23418	MAT 8:4	Chi Jesús nɨmay: ―Ca' pɨn myajnɨmäy; nɨcx janchtɨy ma je teedy. Mɨnɨcx tüg huindzɨgɨ'ñ huɨdi Moisés y'ane'my. Huin'it jëbɨ yɨ jäy ajcxy ixɨpy co tɨ m'agɨdägy.
23450	MAT 9:2	E jɨm yajmɨmiñ tüg yëydɨjc huɨdibɨ anajty cɨ̈mät tecymät. Yajcɨɨy ymiñ ma'ndzaayjoty. E co Jesús ijxy co ymɨɨd je mɨbɨjcɨn, chi nɨmay je pa'mjäy: ―Jotcugɨ' miich, tɨ je mbocy nhuinmeecxyɨch.
23460	MAT 9:12	Co Jesús jadu'n mɨdooy huin'it nɨmay ajcxy: ―Ca' yajmayjaty tzoydumbɨ huɨdi ca' ajcxy ypɨgyii, jëyɨ huɨdi ajcxy pɨjcɨp.
23478	MAT 9:30	Chi je' ajcxy y'ijxɨ̈gy. Huin'it Jesús y'ane'mɨn pɨdacy: ―Ca' huaad pɨn myajnejhuɨɨygɨxy.
23491	MAT 10:5	Chi Jesús quejxy yɨ nimajmetzpɨ, e jadu'n najtzcapxɨɨy ajcxy: ―Ca' ajcxy mnɨcxɨpy ma je naax cajp ma ajcxy je jäy chɨnäy huɨdibɨ ca' ajcxy Israeljäyɨty. Ni mgatɨgɨ̈huɨpy ajcxy ma Samaria naax cajp.
23682	MAT 14:16	Chi Jesús ymɨnañ: ―Ca' ycopɨcyɨty co ajcxy nɨcxy jɨcxy ixtäy. Miich ajcxy möhuɨp caayɨn uucɨn.
23692	MAT 14:26	E co je discípulos ajcxy ijxy co Jesús anajty ymiiñ mejyhuingɨ́xy, chi ajcxy ooy ñay'adzɨgɨɨyɨ. Ooy ajcxy yaaxqueecy ymɨnañ ajcxy: ―Hue' ɨɨch ajt ijxmanɨɨyɨm.
23728	MAT 15:26	Chi Jesús ymɨnañ: ―Ca' jadu'n y'oyɨty co n'ixmadzipɨch je israelitasjäy (Dios yjäy), e nbubedɨpɨch miich ajcxy. Co jadu'n ndunɨpɨch, jadu'n nipaadɨp nej jäy ajcxy y'ɨdɨ̈ch co ajcxy pɨjcɨ je ajcxy y'ung ycaagy, e möy je uc.
23778	MAT 17:9	E co ajcxy ymɨnajcy ma je cop, chi ajcxy Jesús nɨmay: ―Ca' ni pɨn miich ajcxy nyajnɨmähuɨpy jadu'n nej tɨ m'ijxcɨxy cham, ixtɨ coonɨ ɨɨch anajty tɨ njugypɨcyɨch jadüg'oc ma anajty tɨ n'ögɨch.
23789	MAT 17:20	Chi Jesús ymɨnañ: ―Je' co miich ajcxy hueenɨ mmɨbɨjcɨn. Janch tɨy'ajt jadu'n nej nnɨmaaygɨxy, co ixyipy miich ajcxy xy'ocmɨbɨcyɨch, ooy ixyipy jëda'ajty jadu'n nej je jac mutzpɨ ujtz tɨɨm, huin'it jëbɨ ixyipy mnɨmäy jadayaabɨ cop co huen jɨɨhuäcy ya etz huen nɨcxy huingduum, chi ñɨcxɨp je cop. Ni ti ji ycatzipɨty pen janch miich ajcxy mɨɨdɨty mɨbɨjcɨn.
23818	MAT 18:22	Chi Jesús y'adzooy: ―Ca' yhuɨxtujc'ócɨty, hue' meecxɨpy mɨdaax mɨgo'px jamɨda'px majmocx mɨdaax'oc.
23842	MAT 19:11	Chi Jesús ymɨnañ: ―Ca' tüg'ócɨy je jäy huinjɨhuɨ̈y jadayaabɨ tɨy'ajt. Jëyɨ ajcxy huinjɨhuɨ̈huɨp pɨn ajcxy Dios pɨdaacɨ co huinjɨhuɨ̈huɨp.
23849	MAT 19:18	Chi je yeeg'anäg yajtɨɨhuimbijty: ―¿Huɨdibɨ cötujcɨn miich mdijp? Chi Jesús ymɨnañ: ―Ca' mɨgüg myaj'ögɨpy. Ca' mɨgüg ytöxyɨjc mɨgapxtɨgooyɨpy. Ca' mmeedzɨp. Ca' mmɨgüg mhuin'ɨɨnɨp.
23906	MAT 21:11	Chi mayjäy y'adzooy: ―Yɨ' je' je profeta Jesús huɨdibɨ tzoon ma Nazaret cajp ma Galilea it.
23922	MAT 21:27	E paady ajcxy jadu'n adzooy Jesús: ―Ca' ɨɨch ajcxy nejhuɨɨygɨxy. Huin'it Jesús ymɨnañ: ―Nañ jadu'n ɨɨch ca' nigapxa'ñɨch pɨn je' ycötujcɨn mɨɨd nduñɨch huɨdijaty.
23926	MAT 21:31	¿Huɨdi je' nidügtɨ ycuyduuñ nej anajty yteedy tzocy? Chi ajcxy ymɨnañ: ―Je' ymang mɨjpɨ huɨdibɨ jayɨjp nɨmay. Huin'it Jesús nɨmay ajcxy: ―Janch tɨy'ajt jadu'n nej nɨmaaygɨxy co je huɨdibɨ ajcxy yajcogüejtpɨ etz je töxyjäy ajcxy huɨdibɨ tundɨgooyb mɨɨd yëydɨjc, je' ajcxy tɨgɨ̈huamb jayɨjp ma Dios y'ane'my jiiby tzajpjoty, ca'ydɨ miich ajcxy.
23962	MAT 22:21	Chi ajcxy y'adzooy: ―Je romano mɨj'ane'mbɨ y'ahuɨnax etz yɨ' yxɨɨ. Huin'it Jesús je' ajcxy nɨmay: ―Mo' je César huɨdibɨ yɨ' yjë'ajtpy, etz mo' Dios huɨdibɨ Dios yjë'ajtpy.
24128	MAT 26:5	Chi ajcxy ñayñɨmaayɨ miñ xyɨpy: ―Ca' y'oyɨty co xɨɨjoty nmajtzɨm Jesús. Ca' jecyɨty co je mayjäy xymɨjotma'ttayɨm etz ytɨgɨ̈huɨp ajcxy huambɨ jɨhuɨɨybɨ.
24193	MAT 26:70	Chi Pedro ymɨnañ mayjäyjoty: ―Ca' nhuinjɨhuɨ̈yɨch ti mgapxpy.
24195	MAT 26:72	Chi Pedro jadüg'oc coyüch je Jesús cɨxyjot huinɨjot ymɨnañ: ―Ca' n'ixy'adyiijɨch yɨjiibɨ yëydɨjc.
24197	MAT 26:74	Chi Pedro tɨgɨɨy capxpɨ janch oy ñinej mɨnañ huinɨjot: ―Ca' n'ix'adyiijɨch yɨ yëydɨjc. E tɨm huin'ítɨy je tzey yaxɨ̈gy.
24219	MAT 27:21	Paady co jadüg'oc je gobernador y'amɨdooy je mayjäy: ―¿Huɨdibɨ machyjäy mdzojcpy co nnajtzmadzɨ̈huɨbɨch? Chi je mayjäy y'adzooy: ―Najtzmadzɨ' Barrabás.
24222	MAT 27:24	Pilato yjapubedaan Jesús, per co ijxy nejhuɨɨy co je mayjäy ca' ni nej niducy. Hue' ajcxy oy ytɨgɨɨy huambɨ jɨhuɨɨybɨ, chach ñayñajtztijɨɨygɨxy mɨɨd jot'an. Huin'it Pilato capxyñiguejxy je huädz nɨɨ. Chi ytɨgɨɨy cɨ̈bujp ma je mayjäy yhuinduu, e ymɨnañ: ―Ca' ɨɨch ngo'adzohuɨpyɨch jadayaabɨ tudägyyëydɨjc y'o'cɨn. Miich ajcxy yɨ' mgo'adzoohuɨpy.
24269	MAT 28:5	Huin'it je ángel y'adzooy je metz töxyjäy: ―Ca' miich ajcxy mdzɨgɨ̈y. Ɨɨch nejhuɨɨybɨch co miich ajcxy m'ixtäy Jesús je huɨdibɨ ajcxy yajcruudzpejty.
24274	MAT 28:10	Jesús mɨnañ: ―Ca' mdzɨgɨɨygɨxy. Nɨcx miich ajcxy nɨma' je nmɨgügtɨjcɨch co huen ajcxy nɨcxy jɨm Galilea, e jɨm naybadɨɨybɨch mɨɨd yɨ' ajcxy.
24346	MRK 2:17	Co Jesús jadu'n mɨdoy nej je fariseo jäy nigapxyii, chi ajcxy nɨmay: ―Ca' tzocy tzoydumbɨ yɨ jäy ajcxy huɨdibɨ mɨc'ajtp oy'ajtp. Yɨ' janchtɨy yɨ huɨdibɨ ajcxy yuuba'm ymɨɨd chojcpy ajcxy tzoydumbɨ. Nañ tɨm jadu'n yɨ jäy ajcxy huɨdibɨ ca' ypocymɨɨdɨty, ca' ajcxy tzocy pocyhuinmeecxɨn. Ɨɨch tɨ nmiñɨch co nyajjothuimbidɨpyɨch pocyjäydɨjc. Ɨɨch ca' tɨ nmiñɨch co nyajjothuimbidɨpyɨch oyjäydɨjc tudägyjäydɨjc.
24469	MRK 5:36	Per Jesús ca' tuñcuend jadu'n nej ajcxy yjamɨna'ñ, chi nɨmay je naymujctac huindzɨn: ―Ca' mdzɨgɨ̈y, mɨbɨc nɨgoda'ajty.
24491	MRK 6:15	Nijëjɨty jäy ymɨnaangɨxy: ―Jesús yɨ' je' Elías. E naagɨty jäy ymɨnángɨxy: ―Yɨ' je' tüg Dios tɨy'ajtmɨɨdpɨ huɨdibɨ quipxyɨɨby mɨɨd je Dios ytɨy'ajtmɨɨdpɨ huɨdibɨ tzɨnay jecy'ajty.
24494	MRK 6:18	Hue' anajty Juan tɨ nɨmay Herodes: ―Ca' jadu'n paadyii co yɨ m'ajch Felipe ytöxytɨjc miich mɨɨddzɨnaayɨ.
24511	MRK 6:35	Co anajty tɨ chu'ɨɨyñɨ, chi Jesús ydiscípulos ajcxy ñɨmaayɨ: ―Ca' ni pɨn chɨnäy ma jadayaabɨ it lugar, e tɨ chu'ɨɨyñɨ. Capxycɨ́x mɨɨd jada mayjäy ajcxy, jaydëb ñɨ́cxcɨxyñɨ ma yɨ cajp huinduy agonbɨ, huen nɨcxy júygɨxɨpy ycaayɨn y'uucɨn.
24584	MRK 8:15	Chi Jesús ane'myb je' ydiscípulos ajcxy, e ymɨnañ: ―Ca' mmɨjpɨdaaccɨxy yɨ fariseojäy ajcxy y'ayuc ytɨy'ajt etz ni rey Herodes y'ayuc ytɨy'ajt, com jadu'n ajcxy y'ayuc nipaady nej levadura huɨdibɨ ca' y'óyɨty.
24585	MRK 8:16	E je Jesús ydiscípulos ajcxy nimɨydaaccɨxy Jesús y'ayuc ñayñɨmáayɨgɨxy ajcxy miñ xyɨpy: ―Je' co ca' ɨɨch ajt nmɨmiinɨm caayɨn uucɨn.
24588	MRK 8:19	Jayhuin co ndujc-huäcxyɨch je mɨgooxpɨ tzajcaagy e nyajcaayɨch mɨgoox mil jäy: ¿Naag cach cayduc jɨcxtuc tɨ ajcxy myajpɨdɨ̈gy? Chi ajcxy y'adzooy: ―Hue' ɨɨch ajcxy nyajpɨdɨ̈gyɨch majmetz cach cayduc jɨcxtuc.
24589	MRK 8:20	Chi Jesús ymɨnañ: ―E jayhuin co ndujc-huäcxyɨch je huixtujcpɨ tzajcaagy, e nyajcaayɨch mɨdaax mil jäy: ¿Naag cach cayduc tɨ ajcxy myajpɨdɨ̈gy? Chi ajcxy y'adzooy: ―Hue' ɨɨch ajcxy nyajpɨdɨ̈gyɨch huixtujc cach cayduc jɨcxtuc.
24595	MRK 8:26	E Jesús ycapxycɨ́jxy mɨɨd je', e quejxhuimbijty ma ytɨjc. Chi ymɨnañ: ―Ca' mdɨgɨ̈huɨp cajpjoty, e ni pɨn jada mgayajmɨɨdmɨydägɨpy.
24646	MRK 9:39	Per Jesús ymɨnañ: ―Ca' mgapx'adugɨpy yɨ jadu'mbɨ jäy, com huenpɨ́nɨty huɨdibɨ mɨjhuinma'ñ tumb mɨɨd ɨɨch nxɨɨ, ca' yɨ' jɨbɨc xyñigapxɨch.
24695	MRK 10:38	Chi Jesús nɨmay Jacobo etz Juan: ―Ca' miich ajcxy mnejhuɨ̈y ti tɨ mbɨjctzoogɨxy. ¿Nej myajnaxamyb miich ajcxy je tzaachypɨ ayo'n huɨdibɨ nyajnaxaamybɨch, jadu'n nej jɨhuɨ̈y m'üga'ñ ajcxy ɨɨch n'ügy e mbaada'ñ ajcxy ɨɨch nnɨɨbéjtɨn?
24742	MRK 11:33	Chi ajcxy Jesús nɨmay: ―Ca' ɨɨch ajcxy nejhuɨy pɨn tɨ yajnïbɨcy Juan. Chi Jesús ymɨnañ: ―Ɨɨch nañ jadu'n ca' nnigapxa'ñɨch pɨn tɨ xycötujcmöyɨch co jëb nduñɨch huɨdibɨ ndumybɨch.
24758	MRK 12:16	Chi ajcxy mɨmiiñ tüg meeñ e co Jesús ijxy je meeñ, chi ymɨnañ: ―¿Pɨn y'ahuanax etz pɨn yxɨɨ ijtp ma jada meeñ? Chi ajcxy y'adzooy: ―Hue' yɨ' César.
24759	MRK 12:17	Chi Jesús ymɨnañ: ―Mo' je César huɨdibɨ yɨ' yjë'ajtpy, e mo' Dios huɨdibɨ Dios yjë'ajtpy. Chi ajcxy ooy jɨhuɨy huinmay jadu'n nej anajty Jesús tɨ y'adzooy.
24825	MRK 14:2	Chi ajcxy ñayñɨmayɨ miñ xyɨpy: ―Ca' y'óyɨty co nmájtzɨm Jesús xɨɨjoty. Com ca' yjécyɨty co je mayjäy yjotmätcottähuɨpy, e ytɨgɨ̈huɨp huambɨ jɨhuɨɨyb ajcxy.
24843	MRK 14:20	Chi Jesús ymɨnañ: ―Yɨ' yɨ' nidügtɨ yɨ nimajmetzp huɨdibɨ tocxmujcp mɨɨd ɨɨch ma tügpɨ texy.
24854	MRK 14:31	E Pedro ca' anajty cöbɨga'ñ nej Jesús ym­ɨnañ, chi mɨctägy mɨnañ: ―Ca' ɨɨch miich ngoyüdza'ñ, oy ixyipy ndɨm'o'cɨch quipxy mɨɨd miich. E nañ actɨm jadu'n jacjadyii Jesús ydiscípulos ajcxy ymɨnañ nej Pedro tɨ ymɨnañ.
24855	MRK 14:32	Jesús mɨɨd ydiscípulos ajcxy oyja'ty ma tüg it huɨdibɨ xɨ́ɨjɨp Getsemaní, chi Jesús je ydiscípulos ajcxy nɨmay: ―Ɨña' miich ajcxy ya, namɨ n'ocnɨcxyɨch jɨm'amy Dios mɨbɨjctzoob.
24891	MRK 14:68	Per Pedro ca' cöbɨjcy je töxyjäy y'ayuc, e ymɨnañ: ―Ca' n'ixy'adyiijɨch jada Jesús. Ni ca' nhuinjɨhuɨ̈yɨch ti miich nimɨydacpy. E mɨc'amy Pedro ypɨdzɨmy jiiby, e tɨm huin'ítɨy tüg tzeyñɨ'aa oy yaaxɨ̈gy.
24948	MRK 16:6	Chi je yeeg'anäg nɨmay je töxyjäy ajcxy: ―Ca' ooy mdzɨgɨɨygɨxy. Miich ajcxy je' m'ijxtaaygɨxp je Jesús huɨdibɨ cogajp Nazaret, je huɨdibɨ jäy ajcxy yajcruutzpejt. Tɨ je' yjugypɨcy. Ca' je' ya. Oc'íjxcɨx ya ma ajcxy pɨdaaccɨ.
24975	LUK 1:13	Chi je ángel nɨmaay Zacarías: ―Ca' mdzɨgɨ̈y, tɨ Dios mɨdooy yɨ mjuydácɨn mnucxtácɨn. Yɨ mdöxyɨjc Elisabet ypaadɨpy tüg ung yëydɨjcpɨ, e mxɨɨmöhuɨpy Juan.
25022	LUK 1:60	Chi ytaj ymɨnañ: ―Ca' xɨɨ'adɨɨyb Zacarías, hue' yɨ' huen xɨɨ'adyii Juan.
25052	LUK 2:10	Huin'it je ángel ymɨnañ: ―Ca' mdzɨgɨɨygɨxy, cham ɨɨch miich nyajnɨmaaygɨxy oybɨ ayuc huɨdibɨ yajjotcugɨ̈huɨpy tüg'ócɨy naax cajp.
25107	LUK 3:13	Chi Juan y'adzooy: ―Ca' nɨ̈gɨ anaxy myajcogüety jadu'n nej je cötújcɨn y'ane'my.
25155	LUK 4:23	Chi Jesús ymɨnaañ: ―Ca' yjécyɨty miich ajcxy xyajnɨmähuɨbɨch jada ayuc: “Tzoydumbɨ naychoyɨ̈huɨɨ cɨ'm. Tüg'ócɨy jadu'n nej ɨɨch ajcxy nmɨdooyɨch tɨ mduñ jɨm Capernaum, nañ jadu'n miich octun ma mgɨ'mgajp.”
25186	LUK 5:10	Nañ jadu'n tzɨgɨɨyb anajty je Jacobo etz Juan je Zebedeo ymang ajcxy huɨdibɨ Simón anajty tɨ pubety. Chi Jesús ñɨmay Simón: ―Ca' mdzɨgɨ̈y, jadachambɨ etz jacnɨcxnɨ xɨɨ tiempo mdunɨpy jäymadzɨɨ.
25190	LUK 5:14	Chi Jesús ane'my, nɨmay: ―Ca' ni pɨn myajnɨmähuɨpy, nɨcx janchtɨy nayguëxɨ̈gɨɨb ma teedy, jaydëbɨ möhuɨpy Dios huindzɨgɨ'ñ, jadu'n nej Moisés ycötújcɨn je jécyɨp y'ane'my, mɨɨd yɨ' ycɨxpɨ co tɨ mhuätzpɨdzɨmy, jaydëbɨ jäy ajcxy nejhuɨ̈huɨpy co tɨ mdzögy.
25207	LUK 5:31	Chi Jesús ymɨnañ: ―Ca' yajmayjaty tzoydumbɨ huɨdibɨ ca' ajcxy ypɨgyii, jëyɨ huɨdi ajcxy pɨ́jcɨp.
25277	LUK 7:13	Co je Huindzɨn Jesús ijxy, chi pa'ayogoty je töxyjäy, chi nɨmay: ―Ca' myäxy.
25307	LUK 7:43	Chi Simón y'adzooy: ―Hue' n'a'ɨxɨɨyɨch je tɨɨbɨ huinmecxy jac'anaxy. Chi Jesús ymɨnañ: ―Tɨ mdɨygapxy.
25364	LUK 8:50	Co Jesús jadu'n mɨdooy, chi ymɨnañ: ―Ca' mdzɨgɨ̈y, mɨbɨjcɨch janchtɨy, etz tzögɨp yɨ mnɨɨx.
25366	LUK 8:52	Chi tüg'ócɨy je mayjäy ajcxy janch yaaxp, janch ñé'mgɨxy mɨɨd je töxy'anäg ycɨxpɨ. Chi Jesús ymɨnañ: ―Ca' myaaxcɨxy, ca' yɨ' ögɨty, maab yɨ'.
25373	LUK 9:3	Chi Jesús ymɨnañ: ―Ca' ni ti tü'amgɨxpɨ mmɨnɨ́cxcɨxy; ni mgamɨnɨ́cxɨp mdajc, ni mmorral, ni mgaagy, ni meeñ, e ni mgamɨnɨ́cxcɨxɨpy ajcxy metz mhuit.
25420	LUK 9:50	Chi Jesús ymɨnañ: ―Ca' myaj'ójcɨxy yɨ'; pɨnjaty ca' xymɨdzip'ajtɨm, ɨɨch ajt yɨ' nmɨɨd.
25502	LUK 11:28	Chi Jesús ymɨnañ: ―Je' jacjotcujc pɨnjaty Dios y'ayuc mɨdoohuɨp etz cuyduunɨp.
25560	LUK 12:32	Chi Jesús yjacmɨnaañ: ―Ca' miich ajcxy mdzɨgɨɨygɨxy, miich ajcxy mnihueeñɨty, per mDios Teedy yega'ñ ane'mdac tzajpjoty mɨɨd miich ajcxy ycɨxpɨ.
25991	LUK 22:58	Nañ jahueengɨ huin'it jadüg jäy Pedro yhuindɨcxpejtɨ, ñɨmaayɨ: ―Miich, yɨ Jesús ajcxy anajty mɨɨd m'ity. Chi Pedro ymɨnañ: ―Ca' n'ɨɨchɨty.
25993	LUK 22:60	Chi Pedro ymɨnañ: ―Ca' ɨɨch nhuinjɨhuɨ̈y nej miich mmɨna'ñ. Capxnɨ anajty je Pedro co tzey oy yaaxɨ̈gy.
26008	LUK 23:4	Chi Pilato nɨmay je teedy tungmɨɨdpɨ ajcxy etz je mayjäy: ―Ca' ɨɨch ti pocy nbaadyɨch ma jadayaabɨ yëydɨjc.
26096	LUK 24:36	Jiiby anajty ajcxy tzachnimɨydaaccɨxy co Jesús oy ñayguëxɨ̈gyii ma je' ajcxy. Chi ytɨnay'ahuɨɨy cujc'amy ma je' ajcxy, chi ymɨnañ: ―Jotcugɨ' miich ajcxy.
26133	JHN 1:20	Je' ñigapx je tɨy'ajt, ca' ñaygoyützɨ, chi ymɨnañ: ―Ca' ɨɨch njëjɨty je Cristo.
26134	JHN 1:21	Chi ajcxy jac'amɨdoy: ―¿E pɨn miich mnaydijyii? Pen ca' mjëjɨty je Cristo. ¿Nej miich je' je Elías? Chi Juan y'adzooy: ―Ca' je' n'ɨɨchɨty. Chi ajcxy jac'amɨdooy: ―¿Nej miich je' je Dios y'ayuccapxhuäcxpɨ, je huɨdibɨ ñigapxy ma Dios ñecy co ymiinañ ya naaxhuiñ? Chi Juan y'adzooy: ―Ca'.
26168	JHN 2:4	Chi Jesús y'adzooy ytaj nɨmay: ―Ca' ti jotmay nmɨɨdɨdyɨch mɨɨd miich töxyäy. Ɨɨch nhorɨ ca'nɨ paady mɨna jäy ajcxy nyajnejhuɨ̈huɨbɨch pɨn ɨɨch.
26216	JHN 3:27	Chi Juan y'adzooy: ―Ca' ni pɨn ni ti mɨc'ajt mɨɨdɨty, pen ca' Dios ni ti mɨc'ajt ymöyii.
26242	JHN 4:17	Chi je töxyjäy y'adzooy: ―Ca' nmɨɨdɨdyɨch nñäyɨch. Chi Jesús y'adzooy: ―Janch tɨy'ajt jadu'n nej miich mɨna'ñ, co ca' mmɨɨdɨty mñäy.
26289	JHN 5:10	Paady je judíojäy ixpɨcytɨjc ajcxy nɨmay je huɨdibɨ anajty tɨ chögy: ―Hue' yam sábado xɨɨ, paady ca' jadu'n ñigo'aducyɨty jadu'n nej m'ɨdɨ̈ch co mmaabejt mdzɨmhuɨdity.
26338	JHN 6:12	Co je mayjäy cayday, chi Jesús nɨmay je' ydiscípulos ajcxy: ―Yajmujcta' ajcxy yɨ cayduc, ca'ydɨ huaad ni ti y'ɨyoy.
26353	JHN 6:27	Chi Jesús yjacmɨnañ: ―Ca' myajjotmaygojcɨxy yɨ jɨɨcxy pɨcy huɨdibɨ cɨjxp tɨgooyb. Yɨ' janchtɨy mɨjottɨgooygɨxy yɨ jɨɨcxy pɨcy huɨdibɨ xymöhuɨpy yɨ jugy'ajtɨn huɨdibɨ ca' ycɨxɨpy ytɨgoyɨpy tüccɨ'yɨ. Ɨɨch miich ajcxy je jugy'ajtɨn nmöhuɨbɨch huɨdibɨ ca' ycɨxɨpy ytɨgoyɨpy tüccɨ'yɨ, com ɨɨch je' je jäy huɨdibɨ tzoon tzajpjoty, e Dios Teedy xymɨc'ajtmooyɨch, jëbɨ ɨɨch miich ajcxy nmöy jugy'ajtɨn huɨdibɨ ca' ycɨxɨpy ytɨgoyɨpy tüccɨ'yɨ.
26369	JHN 6:43	Chi Jesús y'adzooy: ―Ca' myajtzibɨɨygɨxy myajcapxɨɨygɨxy ac miichɨy ajcxy.
26417	JHN 7:20	Chi je jäy ajcxy y'adzooy: ―Mujcu' miich mɨɨd ma mjot mhuinma'ñ. ¿Pɨn miich yam xyaj'ögam?
26438	JHN 7:41	Jacjadyii ymɨnañ ajcxy: ―Je' yɨ' je Mesías. Per nijëjɨty ajcxy huɨdibɨ ca' ymɨbɨjccɨxy chachmɨnaangɨxy: ―Ca' jɨm Galilea naaxjot chona'ñ je Mesías.
26489	JHN 8:39	Chi ajcxy y'adzooy: ―Hue' ɨɨch ajcxy nmɨj'ap'ajtyp nmɨjteedy'ajtyp je Abraham. Chi Jesús y'adzooy: ―Pen janch ajcxy Abraham mmɨj'ap'adyii mmɨjteedy'adyii, yɨ' ixyipy ajcxy mdungɨxyp jadu'n nej Abraham tuuñ.
26499	JHN 8:49	Chi Jesús y'adzooy: ―Ca' ɨɨch mujcu' nmɨɨdɨty ma njot nhuinma'ñ, com nyajmɨj'ajtypɨch nDeedy, e miich ajcxy xy'ixtijpɨch.
26512	JHN 9:3	Chi Jesús y'adzooy: ―Ca' yɨ' ypocytuuñ, ni ytaj yteedy, hue' janchtɨy paady ycɨxp jadu'n yjajty, jɨgɨx Dios ymɨc'ajt ñiguëxɨ̈gɨty ma yɨ'.
26518	JHN 9:9	Nijëjɨty ajcxy ymɨnañ: ―Je' yɨ'. E jacjadyii ajcxy ymɨnañ: ―Huingbɨ yɨ', nɨgoob jadu'n yquëxɨ̈gy nej je'. E je' ymɨnañ cɨ'm: ―Ɨɨch jëdu'n huɨdibɨ anajty huintz.
26521	JHN 9:12	Chi ajcxy je' nɨmay: ―¿Ma je' je yëydɨjc? Chi je huintzpɨ y'adzooy: ―Ca' nnejhuɨ̈yɨch.
26583	JHN 10:33	Chi je judío ixpɨcytɨjc ajcxy y'adzooy: ―Ca' nmɨnaanɨm paady ɨɨch ajcxy miich ndzaagädzaangɨxy mɨɨd je oybɨ tɨɨbɨ mduñ, hue' janchtɨy ycɨxpɨ ndzaagädzaangɨxy mɨɨd co ooy Dios myajjotmädy. Com miich nañ jäy, e mnayyajnaxyii Dios.
26596	JHN 11:4	Co Jesús jadu'n mɨdooy, chi ymɨnañ: ―Je' ypa'm ca' yaj'öga'ñyii tüccɨ'yɨ. Je' ypa'm hue' yajniguëxɨ̈gamy Dios ymɨc'ajt, jaydëb Dios ycömaybɨdzɨmɨpy, e nañ ɨɨch nyajcömayɨpyɨch, ɨɨch je jäy huɨdibɨ tzoon tzajpjoty.
26631	JHN 11:39	Chi Jesús ymɨnañ: ―Jɨɨgɨ' ajcxy jada tzaa. E chi Marta je o'cpɨ y'uch y'adzooy: ―Huindzɨn, xuucnɨp yɨ', com cham yɨ' mɨmɨdaaxxɨɨbiñ maabɨ ñaaxtɨgɨ̈y.
26664	JHN 12:15	―Ca' mdzɨgɨ̈y miich ajcxy huɨdibɨ tzɨnaayb ma Sión cajp (Jerusalén). Cha je mrey ymiñ y'ɨñäy ma tüg burro mang.
26679	JHN 12:30	Chi Jesús nɨmay je mayjäy ajcxy: ―Ca' nmɨnaanɨm mɨɨd ɨɨch ycɨxpɨ jadu'n tɨ yajmɨdoy jadayaabɨ ayuc huɨdibɨ tɨ chooñ tzajpjoty.
26710	JHN 13:11	Com Jesús ñejhuɨɨyb anajty pɨnjäy cɨ̈yegaanɨp ma ymɨdzip, e paady jadu'n ymɨnañ: ―Ca' ni tüg'ócɨy miich ajcxy mjot mhuinma'ñ yhuädzɨty.
26725	JHN 13:26	Chi Jesús y'adzooy: ―Yɨ' je' pɨn anajty ɨɨch nmooybɨch yɨ tzajcaagy huɨdibɨ anajty nyajxoocpyɨch ma je ügy. Chi yajxoogy tüg pedasɨ tzajcaagy, chi moy je Judas, je Simón Iscariote ymang.
26728	JHN 13:29	Com je Judas anajty mɨɨd je meeñybijty, paady ajcxy nijëjɨty huinjɨhuɨy co anajty tijy ñɨmäyii: ―Nɨcx juy yɨ huɨdibɨ ajt nyajmayjajtɨm yɨ xɨɨgɨxpɨ. Jacjadyii ajcxy anajty tijy ñɨmäyii: ―Mo' tigatii ayoobɨtɨjc.
26738	JHN 14:1	Chi Jesús yjacmɨnañ: ―Ca' ajcxy jotmay mjɨhuɨ̈y ma m'aa mjot mɨɨd jada ayuc. Mɨbɨc ajcxy Dios etz ɨɨch nañ jadu'n mɨbɨjccɨch.
26814	JHN 16:19	Com Jesús ñejhuɨɨyb anajty nej ajcxy yja'amɨdoohua'ñyii, chi nɨmay ajcxy: ―Yɨ' miich ajcxy ooy mjayajtɨɨhua'ñ. ¿Nej co jadu'n tɨ nmɨna'ñɨch? Tɨm huaad'ajtnɨp xɨɨ tiempo co ɨɨch miich ajcxy ca' xy'ocjac'ijxnɨpy. E chi yjacnajtznïnɨcxɨ̈huɨp xɨɨ tiempo, e chi miich ajcxy xyjac'ixɨpyɨch jadüg'oc.
26859	JHN 18:5	Chi je' ymɨdzip ajcxy y'adzooy: ―Yɨ' ɨɨch ajcxy n'ixtaayb je Jesús, je Nazaret jäy. Chi Jesús ymɨnañ: ―Ɨɨch jëdu'n. Je Judas huɨdibɨ anajty cɨ̈yejcp Jesús, jɨm anajty ytɨnäy mɨɨd Jesús ymɨdzip.
26879	JHN 18:25	Simón Pedro jɨmnɨ anajty ytɨnäy ma jɨɨmba' yxamy anajty, chi ajcxy amɨdoy jadüg'oc: ―¿Nej cay yɨ' miich xyaj'ixpɨjcp nañ jadu'n? Chi Pedro jadüg'oc coyüch Jesús ymɨnañ: ―Ca' je' n'ɨɨchɨty.
26892	JHN 18:38	Chi Pilato y'adzooy: ―¿Ti jadu'n mdijy tɨy'ajt tɨydudägypɨ? Jadu'ñyɨ je' jada'ajty yjacmɨnañ, chi pɨdzɨmy jadüg'oc tɨba'y ma anajty je judíojäy ajcxy. Chi ajcxy nɨmay: ―Ca' ɨɨch ni ti bocy nbaadyɨch ma jada jäy ma yɨ romanojäy yley.
26915	JHN 19:21	Chi je teedy mɨjtungmɨɨdpɨ ajcxy nɨmay je Pilato: ―Ca' ixyipy jadu'n tɨ mjay: “Judíojäy yrey”. Hue' ixyipy tɨ mjay: “Yɨ' jadu'n naydijɨp ɨɨch judíojäy xyrey'ajtpɨch.”
26918	JHN 19:24	Chi ajcxy ñayñɨmayɨ ac jëyɨ soldadtɨjc: ―Ca' huaad ajt n'agɨɨdzɨɨyɨm jada jocxhuit. Tzoc ajt suerte n'oc'ijxɨm, jɨgɨx ajt nnejhuɨɨyɨm pɨn anajty suerte'ajtɨp. E jadu'n ajcxy cuyduñ nej anajty ycojaayɨty ma Dios ñecy, ma Cristo jadu'n ymɨnañ: “Yajhuäcx ajcxy ɨɨch nhuit, e ma ɨɨch njocxnïjen jɨm ajcxy suerte ijxy.” Je' je' huɨdibɨ soldadtɨjc ajcxy ycuyduun.
26953	JHN 20:17	Chi Jesús nɨmay María Magdalena: ―Ca' xyñïdooñɨch, com ca'nɨ ɨɨch nba'ttɨgɨ̈y ma Dios Teedy yajpaady. Nɨcx miich ixta' nmɨgügtɨjcɨch, e nɨma' co nnɨcxaamɨch ma Dios Teedy, ɨɨch nDeedy etz miich ajcxy mDeedy, ɨɨch nDios, etz miich ajcxy mDios nañ jadu'n.
26955	JHN 20:19	Co je huin'it xɨɨmbɨ chuu'ɨɨy seman ixtɨgɨ', aducy anajty tɨjc'aguu y'ity ma anajty je discípulos ajcxy yajpatcɨxy, mɨɨd co anajty ajcxy tzɨgɨ̈y je judíojäy ajcxy huɨdibɨ anajty mɨdzip'ajtp Jesús. Chi Jesús ytɨgɨɨy cujc'amy ma je' ajcxy, e chi jada' capxpocxy ajcxy, nɨmay: ―Jotcugɨ' miich ajcxy.
26957	JHN 20:21	Chi jada' Jesús jadüg'oc capxpoocx, nɨmay ajcxy: ―Jotcugɨ' miich ajcxy. Jadu'n nej ɨɨch nDeedy xyquejxyɨch ya naaxhuiñ, nañ jadu'n ɨɨch miich ajcxy yam nguejxhuäcxy mɨɨd ɨɨch n'ayuc.