw tomolò sikandin kenyan te eked kenamay.
23636	MAT 13:28	Timaba se tig-apò, ‘Yan se intanem te otaw neopal kanak.’ Penga niyan, mig-insà dan, ‘Meibeg ka lay aw pispisen day se sagbet?’
23788	MAT 17:19	Pegkenamay-namay, dimoton se menge tinoledaan i Jesus kandin te wedad doma dan, aw mig-insà dan, “Nengà lay wedà day kebatog se pegpelowà te bosaw lekat kandin?”
23822	MAT 18:26	Meneng limongken se otaw sìyan aw migpeido-ido, kagi din, ‘Sir, pegtagad ka bag te eked kenamay, so impasen ko se kedakel te salà ko kamno.’
23825	MAT 18:29	Penga niyan, limongken se otaw aw migpeido-ido, kagi din, ‘Pegtagad ka bag te eked kenamay, so impasen ko se kedakel te salà ko kamno.’
23847	MAT 19:16	Nayan, doen sebad otaw dimoton ki Jesus aw mig-insà, kagi din, “Sir, eden lay se mèpiya keilangan inangen ko amon doen kaling pedowan ko wedad temanan?”
23916	MAT 21:21	Minikagi si Jesus, “Eneng-enengi niyo se kagi ko kenyo seini. Aw somalig kaw diyà te Timanem aw eked kaw pegdowa-dowa, meg-inang kaw te kepelahan labi pa metolos diyà te ininang ko diyà te kayo seini. Aw mikagi kaw diyà te bontod seini te meabat iyan aw mealin doton te dagat, metoman iyan meinang.
24079	MAT 25:2	Lima se laga doen mèpiya aneng-aneng, aw lima se laga kolang se aneng-aneng dan.
24085	MAT 25:8	Minikagi se lima laga kolang se aneng-aneng dan diyà te lima laga doen mèpiya aneng-aneng, ‘Begayi kay bag te pitrolyo, so agpet den mepadeng se solò day.’
24086	MAT 25:9	Meneng minikagi se lima laga doen mèpiya aneng-aneng, ‘Eked kay pemegay, so eked kidon keteped te pitrolyo inibing day. Mèpiya aw domoton kaw te tinda amon mayad kaw.’
24145	MAT 26:22	Ontò nelidò se pedowan dan, aw migpetibos-tibosay dan mig-insà, kagi dan, “Pengolo, kenà ko lay lebò?”
24162	MAT 26:39	Penga niyan, dimeleg si Jesus te kenà mediyò, aw limemlem sikandin aw migtawal-tawal, kagi din, “Amà, aw mepakay diyà kamno, eked a no peden peokiti diyà te kelimahan seini. Meneng ibeg ko, kamno ibeg se metoman, kenà kanak.”
24165	MAT 26:42	Migpekediyò-diyò si Jesus te ikedowa, aw migtawal-tawal, kagi din, “Amà, aw eked kepakay aw eked a okit diyà te kelimahan seini, ibeg ko metoman se kamno ibeg.”
24183	MAT 26:60	Pengkey medita se otaw migkebolalaw tepad kandin, meneng kenà botong se in-indan dan tepad kandin. Pegkenamay-namay, doen dowa otaw dimoton kandan,
24260	MAT 27:62	Keeldawan niyan, dalem te aldaw te peg-etod, dimoton ki Pilato se menge Parisiyo aw menge pengolo te simbahan,
24265	MAT 28:1	Nayan, penga te aldaw te peg-etod, te wedà pa libtak se aldaw te iselem te Linggo, dimoton si Maria tege Magdala aw kesangay din te lebeng i Jesus.
24319	MRK 1:35	Pegkeiselem niyan te wedà pa libtak se aldaw, minenaw si Jesus aw dimoton te wedad otaw eg-ogpà, aw migtawal-tawal doton.
24397	MRK 4:5	Doen heman benì nesabog diyà te tanà kebeto-betowan, aw wedad nael tanà kidoen. Timobò iyan te wedà kenamay, so kenà medalem se tanà.
24408	MRK 4:16	Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba dan, aw tomolò dan kenyan te eked kenamay.
24475	MRK 5:42	Pegketà, minenaw sikandin aw migpanaw-panaw, so sempolò den teg dowa se omay din. Ontò nepela se amay aw inay din.
24490	MRK 6:14	Nayan, dimineg se selotan si Herod tepad te ininang i Jesus aw menge tinoledaan din, so ontò nedengeg si Jesus. Doen menge otaw eg-ikagi, “Sikandin besi si Juan Memonyagay neantay den lekat te nematay, aw yan se doun te eg-inangen din se kepelahan metolos.”
24491	MRK 6:15	Meneng doen heman menge doma otaw eg-ikagi, “Sikandin se telekeliwat te kagi te Timanem gebii si Elias.” Doen heman menge doma otaw eg-ikagi, “Ontò sikandin telekeliwat te kagi te Timanem, iling te menge telekeliwat te kagi te Timanem gebii.”
24554	MRK 7:22	aw egkeibeg te kedònan te doma, aw eg-inang te medaet, aw eg-akal, aw wedad yàyà metibayi, aw eg-ingà, aw egbaet-baet, aw egpelangkaw-langkaw, aw wedad inenengen.
24592	MRK 8:23	Minawid si Jesus te belad te otaw bota, aw inagak din doton te lowà te lonsod. Penga niyan, migsawol sikandin te ngingi diyà te mata te bota, aw nemaed kandin, aw mig-insà, “Doen lay den kinità nikaw?”
24674	MRK 10:17	Nayan, pegkesayo i Jesus lekat kidoen, doen sebad otaw kimagnan doton kandin, aw limongken diyà kandin, aw mig-insà, kagi din, “Sir, ontò ka mèpiya otaw. Eden lay se keilangan inangen ko amon mekinawà ko se kaling pedowan wedad temanan?”
24837	MRK 14:14	Aw domateng sikandin doton te balay, ikagi kaw diyà te tig-apò, ‘Insogò kay te Pengolo amon meg-insà kay kamno aw kenan se kànan te kedita day te Pista te Pegpelowà.’
24943	MRK 16:1	Nayan, penga te aldaw te peg-etod, migpedomà-domaay si Maria tege Magdala, aw kesangay din si Maria inay i Santiago, aw si Salome. Minayad dan te metinadeg amon doen itoyong dan diyà te lawa i Jesus.
25221	LUK 6:6	Nayan, pegdateng te doma aldaw te peg-etod, dimoton si Jesus te simbahan te Judiyo, aw migtoladà. Doen otaw kidoen nekepis se belad din kowanan.
25327	LUK 8:13	Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba dan, aw tomolò dan kenyan te eked kenamay. Meneng aw meboyo dan, tenanan dan se pinemenalan dan, so iling dan te tinanem wedad nael dalid.
25479	LUK 11:5	Migtoladà heman si Jesus kandan tepad te pegtawal-tawal, kagi din, “Simpana domateng se mepanaw diyà te balay te sigalak din, meneng wedad ipekaen te tig-apò te balay kandin. Seini se inangen din. Pengkey tengà te delem, domoton se otaw sìyan te simbalay, aw memoyò diyà te sigalak din, kagi din, ‘Elew, tebangi a bag, so doen sigalak ko dimateng lekat te mediyò, meneng wedad ipekaen ko kandin.’
25602	LUK 13:15	Minikagi si Jesus diyà kandin, “Tay law. Eden niyo aw egpenimanem kaw. Pengkey aldaw te peg-etod, gayed niyo eg-elinen se baka aw kodà niyo, aw eg-ibingen niyo dan doton te wayeg amon ipeinem niyo.
25603	LUK 13:16	Aw mepakay tebangan se ayam-ayam te aldaw te peg-etod, mepakay heman aw kegolian se bayi seini sebad bowad-bowad i Abraham aw impeeleg i Satanas te sempolò teg walo se omay. Keilangan tebangan sikandin pengkey aldaw te peg-etod.”
25619	LUK 13:32	Minikagi si Jesus, “Pengkey biyasa sikandin eg-akal, doton kaw kandin, aw ikegihi niyo sikandin te eked a kelemitan kandin. Gayed a pa egpelowà te bosaw lekat te otaw, aw egpegolì a te otaw doen mesakit te seini aldaw aw kealdaw heman. Meneng ipengahen ko olò se inangen ko te iketelo aldaw.
25623	LUK 14:1	Nayan, sebad aldaw te peg-etod, dimoton si Jesus te balay te sebad obanen te Judiyo migpelenged te Parisiyo, so impekaen din sikandin kidoen. Ontò timengteng se doma otaw kandin aw eden se inangen din.
25625	LUK 14:3	Mig-insà si Jesus diyà te menge Parisiyo aw menenoladà te punù ingkeliwat i Moises, kagi din, “Aw megpegolì se otaw te sebad otaw te aldaw te peg-etod, mekelàpang lay sikandin te punù ingkeliwat i Moises?”
25768	LUK 18:11	Timindeg kidoen se Parisiyo aw migtawal-tawal, kagi din, ‘E Timanem, egpesiontong a diyà kamno, so labi a pa mèpiya diyà te menge doma otaw, so kenà a iling te otaw eg-akal, aw eglàpang te punù, aw eglakad. Egpesiontong a so kenà a medaet otaw iling te iskribinti sida.
25771	LUK 18:14	Na, penenalan kaw te kagi ko. Peg-olì te iskribinti sìyan, pigwedad den te Timanem se salà din. Meneng se Parisiyo, wedà pegwedadi te Timanem se salà din. Inangen te Timanem medanà se kedita te otaw egpelangkaw-langkaw, meneng inangen din melangkaw se kedita te otaw egpedanà te kandan pegkeotawun.”
25833	LUK 19:33	Peglebad dan te lobid in-iket te nati, mig-insà se tig-apò, “Nengà lay linebad niyo iyan?”
25861	LUK 20:13	Penga niyan, mig-aneng-aneng se tig-apò, ‘Megmeno a? Mèpiya aw isogò ko se batà ko egkedekelan ko te pedowan, so keilangan segmanen dan sikandin.’
25902	LUK 21:7	Doen otaw mig-insà, “Sir, kano lay ketoman se in-indan nikaw? Eden lay se pengilala kitaen day aw agpet iyan metoman?”
25931	LUK 21:36	Yan se doun te keilangan gayed kaw meg-ahà, aw megtawal-tawal kaw te begayan kaw te Timanem te kagsen te pedowan amon meketayod kaw te kedita te kelimahan sìyan. Aw meketayod kaw, eked kaw keyàyà aw domateng a Timanem Migpekeotaw.”
25944	LUK 22:11	ikagi kaw diyà te tig-apò, ‘Insogò kay te Pengolo amon meg-insà kay kamno aw kenan se kànan te kedita day te Pista te Pegpelowà.’
25974	LUK 22:41	Penga niyan, dimeleg si Jesus te kenà mediyò. Limongken sikandin aw migtawal-tawal, kagi din,
26151	JHN 1:38	Pegbiling i Jesus, kinità din te timaking dan kandin, aw mig-insà, “Eden lay se pinengemahà niyo?” Timaba dan, “Rabi.” (Se kelebadan niyan, “Menenoladà.”) “Kenan ka lay peg-ogpà?”
26262	JHN 4:37	Yan benal se eg-ikegiyen, ‘Menanem se sebad, meneng meglegani se doma.’
26301	JHN 5:22	Kenà Amay ko se meg-okom te otaw, meneng binegayan a din te peg-okom,
26386	JHN 6:60	Pegdineg te menge tinoledaan i Jesus te intoladà din seini, medita kandan se migpebelaw-belaway, kagi dan, “Eked nael pemenali se intoladà din seini. Wedad besi palos otaw mekepemenal kenyan.”
26407	JHN 7:10	Penga te pegdoton te menge kedowa i Jesus te pista kidoen te Jerusalem, dimoton heman sikandin te eles-eles, so ibeg din wedad otaw metaga-taga te pegdoton din.
26422	JHN 7:25	Doen menge tege Jerusalem migpebelaw-belaway, kagi dan, “Indà, sikandin se otaw egpemehaen amon imetayan.
26460	JHN 8:10	Penga niyan, timindeg si Jesus aw mig-insà, “Atà, kenan lay den se menge otaw neopal kamno? Wedad lay den migpelumun kamno?”
26466	JHN 8:16	Meneng aw meg-okom a, keseligan se peg-okom ko, so kenà ko sidebok se meg-okom, meneng meg-okom kay te Amay ko simogò kanak.
26563	JHN 10:13	Komadas se otaw tendanan so kenà din se tig-apò, aw wedad kedakel te pedowan din diyà te menge karniro egtonggoan din.
26633	JHN 11:41	Penga niyan, inabat dan se bato insampeng te lebeng. Limengag si Jesus aw migtawal-tawal, “Amà, egpesiontong a te dinineg no den se pinemoyò ko kamno.
26724	JHN 13:25	Yan minonsalig sikandin ki Jesus aw mig-insà, “Pengolo, sinu lay otawi diyà kenami se megtolok kamno?”
26761	JHN 14:24	Se otaw wedad kedakel te pedowan din kanak, yan se otaw kenà egtolò te punù ko. Se intoladà ko kenyo, kenà iyan lekat te kanak aneng-aneng, meneng lekat iyan te Amay ko simogò kanak.
26829	JHN 17:1	Pegkepenga te peg-ikagi i Jesus diyà te menge tinoledaan din, limengag sikandin doton te langit aw migtawal-tawal, kagi din, “Amà, dimateng den se oras pinemallì nikaw. Pekitai te melangkaw se Batà nikaw, amon ipekità ko heman te melangkaw ka.