23251	MAT 2:13	Man fishihuunoa tapicoianfo atomaquinoashu foafono Diospan oinmatinin afu nai muran imisi José ahuun namapan yoiquin isca huani, —Funinaca huahuun. Nan facu yafi ahua Egipto ano iyoriscatahuun. Ascashu nanri iyohuu nan un mia afanan yoiaitian. Nan Herodes facu funaiqui rutushquin, —ishon Diospan oinmatinin José yoini.
23252	MAT 2:14	Asca huaino moinacahuatan facu ahua futan yamu Egipto ano ichoquinifo.
23253	MAT 2:15	Ascashu nanno iyopaonifo nan Herodes naitian. Ascacun Diosihuunshon inonpacoai yoimisiton cunushoni isca huaquin, “Unfin uhuun facu Egipto anoa afanan yoimanicain,” ishon yoini cuscacoin man aaquin.
23299	MAT 4:21	Ascashu chaimashta catan Zebedeo facu rafuri fuchini. Nan rafuri nanu rafu Santiago yafi Juan. Nan rafutan apa futan shasho naquishon nushuti icushaifoan atori yoini, —Ufu fucahuun, —ato huaino.
23488	MAT 10:2	Nonfin doce iniquin. Nocon anufo un mato yoi. Futsa Simonfiacun ahuun anu futsa Jesús tuqui huani Pedro. Nanton chipocu Andrés. Futsafoan aton anu Santiago non Juan. Nan rafu Zebedeopan facu. Futsafoan Felipe non Bartolomé un Mateo non Tomás non Santiago Alfeopan facu non Simón futsari nanton ahuun caifo futsafo futan Romanonfo potapai afanan Israelifo yonononfoma. Futsan ahuun anu Judas Santiago facu futsarifi Judas Iscariote nanton Jesús potashon ato achimani. Nocofosi Jesús noco catonni non ahuun rafumisi inon non ahuunshon tsain tapishquin.
23559	MAT 12:1	Ascatan Israelifoan aton tunutitian Jesús yafi afu rafumisifo mau mamaqui focaquin trigo mutuscashon fonaincoincaquin piyaifoan.
23560	MAT 12:2	Oincaquin Fariseofoan Jesús yoinifo, —¿Ahuuscai nocon shuni Moisés yononi cuscacai minhuunshon tapimisifoan nicapaicanimamun? Tunutitian trigo mutuscaniran, —huaifoan.
23644	MAT 13:36	Ascatan yorahuanrasi anoashu cai pushu muran iquini. Ascano non afu rafuafo aqui caashon non yocani, —Ifon, min trigo muran faasi foaitirohuunoa yoia cuscacai non tapiama. Shafacafi noco yoihuu non tapisharanon, —ishon non yocani.
23663	MAT 13:55	Nanfin ihui sapa yonomisiton ahuun facuquin. Ahuun ahuan Maria. Ahuun ushtofori Santiago yafi José non Simón non Judas.
23741	MAT 15:39	Ascatan Jesús nantifi yorahuanrasi nichitan. Noco nanuquifaini cai mai futsa ahuun anu Magadán ano no cani.
23742	MAT 16:1	Ascashu Magadán ano man non nocoano Fariseofo yafi Saduceofori Jesusqui funifo. Ascano fucashon yocanifo. —Minmain Diospan facucoinquin nan Diosin nai aria icahuunshon tsoa atiroma cuscan noco ismahuu non mia icoinra huanon, —ishon yoinifo. Ahuunoa ahuara chaca ato niaifofo yoipaicaquin.
23770	MAT 17:1	Ascano man seis osha finontan Jesús Pedro non Juan non Santiagori machi cuya pochininshon ato iyoni.
23881	MAT 20:20	Ascano Zebedeo ahuun facu rafu Juan yafi Santiago ahuan ato Jesusqui iyoni. Ascatan aqui nocoshon ahuan Jesús ratoconun mai chachishoni. Ahuara futsa yocapaiquin.
23896	MAT 21:1	Ascatan non Jesús fu cai Jerusalén chaima non noconi. Nan chaimari pushurasi futsa ahuun anu Betfagé machi Olivo tunanman ini. Nanno nocoti chaima Jesús afu rafuafo rafu pushurasi Betfagé ano ato nichini.
23914	MAT 21:19	Ascashu caquin oian fai cusumunri fana higuera fuchini. Ahuun fimi pipaifia ahuun puifosi ini. Ascacun nan fana Jesús yoiqui isca huani, —Afanancai min fiminacamaran, —ishon yoini. Yoiquin asca huaino fana tsasisiriscatani.
24058	MAT 24:32	Ascacun un mato fana huiguerahuunoa ahuara futsa yoinon. Ua nicasharacahuun. Huiguera pui risquisi futsuaiton man tapitiro faritian itiro cuscan.
24125	MAT 26:2	—Man man tapian nocon fusiti shafa man nococuana. [Diosin ahuun oinmati nan afu ica yonoa Egipciofoan aton furun iyoafofosi rutuqui futsani. Ascafiaquicai nocon shunifoan aton furun iyoafofo finonmani ato rutuquima.] Nan non shinanmisi nocon fusiti osha rafutan iqui. Ascan nantianri ua ato achimacani ua mastanonfo, —ishon Jesús noco yoini.
24160	MAT 26:37	Ascatan Pedro yafi Zebedeo ahuun facu rafu Santiago yafi Juan nan rafu non fusti ato iyoni. Nan fasi omitsiscai tauai cuscan shinain fasi ahuun nomuran isicoinni.
24231	MAT 27:33	Gólgota ano fonifo. Gólgota yoia mapo shao.
24253	MAT 27:55	Ascaiton nannoshon ainfo ichapafoan chaicushon oinnifo. Nan María Magdalena non María futsa nan Santiago futan José ahua non Zebedeo facufoan aton ahuari. Nantifi nan ainfofo Galilea anoashu Jesús fu foanfafainmisifoan nan apaiyaifo cuscan ato huashomisifo.
24259	MAT 27:61	Nannoshori María Magdalena futan María futsan tsaoshon oinnifo.
24265	MAT 28:1	Ascano Israelifoan noco tunutitian nan Domingo anaitia iyoconaino nan maia ano oin focani fonifo.
24303	MRK 1:19	Jesús chaimashta catan Zebedeo facu rafu fuchini. Nan nanu rafutan Santiago futan Juanpan shasho naquishon nushuti icushnifoquin.
24313	MRK 1:29	Ascacaini Judiofoan ichananti pushu murannoashu Santiago yafi Juan fu focani Simón futan Andrés pushu ano noconifo.
24352	MRK 2:23	Ascatan Israelifoan aton tunutitian Jesús yafi ahuunshon tapimisifo mau mapai fucaquin trigo mutuscashon fonicoincaquin piainfoan.
24353	MRK 2:24	Fariseofoan oincaquin Jesús yoinifo, —¡Oincapon! ¿Ahuuscain nocon shuni Moisés yononi cuscacai man aima? Tunutitian trigo man mutuscaniran, —huaifoan.
24374	MRK 3:17	Futsafo Zebedeo facu rafu Santiago yafi Juan. Aton anu tuqui huani Moanurquisi, onicoinnin tsainmanfin nocofunufo curushcoin nan turuica cuscara.
24375	MRK 3:18	Futsanfoan aton anu Andrés non Felipe non Bartolomé non Mateo non Tomás non Alfeopan facu Santiago non Tadeo non Simón futsan nanton fasi Diosin tsain tanasharacoinpaiyaino.
24470	MRK 5:37	Ascano Jesús yorahuanrasi nichitan, —Pedro non Juan non Santiago non atiri ufu fucahuun, —ato huani.
24479	MRK 6:3	Nanfin ihui yonomisiquin. María facu. Chipocufo Santiago non José non Judas non Simón. Ahuun poifori nuno no fu imisifo. Nonfin Jesús onanquin. Aacai ahuama. ¿Ahuuscashomun ahuamamishti huatiroquin? —icashu yoinannifo. Nannori shinancashon aqui shinanchacanifo. Acai cuscarocon huacani. Afanan Jesús nicapainifoma.
24609	MRK 9:2	Asca huatan seis osha finontan Jesús Pedro non Santiago non Juanri machi cuya pochinin iyoni. Nanfo fusti nanno ini. Nannoashu aton ointaifi Jesús ahuun caya mumacoin sahuutifoya fianananriscatanaino ahuun sahuuti oshopacoin chashacoinni yoa rama furoamua ointsa iriscatani. Tsoacai sahuuti ya ascatiroma.
24612	MRK 9:5	Ascaiton Pedron yoini, —Tapimamisiton, nuno non isharatiro. Non pushu facu rafu non fusti mato huashotiro. Mina futsa non Moisésna futsa non Elisna futsa. Santiago futan Juanpan non mato ashotiroran, —ishon Pedron yoini.
24692	MRK 10:35	Ascano Zebedeo facu rafutan Santiago futan Juanpan oinomashta Jesús yoinifo, —Tapimamisiton, non mia yocain cuscan noco ashopun, —huanifo.
24698	MRK 10:41	Santiago futan Juanpan ato finonpaiyaiton Jesús naqui huashu tsaopainifo afu rafumisi diez futsafoan nicacanashu atoqui sinanifo.
24710	MRK 11:1	Ascatan Jesús fu focani Jerusalén chaima noconifo. Nannori chaima pushurasi futsan ahuun anu Betfagé. Nan pushurasi rafu machi cuya ahuun anu Olivo ano inifo. Noco cuatan Jesús afu rafuafo rafu ano ato nichini.
24722	MRK 11:13	Oian chaima fana ahuun anu higuera nia fuchini. Fuchishon ahuun fimi apaiquin oian ahuun puifosi. Fimiama ini. Fimitiataima.
24729	MRK 11:20	Ascano iyoco futsaino afanan nasoquin fana higuera fuchitoshinifo. Man tsasi futsua. Ahuun tapofori man naa.
24730	MRK 11:21	Oinquin Jesús higuera yoita cuscan Pedronun shinanquin yoini, —Tapimamisiton, oinpon. Na fana higuera min yoitan cuscan man tsasiaran, —ishon yoiaiton.
24789	MRK 13:3	Ascano machi ahuun anu Olivo ano mapufaintan Jesús tsaoni nanno ishon Dios fu tsainti pushu ointiro ini. Tsoa futsacai ano inima Pedro non Santiago non Juan non Andrés non afo aqui funifo.
24824	MRK 14:1	Ascano Jesús ato yoini natianri fusiti shafa nococuanaino. Nannoshon misi farashati maisi piinifo. [Nan fusiti Israelifoan Egipto mai anoashu fonifo shinantacani. Nantianri Egipciofoan aton facu furonanfacu iyoafofosi Diosin namaquin cuyoiquin. Israelifo ato muran ipaonifiacanashu Egipciofoan aton facufo namafiaquin Israelifoan aton facufo finonmani. Ascan faritifi ichanancashon Upa Diosin aton shunifoan aton facufo finonmani nanonfoma shinantacani. Ascan nan fuusiti anumisifo nocon shunifoan aton facufo finonmaniran.] Nantianri nocon yorafohuunshon Dios cufimisi niaifofoan Moisés cununi cuscan tapimamisifo futan ichanancashon isca huaquin yoinifo, —¿Ahuuscashomun non Jesús rutumatiroquin? ¿Ahua chacamain ahuunoa non yoiqui rutumashquin? Natian fusimuainocai non achimatiroma. Yorafo fasi sinacani mucatirofo, —icashu yoinannifo. Jesús onushta rutumapaicani.
24856	MRK 14:33	Ascano Pedro non Santiago non Juan non afo ato iyoni. Fasi shinanquin ahuun nomuran omitsiscai tauai.
24917	MRK 15:22	Gólgota ano Jesús iyonifo. Gólgota onicoinnin tsainmanfin mapo shao.
24935	MRK 15:40	Nannoshori ainfofoan chai mapo casho oinnifo. Futsan María Magdalena non María futsan Santiago non José aton ahua non Salomé.
24942	MRK 15:47	Mai huaifono María Magdalena futan María futsan José futsan ahuan nannoshon oinnifo.
24943	MRK 16:1	Ascano Israelifoan aton tunutitian cuyoano María Magdalena non María futsan Santiago ahuan non Salomé non afoan ininti sharashta finifo Jesús ahuun cayaqui ocashcaquin.
24944	MRK 16:2	Ascano iyoconaino nan Domingoai shafatan funamarishta ainfo rafu non fusti Jesús mai ano fonifo yoinanfonifo, —¿Nocomain tsoa toquirininhuan quini fupushonan? —icashu ainfo rafu non fusti yoinannifo.
24951	MRK 16:9	Ascano Jesús Domingo funamanrishta funini. Funiashu María Magdalenaqui nocoi tauni. Jesús naataima Mariamaquinoa yoshin chaca siete potani.
25043	LUK 2:1	Nan Juan caiyaintianri Romanonfoan aton niaifoan ahuun anu Cesar Augusto. Nanton ahuun yorafo yononi maitio ato tanan huashon aton anufo cununonfo ahuuti yoramainquin tapipaiquin.
25119	LUK 3:25	José ahuun apa Matat. Matat ahuun apa Amós. Amós ahuun apa Nahúm. Nahúm ahuun apa Esli. Esli ahuun apa Nagai.
25120	LUK 3:26	Nagai ahuun apa Maat. Maat ahuun apa Matatías. Matatías ahuun apa Semei. Semei ahuun apa Josec. Josec ahuun apa Judá.
25129	LUK 3:35	Nacor ahuun apa Serug. Serug ahuun apa Ragau. Ragau ahuun apa Peleg. Peleg ahuun apa Heber. Heber ahuun apa Sala.
25184	LUK 5:8	Nan Simón Pedro futan nushumisi rafu Santiago yafi Juan Zebedeo facu rafu inifo. Nan rafu non fustifain nushumisicoinfo. Ascaiton ato futan nushumisi futsafoanri shasho rafu fospicoian oincani mustairicatan yoinifo. —¡Oincapon! ¿Ahuuscashomun shiman ichaparasi fiafoquin? —icashu atoqui yoinannifo. Ascaiton oin Pedronun shasho naquishon Jesús ratoconun mai chachishon yoini, —¡Ohua! Ifon ufin nocofunu chacaquin. Asca minfin sharacoinquin. Chaca yafi sharacai ositiroma. Ascacun umaquinoashu catapun, —Pedronun huaiton. Jesús cumaquin, —Ratuyamahuu. Min shafatifi nushumisifiashon natian min uhuun Yoshin Sharahuunshon uqui yorafo ihuushqui ua icoinra huanonfo, —ishon Jesús Pedro yoini.
25216	LUK 6:1	Ascatan Israelifoan tunutitian Jesús yafi afu rafuafo mau mapai focaquin trigo mutuscashon rashoquiri ashon piyaifoan.
25217	LUK 6:2	Oinquin Fariseofoan ato yoinifo —¿Ahuuscai Moisés noco yononi cuscan tunutitian trigo man mutusimun? —ato huaifoan.
25229	LUK 6:14	Nan docefain ato anufo. Futsa Simonfiacun Jesús ahuun anu tuquihuashoqui, Pedroran, huani. Nanton chipocu Andrés. Futsafoan ato anu Santiago non Juan non Felipe non Bartolomé non
25230	LUK 6:15	Mateo non Tomás non Santiago Alfeopan facu Simón futsari nanton ahuun caifo futsafo futan Romanonfo potapai afanan Israelifo yonononfoma.
25231	LUK 6:16	Futsan ahuun anuri Judas, Santiago ahuun facu. Futsarifi Judas Iscariote nanton Jesús potashon ato achimani. Nanfosi Jesús ato catonni.
25316	LUK 8:2	Ascaino ainfofori afu fonifo. Nanfo isinincai yoshin chaca atohuun nuucun Jesús ato caya huapaoni. Nan futsan ahuun anu María Magdalena. Nanhuun siete yoshin chacafo ahuun nuucun Jesús amaquinoa potani.
25365	LUK 8:51	Ascatan pushu ano nocoshon Jesús yoini, —Pedro yafi Juan non Santiago non facun ahuun apa non ahuari marusu ufu pushu muran iquicahuun, —ato huani.
25398	LUK 9:28	Ascashu ocho osha finontan Jesús Pedro non Juan non Santiago nan rafu non fusti ato machi ano iyoni. Apa Dios cufi caquin.
25424	LUK 9:54	Ato asca huaifoan nicashon afu rafuafo rafu Santiago futan Juanpan Jesús yoinifo, —¿Ifon, min noco yonopaimun atohuunshon non Upa Diosin cufinon nan pushurasi nai muranshon chii atoqui pota nai cuyononfo? —ishon yoiaifoan.
25593	LUK 13:6	Ascashon ahuara futsahuunoa ato yoiquin ato tapimanon isca huani, —Nocofunun ahuun mau mamaqui fimi fanani ahuun anu huiguera. Ascan chipo fimimisitian fii capaiquin oian fimiama ini.
25594	LUK 13:7	Ascacun nan mau ifoan ahuun mau cushumisi yoini, “Rafu non fusti fari na huiguera fimiataima. Un ahuun fimi fipaifiaino fimiama. Ascan natian rurahuu. Non ahuara futsa nanno fananon,” ishon yoiaiton.
25695	LUK 16:6	“Ocho cientos galones de shuni un nifiaran,” huaiton. “Min papio futsaqui ahuu. Cuatro cientos galones de shuni cunuhuu,” ishon niaifoan ahuun oinmatinin futsa yoini.
25696	LUK 16:7	Ascaino nan nifian futsari aqui ocun yocani, “¿Uhuun niaifo ahuuti min nifiamun?” ishon yocaiton. “Cien forusa trigo un nifiaran,” huaiton. “Min papio futsaqui ahuu. Ochenta forusa un nifiaran, ishon cunuhuu,” huani.
25829	LUK 19:29	Machi ahuun anu Olivo tunanman pushurasi rafu Betfagé yafi Betania ini. Nanno chaima noconifo. Nocoshon afu rafua rafu nichini.
25924	LUK 21:29	Ascashon afanan ato yoiqui isca huani, —Nan fana higuera yafi nii futsafohuunoari shinancahuun. Nanhuunshon mato ahuara futsa tapimanon.
26070	LUK 24:10	Nanfofin María Magdalena non Juana non Santiago ahua María non ainfo futsafori nanfo atoqui chanitoshinifo.
26161	JHN 1:48	Nicatan Natanael cumani, —¿Ahuuscashomun ua oinyamafiamisishaquin min ua onantiroquin? —ishon yocaiton. —Felipe mia cunataima un anoyamafiashon ihui huiguera namannoa un mia oian, —Jesús huaiton.
26163	JHN 1:50	Jesús cumani, —Min fimi huiguera ihui naman raca. Un ano yamafiashon un mia oian. Un anori mia yoiaiton mian icoinra huaa. Min ahuara shara finacaia min oinshquin.
26170	JHN 2:6	Nanno mai cutimahuan seis funupafo chaimashta tsaonifo. Fasi funupafo bidóntirofo. Treinta galones a muran iquitiro. Nocon caifo Israelifoan aton muchoquimuti anoashu muchoquimui futsunifo. Shinanpaoni, —Non iscain muchoquimuaino Upa Dios nocoqui unimatiroran, —ishon shinanpaonifo. Nocon shunifoan nannori noco yonopaoni.
26911	JHN 19:17	Ascano iyoaifoanno afincoin ihui coyan iquinan iyashon foni. Anoshon mastaifoanno noconi. Nanno ahuun anu mapo shaoran huanifo. Israelifoan tsainmanfin Gólgotaran huapaonifoquin.
26914	JHN 19:20	Jerusalén anoashu mani futsafo ya osiafo ichapacoin inifo. Jesús nanno chaimashtashon mastanifo. Ascanofin Pilatonun aton tsain futsa futsatapafo ato cunumani isca huaquin, —Jesús Israelifoan aton niaiforan —ishon tapinonfo. Nocon tsain cunufain Griegofoan aton tsainri cunufain Romanonfoan aton tsainri cununi.
26919	JHN 19:25	Jesús mastafo chaimashta ahua non ahuun achin nan Cleofaspan ahuin non María Magdalena non afo nanno chaimashta ninifo.
26937	JHN 20:1	Ascano Domingoaino shafataimashta María Magdalena Jesús maia mahua quini ano cani. Caquin oian mahua quini ahuun fupoitan man fupucua ini. Nan toquirininhuan man fupucua ini.
27005	ACT 1:13	Nococatan pushu osa futsa fomancayan inacashon Upa Dios cufinifo. Nanno Pedro non Jacob non Juan non Andrés non Felipe non Tomás non Bartolomé non Mateo non Jacob futsa Alfeopan facu non Simón nanton ahuun caifo futan Romanonfo cachiquiri huapainifo, non Judas Santiagon facu non Jesús chipocufo non ahua María non ainfo futsafori nanno inifo. Ichanancashon shafa rananun Dios cufinifo.
27028	ACT 2:10	Atirifi Frigia anoashu caiyainfono, atirifi Panfilia anoashu caiyainfono, atirifi Egipto anoashu caiyainfono, atirifi Africa nan Cirene orima futsa anoashu caiyainfono, atirifi Roma anoashu caiyainfono, atirifi Israelifo yafi mani futsafoan Diosin tanapainifo.
27171	ACT 6:1	Ato yosiainfoanno yora ichapafoan icoinra huacashon Jesús tanamisicoinfo inifo. Yora ichapafoan icoinra huariapaonifo. Nantianri nanno Israelifo Griego tsainman inifo. Shoco futsafo Israeli tsainmansi inifo. Nan Griego tsain yoimisifoan tsain chipunifo. —Nocon caifo aton tsain fusti yoimisifoan shafatifi tushu pashcanan huacashon aton ainfo funuomafo inain cuscacai nocon ainfo funuomafo atori ati inanmaran, —ishon tsain chipunifo.
27194	ACT 7:9	Nocon shunifoan aton ushto José noicasmacaquin yora futsa inannifo ahuun rafanan pui fishcaquin. Ascan José Egipto ano iyonifo nanno aton yonomisi inon. Asca huafiainfoan Upa Diosin José potanima. A fu imisi.
27195	ACT 7:10	José omitsiscafiaiton Upa Diosin numani ahuun nomuran shinansharamani. Ascano Egipcio niaifoan Faraón fasi José fuchipaipaoni. “Min niaifo patashari itiro. Nantifi uhuun yorafo non uhuun caifo min ato nantifi yonotiroran,” ishon Egipcio niaifoan José yoini.
27196	ACT 7:11	Asca huatan nantifi Egipto anoafo non Canaán anoafori fonicoin omitsiscapaonifo. Nocon shunifo tushuoma inifo.
27197	ACT 7:12	Nantianri nocon shuni anifoshta Jacob arifi tushu yamaino nica Egipto anoafo man shuqui ichapa ya inifo. Asca ahuun facufo nanfo nocon shunifo nichini Egipto ano shuqui finonfo.
27198	ACT 7:13	Asca huatan chipo afanan Egipto ano fonifo tushu ficani. Nantianri José ahuun ochifo futan chipocuton onannifoma. Onainyamafiaifoan “Uquian, José un maton ushto,” ishon ato yoini. Ascatan Egipciofo aton niaifo Faraón arifi José ahuun yorafohuunoa nicani.
27200	ACT 7:15	Ascatan Jacob yafi ahuun yorafori Egipto ano fonifo. Nannoashu nocon shunifo ya nai cuyonifo.
27202	ACT 7:17	Ascan Upa Diosin Abraham yoiyoni cuscan ato Egipto anoashu cainti chaima. Nantianri nocon shunifo Egipto ano fasin ichapacoin ini.
27203	ACT 7:18	Nantianri Egipciofoan aton niaifo funapacai nocon shuni Joséhuunoa nicayomisima.
27205	ACT 7:20	Nantianri nocon shuni Moisés cainni. Caianshu rato facu futsacai a cuscarama. Upa Diosin aqui unimai. Oshu rafu non fusti apa yafi ahua pushu muran onunifo Egipciofoan fuchinonfoma.
27207	ACT 7:22	Ascatan Egipciofoan tapiafo cuscan Moisés yosinifo. Fasi ahuun mapo shara. Egipciofoan tapini cuscan arifi tapiniquin. Ahuun tsainri cayacafi shara. Niaifo sharapan atiro cuscan arifi asca huapaoni.