23272	MAT 3:11	Adshumbic padpiden chuiquin Esusën nate chuipac caondash. —Nuquin Papa tantianuequid acten mentobanquin chuibanquid nebi. Padnuen con tsyuecquid choshon aidëntsen chuibanendac. Ëbi bëdiactsëc tantiaquid ictsëcnuc aidquien comapenen tantiaquidquio yec bëdamboshë iquendac. “Aidquio bëdamboshë icquid icnuc ¿atotsieshun icsaquidquiobi: ‘Aid choec,’ quequin chuiquidquio Nuquin Papan ëbi icmeposh?” quec tsadebi. Ëmbi chuiboed choshon: “Ëbi tantiaquid nec,” queshun aton Mayan menequin bëdamboec tabadte mibi tantiamendac. Abi tantiesaboen cuidendac.
23326	MAT 5:23	“Chieshëmënquid Nuquin Papan cuidtequid nendac,” quequin ëmbi chuisho tantiashun bëdamboen nata. Nuquin Papa tabadte shubu uashunaidën puduedash: “Ambi chiacpadomboen musuc menenu,” mibi quepec. Aden musuc menenumbi mimbi naid tantiata. “¿Ada ëbi chieshënquid icpec? ¿Ëmbi chieshëmeboedta icpec?” quequin tantiata.
23376	MAT 6:25	Adshumbic Esusën padpiden chuipondash. —Ëmbi aden chuisho tantiash dacuëdenda. “¿Atotsimbi pepe? ¿Atotsimbi acpe? ¿Atotsibi dasiuidpe?” quec dacuëdenda. Nuquin Papan nac unësabi mibi tabadeque. Aidëmbien petebëdta dasiuidte icmeque. “Con na nibëdtsiash,” quiash dacuëdec tabadenda.
23379	MAT 6:28	“¿Atotsibi dasiuidpeba?” ¿quecta mibi dacuëdec tabadpe? Tantia. Chuinu. “Cuëte bacuëec bëdamboshë isadtsec,” quepec nuquin matses. ¿Aton sedquidi shoyontsëcshun abi dasiuidte daëdcash dasiuidtsashta bëdamboshë isadpadic? Padenquio. Nuquin Papan uacpadquiobi iquec.
23382	MAT 6:31	Dacuëdec tabadenda. “¿Atotsimbi pepe? ¿Atotsimbi acpe? ¿Atotsibi dasiuidpe?” quec dacuëdenda.
23385	MAT 6:34	Ëbi adsho tantiash badiad utsi caic: “Aid badiadën ¿atotsimbi nape?” quec dacuëdenda. Aid badiadën Nuquin Papan ambi tantiacpadomboen mibi nametsiashe. Nëid ushëmbi: “Naden naimbi,” quequin tantiec tabadnuna dacuëdenquio yec —quequin chuipondash Esusën.
23401	MAT 7:16	“¿Mitsipadembimbi muaquid tantiapatsia?” ¿quecta ique? Ambi naid isun mua quequin mimbi tantiatsiac. Adembidi Nuquin Papan chiaidquio chienquio icsho tantiashun: “Utsi uain chiec,” mimbi catsiac. Chetequid isun cuëte dada matsesën tantiec. Aden tantiec nisanquidën bacuë bësho isash: “Dadainën bacuë nec,” quesa matses nec. Adecbidi echo bacuë bësho isash: “Bata nec,” quesa matses neoaic.
23502	MAT 10:16	Adashic padpiden chuioaic: —Ëmbi naid chuibenequido icsho utsin-utsinquien mibi chieshënendac. Bëdi nëish yua acte bunacbimboec chieshëmënquido mibi cueste bunendac. Aidobëd chieshënanenda. “¿Mitsipadomboen chiac Nuquin Papan chiaid tantiabempatsiash?” queshun bëdamboen tantiaquin bëdamboen chuita.
23505	MAT 10:19	Adoac dacuëdenda. “Chuiquid dapa yacnoshon ¿atotsimbi chuipatsiaba? ¿Adambi bëdamboen chuipatsiaba?” quec dacuëdenda. Chuiquid dapa mimbi bëisnubi Nuquin Papan ambi tantiacpadomboen mibi oncamendac.
23556	MAT 11:28	Ëbi tantiata. Dayacquio yacbimboecnuc mibi bëdambo icmembique. “¿Mitsipadequibi Nuquin Papa yacno puduedpe?” quec ¿uimambo yacbimboecta mibi icpe? Adquidën ëbi tantiasho Nuquin Papa yacno puduedtequid mibi icmembique. Ëbi tantiata.
23594	MAT 12:36	Ambi cuidte ushën Nuquin Papan: “¿Ada bëdamboen tantiaquin chuidenio?” quequin matses abitedi chuimendac.
23635	MAT 13:27	Adsho istanquin yuabon aton icbo chuituidpac caondash. “¿Pete ëshëda sio?” cac: “Ai,” quesho tantiash: “Icsambo icquidbëd tancandaëdec canidopacboc. ¿Mitsipaden sio?” quequin yuabon icbo chuipac caondash.
23636	MAT 13:28	Adoaquien: “Chieshëmënquidëmbien seuanchitash,” cac: “¿Chicshunetanquindambi icpe?” yua quesho:
23806	MAT 18:10	Adashic padpidec: —Nadquid bacuëmpin ëbi tantiatsëcsho isun: “¿Adtsëcquidëmpinquiobida bëdamboen tantiapec?” cainda. Nuquin Papan abi yacnoshon uaid mayan bëda aid bacuëbo dayun uaquid icquin Nuquin Papa yacno puduedshun mimbi mamënshumboed Nuquin Papa chuinushe. Adtsëcquidëmpi mamënshunenda. Ëbi tantiabentsëcquido con Pan tantiaquieque.
23851	MAT 19:20	Adsho tantiash cania: —Aidtedi niaquenquio icquin nabanquidquio nebi. Bacuëctsëc icquimbi tauaondambi. “Nuquin Papabëd tabadnuen ¿atotsimbi utsi nape?” caimbi —quepondash.
23867	MAT 20:6	Inchëshbudtsëqui nidoaquin utsibo nainquio yec samëdsho istuidoashun: “¿Atotsi quiash samëduidequi ique?” cac
23876	MAT 20:15	¿Icbon ambi tantiacpadomboen aton na dadpen meniac ada aid icsambo icpec? ¿Utsibotsen menesho isunda mimbi ëbi nëishëmpe? Aden nëishënac ¿ada bëdambo iquec?” quequin tied icbon chuipac caondash —quequin ompoacbimboen chuipondash Esusën.
23920	MAT 21:25	¿Tsuntsin namiac Uan padon acten mentopadenec? ¿Ambembida napadenec? —capondash Esusën. Adoaquien badedquio chienquio yec uanotantsec tabadec onquecuededpondash Esus chieshënquido. —¿Atotsi nuqui chuipeba? “Nuquin Papan namiaidquio Uan pado nepadenec,” cac Esusën: “¿Atotsieshun aidën chiacpadomboen nainquio ique?” canushe. Aden chienquien ictiad.
23953	MAT 22:12	Adshobien chuiquid dapan: “¿Atotsi quiash dashcute bëdaidquio dasiuidambobi cho, buchi?” caqui ëcbedenquio yec tsadec.
24068	MAT 24:42	Aden ëmbi chuiboed tantiashun: “¿Nëbida con Icbo chopeba?” quequin ënenquio icquin tantiata. Ëbi chote mimbi tantienquio iquec.
24070	MAT 24:44	Adembidi ëbi chote ushë mimbi tantienquio ye. ¿“Nëbida nuquin Icbo chopeba?” quec Nuquin Papabëd tabadte bunec bëdamboec tabadta. Matses dadpen: “Nëbien chochitec,” quenquio icnubini choendac —quepondash Esus abëd icquido chiec.
24076	MAT 24:50	Adec: “¿Nëbida con icbo chopeba?” quenquio icnubien aton icbo chotsiash.
24090	MAT 25:13	Ëmbi chuiboed tantiashun chido icsamboen tantiaquido tanenda. Bëdamboen nabi icsho: “Ëmbi tantiacmaid mibi neque. Puduedenda,” aido cacbimboen ëmbitsen Nuquin Papa yacno puduedmenquio icquin cacumechitomane. Ëbi chote ushë tantiadenquio icnuc: “¿Nëbida con Icbo chopeba?” quequin ëbi bëdamboen tantiec ëmbi chiacpadec bëdamboec tabadta —quepondash Esus abëd icquido chiec.
24096	MAT 25:19	Yuecquio ictaneshumbien icbon choshon ambi piucquid meniondaido chuituidpac caondash. “¿Atotsi nao?” cac
24218	MAT 27:20	Adnubien Esus chieshënquido tsusiobon ambo tabadquido chuibudpondash. —Pidaton: “¿Mitsicquidimbi cuemepe?” cac: “Badabas cuemequin Esus unës ua,” cado-cadota —cac: —Ai, adoendambi —quecuededpondash.
25284	LUK 7:20	Adec Esus yacno choash: —Acten mentoanondaidëmbi Uanën chomiaido nebi. Uan nadosh: “¿Ëbitedishun cainaid Nuquin Papan chomiaid abentsëcquiobi mibida ne? cac ¿Aidtabi nedi? mibi quenuc ¿Adambi utsi caimpe?” quiosh Uan —quepanëdash Uanën chomiaido Esus caic.
25831	LUK 19:31	Aden chicsho isash: “¿Atotsi canun mimbi aid chicpe?” quepec. Adsho tantiashun: “Con Icbo bunaid nec,” quequin chuita —quepanëdash Esus.
26138	JHN 1:25	—Utsibon: “¿Adquidta ne?” cac: “Adquidpenquio nebi,” queuidequi mibi iccoc. “¿Mitsipadquidquio icquin acten mentobano?” mibi caimbi —caquien:
26140	JHN 1:27	Ëmbia Nuquin Papan chiaid chuibanombi. Aidëntsen tsyuec choshon comapenen tantiaquin Nuquin Papan chiaidquio chuiquin Nuquin Papambo tantiamendac. “Aidi bëdamboshë icquid icnuc ëbi icsaquid icsho ¿atotsieshun: ‘Aid choec,’ quequin chuiquidquio Nuquin Papan icmioshi?” quec tsadebi —quepondash con shënisio padiseyobo chiec.
26196	JHN 3:7	“Chuca uaiduidtsëqui Nuquin Papabëd tabadendac,” ëbi quesho tantiash: “¿Midapaden chie?” quepequien mibi iquec.
26294	JHN 5:15	Adoaquien bëdameboed abi: “¿Tsuntsin naosh?” caboedo chiec nidpac caondash. Nidshumbic: —Ëbi bëdameboed Esus niosh —quequin chuituidpac caondash.
26312	JHN 5:33	Aden ëbi chuiquid utsi acten mentoanquid Uan pado icpadenec. Aidëmbi ëbi abimbo capadenec. “¿Nuquin Papa yacnuësh choquidta ne?” quequin mimbi chuitanac: “Padenquio. Esusuidi Nuquin Papa yacnuësh choquid nec,” quepadenec Uan pado.
26723	JHN 13:24	Adec Esusën dayuntsëqui ueshobini: —“¿Tsutsi cai?” ca —capondash Petedon mëdquin onquenquio icquin.
26783	JHN 15:15	Ëmbi con yua caboedobi mibi con utsi caimbi. Icbon: “Tantia. Chuinu. Nadono. ¿Ada bëda icpec?” quequin aton yua chienquio icquin aton utsien aden chuipaid. Con Pan: “Ma abi tantiaquido chuinu,” caidtedi mibi chiombique. Mibi con utsi caimbi.
26800	JHN 16:5	Adashic: —Nëbi ëbi chomiondaidbëd tabadec nidendabi —quepondash Esus. Adsho tantiash padequimbo tabadpondabi. Adec ëbi padequimbo tabadsho isash Esus padpidec onquepondash. —“¿Mitsimbo nide?” ¿quenquioda ique?
26814	JHN 16:19	Adsho ambembi tantiash: —Ëbëd icquidon ëbi chuitiadquio iquec —queshun Esusën: —“¿Atotsi chuitiadquio yec nio?” quequin ëbi chuite mibi buneque.
26825	JHN 16:30	Mibi: “Nëbi isadenquio yanebi,” quioc. Adashic: “Yuecpactsëc yash isadcuenendabi,” mibi quesho tantiash mibi tantiamenquio yec sho-shoshquetsëcquiec: “¿Atotsi quepec?” quecuededpobi. Mibi chuimetiadquio iccobi. Ëmbi chiambobi ma mimbibi tantiapaboc. Comapenen tantiaquidquio icquin ma mimbi abitedimbo tantiapayoc. Aden tantiaquid yec Nuquin Papa yacnuësh choquid mibi nec —quepondabi ëbitedi.
26987	JHN 21:20	Tsyuec nidshobini Petedon bidiadquin ispondash. Adshumbic: —Nëid Esusën tantiaidquio nec. Esus bedmiaid inchëshën Esus aton cachoctsëqui uesho aidën: “¿Tsutsi cao, Icbo?” capondash.
27235	ACT 7:50	¿Tauaquioquimbi abitedi uambodambi ictionda?” quequin Nuquin Papan chuimiaidën dada uapampic —quequin chiashic Esteban abi onquec:
27278	ACT 8:33	Aidi Icsaisa icsho mëyansho isec, Icsambocquidta neque. Isnu, quenquiocposh aton matses. Aidi chido inesa yec ambi tishmiaid nibëdnuc ¿Tsuntsin ambi naid chuipadic?”
28841	1CO 15:55	Ad icnuc ¿mitsishunquio unëstequid istuidpec? Adembidi, ¿mitsishunquio unësmetequid istuidpec?”
29658	1TH 3:1	Aden mibi tantiec: —“¿Mitsipadec tabadpec?” quequinuidtsëqui tantiec tsadtiapimbo iquebique. Istan —caondambi Timoteyo chuiquin. Adshumbic shubu dadpen icquid Atenas caid yacno tabadec ëbëd icquid utsi Sidbano chuiquin: —Timoteyo nidan nuquiuidtsëqui icnuna —caondambi.
29662	1TH 3:5	—“Ëbi nidan chieshënac ¿adecbidida Tesadonica yacnocquido chieshtoenquio icpatsiashba?” quequinuidtsëqui tantiec tsadtiapimbo iquebique. Istan —caondambi Timoteyo chuiquin. —“Icsamequin tanu,” quequidën Satanasën namiac chieshtoshon Esus tantienquio yanushe. Istan. ¿Ada ëmbi Esus chuibanondaido bëdamboec tabadeque? —caondambi Timoteyo chuiquin.
31073	REV 18:11	Adashic abi onquec: —Babidonia caid yacnocquido aden cuidacsho isash utsibotsen: “Ëmbi meniaid bedshun piucquid dadpen menedenebi. Nëbi adquid nibëdquiec. ¿Tsuntsimbini ëmbi meniaid cuidquin piucquid menepatsiashba?” quec sedenquecuededendac.