23236	MAT 1:23	«ሓይሾ ዓቲንቄ ዔሩዋ ኩሙሢ ዉዱሮ ናይ ጎጲ ዔኪ፥ ዓቲንቄ ናይ ሾዓንዳኔ፤ ሱንፃ ዒዛኮ ‹ዓማኑዔኤሌ› ጌይንቲ ጌሢንታንዳኔ» ጌዒ ኬኤዜሢ ኩማንዳጉዲኬ። (ዓማኑዔኤሌ ጌይፃ፦ ፆኦሲ ኑኡና ዎላ''ኬ ጌይሢኬ።)
23262	MAT 3:1	ዬኖ ዎዶ''ና ማስካ ዮሓኒሴ ዪሁዳ ዓጫ'' ዓሲ ናንጉዋ ዳውሎ''ይዳ ዓሶም ኮዦ ሃይሶ ኬኤዚ ኬኤዚ ሙኬኔ።
23264	MAT 3:3	« ‹ጎዳኮ ጎይፆ ጊኢጊሹዋቴ፥ ሉኡጎ ጎይፆዋ ፒዚሱዋቴ› ጌዒ ጌዒ ዓሲ ናንጉዋ ዳውሎ''ይዳ ዒላታ ዓሲ ዑኡሲ» ጌዒ ፆኦሲ ማሊፆ ኬኤዛ ዒሲያሴ ኬኤዜሢ ዬያ ዮሓኒሴ ዛሎ''ኬ።
23265	MAT 3:4	ዮሓኒሴኮ ማኣዓሢ ጋኣሎ ጋፓኔፓ ኮሾ''ናያኬ፤ ኬርኖይዳ ዒ ቃልሾ ቱካ''ኔ፥ ሙዓ ሃሣ ዒዛኮ ዓቢሢና ዑቶ ዔኤሲ''ናኬ፤
23266	MAT 3:5	ዬኖ ዎዶ''ና ዪሁዳ ዓጮ'' ዬሩሳላሜ ካታማ''ፓ፥ ዮርዳኖሴ ዎሮ ኮይላ'' ዓኣ ዓጫ''ፓ ዓሳ ቢያ ዮሓኒሴ ኮይላ'' ሙኪ፥
23268	MAT 3:7	ዮሓኒሴ ሚርጌ ፔርሴ ዓሲንታ ሶዶቄ ዓሲንታ ዋኣፆና ማስታኒ ዒዛ ኮራ ሙካሢ ዛጋዖ፦ «ሃይ ዒንሢ ሾኦዣ! ሙካ ፆኦሲኮ ጎሪ''ንቶይዳፓ ዒንሢ ቶላ''ንዳ ጎይፆ ዖኦኒ ዒንሢም ኬኤዜይ?
23272	MAT 3:11	ሓሢ ታ ዒንሢ ጎሞ ቡኡፂፆ ዔርዛያ ማሂ ዋኣሢና ማስካኔ፤ ጋዓንቴ ታኣኮ ጊንፆ ሙካሢ ዓያና ጌኤሺና ሃሣ ታሚና ዒንሢ ማስካንዳኔ፤ ዒ ታጊዳፓ ሚርጌና ባሼታሢሮ ታ ዒዛኮ ቶኮ'' ዱርዞታዖ ኬዳኒ ኮይሳ ዓሲቱዋሴ።
23274	MAT 3:13	ዬኖ ዎዶ''ና ዬሱሴ ዮሓኒሴ ኮራ ዋኣፆ ማስታኒ ጌሊላ ዓጮ''ይዳፓ ዮርዳኖሴ ዎሮ ሙኬኔ።
23275	MAT 3:14	ዮሓኒሴ ጋዓንቴ፦ «ዬይ ማዓዓኬ፤ ታ ኔ ኮራ ማስታኒ ኮይሳንቴ፥ ኔ ታ ባንሢ ሙካ?» ጌዒ ላኣጊሢ ዓርቄኔ።
23276	MAT 3:15	ዬሱሴ፦ «ፆኦሲ ኮዓ ባኮ ቢያ ሂዲ ኑ ኩንሣንዳያ ኮይሳሢሮ ሃሢ ላኣጊፖ፤ ያዒ ማማዖንጎ» ጌዒ ማሃዛ፥ ዮሓኒሴ ዒ ጌዔሢ ዋይዛዖ ዬሱሴ ዋኣፆና ማስኬኔ።
23288	MAT 4:10	ዬሱሴ ማሃዖ፦ «ኔኤኒ ሓይ ፃላሄ፥ ሴካ ሺኢኬ! ‹ኔ ጎዳ ፆኦዛሢም ዚጌ፤ ሃሣ ዒዛ ሌሊ ካኣሽኬ› ጌይንቲ ፃኣፒንቴኔ» ጌዔኔ።
23290	MAT 4:12	ዮሓኒሴ ቱኡቴሢ ዬሱሴ ዋይዜ ዎዶ''ና ጌሊላ ዓጮ'' ዓኣዼኔ፤
23299	MAT 4:21	ዬማፓ ዻካ'' ዶጫዖ ሃሣ ላምዖ ዎሊኮ ጌርሲንሢ ማዓያ፥ ዜብዲዮሴ ናይ፥ ያይቆኦቤና ዮሓኒሴና ዴንቄኔ። ዔያታ ፔኤኮ ዓዶ ዜብዲዮሴና ዎላ'' ዋኣፆና ፒንቆ ጎንጎይዳ ሞላሢ ዓርቆ ሱዞ ኮሻ''ንቴ ዬሱሴ ዔያቶ ዔኤሌ''ኔ።
23336	MAT 5:33	ዬካፓ ሓሣ ዬሱሴ፦ «ሓያኮ ቤርታ ሚናኣ ዓሶም ‹ኔኤኒ ፆኦሲም ጫኣቄ ባኣዚ'' ኩኩንሤ፤ ኔ ጫኣቄ ባኮ ሃሺ''ፖ› ጌይንቴሢ ዒንሢ ዋይዜኔ።
23362	MAT 6:11	ሓናኣ ዓቢ ሙኡዚ'' ኑም ዒንጌ፤
23401	MAT 7:16	ዒንሢ ዔያቶኮ ማዾ'' ዓኣፖይዳፓ ዔራንዳኔ፤ ጋውዲዳፓ ኩሩንቱሼ፤ ሓሣ ጋኣላንሣይዳፓ ሻኣቢ ማንፂንታ?
23411	MAT 7:26	«ሓያ ታኣኮ ቃኣሎ'' ዋይዚ ማዹዋኣሢ ጋዓንቴ ማኣሮ ማኣሻላይዳ ማዤ ቦኦዛ ዓሲ ማላኔ።
23420	MAT 8:6	«ጎዳሢዮ! ታኣኮ ማዻሢ ሓርጊንቲ ዎቢ፥ ሚርጌ ሜታዺ ጋራ ላሂ ዓኣኔ፤ ታና ማኣዴ''» ጌዒ ሺኢቄኔ፤
23423	MAT 8:9	ታኣኒ ታ ቶኦኪና ዎይሣ ዓሲም ዓይሢንታያ ሓሣ ታ ዴማ''፥ ታኣም ዓይሢንታ ፖኦሊሴ ዓኣኔ፤ ዔያቶይዳፓ ፔቴ''ሢ ‹ዴንዴ!› ታ ጋዓዛ ዴዴንዳኔ፤ ባጋሢ ሃሣ ‹ሃኒ ዬዔ!› ታ ጋዓዛ ሙካኔ፤ ታኣም ማዻሢ ‹ሃያ ታኣም ማዼ!› ታ ጋዓዛ ዒ ማማዻኔ» ጌዔኔ።
23440	MAT 8:26	ዬሱሴ ዒማ''ና፦ «ሓይ ዒንሢ ጉሙርቂፃ ፓጬ ዓሳ፥ ዓይጎሮ ዒንሢ ሃያይዲ ዒጊጬይ!» ጋዓዖ፥ ዔቂ ዢባሮና ዼኤፖ ጉዳሢና ጎሬም ቤዞና ቢያ ባካ ዚቲዮ ጌዔኔ።
23458	MAT 9:10	ዬካፓ ዬሱሴ ማቲዎሴ ማኣሮይዳ ሙዓኒ ዴዓዛ ሚኢሾ ቡኩሳ ዓሶንታ ጎሞ ዓሶንታ ሚርጌ ዓሲ ሙኪ ዒዛና ሓሣ ዒዛኮ ጊንጸ ሃንታዞንሢና ዎላ'' ሙዓኒ ዴዔኔ።
23462	MAT 9:14	ዒማና ማስካ ዮሓኒሴኮ ጊንፆ ሃንታ ናኣታ'' ዬሱሴ ኮራ ሙካዖ፦ «ኑኡና ፔርሴ ዓሶና ሙዖ ሃሺ''ፆ ዳምቦ ካፓንቴ፥ ኔ ጊንፆ ሃንታ ናኣታ'' ዓይጎሮ ዬያይዲ ካፑዋይ?» ጌዒ ዖኦጬኔ።
23488	MAT 10:2	ታጶ ላምዖ ዒዛ ጊንፆ ሃንታዞንሢኮ ሱ'ንፃ፦ ቤርታ ሲሞኦኔ ጌይንታ ጲፂሮሴንታ ዒዛኮ ጌርሲ ዒንዲራሴ፥ ዜብዲዮሴ ናኣቶ''ንሢ፦ ያይቆኦቤ፥ ዮሓኒሴ፤
23530	MAT 11:2	ማስካ ዮሓኒሴ ቱኡዞ ማኣራ ቱኡቲ ዓኣዖ ኪሪስቶሴ ማዻ ባኮ ዋይዜኔ፤ ዬያሮ ዒዛኮ ጊንፆ ሃንታዞንሢዳፓ ዬሱሴ ኮራ፦
23532	MAT 11:4	ዬሱሴ ዔያቶም፦ «ዴንዲጋፓ ዒንሢ ዛጌ ባኮና ዋይዜ ባኮና ቢያ ዮሓኒሴም፦
23535	MAT 11:7	ዮሓኒሴ ኮራፓ ሙኬ ኪኢቶ'' ዓሶንሢ ማዒ ዴንዳዛ ዬሱሴ ዮሓኒሴ ዛሎ'' ዴሮ''ም፦ «ዒንሢ ሃሢ ዓይጎ ዛጋኒ ዓሲ ናንጉዋ ዳውሎ'' ሙኬይ? ዢባራ ዓጊሣ ፒሎ'' ዛጋኒዳ?
23539	MAT 11:11	ጎኔ ታ ዒንሢም ጋዓኔ፤ ዓጮ''ይዳ ሾይንቴ ዓሶይዳ ቢያ ማስካ ዮሓኒሴይዳፓ ባሼ ባኣሴ። ጋዓንቴ ፆኦሲ ካኣቱሞይዳ ቢያይዳፓ ሂርኬ ማዔሢ ዒዛይዳፓ ባሻንዳኔ።
23540	MAT 11:12	ማስካ ዮሓኒሴ ዎዶ''ይዳፓ ሃኖ'' ሄላ''ንዳኣና ፆኦሲ ካኣቱማ ዎልቄና ዳልጊ ዳልጊ ዓኣኔ፤ ዓካሪ ሚርጌና ዒዞሮ ሜታዻዞንሢ ዒዞ ዴንቃንዳኔ» ጌዒ ኬኤዚሢ ዓርቄኔ።
23541	MAT 11:13	ሓሣ ዬሱሴ፦ «ፆኦሲ ማሊፆ ኬኤዛ ዓሶና ሙሴ ዎጎና ሙኪ ማስካ ዮሓኒሴ ሄላ''ንዳኣና ፆኦሲ ካኣቱሞ ዛሎ'' ኬኤዚ ኬኤዚ ዴዔኔ።
23542	MAT 11:14	ዓካሪ ዔያታ ኬኤዜ ባኮ ዒንሢ ዋይዛኒ ኮዔያታቶ ዬይ ሙካንዳኔ ጌይንቴ ዔኤሊያሴ፥ ሃይሾ ሃያ ዮሓኒሴኬ።
23546	MAT 11:18	ማስካ ዮሓኒሴ ሙኡዚ'' ሙዑዋዖ ሃሣ ዑሽኩዋዖ ሙካዛ ‹ሃያይዳ ፑርታ ዓያና ዓኣኔ!› ዔያታ ጌዔኔ፤
23547	MAT 11:19	ዓሲኮ ናዓሢ ሓሣ ሙዒ ዑሽኪ ዑሽኪ ሙካዛ፥ ‹ሓሣ ሃይ ሙኡዚ''ና ዑሺና ናሽካያኬ፤ ሚኢሾ ቡኩሳ ዓሶና ጎሞ ዓሶናኮ ላጌኬ!› ዔያታ ጌዔኔ። ያዺ ማዔቴያ ዔራቶኮ ጎኑማ ፔ ማዾ''ና ፔጋዺ ዔርታንዳኔ» ጌዔኔ።
23551	MAT 11:23	ሓና ኔ ቂፒርናሆሜ! ጫሪንቺ ሄላ''ኒ ኔ ኮይባይ? ጋዓንቴ ፆኦሲ ኔና ጋኣናኣሜ ታሞ''ይዳ ጌልዛንዳኔ፤ ኔጊዳ ማዺንቴ ፆኦሲ ዎልቄና ማዺንታ ዓኮ ባካ ዎንዴ ሶዶሜይዳ ማዺንቴያታቴ ዬና ካታሜላ ሃኖ'' ሄላ''ንዳኣና ዓኣያ ናንዳንዳቴኬ።
23581	MAT 12:23	ዒማ''ና ዴራ'' ቢያ ዲቃቲ ሄርሻዖ፦ «ሓይ ዳውቴ ናዓሢ ማዓንዳሞ?» ጌዔኔ።
23663	MAT 13:55	ሃይ ሚፆ ዓርሳ ሃኣማ''ሢ ናኣዚ''ቱዋዓዳ? ዒንዳ ዒዛኮ ማይራሞቱዋዓዳ? ሃሣ ጌርሲንሢያ ዒዛኮ ያይቆኦቤንታ ዮሴፔንታ ሓሣ ሲሞኦኔንታ ዪሁዳንታቱዋዓዳ?
23668	MAT 14:2	ዒዛኮ ዶንዞ ኮራ፦ «ያኣዼ ማዔቶ ማስካ ዮሓኒሴ ሃይባ''ፓ ዔቂ ሙኬኔ ጌይሢኬ፤ ሃይ ቢያ ማዺንታ ዓኮ ባካ ማዺንታሢ ዬያሮኬ» ጌዔኔ።
23669	MAT 14:3	ዬያኮ ቤርታ ሄሮዲሴ ዒዛኮ ጌርሲ ፒልጶሴ ማቾ፥ ሄሮዲያዳ ዔኬ ዛሎ''ና ዮሓኒሴ ዓይሢ ቱኡዞ ማኣራ ቱኬ''ኔ።
23670	MAT 14:4	ዮሓኒሴ ዒ ቱኪ''ሴሢ፦ «ኔኤኒ ዒዞ ዔካንዳያ ዎጋ ዓይሱዋሴ» ጌዔሢሮኬ።
23671	MAT 14:5	ዬያሮ ሄሮዲሴ ዮሓኒሴ ዎዻኒ ኮዔኔ፤ ጋዓንቴ ዓይሁዶ ዓሳ ዮሓኒሴ ፆኦሲ ማሊሢ ኬኤዛያ ማሂ ዛጋሢሮ ዒ ዒጊጬኔ።
23674	MAT 14:8	ዬካፓ ዒዛ ዒንዳ ዒዞ ዞሬም፦ «ማስካ ዮሓኒሴኮ ቶኦኮ ሃሢ ታኣም ጎንጊዳ ዓጊ ዒንጌ» ጌዔኔ።
23675	MAT 14:9	ዬያ ዋይዛዖ ካኣቲ ኮሺ'' ዖዬኔ፤ ማዔቶዋ ዒ ዓሶ ቤርታ ዒዞም ጫኣቄሢሮ ዮሓኒሴኮ ቶኦካ'' ዒዞም ዒንጊንታንዳጉዲ ዓይሤኔ።
23676	MAT 14:10	ዬያሮ ዓሲ ዳኪ ማስካ ዮሓኒሴኮ ቶኦኮ'' ቱኡዞ ማኣራ ቲቂሲ፥
23678	MAT 14:12	ዬካፓ ዮሓኒሴኮ ጊንፆ ሃንታ ናኣታ'' ሙኪ ዒዛኮ ሌዞ ዔኪ ዱኡካዖ ዴንዲ ዬያ ባኮ ዬሱሴም ኬኤዜኔ።
23679	MAT 14:13	ዬሱሴ ዮሓኒሴኮ ሃይቦ'' ዋይዜ ዎዶ''ና ዋኣፆና ፒንቆ ጎንጎ ቶጊ፥ ዓሲባኣ ዔዌ ቤሲ ፔኤሮ ሌሊ ዴዓኒ ዓኣዼኔ፤ ዴራ'' ጋዓንቴ ዬያ ዋይዛዖ ዔያታ ዓኣ ካታማ''ፓ ኬስኪ ኬስኪ ቶኪና ዒዛ ጊንፆ ዒ ዓኣ ቤዞ ዓኣዼኔ።
23710	MAT 15:8	‹ሓይ ዴራ'' ዻንጎና ታና ቦንቻኔ፥ ዒና'' ጋዓንቴ ታጊዳፓ ሃኬያኬ፤
23744	MAT 16:3	ጉቶ ሃሣ ‹ሃኖ'' ሳዓ ሻኣሬናኬ፤ ዒርዚ ዋርቃንዳኔ› ዒንሢ ጋዓኔ፤ ዬያይዲ ጫሪንጮ ዛጊ ዒንሢ ዔሪ ዔራኔ፤ ጋዓንቴ ሓሢ ማዺንቲ ማዺንቲ ዓኣ ባኮ ዛሎ'' ዒንሢ ዔራኒ ዳንዳዒባኣሴ።
23745	MAT 16:4	ፑርታ ሓሣ ጉሙርቂሢ ባኣያ ማዔ፥ ሃያ ዎዶ'' ዓሳ ማላታ ዛጋኒ ኮዓኔ፤ ጋዓንቴ ፆኦሲ ማሊፆ ኬኤዛ ዮናሴ ማላቶ''ይዳፓ ዓታዛ ሜሌ'' ማላታ ዔያቶም ዻዊንታዓኬ» ጋዓዖ፥ ዬሱሴ ዔያቶ ሃሺ'' ሜሌ ቤሲ ዓኣዼኔ።
23755	MAT 16:14	ዔያታ፦ «ፔቴ'' ፔቴ'' ዓሳ ‹ማስካ ዮሓኒሴኬ› ጋዓኔ፤ ዛላ'' ሃሣ ‹ዔኤሊያሴኬ› ጋዓኔ፤ ዓቴ'' ዓሳ ሃሣ ‹ዔርሚያሴኬ፤ ሃንጎ ፆኦሲ ማሊፆ ኬኤዛዞንሢዳፓ ፔቴ''ሢኬ› ጋዓኔ» ጌዔኔ።
23770	MAT 17:1	ላሆ'' ኬሊ''ኮ ጊንፃፓ ዬሱሴ ጴፂሮሴና ያይቆኦቤና ሃሣ ያይቆኦቤኮ ጌርሲ ዮሓኒሴና ሌሊ ዔኪ ዼኤፒ ዹካ ኬስኬኔ።
23782	MAT 17:13	ዬማ''ና ዒዛና ዓኣ ጊንፆ ሃንታዞንሢ ዬሱሴ ዔያቶም ኬኤዜሢ' ማስካ ዮሓኒሴ ዛሎ'' ማዔሢ ዔሬኔ።
23786	MAT 17:17	ዬሱሴ፦ «ሓይ ዒንሢ ጉሙርቁዋ ዎቦ ዓሳ! ዓይዴ ሄላ''ንዳኣና ታ ዒንሢና ናንጋንዳይ? ሃሣ ዓይዲ ሄላ''ንዳኣና ታ ዒንሢ ጊቢ'' ዳንዳዓንዳይ? ሂንዳ ናዓሢ ታኣም ዔኪ ዬዑዋቴ!» ጌዔኔ።
23790	MAT 17:21	ሓያ ጉዴሢ ሙኡዚ'' ሃሺ'' ሺኢቆ ሺኢጲሢና ማዒባኣቶ ኬስኩዋሴ» ጌዔኔ።]
23800	MAT 18:4	ሓይማ ናዖጉዲ ፔና ሂርኪዳሢ ጫሪንጮ ካኣቱሞይዳ ዼኤፒ ማዓንዳኔ።
23808	MAT 18:12	ሓሣ ዬሱሴ ኬኤዛዖ፦ «ዒንሢም ዓይጎ ማላይ? ፔቴ'' ዓሲኮ ፄኤታ ማራይ ዓኣዖ ዔያቶይዳፓ ፔቴ'' ባይቄቴ ታዞጲታሞ ታዞጶ ሄንቃ ዹኮ''ይዳ ሃሺ'' ባይቄ ማራዓሢ ኮዓኒ ዓኣዹዋዓዳ?
23812	MAT 18:16	ኔኤም ዒ ዋይዚባኣቶ ጌኤሲ ላምዖ፤ ሃሣ ሃይሦ ዓሲ ማርካቶና ጎናዻሢሮ ላምዖ ሓንጎ ሃይሦ ዓሲ ዔኪ ዒዛ ኮይላ'' ዴንዴ።
23814	MAT 18:18	ሓሣ ዒ ኬኤዛዖ፦ «ጎኔ ታ ዒንሢም ጋዓኔ፤ ሳዖይዳ ዒንሢ ‹ያዺ ማዖም› ጌዔ ባካ ጫሪንጫ ዒማዺ ማዓንዳኔ፤ ሳዖይዳ ዒንሢ ‹ማዖፓ› ጌዔ ባካ ጫሪንጮይዳኣ ማዑዋያ ማዓንዳኔ።
23897	MAT 21:2	«ሓኖ'' ሴኮ ቤርታ ዓኣ ጉርዴሎ ዓኣዹዋቴ፤ ዒኢካ ዒንሢ ሄሄላ''ዖ ፔቴ'' ቱኡቲ ዓኣ ሃሬ ናዖና ዎላ'' ዴንቃንዳኔ፤ ዬያሮ ዬማ ሃሮ''ማ ቡሊ'' ዔኪ ታኣም ዬዑዋቴ።
23900	MAT 21:5	«ሚዛጲ ዉዱሮ ናይ ማላ ዬሩሳላሜ ካታሜ''ሎም ‹ሓይሾ ኔኤኮ ካኣታ''ሢ ሚጪንታያ ማዒ ሓሬ''ሎ ሃሣ ሓሬ''ሎኮ ናዖ ቶጊ ኔ ባንሢ ሙካኔ› ጎዑዋቴ» ጌይንቴሢ ኩማ''ንዳጉዲኬ።
23902	MAT 21:7	ሓሬ''ሎዋ ናዖማና ዎላ'' ዔኪ ሙካዖ ፔኤኮ ዓፒሎ ዔያታ ሃሮ''ንሢ ዑፃ ጌሣዛ ዬሱሴ ቶጌኔ።
23906	MAT 21:11	ዒዛና ዎላ'' ሙካ ዓሳ፦ «ሓይ ጌሊላይዳ ዓኣ፥ ናዚሬቴ ካታሜ''ሎይዳፓ ሙኬያ፥ ፆኦሲ ማሊፆ ኬኤዛ ዬሱሴኬ» ጌዔኔ።
23911	MAT 21:16	ዔያታ ዬሱሴ ኮራ፦ «ሓይ ናኣታ'' ጋዓ ባኮ ኔ ዋይዙዋዓዳ» ጌዔኔ። ዬሱሴ ማሃዖ፦ «ሂዮ፥ ታ ዋይዛኔ፤ ጌኤዦ ማፃኣፖይዳ ‹ዻኮ'' ናኣቶ''ንታ ዻንቃ ናኣቶ''ንታ ኔና ጋላታንዳጉዲ ኔ ማሄኔ› ጋዓሢ ዒንሢ ፔቴ''ታዖ ናባቢባኣዓዳ?» ጌዔኔ፤
23913	MAT 21:18	ዚሮ ጉቴ''ሎ ዬሱሴ ጉቴ'' ዓማ'' ሓንጋ ካታሞ ማዒ ሙኪቤቃ ናይዺንቴኔ፤
23918	MAT 21:23	ዬሱሴ ጌኤዦ ማኣሮ ጌሊ ዔርዚፆይዳ ዓኣንቴ ቄኤሶኮ ሱኡጎና ዴሮ''ኮ ጪሞና ሙካዖ፦ «ሓያ ቢያ ኔ ማዻ ባኮ ማዻሢ ዓይጎ ቢታንቶናዳይ? ሓያ ቢታንቶ ኔኤም ዒንጌሢያ ዖናዳይ?» ጌዒ ዒዛ ዖኦጬኔ።
23920	MAT 21:25	ማስካ ዮሓኒሴኮ ዋኣፆና ማስኪፃ ዓንካፓዳይ? ፆኦሲዳፓሞ ዓሲዳፓዳይ?» ጌዔኔ። ዬያሮ ዔያታ ዎላ'' ጌስታዖ፦ «‹ፆኦሲዳፓኬ› ኑ ጌዔቶ ‹ሂዳዖ ዒንሢ ዓይጎሮ ዒዛሲ ጉሙርቂባኣይ?› ዒ ጋዓንዳኔ፤
23921	MAT 21:26	‹ዓሲዳፓኬ› ኑ ጌዔቶ ሃሣ ማስካ ዮሓኒሴ ዓሳ ፆኦሲ ማሊሢ ኬኤዛ ዓሲ ማሂ ዛጋሢሮ ዴራ'' ኑና ዒጊቻኔ» ጌዔኔ።
23923	MAT 21:28	ዬካፓ ዬሱሴ፦ «ሂንዳ ዒንሢም ዓይጎ ማላቶዋ? ፔቴ'' ባኣዚ'' ታ ዒንሢም ኬኤዞም፤ ፔቴ'' ዓሲኮ ላምዖ ናይ ዓኣኔ፤ ዔያቶይዳፓ ፔቴ''ሢ ኮራ ዓዳሢ ሙካዖ ‹ታ ናዓሢዮ! ሓኖ'' ጎዦ ዴንዲ ማዾ ማዼ› ጌዔኔ።
23925	MAT 21:30	ሓሣ ዓዳሢ ባጎ ናዓሢ ኮራ ዴንዳዖ፥ ዒዚያ ዴንዲ ማዻንዳጉዲ ዓይሣዛ ናዓሢ ‹ዔኤዔ፥ ታ ዓኣዻንዳኔ› ጌዔኔ፤ ጋዓንቴ ማዻኒ ዴንዲባኣሴ።
23927	MAT 21:32	ማስካ ዮሓኒሴ ጌኤሹሞ ጎይሢ ዒንሢ ዻዋኒ ዒንሢ ኮራ ሙካዛ ዒንሢ ዒዛሲ ጉሙርቂ ዔኪባኣሴ፤ ሚኢሾ ቡኩሳ ዓሶና ዓኒ ሃሣ ማቾ ማዒባኣ ዓሶና ላሃ ዓሳ ጋዓንቴ ጉሙርቂ ዒዛሲ ዔኬኔ። ዒንሢ ዬያ ዛጌሢኮ ጊንፃኣታዖ ጎሞ ዒንሢኮ ቡኡፂ ጎናሲ ዒዛሲ ዔኪባኣሴ።»
23928	MAT 21:33	ሓሣ ዬሱሴ ሜሌ'' ማሊሢ ኮኦኪንሢና፦ «ፔቴ'' ዎይኔ ጎሺ ዓኣ ዓሲ ጎዦኮ ቲኢፆ ዲርቂ፥ ዎይኖ ጩኡጶንዶ ዔቴያ ላሌ ሹቺዳ ቦኦኪ ኮሼ''ኔ፤ ሃሣ ካፒፆም ማዓ ሴኤላኣ ሴኤሊ''፥ ዬካፓ ጎዦ ዒዛማኣ ጎሽካንዳ ዓሲም ዒንጊ ሜሌ'' ዓጪ ዓኣዼኔ።
23973	MAT 22:32	ዒዚ ‹ታኣኒ ዓብራሃሜ ፆኦሲ፥ ዪሳኣቄ ፆኦሲ ሃሣ ያይቆኦቤ ፆኦሲኬ› ጌዔኔ፤ ዬያሮ ፆኦሲ ሼምፖና ናንጋ ዓሶ ፆኦሲ፤ ሓይቄቶዋ ናንጊና ናንጋ ዓሶ ፆኦሲኬ» ጌዔኔ።
23992	MAT 23:5	ዔያታ ማዻ ማዻ'' ቢያ ዓሲ ዛጎም ጌዒኬ፤ ዬያሮ ካኣዦ ዛሎ'' ባኮ ፃኣፒ ቶኦካ'' ሓሣ ቃሳ'' ቱኮ'' ዓፒሎዋ ዔያታ ኮሺ'' ዳልጊሻኔ፤ ሃሣ ዓፒሎኮ ማጫሮዋ ዖዶሳኔ፤
24001	MAT 23:14	«ዒንሢ ፂሎ''ቱዋዖ ፔና ‹ፂሎ''ኬ› ጋዓ፥ ሙሴ ዎጎ ዔርዛ ዓሶና ፔርሴ ዓሳ ዒንሢ ባዴዔ! ዓኒንሢ ሓይቄ ላኣሎኮ ማኣሮ ዒንሢ ቡራያታዖ ዓሲ ‹ፆኦሲ ሺኢቃኔ› ዒንሢ ጎዖንጎ ጌዒ ዖዶሲ ሺኢጲሢ ዒንሢ ሺኢቃኔ፤ ዬያሮ ፑርታ ዎጌ ዒንሢዳ ዎጊንታንዳኔ።]
24028	MAT 24:2	ዒዚ ጋዓንቴ፦ «ሓያ ዒንሢ ቢያ ዛጋ? ጎኔ ታ ዒንሢም ጋዓኔ፤ ሓይ ሹጮና ኬልቂንቲ ማዢንቴ ማኣራ ፔቴ'' ሹቺታዖ ዓቱዋንቴ ዶዓንዳኔ» ጌዔኔ።
24077	MAT 24:51	ዬያ ማዻሢ ቲቂ ቲቂ ኬኤራንዳኔ፤ ዒዛኮ ናንጎ ቤዞዋ ጌኤሺቱዋዖ ፔና ጌኤሺ ማሊሳ ዓሶና ዎላ'' ማሓንዳኔ፤ ዒኢካ ዬኤኪ ሃሣ ሜታዺ ዓቺ ዒ ዻዓንዳኔ።»
24078	MAT 25:1	ዬካፓ ዬሱሴ፦ «ዬኖ ዎዶ''ና ጫሪንጮ ካኣቱማ ጌሊፆ ጎይፃ' ዑኡታ ጎይሣ ዔካኒ ፖዒ ዔኪ፥ ኬስኪ ካፔ ታጶ ዉዱሮ ናይስኬንሢ ሓይሴጉዲ ማዓንዳኔ።
24131	MAT 26:8	ዒዛኮ ጊንፆ ሃንታ ናኣታ'' ዬያ ዛጌ ዎዶ''ና ጎሪ''ንታዖ፦ «ሓያ ሳውቃ ቲዦ ጉሪ ላኣሎሢ ዓይጎሮዳይ!
24249	MAT 27:51	ዬኖና ጌኤዦ ማኣሮኮ ዱማሲፆሮ ጎኦቦና ዓፒላ'' ሎፓ ሉ ሄሊ'' ዳርዒ፥ ላምዖ ፓቂንቴኔ፤ ሓሣ ሳዓኣ ዓጊፄም ላላ ፃሄኔ፤
24250	MAT 27:52	ዬማና ሚርጌ ዱኡፒ ቡሊ''ንቴም ፆኦሲም ዱማዼያ ማዔ ሓይቄ ዓሲያ ሃይባ''ፓ ዔቄኔ።
24265	MAT 28:1	ዓይሁዶ ዓሶኮ ሃውሾ ኬላ'' ጋፓዛ ዚሮ ጉቴሎ ጉቴ ዓማ'' ሜግዴላ ዓጮ'' ማይራሞና ሓሣ ሃንጎ ማይራሞና ዎላ'' ዬሱሴኮ ዱኡፖ ዛጋኒ ዓኣዼኔ።
24285	MRK 1:1	ሓይ ፆኦሲ ናዓሢ ዬሱስ ኪሪስቶሴኮ ኮዦ ሓይሶ ቤርቶኬ፤
24288	MRK 1:4	ማስካ ዮሓኒሴ ዓሲ ናንጉዋ ዳውሎ''ይዳ ዓሶም፦ «ፆኦሲ ዒንሢም ጎሞ ዓቶም ጋዓንዳጉዲ ጎሞ ቡኡፂ ቡኡፂ ዋኣሢና ማስቱዋቴ» ጌዒ ኬኤዚ ኬኤዚ ሙኬኔ።
24290	MRK 1:6	ዮሓኒሴ ጋኣሎ ጌይንታ ቆሎኮ ጋፓኔፓ ኮሾ''ና ማኣዖ ማይንቲ፥ ኬርኖይዳ ቃልሾ ቱካ''ኔ፤ ዒዛኮ ሙዓ ዓቢሢና ዑቶ ዔኤሲ''ናኬ።
24293	MRK 1:9	ዬኖ ዎዶ''ና ዬሱሴ ጌሊላ ዓጫ'' ዓኣ ናዚሬቴ ካታማፓ ሙኪ ዮርዳኖሴ ጎዖ ዎራ ዮሓኒሴ ኮራ ማስቴኔ።
24298	MRK 1:14	ዮሓኒሴ ቱኡዞ ማኣራ ቱኡቴስካፓ ዬሱሴ ፆኦሲኮ ኮዦ ሓይሶ ኬኤዚ ኬኤዚ ጌሊላ ዓጮ'' ሙኬኔ።
24299	MRK 1:15	ዒዚ ኬኤዛዖ፦ «ፒዙሞ ዎዳ'' ሙኬኔ፤ ሓሣ ፆኦሲኮ ካኣቱማ ዑኬኔ፤ ጎሞይዳፓ ማዑዋቴ፤ ሓያ ኮዦ ሓይሶዋ ጉሙርቁዋቴ» ጌዔኔ።
24301	MRK 1:17	ዬሱሴያ ዔያቶም፦ «ሓኒ ታ ጊንፆ ሙኩዋቴ፤ ታኣኒ ዒንሢ ዓካሪ ዓሲ ፒሪ ዓርቃያ ማሓንዳኔ» ጌዔኔ።
24302	MRK 1:18	ዔያታ ቤዞና ፔኤኮ ሞላሢ ዓርቆ ሮኦጮጉዴ ሱዞ ሓሺ'' ዒዛ ጊንፆ ዓኣዼኔ።
24303	MRK 1:19	ዬካፓ ዒዚ ዻካ'' ሓኬስካፓ ሓሣ ሜሌ'' ዒሾና ጌኤዚና ማዔያ ዴንቄኔ፤ ዔያታኣ ዜብዲዮሴ ናኣቶ''ንሢ ያይቆኦቤና ዮሓኒሴናኬ፤ ዬንሢያ ዋኣፆና ፒንቆ ጎንጎይዳ ፔኤኮ ሞላሢ ዓርቆ ሮኦጮጉዴ ሱዞ ኮሻ''ኔ፤
24304	MRK 1:20	ዬሱሴ ዔያቶ ዛዛጋዖ ዔኤሌ''ኔ፤ ዔያታኣ ዬሱሴ ጊንፆ ዓኣዺፆሮ ዔያቶኮ ዓዳሢ ዜብዲዮሴና ዒዛኮ ማዻ ዓሶ ዋኣፆና ፒንቆ ጎንጎይዳ ሓሺ'' ዓኣዼኔ።