23233	MAT 1:20	ዬኖ ማሊፆና ዒ ዓኣንቴ፥ ፆኦሲኮ ኪኢታንቾ ዓ'ውቲና ዒዛም ጴዻዖ፦ «ዳውቴ ናዓሦ፥ ዮሴፔ! ኔኤኒ ዖኦጫዛ፥ ማይራማ ጎጳዼሢ ዓያና ጌኤሺዳፓ ማዔሢሮ ማሊ ሂርጉዋዖ ዒዞ ዔዔኬ።
23234	MAT 1:21	ዒዛ ዓቲንቄ ናይ ሾዓንዳኔ፤ ዒዚ ዴሮ'' ጎሞይዳፓ ዻቂሻንዳሢሮ ሱንፆ ዒዛኮ ኔ ‹ዬሱሴ› ጌይ ጌሤ» ጌዔኔ።
23236	MAT 1:23	«ሓይሾ ዓቲንቄ ዔሩዋ ኩሙሢ ዉዱሮ ናይ ጎጲ ዔኪ፥ ዓቲንቄ ናይ ሾዓንዳኔ፤ ሱንፃ ዒዛኮ ‹ዓማኑዔኤሌ› ጌይንቲ ጌሢንታንዳኔ» ጌዒ ኬኤዜሢ ኩማንዳጉዲኬ። (ዓማኑዔኤሌ ጌይፃ፦ ፆኦሲ ኑኡና ዎላ''ኬ ጌይሢኬ።)
23238	MAT 1:25	ማዔቶዋ ናዖ ዒዛ ሾዓንዳያ ሄላ''ንዳኣና ዒዞና ዒ ላሂባኣሴ፤ ዬካፓ ዮሴፔ ሾይንቴ ናዓሢኮ ሱንፆ «ዬሱሴ» ጌዒ ጌሤኔ።
23240	MAT 2:2	«ሾይንቴ፥ ዓይሁዴ ዓሶ ካኣቲ ዓንካዳይ? ዓባ'' ኬስካ ዛሎ''ይዳ ዦኦጋሢ ዴንቂ ዒዛም ኑ ዚጋኒ ሙኬኔ» ጌዔኔ።
23242	MAT 2:4	ዒዚያ ቄኤሶኮ ሱኡጎና ዓይሁዶ ዓሶኮ ዎጎ ዔርዛ ዓሶ ቢያ ዔኤሊ''፦ «ሜሲሔ ሾይንታንዳሢ ዎካዳይ?» ጌይ ዔያቶ ዖኦጬኔ።
23243	MAT 2:5	ዔያታ ማሃዖ፦ «ሜሲሔ ሾይንታንዳሢ ዪሁዳ ዓጮ''ይዳ ቤኤቴሌሄሜ ካታማ''ኬ፤ ዓይጎሮ ጌዔቶ ፆኦሲ ማሊፆ ኬኤዛሢ ዛሎ''ና፥
23244	MAT 2:6	‹ዪሁዳ ዓጮ''ይዳ ዓኣ ቤኤቴሌሄሜ ካታሜሌ! ዪሁዳ ዓጫ'' ዓኣ ዼኤፖ ዼኤፖ ካታማ''ፓ ኔ ዻካዓኬ። ዓይጎሮ ጌዔቶ ታኣኮ ዴሮ''፥ ዒስራዔኤሌ ሄንቃንዳያና ዎይሣንዳይ ኔጊዳፓ ኬስካንዳኔ› » ጌይንቲ ፃኣፒንቴሢሮኬ።
23246	MAT 2:8	ዬካፓ፦ «ሃሢ ዴንዲጋፓ ናዓሢ ዛጊ ኮዑዋቴ፤ ታኣኒያ ሃሣ ዴንዲ ዒዛም ዚጋንዳጉዲ፥ ዒንሢ ዒዛ ዴዴንቃዖ ታ ባንሢ ሙኪ ዒዚ ዎካ ዓኣቴያ ታኣም ኬኤዙዋቴ» ጌይ ቤኤቴሌሄሜ ዳኬኔ።
23251	MAT 2:13	ዔሮ'' ዓሶንሢ ዓኣዼስካፓ ጎዳኮ ኪኢታንቻ ዮሴፔም ዓውቲና ጴዻዖ፦ «ሃካፓ ዔቄ! ኔኤኒ ማዒ ሙካንዳ ዎዶ'' ታ ኔኤም ኬኤዛንዳያ ሄላ''ንዳኣና ናዓሢና ዒንዶና ዔኪ ጊብፄ ዓጮ'' ቤቲ ዒኢካ ዴዔ፤ ዓይጎሮ ጌዔቶ ካኣቲ ሄሮዲሴ ናዓሢ ዎዻኒ ኮዓኔ» ጌዔኔ።
23253	MAT 2:15	ዒኢካ ካኣቲ ሄሮዲሴ ሃይቃንዳያ ሄላ''ንዳኣና ናንጌኔ፤ ዬይ ያዺ ማዔሢ' ፆኦሲ ፔ ማሊፆ ኬኤዛሢ ዛሎ''ና፦ «ታኣኮ ናዓሢ ጊብፄይዳፓ ታ ዔኤሌ''ኔ» ጌዔ ቃኣላ'' ኩማ''ንዳጉዲኬ።
23256	MAT 2:18	«ዬኤፒና ሚርጌ ዒላቲ ዑኡሲና ራማ ዓጮ''ይዳ ዋይዚንቴኔ፤ ራሄላኣ ፔ ናኣቶ'' ዛሎ''ሮ ዬኤኬኔ፤ ናኣታ'' ዒዞኮ ኩዴሢሮ ዶዲፆ ባሺንቴኔ» ጌዒ ኬኤዜሢ ኩሜኔ።
23258	MAT 2:20	«ሃይካፓ ዔቄ! ናዓሢና ዒንዶና ዔኪ ጊንሣ ዒስራዔኤሌ ዓጮ'' ማዔ፤ ዓይጎሮ ጌዔቶ ናዓሢ ዎዻኒ ኮዓ ዓሳ ቢያ ሃይቄኔ» ጌዔኔ።
23261	MAT 2:23	ናዝሬቴ ጌይንታ ካታሞይዳ ናንጌኔ፤ ዬይ ያዺ ማዔሢ' ፆኦሲ ማሊፆ ኬኤዛ ዓሶ ዛሎ''ና «ናዝራ ዓሲ» ጌይንታንዳኔ ጌይንቴሢ ኩማ''ንዳጉዲኬ።
23263	MAT 3:2	ዒዚ ኬኤዜሢ፦ «ፆኦሲ ካኣቱማ ዑኬኔ፤ ጎሞ ቡኡፁዋቴ» ሂዚ ጌዒኬ።
23264	MAT 3:3	« ‹ጎዳኮ ጎይፆ ጊኢጊሹዋቴ፥ ሉኡጎ ጎይፆዋ ፒዚሱዋቴ› ጌዒ ጌዒ ዓሲ ናንጉዋ ዳውሎ''ይዳ ዒላታ ዓሲ ዑኡሲ» ጌዒ ፆኦሲ ማሊፆ ኬኤዛ ዒሲያሴ ኬኤዜሢ ዬያ ዮሓኒሴ ዛሎ''ኬ።
23268	MAT 3:7	ዮሓኒሴ ሚርጌ ፔርሴ ዓሲንታ ሶዶቄ ዓሲንታ ዋኣፆና ማስታኒ ዒዛ ኮራ ሙካሢ ዛጋዖ፦ «ሃይ ዒንሢ ሾኦዣ! ሙካ ፆኦሲኮ ጎሪ''ንቶይዳፓ ዒንሢ ቶላ''ንዳ ጎይፆ ዖኦኒ ዒንሢም ኬኤዜይ?
23270	MAT 3:9	‹ኑኡኒ ዓብራሃሜ ናኣቶ''ኬ› ጌዒ ጌዒ ሄርሺንቲፖቴ፤ ፆኦሲ ሃያ ሹጮይዳፓ ዓብራሃሜ ናይ ማሃኒ ዳንዳዓኔ ታ ዒንሢም ጋዓኣኬ።
23273	MAT 3:12	ዒዛኮ ሃኣኮ ሶኦሪ ጌኤሾ ዓንዳ ዓኣሢሮ፥ ጌኤሼሢኮ ጊንፃ ዓኣፖንሢ ኮና ዋሂ ዲኢሮ ባይቁዋ ታሚዳ ሚቻንዳኔ» ዔያቶም ጌዔኔ።
23275	MAT 3:14	ዮሓኒሴ ጋዓንቴ፦ «ዬይ ማዓዓኬ፤ ታ ኔ ኮራ ማስታኒ ኮይሳንቴ፥ ኔ ታ ባንሢ ሙካ?» ጌዒ ላኣጊሢ ዓርቄኔ።
23276	MAT 3:15	ዬሱሴ፦ «ፆኦሲ ኮዓ ባኮ ቢያ ሂዲ ኑ ኩንሣንዳያ ኮይሳሢሮ ሃሢ ላኣጊፖ፤ ያዒ ማማዖንጎ» ጌዒ ማሃዛ፥ ዮሓኒሴ ዒ ጌዔሢ ዋይዛዖ ዬሱሴ ዋኣፆና ማስኬኔ።
23278	MAT 3:17	ዬማና፦ «ታና ዎዛሳ፥ ታ ዒዛ ናሽካ ናዓሢ ታኣኮ ሃያኬ» ጋዓ ዑኡሲ ጫሪንጫፓ ዋይዚንቴኔ።
23281	MAT 4:3	ዬማ''ና ጌሻ ፃላሄ ዬሱሴ ኮራ ሙካዖ፦ «ሂንዳ ኔ ፆኦሲ ናይ ማዔቴ፥ ሃንሢ ሹጮንሢ ካሣ ማሄ» ጌዔኔ።
23282	MAT 4:4	ዬሱሴ ማሃዖ፦ « ‹ዓሲ ናንጋሢ ፆኦሲ ኬኤዛ ቃኣሎ''ና ማዓንዳፓዓቴም ካሣ ሙዒ ሌሊቱዋሴ› ጌይንቲ ፃኣፒንቴኔ» ጌዔኔ።
23284	MAT 4:6	« ‹ኔና ካፓንዳጉዲ ፆኦሲ ፔ ኪኢታንቾ ኔኤም ዓይሣንዳኔ፤ ቶካ'' ኔኤኮ ሹጮይዳ ዹይንቱዋጉዲ፥ ዔያታ ፔ ኩጮና ዓርቂ ኔና ቃዛንዳኔ› ጌይንቲ ፃኣፒንቴኔ፤ ዬያሮ ኔ ፆኦሲ ናይ ማዔቶ፥ ሂንዳ ሃይፓ ሊካ ጱሌ''» ጌዔኔ።
23285	MAT 4:7	ዬሱሴ ማሃዖ፦ « ‹ኔ ጎዳ፥ ፆኦዛሢም ፒራኒ ማሊፖ› ጌይንቲ ሃሣ ፃኣፒንቴኔ» ጌዔኔ።
23287	MAT 4:9	«ጉምዓቲ ኔ ታኣም ዚጊ ካኣሽኬቴ፥ ሃያ ታ ኔኤም ቢያ ዒንጋንዳኔ» ጌዔኔ።
23288	MAT 4:10	ዬሱሴ ማሃዖ፦ «ኔኤኒ ሓይ ፃላሄ፥ ሴካ ሺኢኬ! ‹ኔ ጎዳ ፆኦዛሢም ዚጌ፤ ሃሣ ዒዛ ሌሊ ካኣሽኬ› ጌይንቲ ፃኣፒንቴኔ» ጌዔኔ።
23293	MAT 4:15	«ባዞ'' ባንሢ ዓኣዻ ጎይፆና ዮርዳኖሴ ዎሮ ሱኮናይዳ ዓኣ ዛብሎኦኔንታ ኒፕታኣሌኤሜንታ ዓጫ'' ዓይሁዴ ማዒባኣ ጌሊላ ዓሶ ዓጫ''፤
23294	MAT 4:16	ዬያጉዲ ዹሞይዳ ናንጋ ዴራ'' ዼኤፒ ፖዒ ዴንቃንዳኔ፤ ባይሲንታም ጊኢጌ ዓጫ'' ዓኣ ዓሶም ፖዒ ፖዓንዳኔ» ጌይንቴሢ ኩማ''ንዳጉዲኬ።
23295	MAT 4:17	ዬካፓ ዓርቃዖ ዬሱሴ፦ «ፆኦሲ ካኣቱማ ዑኬሢሮ ጎሞ ቡኡፁዋቴ» ጌዒ ጌዒ ዔርዚሢ ዓርቄኔ።
23297	MAT 4:19	ዬሱሴ ዔያቶም፦ «ሃኒ ታ ጊንፆ ሙኩዋቴ፤ ታ ዒንሢ፥ ዓሲ ፒሪ ዓርቃያ ማሃንዳኔ» ጌዔኔ።
23306	MAT 5:3	«ፆኦሲዳ ጉሙርቂፆ ጌሢ ፔና ሂርኪዳዞንሢ ፆኦሲ ካኣቱማ ዔያቶም ማዔሢሮ ዎዛዾንጎ።
23314	MAT 5:11	«ዓሳ ዒንሢ ታ ዛሎ''ሮ ጫሽኪ፥ ዒፂ ዳካያ ማዔቴ ሃሣ ፑርታ ሉኡዙሞ ዒንሢዳ ጌስቴቴ ዎዎዛዹዋቴ።
23315	MAT 5:12	ጫሪንጮይዳ ዒንሢ ዬያ ዛሎ''ሮ ዔካንዳ ባካ ዼኤፒታሢሮ ኮሺ'' ዎዛዹዋቴ፤ ሃያኮ ቤርታ ፆኦሲ ማሊፆ ኬኤዛዞንሢያ ዬያይዲ ዒፂ ዳኮናኔ።»
23316	MAT 5:13	ዬካፓ ሃሣ ዬሱሴ፦ «ዒንሢ ዓጮ''ኮ ሶኦጌኬ፤ ጋዓንቴ ሶኦጌ ዓኣፆ ዒፄቴ ዎይቲ ጊንሣ ዓኣፃያ ማዓኒ ዳንዳዓይ? ሴካ ካራይዳ ኬኤሪንቲ ዓሲ ቶኪና ሄ'ርቃንዳኔ፤ ዓይጎማኣ ማዓዓኬ።
23319	MAT 5:16	ዬያጉዲ ዓሳ ዒንሢኮ ኮዦ ማዾ'' ዛጊ ዒንሢኮ ጫሪንጮ ዓዳሢ ጋላታንዳጉዲ ፖዓ ዒንሢኮ ዓሲ ቢያም ፖዖንጎ» ጌዔኔ።
23320	MAT 5:17	ሃሣ ዬሱሴ፦ «ሙሴ ዎጎና ፆኦሲ ማሊፆ ኬኤዛ ዓሶና ዔርዛ ባኮ ላኣማ''ኒ ታ ዒንሢም ሙኬያ ማሎፓ፤ ታ ሙኬሢ' ጌይንቴ ጎይፆ ኩኩንሣኒ ሙካንዳኣፓዓቴም ላኣማ''ኒ ሙኪባኣሴ።
23323	MAT 5:20	«ዒንሢኮ ፂሉ''ማ ፔርሴ ዓሶና ሙሴ ዎጎ ዔርዛዞንሢ ፂሉ''ማፓ ባሺባኣቴ ፆኦሲ ካኣቱሞይዳ ማሊ ዒንሢ ጌላኒ ዳንዳዑዋሴ።
23324	MAT 5:21	«ቤርታ ዓሶም ጌይንቴሢ ዒንሢ ዋይዜኔ፤ ዬይያ ‹ዎዺፖቴ፥ ዓሲ ዎዻሢ ፑርታና ዎጊንታንዳኔ› ጋዓያኬ።
23325	MAT 5:22	ታ ዒንሢም ሂዚ ጋዓኔ፦ ዓሲዳ ጎሪ''ንታሢ ቢያ ፑርታና ዎጊንታንዳኔ፤ ሃሣ ዓይጎ ዓሲታቶዋ ‹ኔኤኒ ፓሡዋኣሢ ሃይ› ጌዒ ጫሽኬቶ ዎጋ ዓሶ ቤርታ ፑርታና ዎጊንታንዳኔ፤ ሃሣ ‹ኔ ዒና ባይቄሢ ሃይ› ጌዒ ጫሽካሢ ቢያ ባይቁዋ ታሞ ዎጎም ማዓንዳኔ።
23328	MAT 5:25	«ኔ ሞርካሢ ኔና ዎጌና ዓይሢሴም፥ ኔ ዒዛና ዎላ'' ዎጎ ዎጎ ቤዞ ዓኣዺፆይዳ ዓኣቴ፥ ዑኬና ኔ ሞርካሢና ዎላ'' ጊኢጌ። ያዺ ማዒባኣታቶ ኔ ሞርካሢ ኔና ዎጎ ዎጋሢም ዓኣሢ ዒንጋንዳኔ፤ ዎጋ ዓሢያ ሃሣ ፖኦሊሳሢም ዒንጋዛ ቱኡዞ ማኣራ ኔ ቱኡታንዳኔ።
23329	MAT 5:26	ጎኔ ታ ኔኤም ጋዓኔ፤ ጪጎንጎ ጎዖና ባኮ ጋፒሲ ኔ ጪጉዋዖ ዬካፓ ኬስካዓኬ» ጌዔኔ።
23330	MAT 5:27	ዬሱሴ ሃሣ፦ « ‹ዓኒ ሃሣ ማቾ ማዒባኣ ዓሲና ላሂፖ› ጌይንቴሢ ዒንሢ ዋይዜኔ።
23331	MAT 5:28	ታኣኒ ዒንሢም ጋዓንቴ ‹ላኣሊ ዛጊ ላሃኒ ማሌ ዓሲ ቢያ፥ ዬማና ፔ ዒኖና ዒዞና ላሄያ ማዓኔ› ጋዓኔ።
23333	MAT 5:30	ሚዛቆ ኩጫ ኔና ዻቢሻያ ማዔቴ ኔጊዳፓ ቲቂ ኬኤሬ፤ ጉቤ ዑፃ ኔኤኮ ባይቁዋ ታሞይዳ ኬኤሪንታሢዳፓ ዑፆኮ ኔኤኮ ፔቴ'' ቤሲ ፓጬቴ ኮሺኬ» ጌዔኔ።
23334	MAT 5:31	ዬሱሴ ሃሣ፦ «ዬያጉዲ ‹ፔኤኮ ማቾ ዓንጃሢ ቢያ ዒዞ ዓይጎሮ ዓንጄቶዋ ዔርዛ ባኣዚ'' ፃኣፒ ዒንጎንጎ› ጌይንቴኔ።
23335	MAT 5:32	ታ ጋዓንቴ ዒንሢም ሂዚ ጋዓኔ፦ ሜሌ'' ዓሲና ዒኢቲሢ ዛላና ማዒባኣንቴ ፔ ማቾ ዓንጃሢ ቢያ ዒ'ዛ ዞኦስካ ኮኦማንዳጉዲ ማሃኔ፤ ዬኖ ዓንጂንቴዞ ዔካሢያ ዒዞና ዞኦስካ ኮኦማያ ማዓኔ» ጌዔኔ።
23336	MAT 5:33	ዬካፓ ሓሣ ዬሱሴ፦ «ሓያኮ ቤርታ ሚናኣ ዓሶም ‹ኔኤኒ ፆኦሲም ጫኣቄ ባኣዚ'' ኩኩንሤ፤ ኔ ጫኣቄ ባኮ ሃሺ''ፖ› ጌይንቴሢ ዒንሢ ዋይዜኔ።
23340	MAT 5:37	ዬያሮ ዒንሢኮ ጌኤዛ ‹ሂዮ› ማዔቶ ‹ሂዮ› ‹ዔይዔ› ማዔቶ ዔይዔ ማዖንጎ። ዬማፓ ዑሣ ዓኣዼ ጌኤዞማ ፃላሄይዳፓኬ» ጌዔኔ።
23341	MAT 5:38	ሃሣ ዬሱሴ፦ « ‹ዓኣፒ ዛላሮ ዓኣፒ፥ ዓቺ ዛላሮ ዓቺ› ጌይንቴሢ ዒንሢ ዋይዜኔ።
23344	MAT 5:41	ፔቴ'' ዓሲ ‹ታኣኮ ባሶ'' ዔኪ ዻካ'' ታኣና ዎላ'' ጎይፆ ዓኣዼ› ጌዒ ዎልቃዼቶ ዒ ኮዔሢዳፓ ዑሣ ዒዛና ዎላ'' ዓኣዼ።
23345	MAT 5:42	ኔና ሺኢቃሢም ዒንጌ፤ ኔጊዳፓ ታልዓኒ ኮዓሢ ላኣጊፖ» ጌዔኔ።
23346	MAT 5:43	ዬሱሴ ሃሣ፦ «‹ኔ ላጋሢ ናሽኬ፤ ኔ ሞርካሢ ዒፄ› ጌይንቴሢ ዒንሢ ዋይዜኔ።
23351	MAT 5:48	ዒንሢኮ ጫሪንጮ ዓዳሢ ፔቴ''ታዖ ዻቢንቲባኣያ ማዔሢጉዲ ዒንሢያ ዒማዺ ማዑዋቴ» ጌዔኔ።
23352	MAT 6:1	ዬሱሴ ጌኤዞ ጌስታዖ፦ «ዓሲ ዒንሢኮ ዛጋንዳጉዲ ጌዒ ዒንሢ ማዻ ኮዦ ባኮ ዓሲ ቤርታ ፔጌና ማዺሢዳፓ ዒንሢና ካፑዋቴ፤ ያዺ ዒንሢ ማዼቶ ጫሪንጮ ዓዳሢ ኮይላ''ፓ ዒንሢ ዔኤቢ ዴንቃዓኬ።
23355	MAT 6:4	ዒንሢ ዒንጋ ባኮ ዴሜና ዒንጉዋቴ፤ ዴሜና ዒንጊንታ ባኮ ዒንሢኮ ዴንቃ ዓዳሢ ዬያ ዛሎ'' ማሂ ዒንሢም ዒንጋንዳኔ» ጌዔኔ።
23356	MAT 6:5	ዬሱሴ ሃሣ፦ «ዒንሢ ሺኢቃ ዎዶ''ና ጉሪ ሄርሺንቶሮ ሺኢቃ ዓሶጉዲ ማዒፖቴ፤ ዔያታ ዓሲ ኑና ዛጎም ጌዒ ዓሳ ቡካ ቤዞና ጎይሢ ዓቺናይዳ ዔቂ ሺኢቃኒ ኮዓኔ። ጎኔ ታ ዒንሢም ጋዓኔ፦ ዔያታ ኮዓ ባኮ ቢያ ዬማና ዔኪ ጋጋፔኔ።
23358	MAT 6:7	«ዒንሢ ሺኢቃ ዎዶ''ና ፓሡዋ ማሊሢ ላሚ ላሚ ጌይሢና ሺኢጲፃ ዔያቶሲ ዋይዚንታያ ማላ፥ ዓይሁዴ ማዒባኣ ዓሶጉዲ ዒንሢኮ ሺኢጲፆ ጉሪ ዖዶሲፖቴ።
23359	MAT 6:8	ሃሣ ዔያቶ ጉዲያኣ ማዒፖቴ፤ ዒንሢኮ ዓዳሢ ዒንሢ ሺኢቃንዳሢኮ ቤርታ ዓይጌ ዒንሢም ኮይሳቴያ ዔዔራኔ» ጌዔኔ።
23360	MAT 6:9	ዬሱሴ ሃሣ፦ «ዒንሢ ጋዓንቴ ሂዚ ጌዒ ሺኢቁዋቴ፦ ‹ጫሪንጫ ናንጋ ኑ ዓዳሢዮ! ሱንፃ ኔኤኮ ቦንቺንቶም፤
23364	MAT 6:13	ፑርታይዳፓ ኑና ካፔ፤ ዻቢሻኒ ጌሾያይዳኣ ኑና ጌልዚፖ፤ ካኣቱሞንታ ዎልቆንታ ቦንቾንታ ናንጊና ኔኤሮኬ ዓኣሜን› » ጌዔኔ።
23365	MAT 6:14	ሃሣ ዬሱሴ ኬኤዛዖ፦ «ዓሳ ዒንሢም ዻባ ዻቢንቶ ዒንሢ ዓቶም ጌዔቶ ዒንሢሲያ ጫሪንጮ ዓዳሢ ዓቶም ጋዓንዳኔ።
23366	MAT 6:15	ዓሳ ዒንሢም ዻቤ ባኮ ዓቶም ዒንሢ ጌዒባኣቶ ዒንሢ ዻቢንቶዋ ጫሪንጮ ዓዳሢ ዓቶም ጋዓዓኬ» ጌዔኔ።
23367	MAT 6:16	ዬሱሴ ሃሣ፦ «ዒንሢ ሙዖ ሃሺ'' ሺኢቆ ሺኢጲፆ ሺኢቃ ዎዶ''ና ሄርሺንቶሮ ማዻ ዓሳ ማዻሢጉዲ ማዺፖቴ፤ ዔያታ ሙዖ ሃሾ'' ዳምቦ ማዻ ዎዶ''ና ሙኡዚ'' ሃሻ''ያ ማዔሢ ዔርታንዳጉዲ ሲዬ ዓሲጉዲ ማዓኔ። ጎኔ ታ ዒንሢም ጋዓኔ፦ ዔያታ ዬያይዲፆና ዔያቶም ኮይሳ ባኮ ቢያ ዔኬኔ።
23369	MAT 6:18	ኔኤኒ ዬያይዴቴ ሙዖ ሃሺ'' ሺኢቃያታሢ ጴዹዋ ቤዛ ዓኣ ኔ ዓዳሢዳፓ ዓታዛ ሜሌ'' ዖኦኒያ ዔሪንዱዋሴ። ዓኣሺንቴ ቤዛ ኔ ሺኢቄ ባኮ ዛጋ ኔ ዓዳሢ ኔኤም ኮይሳ ባኮ ዒንጋንዳኔ» ጌዔኔ።
23370	MAT 6:19	ዬሱሴ ሃሣ ኬኤዛዖ፦ «ቁንቁና ሙዓኒ፥ ሳልፒ ፑርታኒ ሃሣ ዉሲያ ቦኦኪ ዉኡቃኒ ዳንዳዓ፥ ሃያ ዓጮ''ይዳ ዒንሢም ማዓ ቆሎ ቡኩሲፖቴ፤
23373	MAT 6:22	«ኔኤኮ ዓኣፓ ዑፆኮ ፆንፔኬ፤ ዬያሮ ዓኣፓ ኔኤኮ ኮሺ ማዔቶ ጉቤ ዑፃ ኔኤኮ ፖዓያ ማዓኔ፤
23375	MAT 6:24	«ፔቴ'' ዓሲ ላምዖ ጎዳቲም ማዻኒ ዳንዳዑዋሴ፤ ማዻቴ ፔቴ''ሢ ዒፂ ባጋሢ ናሽካንዳኔ፥ ማዒባኣቶ ፔቴ''ሢ ቦንቺ ፔቴ''ሢ ቦሃንዳኔ፤ ዬያጉዲ ፆኦሲና ሚኢሼናም ፔቴ''ና ማዻኒ ዳንዳዒንቱዋሴ» ጌዔኔ።
23376	MAT 6:25	ዬሱሴ ሃሣ ኬኤዛዖ፦ «ዒንሢ ናንጎ ዛሎ'' ዓይጎ ኑ ሙዓንዳይ? ዓይጎ ኑ ዑሽካንዳይ? ሃሣ ዓይጎ ኑ ማይንታንዳይ? ጌዒ ማሊ ሜታዺፖቴ። ሼምፓ ሙኡዚ''ዳፓ፥ ዑሢ ማኣዖይዳፓ ባሼቱዋዓዳ?
23379	MAT 6:28	«ሃሣ ማኣዖ ዛላኣ ዓይጎሮ ዒንሢ ሜታዺ ማላይ? ሂንዳ ካዮ ቡኖ ዛጉዋቴ፥ ዔያታ ሜታዺ ሱኩዋሴ፤
23385	MAT 6:34	ዬያሮ ዚራ ባኣዚ''ሮ ማሊ ሜታዺፖቴ፤ ዚሮ ማሊሳ ባካ ዚራሮ ማዖንጎ፤ ፔቴ'' ፔቴ'' ኬላ'' ፔኤኮ ጊዳ ሜቶና ዓኣያኬ» ጌዔኔ።
23386	MAT 7:1	ዬሱሴ ሃሣ ኬኤዛዖ፦ «ፆኦሲ ዒንሢዳ ዎጉዋጉዲ ዖናኣ ‹ዒ ፑርታኬ› ጌይ ዎጊፖቴ፤
23389	MAT 7:4	ኔ ዓኣፖይዳ ዼኤፒ ቡኡራ ዓኣንቴ፥ ‹ኔኤኮ ዓኣፓፓ ዻኮ'' ቡኡሮማ ታ ኬሶ''ም› ዎይቲ ኔ ጋዓኒ ዳንዳዓይ?
23391	MAT 7:6	ፆኦሲም ዱማዼ፥ ጌኤዦ ባኮ ካናቶም ዓጊፖቴ፤ ሃሣ ሚዛጶ ሹጮ ጉዱንፆ ቤርታ ኬኤሪፖቴ፤ ዓይጎሮ ጌዔቶ ጉዱንፃ ዬያ ሚዛጶ ሹጮ ቶኪና ሄ'ርቃንዳኔ፤ ካናታ ሃሣ ጊንሣ ሺሪ ዒንሢ ዻዓንዳኔ» ጌዔኔ።
23392	MAT 7:7	ዬሱሴ ሃሣ ኬኤዛዖ፦ «‹ሺኢቁዋቴ ዒንሢም ዒንጊንታንዳኔ፤ ኮዑዋቴ ዒንሢ ዴንቃንዳኔ፤ ካራ'' ዔቂ ዔኤሉ''ዋቴ ካራ'' ዒንሢም ቡሊ''ንታንዳኔ።
23393	MAT 7:8	ሺኢቃሢም ቢያ ዒንጊንታንዳኔ፤ ኮዓሢያ ዴንቃንዳኔ፤ ካራ'' ዔቂ ዔኤላ''ሢማኣ ካራ'' ቡሊ''ንታንዳኔ።›
23394	MAT 7:9	‹ዒንሢ ባኣካ''ፓ ናዓ ካሣ ሺኢቃዛ ሹቺ ዒንጋ ዓዴ ዓኣ?
23397	MAT 7:12	ሜሌ'' ዓሳ ዒንሢም ማዻንዳጉዲ ዒንሢ ኮዓ ባኮ ዒንሢያ ዔያቶም ማዹዋቴ፤ ሙሴ ዎጎና ፆኦሲ ማሊፆ ኬኤዛ ዓሶናኮ ዔርዚፃ ያዺ ጋዓኔ› » ጌዔኔ።
23398	MAT 7:13	ዬሱሴ ሃሣ ኬኤዛዖ፦ «ኩንዖ ካሬ''ሎና ጌሉዋቴ፤ ዓይጎሮ ጌዔቶ ባይሲንቶ ባንሢ ጌልዛ ካራ'' ዳልጊ፥ ዔኪ ዓኣዻ ጎይፃኣ ዳልጊኬ። ዬኖ ባንሢ ጌላንዳ ዓሳ ሚርጌኬ።
23399	MAT 7:14	ናንጊ ባንሢ ጌልዛ ካራ'' ጋዓንቴ ኩንዔ፥ ጎይፃኣ ሜታሳያኬ፤ ዬያሮ ዬኖ ጎይፄሎና ጌላንዳ ዓሳ ዻካ''ኬ» ጌዔኔ።
23400	MAT 7:15	ዬሱሴ ሃሣ ኬኤዛዖ፦ «ጋሮና ሙዓ ያኣዮታዖ፥ ማራይ ጉፓሌ ማይንቲ ዒንሢ ባኣኮ'' ጌሊ ዒንሢ ባይዛኒ ማላ ሉኡቂ ‹ፆኦሲ ማሊፆ ኬኤዛኔ› ጋዓዞንሢዳፓ ካፒንቱዋቴ።
23406	MAT 7:21	«ጫሪንጫ ዓኣ ታ ዓዶ ማሊፆ ኩንሡዋዖ ‹ጎዳሢዮ፥ ጎዳሢዮ› ጋዓሢ ቢያ ጫሪንጮ ካኣቱሞይዳ ጌላዓኬ።
23407	MAT 7:22	ዓጮ''ይዳ ፆኦሲ ዎጋ ኬሎ'' ሚርጌሢ ‹ጎዳሢዮ! ጎዳሢዮ! ኔ ሱ'ንፆና ፆኦሲ ማሊሢ ኑ ኬኤዚባኣዓዳ? ኔ ሱ'ንፆና ፑርታ ዓያና ዓሶይዳፓ ኑ ኬሲ''ባኣዓዳ? ኔ ሱ'ንፆና ማዺንታ ሚርጌ ዓኪ ባኣዚ'' ኑ ማዺባኣዓዳ?› ጋዓንዳኔ።
23408	MAT 7:23	ዬኖ ዎዶ''ና ‹ፔቴ''ታዖ ታ ዒንሢ ዔሩዋሴ፥ ዒንሢ ፑርቶ ዓሳ ታ ኮይላ''ፓ ሺኢኩዋቴ!› ጌዒ ፔጌና ታ ዔያቶም ኬኤዛንዳኔ» ጌዔኔ።
23409	MAT 7:24	ዬሱሴ ሃሣ ኬኤዛዖ፦ «ዓካሪ ሃያ ታኣኮ ቃኣሎ'' ዋይዚ ማዻ ዓሢ ማኣሮ ዶዲ ቤስካ ዶዲሺ ማዤ ጪንጫ ዓሲ ማላኔ።
23411	MAT 7:26	«ሓያ ታኣኮ ቃኣሎ'' ዋይዚ ማዹዋኣሢ ጋዓንቴ ማኣሮ ማኣሻላይዳ ማዤ ቦኦዛ ዓሲ ማላኔ።
23412	MAT 7:27	ዼኤፒ ዒርዚ ዋርቄም፥ ዲጳ ኩሚ'' ዢባሬያ ዢባርሻዛ ዬና ማኣሬላ ቤዞና ጋፒ ዶዔኔ» ጌዔኔ።
23416	MAT 8:2	ዬኖና ፔቴ'' ዑስካ ኬስካ ዶርዓ ዓርቄ ዓሲስኬይ ዬሱሴ ኮይላ'' ሙኪ ባሊቲና ሳዓ ሎኦማዖ፦ «ጎዳሢዮ! ኔ ኮዔቴ ታና ጌኤሻ''ኒ ዳንዳዓኔ!» ጌዔኔ።
23417	MAT 8:3	ዬሱሴ ዒዛኮ ዑፆ ዓርቃዖ፦ «ጌኤሽኬ! ኔ ጌኤሽካንዳጉዲ ታ ኮዔኔ» ጋዓዛ ዬይ ዓሢ ቤዞና ዶርዓሢዳፓ ዻቂ ጌኤሽኬኔ።
23418	MAT 8:4	ዬካፓ ዬሱሴ፥ ዬኖ ዶርዔሎይዳፓ ዻቂ ጌኤሽኬ ዓሢም፦ «ሃያ ባኮ ዖኦማኣ ኬኤዚፖ፤ ጋዓንቴ ሃሢ ዓኣዺጋፓ ኔኤኒ ጌኤሽኬሢ ቄኤሳሢም ዻዌ፤ ሃሣ ቢያሢም ማርካ ማዓንዳጉዲ ኔኤኮ ዶርዓሢዳፓ ፖዒፆ ዛሎ'' ሙሴ ዓይሤ ዒንጎ ባኮ ፆኦሲም ዒንጌ» ጌዔኔ።
23420	MAT 8:6	«ጎዳሢዮ! ታኣኮ ማዻሢ ሓርጊንቲ ዎቢ፥ ሚርጌ ሜታዺ ጋራ ላሂ ዓኣኔ፤ ታና ማኣዴ''» ጌዒ ሺኢቄኔ፤
23421	MAT 8:7	ዬሱሴ ማሃዖ፦ «ታ ዒዛ ሙኪ ፓሣንዳኔ» ጌዔኔ።
23422	MAT 8:8	ፖኦሊሶ ዓይሣሢ ጋዓንቴ፦ «ጎዳሢዮ! ታ ማኣሪ ኔ ጌላኒ ታ ጊኢጋ ዓሲቱዋሴ፤ ዬያሮ ሃካ ዓኣዖ ፔቴ'' ባኣዚ'' ጌዔ፤ ታኣኮ ማዻሢ ፖዓንዳኔ፤
23423	MAT 8:9	ታኣኒ ታ ቶኦኪና ዎይሣ ዓሲም ዓይሢንታያ ሓሣ ታ ዴማ''፥ ታኣም ዓይሢንታ ፖኦሊሴ ዓኣኔ፤ ዔያቶይዳፓ ፔቴ''ሢ ‹ዴንዴ!› ታ ጋዓዛ ዴዴንዳኔ፤ ባጋሢ ሃሣ ‹ሃኒ ዬዔ!› ታ ጋዓዛ ሙካኔ፤ ታኣም ማዻሢ ‹ሃያ ታኣም ማዼ!› ታ ጋዓዛ ዒ ማማዻኔ» ጌዔኔ።
23424	MAT 8:10	ዬሱሴ ዬያ ዋይዜ ዎዶ''ና ዲቃቲ ሄርሻዖ ዒዛና ዎላ'' ዓኣዻ ዓሶ ኮይላ''፦ «ጎኔ ታ ዒንሢም ጋዓኔ፤ ሃያጉዴ ዼኤፒ ጉሙርቂሢ ዓኣ ዓሲ ፔቴ''ታዖ፥ ዒስራዔኤሌይዳኣ ማዖም ታ ዴንቂባኣሴ።
23426	MAT 8:12	ጫሪንጮ ካኣቱሞም ጊኢጊንቴያታዖ ዙሎ'' ዹሞ ቤዛ ኬኤሪንታንዳይ ዓኣኔ። ዬካ ዬና ዓሳ ዬኤኪ ዓቺ ዻዓንዳኔ» ጌዔኔ።
23427	MAT 8:13	ዬካፓ ዬሱሴ ፄኤቶ ፖኦሊሶ ዓይሣሢም፦ «ዴንዴ፥ ኔ ጉሙርቄሢጉዲ ማዖንጎ» ጌዔኔ። ዬያ ዓሢኮ ማዻሢ ዬማ''ና ፖፖዔኔ።
23430	MAT 8:16	ዬካፓ ሳዓ ዓማዛ፥ ዓሳ ፑርታ ዓያና ዓርቄ ሚርጌ ሃርጌ ዓሲ ዬሱሴ ኮይላ'' ዔኪ ሙካዛ «ኬስኬ» ጌይሢና ሌሊ ፑርቶ ዓያኖ ኬሴ''ም ሃርጊንቴ ዓሳ ቢያ ፖዔኔ።
23431	MAT 8:17	ዬያይዲፆና ፆኦሲ ማሊፆ ኬኤዛ ዒሲያሴ ዛሎ''ና፦ «ዒዚ ኑኡኮ ዶርዓሢ ዔኪ ኑጊዳፓ ዳኬኔ» ጌይንቴሢ ኩሜ''ኔ።
23433	MAT 8:19	ዒማ''ና ፔቴ'' ሙሴ ዎጎ ዔርዛ ዓሲ ዒዛ ባንሢ ሙካዖ፦ «ዔርዛሢዮ! ኔ ዓኣዻ ቤዞ ቢያ ታ ኔኤና ዓኣዻንዳኔ» ጌዔኔ።
23434	MAT 8:20	ዬሱሴ ማሃዖ፦ «ዉኡካሢኮ ዎርቆ ዔቴ፤ ካፖኮ ሃሣ ማኣሪ ዓኣኔ። ዓሲ ናዓሢ ጋዓንቴ ላሂ ሃውሻንዳ ቤሲታዖ ባኣሴ» ጌዔኔ።
23435	MAT 8:21	ዒዛኮ ጊንፆ ሃንታዞንሢዳፓ ፔቴ''ይ፦ «ጎዳሢዮ! ቤርታዺ ታ ዴንዲ ታ ዓዴ ሃይቄም ዱኡኪ ሙኮም» ጌዔኔ።
23436	MAT 8:22	ዬሱሴ ማሃዖ፦ «ኔኤኒ ታ ጊንፆ ሙኬ፤ ሃይቄ ዓሳ ሃይቄ ዓሶ ዱኡካንዳጉዲ ሃሼ''» ጌዔኔ።
23439	MAT 8:25	ዒዛኮ ጊንፆ ሃንታ ናኣታ'' ዒዛ ጴቻዖ፦ «ጎዳሢዮ! ኑ ኩዴኔ፥ ኑና ዓውሴ» ጌዔኔ።
23440	MAT 8:26	ዬሱሴ ዒማ''ና፦ «ሓይ ዒንሢ ጉሙርቂፃ ፓጬ ዓሳ፥ ዓይጎሮ ዒንሢ ሃያይዲ ዒጊጬይ!» ጋዓዖ፥ ዔቂ ዢባሮና ዼኤፖ ጉዳሢና ጎሬም ቤዞና ቢያ ባካ ዚቲዮ ጌዔኔ።
23441	MAT 8:27	ዓሳ ጋዓንቴ ሚርጌና ዲቃቲ ሄርሻዖ፦ «ሃይ ዢባሮንታ ባዞ''ንታ ቢያ ዓይሢንታሢ ዎዚጉዴ ዓሲዳይ?» ጌዔኔ።
23443	MAT 8:29	ዔያታ፦ «ፆኦሲ ናዓሢዮ! ኑኡና ዎላ'' ኔኤኮ ዓይጌ ዓኣይ? ዎዳ'' ሄሉ''ዋንቴ ኔ ኑና ሜታሳኒ ሙኪያ?» ጌዒ ጌዒ ዒላቴኔ።
23445	MAT 8:31	ፑርቶ ዓያኖንሢ ዬሱሴ ኮራ፦ «ኔ ኑና ኬሳ''ያ ማዔቴ፥ ሃሴኬ ጉዱንፆይዳ ኑ ጌላንዳጉዲ ኑና ዓይሤ» ጌዒ ዒዛ ሺኢቄኔ።
23446	MAT 8:32	ዬሱሴያ፦ «ዴንዱዋቴ!» ጋዓዛ፥ ፑርቶ ዓያኖንሢ ዓሶንሢዳፓ ኬስኪ ጉዱንፆይዳ ጌላዛ፥ ጉዱንፃ ቢያ ዔያታ ሄንቃ ማጎ ዓጮይዳፓ ዲርጊ ባዞ''ይዳ ጌሊ ሙይንቴኔ።
23450	MAT 9:2	ዒኢካ ዓሳ ፔቴ'' ዎቦ ዓሲ ሃሎና ኬዲ ዔኪ ሙኬኔ። ዬሱሴ ዔያቶኮ ጉሙርቂፆ ዛጋዖ ዎቦ ዓሢም፦ «ታ ናዓሦ ማሊፖ! ጎማ ኔኤኮ ዓቶም ጌይንቴኔ» ጌዔኔ።
23451	MAT 9:3	ዒማ''ና ሙሴ ዎጎ ዔርዛ ፔቴ'' ፔቴ'' ዓሳ፦ «ሃይ ፆኦሲ ጫሺኬ» ጌዒ ፔ ዒኖና ማሌኔ።
23452	MAT 9:4	ዬሱሴ ዔያቶኮ ማሊፆ ዔሪጋፓ፦ «ዓይጎሮ ዒንሢ ሃያጉዴ ፑርታ ባኣዚ'' ዒኖና ማላይ?
23453	MAT 9:5	‹ጎማ ኔኤኮ ዓቶም ጌይንቴኔ› ጌይሢና ‹ዔቂ ዴንዴ› ጌይሢናይዳፓ ሂንዳ ዎና ሼሌዓይ?
23454	MAT 9:6	ጋዓንቴ ዓሲኮ ናዓሢ ሳዖይዳ ዓሲኮ ጎሜ ዓቶም ጋዓኒ ቢታንቶ ዓኣሢ ዒንሢ ዔራንዳያ ኮይሳኔ» ጋዓዖ፥ ዎቦ ዓሢም፦ «ዔቂ ሃላሢ ኔኤኮ ኬዲ ኔ ማኣሪ ዓኣዼ» ጌዔኔ።
23457	MAT 9:9	ዬሱሴ ዴንዲቤቃ ማቲዎሴ ጎዖስኬይ ኮርሞ ዓሶፓ ሚኢሾ ቡኩሳ ቤዛ ዴዒ ዓኣንቴ ዴንቂ፦ «ሃኒ ታ ጊንፆ ሙኬ!» ጋዓዛ፥ ዒዚያ ዔቂ ዒዛ ጊንፆ ዓኣዼኔ።
23459	MAT 9:11	ፔርሴ ዓሳ ዬያ ዛጋዖ ዬሱሴኮ ጊንፆ ሃንታዞንሢ ኮራ፦ «ዒንሢኮ ዔርዛሢ ሃያ ሚኢሾ ቡኩሳ ዓሶና ጎሞ ዓሶና ዎላ'' ዴዒ ዎይቲ ሙዓይ?» ጌይ ዖኦጬኔ።
23460	MAT 9:12	ዬሱሴ ዔያታ ጌዔሢ ዋይዛዖ፦ «ዼኤሻ ዔራ ዓሲ ኮይሳሢ ሃርጊንቴ ዓሲም ማዓንዳፓዓቴም ዋሊ'' ዓሲምቱዋሴ፤
23461	MAT 9:13	ዴንዲ፦ ‹ዒንጎ ባኣዚ'' ዒንጋያይዳፓ ባሼ ዓሲ ሚጪንታ ዓሲ ታ ናሽካኔ› ጋዓ ቃኣላ'' ዎይዚ ጌይሢታቴያ ማሊ ጶቂሢ ዔሩዋቴ፤ ጎሞ'' ዓሶ ዔኤላ''ኒ ማዓንዳኣፓዓቴም ፂሎ'' ዓሶ ዔኤላ''ኒ ታ ሙኪባኣሴ» ጌዔኔ።
23462	MAT 9:14	ዒማና ማስካ ዮሓኒሴኮ ጊንፆ ሃንታ ናኣታ'' ዬሱሴ ኮራ ሙካዖ፦ «ኑኡና ፔርሴ ዓሶና ሙዖ ሃሺ''ፆ ዳምቦ ካፓንቴ፥ ኔ ጊንፆ ሃንታ ናኣታ'' ዓይጎሮ ዬያይዲ ካፑዋይ?» ጌዒ ዖኦጬኔ።
23463	MAT 9:15	ዬሱሴ ማሃዖ፦ «ዑኡታሢ ዔያቶና ዎላ'' ዓኣንቴ ዔፖ ዓሳ ዎይቲ ሙይ ዑሽኪ ዎዛዹዋዖ ሃሻ''ንዳይ? ዑኡታሢ ዔያቶይዳፓ ዔውታንዳ ዎዴ ሙካንዳኔ፤ ዬኖ ዎዶ''ና ዔያታ ሙዖ ሃሺ''ፆ ዳምቦ ካፓንዳኔ።»
23464	MAT 9:16	«ዓኪ ዓፒላይዳፓ ዔኪ ጪሚ ዓፒላይዳ ዓጊ ሲካይ ባኣሴ፤ ያዺ ማዔቶ ዓኮ ዓጊፃ ጉርሚ ጪሞ ዓፒሎ ዳዳርዛንዳኔ፤ ዳርዒፃኣ ፔቶ ዳልጋንዳኔ።
23465	MAT 9:17	ዬያጉዲ ሶልኪ ዑሺ ዋሆ ጪንቄ ዖቲዳ ሺሜ ዋሂንቱዋሴ፤ ዋሂንቴቴ ጋዓንቴ ሺሜ ዑዣ ቡርቂ ዖቶ ዹኡሴም ዑዣ ላኣሊንታንዳኔ፤ ዖታኣ ጉሪ ዓታንዳኔ። ዬያሮ ሺሜ ዑሺም ዓኪ ጌኤሺ ዖቲ ኮይሳኔ፤ ዬያይዴቴ ዑዣ ዖቶይዳ ዔኤቢ ዎኦቱዋዖ ዴዓኔ።»
23466	MAT 9:18	ዬሱሴ ዬያ ዓሶም ኬኤዚፆይዳ ዓኣንቴ ፔቴ'' ዓይሁዶ ዓሶኮ ቡኪንቶ ቤዞ ሱኡጌስኬይ ሙኪ ባሊቲና ዒዛ ቤርታ ሎኦማዖ፦ «ታኣኮ ናይስኬና ሃርጊ፥ ሃሢ ሃይቄኔ፤ ሃዳራ፥ ኔኤኒ ሙኪ ዒዞ ዑፃ ኩጮ ጌሤቶ ዒዛ ዻቃንዳኔ» ጌዔኔ።
23469	MAT 9:21	ዬያ ዒዛ ማዼሢ፦ «ዒዛኮ ዓፒሎታዖ ኩጮና ታ ካኣሜቶ ዻቃንዳኔ» ጌዒ ፔ ዒኖና ማሌሢሮኬ።
23470	MAT 9:22	ዬሱሴ ዒማና ጊንሢም ሺሪ ላኣሌሎ ዛጋዖ፦ «ታ ናዔሌ ማሊፖ፥ ኔ ጉሙርቂፃ ኔና ዻቂሼኔ» ጋዓዛ፥ ላኣሌላ ቤዞማና ዻቄኔ።
23472	MAT 9:24	ዓሶ፦ «ሺኢኩዋቴ! ናዔላ ጊጊንዔያፓዓቴም ሃሃይቂባኣሴ!» ጋዓዛ፥ ዔያታ ዒዛ ቦሂ ሚኢጬኔ።
23475	MAT 9:27	ዬሱሴ ዬኖ ቤዛፓ ዴንዳንቴ ላምዖ ዓኣፒ ባይቄ ዓሲስኬንሢ፦ «ዳውቴ ናዓሢዮ! ሃዳራ ኑና ማኣዴ''» ጌዒ ጌዒ ዒላቴኔ።
23476	MAT 9:28	ዬካፓ ዬሱሴ ኬኤፆ ጌላዛ ዓኣፖ ባይቄዞንሢ ዒዛ ጊንፆ ሙኬም፥ ዬሱሴ ዔያቶ ኮራ፦ «ዒንሢኮ ዓኣፖ ታ ቡላ''ንዳሢ ዒንሢ ጉሙርቃ?» ጌዒ ዖኦጬኔ። ዔያታ ማሃዖ፦ «ሂዮ፥ ጎዳሢዮ» ጌዔኔ።
23477	MAT 9:29	ዬካፓ ዬሱሴ ዔያቶኮ ዓኣፖ ኩቻ ካኣማዖ፦ «ዒንሢ ጉሙርቄሢጉዲ ዒንሢም ማዖንጎ» ጌዔኔ።
23478	MAT 9:30	ዓኣፓ ዔያቶኮ ቡሊ''ንታዛ ዬሱሴ ዔያቶም፦ «ሃያ ዖኦማኣ ዒንሢ ኬኤዙዋጉዲ!» ጌዒ ዶዲሺ ላቴኔ።
23481	MAT 9:33	ፑርቶ ዓያኖ ዬሱሴ ኬሴስካፓ ዻንጎ ባይቄ ዓሢ ጌስቲሢ ዓርቄኔ፤ ዬያሮ ዴራ'' ዲቃቲ ሄርሻዖ፦ «ሃያጉዴ ባኣዚ'' ዒስራዔኤሌ ዓጮ''ይዳ ኑ ዛጊ ቤቂባኣሴ» ጌዔኔ።
23482	MAT 9:34	ፔርሴ ዓሳ ጋዓንቴ፦ «ዒዚ ፑርቶ ዓያኖ ዓሶፓ ኬሳ''ሢ ፑርቶ ዓያኖ ሱኡጋሢ ዎልቆናኬ» ጌዔኔ።
23485	MAT 9:37	ዬያሮ ዬሱሴ ዒዛኮ ጊንፆ ሃንታዞንሢ ኮራ፦ «ቡኩሶንዶ ሃኣካ ሚርጌኬ፤ ሃኣኮ ቡኩሳዞንሢ ጋዓንቴ ዻካ''ታሢሮ፥
23486	MAT 9:38	ሃኣኮ ቡኩሳ ዓሶይዳ ቃሲ'' ዓሲ ዳካንዳጉዲ ሃኣኮ ዓዶ ሺኢቁዋቴ» ጌዔኔ።
23491	MAT 10:5	ዬሱሴ ዬንሢ ታጶ ላምዖ ዒዛኮ ጊንፆ ሃንታዞንሢም፦ «ዓይሁዴ ማዒባኣ ዓሶ ባንሢ ዴንዲፖቴ፤ ሃሣ ሳማሪያ ካታሞዋ ጌሊፖቴ፤
23493	MAT 10:7	ዴንዲጋፓ ‹ጫሪንጮ ካኣቱማ ዑኬኔ› ጌዒ ጌዒ ኬኤዙዋቴ።
23496	MAT 10:10	ጋላ ዓርቆ ሉካንታ ቃሲ'' ማይንቶ ዓፒላንታ ቃሲ'' ዓኣሦ ዱርሲ ሃሣ ኮኦሎ''ዋ ጎይፆሮ ዔኪፖቴ፤ ዓይጎሮ ጌዔቶ ማዻ ዓሲም ኮይሳ ሙኡዚ'' ዒንጊንታኔ።»
23497	MAT 10:11	«ዒንሢ ጌላ ካታሞ ማዔቶዋ ጉርዶይዳ ዒ'ንሢ ሾኦቺንሢ ዎይሣኒ ጋዓ ዓሲ ዓኣቶ ዛጉዋቴ፤ ጴዼቶ ዬኖ ቤዞ ሃሺ'' ዒንሢ ኬስካንዳያ ሄላ''ንዳኣና ዒማካ ዴዑዋቴ።
23498	MAT 10:12	ዓሲ ማኣሪ ዒንሢ ጌላ ዎዶ''ና ‹ዓሲ ሙኬኔ፤ ኮሹሞ ሃኖ ማኣሮም ማዖም› ጎዑዋቴ።
23499	MAT 10:13	ማኣሮ ዓዴ ‹ኮሺዋይ› ጌዒ ዒንሢ ዔኬቴ፦ ‹ፆኦሲ ኮሹሞ ዒንሢም ማዖንጎ› ጎዑዋቴ፤ ዔኪባኣያ ማዔቶ ጋዓንቴ ዓቶንጎ።
23501	MAT 10:15	ጎኔ ታ ዒንሢም ጋዓኔ፦ ዓጮ''ይዳ ፆኦሲ ዎጋ ኬሎ''ና ዬኖ ካታሜሎም ሶዶሜና ጋሞራናም ዒንጊንቴ ሜታሢዳፓ ባሼ ሜታ ሄላ''ንዳኔ» ጌዒ ዓይሢ ዳኬኔ።
23502	MAT 10:16	ዬካፓ ዬሱሴ፦ «ዓካሪ ታ ዒንሢ ማራይጉዲ ያኣያሢ ባኣካ'' ዳካንዳሢሮ ሾኦሺጉዲ ጪንጫ፥ ዶኦሌ''ጉዲ ሼሌዔ ማዑዋቴ።
23505	MAT 10:19	ዓሳ ዒንሢ ዎጌም ሺኢሻኣና ዒንሢ ኬኤዛንዳ ባካ ዬማ ዎዶ''ና ዒንሢም ኬኤዚንታንዳሢሮ ‹ዓይጎ ሃሣ ዎዚ ጌዒ ኑ ኬኤዛንዳይ?› ጌዒ ማሊ ሜታዺፖቴ።
23507	MAT 10:21	«ዓሲ ፔ ዓዶ ናዖ ሃይቃንዳጉዲ ዓኣሢ ዒንጋንዳኔ፤ ዬያጉዲ ዓዴያ ፔኤኮ ናዓ ሃይቃንዳጉዲ ዓኣሢ ዒንጋንዳኔ፤ ናኣታ'' ሾዔ ዓሶ ዑፃ ሞርኬ ማዒ ዔቂ ዎዺሻንዳኔ።
23510	MAT 10:24	«ዔርዞሢ ዔርዛሢዳፓ ባሼቱዋሴ፤ ማዻሢያ ማዺሻሢዳፓ ባሼቱዋሴ።
23511	MAT 10:25	ዬያሮ ዔርዞሢ ዔርዛሢጉዲ፥ ማዻሢ ማዺሻሢጉዲ ማዔቴ ጊዳንዳኔ። ማኣሮ ዓዶም ‹ፑርቶ ዓያኖ ሱኡጋሢ› ጌዒ ሱ'ንሢ ዔያታ ጌሤቶ ማኣሮ ዓሶም ዬያፓ ዑሣ ፑርታ ሱ'ንሢ ጌሣዓዳ?» ጌዔኔ።
23512	MAT 10:26	ሃሣ ዬሱሴ፦ «ዓካሪ ዓሲ ዒጊጪፖቴ፤ ዓይጎሮ ጌዔቶ ዓኣቾና ባኣዚ'' ፔጋዹዋዖ፥ ዓኣሺንቴ ባኣዚ'' ዔርቱዋዖ ዓታዓኬ።
23517	MAT 10:31	ዒንሢ ዒጊጪፖቴ፤ ዓይጎሮ ጌዔቶ ሚርጌ ሱኡታይዳፓ ዒንሢ ባሼኬ» ጌዔኔ።
23518	MAT 10:32	ዬሱሴ ሃሣ፦ «ዓሲ ቤርቲዳ ታ ዛሎ'' ማርካዻሢም ቢያ ታኣኒ ጫሪንጮይዳ ዓኣ ታ ዓዶ ቤርታ ዒዛ ዛሎ'' ማርካዻንዳኔ።
23519	MAT 10:33	ዓሲ ቤርቲዳ ‹ታ ዒዛ ዔሩዋሴ› ጋዓሢ ታኣኒያ ጫሪንጮይዳ ታ ዓዶ ቤርታ ዒዛ ‹ዔሩዋሴ› ጋዓንዳኔ።
23520	MAT 10:34	«ታ ሃያ ዓጮ'' ዖልዚ ዔኪ ሙካንዳኣፓዓቴም ኮሹሞ ዔኪ ሙኬያ ዒንሢም ማሎፖ።
23523	MAT 10:37	«ታጊዳፓ ባሼ ፔኤኮ ዓዶ፥ ዒንዶ ናሽካ ዓሲ ታኣም ማዓዓኬ፤ ታጊዳፓ ባሼ ፔኤኮ ዓቲንቆ ናዖ ሃሣ ዉዶሮ ናዖ ናሽካሢ ታኣም ማዓዓኬ።
23526	MAT 10:40	«ዒንሢ ሾኦቺንሢ ዔካሢ ታና ዔካኔ፤ ታና ዔካሢያ ታና ዳኬ ታ ዓዶ ዔካኔ፤
23528	MAT 10:42	ጎኔ ታ ዒንሢም ጋዓኔ፤ ታኣኮ ጊንፆ ሃንታያ ማዔ፥ ሃንሢ ዻኮ''ንሢዳፓ ፔቴ''ማ ዋኣሢ ሺሜ ዑሻ''ሢ ዔኤቢ ዴንቁዋዖ ዓታዓኬ» ጌዔኔ።
23531	MAT 11:3	«ሙካንዳኔ ጌይንታ ሜሲሔ ኔናሞ ሜሌ'' ኑ ካፖንዶይ?» ጌዒ ዖኦጫንዳጉዲ ዳኬኔ።
23532	MAT 11:4	ዬሱሴ ዔያቶም፦ «ዴንዲጋፓ ዒንሢ ዛጌ ባኮና ዋይዜ ባኮና ቢያ ዮሓኒሴም፦
23534	MAT 11:6	ታና ‹ዒዛ ናንጋዓ› ጌዒ ዻቢንቱዋኣሢ ጋላቲንቴያኬ ጌዒ ኬኤዙዋቴ» ጌዔኔ።
23535	MAT 11:7	ዮሓኒሴ ኮራፓ ሙኬ ኪኢቶ'' ዓሶንሢ ማዒ ዴንዳዛ ዬሱሴ ዮሓኒሴ ዛሎ'' ዴሮ''ም፦ «ዒንሢ ሃሢ ዓይጎ ዛጋኒ ዓሲ ናንጉዋ ዳውሎ'' ሙኬይ? ዢባራ ዓጊሣ ፒሎ'' ዛጋኒዳ?
23538	MAT 11:10	ዒዚ ‹ኔኤኮ ቤርታ ቤርታ ዓኣዺ ጎይፆ ኔኤኮ ጊኢጊሻንዳ ታኣኮ ኪኢቶ'' ናዓሢ ኔኤኮ ቤርታ ታ ዳካንዳኔ› ጌይንቲ ፃኣፒንቴሢኬ።
23540	MAT 11:12	ማስካ ዮሓኒሴ ዎዶ''ይዳፓ ሃኖ'' ሄላ''ንዳኣና ፆኦሲ ካኣቱማ ዎልቄና ዳልጊ ዳልጊ ዓኣኔ፤ ዓካሪ ሚርጌና ዒዞሮ ሜታዻዞንሢ ዒዞ ዴንቃንዳኔ» ጌዒ ኬኤዚሢ ዓርቄኔ።
23541	MAT 11:13	ሓሣ ዬሱሴ፦ «ፆኦሲ ማሊፆ ኬኤዛ ዓሶና ሙሴ ዎጎና ሙኪ ማስካ ዮሓኒሴ ሄላ''ንዳኣና ፆኦሲ ካኣቱሞ ዛሎ'' ኬኤዚ ኬኤዚ ዴዔኔ።
23543	MAT 11:15	ዋይዛ ዋይዚ ዓኣሢ ዋይዞንጎ!» ጌዔኔ።
23544	MAT 11:16	ሃሣ ቃሳ''ዖ፦ «ሃያ ዎዶ'' ዓሳ ዓይጎ ማላኔ ታ ጋዓንዳይ? ዞኦዛ ቡኪንቲ ዴዒ ናኣታ'' ፔኤኮ ላጎ ዔኤሊ'' ዔኤሊ''፥
23545	MAT 11:17	‹ዎዛሳ ኮሢ ዒንሢም ኑ ኮርጌኔ፤ ዒንሢ ጋዓንቴ ሶኦሪባኣሴ፤ ሃሣ ቃዮ ዒንሢም ኑ ቃዬማኣ ዒንሢ ዬኤኪባኣሴ› ጋዓሢ ማላኔ።
23546	MAT 11:18	ማስካ ዮሓኒሴ ሙኡዚ'' ሙዑዋዖ ሃሣ ዑሽኩዋዖ ሙካዛ ‹ሃያይዳ ፑርታ ዓያና ዓኣኔ!› ዔያታ ጌዔኔ፤
23547	MAT 11:19	ዓሲኮ ናዓሢ ሓሣ ሙዒ ዑሽኪ ዑሽኪ ሙካዛ፥ ‹ሓሣ ሃይ ሙኡዚ''ና ዑሺና ናሽካያኬ፤ ሚኢሾ ቡኩሳ ዓሶና ጎሞ ዓሶናኮ ላጌኬ!› ዔያታ ጌዔኔ። ያዺ ማዔቴያ ዔራቶኮ ጎኑማ ፔ ማዾ''ና ፔጋዺ ዔርታንዳኔ» ጌዔኔ።
23549	MAT 11:21	«ኮራዚኔ ኔና ባዴዔ! ሃሣ ቤቴሳይዳ ኔና ባዴዔ! ዒንሢዳ ማዺንቴ ፆኦሲ ዎልቆና ማዺንታ ዓኮ ባካ ፂሮሴና ሲዶና ካታሞናይዳ ማዺንቴቴ ሄኤዶ ዔያታ ሲዬ ፓቲሌ ቱኪ'' ቶኦካ'' ቢዲንሢ ዋሂንቲ ጎሞ ፔኤኮ ቡኡፄያ ናንዳንቴኬ።
23552	MAT 11:24	ዬያሮ ጎኔ ታ ኔኤም ጋዓኔ፤ ጋፒንፆ ዎጎ ኬሎ''ና ኔጊዳፓ ሶዶሜ ካታሞም ዒንጊንታንዳ ሜታሢ ሼሌዓንዳኔ» ጌዒ ቦሂሢ ዓርቄኔ።
23553	MAT 11:25	ዒማና ዬሱሴ፦ «ጫሪንጮና ሳዖናኮ ጎዳ ማዔ፥ ታ ዓዳሢዮ! ሃያ ባኮ ዔሮ'' ዓሶይዳፓ ዓኣቺ ዔኤቢ ዔሩዋ ዓሶም ኔ ፔጋሲ ዔርዜሢሮ ታ ኔና ጋላታኔ፤
23555	MAT 11:27	ታ ዓዴ ቢያ ባኮ ታኣም ዒንጌኔ፤ ዓዶይዳፓ ዓታዛ ናዓሢ ዔራይ ዖኦኒያ ባኣሴ። ዬያጉዲ ሃሣ ናዓሢዳፓ ዓታዛ ዓዶ ዔራያ ባኣሴ፤ ናዓ ዔርዛኒ ኮዒባኣያታቶ ዖኦኒያ ዓዶ ዔራኒ ዳንዳዑዋሴ» ጌዔኔ።
23556	MAT 11:28	ሃሣ ዬሱሴ፦ «ዒንሢ ኬዳ'' ዴኤፄም ላቢንቴዞንሢ ቢያ ሃኒ ታ ባንሢ ሙኩዋቴ! ታ ዒንሢ ሃውሺሳንዳኔ።
23558	MAT 11:30	ታ ቃንባራ ባቃኖ'' ዔኩዋያ፤ ኬዳ''ኣ ሃሣ ታኣኮ ሼሌዔኬ» ጌዔኔ።
23560	MAT 12:2	ፔርሴ ዓሳ ዬያ ዛጋዖ ዬሱሴ ኮራ፦ «ሃኣዛጌ፤ ኔኤኮ ጊንፆ ሃንታዞንሢ ሃውሾ ኬሎ''ና ዓይሢንቲባኣ ባኣዚ'' ማዻኔ!» ጌዔኔ።
23561	MAT 12:3	ዬሱሴ ማሃዖ፦ «ዳውቴና ዒዛና ዎላ'' ዓኣ ዓሳ ናይዺንቴ ዎዶ''ና ዳውቴ ማዼ ባኮ ፔቴ''ታዖ ዒንሢ ናባቢባኣዓዳ?
23565	MAT 12:7	ሃሣ ‹ታኣኒ ኮዓሢ ዓሲ ሚጪንቲሢ ማዓንዳኣፓዓቴም ታኣም ሹኪ ዒንጎ ባኣዚ''ቱዋሴ› ጋዓ ማፃኣፖ ቃኣላ'' ዎዚ ጌይሢታቶዋ ዒንሢ ዔራያታቶ ዻቢንቲባኣ ዓሶ ዑፃ ‹ዔያታ ዻቤኔ› ጌይ ዎጋዓታንቴኬ።
23566	MAT 12:8	ዓይጎሮ ጌዔቶ ዓሲኮ ናዓሢ ሃውሾ ኬሎ''ኮዋ ጎዳኬ» ጌዔኔ።
23568	MAT 12:10	ዒኢካ ፔቴ''፥ ኩቺ ዎቦ ዓሲ ዓኣኔ፤ ዒማ''ና ዬሱሴ ዎጎና ዓይሢሳኒ ኮዓ ፔቴ'' ፔቴ'' ዓሳ፦ «ዓይሁዶ ዓሶኮ ሃውሾ ኬሎ''ና ሃርጊንቴ ዓሶ ፓሣኒ ዓይሢንቴያዳ?» ጌዒ ዖኦጬኔ።
23569	MAT 12:11	ዬሱሴያ ማሃዖ፦ «ዒንሢ ባኣካ''ፓ ፔቴ'' ማራይ ዓኣ ዓሲ ማራዓሢ ሃውሾ ኬሎ''ና ዔቴይዳ ሎኦሜቶ ጎቺ ኬሱ''ዋዓዳ?
23570	MAT 12:12	ዓካሪ ያዺ ማዔቶ ዓሲ ማራይዳፓ ዎይቲ ባሹዋይ? ዬያሮ ሃውሾ ኬሎ''ና ኮሺ ማዾ ማዺሢ ዓይሢንቴያኬ» ጌዔኔ።
23571	MAT 12:13	ዬካፓ ዬሱሴ ኩጮ ዎቦ ዓሢም፦ «ኩጮ ኔኤኮ ፒሼ!» ጌዔም ዒዚ ፒሻዛ ኩጫ ኮሽኪ ባጎ ኩጮጉዲ ማዔኔ።
23576	MAT 12:18	«ሃይሾ ታ ዶኦሬ፥ ታ ዒዛ ናሽካያ ሃሣ ታና ዎዛሳ ታኣም ማዻሢዳ ታ ዓያኖ ዒዛ ዑፃ ታ ማሃንዳኔ፤ ዒዚ ዓሲ ዜርሢም ቢያ ታኣኮ ፒዜ ዎጊፆ ዔርዛንዳኔ።
23579	MAT 12:21	ዓሲ ዜርሢያ ዒዛይዳ ሃጊ ማዓንዳ ዎዛ ጌሣንዳኔ» ጌይንቴሢ ኩማ''ንዳጉዲኬ።
23581	MAT 12:23	ዒማ''ና ዴራ'' ቢያ ዲቃቲ ሄርሻዖ፦ «ሓይ ዳውቴ ናዓሢ ማዓንዳሞ?» ጌዔኔ።
23582	MAT 12:24	ጋዓንቴ ፔርሴ ዓሳ ዬያ ዛጌ ዎዶ''ና፦ «ሃይ ዓሢ ፑርቶ ዓያኖ ኬሳ''ሢ ፑርቶ ዓያኖ ሱኡጋሢ ቢዔልዛቡሌ ዎልቆና ማዓንዳኣፓዓቴም» ጌዔኔ።
23583	MAT 12:25	ዬሱሴ ዔያቶኮ ማሊፆ ዔራዖ፦ «ፔቴ'' ማዒባኣ ካኣቶ'' ዓጪ ቢያ ላባ''ኔ፤ ዎላ'' ፔቴ'' ማዒባኣ ካታማታቶዋ ማኣሪ ዶዱዋሴ።
23586	MAT 12:28	ጋዓንቴ ፑርቶ ዓያኖ ታ ኬሳ''ሢ ፆኦሲ ዓያኖና ማዔቶ ፆኦሲ ካኣቱማ ዒንሢ ኮራ ሙኬኔ ጌይሢኬ» ጌዔኔ።
23587	MAT 12:29	ዬሱሴ ሃሣ፦ «ፔቴ'' ዓሲ ፔቴ'' ዎልቄና ዓኣ ዓሲ ቤርታዺ ቱኩ''ዋዖ ዎልቆና ዓኣ ዓሢ ማኣሪ ጌሊ ዓኣ ባኮ ቡራኒ ዎይቲ ዳንዳዓንዳይ? ዎልቆሲ ቱኬ''ሢኮ ጊንፃ ዒዛኮ ዓኣ ባኮ ቡራኒ ዳንዳዓኔ።
23588	MAT 12:30	«ታ ዓሲ ማዒባኣሢ ቢያ ታና ዒፃኔ፤ ታኣና ዎላ'' ማዒ ዔኤቢ ቡኩሲባኣ ዓሲ ላኣላያ ማዓንዳኔ።
23590	MAT 12:32	ዓሲ ናዓሢ ጫሽካሢም ቢያ ዻቢንታ ዓቶም ጌይንታንዳኔ፤ ዓያና ጌኤሺ ጫሽካሢም ቢያ ጋዓንቴ ሃያ ዓጮ''ይዳ ማዔቶዋ ሃጋኣ ዓጮ''ይዳ ዻቢንታ ዓቶም ጌይንቲንዱዋሴ» ጌዔኔ።
23591	MAT 12:33	ዬሱሴ ሃሣ፦ «ሚሢ ቢያ ዓኣፓፓ ዔርታሢሮ ዒንሢኮ ኮሺ ሚሢ ዓኣቶ ኮሺ ዓኣፒ ዒንሢ ዴንቃንዳኔ፤ ፑርታ ሚሢ ዒንሢኮ ዓኣቶ ጋዓንቴ ፑርታ ዓኣፒ ዒንሢ ዴንቃንዳኔ፤
23593	MAT 12:35	«ኮሺ ዓሲ ዒና'' ዓኣ ኮሹሞይዳፓ ኮሺ ባኣዚ'' ጌስታኔ፤ ፑርታ ዓሲ ፔኤኮ ዒና'' ዓኣ ፑርቱሞይዳፓ ፑርታ ባኣዚ'' ጌስታኔ።
23595	MAT 12:37	ዬይ ያዺ ማዓዛ ኔ ኮሺ ጌስቴቴ ኮሺ ባኣዚ'' ኔኤም ዎጊንታንዳኔ፤ ኔኤኒ ፑርታ ጌስቴቴ ፑርታ ኔጊዳ ዎጊንታንዳኔ» ጌዔኔ።
23596	MAT 12:38	ዒማ''ና ሙሴ ዎጎ ዔርዛ ዓሶና ፔርሴ ዓሶና ዬሱሴ ኮራ፦ «ዔርዛሢዮ፤ ኔኤኒ ፆኦሲ ዎልቄና ማዺንታ ዓኪ ባኣዚ'' ማዻንቴ ኑ ዛጋኒ ኮዓኔ!» ጌዔኔ።
23597	MAT 12:39	ዒዚ ጋዓንቴ ዔያቶም፦ «ፑርታ ሃሣ ጉሙርቂንቱዋ ሃያ ዎዶ'' ዓሳ ፆኦሲ ዎልቄና ማዺንታ ዓኪ ባኣዚ'' ዛጋኒ ኮዓኔ፤ ጋዓንቴ ፆኦሲ ማሊፆ ኬኤዛሢ፥ ዮናኣሴይዳ ማዺንቴ ዓኮ ባካፓ ዓታዛ ሜሌ'' ፆኦሲ ዎልቄና ማዺንታ ዓኪ ባኣዚ'' ዔያቶም ማዺንታዓኬ።
23600	MAT 12:42	ዓጮ''ይዳ ፆኦሲ ዎጋ ኬሎ''ና ሳኣባ ዓጮ'' ካኣቴላ ሃያ ዓሶ ዑፃ ዎጋንዳኔ፤ ዓይጎሮ ጌዔቶ ዒዛ ካኣቲ ሴሎሞኔኮ ዔራቶ ዋይዚ ዓጪ ዙልካፓ ሙኬያታሢሮኬ፤ ያዺ ማዔቶዋ ሴሎሞኔይዳፓ ባሼ ሃይካ ዓኣኔ» ጌዔኔ።
23601	MAT 12:43	ዬሱሴ ሃሣ፦ «ፑርታ ዓያና ዓሲዳፓ ኬስኬ ዎዶ''ና ጌላንዳ ቤሲ ኮይ ኮይ ዋኣሢባኣ፥ ዓሲ ናንጉዋ ዳውሎ''ይዳ ሃንታኔ። ጋዓንቴ ጌሎንዶ ቤሲ ዴንቁዋሴ፤
23602	MAT 12:44	ዬያሮ ‹ታ ኬስኬ ማኣሮ ማዒ ዓኣዻንዳኔ› ጋዓኔ። ማዒ ዒ ሙካ ዎዶ''ና ኬኤፃ ጉሪ ማዒ፥ ጌኤሽኪ፥ ጊኢጊ ዓኣንቴ ዴንቃኔ።
23603	MAT 12:45	ዬካፓ ፑርቶ ዓያና''ሢ ዓኣዺ ዒዛይዳፓ ባሼ ፑርታ ሜሌ'' ላንካይ ፑርታ ዓያና ቡኩሲ ዔኪ ሙኪ ዒዚ ቤርታ ዓኣ ዓሢዳ ጌሊ ዎላ'' ናንጋኔ፤ ዬያሮ ዬያ ዓሢኮ ጋፒንፆ ናንጋ ቤርታኣስካፓ ባሼ ፑርታ ማዓኔ። ሃያ ዎዶ'' ፑርቶ ዓሶ ዑፃ ማዓንዳ ባካ ዬያ ማላ ባኣዚ''ኬ» ጌዔኔ።
23605	MAT 12:47	ዒማ''ና ዒኢካ ዓኣ ዓሶይዳፓ ፔቴ''ስኬይ ዬሱሴ ኮሮይዳ፦ «ሃይሾ ኔኤኮ ዒንዶና ጌርሲንሢና ኔና ኮዒ ካራ'' ዔቂ ዓኣኔ» ጌዔኔ።