23904	MAT 21:9	E jɨm ñajxy je burro, e je mayjäy huɨdibɨ nɨcxp jayɨjp, e nañ jadu'n huɨdibɨ anajty mimb axam, ooy ajcxy ytɨgɨɨy huambɨ jɨhuɨɨyb, chach mɨnaangɨxy: ―¡Hosana! ¡Gloria a Dios! ¡Ooy ycömayɨty Dios! Huen capxpaady idɨpy jada yëydɨjc huɨdibɨ mimb ma yɨ nHuindzɨn Dios yxɨɨ etz mɨɨd ymɨc'ajt. ¡Gloria a Dios!
24172	MAT 26:49	Huin'it Judas nimɨjhuägy Jesús co capxpocxa'ñ, chi ymɨnañ: ―¡Huindzɨn! Chi tzücxy.
24221	MAT 27:23	Chi Pilato ymɨnañ: ―Pues, ¿nej tɨ ytundɨgooy? Per je mayjäy nɨgoob y'adzoday: ―¡Yajcruutzpet! ¡Yajcruutzpet!
24431	MRK 4:39	Huin'it Jesús ymäybɨdɨ̈gy, e jɨjpcogapxɨy je poj. Etz nɨmay je mejy: ―¡Amon! ¡Huäcxɨp! Chi mɨc'amy je poj ymongɨdactay yhuäcxɨjptay jadu'ñyɨ.
24718	MRK 11:9	Je mayjäy huɨdibɨ anajty ajcxy nɨcxp jayɨjp etz axam ma Jesús, chi ajcxy ytɨgɨɨy capxp mɨc, ymɨnaangɨxy: ―¡Hosana! ¡Gloria a Dios, ooy ycömáyɨty Dios! Huen capxpaady y'idɨpy jada yëydɨjc huɨdibɨ mimb mɨɨd yɨ nHuindzɨn Dios yxɨɨ etz ymɨc'ajt.
24909	MRK 15:14	Chi Pilato ymɨnañ: ―Per ¿ti yɨ' tɨ tundɨgoy? Huin'it je mayjäy nïgɨ mɨc ymɨnañ: ―¡Yajcruutzpet!
25338	LUK 8:24	Chi ajcxy Jesús nimɨjhuägy, tijyücxy ajcxy nɨmaaygɨxy: ―¡Huindzɨn! ¡Huindzɨn! Cham ajt n'ocquiinɨm. Co Jesús oy ymäyhuijy, chi jɨjpcogapxɨɨy je poj etz je mejy co anajty chachmɨjjëtzpety ma barco. Chi je poj yhuäcxɨjptay, y'amoonday.
26952	JHN 20:16	Chi Jesús ymɨnañ: ―María. Chi jada' María yhuäg-huimbijty, chi yajxon huindɨcxpejty, chi nɨmay: ―¡Raboni! ―jada hebreo ayuc yhuimbɨdzɨmy Huindzɨn.
27241	ACT 7:56	Chi Esteban nɨmay je mayjäy: ―¡Ijxcɨx! N'ijxypɨch yɨ tzajp ahuädz, e n'ijxypɨch je jäy huɨdibɨ tzoon tzajpjoty ytɨnäy a'oy'amy ma Dios Teedy.
27295	ACT 9:10	Jɨm Damasco anajty tüg yëydɨjc chɨnäy huɨdibɨ Jesús y'ayuc mɨbɨ́jcɨp, huɨdi anajty yxɨɨ Ananías, cumäyjoty Dios ñɨmaayɨ: ―¡Ananías! E chi je' y'adzooy: ―Cha ɨɨch, Huindzɨn Dios.
27331	ACT 10:3	Tüg xɨɨ, mɨnacyxɨɨ anajty, Cornelio huin'ijxy janch huädz Dios tüg y'ángel ñigɨdaacɨ, e ñɨmaayɨ: ―¡Cornelio!
30908	REV 8:13	Chi nhuin'ijxyɨch tüg me'ty anajty yqueec-huɨdity cuptzajp, e nmɨdooyɨch co ymɨna'ñ janch mɨc: ―¡Ay! ¡Naaxhuiñyjäy ajcxy ayoobɨdɨjc! co anajty trompetɨ yajxüxy je jatugɨɨgpɨ ángeles ajcxy, huin'it ayo'n ypada'ñ je naaxhuiñjäy ajcxy, ayo'n ypadamy ajcxy, ayo'n ypadamy ajcxy.
31078	REV 18:16	Chi ajcxy ymɨnaanɨpy: ―¡Ay! ¡Miich mɨj cajp huɨdibɨ ayo'n patp! Jadu'n miich anajty nej tüg töxyjäy huɨdibɨ xoxyɨp mɨɨd huit oyjatypɨ, huɨdi ycolor ucy etz tzaptz, yaj'oyguëxɨ̈gy mɨɨd oorɨ, mɨɨd pi'ctzaa oyjatypɨ, mɨɨd perla.
31081	REV 18:19	Chi ajcxy ooy naax ñayyajcöhuoogɨɨyɨ mɨɨd jotmay, cham ooy yaaxcɨxy, ytajcɨxy ymaygɨxy, e mɨc chachmɨnaangɨxy: ―¡Ay! ¡Je mɨjpɨ oybɨ cajp huɨdibɨ ayo'n patp, ma je tüg'ócɨy pɨnjaty anajty ymɨɨd barco ma mejy, tɨ ycomeeñygójcɨxy anajty mɨɨd je'! ¡Janch tɨm tüg mɨj jaxɨ̈gyɨ, tɨm tüg horɨ, tɨ yhuindɨgoydäy miich mmɨjjugy'ajtɨn mgomeeñ'ajtɨn!
31089	REV 19:3	Chi ajcxy jadüg'oc ymɨnaanɨp: ―¡Aleluya! Je jɨɨnjoc huɨdibɨ jɨm Babilonia co ytoy je cajp, pa'ttɨgɨ̈huɨp tzajpcɨ́xy huinɨxɨɨ huinɨtiempo, ca' yjɨɨn ypïdzɨp ni mɨna.