57	GEN 3:1	Nayan, diyà te kedita te menge menenanap ininang te Timanem, memokan se ontò biyasa eg-akal. Mig-insà se memokan diyà te bayi, “Benal lay migpunù se Timanem kenyo te eked kaw kaen te pongo te kedita te kayo dini te kekeyowan?”
71	GEN 3:15	Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”
100	GEN 4:20	Si Ada se inay i Jabal, aw sikandin se neinang kemonaan te kedita te telediyaga te menge ayam-ayam. Mig-ogpà dan diyà te menge tolda.
197	GEN 8:13	Nayan, peg-apet te enem gatos aw sebad se omay i Noe, te pitsa ono te tagnà bolan te omay sìyan, minuyud se wayeg diyà te tanà. Inabat i Noe se atep te arka amon megpeatap-atap. Kinità din te tabag migkepangkag se tanà.
209	GEN 9:3	Mepakay den kànen niyo se kedita te ayam-ayam aw menenanap. Tapay ko impekaen kenyo se menge tinemunun, meneng mepakay den heman se pegpengaen niyo te menenanap aw ayam-ayam.
229	GEN 9:23	Penga niyan, nengabat si Sem aw si Japet te penenaktun itaklub kandin. Inewidan dan se taklub diyà te getan dan, aw minipanaw dan te getan te peg-awop dan diyà te tambì din, aw tinekluban dan sikandin. Wedà dan lingì amon eked dan kitai se lawa te amay dan migpetabeg-tabeg.
323	GEN 13:4	Yan heman se tapay din ininangan te sonoganan te ayam-ayam. Todà sikandin migsimba te Timanem kidoen.
342	GEN 14:5	Pegdateng te ikesempolò teg epat te omay, limompak si Cadorlahomor aw menge doma selotan migsebad diyà kandin. Dinaeg dan se kedita te tege Repai doton te Astarot-carnaim. Dinaeg dan heman se menge tege Susi doton te Ham, aw menge tege Emi doton te kepetagan te Kiriataim.
371	GEN 15:10	Inibing i Abram se kedita niyan, aw inimetayan din iyan. Binekas din se lawa niyan, aw binelabay din iyan tegdowa-dowa, aw doen elet diyà te tengà-tengà. Meneng wedà din bekasi se dowa manok.
552	GEN 22:4	Pegdateng te iketelo te aldaw te peg-ipanaw dan, kinità i Abraham se bontod doton te mediyò-diyò.
878	GEN 31:4	Yan intogon i Jacob si Raquel aw si Lea te megkità dan kandin doton te tanà tinonggoan din te menge ayam-ayam.
948	GEN 32:20	Yan heman se impunù i Jacob diyà te ikedowa aw iketelo te otaw aw diyà te kedita te doma otaw nengibing te menge ayam-ayam. Minikagi sikandin, “Aw komità kaw kandin, keilangan onawa heman se ikegiyen niyo.
978	GEN 33:17	Meneng dimeleg beling si Jacob doton te Sucot, aw mig-inang sikandin te menge layag ogpaan dan aw menge kelokob te ayam-ayam. Doun niyan, iningedanan se lonsod sìyan Sucot (kelebadan niyan, menge kelokob).
1330	GEN 44:5	Nengà lay nenakaw kaw te tabò selapì te amo ko? So yan se eg-ineman din, aw eggemiten din te peg-etok. Ontò medaet se ininang niyo.’”
1483	GEN 49:9	Juda, iling ka te menenanap iningedanan liyon egsagok te kànen din, aw eg-olì doton te salag din aw eg-ibat. Wedad otaw mekeotik kamno.
1526	GEN 50:19	Meneng minikagi si Jose, “Ikà niyo egkelemitan kanak. Kenà ko se meg-okom kenyo, so olò Timanem se mepakay meg-okom.
23265	MAT 3:4	Nayan, egpenaol si Juan te saol inabel lekat te bolbol te ayam-ayam kamilo aw egpengelen te kindal te ayam-ayam. Egpengànen din se menge dolon aw teneb eg-ebaten din doton te kebenesan.
23325	MAT 5:22	Meneng mikagi a den diyà kenyo te pengkey olò meopal se otaw diyà te doma, ibingen sikandin doton te otaw eg-osay. Aw mikagi se otaw te medaet diyà te doma, ibingen sikandin doton te kelengkawan te oseyanan. Aw mikagi se otaw diyà te doma, ‘Book ka,’ ibingen sikandin doton te apoy te kilot.
23401	MAT 7:16	Aw kitaen niyo se eg-inangen dan, ketegahan niyo aw olò dan egpelingo-lingo. Wedad palos pongo te paras geniyen lekat te ligem. Wedad heman pongo igira ipoen lekat te telayid.
23546	MAT 11:18	Iling heman kandan se menge otaw te aldaw seini, so pegdini i Juan Memonyagay, kinità dan se ketanem din te melikit egpowasa aw kenà palos heman eg-inem. Meneng wedà dan penenalan kandin, aw minikagi dan te dinetengan sikandin te bosaw.
23547	MAT 11:19	Pegdini ko Timanem Migpekeotaw, kinità dan se ketanem ko te egpengaen a aw eg-inem. Meneng kunù wedà dan penenalan kanak, aw minikagi dan te legoken a aw metiinem a, aw egsigelaken ko se menge iskribinti aw doma otaw nelegeb te salà. Meneng wedad beloyan, so ontò biyasa se Timanem, aw ketegahan iyan te kedita te otaw migpesakop diyà kandin aw komità dan te eg-inangen din.”
23576	MAT 12:18	“Seini se pinemallì ko isogò doton kenyo, sìyan nedekelan ko te pedowan aw nelubahan ko. Ibegay ko se Espiritu Santo meg-ogpà diyà kandin. Megpetaga-taga sikandin te kedita te otaw pengkey kenà Judiyo te agpet a den meg-okom.
23633	MAT 13:25	Meneng pegkedelem niyan, doen medaet otaw dimoton te pawà sìyan, aw nenanem heman te benì te sagbet onawa se bawa diyà te trigo intanem te tig-apò. Penga niyan, nesayo se otaw nenanem te medaet benì.
23689	MAT 14:23	Pegkesayo dan, timikedeg si Jesus doton te bontod sebad din amon megtawal-tawal. Pegsallep te aldaw, kidoen si Jesus te bontod olò din sebad.
23721	MAT 15:19	Pedowan se kelekatan te medaet ibeg te otaw egbonò, aw eglakad, aw egpenakaw, aw egkebolalaw, aw egbaet-baet.
23784	MAT 17:15	“Sir, keidowi bag se batà ko, so pigbaboy sikandin aw ontò eg-elegen. Melikit sikandin eg-elosen te bosaw diyà te apoy aw eglemesen heman diyà te wayeg.
23846	MAT 19:15	Nemaed si Jesus kandan aw migtawal-tawal. Penga niyan, nesayo sikandin lekat kidoen.
24236	MAT 27:38	Doen heman dowa megdedempasay inlansang diyà te kros kidoen te tangkil din, aw si Jesus diyà te tengà-tengà.
24290	MRK 1:6	Nayan, egpenaol si Juan te saol inabel lekat te bolbol te ayam-ayam kamilo, aw egpengelen te kindal te ayam-ayam. Egpengànen din se menge dolon aw teneb eg-ebaten din doton te kebenesan.
24359	MRK 3:2	Kidoen heman se menge otaw nengemahà te idimanda dan tepad ki Jesus, aw yan se doun te gayed dan migsimà kandin aw megpegolì sikandin te otaw doen mesakit te aldaw te peg-etod.
24522	MRK 6:46	Pegkesayo dan, timikedeg si Jesus doton te bontod amon megtawal-tawal.
24658	MRK 10:1	Nayan, nesayo si Jesus lekat kidoen aw dimoton dipag te wayeg te Jordan taman te probinsya te Judiya. Medita heman se otaw netipon diyà kandin, aw migtoladà heman sikandin kandan, so yan se gayed din eg-inangen.
24715	MRK 11:6	Yan mig-indan se didowa tinoledaan i Jesus tepad te insogò din kandan, aw penga niyan mepakay iyan diyà te tig-apò.
24746	MRK 12:4	Penga niyan, doen doma sineligan insogò te tig-apò. Meneng binonalan dan sikandin diyà te olo, aw ontò dan pa pigyàyà.
24747	MRK 12:5	Penga niyan, doen doma sineligan insogò te tig-apò. Meneng inimetayan dan. Medita pa se sineligan insogò din doton kandan, meneng doen binadas dan, aw doen heman inimetayan dan.
24858	MRK 14:35	Penga niyan, dimeleg si Jesus te kenà mediyò, aw limemlem sikandin aw migtawal-tawal. Nemoyò sikandin diyà te Timanem aw mepakay diyà kandin, eked din peden sikandin peokiti diyà te kelimahan agpet domateng diyà kandin.
24862	MRK 14:39	Todà migpekediyò-diyò si Jesus aw migtawal-tawal. Onawa heman se intawal-tawal din.
24875	MRK 14:52	meneng nekelowà, so tinenanan din se diping din aw kimadas migpetabeg-tabeg.
24922	MRK 15:27	Doen heman dowa megdedempasay inlansang diyà te kros kidoen te tangkil din, aw si Jesus diyà te tengà-tengà. [
24937	MRK 15:42	Agpet den somallep se aldaw, aw keeldawan niyan se Sebado aw aldaw te peg-etod. Doen otaw si Jose tege Arimatiya. Sikandin se sebad obanen egsegmanen te menge doma din obanen eglowan diyà te menge Judiyo, aw egpeliman sikandin te peglowan te Timanem. Pegkeapon niyan, impesalig din se pedowan din, aw dimoton ki Pilato, aw pinemoyò din se lawa i Jesus amon ilebeng din.
25058	LUK 2:16	Penga niyan, mig-ayas dan doton aw kimità dan ki Maria aw si Jose, aw kinità dan heman se batà impeibat kidoen te kènanan te ayam-ayam.
25078	LUK 2:36	Doen heman bayi egkeliwat te kagi te Timanem kidoen te dakel simbahan ngadan din si Ana. Si Panuel se ngadan te amay din, sakop te pongan iningedanan Aser, so si Aser se kemonaan dan. Nengognan si Ana te pito se omay, aw penga niyan nebalo. Ontò den lokes, so kewelowan teg epat se omay din. Egdoton sikandin te dakel simbahan, so egsimba sikandin te aldaw aw delem, aw migpowasa, aw migtawal-tawal.
25084	LUK 2:42	Sagwa sempolò teg dowa se omay i Jesus, nemista dan doton te Jerusalem, so yan se gayed dan eg-inangen.
25099	LUK 3:5	Peg-epengen se kedita te baog, aw inangen mepantal se kedita te bontod. Tòliden se dalan belegkong, aw inangen melenas se dalan megeled-geled. Keilangan iling kenyan se pegpeketagad niyo te kenyo pedowan,
25174	LUK 4:42	Pegkeiselem niyan, nesayo si Jesus aw dimoton te wedad otaw eg-ogpà amon megtawal-tawal. Meneng nengemahà se medita otaw kandin. Pegkità dan kandin, ontò dan peden sikandin temengan.
25192	LUK 5:16	Meneng melikit egdoton si Jesus te kebigtilan amon megtawal-tawal.
25217	LUK 6:2	Meneng minikagi se menge Parisiyo, “Doen punù ingkeliwat i Moises te keilangan eked pegterbaho se otaw te aldaw te peg-etod. Nengà lay wedà kaw tolò kenyan?”
25222	LUK 6:7	Doen heman kidoen menge Parisiyo aw menenoladà te punù ingkeliwat i Moises. Nengemahà dan te idimanda dan tepad ki Jesus, aw yan se doun te gayed dan timengteng diyà kandin aw megpegolì sikandin te otaw doen mesakit te aldaw te peg-etod.
25227	LUK 6:12	Nayan, wedà kenamay, timikedeg si Jesus doton te bontod amon megtawal-tawal. Timayod sikandin te delem aw migtawal-tawal diyà te Timanem.
25297	LUK 7:33	Iling kaw heman kandan, so pegdini i Juan Memonyagay, kinità niyo se ketanem din te melikit egpowasa aw kenà palos heman eg-inem. Meneng wedà kaw penenalan kandin, aw minikagi kaw te dinetengan sikandin te bosaw.
25298	LUK 7:34	Pegdini ko Timanem Migpekeotaw, kinità niyo se ketanem ko te gayed a egpengaen aw eg-inem. Meneng kunù wedà kaw penenalan kanak, aw minikagi kaw te legoken a aw metiinem a, aw egsigelaken ko se menge iskribinti aw doma otaw nelegeb te salà.
25320	LUK 8:6	Doen heman benì nesabog diyà te tanà kebeto-betowan. Pegtobò niyan, nelanes aw nematay te wedà kenamay so nepangkag se tanà.
25341	LUK 8:27	Pegtenà i Jesus, kinità din se tege Gerasa simongon kandin. Dinetengan sikandin te bosaw, aw nenamay den migpetabeg-tabeg. Kenà eg-ogpà diyà te balay, meneng eg-ogpà doton te menge lebenganan.
25359	LUK 8:45	Penga niyan, mig-insà si Jesus, “Sinu lay se nemaed kanak?” Meneng wedad otaw mig-indan. Minikagi si Pedro, “Pengolo, ikà eg-insà aw sinu se nemaed kamno, so pigdenganan ka te medita otaw.”
25557	LUK 12:29	Ikà niyo egketetana tepad te kànen niyo aw inemen niyo. Ikà niyo heman egdowa-dowa.
25627	LUK 14:5	Penga niyan, minikagi si Jesus, “Aw doen batà niyo aw baka medagdag kidoen te sokian medalem, seini indà se inangen niyo. Ayas kaw megtabang amon mekelowà pengkey aldaw te peg-etod. Sinu lay diyà kenyo se eked pegtabang?”
25859	LUK 20:11	Penga niyan, doen doma sineligan insogò te tig-apò. Meneng binadas dan heman sikandin, aw ontò dan pigyàyà, aw impekesayo dan te wedad palos imbegay kandin.
25860	LUK 20:12	Penga niyan, doen iketelo sineligan insogò te tig-apò. Meneng ontò dan sikandin impeeleg, aw ginoyod dan doton te lowà te pawà.
25977	LUK 22:44	Ontò mebegat se pedowan din, aw yan se doun te ontò sikandin migtawal-tawal. Ontò sikandin pig-etingan iling te pegtedak te dipanog.]
26037	LUK 23:33	Pegdateng dan doton te bontod iningedanan Tòlan te Olo, inlansang dan sikandin diyà te kros. Inlansang heman se dowa otaw medaet kidoen te tangkil din, aw si Jesus diyà te tengà-tengà.
26058	LUK 23:54	Agpet den somallep se aldaw, aw keeldawan niyan se Sebado aw aldaw te peg-etod.
26098	LUK 24:38	Minikagi si Jesus, “Ikà niyo egkebulung. Ikà niyo heman egdowa-dowa.
26288	JHN 5:9	Ketà negolian sikandin. Linolon din se inibatan din aw minipanaw. Neinang iyan te Sebado, aldaw te peg-etod.
26289	JHN 5:10	Yan neopalan te menge obanen te Judiyo se otaw negolian. Minikagi dan, “Seini se aldaw te peg-etod. Nekelàpang ka te punù so nengibing ka te ikam.”
26297	JHN 5:18	Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.
26418	JHN 7:21	Minikagi si Jesus, “Doen olò sebad kepelahan ininang ko, aw nepela se kedita niyo so aldaw te peg-etod.
26419	JHN 7:22	Gebii, migpunù si Moises te keilangan tolien se dedeitek batà niyo meama. Pengkey yan se impunù din, meneng olò din ingkeliwat se ketanem tapay pa tinekingan te kemonaan tadon gebii. Yan keilangan tolien se batà niyo pengkey aldaw te peg-etod.
26420	JHN 7:23	Yan eked kepakay aw keopalan a niyo, so aw mepakay se pegtolì niyo te otaw dalem te aldaw te peg-etod amon toloen se punù ingkeliwat i Moises, mepakay heman se pegpegolì ko te kedakel te lawa te otaw dalem te aldaw te peg-etod.
26459	JHN 8:9	Pegdineg te menge Parisiyo te inikagi din, neyàyà dan aw nesayo se kedita dan teg sebad-sebad. Menge obanen se onà nesayo. Nesamà olò se bayi aw si Jesus.
26643	JHN 11:51	Se inikagi din sìyan, kenà iyan lekat te kandin aneng-aneng. Meneng so sikandin se ontò pengolo te simbahan te omay sìyan, impeikagi sikandin te Timanem te metoman imetayan si Jesus amon somelilin sikandin te kedita te Judiyo.
26644	JHN 11:52	Kenà olò menge Judiyo se ketebangan din, meneng sekopen te Timanem se kedita te otaw inangen din menge batà din, pengkey kenan dan peg-ogpà.
26704	JHN 13:5	Penga niyan, nenoyong sikandin te wayeg diyà te pelenggana, aw mig-onaw te benis te menge tinoledaan din teg sebad-sebad. Miglegalis heman sikandin te benis dan te towalya diyà te pawak din.
26912	JHN 19:18	Pegdateng dan doton, inlansang dan sikandin diyà te kros. Doen heman dowa otaw doma din inlansang diyà te kros intollok diyà te tangkil din, aw si Jesus diyà te tengà-tengà.
26936	JHN 19:42	Yan se linebengan dan te lawa din, so medapag, aw agpet den somallep se aldaw, aw keeldawan niyan se aldaw te peg-etod.
27026	ACT 2:8	meneng nekeikagi dan te medita kemolò kagi tadon wedà dan palos peg-ilingi.
27073	ACT 3:8	Yan timindeg sikandin aw migpanaw-panaw. Penga niyan, minawop sikandin doton didalem te simbahan doma ki Pedro aw si Juan. Migpanaw-panaw sikandin, aw migtolayun, aw induyun din se Timanem.
27416	ACT 12:10	Minokit dan diyà te didowa sondalo egtonggò. Pegdateng dan doton te dakel tetakep te keleboso pesalo doton te lowà, neowang iyan te wedad otaw mig-owang. Yan nekelowà dan. Pegdateng dan doton te sowayan te dalan, ketà migkewedad se anghil.
27425	ACT 12:19	Migsogò si Herod amon pemehaen si Pedro, meneng wedà dan kitai. Yan ontò ininsà i Herod se menge sondalo migtonggò, meneng wedà dan ketegahi aw kenan. Yan impeimatay din se kedita dan. Penga niyan, nesayo si Herod lekat te Judiya, aw dimoton te Sesarya, aw mig-ogpà doton te nenamay-namay.
27441	ACT 13:10	aw minikagi, “Sikona se sakop i Satanas, so sikona se poon te kedita te metòlid. Biyasa ka eg-akal. Eg-ikagi ka te kebolalaw se benal kagi te Pengolo.
27518	ACT 15:7	Nenamay dan migpebelaw-belaway. Penga niyan, timindeg si Pedro aw minikagi, “Menge kedowa ko, netegahan niyo den besi te siak se pinemallì te Timanem diyà te kedita tadon amon megtoladà a te Mèpiya Indan diyà te menge otaw kenà Judiyo amon memenal dan.
27565	ACT 16:13	Pegkesebado, dimoton kay te wayeg lowà te Filipos, so doen ekon kidoen tiponanan te menge otaw megtawal-tawal. Nenenoo kay kidoen te kilid te wayeg, aw migpebelaw-belaway kay te menge bayi netipon kidoen.
27568	ACT 16:16	Nayan, doen sebad aldaw migpesalo kay doton te wayeg amon megtawal-tawal. Kinità day se sebad allang bayi enitowan. Sikandin se teleetok aw eden se domateng diyà te otaw. Yan dakel se ontong te menge tig-apò din pineokit te peg-etok din.
27975	ACT 28:8	Nesekitan se amay din piglegenaw aw mig-indes. Dimoton si Pablo kandin aw migtawal-tawal diyà te Timanem. Nemaed si Pablo kandin, aw yan negolian se temoay.
27987	ACT 28:20	Yan se doun te pigtipon ko sikiyo, amon megkità kidon aw megpebelaw-belaway. Iniketan a pa te sengkalì seini so pinemenalan ko sikandin egpelimanan tadon menge bowad-bowad i Israel.”
27992	ACT 28:25	Wedà dan peg-onawa. Nesayo dan penga te peg-ikagi i Pablo kani, “Benal se kagi impekeliwat te Espiritu Santo ki Isaias, so minikagi sikandin tepad te menge kemonaan tadon,
28041	ROM 2:11	so wedad palos otaw pedigselan din te peg-okom.
28046	ROM 2:16	Pegtoladà ko te Mèpiya Indan, egtoladà a te doen pa aldaw domateng aw isogò te Timanem si Jesu Cristo meg-okom te kedita te otaw, so ipetaga-taga din se kedita te ininang tadon pengkey in-eles.
28086	ROM 3:27	Yan se doun te eked kidon pegpelangkaw-langkaw. Eked kidon ikagi te inaneng-aneng te Timanem te metòlid kidon pineokit te pegtolò tadon te menge punù ingkeliwat i Moises, so pineokit te pegpemenal tadon ki Jesus se peg-aneng-aneng te Timanem te metòlid kidon.
28166	ROM 7:7	Nayan, doen besi menge otaw meg-aneng-aneng den te medaet se punù ingkeliwat i Moises. Meneng kenà iyan medaet, so pineokit te punù ingkeliwat i Moises, netegahan ko den aw eden se salà. Simpana wedad punù megsagda te peg-ingà, eked ko ketegahi te medaet se peg-ingà.
28297	ROM 11:20	Benal se kagi din sìyan te sinelilinan se menge Judiyo, meneng tinepò dan te Timanem so wedà dan pemenal. Inselilin kaw din so nemenal kaw. Yan peg-ahà kaw. Ikà niyo egpelangkaw-langkaw.
28316	ROM 12:3	Tandà te pegsogò te Timanem kanak, doen den ipunù ko diyà te kedita niyo egpemenal. Ikà niyo egpelangkaw-langkaw. Meneng keilangan metòlid se aneng-aneng niyo tepad te mebatog niyo inangen tandà te kebiyasa imbegay te Timanem kenyo te pegsalig niyo diyà kandin.
28325	ROM 12:12	Keilangan meluba kaw so doen egpelimanan niyo. Aw pemilangen kaw, pedeleg kaw te pegtaking niyo ki Cristo. Pedeleg kaw se pegtawal-tawal.
28347	ROM 13:13	Keilangan tomalag mèpiya se eg-inangen tadon amon metaga-taga se kedita te otaw te wedad medaet mekeyàyà kenitadon. Ikà niyo eg-iling te otaw egsamok, aw eglasing, aw eglayok te kenà kandan esawa, aw metibayi wedad yàyà. Ikà niyo egdindil. Ikà niyo eg-ingà.
28473	1CO 2:11	Eneng-enengi niyo ini. Wedad palos otaw meketaga-taga te aneng-aneng te doma otaw, so yan olò se ketegahan din se kandin aneng-aneng. Iling heman kenyan, wedad palos otaw meketaga-taga te aneng-aneng te Timanem, so olò Espiritu Santo se egketaga-taga kenyan.
28506	1CO 4:5	Yan ikà niyo eg-okom te eg-inangen te doma otaw, so wedà pa dateng se aldaw te peg-okom. Aw lomikò se Pengolo, ipetaga-taga din se kedita, sìyan wedà tadon pa ketegahi. Ipetaga-taga din heman se kedita te aneng-aneng te otaw, aw penga niyan, iduyun te Timanem se teg sebad-sebad otaw doen ontong.
28524	1CO 5:2	Pengkey medaet iyan, meneng gayed kaw pa egpelangkaw-langkaw. Keilangan melidò kaw beling aw ipelowà niyo se otaw mig-inang te medaet sìyan, amon eked sikandin pekedoma te menge otaw egpemenal.
28560	1CO 7:5	Ikà niyo eg-eked te pegpeleyokay singed aw megsebad se pedowan niyo te eked kaw pegpeleyokay te pila se aldaw amon tomayod kaw megtawal-tawal. Pegkepenga niyan, todà kaw pegpeleyokay amon eked kaw keboyo i Satanas pineokit te ibeg te lawa niyo.
28663	1CO 10:28	Meneng aw doen otaw mikagi diyà kenyo te tapay iyan imbegay diyà te inotaw, ikà niyo egpengaen kenyan amon wedad keeneng-enengan te otaw simabi kenyo, so pengkey eked pegkedaet se kenyo aneng-aneng, meneng megkedaet beling se kandin aneng-aneng. Pengkey komaen a aw eked, wedad otaw mekesila kanak pengkey wedà peg-onawa se aneng-aneng day,
28697	1CO 11:29	Aw doen otaw makop komaen aw minem, aw eked din eneng-enengi te yan se pengilala te pegkematay te Pengolo, yan se otaw mekekinawà te pelumun lekat te pegkaen din aw peg-inem.
28725	1CO 12:23	Pengkey aneng-aneng tadon kenà mèpiya se sebad kinemoloan diyà te lawa, meneng yan se ontò eg-ipaten. Aw sìyan kinemoloan diyà te lawa eked kepakay kitaen, yan se ontò tigmesen.