23451	MAT 9:3	Nicacani Moisés cununi cuscan tapimamisifoan aton nomuranshon shinanquin isca huanifo, —Ajaa. Natocai chaca soatiroma. Fasi Dios chaca huai. Diosin fustitofin chaca soatiroquin. Asca noco paraquin. “Un Diosiran,” noco huamapai, —ishon aton nomuranshon shinanchacanifo.
24336	MRK 2:7	—¡Ajaa! ¿Ahuuscain na nocofunun anori yoimun? Diosin fustitofin chaca soatiroquin. Nocofin fuparaniquin. “Un Diosiran,” ishon. Anori yoiquifin “Upa Diosin chaca huaiquin,” —ishon aton nomuran shinannifo.
24916	MRK 15:21	Jesús iyocaquin oianfo pushurasi patasharifo nocofunu Simón oaiton fuchishon ato finonfoanpaiyaiton ranushumuafoan achishon yoini, —Minfin ahuun ihui coyan iquinan foicaicain —ishon ranushumuafoan iyamafaini. Nan Simón Cirene mai anoashu oa iniquin. Ahuun facu rafu Alejandro yafi Rufo.
25197	LUK 5:21	Nicacani Fariseofo yafi Moisés yononi cuscan tapimamisifoan yoinifo, —¡Ajaa! ¿Na nocofunumun tsoaquin? Fasi Dios chaca huai. Natocai chaca soatiroma. Diosin fustitofin chaca soatiroquin. Ascan naton noco parapai. “Un Diosiran” noco huamapai, —ishon aton nomuranshon shinanchacanifo.
25512	LUK 11:38	Ascaiton oinquin Fariseon ahuun nomuran shinanni, —¡Ajaa! Nocon shunifoan noco tapimani cuscacai Jesús aimaran, —ishon shinanni.
25807	LUK 19:7	Ascaiton oincaquin yorahuanrasiton yoinifo, —¡Ajaa! ¡Oincapon! ¿Ahuuscaimun Jesús yora chacapan ahuun pushu ano caiquin? —icashu afi ranan yoinannifo.
26418	JHN 7:21	—Un nocofunu tunutitian caya huaiton man oinquin. Ascan “¡Ajaa! Ahuuscain Jesús tunutitian nocofunu caya huamamun,” ishon uhuunoa man yoia.
27097	ACT 4:6	Nannori aton yorafohuunshon Dios cufimisi niaifocoin Anás yafi Caifás non Juan futsa non Alejandro non aton yorafori nanno inifo.
27179	ACT 6:9	Ascano Israelifoan aton ichananti pushu futsa nanno ichananshon ato anunifo. —Apaiyai cuscan huatiroforan, —ishon atohuunoa yoimisifo. Nanfocai afanan oinmatifoma. Nanfoan aton mai Cirene anoashu non Alejandría anoashu non Cilicia anoashu non Asia anoafori. Nanfo Esteban fu fochismanantanannifo.
27437	ACT 13:6	Nannoashu nantifi nan mai natoroti ocuma rafu unu tapiano foanfafainnifo. Ascano pushurasi ahuun anu Pafos ano noconifo. Nanno Israeli shointian Barjesusran, ishon anuniquin. Inaca cuscan yoipaifiaquin icon yoinima.
27439	ACT 13:8	Ascafia Barjesús ahuun anu futsan Elimas nan shointian ahuun niaifoan Diosin tsain nicatima huani, —Niaifo Sergio Paulo, nan Bernabé yafi Saulo aton tsain nicayamahuu. Mia amaquiri yoitiroquin, —ishon yoini.
27452	ACT 13:21	Ascatan nocon shunifoan Samuel yoinifo, “Caifo futsa niaifo cuscara noco inanhuun,” huanifo. Ascano Diosin Cispan ahuun facu Saulo catonni aton niaifo inon. Aafin cuarenta fari Israelifoan aton niaifo ipaoniquin. Saulofin Benjamín ahuun funa iniquin.
27650	ACT 18:24	Israeli futsan Alejandría anoashu cainni ahuun anu Apolos. Nantianri Efeso ano oni. Diosin tsain fasi tapicoinni. Tsain fasi shafacafi yoimisi. Yorafoan nicapainifo.
27687	ACT 19:33	Israelifoan ahuun anu Alejandro fuchicashon putsiqui putsiqui anifo. —Ato yoihuu matsipacunonfo, —huanifo. Ascaifoan ato mushanshon inacahua ato yoini, —Pusiyamacahuun. Un mato cayacafi yoisharanon, —ishon Alejandron ato yoini.
27929	ACT 27:6	Nanno ranushumua niaifoan shashohuan fuchini. Alejandría anoashu shasho muran noconifo Italia ano focani. Ascano ranushumua niaifoan shashon ifo yocani. —Non shashohuan muran mifu Italia ano capai. ¿Min noco iyotiromamun? —huani.
27978	ACT 28:11	Oshu rafu non fusti finontan non afanan shashohuanun Malta anoashu cani. Shashohuan anunifo Rafanacaran ishon anunifo. Dios rafuran huashon shinannifo. Ascashon ato rafu anu futsanifo. Futsan ahuun anu Cástor huafain futsan ahuun anu Pólux. Ascan shashohuan rushtiquiri aton ointsa rami huani. Alejandría anoshon shashohuan onihuanifo. Oi pacutian Malta ano nan shashohuan iyoni. Nanuinifoan non unuhuanun non cani.
28278	ROM 11:1	Ascano un mato yocanon. ¿Upa Diosin ahuun yora Israelifo potapacunacamun? Ma. Anorima. Unrifi Israeliquin. Abraham non Benjamín uhuun shunifo.
28663	1CO 10:28	Ascafiashon ratoran futsafoan mato yoiquin isca huai, —Un na nami mia pimai ahuara ramihuacashon inanqui tau huafo. Un chipo fiaran, —ishon mato yoiaiton nan nami piyamacahuun. Ascashon piquin isca huaquin aton nomuran shinantiro, —¡Ajaa! Na nocofunun Jesús icoinra huafiashon ahuara ramihuacashon aton diosin nan nami inanqui tau huafo man piaran. Asca nanton Jesús tanasharamaran, —ishon ahuun nomuran shinantiro. Marifi man pishonraca ahuun nomuran shinan, —Mun chaca huaran, —ishon. Manfin tapiaquin nanfo non pitiro. Ascan futsafoancai tapiataicanima. Afoan shinanraca ascaquin non chaca huatiro.
29493	PHP 3:5	Un caintan ocho oshatan ua foshqui rupa shatunifo. Asca unfin Israelifoan caifoquin. Urifi un Benjamín nami. Uncai osiama. Unfin Israelicoinquin. Diosin Moisés yoini cuscan urifi un nicacoianquin. Ascatarifi unfin Fariseoquin.
29783	1TI 1:20	Noco yora rafu nanscara rafuquin. Himeneo yafi Alejandro un ato Satanás inan ato onaintimanon. Ascashon tapinonfo afanan noco Ifo Jesús chaca huanonfoma.
29822	1TI 4:8	Non ejercicio huaino noco caya non shara huatiro mutsisipa iishquin. Nanscarifiai non Dios cuscara ipaiquin ahuun tsain nocon nomuran non nanuaiton ahuun curushu noco inanshquin. Nancaifin shara finacoianquin. Natian noco shara huatiro. Ascashon non Jesusqui nocoaiton noco imasharapacunaca.
29951	2TI 4:14	Asca Alejandro nan ahuun cuno yonomisiton ua fasi chaca huaa cuscan Diosin nan onaintimashqui.
30839	REV 4:3	Nan nocon Ifo fasi sharashtacoin iscara un oian. Toquiri rafutan aton anu jaspe yafi cornalina nan rafu sharashtacoin faca facaitsa rafu. Nan jaspe oshoshara. Ascan cornalina oshin chushushara. Nanscarifiai nocon Ifo sharashtacoin faca facaitsa ointsa. Nahuan fai tonan shara cuscaraton a tsaoano tarati huaa.
30883	REV 7:5	Nocon shuni Israeli ahuun facufo doce furonanfacufo cainni. Iyoaton ahuun anu Judá. Judá cachiori Rubén. Rubén cachiori Gad. Gad cachiori Aser. Aser cachiori Neftalí. Neftalí cachiori Manasés. Manasés cachiori Simeón. Simeón cachiori Leví. Leví cachiori Isacar. Isacar cachiori Zabulón. Zabulón cachiori José. José cachiori chipo facucoin Benjamín. Nan doce fustirasi pashcanain futsuashu icafo. Ascan nan shoco futsafo anoashu caiafo aton funafo doce mil Diosin ato catonni.
31050	REV 17:6	Nan ainfon furoma cuscara Jesús icoinra huafo ichapa nan Jesús uhuun Iforan huamisifo ato rutumamisi un oian. Un na ainfo oin un mustairia. Un yoia, —¡Ajaa! Ascaran ainfon chaca un oinyomisimaran, —ishon un yoia.
31132	REV 21:10	Ascan Diospan Yoshin Sharapan ua iquinaiton Diospan nai oinmati ua machi uhuapa cuyacoin camaqui iyoa nantifi un oinnon. Jesús icoinra huafo nan Dios icanoafo aton chaca soashona nanfo nai murannoa Upa Dios icariashu fotoaifoan ua isma. Nan machi cuyacoin anoshon ua isma. Nanfo icano ahuun anu Jerusalén funa. A muran icafo Jesús tanasharamisifo. Upa Diosiri atofu ica. Nanno fasi faca facaitsa. Toquiri faca facaitsa cuscara. Fasi sharashtacoin. Nan toquiri ahuun anu jaspe tsosia shara toquiri futsan ahuun anu cristal. Faca facaitsa cuscara.
31140	REV 21:18	Jerusalén funa sharashtacoin. Ahuarafo amuran vidrio botica cuscara cushtocoin ocu rafu oinquin non nocotiro. Vidrio botica cuscarafiashu oro. Nanhuunoa Upa Dios onihua. Ahuun cunufo cuyacoin non cushtocoinri. Toquiri ahuun anu jaspe tonan shara ahuun cuno oshin shara faca facaitsaya osian. Toquiri sapa cushtocoin futsa futsatapafo doce putsamuinia camaqui nan cunu rafu non rafuri Upa Dios onihua. Toquiri sapa fasi chainipa cushtocoin futsa futsatapafo fusti tauhuaqui fuca. Ahuun anu jaspe. Nan jaspe tonan shara ahuun cuno oshin faca facaitsaya osian. A fuchi toquiri sapa futsa fasi chainipa cushtocoin ahuun anu zafiro. Nan zafiro tonan sharashtacoin. A fuchi toquiri sapa futsa fasi chainipa cushtocoin ahuun anu agata. Nan agata shonan sharashtacoin osian. A fuchi toquiri sapa futsan chainipa cushtocoin ahuun anu esmeralda shonan sharashtacoin. A fuchi toquiri sapa futsa chainipa cushtocoin ahuun anu onice oshin mapash sharashtacoin. A fuchi toquiri sapa futsa chainipa cushtocoin ahuun anu cornalina oshin sharashtacoin. A fuchi toquiri sapa futsan chainipa cushtocoin ahuun anu crisolito ahuun cuno oshin faca facaitsa cuscara sharashtacoin. A fuchi toquiri sapa futsan chainipa cushtocoin ahuun anu berilo shonan mapash sharashtacoin. A fuchi toquiri sapa futsan chainipa cushtocoin ahuun anu topacio chashna sharashtacoin. A fuchi toquiri sapa futsan chainipa cushtocoin ahuun anu crisoprasa shonan yafi chashna mapash osian sharashtacoin. A fuchi toquiri sapa futsan chainipa cushtocoin ahuun anu jacinto nanhuain ointsa mapash sharashtacoin. A fuchi ahuun unutaquin toquiri sapa futsan chainipa cushtocoin ahuun anu amatista nanhuain ointsa sharashtacoin. Nan toquiri sapa doce sharashtacoin a fuchi cunu Upa Diosin nimainifoanni.