23218	MAT 1:5	Salmón facu Booz ini. Ahuun ahuari Rahab ini. Boozpan facu Obed ini. Ahuun ahuari Rut. Obed facu Isaí ini.
23220	MAT 1:7	Salomón facu Roboam ini. Roboam facu Abías ini. Abías facu Asa ini.
23240	MAT 2:2	Ascano nococashon ato yocanifo, —Raniashumun a facu caianquin Judiofoan aton niaifo ishquiai. Non fishi oianhuunshon non tapia facu caincun. Man nonfin ahuun fishi fari oai aria oianquin. Ascacufin non aqui unimai oaquin. Min nocon niaiforan ishon oinpai non oaran, —ishon ato yocanifo.
23242	MAT 2:4	Ascacun ahuun yorafohuunshon Diosin cufimisifoan niaifofo yafi Moisés cununi cuscan tapimamisifo Herodes ato yoimaquin isca huani, —Uqui fucahuun, —ishon ato yoimanano aqui fuaifoan ato yocaquin —¿Raniashumun Cristo cainshquiquin? —ishon Herodes ato yocani.
23255	MAT 2:17	Ascano “Ato nicafo Ramá anoashu uaicani aton facuhuunoashu uaiyanan shorarascaifoan nicacaquin. Aton ointi main huamapaicaquin, ‘Uaiyamacahuun,’ ato huafiainfono aton facu manocani unupainifomaran,” ishon Jeremías Diosihuunshon inonpacoai yoishomisiton cununi cuscacoin man aaqui.
23335	MAT 5:32	Nannori Moisés yonofianicun un mato tsain futsa yoinon. Ratoran futsan ahuun ahuin nocofunu futsa fu iyamafiaiton unuquin chaca huaino. Nan ainfoan nocofunu futsa fu fiananquin fasi chaca huai. Asca huaquin nan funu fu iqui shinantsai. Funumain afi unucun. Ascafia nan funun ahuin unua nan ainfo nocofunun fiiquin aarifi chaca huai. Asca huaquin nan ahuun ahuinma fu iqui shinantsa huai.
23379	MAT 6:28	Ascashon shinanquiri isca huayamacahuun, “¡Ohuashta! Raniamun un sahuuti fii nan sahuushqui,” ishon shinanyamacahuun. ¡Shinancapon! Charofocai yonoyamafain sahuuti icushumisifoma.
23427	MAT 8:13	Ascashon Jesús Romanon ranushumua niaifo yoini, —Min ua icoinra huaino min oinmati man caya. Ascan natian min pushu ano catahuun, —ishon yoini. Jesús yoiaitian ahuun oinmati cayariscatani.
23488	MAT 10:2	Nonfin doce iniquin. Nocon anufo un mato yoi. Futsa Simonfiacun ahuun anu futsa Jesús tuqui huani Pedro. Nanton chipocu Andrés. Futsafoan aton anu Santiago non Juan. Nan rafu Zebedeopan facu. Futsafoan Felipe non Bartolomé un Mateo non Tomás non Santiago Alfeopan facu non Simón futsari nanton ahuun caifo futsafo futan Romanonfo potapai afanan Israelifo yonononfoma. Futsan ahuun anu Judas Santiago facu futsarifi Judas Iscariote nanton Jesús potashon ato achimani. Nocofosi Jesús noco catonni non ahuun rafumisi inon non ahuunshon tsain tapishquin.
23502	MAT 10:16	Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.
23546	MAT 11:18	Nanscarifi aquin nanfoanri Juan yafi uqui tsain chipufafaini. Ascafia Juanpacai piqui tunufain fimi unu pau ayamisima. Ascacun ahuunoa yoiqui man isca huamisi, “Juan nisocoin. Yoshin chaca ahuun nuaran,” ishon yoimisifo. Asca unfin pii sharafain un aya sharamisiquin. Ascafia uhuunoari yoiqui isca huamisifo, “¡Cuu! Jesús pitsicoin fasi ichapari ayatiroran huafain Roma anoa niaifo puifishomisifo yafi yora chacafo furi rafuiran,” ishon uhuunoa chaca yoimisifo. Ascafia nanfoanri yoiqui isca huamisifo, “Tsoamain shinansharafain icaquin non onantiro. Nan yorafin isharacoianquin shinansharamain huaifin,” ishon nannori yoimisifo. Nannori yoifiaquicai uhuunoa ascara yoipaimisifoma. Ascatamarocon uqui tsain chaca fusti huamisiforan, —ishon Jesús ato yoini.
23573	MAT 12:15	Jesús tapitan a rutupaiyaifoanno anoashu cani. Yorahuanrasiton mufainifo. Ratomain isinincai nanfo cayahuamani.
23589	MAT 12:31	Ascano un mato icon yoiquin. Ratoran ahuara chaca huai Diosquiri Upa Diosin rau huashotiro. Ascanfia ratoranton yoia isca huaquin, “Nanton aca cuscan Satanashuunshon acaran,” huafiashu Diospan Yoshin Sharahuunshon aca. Nanton Diospan Yoshin Sharahuunoa tsain chaca huaa. Asca huacun Upa Diosin ahuun chaca rau huanacama. Ahuun chaca ahuun nuupacunaca.
23594	MAT 12:36	Ascacun un mato yoi. Ratoran shafatan Diosin nantifi yorafo ichanan huaitian ato yoipacushqui ratotonmain icoinra huamisi iyamarai icoinra huamisimaquin. Nantianri ahuashta shinantama yoimisifo cuscan ato puashoshquin.
23599	MAT 12:41	Ratoran shafatan Diosin nantifi yorafo ichanan huaitian ato yoipacushquin ratotonmain icoinra huamisi iyamarai icoinra huamisimaquin. Ascaino nantianri Nínive ano ipaonifoan matohuunoa yoishcani isca huacaquin, “Jonás noco Diosin tsain yoini cuscan non nicacoinshon nocon chaca shatucoinshon non Dios icoinra huani. Asca man manfin Diospan furucoin nicafiashocai maton chaca man shatumisimaran,” ishon mato yoishquin. Nan icon un Jonás finonfiacucai man ua nicapaimisima.
23639	MAT 13:31	Ascasho Jesús mostaza ushuhuunoa ato yoini ahuara futsa ato tapimashquin. Ato yoiqui isca huani, —Nocofunun ahuun mau ano mostaza ushu fanani. Rato fimi ushu futsacai mostaza ahuun ushu uhuapamashtatioma. Ascafia foaica fasi cuya itiro. Rato pushu umainti fimi charo fanacai mostazatioma. Ihui noconan rafutiro. Ascatan yosiano puiyafo ahuun tushpahuu tsaotiro. Nanscarifiai Diosin ahuun yorafo iquisi fustirasi ifiashu chipo paratama caitioran, —ishon ato yoini.
23660	MAT 13:52	—Ratoran futsafoan Moisés yononi cuscan tapimamisifo nan Diosin ahuun yorafo iquinai cuscan tapiafo. Ascan nanfofin nan mafo inanmitsamisi cuscarafoquin. Mafo inanmitsamisiton yorafo nan yopaifo cuscan inantiro. Ahuara shunifo iyamarai funa ato inantiro. Nanscarifiai tsoan Moisés cununi cuscan yafi un mato rama Diospan yorafohuunoa tapimanai cuscan huafain marifi man futsafo tapimatiroran, —ishon noco yoini.
23693	MAT 14:27	—Unqui. Ratuyamacahuun, —ishon Jesús noco yoini.
23758	MAT 16:17	Ascaiton Jesús cumani, —Simón, minfin Jonás ahuun facuquin. Diosin mia noiquin mia shara huaa. Rato nocofununcai mia tapimanama un Diospan facu. Uhuun Upa Diosin nan nai muran icaton mia tapimana.
23776	MAT 17:7	Ascaifoan Jesús ato pumanqui yoini, —Funicahuun. Ratucaquima, —ishon ato yoini.
23808	MAT 18:12	Ascano un mato yoinon. Ratoran futsa cien chashoan ayafiano fustishta amaqui funoano atirifi nan noventa y nueve faasi fununun potayofaintio a fusti funoa funayoicaquin nan fuchiaitian. ¿Ascan man ahuu cuscara shinantiromun?
23840	MAT 19:9	Ascacun un mato cayacafi yoi. Ratoran futsan ahuun ahuin nocofunu futsa fu iyamafiacun ahuin unui futsa fiishquin. Asca huaquifin nanton chaca huaiquin. Nan ahuun ahuinma fu iquin cafiscairan, —ishon Jesús ato yoini.
23849	MAT 19:18	—¿Rato noco yononicaimun un nicacoinfain nan yoia cuscan un huaiiqui? —ishon yocaiton. Jesús yoini, —Futsa rutuyamahuu. Min ahuinma fu iyamahuu. Ahuara onuyamahuu. Chaniri yoiyamahuu.
23950	MAT 22:9	Ascacun nan fai uhuapafo nanno nan yora ichapa fotirofo ano fotacahuun. Ratoran futsafo fuchicashon ato yoicahuun Funonfo,” ishon yoini.
23958	MAT 22:17	Ascacufin min shinain cuscari noco tapimahuu. ¿Nan Romanonfoan aton niaifo Cesari pui inanfo cuscan norifi non inantiromun? —huaifoan.
24020	MAT 23:33	Ascashu manfin rono cuscarafoquin. Rono paupaton facu cuscarafo. Diosin yoini cuscan nan omitsiscapanacafo muran marifi man iquishcani. Tsoancai mato nitun huatiroma. Marifi nanno man catio.
24134	MAT 26:11	Manfin yora ahuuomafo fu ipanacaquin. Ratoran shafatan man ato ahuara shara huashotiro. Ascafia uncai nuno mai ano matofu ipanacama.
24200	MAT 27:2	Ascatan munushcashon nan Romanon niaifoan ahuun anu Pilato ano Jesús iyonifo.
24209	MAT 27:11	Ascashu Romanon niaifoan ahuun anu Pilato fu Jesús nia ini. Nan niaifoan Jesús yocani, —¿Minmun Judiofoan niaifocoin? —ishon yocaiton. —Nan min ua yoiai cuscafin unquin, —Jesús huani.
24213	MAT 27:15	Nan fusititian faritifi a cunu muran iquiafo fusti caimaquin Pilato ato yocapaoni. —¿Ratocai man caimapaimun? —ishon yorafo yocapaoni.
24215	MAT 27:17	Jesús ahua chaca huaiyamafiacun. A icai cuscan apaicaquin nocon niaifofo Jesusqui sinacaquin Pilato ano iyonifo. Nan acaifo cuscan Pilato man tapian ini. Ascacun Pilato nanno yora ichananfo yocani, —¿Ratocaimun un mato cainmashotioquin? ¿Barrabás iyamarai Jesús nan Cristo Diosin catoanran man huamisi? —ishon ato yocaiton.
24235	MAT 27:37	Ascano man ihui coyan iquinanqui mastacashon amanaonri cununifo isca huaquin, NAN JESUSFIN ISRAELIFOAN ATON NIAIFOCOINQUIN ishon cununifo. Nannori Jesús icaran ishon mastanifo.
24258	MAT 27:60	Racoshon toquirininhuan quini muran Jesús mai huani. A murancai tsoa maiyomisima muran mai huani. Ascashon toquirininhuanun fupofaini cani.
24264	MAT 27:66	Ascaiton a toquirininhuan quini ano ranushumuafo nichinifo. Nanfoan toquirininhuan sapa tocoro fuposhon ahuara tuipaton tanyacunifo. Ranushumuafo nanno nichifurani funifo nannoshon cushunonfo.
24269	MAT 28:5	Ascaiton Diospan oinmatinin afu nai muran icaton María rafu yoini, —Ratuyamacahuun. Mun tapia man Jesús funai yoa. Jesús man mastafiaitafo natian nunoma. Mato yoimisi cuscan man funia. Oin fucapon quini muran. Nan racaitano.
24272	MAT 28:8	Ascaiton nicatan nan ainfo rafu toquirininhuan quini anoashu ichonifo. Ratufiacani aton nomuran fasi unimacoincaquin afu rafuafo yoi focani ichonifo.
24274	MAT 28:10	—Ratuyamacahuun. Ascatamarocon uhuun ushtofo ua yoishotacahuun Galilea ano fononfo. Nannoshon ua oinshcaquin, —ishon ato Jesús yoini.
24324	MRK 1:40	Ascatan nocofunu futsa yoratishon ranimamishti rashquishi futsua Jesusqui nocoshon. Ratoconun mai chachishon yoini, —Ua caya huapaiquifin mian caya huatiroquin, —huaiton.
24361	MRK 3:4	Ascaino nocofunun ato nishoni, —Un mato yocain man ua cumatiromainquin. ¿Raquiri Moisés tsain noco yonoamun? ¿Tunutitian non ahuara huatiromun? ¿Nonraca sharatiro? ¿Nonraca chacatiro? ¿Tunutitian non yora cayahuatiromun? ¿Yora isinin icai oamun non cayahuaimun? Non caya huamama natiro. Nocohuun nutiro. ¿Non rutua shinantsain? ¿Ascamun shara? —ishon ato yocani. Ascafiaino puusinifoma.
24385	MRK 3:28	—Jesuscai Diospan Yoshin Sharahuunshon yorafo caya huamama yoshin chacahuunshon ato caya huamaran, —ishon yoinifo. Ascafiaifoan Jesús ato yoini, —Icon un mato yoinon. Ua nicacahuun. Ratoran futsan futsafo tsain chaca huafain Diosquiri chaca huacun Upa Diosin nantifi chaca huaa cuscan rau huashotiro. Ascafia tsoan Dios nicacasmaiton yoiquin isca huatiro, “Naton aca cuscan Satanashuunshon acaran,” huafiaino Diospan Yoshin Sharahuunshon atiro. Nanton Diospan Yoshin Sharahuunoa tsain chaca huacun Upa Diosin ahuun chaca rau huanacama. Chaca huaa cuscan ahuun nuupacunacaran, —ishon Jesús ato yoini.
24422	MRK 4:30	Ascatan afanan Jesús ato yoiquin isca huani, —¿Ahuuscashomain un mato yositiroquin Diosin ahuun yorafoti yonofain iquinaquin? ¿Rato tsain futsacaimun un mato yosicain man tapinon ahuu cuscaramain Upa Diosin nantifi iquinaquin? Ua nicacahuun.
24424	MRK 4:32	Ascafia yosiashu fasi uhuapacoin itiro. Rato ihuicai mostazatioma. Ahuun tushpafori fasi uhuapacoin. Ahuun tushpahuu puiya futsa futsatapafo tsaotiro. Nanno mostaza ahuun puifoan ahuun tushpafo ihuaquin futsa fari tsacanonma. Nanscarifiai Diosin icoinra huaafo tau huaquin ichapamaton nicayotirofo. Chipo fasi ichapafain tanacointirofo Diosqui nocosharashcaquin, —ishon Jesús ato yoini.
24467	MRK 5:34	Nicaquin yoini, —Achishtan, mian icoinra huashu min cayaquin. Ratuyamahuu. Min ointi muran unimahuu. Min afanan omitsiscaimacai. Min pushu ano casharatahuun, —ishon Jesús ainfo yoini.
24469	MRK 5:36	Jesús Jairo yoini, —Aton tsain nicayamahuu. Ratuquima. Ua fusti icoinra huahuu, —ishon Jesús yoini.
24473	MRK 5:40	Ascaiton osanifo. Osaifoan ato chifi caimatan apa yafi ahua non afu rafuafo rafu non fusti cunu futsa muran ato iyoni. Nanno shotocofacu doce fari aqui caa. Raca ini.
24495	MRK 6:19	Herodespan ahuin Herodiasin nicani Juanpan ahuunoa yoiaiton nicai aqui fasi sinai. Rutumariscapaifiaquicai ahuun funu Herodes, —Ma. Mincai Juan rutumatiromaran, —ishon yoini.
24524	MRK 6:48	Ato oian ian nushmancayashon fuun huaquin ato catima huani. Man faquishiaino Jesús ian fumancayan atoqui cani. Ato finonquin rashquini. Ascaitocai onannifoma. Onanshma ratucani. —Yoshin shafain, —fiisinifo. Ascaiton —Unquin. Ratuyamacahuun, —ato huani.
24605	MRK 8:36	Ratoranfo manifoannati ahuunacoinfiano naanocai afanan ahuunacoin itiroma. Nantifi funocointiro. Niyoshon Diosin tsain tanatama imisishaquin. Ahuun nomuran omitsiscatiro.
24613	MRK 9:6	Raquirira huapaifiacani ratucoinnifo.
24639	MRK 9:32	Ato yoifiaiton tapinifoma. Ratucaquin tsoancai afanan yocanima.
24641	MRK 9:34	Fuaifoan yocani, Ratocaimun fasi shara finacaiaquin fochishmanantanancanashu rafinifo tsoancai Jesús cumanima. Puusinifoma.
24668	MRK 10:11	Ascaiton ato cumani isca huaquin, —Ratoran futsan ahuin unuquin futsa fiishquin chaca huai ahuun ahuinma fu iquin.
24727	MRK 11:18	Ascan Israelifoan aton yorafohuunshon Dios cufimisi niaifofo non Moisés cununi cuscan tapimamisifo Jesús yoiaiton nicacaquin rutupainifo. Ascaiton futsafoan Jesús yoiai cuscan nicapaicoinnifo. Ahuun tsain nicai, —¡Aira! Ascaran tsain shara tsoan nicayomisimaran, —icashu yoinannifo. Ascano aton niaifofo Jesusqui ratunifo. Rutupaifiaquicai tapinifoma ahuuscashomain rututirofoquin.
24750	MRK 12:8	Ascatan furun iqui curannaiton achicashon rutunifo. Rutushon mau tsisumun sharafoshon ratanifo.
24756	MRK 12:14	Aquin nococashon yocanifo, —Tapimamisiton, man non tapian min iconcoin fusti min noco yoifafainmisi. Upa Diosin noco amapaiyai cuscan nannori min noco cayacafi yosimisiquin. Min ahuara yoipaicain min ranoima. Nan min noco yoiai min cayacafi yoi. Ahuashta min fomainma. Min yora ahuuoma yoia cuscan nanscarifi huaquin min niaifofo yoitiro. Nan rafu min ato Diosin tsain iconcoin yoi. Ascacufin noco tapimasharahuu. ¿Romanonfoan aton niaifo Cesari nocon pui noco yoca cuscan non inantiro iyamarai non inantiromamun? Noco tapimahuu, —huaifoan.
24788	MRK 13:2	—¡Ai! ¡Oincapon! Natian Dios fu tsainti pushu toquiri putsamuashu cunuacua sharashtacoin. Ascafiashu na man oiain chipo paon ishquin. Afanancai toquirifo putsamua ishquima. Ratoshtacain putsamua tushuimaran, —ishon Jesús ato yoini.
24797	MRK 13:11	Ascano chipo mato achimashquin matohuunoa tsain chaca yoishcaquin. Nantianri, “¿Raquiri non huaimun?” ishon shinanyamacahuun. Nan nocoaiton un mato tapimashquin man cumasharanon. Mafincai man cumaima. Diospan Yoshin Sharahuunshon ahuun tsain maton nomuran nanumashquin man niaifofo cayacafi cumasharanon.
24830	MRK 14:7	Yora ahuuomafo matofu ipanacafo. Ratoran shafatan man ato shara huashotiro. Ascafia un nuno matofu ipanacama man ua shara huanon.
24837	MRK 14:14	Nan iquiai ano afu iquifainshon pushu ifo yocacaquin, “Nocon tapimamisiton mia yocan, ‘¿Rato cunu muranshon ufu rafumisifo futan non chashoanun facu piimun?’ ”
24863	MRK 14:40	Ascashon afanan atoqui nasoquin oian afanan afu rafuafo oshafo ini. Fasi oshapan noicani moipaiquin ranannifo. Raquirimain Jesús ato yoicai tapinifoma. Ascan puusinifoma.
24896	MRK 15:1	Ascano shafa acuaino nocon yorahuunshon Dios cufimisi niaifofo yafi Moisés cununi cuscan tapimamisifo Dios fu tsainti pushu cushumisifo fu ichanancashon shinanpainifo, —¿Ahuuscashomain non Jesús rutumaicai? Nan Pilato Romanonfoan aton niaifon ahuun mai arishon nocoqui nichini nocon niaifo inon. Non Pilato ano Jesús iyoicanon, —icashu yoinannifo. Ascatan munushcashon Pilato ano iyonifo.
24901	MRK 15:6	Ascatan aton fuusititian faritifi cunu muran iquiafo fusti ato caimapaoni. —¿Ratocai man caimapaimun? —ishon Pilato fuusititian ato faritifi yocapaoni.
24902	MRK 15:7	Nantianri nocofunu Barrabás cunu muran ini. Nanton yorafo shinanchacamani. —Romanonfoan aton niaifofo non potanon, —ato huani. Fasi ato mucumati huapaoni. Asca yora ichapafoan Romanon niaifo potapainifo. Nantianri Barrabás yora rutuni. Ascaiton ranushumuafoan cunu muran iquimanifo.
24911	MRK 15:16	Ranushumua Romanonfoanfin Jesús iyonifoquin. Niaifoan ahuun pushu chaimashta. Nannofin ranushumuafoan aton pushurasi iniquin. Nanno iyonifo. Ascashon niaifo cushumisifo ranushumuafoan ato chifi cunanifo oin funonfo.
24916	MRK 15:21	Jesús iyocaquin oianfo pushurasi patasharifo nocofunu Simón oaiton fuchishon ato finonfoanpaiyaiton ranushumuafoan achishon yoini, —Minfin ahuun ihui coyan iquinan foicaicain —ishon ranushumuafoan iyamafaini. Nan Simón Cirene mai anoashu oa iniquin. Ahuun facu rafu Alejandro yafi Rufo.
24921	MRK 15:26	Man mastacashon amanaonri ihui coyan iquinanqui cununifo isca huaquin, ISRAELIFOAN ATON NIAIFOCOINQUIN ishon amanaonri cununi.
24941	MRK 15:46	Ascatan José pano oshopa sharacoin fiini. Fiitan a mastafo ihui coyan iquinanmaquinoa Jesús ahuun caya fotomapacufoan ahuun yoratishon nan pano oshopa sharacoinchi raconi. Racoshon toquiri mahua quini muran mai huani. Mai huashon toquirininhuanun fuponifo.
24948	MRK 16:6	Ascaiton ato yoini, —Ratuyamacahuun. Man Jesús funicainaquin. Man funai Jesuscai nunoma. Mastafiaitafo man funiaquin. Na quini muran raca iquitano. Oin fucapon.
24950	MRK 16:8	Nicafaini nan ainfo rafu non fusti mahua quini murannoashu ichonifo. Ichoainfoancai icoinra huaquin rashquinifoma. Ratufaini focaquin rama oianfo cuscan tsoa yoinifoma.
24958	MRK 16:16	Ratoran futsanfoan uhuun tsain shara icoinra huatan unu muran iquimamuashu ufu Upa Dios icano nipatiroquin. Ascafia ratoran futsafoan nan tsain shara uhuunoa icoinra huayamashu ahuun chaca ahuun nupacunaca. Ascashufin omitsiscapanaca muran fotirofoquin.
24975	LUK 1:13	Ascafiaiton Diosin oinmatinin afu nai muran icaton yoini isca huaquin, —Ratuyamahuu, Zacarías. Min cufiainton Diosin man mia nica. Min ahuin Isabel chipo furonanfacu nanushquin. Ascan caincun min anuquin Juanran min huashquin.
24991	LUK 1:29	Ascaiton nicaquin María ahuun nomuran shinanpaini, —¿Raquiri ua yoipaimun? —ishon shinanni.
25004	LUK 1:42	Ascaino oi ashcafinin Isabel ahuun raru María yoini isca huaquin, —¡Aicho! Rato ainfo futsacai mia acai cuscan Diosin catoanma. Fasi mia shara huacoinna. Min facu chipo cainyano Apa Diosin aqui unimacoinqui a cushusharashquin.
25015	LUK 1:53	Ratoran futsa ahuuomafo foni cuscarafo fasi Diosihuunoa tapipai tanasharashcaquin. Nanscarafo Diosin ato cushusharatiro. Ascashon ahuara yopai cuscan ato inansharafain a tanasharaifoanri ato unimamashquin. Ascashon ahuara ichapa ayafofiashu Diosihuunoa shinanyamaifo copiquirifi ato ahuara inainma. Man mafo ichapayafiashu ato nomuran shinansharayamafain tsoa unimamisima.
25023	LUK 1:61	Cumanifo, —Ma. Rato min yorafoan ahuun anucai Juanmaran, —ishon yoinifo.
25043	LUK 2:1	Nan Juan caiyaintianri Romanonfoan aton niaifoan ahuun anu Cesar Augusto. Nanton ahuun yorafo yononi maitio ato tanan huashon aton anufo cununonfo ahuuti yoramainquin tapipaiquin.
25052	LUK 2:10	Ascaifoan ato yoini, —Ratuyamacahuun. Un mato tsain fasi sharacoin yoiyoaquin. Nicai man unimaino manifoti anoafori unimanonfo.
25095	LUK 3:1	Nantianri Tiberio Romanonfoan aton niaifocoin ini. Quince fari niaifoyoni. Nantifiton aton niaifocoin. Ascano rafu non rafuri niaifo patasharinoa nannori afu ipaonifo. Futsan ahuun anu Poncio Pilato nan Judea mai anoafoan aton niaifo. Galilea mai anoafoan aton niaifo Herodes ipaoni. Chipocu Felipe Iturea yafi Traconite anoafoan aton niaifo ipaoni. Abilinia anoafoan aton niaifo Lisanias ipaoni.
25121	LUK 3:27	Judá ahuun apa Joanán. Joanán ahuun apa Resa. Resa ahuun apa Zorobabel. Zorobabel ahuun apa Salatiel. Salatiel ahuun apa Neri.
25129	LUK 3:35	Nacor ahuun apa Serug. Serug ahuun apa Ragau. Ragau ahuun apa Peleg. Peleg ahuun apa Heber. Heber ahuun apa Sala.
25184	LUK 5:8	Nan Simón Pedro futan nushumisi rafu Santiago yafi Juan Zebedeo facu rafu inifo. Nan rafu non fustifain nushumisicoinfo. Ascaiton ato futan nushumisi futsafoanri shasho rafu fospicoian oincani mustairicatan yoinifo. —¡Oincapon! ¿Ahuuscashomun shiman ichaparasi fiafoquin? —icashu atoqui yoinannifo. Ascaiton oin Pedronun shasho naquishon Jesús ratoconun mai chachishon yoini, —¡Ohua! Ifon ufin nocofunu chacaquin. Asca minfin sharacoinquin. Chaca yafi sharacai ositiroma. Ascacun umaquinoashu catapun, —Pedronun huaiton. Jesús cumaquin, —Ratuyamahuu. Min shafatifi nushumisifiashon natian min uhuun Yoshin Sharahuunshon uqui yorafo ihuushqui ua icoinra huanonfo, —ishon Jesús Pedro yoini.
25203	LUK 5:27	Nanscacaini caaquin Jesús oian Roma anoa niaifo pui fishomisi tsaoa ini. Nan nocofunun ahuun anu Leví. Ascaiton Jesús yoini, —U fu cahuun, —huaino.
25205	LUK 5:29	Ascashu afu cai ahuun pushu ano nocoquin Leví Jesús yoini, —Nuno uhuun pushu muran iqui ohuu. Uhuun yorafo yoimanashu un ato futan mia fuusishonon, —huani. Ascaino yorahuanrasi aqui funifo. Roma anoa niaifo pui fishomisifo yafi futsaforifi aqui funifo ato futan pishcaquin.
25230	LUK 6:15	Mateo non Tomás non Santiago Alfeopan facu Simón futsari nanton ahuun caifo futsafo futan Romanonfo potapai afanan Israelifo yonononfoma.
25268	LUK 7:4	Ascano ato yonoa focani Jesusqui nocoshon yoinifo isca huaquin, —Ranushumua niaifoan noco yonoa non mia yoi onon. Nan nocofunu shara. Nocon caifohuuri fasi noimisi. Nanton nocon ichananti pushu huamashona. Noco shara huashomisi. Ascacun mirifi asharashoicapun ahuun oinmati caya huashoshquin, —ishon Israeli niaifofoan yoinifo.
25270	LUK 7:6	Ascano Jesús atofu cani. Ranushumua niaifoan ahuun pushu chaimashta man fuaifoan afanan ahuun yorahuafo Jesusqui nichini yoiqui isca huanonfo, —Ifon, un mia fucash huapaima. Un cai ahuama. Min nocofunu tsoa cuscaramacoin. Uhuun pushu ari capaiyamaquin. Min tsainmansi uhuun oinmati ua caya huashohuun.
25280	LUK 7:16	Ascaiton oincani yorafo fasi ratucoinnifo. Ratu nishmapacuquin Dios yoisharaqui isca huanifo, —Diosin tsain yoimisi noco muran Diosin nichian. Diosin ahuun yorafo ashoin oaran, —ishon yoinifo.
25293	LUK 7:29	Ascashon nan Jesús nicaifo futan Roma anoa niaifo pui fishomisifo Juanpan ato unu muran iquimapacuni aton chaca shatunonfo. Ascano nanfoan Jesús yoiaiton nicaquin yoinifo, —Jesús noco cayacaficoin yoi. Diosin noco yonoa cuscan nan iconran, —ishon yoinifo.
25297	LUK 7:33	Nanscarifi aqui nanfoanrifi Juan yafi uqui tsain chipufafainmisi. Ascafia Juanpacai piqui tunufain fimi unu pau ayamisima. Ascacun ahuunoa yoiqui isca huamisifo, “Juan nisocoin. Yoshin chaca ahuun nuaran,” ishon yoimisifo. Asca unfin piisharafain un ayasharamisiquin. Ascafia uhuunoari yoiqui isca huamisifo, “¡Cuu! Jesús pitsicoin fasi ichapari ayatiroran huafain Roma anoa niaifo puifishomisifo yafi yora chacafo furi rafuiran,” ishon uhuunoa chaca yoimisi.
25360	LUK 8:46	Afanan ato yoini, —Ratoran futsan man ua mua. Uhuun curushhuunoashu nan ratoran man cayaran, —ishon.
25364	LUK 8:50	Ascaiton nicaquin Jesús yoini, —Ratuyamahuu. Min ua icoinra huaino min facu cayaiquin, —ishon yoini.
25451	LUK 10:19	Ascano un mato yonoainocai uhuunshon mato ahuaraton ahuusca huatiroma. Rono paupan futan inapapiaton mato ahuusca huanonma un mato cushutiro. Ascashon nan Satanás noco noicasmamisi uhuunshon man finoncointiro mato ahuusca huanonma.
25458	LUK 10:26	Jesús cumani, —¿Raquiri Moisés cununimun? —ishon yoiaiton.
25482	LUK 11:8	Ma. Ascacai huatiroma. ¿Raquiri huatiromun? Un mato yoi. Ahuun yorahuaton inanyamai shafai fasi manariaiton inanyamacuatan inantiro. Funinaca huatan nan yoca cuscan inantiro.
25555	LUK 12:27	Ascashon shinanquiri isca huayamacahuun, “¡Ohuashta! Raniamun un sahuuti finanti sahuushqui,” ishon shinanyamacahuun. ¡Shinancapon! Salomón sahuuti sharashtacoin sahuufiapaonicai nan charo sharashtacoinfo cuscarama. Charofoancai yonoyamafain sahuuti icushuima.
25594	LUK 13:7	Ascacun nan mau ifoan ahuun mau cushumisi yoini, “Rafu non fusti fari na huiguera fimiataima. Un ahuun fimi fipaifiaino fimiama. Ascan natian rurahuu. Non ahuara futsa nanno fananon,” ishon yoiaiton.
25627	LUK 14:5	Ascashon Jesús ato yocani, —¿Rato man futsamun tunutitian maton facu futsa iyamarai maton moi mai quini muran pacucun man ihuirisca huatiromaquin? —ishon ato yocaino.